2007 年 4 月 1 日 星期日 【晴】

第一次起小學主日，因為安排左我今日起學校主日當值，但其實同自己參加崇拜係冇分別！！！

晚上去左將軍澳同Uncle Vincent同Ada一齊慶祝生日，後者係靈裡生日！！！好正好開心呀，時間過得好快呀！！！一齊祈禱、唱食飯歌、食飯、分享、拍照、傾計同埋笑！！！之後去左影貼紙相，八個人一齊影，影到一身汗呀！！！

好多謝每一個，多謝Ada既埃及書籤，Helen既攪笑朱古力！！！正～～～！
亦都祝Vincent同Ada每日愛主更深，主愛常滿！Maggie既身體可以回復健康！！！

>>April 4, 2007 at 12:05:12 PM GMT+8

2007 年 3 月 24 日 星期六 【晴】

越南之旅　－　展開

第一日(24/3)：
晚上６點半起飛，機程三小時，到越南當地時間係晚上８點幾。離開機場到表哥屋企係差不多十點，已經好累，因為當地十點已經係我地既十一點，而且天氣非常酷熱，我諗最低都有廿八九度，好累好累．．．．．．

25/3：
由表哥作導遊帶我地到周圍行下，已經開始諗下可以買咩手信好，有部分我已經帶左地址，準備寄名信片比大家。但經我一問，原來附近係冇郵局，要座差不多三至四小時電單車先可以寄到信，仲要用一個薄薄的紙盒載住寄，一磅之下，仲重過我寄既名信片，寄一張名信片差不多要成七至八美元，真係可怕！最後都係放棄，因為太唔值得啦，就唯有返去吧了。

26/3：
今日就一早起身，因為今日係表哥既婚禮，呢度既婚禮好簡單，亦都好特別。唔會好似香港咁又要提早過大禮等咁多工夫，只係婚禮當日搵六個著白色裇衫既男生，將六盒禮由男家送去女家的六個女生就完成，我亦係其中一個！果六盒分別係兩盒水果、一盒茶葉同酒、一盒餅、一盒蛋糕同一盒檳榔。

晚上就上酒店擺酒，同香港既冇咩分別，但過程中有一隊band一直唱歌贈慶！！！

27/3：
休息一日，起身都係去下海邊行下，好舒服好寫意呀！！！

28/3 & 29/3：
用越南幣一百萬租左一架車包兩日接送及回程，即係港幣五百元正，超值～～～！
去一個好靚好舒服既地方叫頭頓，這裡有好靚既沙灘，有好清既水，更加有好大既浪，而且仲有好好味既海鮮，真係將所有煩惱都唔記得啦．．．．．．起沙灘旁座低飲咖啡，好寫意！起越南咖啡真係好正，仲好普遍呀，起度咁多日都一日飲一杯！！！

30/3 (最後一日)：
一早就要去機場，咁就走啦，有ｄ唔捨得呢度！！！今朝當地時間早上六點起飛，四點半已經到左機場，準備返香港再搏過！！！

>>April 4, 2007 at 11:38:59 AM GMT+8

2007 年 3 月 22 日 星期四 【晴】

親子運動會簡直係喜出望外呀，竟然比我見返好耐冇見既舊同事(朋友)。原來佢兩個仔仔都係起我教緊果間小學度讀緊，細仔果班我更加係代過佢課！！！

呢個舊同事係我起SPACE讀書果時，做part time果公司既accountant。同佢傾開先知道佢冇做，其他傾得埋既同事都已經離開公司，原因係公司政治，小人當道！！！回想當日我離開都係呢個原因，公司政治真係唔掂，日日返到公司唔單只要做好自己本分，更加要提防其他人既計策，聽到都辛苦呀！！！

>>April 4, 2007 at 10:58:14 AM GMT+8

2007 年 3 月 19 日 星期一 【晴】

返左小學已經第三日啦，今個星期可以話係比較輕鬆，因為由今日開始連續三日係學生校內評估，唔洗點上堂，起碼唔會好似平日咁一日七堂爆晒。之後星期四22/3就係親子運動會，運動會之後有一日假期，然後我就會去越南啦～～～好期待呀，唔知果邊係點ge呢？

今日要幫一ｄ平時幫佢地既學生做評估、監考，難度唔高，但有點壓力！

>>April 4, 2007 at 10:37:08 AM GMT+8

2007 年 3 月 16 日 星期五 【乍暖還寒】

今日只係上四堂同有一堂代課，放學要開會，但已經好累！！！

今日深深感到呢份工既壓力同要付出既努力要有幾大～～～放學開會同個學生既家長傾小朋友起學校既進展，好大程度上老師們都覺得同學進步左，但家長真係睇唔開，又未接受到小朋友既困難！！！我知道呢個小朋友既困難同問題時，我諗左好多野想去幫，但真係好多都做左，又有好多都做唔到，人既力量真係好好好渺小，我相信只有神，只有神先可以幫到佢、安慰佢！！！愛係好重要亦係好需要～～～我起果一刻都諗冇可諗，喊左出來．．．．．．

