2004 年 3 月 29 日 星期一 【晴】

今日最大既消息係星期五appmath又小測......乜咁Q多野做架,星期四又測pure,星期五又係我present個speech,physics既capacitance又未清掂,誰明白我想...想一覺熟睡...
成個人好累,同班form1踢毽就鬼咁好精力,唉......

番轉頭講番oral堂,阿瑪講左個廢許唔agree既topic,下場結果同邪神一樣
我當然係企阿瑪果邊啦,不過我present時會唔會玩呢d野卻係另一回事......廢許呢d人鍾意點畫花你個底就畫,遲下先至變臉唔遲啫

其實係咪好多人睇唔到右邊個 java?

>>March 30, 2004 at 10:23:05 AM GMT+8

2004 年 3 月 28 日 星期日 【晴】

朝早個心情同天氣一樣......
有個form1仔走埋黎問我:你有心事呀?為錢定女人?
我好無奈咁答兩樣都唔係......
全日笑得出既就係下面呢段physics堂既對白

星:我 , 0 : 邪神 , 豪 :威豪
話說我轉緊邪神新買支貴筆......
星：都幾好轉，不過個mass distribution唔夠我果支平均（跟住我就攞左我果支出黎）
豪：你指呢支？幾錢呀？
星：廿幾蚊啦
豪：嘩廿幾蚊……你買架？
星：（忍住笑講）唔通廿幾蚊執番黎架……
跟住就睇邪神果支
豪：（對住邪神講）嘩好靚喎支筆…幾錢呀？
星：又係廿幾蚊呀呢支
豪：（對住邪神講）嘩…支筆你架？
0：唔係我既唔通你架？

我同邪神係physics lab忍笑忍得好辛苦……

lunch時見到一個姓魏既舊同學,打左聲招呼,佢而家應該考緊mock,加油吧
難得今日冇數做,寫埋英文果篇oral presentation,希望唔錯啦

>>March 29, 2004 at 2:26:46 PM GMT+8

2004 年 3 月 27 日 星期六 【晴】

又訓左十個鐘...
臨醒之前有個好奇怪既記億......已經係第二次有呢個記憶喇
我好似啱啱費盡全身氣力扯自己起身咁...
恐怖既係...我起身之後坐係張床度回頭望,我竟然見到自己訓係床度
跟住我就醒左喇......我的確係訓係度既

唔好再玩我喇...比我訓一覺好既得唔得?

今日為功課+pmath努力 !

無野睇啦而家......
唉......
講多錯多......我看大明湖果幾句幾啱我用
對住個日記好無心機做功課,攞埋份UE98(C)落麥記做together with 加大可樂,做左成兩個鐘
食飯時睇左一陣twins既合家歡show,齋從d舞姿黎睇,完全睇唔出佢兩個既智相係幾多......

short review :
UE:仲有唔知幾多隱藏功課未做...死喇
(問人地英文係咪要做skills building唔知邊忽,十個入面十個都話唔知/dunno/理得佢/睬佢都傻/話之佢/唔係下嘛,你做?/係locker/etc...... =.= )
physics: capacitance都係放假先睇啦
pmath:呢四日要溫熟哂果三個topic
appmath :繼續保持,超G趕W !
中化: ............予欲無言
平時Ms Lo教完一段之後就問我地有冇問題,我梗會話無架......
其實點樣先可以有問題......教教我喇......

啱啱father買左兩個啞鈴比我 =.=

>>March 28, 2004 at 4:05:11 PM GMT+8

2004 年 3 月 26 日 星期五 【晴】

訓左十二個鐘,我就黎暈lu......
見得閒就幫個日記大修,搞左好耐......
右邊既日記主簡介唔再係簡介喇,我放左d朋友既日記link落去,不過睇我日記既咪就係呢班朋友......有幾個人既日記我都想link埋入去,不過都係問過人先啦...
成日冇出過街,下個星期四測pure math既complex number , 3D vector 同埋3D cogeon. , 啱啱學完咁深刻,都唔使點溫掛
對住個mon太耐,個人有d溫溫櫈櫈......
呢排身邊好多朋友病左,又發燒又腸胃炎又感冒,可能轉季關係啦,各位請保重身體,正所謂身體髮膚,受諸父母......(我對中化呢科已經恨之入骨喇......)

