2004 年 6 月 3 日 星期四 【晴】

文化苦旅正式宣佈死亡, 聽肥佬胡話 第一題可以寫版半第二題可以寫兩版, 謝皮,道友果d文人寫足兩版仲話唔位寫......聽到都心痛=.=
第七堂英文時得十個同學去左404度等, 廢許都黎埋, 十一個人企左係度成三個字等門口入, 勁白痴......跟住叫左蘇秦去搵佢地, 蘇秦如此變左千古罪人
等果時廢許同我講話我一定要比班library prefect去左summer activity先可以返黎check stock, 家下係咪以為我真係咁單純乜都唔知先, 我同佢講時佢不斷咁話 this is the regulation, regulation 都係change with situation 架啦, 食古不化...又要我地一個week內check哂萬幾本書,又唔准prefect唔去summer activity返黎check stock, 學校d 高層冇乜邊個係好人
跟住食完飯就同班form 1 踢"�, then 返屋企 then 補習 then dinner食車仔麵 with Goi, 係度講小學野
then 睇Day After Tomorrow, 個勢造得幾正
返到黎都十二點一...
結局篇

我版


雖說大敵之勢而去 ,可是逃生卻又是另一個難題……天花石磚一大塊一大塊的榻下來, 完全堵失了禮堂的唯一出口……就這樣 , 5C同學與一班女生被封閉在一個密不透風的敗瓦之中….此時此刻,每人都心灰意冷的坐在地上…但話說回來,臨死時也能與一班女共生共存, 死又有何足惜?正正擁着此心理的billy , 心想臨死前左右逢源也不枉此生
落魄江湖載酒行
楚腰纖細掌中輕
十年一覺揚州夢
贏得青樓薄倖名
此言得之…….
於是便用了他最後一次的電眼功!!(呢條友仲唔係死不足惜?)強勁電流擊中了幾個較標青的獵物(都算佢有眼光) ,但事出突然,強勁電流竟誤中女生群中的chris!!
阿chris 即時站了起來,投向billy懷抱…身旁的chicken即時怒火中燒,眼前此淫賊臨死前也要眾目睽睽之下撬牆腳, 不秒殺此人豈為人(雞)哉?chicken 欲殺之而後快, 但chris卻在billy 的懷抱中,如此進攻必痛失至愛…….站在一旁的black twins忽然站起來, 運功氣聚丹田 , 放聲長嘯’ 你都痴筋既! ‘ 四處再次隆隆作響,一片沙塵滾滾, 原來方才的話是音波功的最高境界, 連金剛也曾被這收服 , 現在要震碎石頭可謂小巫見大巫!!身旁的chicken雖正怒發衡冠, 但被這樣一震, 導致體內兩道真氣互相抗衡 , 終致走火入魔, 倒下來了.(billy在桀桀笑着)上方一道曙光射下來,所有人正處於一片歡騰之中……
一段不尋常的聲音愈來愈響 , 眼見上高的那洞穴突然失色, 接着便是一大堆,無數的黑色聖甲蟲!!(diablo版 , lightning enchanted)數量之恐怖 , 可謂見到都腳軟……那堆剛湧入的聖甲蟲正向着大夥兒橫行過來, 似是快將開始一場大逃殺.一群聖甲蟲一馬當先,後隨着數萬隻的同伴,一湧而上剷向正溝女的酸腰…酸腰冷不妨聖甲蟲的突襲, 準備餚底可惜也太遲了…….只見聖甲蟲把他包圍着,無數隻聖甲蟲鑽入他的肌膚脈搏,後眼入前眼出, 上演了一幕真人版蛇吞象, 一下接一下的慘叫聲過後, 這團黑色蠕動的物體已經變成了一排白骨和七孔留血的頭顱…….(悄悄的我走了,正如我悄悄的來,果然快來快去)此刻親眼看見同伴慘死,可謂5C的最後時光了…….
就在生死存亡之間, 上方忽然轟隆一聲,然後沙塵紛飛 , 宊然三道強光激射進來, 聖甲蟲即場爆甲噴血, 其他的聖甲蟲都溜得一空.5C同學仍然驚未定, 凝望上空那炸開的天洞, 看見了三個曾相識的人影…不!那是….是5C三劍!!是那雄姿英發的仁劍!是那手持計數機亂chok秘技的天劍!是那於天堂遊埠的地劍!!無見一年,看來修行又到了另一境界了…
天劍說:我們快走吧, 這裏快不行了…接着他的劍突然變長,一下子插到洞穴地上,讓眾人爬出去,昏倒的chicken也感到三劍之氣而醒來了. 地劍和仁劍使出了御劍之術,所有人都騎在劍上 , 眼見周圍都是聖甲蟲,佈滿整個平原,雖仍得以脫逃, 但仍不寒而慄……正當聖甲蟲快要湧到禮堂頂端, chicken竟發現他與chris的定情信物被掛於此!!chicken此刻不顧生死,雙腳夾着劍身,隻手伸出欲以捉拿那定情信物!就在chicken拿到了那信之一秒,聖甲蟲便淹沒了整個禮堂…….
就在這應該氣定神閒的時候,原來billy仍唔識死地摟着chris!!看來另一場也是要一觸即發了.....