散會後，主任同我講，你望下牆壁．．．我一望上面寫住：

「如今常存的有信，有望，有愛這三樣，其中最大的是愛。」林前13：13
主任仲同我講，知唔知點解我請你，係因為你有心，有愛！我只係同神講，力量唔係我既，係你！



＊即使好累，都好想完成篇日記，亦都好想回應圓既留言。你實在太唔了解我啦，我既意思係，我可以有機會幫到佢地，係神對我既祝福！！！我更加知道幫佢地既同時，我都係一個學習！！！感謝主～！

>>March 18, 2007 at 12:56:51 AM GMT+8

2007 年 3 月 15 日 星期四 【乍暖還寒】

感謝神既恩典及祝福，孩子新的工作第一日上班！係起藍田一間宗教(基督教)色彩好濃厚既小學到做助教！協助校內一班對學習有困難或有障礙既學生學習及設計教材比佢地！

呢度工作好自由，放學同ｄ老師學生一齊打波，又可以對住一班好淘氣既小學生，最重要係好有意義，因為我要負責既學生都係一ｄ有讀寫障礙、輕度弱智、過度活躍、自閉症等，可以幫到佢地係神既祝福，但我知道我並唔足夠，所以要比之前找工既時候更有力祈禱求神，因為我真係好唔夠能力！所以希望弟兄姊妹們可以為我祈禱嘛？謝謝！！！

今日都累啦，一日七堂full晒，聽日再努力呀，聽日得四堂同一堂代課！！！

>>March 16, 2007 at 11:21:22 PM GMT+8

2007 年 3 月 14 日 星期三 【微冷】

今朝一早，藍田一間小學打比我叫我去second interview，下午去到，又係上次既主任！

今次見既時候問多左迫切既問題，又做左個打字test，覺得表現唔係咁好，但感謝神聽我禱告～～～最感恩係我月尾去越南，如果唔係可以即時返工。我又唔想忍瞞佢地，只好照直講～學校真係對我好好，可能係佢地都等人用啦，叫我聽日即返，到月尾放我假！

感謝神聽禱告，真係神既工作呀！

>>March 16, 2007 at 11:17:24 PM GMT+8

2007 年 3 月 9 日 星期五 【晴】

一首我同野孩子都好鍾意既歌～～～
我好記得Singing contest..................


曾經說過 尋覓愛情
就像天與地別離和重聚過程

而我跟你 平靜旅程
並沒有驚心也沒動魄的情境

只需要 當天邊海角競賽追逐時
可跟你 安躺於家裡便覺最寫意
只需要 最迴腸盪氣之時
可用你的名字 和我姓氏 成就這故事

*從此以後 無憂無求
故事平淡但當中有你 已經足夠

如果要說 何謂愛情
便是跟你動盪時閒話著細情
和你走過 無盡旅情
就是到天昏髮白亦愛得年青

不相信 當天荒不再地老不合時
竟跟你 多相擁一次便愛多一次
只相信 最迴腸盪氣之時
可用你的名字 和我姓氏 成就這故事

Repeat * and *

快樂同樣像你我一對 已經足夠

>>March 10, 2007 at 12:59:19 AM GMT+8

2007 年 3 月 9 日 星期五 【晴】

「生命中最大的神蹟，就是從絕望中找到希望！」



突然諗起呢句說話～～～有好多好多既感受．．．．．．回憶．．．．．．



事隔咁耐，神蹟可唔可以降臨我身上，已經絕望，唔知個希望仲係唔係希望呢？

>>March 10, 2007 at 12:54:33 AM GMT+8

2007 年 3 月 9 日 星期五 【乍雨乍晴】

～～～歷久常新

．
．
．
．
．
．

就算只談一場感情 除外都是一時虛榮
不等於 在蜜月套房 遊玩過 就可自入自出仙境
情願獲得你的尊敬 承受太高傲的罪名
擠得進你臂彎 如情懷漸冷 未算孤苦也伶仃

*明知愛 這種男孩子 也許只能如此
但我會成為你最牽掛的一個女子
朝朝暮暮讓你猜想如何馴服我
若果親手抱住 或者不必如此
許多旁人說我不太明瞭男孩子
不受命令就是一種最壞名字
笑我這個毫無辦法管束的野孩子
連沒有幸福都不介意

若我依然堅持忠誠 難道你又適合安定
真可惜 說要吻我的還未吻 自己就夢中甦醒
離場是否有點失敬 還是更轟烈的劇情
必需有這結果 才能懷念我 讓我於荒野馳騁

Repeat *

明知愛 這種男孩子 也許只能如此
但我會成為你最牽掛的一個女子
朝朝暮暮讓你猜想如何馴服我
若果親手抱住 或者不必如此
許多旁人說我不太明瞭男孩子
不受命令就是一種最壞名字
笑我這個毫無辦法管束的野孩子
連沒有幸福都不介意

>>March 9, 2007 at 12:07:27 AM GMT+8