2005 年 3 月 20 日 星期日 【清涼】

今日天氣真係一流，早上放工後仲約左ｄ同學去BBQ，好開心呀，人數唔係一個問題，最重要係大家既關係都好左好多，真係好感恩呀！最正係一去到銀線灣就有爐，好開心呀！

之後又去左滿記食糖水，雖然要等好耐車，但一祈完禱就有車啦！去到食左我最愛既紅白，即係紅豆沙加豆腐花，ye@h！！！仲食埋榴槤布丁呀，真係好正好正呀！！！之後就一齊搭巴士走啦，真係完美的一天！！！

同學們，唔好意思呀，今日要大家行咁多路，又帶大家去左買ｄ唔係咁好食既食物，真係唔好意思呀，下次唔會啦～～～

>>March 21, 2005 at 12:26:05 AM GMT+8

2005 年 3 月 19 日 星期六 【颳風】

今日既考試，真係不知所謂呀！係自己做到不知所謂，好老實講，自己付出過又唔係咁多，正所謂多種的多收，少種的少收！預左要補考啦，真係．．．唉～～～

>>March 21, 2005 at 12:16:34 AM GMT+8

2005 年 3 月 12 日 星期六 【乍雨乍晴】

今晚真係好難忘呀，唔單只你難忘，我做既野都令到我自己好難忘！雖然尋日你生日，大家各有各忙，唔可以同你celebrate，但我送左11支花，我人生第一次送花，你係第一個！今次又係你，係第二次！隨花附送一張精美生日卡同埋泡製多日既12首自彈自唱CD，唔知當你收花既時候，你個反應你點呢？最衰果日我要返8:45，如果唔係我一定親自送去你學校！

當你以為你既生日禮物到此為止既時候，今晚我再突如其來既celebrate方法，令你都完全冇諗過呀！！！哈哈～～～我地去左西貢一個船家既船上食海鮮，但最估唔到今晚會咁凍呀，對唔住呀！船上冒汐鮮全部都係custom made，自己鍾意食咩就選，真伙好好味呀！！！船家仲去到一個叫做三星灣既地方停船，比我地玩小型既煙火！晚飯後仲去埋滿記食糖水呀，真係好豐富呀！最估唔到就係我今日送埋第12支花比佢呀！行程豐富之餘，食物都好豐富呀：

海膽剌身
海膽蒸水蛋
芝士龍蝦伊麵底
生蠔
豉椒炒蜆
蒸咸鮮
瑤柱雙疏
菠蘿咸魚雞粒炒飯
（全部二人份量）只不過每位$288，正呀！

>>March 13, 2005 at 6:09:20 PM GMT+8

2005 年 3 月 8 日 星期二 【颳風】

今日無咩特別，只係起屋企做下功課，囉起個結他練返幾首歌！！！之後夜晚去左New York Life上個Financial Planning　既course，全部都係大學生，好驚～～～！！！

成日都無咩特別，但搭車返屋企既時候，見到一個婆婆同小朋友上車，個小朋友肥DuDu，好似我細個咁！見到佢麻麻幫佢除件外套，對佢無微不至，令我回想我麻麻起我兒時都係咁對我，我好掛住麻麻呀，但已經無機會見返佢啦，已經與世長辭啦！！！

>>March 9, 2005 at 12:08:47 AM GMT+8

2005 年 3 月 6 日 星期日 【乍雨乍晴】

今日好開心可以返到城浸既主餐崇拜同成長班，之後去左返工，放工再返去城浸聚餐同佈道會！好好好充實既一日呀！

主餐崇拜好正呀，陳耀鵬牧師既講道好好呀，好有得著呀！好唔捨得佢就要返溫哥華啦，之前就返成長班啦，主題都好正呀，係戀愛週之結局篇呀！又係好鍾意呀！！！

今晚個佈道會係生命署光呀！又係我好鍾意既陳耀鵬牧師講道呀，真係好好好正呀，點正？我諗住聽日小組分享下呀！仲有呀，好感恩係好多人決志呀！！！感謝主！！！

”擁抱你”好正呀！！！

1. 誰叫風霜，隨意擾攘，晴朗天失去艷陽，
如你心傷，其實我與你一樣，

猶如親身每日也步入戰場，
每每困境祂也都在場，陪同笑著行，
不怕難擔當我的困難，令勇氣盡擴張。

(副歌一)
無論活著在甚麼的非常時期，
祂天天都跟你於一起，
我確信以愛心推開每道牆，找到轉機，
現在或是生於冰河時期，
冰雪後紛紛種出生機，
我願意溫暖你從不需等某時機，
擁抱著你。



