2003 年 9 月 1 日 星期一 【晴】

今日係正式返學第一日,首次上翁sir堂,聽聽下有d ok feel...算啦,我應該對佢有信心.跟住豬官堂,照例比佢嚇幾野,不過我都化啦...次次都話難,教到就自然上手架啦,難難下就唔難架啦
跟住性奴堂......悶
app.math堂,稍有番d生氣,徐sir講到我地d app math,個個都聽到爽哂,因為我地學校實在太勁...平均都7-8成A,上年就差d,9個人得6個A,B就叫唔好彩,C就係失手.......佢仲數佢歷年來既紀錄,TOTAL有214人應考,1個F ,1個E,8個D......我無A咪好唔正常?
颱風來得特別快,又係時候講拜拜...11:30AM就放人....下晝去左旺角拿眼鏡,星期三你地就見到~
P.S. FIRM左係我做Library Head Prefect lu....來年我會好多野做架啦~

>>September 2, 2003 at 8:04:16 AM GMT+8

2003 年 8 月 31 日 星期日 【晴】

好一日開學日.......
朝早返去最好玩,同魷魚佢地踢毽,我地七八個中六生好似玩表演咁,成班f.1仔睇我地踢,我地就乜花招都出齊,睇到班中一生拍爛手掌,忽然覺得勁有滿足感,覺得好似話緊比佢地聽,係呢個地方浸淫六年就會好似我地咁架啦......(含褒含貶自行判斷)
去禮堂坐左一陣後就返班房,係physics lab,成班同學都差唔多識哂,無乜搞氣氛既人,悶係悶架啦,唯有從工作中找尋趣味,樂其業...翁sir可能係舊生關係,聽佢講野都有一種同類既feel.
小息去左library搞head prefect既野,而家邪神都爭埋一份,不過都係各安天命,雖然我係想做,不過就算比左第二個我都唔會好灰心既......起碼都算有個assistant head.
我做左班會財政,我又係econ&accounting club財政,可能又係藍社財政,......乜我咁多財政post架啦?
下晝同得得打左一粒鐘羽毛球,代替游水啦......

>>September 1, 2003 at 12:54:25 PM GMT+8

2003 年 8 月 30 日 星期六 【晴】

由於太累關係,一點幾己經進入夢鄉......
由於太累關係,訓得唔係咁好,6點半醒左......
由於唔夠訓關係,撻落床再訓到9 點幾....
由於係放假last day 關係,我一起身就諗左成個鐘野,回顧暑假.
由於我肚餓關係,我去食野.
由於我職責所在關係,跟住就諗activity既野.
由於我樣衰關係,我去左旺角配左副平光眼鏡,見到我唔好嘩一聲.
由於屋企部printer己經兩個月無買墨+我妹的摧枯拉朽式應用,唯有豪掉$98.
由於我有幾強既意志關係(有醫生証明,唔係自吹自擂),我7點自己又去左游水.
由於我應允過自己,我今日又係游800米,游完坐巴士返屋企,八達通無錢,唯有比coins,蝕左三毫,銀包剩番八達通既$-0.2.(負資產,T_T)
由於由於同所以係連詞/因果關係既關係,所以跟住一定係所以(上面略).
由於由於所以之因果關係是由前人所定既關係,所以被應為係理所當然的事.
由於我認為由於所以係理所當然,因所以我用了由於所以.
由於世界上所有發生的事都脫離不了因果關係,因將致果,果會成因,包括我講既呢句.
由於我只係發up風,所以你可以唔駛理.
由於我聽日係我的中六first day,所以我而家要訓覺.
.......
......
....
...
..
.
由於由於係要followed by 所以,所以由於要followed by 所以.
世界上就係有咁多野,只有自己先可以解釋到自己.

