2007 年 3 月 8 日 星期四 【乍雨乍晴】

突然間，好掛住呢首歌．．．．．．

寂靜某日近黃昏
亂翻破舊衣箱覓尋
失去的光陰
讀著你從前寫的信
細心追憶再細心看
已不覺跳進思想的樹林
記憶一般都美好
多半是圈套 卻令人隨著起舞
曾經雙手觸碰到 夢想般的愛戀
隨著那舞步

尋找原因 無端心中興奮
何以 無故 難過閉門自困
歡樂中 愁懷中 追逐你身影足印
然而追不到 結果不知遠近

像是鑽石像繁星
像煙花散開的圖形 戀愛這事情
像霧裡矇矓的山嶺
似光影交錯的險徑
有歡喜 也有苦痛的路程
日子不知怎過好 多半是苦惱
也有甜蜜的預告
曾經開心總算好
是否少許創傷 而令你卻步

尋找原因 晴天竟變密雲
何以 無故 雷雨變成樂韻
感動過 猶疑過
假若世界要下沉
原來快樂苦痛只差一個吻



曾幾何時，我真係好鍾意呢首～～～快樂與哀愁
原來快樂同苦，只係差一線，睇下你點睇呢樣係苦定係甘．．．

好鍾意一句說話：
有人話咖啡係苦，但當你飲過，嚐過果種味道，其實係甘味！

>>March 9, 2007 at 12:03:13 AM GMT+8

2007 年 2 月 21 日 星期三 【晴】

年初四，今日剛剛起大陸返來！好正呀，返左大陸三日兩夜，返鄉下過農曆新年係好開心呀，又有細佬玩，又見到ｄ長輩，佢地好開心！！！話咁快就過完年～～～

農曆新年我覺得好開心，唔係因為有利是，而係可以見到好多好耐冇見既人，人大了就忙了，對屋企都少左，可況一ｄ疏遠ｄ既親戚，所以我好鍾意農曆新年，可以見返好多親戚朋友！！！

>>March 8, 2007 at 11:48:07 PM GMT+8

2007 年 2 月 12 日 星期一 【晴】

SCF團年飯，一年一次，好正呀～！去左黃大仙既冬菇亭食晚飯，好有風味好正！！！

好耐冇見大家，大家都仲記得我生日，幫我同Anna(13/2)慶祝～多謝晒！！！

>>March 8, 2007 at 11:32:52 PM GMT+8

2007 年 2 月 11 日 星期日 【晴】

Happy Birthday to ME!!!

今年既生日，好靜好靜～～～但多左大家既祝福！
過左一個簡簡單單既生日，但係最開心！！！

多謝～

>>March 8, 2007 at 9:51:36 PM GMT+8

2007 年 1 月 26 日 星期五 【乍雨乍晴】

今朝一早去左睇街症，個肚勁唔舒服，一食野就痛，一日瀉左幾次！！今日仲要帶outing探訪，睇住上午睇完下午就可以返工，點知醫生話感冒入腸，即係「腸胃炎」，一食野就痛同吐，叫我唔好返工，都諗住聽完就算，點知佢話開ｄ特眼訓既药比我，令我訓覺休息！！！

宣佈：Sick Leave 一天

>>January 26, 2007 at 11:42:36 PM GMT+8

2007 年 1 月 26 日 星期五 【乍雨乍晴】

真係懶左好多呀！踏入０七年，今日先係第一日寫返日記～！或許工作既疲累真係影響我咁大～～～！！！點都好，要一直都有睇我日記既人講聲「對唔住」，每次都要花大家少少時間睇，但我又咁耐冇update過！

踏入０七年，我希望可以學好ｄ鼓，可以起音樂上更能榮耀神，亦都期待可以起新既工作機構係一間有宗教背景既機構，可以更直用福音去與更多人聯繫！

呢幾個月真係過得好快～好似剛剛起仁濟實習完咁，但不經不覺已經係一月，即係我圯仁濟既時間越來越少～！！！起仁濟真係學到好多野，亦都見到好多野！見到好多之前自己好想做既工作，又認識到一班好好既朋友同事同義工！比左好多機會我，呢ｄ機會正正係我一直以來向神祈求既經歷同經驗，感謝主！