>>June 4, 2004 at 4:47:34 PM GMT+8

2004 年 6 月 2 日 星期三 【晴】

今日終於用四個鐘時間睇哂淨低既140頁文化苦旅......平均1.7分鐘一頁(cor. to 3 sig. fig.), 尚算記憶猶新...呢幾日睇果d,
越係後面果d真係幾好睇, 猶其'飄泊者' , 如果我係佢地既話, 我都會為我多經歷既一生既感嘆又感觸......其實我都想有一段多經歷既旅程, 猶其有更多突如其來既 ' refer to ' 之處, 我太想遇到有前後呼應既事

好book唔book, book左星期六9點咁早睇牙, 可悲呀....
期待聽日 : 三個期待

結局篇

魯爾版


雖說大敵已去, 但係逃走難度亦奇高, 眾人面前出現多條怪門, 由於唔知d門通向哪, 眾人均不知如何是好.....雖知走錯門就no turing back, 就咁會70腳一伸, 齊齊講bye bye.....
chicken此時竟然話"我識穿牆, 睬你都傻", 咁就消失!!!!"賤人!!!!"眾人大叫.....(按:出賣左3條友, 報應......)點知, 林魯爾始終為賤人中之賤人, 突然拋出chris!!!!"你走, 咪等chris同我地一齊死囉~~~~"(按:帶左chris咁耐, 都辛苦我囉.....你地明我講乜架可?")
o係班中, chicken已常被林魯爾捉痛腳, 估唔到今次亦唔例外, chicken帶著怒火從其中一條門中回到5C眾人大隊中(按:都話佢來去如風, 唔好問點解仲未倒塌), 眾人懷著死唔去o既心情走人
誰知, 門口竟通向死胡同, chicken今次係點左條黑路5C行!!!!! "嘿嘿嘿.....今次我都諗住同chris一齊死, 視死如歸呀!!!睇你點威脅我!!!嘻呵哈嘿丫~~~~"一聲怪叫, 5C等人只有怨從沒想過chicken會出玉石俱焚一招.....差電? 牆係石造, insulator......電眼? 牆唔係男唔係女.......只怪當初冇救走油氣王, 唔係再次差電, 油氣王或者可以打破牆壁.......(按:加呢段係為左我地死有餘辜)
眼看石頭不停榻下, 5C一眾快將成為柿餅, 無貴無賤, 同為枯骨.......許軒把心一橫, 竟以全能量差向black twins.....雖知許軒今次加埋anaerobic respiration, 差電o既能量係差billy同chicken o既數倍.....但black twins竟毫無損傷????非也........black twins的滑o都o都發出音波功, 竟然捲起龍捲風!!!!此風力量十足, 竟吹走所有石頭!!!!接著肥ken向牆撞去, 石牆應聲傑然而解, 連帶i住石牆諗住一齊死o既chicken都飛開10丈, 撲向林魯爾的懷抱......
只見危險已去, 林魯爾突然發瘋, 大喊"死賤人, 賤過我????" 不停拜不停偷, 只目chicken下體血肉模糊, 相信下半生排泄也有問題了.....(好彩我一早俾你偷, 而家男女都得, 好過佢男女都唔得.....某人說)傳說此後chicken每逢初一十五, 月圓之夜均會發出"俾返條腸仔我....我好急呀....."之怪叫(chris報料)
此事後, 擁有對付邪教實戰經驗的5C同學獲得世界各國招攬, 以對付恐怖份子
據知, 各國對超能力, 賤腦, 重量, 武器製造等極有興趣, 尤其希望5C可以帶給各國無間道方面的知識, 既可對付無間道, 亦可培養無間道
5C同學現已成為世界身價最高人物和接受訪問頻率最高的頭35名人物, 而身亡的三位5C同學的屍體則根據林魯爾的建議, 以每具一千萬鎊的低廉價格售予美國
據悉, 由於美國對蘿利, 色情狂及半人獸極有興趣, 本欲出價千五萬鎊買下三具屍體, 林魯爾卻以慈善為由, 以低價出售屍體, 並把收入捐入慈善團體"資助5C發展基金", 資助有需要的5C同學(按:物盡其用o者, 我唔賤丫)
記者:林檸檬, 麥長星, 許智軒