>>August 31, 2003 at 3:37:19 PM GMT+8

2003 年 8 月 29 日 星期五 【晴】

今日又去左匯景會所篤左一個鐘snooker,打得好左好多,不過都時有撻Q.....
下晝比正楠拉左去新都城行街,約埋雀屎,不過無無聊聊咁行左一個幾鐘就走左.....
六點幾返到屋企,坐左一陣就執毛巾去游水,今次都係一個人游,不過又係五十米抖一抖咁游完1000米,800米自由式200蛙式,海豚式踢腿己經練熟左好多同埋快左.不過蝶式都係游唔到遠,10米己經極限.....個頭總係抬得太快,但係最難既手腳協調己經克服左lu...而家唯一既障礙就係唔夠腰力同手力......
而家你唔好亂咁篤我,我全身任何一忽都痛爆......
呢個暑假就咁玩完.......不過最遺憾就係學唔熟蝶式,同埋有好多好多野都想做,但此終我都無去做.只怪自己唔識去爭取,對自己想的東西唔識主動(唔好有無謂既聯想),但係比我過往既暑假己經好好多,好似自從過左呢個暑假後先至識去珍惜暑假咁,不過中六一定會有更大機會,俾我去做愛做的事(唔好有無謂既聯想)....

>>August 30, 2003 at 3:11:03 PM GMT+8

2003 年 8 月 28 日 星期四 【晴】

今日自己又去左九龍公園游水....
游左800米,400自由式,400蛙式,不過時間就唔係咁好...上次游1000米自由式,反而唔夠呢次累...
我擒日睇有關蝶泳既資料後,今日試下游蝶泳...先學左海豚式踢腿,上次我做唔到,呢次一試就得左lu,不過就好慢......練左一陣再試蝶手,動作唔難,呼吸就極難....少d腰力都唔得,結果都係游得三四下就腰力不支......動作大致上我都做到既,不過就真係練下腰力囉.......
跟住又一個人去旺角遊蕩,睇左一陣手機同眼鏡,行左個零鐘就返屋企......
而家連手指都抽筋......
聽日再來過 !!!!!!!
我要用盡呢幾日佢......就黎無得用啦

>>August 29, 2003 at 11:37:11 AM GMT+8

2003 年 8 月 27 日 星期三 【晴】

半日上網找關於蝶泳既資料......
半日去左匯景會所,打左snooker一個鐘,超難打,係咁撻Q......跟住再打左兩粒鐘羽毛球,好例行的一天...
又睇番下harry potter........又一個chapter....haha

>>August 28, 2003 at 2:17:26 PM GMT+8

2003 年 8 月 26 日 星期二 【晴】

本來以為好無聊咁過埋今日,不過朱仔就打電話黎話一個舊同學搵我地出去游水,好野.呢位舊同學都五年無見lu...佢好似係我小六最後見面,最後一個講拜拜既同學(last day 我上左佢屋企,最後一個走)冇見咁耐,都算認得既,不過就黑左同強橫左......(唔好介意我咁樣形容你....我真係羡慕你既體格....)大家都一樣幾好傾,好快就過左一日lu......
我一定要係呢幾日內學好蝶式!!!! (before30/9)
我一定要寫好我個plan!!!! (before 31/8)
我一定要學識斬波!!!!! ( before 30/11)
我一定要係11月前睇完harry potter 5!!!!(before 31/10)

孫燕姿隻新曲加精選the moment......好想買呀..... 不過又冇綠光又冇神奇.賤格華納.......
買唔買呢買唔買呢買唔買呢買唔買呢買唔買呢買唔買呢買唔買呢買唔買呢買唔買呢買唔買呢......
我未試過買歌手既碟.......

The Moment

這一刻 回頭看見自己
這一路的風景 百感交集的我
下一刻 又將飛到哪裡
漸漸疲憊的羽翼 為你披上了勇氣
放心離開我 我會記得這一刻
那些還飛翔著 不可思議的夢
雨後的天空 會有絢爛的彩虹
像最初相信著 我們終會找到自由
這一刻 時間變成行李
越過生命悲喜 陪伴著我前進
因為你 讓我看清自己
面對未知的恐懼 腳步更加堅定
放心離開我 我會記得這一刻
那些還飛翔著 不可思議的夢
雨後的天空 會有絢爛的彩虹
像最初相信著 我會找到自由
哦……只是遠行 不是逃避
告別是為延續回憶永恆的華麗
你……要照顧自己 不要忘記
那些燦爛過的痕跡