極唔想掂功課......好攰
其實我最理想既生活係點既呢?~
8am-9am起床,刷牙食早餐
9am-1pm 上堂
1pm-2pm lunch
2pm-4pm 上堂
4pm-5:30pm 踢踺
5:30pm-6:30pm返屋企,沖涼,休息
6:30pm-7:30pm dinner
7:30pm-8pm日記
8pm-12nn 功課,溫書,ICQ
12nn-12:30am 廁所+刷牙+執書
12:30am-8am 訓覺

但係現實生活又係點呢?
7am-7:45am 起床,刷牙,早餐,執書包(簽防炎=.=)
7:50am-8:15am 學校踢踺
8:15am-12:55pm 上堂
12:55pm-1:55pm lunch
1:55pm-3:30pm 上堂
3:30pm-5:30pm library (有時蛇王落去踢踺)
5:30pm- (6pm-7pm) study group
(6pm-7pm) - 7:30pm 上網 or 訓覺
7:30pm-9pm 電視+dinner
9pm-(9:30pm-10:30pm) 上網+功課
(9:30pm-10:30pm) - (10pm-11pm) 沖涼+功課
11pm-12:30am 功課+溫書+icq
12:30pm - (1-2am) 日記+功課(如果仲未做完既話)

又此可見......我係好唔健康的,我真係要改下
其實我咁夜訓係有原因的......
我總係覺得訓覺唔係生命時間既一部份,因為呢段係無意識既時間
早訓就好似嘥左好多時間咁......因為我知道我一訓落床就會係第二日既來臨
我唔想第二日咁快來臨,換句話講我唔想今日咁快過(我以訓覺來分隔日數,唔係12nn)
所以我仲好唔捨得訓落床度......
而家發覺...唔可以再咁諗喇

>>March 28, 2004 at 5:02:09 AM GMT+8

2004 年 3 月 25 日 星期四 【晴】

今朝又係咁,早好多起身但又好眼訓......好辛苦
今日有兩個開心,第一個係派左physics小測,再一次證明我係逢二退一的......上次唔合格今次second highest,一雪前恥,勁安慰...
第二個開心係MED個project,之前嘥左我咁耐時間整d powerpoint既effect,一個唔該話部腦係office 97 就乜都冇哂,哂心機捱眼訓,唉.......不過講到咁既樣割麥都收貨仲話好喎,好笑
下晝又約左一班form1踢踺,成地濕唔敢追踺,起雙飛又驚係班女仔面前pk......唔好玩既 !!不過班form1就真係幾過癮幾好玩
今日係交換生計畫既最後一日,到左星期一聖言又回復風平浪靜喇

呢排唔得閒聽d新歌,成日咁播舊歌,猶其中意呢首 :

一光年 古巨基

曾觀賞你在晚風漫遊
其他面容像虛構
眉目壯麗似星宿
我為你伸出了手
曾花光氣力踫你雙手
我愈接近我愈發現遇氣流
明白你這美態永遠不配我擁有
然後發覺兩腳不再願意走

共你相差一光年
就算多走一千年
無論張不張兩眼
仍沒法相見共你相差一光年
未可高攀是你一張臉
如何吶喊　連自己都不聽見

如果一晚就變得白頭
餘生便容易得救
忘掉你這美態永遠不配我擁有
臨別對這世界一笑便放手

共你相差一光年
就算多走一千年
無論張不張兩眼
難望你一面
共你相差一光年
未可高攀是你一張臉
如流淚了　連自己都不聽見

>>March 26, 2004 at 1:12:08 PM GMT+8

2004 年 3 月 24 日 星期三 【晴】

都係唔臨訓打日記啦,臨訓鬼咁難 login...
今朝起身凍得我吖...開大隻窗訓,又落雨又凍,我仲要早左起床喎(呢幾日都唔知乜事,一兩點訓又比平時早醒,醒得黎又眼訓),番訓又唔係唔番訓又唔係,結果不敵周公......捱多一個禮拜就可以放鬆下架啦
諗住翁sir派卷,失望.....小息果時成班玩野,見守我地個prefect成日話我地唔排兩行,今次就大半班排一行幾個人排另一行(我就係呢幾個人,我識個prefect唔想佢難做...)跟住佢叫我地排番兩行,成條龍就排左入第二行......結果估都估到啦,要小海出手囉......講真呢次'班會活動'真係有點兒那個......英文堂落mmlc,比廢許拖左兩個字先落堂,真係人死唔見佢死
放學library有兩位女貴賓,我一叫人上書個個prefect衝咁黎爭著上,同平時啱啱相反......有d仲衰,見果幾位貴賓企係小說果度,d prefect即刻搶哂857既書......d 魔力真大
四點幾廢許走過黎library,問我有冇留意佢買番黎d書同VCD多唔多人借喎,留意都留意司徒sir買番黎果d啦......佢真係當我電腦咩...
打鐘之後又同ms li , ms lam , 符文星捉波子棋,個林小姐一路捉一路唔停咁擺d佢所謂既sex pose叫我地睇,睇到想嘔......又攞埋把傘學谷祖琳扮雨中少女,又用個蘿坐落黎,又扮斜膊,頂......救命呀......
跟住佢比我窒左幾句之後,就攞哂我所有書包既野出黎係library入面周圍擺,'哼'一聲就走......好行夾唔送......
返到黎都六點,好好好好好鍾意呢d落雨既日子......

