2003 年 12 月 24 日 星期三 【晴】

啱啱行完太古城中心
個商場超迫人,多數遊客居多......
可能d人聽到話有落雪機所以過哂去睇掛......我都唔例外
行左兩個幾鐘,UNY d衫幾啱我d古板taste...睇啱左條褲
臨走時先至放雪,一粒粒細細粒,似氣泡+棉花多d,不過佢又真係會溶喎
個中心d雪人公仔好鬼得意呀...d 情侶、細路個個攬住黎影相......
講起情侶...佢地煙靭少一陣得唔得......乜雪都比你地整溶啦......
雖然......比著我都唔會嘥左呢個佳節...
我又矛盾了 =.=

諗番起我上年既今日......
我而家係聖言中學G01室溫緊bio,記得連續幾晚都係十點先走
那時來說.....為左應付CE...犧牲拘拘一個16歲既聖誕...又有何足惜?
但係今年......
為左應付仲有年幾既AL......
我又肯唔肯咁去犧牲呢?

p.s. to 周啟豪 :
就好勝心來說.....
似乎我越來越似以前既你......
似乎你都越來越似以前既我......

to 利銘沁 :
收到你張卡了。 thank you !

所有人
聖誕快樂 ﹗﹗

>>December 25, 2003 at 3:39:48 PM GMT+8

2003 年 12 月 24 日 星期三 【晴】

而家好鍾意每日打兩篇日記...
一篇好早打(今日都唔算早...)...係未過今日之前既說話
一篇就真係日記...當首尾呼應
可能係太無聊吧......

唉...今日又唔知有咩做了

>>December 25, 2003 at 4:00:22 AM GMT+8

2003 年 12 月 23 日 星期二 【晴】

行街行足一日
中午自己出去荷里活,諗住自己睇埋魔戒三,點知full到連午夜場都爆左......勁...
跟住搭地鐵去佐敦,終於係park lane度睇中左件褸,不過成四百幾蚊......
慢慢穿過小熊國到新世界中心,自從上面間海城大酒樓摺左之後都冇去過啦(about 5年)......入到去乜都變哂,不過我都仲隱約記得個商場結構......行行下就去左海心公園既平台,走上上面,個個都成雙成對,成個平台熱到不得了......咁又走落去麥記度買個新地啦....
然後又坐船去到中環,又係度亂咁行,行行下又行到蘭桂坊......係蘭桂坊行左個圈,跟住求其去左間HMV度睇......嘩......中產階級購物區都唔駛下話......魔盜王DVD > $189 , 魔戒二特別版> $2xx , 最離譜就係......孫燕姿 the moment ,未完成> $118; start 世界巡迴演唱會 ,自選輯>$130 ; 風箏,同名專輯 > $150 !!! 唔好去搶.....
5點半oush打黎話一齊去行下,6點九約左係中環恆生等,我都話一定約唔到架啦...成三間恆生,冇我既話你地唔駛旨意見到面...
跟住既時間我就充當導遊既角色,先帶大家去左蘭桂坊食晚飯,順便睇下馬仔搓薄餅...
食完就帶大家行返我啱啱行過既路既reverse,去返立法局,皇后像廣場,到天星馬頭,入到去見到唔對路出番黎,d 人多到3班船都裝唔哂.....咁唯有坐去尖東果隻船啦
去到尖東,沿海旁行去文化中心,d 人逼到好似農曆新年返大陸咁......痴線架......
成班人行左入去海心公園平台附近,見無野做又出番梳士巴利道,跟住再行去nathan road,頂...人聲鼎沸、萬頭揖動,逼到郁都郁唔到,咁唯有行出漆咸道南,行左成個大圈先係佐敦入番nathan road
然後沿nathan road行到油麻地,啱啱經過廟街,咁就入去行過圈啦.跟住再行到旺園花園街,啱啱想去方便一下,於就求其搵左間商場...
完來我地就係旺角某商場既廁所倒數平安夜(去廁所時啱啱12點)......無奈中
出番去就係旺角行左一陣就走lu...身上無散銀就問龜仔借左8蚊,諗住坐小巴屋企,等大家走哂之後我就去小巴站啦,點知一上車即刻發覺收十蚊 ....... 坐地起價.......=.=
好無奈咁落左車,跟住就搵全身既銀仔...加加埋埋先得$9.6......妖...逼我搭地鐵.....
1:15am 返到屋企......做左一日導遊
我就黎跛啦......琴日加埋今日行左十公里都有.......
我咁樣算唔算麻醉緊自己既心靈??

P.S. 係中環某行人隧道做左d 有意義既事......希望寫既野成真啦

>>> tung :妳會留言我都高興了。張野等妳得閒先寫都唔遲呀。
Merry Christmas to all of you !