>>August 28, 2003 at 2:02:26 PM GMT+8

2003 年 8 月 24 日 星期日 【雨】

成十二點先起身,無耐就繼續睇番本harry potter 5, 起其實諗住自己會唔會中途放棄呢??而家睇到55頁,發覺我都仲未開始劈砲,好野.....可能因為自第一集追開既關係掛.照而家速度,我估大慨11月可以睇完......
擒日頂左阿媽一兩句,無啦啦比佢借題發揮打左野勁既......唉,都唔知我d屋企人既EQ同IQ總係咁低,佢地跟本唔知我諗乜野,唔知我既思想,唔知我內心有幾咁多野諗,唔知會考既難度,唔知我既性格,唔知我幾咁多憂慮,唔知我自己幾咁鍾意係人地面前掩飾自己(我冇係熟我既人面前掩飾我......).成日話我蠢,唔夠邊個邊個勁,唔夠邊個邊個好,睇下咩太個仔xxxxx.....你試下係會考攞一分比我睇,我就跪三日三夜.你估攞28分好易呀?我係有d唔滿意,但你都唔使咁鍾意比較下話??次次吸塵佢就鬧人,自己火滾就洗碗洗到打爛野咁,門比風大力閂左就鬧做乜咁大力閂門,寫隻字細粒d又比佢鬧鑊勁既,考會計會考之前夜訓,居然話我打機打到成一點........proved : no EQ and IQ.
我自己脾氣算好了,好少會爆出來,屋企人就相反,少少野忍唔住就爆.一日到黑淨係將自己既生活思想套落我度,當我係咩呀?BB呀??以自己既見聞來評論是非,連插支筷子係飯碗度都唔得......

唔好一味話我反叛,我既觀點就係局外人身分去諗野,我唔相信所有錯都係我.

>>August 25, 2003 at 4:20:33 PM GMT+8

2003 年 8 月 22 日 星期五 【晴】

終於去完呢個節目'豐富'既'迎新'營!!(迎新=新接新生活...)
節目豐富到不得了,排到我同同學玩UNO既時間只有在食飯既時候同夜晚.三日來有一半的時間聽TALK,為我們疑幻疑真的早上增添了幾分神秘朦朧的色彩.加上照顧我們有加的李太悉心安排地為我們分了組,其巧妙安排之下我們都得以釋放自己.活動更是增強了我們的忍耐力,全體一起大叫'XXX我地支持你',REINFORCE我地既基本智慧;晚上我們進行年年舉辦,勁有新意的雨中野外定向,洗滌了我們的身體與心智.生存於這個值三百大元的環境中,我們日間出現了拖鞋黨,夜間出現了杯麵黨.三餐飯菜極為豐富,11人5碟佳餚,其中3碟係菜,加上無限供應的白飯和靚靚無味精湯,絕對比我們平時的任何一餐都健康.小食部再一次教曉我們何謂獨市經營,坐地起價的道理,減輕了我們荷包的負擔(重量).自學方面,玩UNO時我們體會了秘技'七傷拳'和'自作孽'的威力,三個ALLIANCE合作以此二招炒成千分以炒我二百分,我深感欽佩.

大家明白我講乜嘛?

>>August 24, 2003 at 7:33:35 AM GMT+8

2003 年 8 月 19 日 星期二 【晴】

今日又去左麥記開SA會議,詳情不便透露......
下晝仲以為返學校排戲,邊知又約唔到...死啦,聽日就入CAMP,大慨都係後日表演啦,連對白都未背,真係問你死未......
下晝返到屋企,同蘇秦打RLF2,打左成兩個鐘有突......跟住抖左一陣,又同佢玩SOLDAT,比佢用SLIPER炒到七彩....後尾我轉番DESERT EAGLE先玩得好番D....4點打到8點...眼都突埋
今日無乜好做,係咁E睇電視(THERESA同STEPHY真係愈睇愈靚!!)同埋D新書(好彩我唔讀BIO),跟住就到而家LU~~
聽日入CAMP,23/8同大家見面!

數學小語

沒有任何問題可以像infinity那樣深深的觸動人的情感，很少有別的觀念能像infinity那樣激勵理智產生富有成果的思想，然而也沒有任何其他的概念能像infinity那樣需要加以闡明。

希爾伯特
P.S.TIKI同CUTIES.....<~~~呢度提過你地啦,滿意未?

>>August 20, 2003 at 2:44:40 PM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net