2005 年 5 月 8 日 星期日 【雷雨】

母親節～有一個遺憾，就係今日帶唔到媽咪返教會崇拜！因為今日係母親節，爸放假就陪媽咪去婆婆家同埋飲茶～！今日有一班好可愛既小朋友係兒童詩班獻詩同獻花呀～！！！好正呀！！！

不過我相信我總有一日可以帶到媽咪返呀！！！

返完崇拜就去左HKU　rehersial忌日既final year project presentation啦，跟住就返屋企煮飯比媽咪食，都ok la~~~

>>May 9, 2005 at 10:09:27 PM GMT+8

2005 年 5 月 4 日 星期三 【晴】

出左camp兩日啦，重新投入功課既懷抱，原來真係幾多野要做呀！星期五Positive Relationship既Drama，星期六Marketing Management既presentation，星期一Final Year Project既Presentation！好擔心做得唔好呀！！！

不過我相信神會好似起camp起崇拜既帶領我！我要相信！！！

分分：原來Circle同你送定係相量呢？
Royce：你唔好咁誇獎我，我所有榮耀都歸於天父！！！我並唔係咩住家男人，只係鍾意食野，所以鍾意煮野食啫～～～

>>May 4, 2005 at 8:51:01 PM GMT+8

2005 年 5 月 2 日 星期一 【晴】

最後一日啦，同Leo怒訓，訓到唔知醒食早餐，佢地食剩左就留低我地食啦，好正既通粉＆炒米粉，多謝呀Joe等人準備，今日大家分享完就揭曉Angel and Master啦，Circle點都估唔到我係佢Angel，而我都估錯左，我以為係ada or Rita，點知就係同我去食野、一齊食雪糕同埋送禮物比我既Helen呀！對唔住呀，我估錯左呀！！！

不過真係好開心好輕鬆呀起個Camp度，兩日訓既時間多過我上星期訓既總和呀！！！

更加開心係分分又一次送匙扣比我呀，真係好多謝你呀分分，我唔會再趺ga la～～～又好開心見到呀Royce入左來，佢好肯去融入大家呀！！！good ar！！！雖然最後over左少少budget，但我都講過我會包底，而且又唔係好多，大家咁開心我又咁開心就ok啦～～～

>>May 4, 2005 at 12:10:58 AM GMT+8

2005 年 5 月 1 日 星期日 【晴】

一起身就有呀南同Claudia既早餐，都好好味呀！食左一ｄ我未食過既營養的早餐！多謝你呀南&Claudia！！！

食飽就到我地準備好既崇拜啦，好緊張呀，自己準備好要講既野已經抄好，其實可以唔睇呀，但緊張到唔記得，睇埋都唔知自己要講咩同想講ｄ咩～～～真係差呀！！！

崇拜後既Lunch真係好正呀，係呀Joe同呀諾準備，真係一流呀～～～食飽就去左沙灘玩，我就去左接Christy同三個同學去沙灘！大家一齊起沙灘玩，一齊唱詩，一齊敬拜神！之後返去屋，發生左一系列既事，第一就係當我洗澡完發現房門被反鎖，真係唔知點算，即刻祈禱，但仍然好擔心，因為我接Christy既時候同佢拎左個袋返來，諗住安全ｄ就放左入房，真係好擔心要Christy等到好夜先有得洗澡！！！之後就踏單車出去搵開鎖，點知搵左一陣就收到電話話已經開到啦，我同Leo就踏多一陣單車就返去啦～～～

第二係起呢件發生時，我地煲飯燒焦左，要去買飯返來食，真係好大既經歷呀，我更加起反鎖既事上發左個租渡假屋店員脾氣，真係令我更加知道自己既不足，我會更加努力去改！！！

食完飯又再煲糖水，尋晚就煲左雞蛋腐竹糖水，今晚就煲紅豆沙加小湯圓，大家都好比面食晒～～～多謝你地呀！！！今晚有Leo入左來陪我一齊起間房到怒訓，醒左一陣就同呀Helen去左7-11食雪糕同埋買野食，仲送左一份好有心既禮物比我，睇返真係好感動！！！

>>May 3, 2005 at 7:09:20 PM GMT+8

2005 年 4 月 30 日 星期六 【晴】

入到去間渡假屋，外型好似唔係自己expect，但入到屋入面又ok喎，都幾好啦，起碼男仔房冷氣好夠，雪櫃又夠凍啦～算係咁啦～～～感恩！

今晚BBQ所以就大家分頭去買野，點知第一日盲要自己囉＄出來，雖然話過多左我比啦，但無諗過咁快～唔緊要啦，大家一齊買野好開心！！！

返到屋度呀Joe,May同我就開始醃肉，而其他人就開始準備開始welcome&worship！見到大家都好好咁分工合作～～～大概七點幾就開始BBQ，有成十六個人呀，好勁呀！！！有Circle,Rita, Nam, Lok, Carol, Helen, Ada, Karen, Ruby, Zidane, Claudia, Joe, May, Jonathan, Polly，正呀！！！不過就大家都掛住睇大長金同殘酷一丁，少左時間同機會一齊傾下計！！！