2. 和暖的風，為你吹動，流向心中那裂縫，
和你相擁，來日處處要珍重，尤其一雙眼莫太易被染紅，
要記得仰望著晴空，還要珍惜每一個人，
當此世的旅行倦透了便抱擁。 (副歌一)

(副歌二)
無論活著在甚麼的非常時期，祂天天都跟你於一起，
我要與你放出心中每道艷陽，找到轉機，
現在或是生於冰河時期，冰雪後紛紛種出生機，
我願意溫暖你從不區分哪年紀，擁抱著你。

>>March 6, 2005 at 10:58:00 PM GMT+8

2005 年 3 月 1 日 星期二 【乍雨乍晴】

尋日既小組真係唔錯，真係有好多笑位！多謝你呀Fion,Lok同埋呀南，呀諾今次既Ic break好好玩呀！

星期日既主日，好好呀同Carol返左城浸，成長班既感覺好好呀，我好鍾意呢個感覺呀！！！多謝你呀！

今日去左呀傑個爸度interview，係一個保險既工作，原來都幾嚴肅呀，仲話好簡單，不過同一班大學生一齊做group discussion，真係令我學到好多野！

之後搭巴士返屋企，返到觀塘巴士上有個人突然暈左趺起地上，司機停車，不斷問有冇醫生同護士，都無人應佢之際，我就同佢講有冇野幫到手，可以做的只係打電話報警同祈禱，明白到一個人好渺小自己暈左會無人理，見到人暈左幫唔到佢！好快救護車到，將佢送左去醫院，而我就由無位座變成同個警員座起巴士上錄口供，我都係第一次唔係起警局錄口供！

感謝主！！！

>>March 2, 2005 at 12:47:34 AM GMT+8

2005 年 2 月 25 日 星期五 【暴雨】

首先好多謝Carol弟兄連日來既支持同鼓勵！對唔住呀Leo，我唔係為左拍拖呀，而係佢想同我傾下，佢又等我去接佢！

唔開心呀，唔想講其他野呀，我跌左分分送比我地小組組長既匙扣呀！！！對唔住呀分分同埋各個組長！！！

>>February 26, 2005 at 12:21:47 AM GMT+8

2005 年 2 月 24 日 星期四 【雷雨】

靜左好幾日，係時候要做返ｄ野！

尋日好開心呀，去左MSF無國界醫生辦事處做interview，MSF真係一個好好既機構，係一個人度、極度中立同有原則既非牟利機構呀！突然好想投身起MSF即使做義工都好呀，今次既訪問令我地每一個都對MSF認識加深左好多！亦都感謝主可以比我接觸到呢一間咁有意義既機構呀！

尋日亦都知道左大家需要更多溝通，而我同呀敏亦都係需要更多既溝通呀，尋日當你話我知，起實習小學度有實習老師追，我個心突然有ｄ酸，我終於知道我真係鍾意呀！所以今日最後放學都接左佢放工呀！係時候做返ｄ野去修復呀！對唔住呀！！！

>>February 24, 2005 at 9:23:55 PM GMT+8

2005 年 2 月 21 日 星期一 【乍雨乍晴】

小組！

起小組見到大家好愛大家！大家好真，今日既小組聚會真係令我呢幾日煩惱、唔開心都暫時一掃而空！進入小組房間之前都仲係好煩惱同唔開心，但一完左小組就好似成個人唔同左，小組組員就好似將我既煩惱同唔開心既野放低左，好多謝你地呀！

女朋友，好對唔住呀！

短暫既分開，唔係一件壞事，但我知道問題係要解決，我知道幾難解決既問題都有方法去解決，最重要係神拖帶我解決！可能愛情對於我來講唔太重要，我每次都好想做好佢，可惜我就係個咁既人！

神呀，求你引導我呀！我軟弱，我禱．．．．．．

>>February 22, 2005 at 12:41:02 AM GMT+8

2005 年 2 月 20 日 星期日 【乍雨乍晴】

近期實在太多野要顧及，因而阻礙左功課上既進度，同ｄ同學道個歉先！但我好相信自己可以好好咁分配時間！可能係因為大家都睇得表面左呀！

今日好開心呀，同呀陽傾左好耐，原本佢同我呀哥一樣大，而佢同我既諗法同方向都好似，同佢傾計仲好傾過同呀哥呀！真係好想可以有呀陽咁既哥呀！其實某程序上我當左呀陽係我呀哥，咩都同佢講晒！！！

感謝主賜我一個咁好既哥！！！

>>February 20, 2005 at 10:15:59 PM GMT+8