>>June 3, 2004 at 1:28:05 PM GMT+8

2004 年 6 月 1 日 星期二 【晴】

成功耍太極推甩左physics informal test, 時間又鬆番d lu
lemon睇到明報話青華北大會以拔尖形式收我地呢屆會考4A或以上既中六生,qouta有900個, 免學費+30000蚊獎學金, 不過要擁護基本法之類之類, 中國人性格係生不入官門死不入地獄, 雖則我未至於咁極端, 不過為免成為中國黑箱作業式政治既犧牲品, 好似余秋雨咁比人掟去唔知邊度體驗......加上我呢年中六過得不易, 我對Alevel既期望遠遠大於對大學既期望......所以都係唔好搞我喇 =.=
放學之後係聖言+St Paul joint school 中化oral practice, 一入去就勁無耐咁被逼坐邊位......跟住班st paul黎, 飛羊就開始講野, 一講我就偷笑......
環顧四周一個識既人都見唔到, 是但啦...settle無幾耐就開始, 邪神係度壟斷, 再次成為圍插對象, 有個女既超勁, 結果五個人三揪一 (果兩個女仔當一個啦)
睇埋淨低果一百頁左右既文化苦旅, 原來後面果d咁好睇
我都唔知我今日究竟做左幾多野,夜晚補習double lesson 7-10pm, 返到黎食完飯沖完涼都11:30pm先做app math, 跟住執下野又搞成點訓......

第八回 結局前篇
written by 我


緊張時刻終於來臨!再一次士氣大增的聖言學生,這次悏着雷霆萬鈞之勢 , 以三對一,雖有失君子風範 , 但大敵當前 , 又有誰會理會這些迂闊而莫為之禮儀呢?話未說完, chicken人影卻不見了 , 放眼一看, 原來人已在邪神面前 , 並施展其獨門武功 : 巴辣雞腿 !!!只見chicken那滿目瘡痍的單腳突然筋肉橫飛 , 以肉眼不見的速度往邪神的要害猛踢...台下之旁觀者都無不嘆為觀止 , chris 更大聲共開示愛:雞仔雞仔長大囉,雞仔雞仔去拍拖 . 每當台下之chris叫一次雞仔 , chicken踢腳之速度就愈加迅猛 , acceleration中有acceleration ......
chicken得知自己的每一腳都中敵錚錚作響 , 心裏便好不高興 , 但卻醒起來了, 下陰何來錚錚作響?原來chicken踢的,只是邪神之護陰罩而已!話雖如此 , 但其護陰罩已經破爛不堪 , 變成了concave mirror 壓着邪神的小弟...
此時, billy 發勁使出其電眼神功 , 十萬伏特直刺向邪神 , 但邪神卻避也不避 , 讓那強勁電流直刺入眼.正當眾人以為成功在望之際 , 邪神的眼睛變成桃紅色 , 哈哈大笑着 , 許軒立時醒悟了 , 他曾說他是蘿利控 , 也即是愛小女孩的人 , 這時 , 邪神脫下了護陰罩 ......嘩!!!!!!
原來此魔頭與billy同是陰陽人!!正如前文所說 , billy的電眼只對男或女生效 , 但對此同類卻毫不起作用!!這時邪神飄到空中 , 使出一招仙女(妖男?)散花一支支如刺針的玫瑰直刺向人群(場面有點作嘔) , 此時billy 急中生智 , 用電眼射向一班甲組 , 甲組立即像中了毒一樣 , 以其粗橫的身體橫身檔着一班聖言學生...一班5C學生心想英雄救美卻被'美'所救,可謂苦盡甘來得個吉......其中最慘的可謂billy , 為救一班聖言學生 , 便把自己之下半世之幸福繼送在一班甲組手上....要知道電眼的效果是永遠不能消除的......
突然, 兩團黑影從天而降 , 原來是black twins ! 下墜之重力估計足以壓碎三合土的black twins , 雙雙擊中空中的邪神!! 三人重重的墜落在地上 , 邪神當場吐血暴斃 , 同時也引起了一場天崩地裂!!!禮堂的天花開始倒塌 , 眾人正想走避之時 , 好心人ken卻拖回兩條發始發臭的乾屍:油氣王和王* 華,怎料把口大過天的林魯爾卻說:拖住兩條organic matter 把托咩?眾人心想又是道理, 於是便撇下邪神,油氣王和王* 華三人的屍首 , 帶頭的chicken數了人頭 , 確定了是35個(許軒是隱形的) , 展開他們的最後逃亡......


>>June 2, 2004 at 5:00:50 PM GMT+8

2004 年 5 月 31 日 星期一 【晴】

不知所謂既'無冷氣日', 死頂足頭三堂聽書, 熱到痴線......
physics 中六最後一個lab, 臨尾終於答錯左翁sir既一條問題...大鑊喇....我竟然係我中六美麗既TAS裏面劃上一個樣衰的句號......=.=
跟住又pure math小測, 狀態竟然唔錯(用番listening果招,橫豎跟住都無堂), 不過做唔切,實在良心過意不去
食飽就訓, 發左個好正既夢......醒左之後都仲成日諗住,諗到都自己係度笑,不足為外人道也,不過呢個夢係違反自己承諾, 我要盡快忘記佢

