2004 年 1 月 7 日 星期三 【晴】

今日考左physics , 3個鐘卷, 正 !
再下一城 ! 嘩哈哈~~~得一條essay唔識 ( proof of centripetal force ) ( 突然唔記得左啫... )
考完就去左library借左本文化篇章應試天書,本野超正
聽日續戰中化 !

送大家一句
太陽不是發光的專利

>>January 9, 2004 at 10:53:41 AM GMT+8

2004 年 1 月 6 日 星期二 【晴】

考左section B 同 E,好似幾好咁(不過通常自覺好既卷就唔會好=.=)
12點幾,自己去食野,想去麥記但又咬唔到......唯有睇下有冇熟人,無喎......不過見到st paul兩個cyc committee,木無表情咁打左聲招呼 =.=跟住上左大家樂,見到小聰就一齊食.魚香茄子,食矮瓜都痛........完再落去掃左三包朱古力,一路溫書一路撘...勝在夠細粒,易咬
返到屋企,一訓訓左3個鐘先溫書......physics,可需驚恐?哈哈哈...希望啦......

係某人日記見到個幾好既website
http://www.soez.com.tw/0_soez2u/7_coolupload/upload/qMQ=102IQGQxj.swf
大家去睇下吖

>>January 7, 2004 at 3:14:42 PM GMT+8

2004 年 1 月 5 日 星期一 【晴】

用左幾個鐘頭,終於平左自己既心情,方法包活聽歌(孫燕姿既抒情慢歌 ^^)
大佬...第一科就咁搞法...對其他科好不利架嘛,猶其是d 數,冇一份自信都唔得......
而家我既熱誠又回來了
好彩我改變自己心情都算有一手...

>>January 6, 2004 at 8:55:10 AM GMT+8

2004 年 1 月 5 日 星期一 【晴】

死老胡.....啤咩呀啤
啤番你轉頭
不過掛住啤番佢...搞到語無倫次,又唔睇住時間,conclusion都講唔切
oral 分大跌......>.<
哼,跌咪跌,大不了我pure math或applied math 啱番多一題short Q

>>January 6, 2004 at 7:46:22 AM GMT+8

2004 年 1 月 4 日 星期日 【晴】

聽日考試啦...今日都無乜點教書
走去圖書館睇左d 中化oral既pastpaper,話難唔難,話淺又唔淺喎,考成點真係好睇自己果時既興奮程度同好唔好彩......
好在聽日淨係考oral啫,下晝要去牙醫度覆診(條沐咀牙醫拉鋼錢拉到我飲湯都痛......聽日都唔知有冇影響),等都等左兩個鐘
到夜晚又要去補英文...尋晚我睇中化訓左三粒鐘咋大佬...搞到十點幾先返屋企
坐車時突然諗緊自己既讀書態度係點......
我都知我中四時變左好多...可能果時我諗起六年級果件事啦,令到我開始好急於證明自己
結果......自己真係比自己好大壓力要推進,搞到人際關係同以前唔同左......唔知好左定壞左
成績係就係突出左......但...唔知點解面對考試開始會'驚',以前不嬲都唔會....而且有時一稍低分就耿耿於懷......絕對唔係好事......
中五......改善番d,我不斷說服自己,總有好多野人地勁過你,個人就放鬆左......但奇在成績又keep得住喎,於是就整個中五同會考都係呢個態度啦,無往而不利
中六,唔知點解,個態度又好似返返去中四開始時咁,今日突然覺得自己逼緊自己,自己可能慣左唔知呢d叫壓力......但係,而家似乎察覺到少少...
我唔通又要重複會考時個態度既轉變?唔係咁好受喎......
呢股熱誠都有副作用的......
但係等到9月上到中七之後,唔理佢有冇副作用,我都會照用.....

>>January 5, 2004 at 2:54:12 PM GMT+8

2004 年 1 月 3 日 星期六 【晴】

成個physics既考試範圍溫哂,全靠果日既熱誠令我咁有衝勁...考試快d黎啦~~我等你等得好苦....(令我諗起中五時biowong講過既一番話:考完mock之後個個都好想會考快d黎),呢句apply係任何test或者exam都啱既
仲諗住今日睇中化...朝早諗住睇埋circular motion就算架啦,點知又忍唔到手睇埋S.H.M.同rotation dynamics...搞左我成個下晝.....
而家先開始睇中化......討厭既語文科 !
猶其英文呀!

