2006 年 5 月 10 日 星期三 【酷熱】

考試啦考試啦！

今朝早起身，返學校交埋份paper就正式進入考試啦！交完之後就去爆房溫書，又一次同呀俊共同進退！！！溫到六點就走啦，因為個房有人考試，費事再去爆另一間房啦！

聽日就第一科，今個sem真係好擔心呀！好似咩都唔識，咩都唔明咁！！！

>>May 10, 2006 at 10:36:05 PM GMT+8

2006 年 5 月 7 日 星期日 【酷熱】

今朝本想返早堂，但因為婆婆暈左入左醫院，所以就去左探佢！探到點幾就起Tuen Mun趕返出來，去灣仔稍鄧希亭拎琴，Sorry咁多位我遲左！拎到全身濕晒，但overall好感恩大家都冇怪我！

雖然今朝有ｄ事發生左，但我係知道大家團友既緊張，但我感到壓力既．．．我係知道件事既情況，亦了解左但未至於咁混亂，一向我既做事方式一定唔想麻煩人，更唔願意令件事唔完美，我點會唔出聲既放低我既侍奉呢！！！
．
．
．
．
．
．
呀～～～～～～～～～～～～～～～～～～～～～～～～～～～～～～～～～～！！！！！！

多問題既一個早上

之後小組去左Maggie既clubhouse，雖然已經好累好煩，又好擔心婆婆，但我要放低！我仲要帶Ice Break& Worship！見到Maggie真係好開心，好似好多野想同佢講，但我又想比大家同Maggie傾多ｄ先，因為我一直都同Maggie有聯絡，希望呢個諗法係好啦！

反而同Vincent&惠美傾得多左，多謝惠美既指導，教我worship既技巧！！！其實真係好難得，因為第一次同我地小組，佢肯比意見同比我好提醒！！！

之後同Circle,Kenny,MayMay, Carol & 顛既鄧希亭去左KFC食下飲下，顛既鄧希亭竟然敢同我呢個喪既玩！！！不過都幾開心，但我又發覺真係要改下，真係好容易玩過火得罪人，希望尋日同你地玩完又咩令你地唔開心既唔好嬲啦！比ｄ時間我＾＾

>>May 8, 2006 at 4:05:10 PM GMT+8

2006 年 5 月 2 日 星期二 【雨】

尋晚苦戰左成晚，做到今朝五點！訓到六點半又再起身做，做到九點九先出門口，就係為左份人類學功課！

一個人要present 20分鐘，對於我來講係未必講到咁耐，但pre下 pre下就講左成廿五分鐘呀！看似冇可能，但結果成了！！！

就連寫好左既稿都睇唔到，就係咁講！因為個topic係依家HD既小組啦！outcome出左，個Lecturer都幾滿意，只係一ｄ少問題要做好ｄ，但係我預計到，因為自己真係做得不足！

今日既presentation令我既信心大左！但要繼續努力！！！

>>May 2, 2006 at 9:18:32 PM GMT+8

2006 年 4 月 22 日 星期六 【晴】

今早八點半去到筲箕灣，要做一個Work and the workplace既presentation！

好緊張，但自己都預左唔得，又或者係預左唔得"人"討好同欣賞！結果得出如是．．．．．．


預左，真係預左！！！今次呢件「捨身撐組」既行動，令同學都摸不著頭腦，但心裡只係同神講：感謝主既帶領，讓我有能力走到今日，去完成呢個presentation，有好多既學習同得著！！！


present完就即刻趕返屋企，要換衫同埋囉返ｄ譜返去帶敬拜！返到去好多野要準備，冇咩時間去rehersial，令到個人好急，加上心情真係未係好平伏到！！！

高唱入雲、在你跟前、沒有你那有我．．．．．．帶得唔係好理想，在你跟前唱得好差！！！

>>April 25, 2006 at 3:08:38 PM GMT+8

2006 年 4 月 21 日 星期五 【晴】

呢個四月真係對我來講係一個好有恩典、好多反思好、重新得力又好多挫折既一個月～～～雖然未過晒，但我覺得剩餘半個月好平淡咁過都好滿足！！！月頭病左（發燒、聲沙、咳），但仍然唱到敬拜小組，又帶到兒崇～正！之後一個又一個星期present既挫折打擊～碎！Ada浸濕個頭，見到佢既見證，相對自己真係微不足道！SCF佈道會講見證，期待佢地既敬拜隊～好！受難日苦路默想，主捨身既痛，對起自己既痛，微乎其微！！！敬拜小組既隊長受浸，一句又一句我已經決定．．．我決定左未呢？但一句義無反顧～No TURNING Back！星期六早上有一個好嚴峻既project去對住會計師樓既老板present！下晝返團契，敬拜小組又來！！！

