2006 年 7 月 23 日 星期日 【晴】

我感受到神起我既中間，去改變我！！！仲有一句說話好似一年前聽過，令我既信仰有好大既改變！！！ｘｘｘ係重要，但唔係最重要，最重要果個起度等緊我！！！




感謝主！！！

>>August 5, 2006 at 9:50:49 PM GMT+8

2006 年 7 月 9 日 星期日 【晴】

簡單生活係最好！

我記得５年前有人同我講過．．．．．．



如果有一日，可以選擇的話，佢一定會選擇起小島過安靜生活！

當初我唔明白，但依家我明啦，因為我都好想～～～
當日對你既祝福，今日妳對人既祝福！神真係好奇妙！！！



一個安靜既環境，一個單一追求神既心，一個簡單既生活．．．．．．



我期待．．．


更期待Dream Come Ture Soon～！親近神多一點！

>>July 9, 2006 at 12:38:56 AM GMT+8

2006 年 7 月 8 日 星期六 【雨】

同某某傾計，突然問我會唔會再同「她」一齊返？






我唔識答，唔係我唔識答，係我唔知點講！！！

可能係怕，可能係．．．．．．





可能之前每次再一齊都冇咩好既Ending，又可能係我再唔識去處理．．．．．．
更何況現階段既我，太大壓力，太壓迫既生活，唔想再有人介入，如果係有，我相信神既安排．．．．．．

>>July 9, 2006 at 12:20:11 AM GMT+8

2006 年 7 月 8 日 星期六 【晴】

好耐都冇試過咁既情況，好似有ｄ尷尬，不過都OK gei！今日既查經好正呀，有好多野食呀，有漫長旅遊既煒文、仲有呀Jiu＆Siu回歸，個個都買左手信，樣樣都食得，好好食呀！！！

>>July 8, 2006 at 8:45:38 PM GMT+8

2006 年 7 月 5 日 星期三 【晴】

港九新界一日遊！

中午返工，今日返金鐘幫手派袍！之後就入天水圍，約左Dr. Ho同埋Centre既主任傾下我去practicum既內容！好開心去到呢個Centre好多小朋友，又有好多家長同佢地一齊玩，見到佢地家庭樂都幾開心呀！真係要比心機呀，去Centre work base係帶歷奇Camp同埋義工training，至於search就要做天水圍南區不同青少年中心既對象、活動＆centre既方針，好難既Task呀！！！

返出市區就返左教會返祈禱會，牧師講箴言最後一課！講屬神既智慧都好難啦，仲要係箴言既智慧！之後就分組祈禱，分正同牧師一組，好大壓力，但好正，感覺良好！！！

>>July 8, 2006 at 8:40:20 PM GMT+8

2006 年 7 月 2 日 星期日 【晴】

六點幾起身，一早就出去油麻地Training，要搭七點船！

有點寂寞，因為兩日來出碼頭呢段路都係大家一齊行，今日就自己慢慢行出去，個胃有ｄ痛，都唔係ｄ啦，但好辛苦！上船時見到個婆婆，唔敢一個人行上踏板，我扶佢行，係一齊行！好開心係一齊行！！！當然落船都係啦！！！

點解又係SCF，又係神既安排？我相信起個Camp裡面既人都明，神真係起我地中間，知道我地需要神，安排大家起SCF認識，更加安排SCF令大家認識神！好奇妙，去呢個Camp有好多野都犧牲左，但如果我再問多一次自己有冇後悔入左Camp做唔到其他野，我會覺得我一定會後悔我冇入晒成個Camp！！！

>>July 7, 2006 at 12:06:37 AM GMT+8

2006 年 7 月 1 日 星期六 【晴】

尋晚完全訓唔到，一早就同呀南、Zither送Helen去碼頭，順便去買埋野整午餐！遲左，但都趕到，又一次係SCF，係神既安排！係咩？

我地有Zither既早餐，感謝神我地健康！！！

之後係我自己都好期待既時間！可以自己一個人安靜，平靜自己去聆聽自己，聆聽神，更加去代求！！！各人都起沙灘搵一個地方，係得自己一個，係一個屬於自己既空間、時間同埋神！返工返學好忙，好少時間同機會可以真真正正去親近神！！！