>>January 4, 2004 at 10:38:54 AM GMT+8

2004 年 1 月 2 日 星期五 【晴】

今日同人去搬年宵既貨...搬到手軟 ...返到黎筆都渣唔到
朝早時仲諗住好似中五考mock時咁去studyroom 上晝踩到夜晚...
但總住會不斷出現其他野......搞到今日6點先得閒,跟住再返studyroom,仲見到淫僧
然後就一齊埋dinner同踩到十點啦......全日淨係睇physics
聽日都係時候面對最煩既中化......

>>January 3, 2004 at 4:02:37 PM GMT+8

2003 年 12 月 31 日 星期三 【晴】

到今朝先發現....原來聽日唔駛返學=.=
於是就同姑姐姑丈and father行街啦,行左成日都係買唔到野
算啦,考完試先諗

新既一年......希望每個人都開心
希望自己可以攞到果$35000蚊.....雖然4個大敵係度,唔點名啦
最後希望那位朋友......可以有毅力繼續鬥落去

啱啱用兩個鐘打左下面31/12/2003呢篇超長既日記......我好想大家比心機睇下

>>January 1, 2004 at 4:07:27 PM GMT+8

2003 年 12 月 30 日 星期二 【晴】

呢度就講番返大陸既事啦......
話說我阿爺哮喘發作......(之前唔知聽邊個講話中風...)我地成家人就返左去睇佢
見到阿爺仲精神奕奕...係講野果陣無乜中氣(以前都無乜中氣架啦),我地都放心d
跟住阿嫲就開始講阿二伯娘d惡行出黎......
我地在場既人都好嬲......猶其father
件事係大概有關墓地既野......嫲嫲話二伯娘又再自把自為買過另一幅地做靈位

雖然...件事既重點唔係買地果度...
係佢既自把自為......
我地屋企,兩個老既仲係度,計埋我father有三兄弟,仲有我兩個姑姐。講真...個骨灰盅入面既係我太爺同幾個隔三代既家人,安放係邊度...係我屋企人既選擇,正確d係我爺爺同嫲嫲既選擇
就算佢地唔講野,都到屋企三個男既make decision啦,再唔係都到姑姐啦下話
幾時到佢出聲?以為有兩個臭錢就好巴閉?!仲要買左知後先至同三兄弟講!!
痴線架簡直
跟本連我father都冇通知聲
有d 事仲離譜...就係嫲嫲同爺爺竟然唔敢出聲話佢,話驚二伯伯難做喎
佢地咁講係啱,但係係咪有d本末倒置?
其實大家都知到兩個最老既真係好嬲,不過都怕事唔出聲,驚既係家人不和
大伯伯同二伯伯都係仁慈既人,凡事都以和為貴,所以大伯伯無出聲,二伯伯可能發生咩事都唔清楚,佢真係無嫁錯人
其實成家人一直以來都對佢一d好感都冇,於是佢把臭口就口沫橫飛,周圍得罪人,持住既就係二伯伯既成就,持住自己係鎮長夫人,省局長夫人,同兩個臭錢,包括我自己細個時都比佢串過......
係佢眼中以為佢自己先至係識貨識享受識野既人,人地既真皮係人造革,真金係K金
老實講句,錢係二伯伯辛苦幾十年賺番黎,佢咁做係的確搞到二伯伯好難做,二伯伯為人咁和善又唔點管佢
搞到我地屋企人邊個一升職...D 人就閒言閒語話係二伯娘帶好佢
有無搞錯 ?! 佢以為自己係邊個 ?佢係屋企既一個女人咋！話事權唔係佢果度呀
買地安置墓地既事....其實以經有前科
幾年前又係同呢次一樣,佢又自把自為買地,我同FATHER同屋企人係道拜山果日先知搬左,結果我嫲嫲叫我father算數喎,廢事搞到同二伯伯不和,又唔想佢難做,最後我father都係忍氣吞聲
而家......第二次
我father嬲得好厲害......呢次終於忍無可忍,隔離兩個姑姐都嬲埋
我father即刻打電話比佢二大佬
鬧佢二哥成10分鐘......我都係第一次見......在場人個個心都怯埋
主要話佢唔管二伯娘,話佢點解唔阻止佢自把自為,又話唔想搞到不和
收線之後......father話二伯伯無乜點出聲,主要打比佢都係比d壓力佢,叫佢管番下佢老婆
我敢講...二伯伯都一頭霧水
跟住就停左一陣......
然後我father又打電話......呢次打比大伯伯,我地都嚇左一跳......居然逐個鬧
都係話佢點解唔出聲......同埋問佢二伯娘搵佢幫手睇果幅地做乜,因為二伯娘準備買時搵過大伯伯去睇過
同樣講左5分鐘......心平氣和之下收線
跟住...細姑姐講笑估話二伯伯一定唔忿氣打比二伯娘問佢做乜黎......跟住二伯娘一定打過黎
估中......戲肉來了......我father同二伯娘攤牌,第一次有人同二伯娘講數......
拗左成個鐘......把聲勁到拆天
在場人成粒鐘唔出聲
我father極火滾......不過我都隱約聽得出,二伯娘淨係個勢都輸九條街,而且道理係我地呢度,佢理都虧左
father用詞勁絕......話佢唔好' 自把自為 ' ....' 目中無人 ' ......' 當我死架 ' .....' 我又唔係喺南非,通知我去傾下唔駛死架話? ' .....' 老果兩個都未決定,而家屋企仲有三個男人,幾時到你渣主意? '.......
後來佢知道自己拗唔黎......竟然死雞橕飯蓋話塊地比自己老左用
笑大人個口既藉口
我father諗都唔駛諗就窒佢 ' 你比自己用既話駛乜搵我大佬去睇幅地? 你呢句係走頭無路先諗出黎既操詞 '
最後.....對方話發誓以後都唔理你地屋企既事 ( 國際漫遊...7蚊一分鐘.....拗一鑊就四百幾蚊 )
收左線之後...個個鬆哂
經過黎次大家見面都會有尷尬......不過自此之後,佢心中都會有條刺唔敢亂黎
然後father連嫲嫲爺爺都話埋......話佢兩個應該出聲,鬧佢地自怨自艾但又唔想father出聲,自己又唔出聲,我諗兩個姑姐果時都驚.....不過最後都冇鬧佢地
跟住就去左大伯伯屋企......大家都無乜野
細姑姐又打話二伯娘同二伯伯一定打比大伯伯......
又講中......二伯娘打黎先
呢次好唔同......大伯伯冇我father咁火爆,細聲得佢......
講講下...二伯伯又打去大伯伯個手提
跟住我father就代大伯伯同二伯伯講......不過我諗呢次平復好多,我諗都係數二伯娘掛,不過就行出去花園講,我諗father唔想二伯娘係大伯伯個通話度聽到佢同二伯伯講野掛,另外可能又無眼睇大伯伯都唔定......
最後成家去左食飯,除左二伯伯果家...講真大家都知二伯伯好難做
堂堂省經濟局局長...卻要比呢d野煩住,而且有時為人太好啦......
偏偏就係娶左個咁既老婆(呢句我講既....大家係呢件事之前都互相忍讓,總有講有笑,不過都知佢係咩人,搞風搞雨)