>>December 24, 2003 at 6:53:31 PM GMT+8

2003 年 12 月 23 日 星期二 【晴】

唉...我每年都總係會期待christmas既來臨
真係來到之後又想christmas快d過......咁諗又好浪費......
而家又想每分每秒都可以慢慢、慢慢的流逝、甚至停下來
今晚我唔想係平安溫書夜呀

我究竟諗乜野架?

p.s.啱啱係icq delete左十幾個好耐無講野既net frd
家下個list好睇好多了

>>December 24, 2003 at 4:02:24 AM GMT+8

2003 年 12 月 22 日 星期一 【晴】

好鬼攰呀 !
朝早去左CYC既協護,呢次係油木欄杆instead of 剪草,做左兩個鐘,跟住就屈左chemkong請飲汽水
大家一齊坐巴士出去,等巴士時我地幾個form6既一齊con左黃小聰,未郁手之前chemkong仲摧我地話'仲唔快d con黃小聰?'......'低form既同學要學定啦'......
返到藍田就去大滿貫食lunch,同hinlam and 小聰傾d好玄既野,我發覺我好多歪論怪談同小聰諗既思想好似.....hinlam居然話我勤力喎,我係勤力既話就再攞多兩分返黎啦......跟本我就係一個愛用小聰明既懶人
跟住就自己去左銅鑼灣行街,諗住睇下d黑長褸,行左時代廣場、崇光同三越,行到腳軟返藍田......如果唔係攰既話我行埋世貿廣場同皇室堡啦。坐603搖左成個鐘先返到藍田,個司機都唔知食錯咩藥......因為眼訓關係,提早係康雅苑落車行落去提下神......係德田又見到hinlam,跟住就一齊行返落啟田lu
好累呀......仲未睇無間道三同魔戒三......仲有邊個未睇架

琴日影左d 相......
http://hk.f2.pg.photos.yahoo.com/ph/makhuising/
^我相薄

>>December 23, 2003 at 11:00:45 AM GMT+8

2003 年 12 月 21 日 星期日 【晴】

chirstmas party day......
上晝係variety show, 開頭氣氛好悶同牛頭唔搭馬咀...中途同張仕閃出去百佳買汽水薯片,點知比翁sir同大口見到...比人斷正逃學添~~haha
跟住係禮堂個stage度開party,食哂9塊pizza就無聊無野做...又玩猜黃帝=.=輸左即刻con左個黃帝,紅社社長,張仕,study head prefect,阿超都比人con左.....陳淳輝返黎客串做黃帝,點知又比人con埋......XDDDDDDDD
跟住就係今日另一件大事...library prefect party,今次係等一次出去搞......
一放學即刻飛奔去圖書館問Miss Li 攞錢買燒烤既野,落到SA得三個人???!!!照殺,即刻衝左落去啟田惠康買野,成十幾袋...跟住就推埋架車返屋企,加埋禮物成16袋......點算......1:30pm
然後同何鴻儒係咁打電話問人幫手,原本得幾個,結果有成8個黎,落到地鐵站又多兩個人,我幾時變得咁好運架~3:00pm
全部十幾人一齊去左筲箕灣,跟住我點左6個人入定去石澳霸爐先,其他人同我係筲箕灣等其他prefect,我自己走出去街市買氣球同橡筋3:30pm
4:05pm,人齊......淨李蕙萌同鏗叔.咁就留低左李學禮(上年阿head)同凌志偉係度等佢兩個,其他全部人跟我走lu...4:30pm,終於搖到石澳
5pm,5個爐透哂......thanks FishHo and 羅志雄
7:00pm,玩踩氣球,一片混戰....最後我收窄範圍,逼最後幾個係個牆角度玩,一陣就勝負以分...
跟住抽獎......9pm,少少混亂
10pm返到屋企.......累到我起唔到身咁濟......

今年既party既主題係happy corner......變態架班prefect...我被con左成十次都有,樹、燈柱......不過唔少prefect都比班友con左......哈哈哈
相比起之前幾屆既library head prefect,我控制場面方面的確遜色d...不過我敢講同prefect關係最好,默契最好既應該係我啦掛......所以今年我都唔駛炒人lu

p.s. 今日我又係惠康門口見到一個類似舊同學既物體......上次我叫佢佢唔應,今次都係T_T我嗌到咁大聲,似特登扮唔識我多d噃......