>>March 25, 2004 at 11:08:13 AM GMT+8

2004 年 3 月 23 日 星期二 【晴】

今日開始一連三日有交換生黎上堂,不過詫異既,係今朝淫僧開左間房時,圍住個課室既居然係班form1......理論上佢地應該係對異性最無興趣既一群黎噃@@
派左app math informal test, ok不滿咁啦,一兩careless mistake搞到好似account咁串燒式扣分.由今日開始,我既目標係挑戰GW ! 另外今日徐副出奇地無鬧人,話我地份test做得唔錯喎,唔係下嘛...考試以黎既informal test我應認為呢次係最難果份黎喎......唔通係我退步........
上完廢許既廢堂聽完佢廢up之後就同踢踺+龜仔+琴日果班落椰林,估唔到踢踺既思想都係咁壞既......哈哈
放學同班form1踢踺,跟住翁sir同差佬又黎埋踢,出奇地我今日無乜點撻Q,不過三次雙飛入面都係得一野踢到應.....又比班form1串=.=
班form1話好鍾意同我踢踺,反應快而且好有娛樂性喎......都唔知第二句係串我定係乜

係library吹開水,比我知道miss li 以前同我而一樣都係double math group架......點解我身邊冇咁注意既人都不斷讓我一再佩服?
以下係我同我幾個prefect既對話......

星:我 , ms lam :LP林志洋(2R之一) , 楊太:LP楊建鋒(2R之二) , ms li : 上面個ms li
(以下ms lam對白入面個呀字讀作 yar , 唔係 ar )

ms lam (極妖既語氣) : 唉...好慘呀今日...
ms li :有幾慘呀你?
楊太 : 佢比人con左啦......
星 : 你比人con左?!
ms li : 你唔係太監黎既咩?
ms lam(同上) : 哼 !我今日比人番閹呀!
星 :噢你終於破處了......咪住,我真係唔知你既第一次係點喎......講黎聽聽
係囉...個operation係邊個做架?
ms lam : 哼!你同我收聲(呢兩個字高八度)呀 !
楊太 :佢第一次係小學時比女同學郁手先......
ms li : 嘩...乜你小學d女同學咁架...叫咩名呀?
ms lam : ms chan, 個名掉轉...
星:陳詩穎......好名
ms li :哦...所以由果陣時開始你就係咁既樣嘞....(注:兩個2R係prefect team入面言行舉止最乸果兩個)
ms lam :你地同我收~~~聲呀 ! 收~~~~~聲呀 ! 收~~~~~~~~~~~~聲呀! ( ~ stands for pitch一樣not high , but increasing amplitude)
星:咁頭先咩清況吖?
ms lam : 都有病架頭先班人 ! 一邊被人con一邊被人偷桃呀 ! 用左我成半支香水(其實係空氣清新劑)去噴佢地 !
ms li : 乜你被人con緊都可以攞支野既?
ms lam :我隨身攜帶架嘛 !
星 : 話你真係攞黎當防狼器用喎...( 即刻被林小姐噴 )
ms li :咁佢地聽日仲有冇d咩行動?
楊太 : aiya ~ 佢今日比人捅到一半跟住就縮陽啦...
ms li : e~~~~~~~好核突呀~~~~~~~你個楊太真係乜都up得出.....咁ms lam 咪即係operaton not completed ?
ms lam : 係呀! 唔該搵人快d同我捅埋另一半佢啦 !


成班人係library笑到嘔電......