第七回 written by Lemon Lam


此時可謂:戰矣哉?骨爆沙礫, 降矣哉, 終身夷狄
面對邪教狂徒, 5C同學們瓜o既就瓜晒, 唔駛瓜o既都唔係郁手o既材料, 有o既只係幾個腦, 兩個賤人(軒+魯爾)同埋一把口(魯爾)......要避過攻勢, 可以話係mission impossible.....
但係, 5C一向都同仇敵概, 點會輕易放棄? 此時, 只有林魯爾同許軒可以頂住一陣, 但係畢竟林魯爾只係識得不停出童子拜佛同猴子偷桃, 許軒亦只出差電, 二人體力有限, 暴邪攻勢無限, 故不打勝負亦早判了......
突然, 林魯爾向5C大隊走去, 用僅餘力量推左black twins去邪人手上(按:送死?), 並拉許軒, billy及chicken回大本營.....5C均對此極度不滿, 但林魯爾使出其死淨把口的絕技, 竟歪曲利弊關係, 並放言指如chicken及billy可同心抗敵, 可以要風得風, 要雨得雨, 要女得女, 要chris得chris......chicken及billy同時為口技所動, 決定再度倒戈相向(按: 無無無間道......), 可惜二人因決鬥而力氣全失, 縱有心也無用......
張人士及麥星星等亦似乎明白林魯爾之意思, 教導許軒以差電手法電向二人之身體, 只要電流通過二人的所有neurone, 便可引發他們的muscle全力使出anaerobic respiration, 可以發揮比以前十倍的功力......雖說這很可能令二人全身充滿lactic acid, 十年都還唔晒個oxygen debt, 要女得女嘛, 倒是可能的, 無福消受的機會更大了......但係5C眾人唔多唔少感染左林魯爾的賤人神功, 而且性命緊要, 睬你都傻.......
許軒先叫一聲"clear", 再差向chicken及billy二人的奇經八脈, 電光火石間, 三人同時彈起......原來許軒一向唔上physics堂, 冇聽ok講野, 唔知道咁大電流會break左佢個fuse(按:上左都唔見得會知), 令到自己極高pd, 雙腳一掂地就會電埋自己同佢掂住o既人, 結果電到自己都中左招......
但係可謂錯有錯著, billy因此得了電光眼, 可以以其電眼殺死天下少男少女(按:此人被偷桃後來就是東方不敗, 當然係男女都得), chicken則可穿透任何牆壁, 而他早時斷掉的腳同步率到達1000%, 可謂神龍見首不見尾, 要捉佢難過登天, 許軒則電到隱左型, 可以o係人地唔見佢o既時候都電到人, 三人完美無睱的配搭再次使5C佔上風.......


>>June 1, 2004 at 9:35:15 AM GMT+8

2004 年 5 月 30 日 星期日 【晴】

今日好對唔住一個人......返到學校先知係graduation ceremony, lunch我已經全速飛番屋企架喇,icq+手提+留言三管齊下, 最終都無奈被冠以飛機王稱號=.=
六點再約出去比notes, 跟住係同一個地點一個企一個坐咁等對方等左三個字, 好彩我見唔妥行出去...老天爺玩我咩 =.=

動力番黎啦, set左個分數目標比自己( 對我黎講求學only if求分數 ) 如果無中化UE既功課阻住我既話, 要達到並唔難.......


第六回 written by 我

隨着拍手之聲揚起, 一支名為DIY大砲終於完成!此大砲外型奇特,下身連接看由一哥所駕的黃金跑車(1月28日研製), 炮身呈深黑色 , 唯獨頂部金光閃閃,充滿地中海的風采 , 機身由油脂所製(間接材料:面油紙) , 刻着耀眼的5 個字: 5 C DIY.由於本班english水平平均低落 , 有人說: d-i-u-d-i-u.....I don't know how to pronounce it....
炮台準備就緒,但現埸兩處龍爭虎鬥恐疆持不下,一方面有billy與chicken的爭女之爭,另一方面有油氣王與綠帽狂魔之正邪之戰.......此時billy與chicken己筋疲力竭 , 雙雙躺在地上不醒人事.甲組立即一窩蜂湧上前替姊妹billy抺胸捶心,阿依瑪不禁嘆了一句: 豬排都係肉,好過去自濁......
話說回來,油氣王與綠帽人已展開了王廷激戰!綠帽狂魔手持一大疊3仔4仔蛇貓狗之類,展開飛碟(鹹碟)攻勢!可惜,此類普通九流招式對日日吃粟米雞排飲可樂的油氣王跟本毫不起作用,即使油氣王中了其飛碟攻擊,只需輕輕的說一句:咩呀!來勢洶洶的飛碟像急轉彎般,打了一個流利順滑的U-turn,反過來擊中綠帽魔!然而,此人的功勢乃大範圍攻擊,班中以酸腰為首的一行人竟不顧生命危險衝去拾書,幸而有雷震子的幫助把他拖回,否則又有人死於色心之下......
油氣王與綠帽人大戰三百回合,綠帽人動作己經放緩下來,然而油氣王看似有用不完的力氣,據了解,油氣王能把所有油分吸收轉化為能量 , 因此他的身體便已是一個reserve.就在綠帽者露出破綻的殺那間,油氣飛身躍起,緊緊的用身體綑着綠帽狂魔,跪在蓄勢待發砲口前面.,向同學示意開炮!
於炮台身後的一眾5C同學 , 心裏估計以油氣王之神速必能避過,又能示實力於女生前看,齊聲說好,並點燃了發射之引線(此為重色輕友).炮台隆隆作響,周圍5C同學一致的拍手:拍,拍,拍,拍,拍,拍,拍......炮口發出了刺眼的強光,油氣王於綠帽狂魔耳邊輕聲說道:你聽聽...這是必然的聲音...也是你死亡的聲音.(轉錄自某名電影).在這生死一線之際,線帽狂魔使盡全身氣力的說:my ....name is.......邪神!!繼而奮力連同油氣王躍起撞向天花板,油氣王的體內之氣被一下子全逼了出來,武功傾克間盡癈,無力地跌在快要發射炮口前,綠帽狂魔則跳到高處,哈哈大笑着,看着眼前的油氣王,被自己同伴的炮台所發出的detergent子彈所emulsify......
綠帽狂魔的真面目終於示出了.....那就班中漫畫痴迷零智慧!!眼見同伴billy , chicken , 王* 華, 油氣王都一個接一個的倒下來 , 現只盛下一班手無綁雞之力的5C同學,腳無踩蟻之能的一班女生,僅存的black twins ,得把口的林魯爾, 和毫無用武之地的張人士,麥星星和郭踢賢,看來大家再次陷入水深火熱之中.......