之後返屋造飯，今餐到我同Circle準備！我地炒公仔麵同炒尋晚煮好再雪過既冷飯，地方、用具同調味料都唔夠，但感謝神讓我地做到！見到大家好比面食晒，特別見到小虎，真係好勁呀，可以幫我地清晒，多謝你！！！

之後去沙灘有小組既時間，敬拜完大家有分享，見到Cathy,Anna,Zither同小虎真誠既分享，我都好感觸，又係SCF，又係神既安排！係咩？

愉快在這刻裏能相見 流露無限愛共情
常在神話語內談心志 分享主愛恩典
互愛互勉主裏常關注 愁悶煩慮讓我知
求能伴著你共同禱告 基督中愛勵勉


跟住就玩啦，玩呢樣野就交左比Zither同Jonathan！佢地既準備真係好充足，真係好感謝佢地！又一次見到大家成長，多謝！

返到屋我地有Cathy為我準備既tea，真係好正好豐富！有芒果布甸、菠蘿同腸！！！大家都沖涼，沖完就食飯，今餐由Jonathan伉儷負責，無得彈呀！！！

食完飯我地就一齊崇拜，見到Carol同Ada既準備，又見到佢地認真，見證佢地成長，又一次係SCF，神既安排！係咩？

交換完禮物就要送呀南同Polly去碼頭！我地都出左去大排檔睇波，英格蘭對葡萄牙，England又輸多次比佢！！！飲左好多啤酒，同Leo踩單車返，大家都好怕比警察捉住吹波波！今晚要訓呀，聽日要好好好早起身出去training！點知今晚我有左果隻飛機，嘈住大家好對唔住呀！！！

>>July 6, 2006 at 11:57:44 PM GMT+8

2006 年 6 月 30 日 星期五 【晴】

好懶好懶，懶左好多，好耐冇打日記！但好想打返，好想留返一個好既回憶比自己！

星期五入camp，本身個人好累，之前有好多野都預備得幾辛苦，心裡既期望唔係太大！但我知道我仍然要堅持入，所以就起教會開完會先入camp，入到去都幾累！

一入到間屋，終於都到啦！見到大家起間屋裡面，已經feel到好warm呀，好似一家人咁！雖然同上年比，人係少左，但我知道大家既投入係多左，因為大家好忙，對呢個camp有好大既期望！！！

第一晚Polly帶我地有敬拜，好開心見到Polly去分享受從佢既分享見證到佢好大既成長呀！又一次係SCF，係神既安排！係咩？

今晚好似入左機場訓咁呀，有兩部重型飛機起房咁！！！結果：成晚都訓唔到！！！

>>July 6, 2006 at 11:22:56 PM GMT+8

2006 年 6 月 10 日 星期六 【陰】

好感恩，因為今日再有機會再去敬拜神！！！

雖然今日因為blessings練習既原故，我地果組練得一次，但只要係合乎神心意既就成了！！！今日冇唱blessings crossover，唔係因為有個唱得好過我既弟兄回歸，而係我覺得自己唱唔係最理想，亦都係覺得自己唱唔到去敬拜神既心，所以我決定如果係做得唔好，我寧願比其他做得更好既人去做！！！我最後係去Click powerpoint！

今日打鼓我覺得都OK啦，錯左兩拍左右啦，但學左三個星期啫，唔好咁多要求啦對自己！！！多謝你呀鄧希亭！！！

>>June 18, 2006 at 12:16:21 AM GMT+8

2006 年 6 月 9 日 星期五 【溫暖】

一早十點又返到教會再繼續練鼓，因為呀Jim會學風琴，所以就早ｄ返去練下！其實都真係幾多謝佢陪我練，亦都有溝通交流，互相配合既時候！！！

十一點佢就去學風琴，佢就錄左音比我去自己練，我練到十二點幾諗住返工，點知原來係黑雨，就同呀Jim一齊去食飯，食完又返教會再練，練到四點就一齊離開教會！

今晚我要監考，但就不停地起度練拍子！加油呀，聽日就要獻出打鼓既第一次啦！！！

>>June 17, 2006 at 10:04:02 PM GMT+8