件事經佢話係塊地係for自己用之後就告一段落了
細姑姐又打趣講左d野......
1. 嫲嫲今晚一定訓唔着
2. 二伯伯同二伯娘今晚一定嘈
3. 二伯娘一定厚顏無恥打去嫲嫲度鬧佢講左d乜黎...佢知我嫲嫲一向唔出聲,佢又一向唔妥嫲嫲

呢次事件...我咁大個人第一次親身經歷咩叫家庭紛爭,雖然只係好小事
不過....我呢次真係好欣賞father,相信屋企無一人唔係咁諗
屋企如果唔係有一個肯出聲省爆佢既人既話.....大家都只會忍氣吞聲
仲有佢果個勢.......我真係十年都學唔到,單對單互拗既話真係手心出汗
我諗就係佢呢個有唔妥就出聲既性格....令到佢咁受人愛戴掛
有d 刮目相看呢

>>January 1, 2004 at 4:05:25 PM GMT+8

2003 年 12 月 30 日 星期二 【晴】

03年,走了
03 年唔係好好過既一年
咁多大事,自己要CE,屋企同朋友多左野要處理
不過最難忘係會考前,大家一齊為明天衝刺既一剎那
大家一齊面對 unforseeable future 既雄心壯志
大家分道揚鑣一刻既無奈
大家9月時訂立人生目標既熱誠
...
自己晚晚對住ICQ做數時既鬥心
自己日日online但對眼卻要望番本書既難耐
自己會考時朝朝飛的既輕鬆情景
一個輕鬆快樂既暑假
同最後放榜日既驚喜與不滿
自己中六後既新嘗試同新定位
同埋自己對人生開始多左一份無奈,拘束感

不過,過去既始終過去
唔開心既事當發惡夢,開心既事自己到幾十年之後先回味吧

04 年...來了
好壞之年...無法估計
不過...係好定壞,我清楚知道係由我自己一手創造
只要一直有住呢份熱誠,咁做咩事都唔會氣餒
所以...熱誠就係自己比自己最好既禮物

大家今年一起努力發揚自己 !

>>January 1, 2004 at 3:39:09 AM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net