BBQ完就係大家排隊洗澡同埋靈修既時間，真係好呀，大家都好有秩序咁去排隊，之後又有靈伢分享，　真係有好大既得著呀！！！

>>May 4, 2005 at 12:09:19 AM GMT+8

2005 年 4 月 30 日 星期六 【晴】

今日係入camp既日子，但真係無feel呀，朝早要上堂，上一堂唔知做咩既堂！！！期待、盼望個Camp～～～

>>May 2, 2005 at 11:07:05 PM GMT+8

2005 年 4 月 27 日 星期三 【晴】

真係真係好累呀，為左入camp，要做好ｄ功課先，又要準備星期日既崇拜，要搵歌、有關經文等等～～～真係好耐都無打日記，好抱歉！！！同學們，真係唔好意思，可能因為要入camp而令大家去就地，好唔好意思呀～～～多謝大家諒解～～～

>>April 28, 2005 at 1:55:42 AM GMT+8

2005 年 4 月 17 日 星期日 【微冷】

今日又係有老毛病，又頭痛！仲要係痛到爆果種呀！！！好好彩起到身返主日學同埋崇拜，同呀諾食完早餐就返去，之後好開心因為連續三個星期講既道都係有連繫，由和平、和諧關係既建立至今日既忍耐，真係好有用，好能適用於現在的我！！！之後有一part加左起崇拜之後，就係有一個起２６年前來港，之後第一間來到鑽石山浸信會建立教會既一位美國傳教士要離開，返去美國生活，雖然我唔知佢係邊個，但我知道佢真係好偉大呀，來香港事奉有２６年，真係好正呀！！！我唱唱下歌歡送既時候，都忍唔住眼淚，喊左出來！！！真係好感恩！

之後同呀Carol,Grace and Ada去左Sau Mau Ping商場食Tea，傾左一陣～之後大家都好想逃避返屋企做野，周圍搵地方行同食7-11雪糕～～～

今日係爸爸既生日～～～希望佢可以日日有工開，工作事事順利！！！book左張台去食飯，好正呀，＄1680埋單食一個十二人既晚宴，有魚有雞有翅仲有鮑魚呀！！！正呀！！！當然我獨力比唔到咁多＄啦，有大哥同我一齊比～～ye@h！！！

最開心莫過於係同媽咪講左一程車既時間，傾左好多我返教會既情況，同佢傾竟然冇抗拒，仲話幾好呀，叫我搵ｄo岩野比二哥返下去學好ｄ！！！好正呀，原來媽咪每個星期日起我返左崇拜既時候都有睇無線，做緊一ｄ基督徒見證分享經歷同埋點樣信後幫到佢地！！！媽咪都唔相信，但我講返好多我聽過既野比佢聽，又講下我細個幾壞，現在都可以重新做人，佢開始相信我講既基督係好啦～～～好多謝呀主，令我有機會同媽咪再傾呢個問題！！！仲同我講比我返唔會阻止我，但唔可以投入到好似ｄ異端咁，連條命都獻上！！！

主呀，真係好感謝呀！！！你真係有成就我所想　－　家人信主，成功第一步呀！！！

真係勁爆開心呀！！！

>>April 18, 2005 at 1:28:43 AM GMT+8

2005 年 4 月 9 日 星期六 【晴】

今日係我返教會以來最開心既一日，可以同一班弟兄姐妹去飲茶，之後一齊返團契！今日仲可以讓Rita感受一下返團契既喜悅，希望你都可以返下團契啦！

飲茶本身係好開心呀，因為見到好多好多弟兄姐妹，一大班弟兄姐妹一齊食野，大家傾計同互助既態度，真係非常開心呀！！！當中Rita同呀諾同我傾計，又好不自覺地提及同朋友之間既關係，有時真係好想好似剛認識咁！尋晚又開心聽到呀Grace同呀諾既電話，提及都係靠著主既能力，向神禱告，真係有替佢地安排，真係好感恩呀！！！Ye@h~~~見到大家咁，自己又好想自己可以解決個問題，但單方面解決問題真係無可能！！！可能好簡單可以解決左，只要大家用客觀平和的心，大家互相從唔到處境互相包容！！！

起加入左SCF之後，無疑同朋友之間關係差ｄ，但我自問我有成長進步既地方，係我自己可以有一定程度上既包容同忍耐朋友之間既問題！！！

主呀，究竟要點做呀！！！我知道只要自己認為係對，我唔會理其他人既睇法！！！希望大家互相體諒～～～！！！

>>April 9, 2005 at 10:05:05 PM GMT+8

2005 年 4 月 8 日 星期五 【酷熱】

本身今日應該無咩特別，但因為遲左起身，返到去上得半堂！之後就諗住同呀諾食飯，之前佢都話想搵我地食，因為佢唔想同ｄ同學去打機！點知有傾英文，所以唔得啦，又點知原來之前同呀Ken提過既事，佢真係預埋我喎，咁就同左呀Ken佢地一組，我就去左同呀諾加埋Helen去左唱K relax下啦！

呢件事上無錯，我都有ｄ責任，我應該一早決定好自己既組，但另一方面我又可能解釋得唔清楚啦，但我知道如果我同過呀Ken講過一組，而最終佢地推左其他人而預埋我，而我又唔同佢地一組，咁就完全係我既問題！！！

加上呀諾係我地既組員，我唔可以見到佢一個人無人陪唔理佢！Fion, Circle, Rita可能你地未必可以行得開，所以由我去做多ｄ去照顧，我唔會介意，但我真係好真心希望大家都可以包容下我，從我既觀點處境去替我諗下！

好感謝主，可以讓我可以做一個我唔會後悔同我覺得正確既決定！多謝天父你撐住我呀！！！

>>April 9, 2005 at 7:51:32 PM GMT+8