2004 年 2 月 2 日 星期一 【晴】

派左半份英文同中文.同埋appmath
appmath有d失望......無8字頭,不過全班個mean得55......
徐sir咁嬲都無辦法,我反而覺得同我地平心靜氣咁講下 solution 仲好過啦,長篇大論講一大堆野,其實真係唔可以下下用積極歧視去'壓'我地......
中化overall狂跌十分......尤其文化篇章,我發覺我真係開始忍受唔到啦,又唔啱讀,讀黎又冇用,但又要逼自己讀,哂最多時間又最低分,將全部中化堂轉哂做三科AL你話幾好,鍾意得黎,哂時間唔多但又高分又實用.......
唉...我都係要忍......仲有年幾就唔駛忍啦
英文......一如以往都係咁
死啦呢次.......入中學以來平均分將要第二次跌破7字頭......對上一次係中四first test,不過跟住都升番......但係呢次...我知我中化同英文都升極限架啦,我唯有係三科最愛既AL谷落去啦
我下次三科AL都要有全級第一(果時張仕走左啦掛,吉才唔好阻住地球轉啦)

P.S.我反而越黎越欣賞潘sir........

>>February 3, 2004 at 1:09:43 PM GMT+8

2004 年 2 月 1 日 星期日 【晴】

下學期第一日開始,我緊係擠哂d書落書包bring返去locker啦,堂堂實派卷既......
首當其充既係physics,哈,都幾好,不過essay有少少唔滿意,同埋發覺自己總係有d預計唔到既失分.....今次又冇左5,6分啦,我戒埋呢d既話九字頭都拿隱啦......
然後係puremath,如預期所料,7字頭...初頭仲諗住要上8字頭,考完之後覺得自己簡直妙想天開,但係派左卷又覺得自己都係衰懶先至唔得啫......不過潘sir都話過70分就A得,咁我都仲算安慰......
最後兩堂中化,派文化篇章問題,of coz合格不過大炒......唔緊要,人人都大炒......我一半分都冇,算啦,我不嬲都唔希罕中化既分數 (自我安慰中)
下晝去數年宵錢,Ms choi擺二萬幾蚊落office班八婆度睇住,唔係下嘛......
跟住返到黎計年宵盤數,執數字執左成晚,d 小數餘額又要我搵個位插入去,無啦啦問人又左張白頭單,又由頭計過拆過......不過都唔係搞好耐
聽日有appmath同英文,應該掂既

呢排有好多新既諗法同感受.......今日聽郭粥上台講過下又令我諗番起,不過佢講既野我好耐以前都諗過....但係無答案既
搵日儲埋一次過講

>>February 2, 2004 at 5:12:34 PM GMT+8

2004 年 1 月 31 日 星期六 【晴】

又訓到成11點幾先起身,訓左11個鐘,我真係好有問題......
一起身就做中文果本野,仲要係馬拉松式,一做做到夜晚10點......仲要對住我最唔妥既CLC......而家都無乜野既,只不過有d頭暈,作悶,想嘔,疲倦,腹瀉,氣喘,呼吸困難咁啫......不過總算做完,加埋六十幾頁.....
中午姑姐姑丈突然殺上黎,得我一個係企,又無熱水沖茶招呼,有點兒那個......我又想繼續做本野,但又要招呼人......好彩媽無耐返黎,如果唔係呢幾個鐘真係肉痛......
夜晚又落左去美心大酒樓食飯,正呀,美心d野真係特別正(快餐就啱啱相反咁囉...),仲見到卓太......成五六年無見啦,佢個女卓妙鈴係我幼稚園同學,不過都十幾年無見......問卓太佢個女而家點,估中......讀夜校囉,我都話會考真係風水輪流轉架啦
聽日就要返學......library又會好忙啦......
不過好期待收新prefect呀