>>May 31, 2004 at 3:56:02 PM GMT+8

2004 年 5 月 29 日 星期六 【晴】

朝早攤屍攤到11點先開工做report, 對住部電腦對到頭痛
六點先落街食野, 又巧遇Oush, 咁就一齊食喇.跟住去書局睇完solution之後就歸家........
成身仲係散哂,做乜野都無動力,黎緊呢個week又係大把野做......星期二又要同st paul做oral practice+ 補習+ pure math小測, 星期三去整牙, 星期五測文化苦旅+補習, 仲有唔知邊日測physics同 app.math...藍社既錢仲有d未claim, 又未去作假單.......@@ + =.=! + T_T
最最最重要係未開始為考試溫書 , 我有不祥既預感...眼見north秘密練兵, 佢都係想把握埋最後呢次砌低張仕既機會......
聽左燕姿既新歌 ' 未知的精彩 ' , 有少少 ' 年輕無極限 ' 風格...不過幾relax
夜晚又有波睇, 賽前節目同樣令我O咀...

第五回 --- written by Lemon Lam

5C眾人萬萬料不到chicken亦係無間道!!!! chicken突然向billy走去, 大叫"我個chris, 我個chris!!!"原來billy做左公公亦死唔知衰, 竟然大膽得公然勾二嫂, 懷抱之中竟然有chicken嫂-----Chris!!!!黑twins, 油氣王等本欲阻止chicken惡行, 但林魯爾竟說"由得佢地打啦, 一個無間道, 一個界女王界晒d女去, 搞到我地冇啖好食, 打餐死之後咪我地收拾殘局".....真不愧賤人之名!!!!
說時遲那時快, chicken與billy已交手!!!! 由於多年朋友, 兩人極度熟悉對方, 雖說chicken因為救女情切, 全力瘋狂進攻, 但是billy因已成為公公, 進攻速度奇快(按:東方不敗....billy, 我冇待薄你)......
在兩人互相發功時, 各5C同學正全力趕製終極武器, 因全場目光都被邪邪之戰吸引, 林魯爾又以天生之講波技巧講呢場大戰, 令各人睇得如痴如醉, 所以5C同學獲得喘息機會, 並可爭取時間製造武器~!
突然, 王*華奔向戰場中心, 大叫"你地班牟利!!!!" 原來王*華對billy及chicken積怨已久, 兩人均左擁右抱, 王*華卻一支公, 但是他狂看4仔, 欲望那忍得了? 於是欲望轉化成仇恨, 眼見二人打生打死, 王*華由於盡得林魯爾兩年來賤人真傳(按:佢坐我後面的說), 希望收拾殘局, 做瓜兩件敵人同時做其英雄, 令左擁右抱的人變成他自己.......(按:林魯爾甘拜下風....)
但係, 王*華不自量力, 兩人意志及能力超人, 亦高佢n個頭, 冇得打.....王*華兩招就俾chicken及billy以合體技打走.....(按:有人聽到林魯爾話:邊有咁荀丫, 你呢招如果得我就一早做左啦......抵死.....得我真傳?我點你咋......)可憐王*華以為學到真傳, 點知被點, 食左一記合體技後已奄奄一息矣........
此時, 場上響起"拍拍拍, 拍拍拍, 拍拍拍拍, 拍拍, 搞掂!"的聲音, 原來此為5C招牌的3342打氣術, 以此互相激勵, 亦可以玩野, 又可以傳遞信息, 一舉n得.....究竟搞掂左什麼?原來係那終極武器......