>>December 22, 2003 at 4:32:33 PM GMT+8

2003 年 12 月 20 日 星期六 【晴】

11點幾同邪神and何鴻儒去買library 個 christmas party 既禮物, 買左40份......層出不窮
跟住又比佢兩個屈左去請食飯......我既薪家又縮水了......T_T
搬哂d野上我屋企之後大家就係我間房坐左一陣, 同何鴻儒傾lego, 咁耐以黎佢係第三個有同好既人......第一個果位而家都唔知生在何方lu......第二個就係朱仔...
6點出左去大窩口同同學去睇年宵既貨廠,點知去到條茂利話身到天水圍要九點先得......咁唯有搵個餐廳落腳一陣先啦
9點幾上到去,睇左好多吹氣公仔、刀刀劍劍咁,影低相之後,買左個拳套就走lu,原本仲諗住睇完貨之後自己去銅鑼灣睇下d大褸添
聽日就係christmas party啦 !!!

>>December 21, 2003 at 3:48:12 PM GMT+8

2003 年 12 月 19 日 星期五 【晴】

好開心既一日
上晝去左聖言,st.paul cyc搞既老人院義工party,中間有好多輕微阻濟,不過大家都應付得黎....係呢度比d掌聲自己
散哂之後同埋兩間學校既committee去酒樓食lunch,逐個自我介紹,超好笑~~
跟住陳淳輝返左黎,咁就成班人返去聖言玩大富翁啦...我都好耐冇玩過...不過我故技重拖,成個遊戲絕大部分時間都係得一張4000蚊既地+心理戰術(冇人睇得出我用過),由頭帶到尾,可惜臨尾係咁中招,同Elaine屈居第二...後期佢仲有錢過我=.=..最好笑就係我掉骰時要乜有乜
6點就鬆人,識左班新朋友.....唔錯唔錯

p.s.
chilam : 我變左咩......?

>>December 21, 2003 at 2:20:54 AM GMT+8

2003 年 12 月 18 日 星期四 【晴】

good day !
朝早頭兩堂有聖誕彌撒,一如以往咁無聊,不過我一首歌都無唱、一句禱文都冇讀,現階段我唔想諗宗教既野......
第三堂徐sir都廢事教書,橫掂教都教哂,溫都溫哂.小息搵左miss choi講數(真係講錢...唔好誤會),跟住再衝上去搵何sir幫藍社還錢,然後再返library講數(都係講錢.......)忙死了.....不過都係漏左問mario claim 錢......
跟住三堂等影班相,我地呢啲有排先影既form6就係禮堂上層行行企企,有d捉圍棋有d玩UNO同大富翁,有d去library上網......我當然要去ibrary招呼下人啦......
到lunch放左三個字先到我地影,離哂譜......下晝就係music contest
一打鐘就叫哂藍社大合唱既人出去排位,班死人form1(特別果兩三個)臨出場都唔識死,最後社長黃家浩趕走左果個hyper-active個細路,趕得好......不過阿奶唔趕佢走既話我都會隔佢扯架啦,正敗類黎.跟住上到去唱,平時冇乜點練,而且有過半唔識背,但係又出奇唱得好喎,又齊又準~
跟住上番台睇group, solo, instrument, 畢業班同st paul既外援
睇畢業班時....又諗起上年我地唱畢業班既事,好無癮...見到台上呢班活於醜惡人際關係之中而佢地自己又唔知既form5...真係蹬佢地可憐
solo champion李境峰......例牌既老餅歌王
最後我地藍社竟然攞左社際冠軍(我地都百思不得其解),跟住仲竟然攞埋全場總冠軍 !! 今年我地都係第一次攞埋水運,陸運同sing con既冠軍, 身為committee既我都感到好榮耀.......嘩哈哈哈
跟住影左陣相同踢毽,再去大眾行左陣就返家了

睇黎今年都係照舊lonely christmas...

>>December 19, 2003 at 1:57:29 PM GMT+8

2003 年 12 月 17 日 星期三 【晴】

朝早listening...無心機聽......得超低分
我真係驚我會攞兩三條A但係英文唔合格上唔到大學......
不過都唔驚得咁多架啦......唯有不斷咁做,至少都會進步掛

放學影PREFECT相,我猜輸左咁library prefect唯有影最後
班友仔真係有藍社既風格,本以為咁鬼少人落黎影,掉哂LIBRARY PREFECT既假,搞到我跑上跑落六七轉搵人落黎,結果都係搵唔到一個.....點知一到我地影時D人就個個出哂黎,聲勢仲浩大個CLEANINGNESS PREFECT...我總算老懷安慰......
跟住逐個head prefect影一幅被con既相(差佬擰歪面話乜都見唔到.....$%@&%&...),......影完我地被con個樣之後(不過我地無被真con...)再搵埋Ross(SA Chairman)出黎影con相,都唔知呢d咩傳統黎......

跟住踢毽踢左個幾鐘就返屋企
返到樓下'蠟'下個信箱見到封用手寫地址既信,我都估到係比我架啦
Thank You Miyake !

>>December 18, 2003 at 11:39:29 AM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net