>>March 24, 2004 at 1:42:42 PM GMT+8

2004 年 3 月 22 日 星期一 【晴】

晨早兩堂UE對98 section A答案,嘩頂佢個掣,唔係漏s就錯tense,扣扣下扣到啱啱合格,我仲係呢個狀態既話我實上唔到大學......
眨下眼就過埋三堂pure math,然後同淫熊,邪神飛落去椰林食lunch,yeah...直接上三樓段電梯開左...以後唔駛同班基孝既鬥快搶位lu...
一個照舊的lunch,一個照舊的無言氣氛
但我地唔覺呢個叫dead air,皆因我地一向都好少說話,唔覺有咩唔妥
但我地總係會一齊食飯
之前有人曾經同我講過:點解你地朋友之間鍾意坐埋一齊,但又可以咁靜?
我都唔知...唔係人人都鍾意講野既,不過都無礙大家既朋友關係
冇錯,我覺得朋友就係咁
我唔會逼自己講野,咁做太無自我了

人地唔聽我講野,算了算了......等到一頭半個月後,大家都一齊再諗下,自己點解會咁做
我真係唔係好識講野
聖言仔唔好亂估我呢排發乜野up風,唔係你地想像中果d
今日未打呢篇日記前睇下個人流,琴晚兩點到而家七點竟然有成10個人黎過......
我諗得太多了真係比人ignore左,算了算了,咩都算了,我收聲

>>March 27, 2004 at 4:38:00 AM GMT+8

2004 年 3 月 21 日 星期日 【晴】

十個開心......
四個開心來自physics小測,四個開心來自appleid math小測,一個來自無功課做,一個來自聖言杯...聖言又贏波lu......

以下內容隔行睇會順暢d
成晚係咁加句子落黎個日記度
p.s.十個唔開心......
第一次比人話cheap(聖言好cheap)......好難受
琴日言論有少少激動, 我道歉
我可能真係無左個朋友...第一次嘗失去朋友既滋味,我知道人地未必當我係朋友
其實到而家都唔知係咪講緊我(畫公仔都畫出腸啦)
啱啱問完陳純輝,佢話我日記無問題wo
算啦算啦......
我唔知衰乜...衰同人橕衡?衰自大?衰無風度?衰用反白字?(唔關聖言同學事)
係既話,ICQ同我講,我唔介意接受,我唔想估估下......
以上係自己估既啫
唔識講野係我既錯
做同一件事,由唔同既人睇真係會出兩個唔同既態度
唉......判我死我都唔想死得不明不白吖
即使無講野,人際關係係咪都可以變得惡劣?
澄清,我呢排寫既野(唔包括呢排既p.s.)全部都係有感而發寫的,真係無對人成分
希望係誤會啦......係我唔識同人相處
sigh......
如果真係想鬧我既話......快d好番再黎鬧我都未遲

>>March 27, 2004 at 4:39:04 AM GMT+8

2004 年 3 月 20 日 星期六 【晴】

琴晚訓得舒服好多,冇再有果d野
做左成日apply,past paper真係起定驚作用......
今朝起身好感動...前面既上下顎門牙終於掂到喇...
跟住我就除左兩條橡筋刷牙食野,食完之後發覺又掂唔到=.=乜還原得咁快...
聽日physics+app math informal test,我唔溫,睇下點


搵到個正確學名啦

睡眠癱瘓症可以算是一種正常的生理現象，對身體健康也不會有什麼不良影響。它通常在壓力比較大、過度疲累、作息不正常、失眠、焦慮的情形下比較容易發生。
睡眠癱瘓症是發生在睡眠週期中的快速動眼期(REM stage)，快速動眼期正是我們進入熟睡開始作夢的睡眠周期。在快速動眼期中我們的骨骼肌除了呼吸肌及眼肌外，都處於極低張力的狀態。這是一種保護作用，可以避免我們隨著夢境作出動作，而傷害到自己或是枕邊人。而睡眠癱瘓症則是因在快速動眼期中不知是什麼原因，意識已清醒過來，但是肢體的肌肉仍停留在低張力狀態，而造成不聽意識指揮的情形。
試著不要讓自己太累，不要熬夜，維持正常的作息通常就會減少發生的機會。不過，如果發生的頻率過高，影響到自己的生活品質，或者合併有日間嗜睡的現象，則應該找醫師以藥物幫忙，或鑑別診斷是否另其他的問題。

我次次都淨係郁得隻眼......但係我一d都唔驚喎,因為慣左...=.=

p.s.無啦啦比人地狂插,算喇,我平時同d friend都互相reply,既然係咁我以後唔出聲就是,我唔知我care咁多做乜
寫清楚多一次,上次我寫不可一世果個,我係用'他',唔係'她'
覺得我狼心狗肺既話,ignore我囉,我唔會講咁多

>>March 27, 2004 at 4:39:21 AM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net