>>May 30, 2004 at 12:37:05 PM GMT+8

2004 年 5 月 28 日 星期五 【晴】

話說今日CE listening, 又再發揮秘技 — temporarily 將精神力量提至最高 ( 之後一放鬆實會訓架喇 )
話時話呢個都知咩考試...雖然我自己起初都串左anerobics,不過aerobics串埋比你, sauna又串埋, 講真句個個唔識都好過個個識啦......
跟住去沙嗲王食飯 , 食完之後竟然落狗屎, 咁就去荷里活行下順便買筆, 經過機鋪巧遇馬仔,GW,淫僧,小海,湯冠華......(其實我行入去都預左撞到熟人)

經過連續廿四小時既疲勞轟炸之後 [ 體能考試(physically) > 補習二個半鐘(mentally) > 魔戒III三個鐘(physically and mentally) > 訓得四個鐘( physically ) > CE listening (mentally )1.5hr ] , 一返到黎就訓低左......zZzZ...

今晚要完成physics 第七份report同EM 既MC+文化苦旅, 聽日係pmath hour........

夜晚比mother轉過去睇亞視台慶, 竟然請到AC米蘭, 不過個爛show真係睇到我笑到飯都噴出黎, 班球員只有無奈一笑, 失禮死香港......

> 姣男 : 乜說話呀~~~其實個留言我都係未經過腦部既思考就打落去既
我唔會克意寫到個日記咁深奧or為內容煩惱,當新聞寫又好抒下感都好,總之係'記'就得啦,無謂為內容自我煩惱,平時已經好多野煩架喇,如果連'記載煩惱'呢個過程都係咁煩惱既話,咁我地似乎就係比智慧利用,並唔係利用智慧......
不如你都寫多d啦

第四回 (written by 許智軒) :

正當所有人都被一聲 "你就係chris !"震懾之際 ,一個被眾人遺忘了的黑影悄悄地溜入人群 ,步步迫向被敵人團團圍住的5c人群當中,並站在billy身後舉手欲擘....................此時 ,本身敞在地上扮死屍的許軒(此白痴仔因冇水 ,所以一直都唔肯食藥)(加上此子本身為人極懶 ,眼見已有人在開工 ,便厚顏無恥地扮死屍 ,已徒坐享其成)眼見因下體受創而腳步不隱的billy快要被黑影打中之際 ,
為保billy公公,許軒決定使出因威力太大而被封印起來的禁招...>>"差電"
許軒不愧為form5 "差電王",此招一出 ,強大指勁立即鋪天蓋地般向黑影攻去 ,只見黑影眼見強招臨門 ,只好暫避其鋒 ,向左退去 ,可惜 ,差電一招威力之大 ,全因它能同時攻敵左右兩方 ,此番黑影向左一閃 ,右身即告報廢 ,他本來的面目亦因身子一緩 ,被眾餘下的甲組暴獸盯上了,亦一擁而上 .............他的真正面目果然就是..........chicken!!!!
佢竟然先扮傻仔走左去 ,再行折返以偷偷地除去班中神智清醒的人 ,無錯 ,今次5c camp的發起人就是佢!!!!佢出賣左我地!!!!???

>>May 29, 2004 at 1:46:55 PM GMT+8

2004 年 5 月 27 日 星期四 【晴】

話說今日第二個小息時被馬太召魂,估到.......知乜講乜, 咁就無事喇, 臨尾仲懶係pro咁講左句 ' 哦,我以後會監管下架喇 ' 馬太仲笑添......
跟住考體能, 大退步 , 考完行樓梯都無力, 跟住同張仕去食日本野先返屋企溫中化既lecture notes, 沖個涼然後出去補中化...上上下見到一名貌似禮服矇面俠既女同學走去前面攞notes, 睇真啲完來係陳哥兒...初次見面竟然係班房入面 , 呵
返到屋企就睇代library買既lord of the rings 3, 正爆 ! 不過最後唔明, 搭船去邊...?
睇完都成一點, 打埋呢篇日記就完成豐富既一日

