2005 年 7 月 30 日 星期六 【乍寒還暖】

今朝拉夫返去鑽浸幫手，帶埋假聖結業禮既唱詩！再一次同Peter帶，玲姐不斷咁讚我帶得好，但我都係覺得，如果冇左Peter我可能帶唔到tim！之後返左屋企訓左一陣，下午三點就再返教會團契，今個星期係查經週，好正呀！！！團契完左就要練起6/8感恩晚會獻既詩同埋聽日起崇拜會獻既詩！練到成8點幾先返屋企呀，好累好累呀！！！

>>August 2, 2005 at 10:50:48 PM GMT+8

2005 年 7 月 29 日 星期五 【颱風】

今日係假聖既last day！好開心又好緊張，因為今日要同Peter上台領詩，冇錯！係上台，係上平時崇拜果個台，對象一班幼稚園至小學生，係我第一次！！！Peter仲要請我去開始祈禱，真係好緊張！！！帶左三首歌，都係有ｄ動作要大家一齊做啦～福音小子、歡恩同埋頌讚袮Hallelujah！！！

Peter係鑽浸實習既神學生，佢搵我幫手係可能佢信得過我，但反而要多謝佢比機會我圯鑽浸有更多不同既事奉崗位同埋新既嘗試！！！真係好感恩神有帶領！！！

>>July 29, 2005 at 10:48:30 PM GMT+8

2005 年 7 月 27 日 星期三 【清涼】

星期一二都返唔到假聖幫手～～～因為上星期成個星期都返左去幫手，所以媽咪唔比我返，今日返第一日，好似有ｄ難去follow，仲有種感覺係有ｄ唔開心，好似唔知自己做咩咁～今日第一個任務就係換水，跟住去幫呀Peter執禮物比唔同既班，準備星期五派！！！

今日主要係返去教ｄ小朋友扭汽球呀，佢地好得意呀，個個ｄ樣都好驚，但又要玩喎！真係好正呀，我越來越鍾意對小朋友同青少年既工作呀！！！感謝神比我起今個暑假可以有一個學習既機會呀，之前個星期係初中暑期活動，今個星期係假聖！！！

求主保守我聽日去入班follow up，星期五兩個助教都唔求，得我同埋個主教老師！！！

>>July 29, 2005 at 10:15:50 PM GMT+8

2005 年 7 月 22 日 星期五 【乍寒還暖】

好開心今日係暑期初中活動既最後一日呀，大家都好雀躍呀．．．．．．今日大家要從我、呀諾同煒文身上學懂一ｄ魔術，聽日會起約書亞團既團契裡面表演！我地做Demo時都好緊張，又有ｄ出錯，但加上Daniel既聖經意義之後就好正呀！神創造天地萬物，咩都冇！由冇變成有，之後人因犯罪而受罪惡鎖住！因而神差遣兒子耶穌基督到世上死後復活，令人得救更得永生！神明白每個人既心意，只要真心祈求，神必定會安排，亦可以將我地不一律的生活改變！最後更結出聖靈果子！！！

係我地成個魔術既聖經意義！！！小朋友，聽日加油呀，但以理團既煒文哥哥、Neville哥哥同呀諾姐姐支持你地呀！！！

>>July 23, 2005 at 12:41:42 AM GMT+8

2005 年 7 月 21 日 星期四 【乍寒還暖】

今日返去STARt WAR學一d魔術，學左就聽日返去教班小朋友！我揀左玩啤牌、圈圈等等～～～好開心呀．．．．．．真係抵呀，雖然話係要返去幫手，但真係學到唔少野！！！感謝神！！！

之後去左城浸開SCF E會續集，約6:30開會，會議7:18正式開始！亦代表「憲章爭戰」同時正式開始！傾到9:30都係傾左憲章，但又係傾唔到下年建議，只係一個投票權都需要爭持不下！

>>July 23, 2005 at 12:29:45 AM GMT+8

2005 年 7 月 20 日 星期三 【清涼】

今日返去STARt WAR好開心呀，因為見到一班小朋友一路一路咁去熟悉其他朋友仔，感謝神！！！今日係由約書亞團既弟兄姐妹去in-charge，我同呀諾都你協助，今日玩生命線好正呀，見到佢地咁貪玩，好擔心佢地會有意外ｏｒ危險！但同佢地Briefing時，好好咁座晒起度聽，真係好感恩！從他們身上見到好叻好有信任，好信任我地用聲音去帶佢～～～亦令我學到點樣先可以令人對你有信任，點先可以好可靠！真係好欣賞佢地呀！