>>January 26, 2007 at 11:35:58 PM GMT+8

2006 年 12 月 10 日 星期日 【颳風】

各方好友～好抱歉呀，好耐冇見大家！！！實在係冇力抽身～～～過去既一個星期絕對係我既黃金週呀，因為功課上要趕report同present，工作上返足七日工，返每一節都有野要做！！！又要趕埋完活動report，昨晚又有一件我工作以來最大既一個活動，就係中心既Mini Sing「型」Concert唱好之友，呢個活動我係攪手之一，亦要做埋大會司儀！真係好唔好意思呀，因為冇時間同兩位拍檔夾下，晚上concert，下午去左帶小學行山，上午去左set 下午用既check point，累死啦～～～不過昨日好開心，同一班小四學生行山挑戰自己，增強自信心！！！詳情再打～～～

>>December 10, 2006 at 10:47:33 AM GMT+8

2006 年 11 月 30 日 星期四 【颳風】

嘩～～！！！好耐冇試過咁都唔打日記！同事朋友都話我成日唔update個日記，實在係冇時間，對唔住呀！

呢個簡直係死亡十一月！兩個present又有成幾份功課，面對工作上三個小組都開始要深化小小個內容及接近尾聲，仲要入三間學校，將自己工作時間分薄了！！！個人好緊張呀！！！

好大壓力呀，個人成日都有ｄ燥，請原諒！！！

唔打住啦～～～有好多野想講，但真係要做野啦～！！！

>>December 1, 2006 at 11:00:13 AM GMT+8

2006 年 11 月 8 日 星期三 【晴】

星期三晚放學可以同一班自己熟既同學食晚飯，正呀！！！果種感覺好正好開心～～～唔知可以用咩來形容～～～去左食火窩，開開心心冇任何壓力，咩話題都可以講，咩話題都會有，又唔會有任何芥蒂！！！多謝你呀：Oscar, Edwin, Chun & Natalie，係你地比返呢種感覺我，自從．．．．．．

>>November 21, 2006 at 2:28:06 PM GMT+8

2006 年 11 月 4 日 星期六 【陰晴不定】

天水圍既生活好簡單，人好簡單，事好簡單！！！一陣寒風就須要著衫，就係咁簡單！！！
又一次！一個字眼令有好大既不安！！！彷彿同大家、同社會、同複雜既世界分離左！！！

係我唔太重視呢度定係我太過著緊呢段關係呢？？？之前都有感而發，無人問津！！！我係對係錯已經唔重要啦～～～最重要係呢段關係感情仲係我珍惜呀！！！

早幾日都成日哼住歌～～～呢一刻好痛，竟然哼唔出一句出來！！！痛～！！！
或者真係講得o岩，「快樂的鑰匙」唔係起自己手上：

<該讓誰來決定我的行為>

和朋友在報攤上買報紙，我禮貌地對報販說了聲謝謝，但報販卻冷口冷臉，沒發一言。
「這傢伙態度很差，是不是？」我們繼續前行時，友人問道。
「他每天晚上都是這樣的。」我說。
「那麼你為甚麼還是對他那麼客氣？」他問我。
我答道：「為甚麼我要讓他決定我的行為？」

我們常為同學的一句話就氣得不得了嗎？或因為朋友如何如何您就痛苦萬分？哈！您把「快樂的鑰匙」交到他的手中了。

每人心中都有把「快樂的鑰匙」，但我們卻常在不知不覺中把它交給別人掌管。我們常讓別人來控制我們的心情，當我們容許別人掌控我們的情緒時，我們便覺得自己是受害者，對現況無能為力，抱怨與憤怒成為我們唯一的選擇。我們開始怪罪他人，並且傳達一個訊息：「我這樣痛苦，都是你造成的，你要為我的痛苦負責！」此時我們就把一重大的責任托給週圍的人，即要求他們使我們快樂。我們似乎承認自己無法掌控自己，只能可憐的任人擺佈。這樣的人使別人不喜歡接近，甚至望而生畏。

但一個成熟的人握住自己快樂的鑰匙，他不期待別人使他快樂，反而能將快樂與幸福帶給別人。他的情緒穩定，為自己負責，和他在一起是種享受，而不是壓力。

你的鑰匙在那裡？在別人手中嗎？快去把它拿回來吧！

的確，我們身處的地方，不論是環境、人、事、物都很容易影響我們的情緒起伏，可是千萬別忘了！！不要因為他人的一句話，而在意太久哦！

好！休息好明天開組，我要比最好既參加者，我要繼續起呢度榮耀神！！！

>>November 4, 2006 at 1:10:00 AM GMT+8