當然唔少得既就係post 第三回啦~~~今日呢段係我寫


本社記者繼續訪問滑嘟嘟,他表示,一段短時間的暈眩後,一睜開眼睛,便毅然發覺自己身穿黑衣西裝,戴着黑超,手持着'聖言笑面虎'葉sir之聞名步槍:油擊AK47!眼見現場形勢混亂,三面陣營彊持不下,便站起來大聲叱喝道:癲左呀你地!
不料,此話居然起鎮懾之效,眾人的目光都像被臣服了般向滑嘟嘟投下了注目禮.一些女生更被嚇得雙腳發軟跪了下來.此時,聖言學生之一的肥ken哥,一支箭步走到該女生面前,藉以橕扶為由,諧油為實.滑嘟嘟見狀,正義之心不知從何來,厲聲喊道:大膽刁民竟敢調戲良家婦女!說時遲那時快,只見滑嘟嘟化成一團黑影,如脫兔如驚鷗,如鴻雁在大漠陡降,突然出現在肥ken面前,速度之快真是人如其名.
肥ken心知不妙,怎料滑嘟嘟笑了幾聲,伸出了一隻畢直尖銳的手掌,一下子插進肥ken的胸前...銀色的液體開始擴散全身,不一會兒肥ken成了一團銀色的物質.......在場女生嚇得尖先聲大叫,躺在一旁的billy本想以一抱三(齊人之福?)正想動身之時卻難忍男人最痛,不由得彎起他修長的身子.......但此舉卻引起幾個甲組的憐憫,反過來熊抱以作安慰,此時可謂求仁得仁.......
話說回來,那團銀色物質似在蘊釀着什麼......忽然這成了一幅站立的圓柱之狀,並慢慢成了一個人形!不消一會兒,一個同是身穿黑衣,頭戴黑超,手持油擊AK47的人形成了!眾人卻因此而感到驚訝,連那綠衣主持也不禁全神貫注地拍懾着: 肥ken和滑嘟嘟有着相同的背影,並一起回頭看過來,5C學生齊聲說: Black Twins!此時5C陣營氣勢大增 , 有穏如泰山(MASS?)之BLACK TWINS , 有食腦的林魯爾 , 有玩化學的張人士, 麥星星及郭踢賢, 又有油氣王助陣 , 可謂集各家之大成也!他們雖然被敵軍團團圍住(同時也團團圍住一班女生)但是氣燄之盛卻無可阻檔,一場大戰一獨即發!(同時billy也被一班甲組圍在最中間)
Black Twins衝鋒陷陣 , 一下子以' 音波功' 震暈了幾個站在最前唔識死的小嘍囉.此音波功極為煞食,amplitude極高,遇到障礙時卻不會反彈,因此從不傷及同伴.於black twins前面的人無不退縮三步.此時張人士所製之TNT己經大功告成,放進由麥星星所持的圓形炮筒.準備發射殺個片甲不留!麥星星雖有嚴重視力缺陷,但緣督以為經,射槍技巧已達'道'之境界,官知止而神欲行,輕輕一按板門,前方一行敵人竟突然氣化!一些人部份身體暴露於張人士之核幅射中便氣化起來,以致身體某部份消失了,一些人則失去了半邊頭部當場慘死,屍填巨港之岸,血滿長城之窟,此言得之.身旁的郭踢賢從容不迫地於所有人歡呼下出手,只見他把頭向着敵人,敵人均甘前不由自主地伸手摸了幾下,便攤在地上了.
一直站在台上的綠衣(帽?)狂魔桀桀笑了幾聲,大叫着:我是蘿利控!!由於在場的人都不知他在說什麼,氣氛一片蕭寂,雪晴,山靜,鴉雀無聲.綠帽狂魔見招數不湊效,眼前班'靚'又全軍覆沒,便轉身就走.突然人群中一個鬚刨飛擲過來擊中了戴綠帽的....未出手的油氣王躍身而起,飛站在綠帽者面前,說:決鬥吧!
正於一片緊張之情景下, 一個似被遺忘了的人站了起來,搖擺不定走到billy身邊,指着他緩緩說道:我知道世界真相了......你就係chris ! 成了閹人的billy嬌聲嗲氣的驚呼着,身旁的甲組姊妹似又要展開一場麻鷹捉雞仔!


>>May 29, 2004 at 7:07:25 AM GMT+8

2004 年 5 月 26 日 星期三 【晴】

上乜鬼野班主任課吖,明知考試就到架啦,嘥鬼哂d時間
死啦,諗番成年學左既野,有好多遺忘左.....

下學期開頭既puremath疏左,function果d要諗好耐先落到手.....反而上學期果d又幾熟喎
appmath淨係果條G'=G-xY+yX唔記得點用......
physics...雖則mechanics無乜難度, 不過新教果d......=.= !

大煲喇......