不可叫人小看你年輕，總要在言語、行為、愛心、信心、清潔上，都作信徒的榜樣。（提前4:12）

今日Daniel同我講唔好意思，叫錯左我幫佢手，但我覺得真係無所謂，起初有ｄ失望係知道原來唔係暑期聖經學校，但因為今日，令我更加明白我付出左唔係好多，但我學到或者收到既係出乎意料之外既多！真係好感恩，其實要講唔好意思比Daniel，因為我起初事奉個心唔係起呢度～～～多謝！！！

剪左髮，好短好爽！！！

>>July 21, 2005 at 12:22:11 AM GMT+8

2005 年 7 月 19 日 星期二 【清涼】

今日繼續SMARt WAR，今日做Marker，雖然係報錯名幫手，但神真係有佢既安排，原來幫唔到ｏｒ未幫到暑期聖經學校，係神要我認識更多初中至高中團契（約書亞團）既弟兄姐妹，真係感謝神，將我放起適當而又係我最好既安排既位置！！！

之後去左城浸開E會，又係Late啦，六點半會要成七點幾先開到，但算啦！我諗起使我作你和平之子呢首歌，係我中學階段好愛既歌！！！全程都好忍耐，盡量唔想發脾氣，感謝神既帶領！！！個會開到十一點，仲要傾，所以星期四再傾～～～

>>July 20, 2005 at 2:52:17 AM GMT+8

2005 年 7 月 18 日 星期一 【清涼】

今日一早就返左鑽浸，都唔係一早ge～～～十二點啦，返去幫教會一個升中暑假活動－STARt WAR，哈哈，本身係諗住幫手暑期聖經學校，可能我報錯左名啦～～～不過都ｏｋ呀，成過星期都可以幫手，係我正式起鑽浸第一次事奉（但以理團以外）

>>July 20, 2005 at 1:30:57 AM GMT+8

2005 年 7 月 17 日 星期日 【清涼】

今個星期又係返早堂崇拜8:30，之後去主日學－成長十三課！之前有一段小插曲，話說起小巴庢我身傍既一位女仕，聽住電話一邊喊，有意無意之下聽到原來同男朋友講緊電話，仲係剛剛分手，應該係Ex-bf先係！不斷同男仔講唔好分手，又話唔介意個男仔有第二個女仔，仲話delete呀男仔既job time table，咁咪唔知佢day off定係同個女仔一齊～～～我聽到，嘩咁都得，真係～～～一路傾，傾到去地鐵佢又庢起我身傍，真係．．．．．．令我諗起當日同女朋友分手，點解冇神既愛係會咁，點解～～～死啦，呢兩日好多點解呀！！！之後我就同個女仕講不如一齊返教會啦，可能神可以幫到佢，咁ｏ岩佢又係鑽石山出站，但因為佢約左人就無去，我即時起地鐵站同佢祈禱，希望佢都可以有一個好既開始，亦都可以繼續有機會接觸神！！！

今日好開心，每次返到崇拜都好開心，學會珍惜返崇拜既機會！！！好想好簡短咁分享下今日羅牧師既証道，題目係：生命河（以西結書47:1-12)，裡面講到活水，代表左教會三方面既異象：

１．活水並非一般河水，係從神而來，為要去滋潤同埋醫治沿途既人，活水係唔會被污染，只會將被污染物去潔淨＞＞＞俗世清流！Ref.（創2:10-14）

２．神的殿係聖潔：要禁止被污染人和物侵入教會，唔可以表面上係敬拜神，但心裡就敬拜偶像！流出活水使命係為要滋潤同醫治污染，共唔係代表神與人隔絕！Ref.（以西結書44:1-3）

３．活水表示神既豐盛：河係從神的居所而來，即係話生命既源頭係從神而來！活水係將神既生命、神的赐福，流到死海就如流到每個人心中～！！！Ref.（詩46:4）（創13:10）

>>July 17, 2005 at 4:00:09 PM GMT+8

2005 年 7 月 16 日 星期六 【清涼】

感謝神，感謝神雖然今日返唔到團契，但去到見到婆婆健康精神左好多！Good News係醫生講有機會星期一出院，正呀！可惜我要返工，去唔到接佢！

本身心情不錯，但一則日記．．．．．．錯晒，將心情判左入獄！！！點解！！！點解？？？點解！！！？？？點解，唔係問點解會唔明白，唔係問點解會誤會，更加唔係問點解要話我地攪小圈子！！！而係問點解要講一ｄ說話去將本身有誤會、有問題、有意見唔ｏ岩既團契去更加傷害！傷害更加唔止我同埋同工一兩個，仲要係其他事奉人員，仲要係前人，更加傷害左未來有心事奉既人！！！一則日記，一句說話，將辛苦建立返來既關係一一攕滅！！！Anyway，多謝囡囡既開解同埋獨特既睇法！！！

>>July 17, 2005 at 3:15:31 PM GMT+8