>>April 21, 2006 at 12:23:20 PM GMT+8

2006 年 4 月 9 日 星期日 【晴】

一整個星期冇打日記，真係有ｄ懶呀！不過我就勤力左起第ｄ野度！！！

尋日參加左Ada既浸禮，今次既浸禮真係令我好感動呀！見到佢既見証，真係睇到神既大工，神既大能，真係替Ada感恩！更令我有更大既決心，究竟神既旨意係咩呢？

一直等待神既旨意！！！

>>April 9, 2006 at 9:05:27 PM GMT+8

2006 年 4 月 2 日 星期日 【晴】

承尋日咁開心既一日，返到教會就揀上邊班主日學～～～最後去左幫襯新開班既蔡傳道，上路加福音，原來係一個系列，之後一路都有使徒行傳等等．．．．．．

之後去帶兒童崇拜，小小的宇宙～～～常存讚美～～～見到班小朋友唱得好開心，我都好開心，因為佢地用好歡欣既心去敬拜主，更開心係佢佢地終於記得我係叫neville哥哥～真係好正呀！！！

一帶完唱歌我就走啦，因為唔想成日都同唔到屋企人飲茶～～～好開心係可以幫到一個好好好好，一直都好支持我同埋成日同我傾計既神學生Jackie手，原來我係上兩個星期帶完，應該冇咁快到我，原先編左我去五月，但因為Jackie未帶過，想睇下點帶先，就同我調啦，對我來講仲好，五月會好多野做，助人又自助，真係好開心！！！！！！

>>April 2, 2006 at 7:08:43 PM GMT+8

2006 年 4 月 1 日 星期六 【晴】

今日簡直係大開心呀！！！今個星期一直都病，喉沙沙左成個星期，今日仲要幫珠珠姊妹和唱帶worship with Blessings！！！點算好？點算好！？！

早幾日仲好擔心真係唱唔到，連講野都走音，點唱呢？點唱呢！？！

神既恩典真係好夠用！！！神我真係好愛你，我愛你愛到死呀！！！因為真係好奇妙，返到去練習時，開聲都唔係咁點，但到正式帶既時候把聲順晒～～～點解呢？咁好gei～？！！！

而且今次既敬拜係咁多次同Blessings一齊夾以來，我覺得係最正既一次！願主喜悅我地既歌聲去敬拜去歌頌你！！！

天天歌唱～～～神是愛～～～最美好．．．盡力愛你！！！

主呀！我真係好愛你呀，因為你真係好愛好愛好愛我呀！！！




完左我地帶既一個excellence敬拜之後，我地去寶劍練習，使徒行傳～～～多謝晒！！！
唔知點解今個星期咁夠訓，今日都咁眼訓gei～～～唔知係咪一朝早去左IFC HK Mortgate Corporation聽左個半鐘presentation！定係呀Vie話齋，之前唔夠訓，依家耍還呢？？？係咪呢？係咪呢！？！

完左之後同敬拜小組既姊妹行左一陣（要註明我唔係專登同姊妹行，而係敬拜小組得我一個弟兄，所以真係好想燃燒其他弟兄加入！），行左三年（三聯）同埋突破，之後就去左旺角食飯！一路搭地鐵一路爆笑不停！！！


去到旺角食私房菜，間野ｄ野食真係一流呀，超正！！！非筆墨所能形容到～所以唔講啦，$100一個人，都好正呀，加上同珠珠慶祝埋生日～～～

由七點半食到十點半，爆笑不絕！！！雖然來緊又有好多野要做，但今日既歡樂、神既恩典、神既同在令我感到侍奉得力！！！

仲未完，返到屋企更開心既事再來～～～呀達（去左澳洲讀書，係我一位起HKU SPACE first year認識既好友）同我MSN傾計，佢話佢join左果面既團契，但佢未信而係因為想學好ｄ英文～～～我真係好appreciate佢，好有求學求知既心！以前同佢去飲野，佢一定問我一ｄ信仰既野～～～真係好正，知道佢主動approach～佢有好多問題都唔明，特別係唔係太明英文聖經既問題，同佢傾左一陣，又send左一ｄ網址比佢，希望幫到佢，亦希望可以令佢有更多既機會認識主！！！

>>April 2, 2006 at 6:54:49 PM GMT+8

2006 年 3 月 29 日 星期三 【晴】

病！！！

感謝主～～～唔係病到顛左，係感謝主知我疲勞要休息！！！

休息過後又係搏殺時啦～～～雖然今日喉沙沙，但我知道主有最好既安排，我可以星期六團契唱到worship！！！唔可以放低主音珠珠同和唱呀Jim！！！

>>March 29, 2006 at 11:36:41 PM GMT+8

2006 年 3 月 13 日 星期一 【晴】

今朝又有presentation！！！呢科同一份project第二次啦，仲有一次同埋一次debate！！！但今次就唔錯，at least Prof.冇kill我地，仲講左好多suggestions and directions比我地知！！！GOOD!!!


下個星期有兩個presents同埋兩個assignments～～～真係好怕做唔切呀！！！見到ｄ同學今個星期要present果ｄ，個個ｄ樣唔同晒，又冇得訓，最勁既有連續三日唔訓！！！好怕好怕！！！


不過，我相信每一日既安排都會最好既！因為我相信我既父！！！

星期日既小組唔可以冇，一定要見到你！！！

>>March 14, 2006 at 2:11:34 AM GMT+8