今日連載第二回 written by Lemon Lam

原來食過夜粥(按:弼)的林魯爾(按:我冇理由瓜埋丫)同學全部擋下billy的攻擊, 並以家傳拳法的”童子拜佛”及”猴子偷桃”拿下billy要害, 令其攻擊力全失, 界女王以後亦只為一個名稱而已…….
林魯爾同學一向有賤人之名, 這次亦不例外, 不吞下藥丸而先看其他同學之反應再行事, 這謹慎決定令其逃過一0�, 保存其狗命, 亦不枉其賤人之名矣!
這時, GW同學亦以強勁氣流殺出一條血路, 與其他同學集合, GW同學為出名之氣流王, 有金剛不壞之身, 其身上原始生物的基因令其不受藥丸的作用影響, 保留智慧, 倖免於難
此時, 去廁所之女生被各吞下藥丸的邪教人士包圍, 各聖言中學同學鼓起勇氣奔向女生方向(按:此為色膽包天), 並成功救下多名女生, 但由於他們位於敵人主力領導人的位置, 性命可謂危在旦夕……
在千鈞一髮之際, 場內突然響起爆炸聲, 5C中的張人士, 麥星星及郭踢賢同學早已察覺該camp冇咁大隻蛤(也母)隨街跳, 又有野食又有女溝又有衫送, 所以亦一早決定做其無間道, 以掩眼法收下藥丸, 並扮作吞下藥丸, 更暗中使用他們超卓的化學智識, 用僅有之材料製作炸彈多枝, 眼見同學苦戰, 決定發難…..後來5C同學們異口同聲說, 由於他們於課堂中(尤其phy&eng)慣於以僅有的材料製作武器互相攻擊, 所以找尋物資製作炸彈可謂全無困難, 更誇下海口說以他們的智識, 製造核彈亦全無難度! 小道消息指, 此事後香港政府有意招攬各5C同學, 以同時獲得氣流力量, 賤人智慧及以簡單材料製作武器之術, 使香港於軍事上取代美國, 成為世界上的龍頭大哥, 既可藉此推動經濟, 亦可避免被恐怖份子拉西攻擊, 更甚者更可以開發非碟型肺炎的疫苗


>>May 27, 2004 at 8:20:45 AM GMT+8

2004 年 5 月 25 日 星期二 【晴】

半日奉獻左比pure math同physics, 我唔容許我打破 final exam高分過first term exam既命運......雖然今次可能無乜機會......
跟住我好似被神遣的睇中化 ......身心以為形役,遏不委心以去留, 睇睇下唔睇......

無端端係部腦入面搵到我上年同幾個人會考後寫左個故仔, 既然呢幾日寫野咁唔方便,咁我就連載式咁貼出黎啦......

今日呢段係我寫


[糟透社]:天怒人怨也!日前兩間學校之中五學生參加了一所疑是由邪教冒充之宗教營,
卻糟受到營中職員之威脅,揚言吃下某種藥丸便可得極樂!幸然,參加了該營之男校學生屢發奇招,重創營社設拖之餘並' 拖着營友' 殺出血路!
該校學生為藍田最高地理位置學府聖言中學(男校)之中五丙班學生,另外一間則是梁式芝書院(女校)之中五學生.據知,此二校於會考前曾舉行聯校會話訓練(ORAL PRACTISE),其中有學生互生情愫,心想與佳人朝夕相對,便發起參加此營之說.
據其中受害者之一,自稱'滑嘟嘟'之聖言學生所了解,事發當天為宗教營之首天,學生於入營後便發覺事有蹊蹺,皆因四處不但放有耶穌像之餘,更有佛像,拉登像,細殊像,火星人像和邪神像.當眾多營友被安排至營社禮堂之際,主持人走出來並吩咐工友向每人派發一顆藍色和紅色的藥丸,並說吞下紅色藥丸便可得知世界真相,藍色藥丸則可於此營享受魚水之歡.營友正處於猶豫之際,主持人便率先當眾吞下紅色藥丸.當時大部分學生都吃下紅色藥丸,唯獨是幾位聖言學生不肯就範,分別是billy , chicken , 和不願透露姓名之黃* 華 . 滑嘟嘟並說,吃下後便感到一陣暈眩 , 之後便昏倒不醒人事.
之後本社記者訪問了吃下藍色藥丸之billy. billy說,吃下藍色藥丸後,感到胸口一陣微熱,
繼而發身邊之同伴均紛紛倒下,心知不妙,便鼓起勇氣站起來大聲則問(據本人理解,此舉是為了在一班女生前威風一番).主持人哈哈大笑 , 脫下面紗, 變成了一個身穿綠袍,看不見頭顱,外貌之陰森男子(催狂魔?).billy表示,此刻突然感到寒氣刺骨,但胸口卻仍在發熱,並感到冰火交錯似的.忽然他不由自主地走到女生身旁,眼見美色(食?)當前,不飛擒大咬豈為界女王?
當時幾乎所有女生都吞下紅色藥丸但卻沒有像男生般昏倒過去,反而竟像billy般面色發紅.
餘下二人之chicken和黃*華則較為清醒,眼見主持人拿起攝影機準備拍下billy飛擒大咬之奇景!二人準備前往阻止,怎料chicken突然發作,不斷大叫chris,直奔向女生群中.女生卻像麻鷹般,看似凶猛無比,反過來着男校學生,上演了一幕麻鷹捉雞仔...
後來本社記者乜調查了不肯吃藥的黃* 華,原來他當時孤軍作戰 , 明白了自己為何不會像他們般發作:因為心裏害怕引致vasoconstriction , 以致手毛豐盛的他,身體包圍着一層暖氣,所以不受寒氣所入侵.可惜大敵當前,美色(食?)當後,黃* 華如何決擇?

>>May 28, 2004 at 6:04:54 PM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net