>>鬼唔知你係許其安咩

>>February 1, 2004 at 2:32:56 PM GMT+8

2004 年 1 月 30 日 星期五 【晴】

朝早去左華仁個JSLC briefing,我地早左成個鐘去到,睇下小冊子上面寫既committee,香港華仁、高主教、拔萃男、聖羅撒、SPSS,嘩咩料呀,間間都咁上下惡(最廢拔萃男同SPSS,我地都勁過佢啦)
我都想做JSLC既committee......班老臣子針對我地都應該為學生設想架嘛,話哂人地都第17屆...最重要係班committee唔係好多個form 6......
去tour果時順便行下間華仁,d課室的確好有氣色(你可以話佢扮野or寒暄),木枱木椅,個feel勁正。不過人地個library同我地差唔多,只不過大d,藏書豐富d,舒服d同靜d咁啫........haha......
班committee講briefing既氣氛事實上仲差過我地學校搞既activity,個個照小冊子讀,都頗悶下......
捱到12點終於可以餚底,起初諗住識幾個其他學校既librarian(人地間間學校既librarian都係好受重視既職位......唯獨我地......),不過都廢事啦,到時比賽就會識,而家識左都無意思
跟住行左去時代既delifrance食野,跟住飛返屋企眠到6點......

死啦,中文果本'既'野......

>>January 31, 2004 at 12:40:25 PM GMT+8

2004 年 1 月 29 日 星期四 【晴】

終於得閒寫日記
10點幾比唔知邊度黎既力推左我起身.....可能係個中化project掛
跟住11點幾開工......一做做到9點,打左五千幾字,總算搞掂左,不過我對眼真係就黎盲架啦
死啦...仲有中文果本閱讀理解未做......(仲有兩日=.=).
英文既set 4 同journal....(仲有兩日=.=)
年宵個財政report同分錢......(仲有兩個week)
library收新prefect既野.....(仲有兩個week)
joint school librarian competition.....(仲有一個月)

聽日又要拖幾個library prefect出去華仁聽個competition既briefing....又用我半日時間

我已經in limiting equilibrium 架啦......再推既話....我唔係會in translational motion....就係會rotate....又或者變形(我唔係rigid body...)....又或者........

子在川上，曰：逝者如斯夫！不舍晝夜

>>February 1, 2004 at 7:59:18 AM GMT+8

2004 年 1 月 28 日 星期三 【晴】

朝早同oush,零智慧,bear,孖仔,wwb,龜仔去匯景打羽毛球,好耐無打過,有少少生疏......
中午見到洪偉鐘一拖二,成班人嗌佢佢唔應,擺明避我地啦=.=佢真係變哂......仲諗住撞Kenlam,不過撞唔到
跟住開中化個project既會,吹水多過開會,不過都總算有d野傾到出黎......

突如其來多左幾樣功課,救命......

乜呢d都算係trick......?

>>January 29, 2004 at 4:34:26 PM GMT+8

2004 年 1 月 27 日 星期二 【晴】

搞個日記搞左好耐......諗住搞靚佢,一搞搞左幾個鐘,不過就無乜大工程
歸納琴日搵左既project既資料,又係搞左成朝,不過都無乜野搞左出黎,等聽日開會先算啦
一路做野一路食野......吞左三包麥提莎,鬼叫我食極唔肥咩...夜晚又食羊排,真係無有怕,乜都吞落肚......同時又一路聽歌,今日聽左成十次梁靜茹既fly away,果真同時有含蓄淡遠既意境and寬舒廣博既氣度....太正了

p.s. > lemon : 陰盛陽衰之風氣倡狂......and條樓梯唔夠長......and我兩個男丁高吖嘛

>>January 28, 2004 at 4:51:03 PM GMT+8

2004 年 1 月 27 日 星期二 【晴】

上篇日記話返大陸影左d相...當然有影下人啦
呢度有兩張相...第一張係97年9月影既.....另一張係幾日前用即影即有相機影既......
入面有我地成日一齊玩開既7個表兄弟姐妹......唔知大家認唔認到佢地呢?
97年的

04年的

上圖左行上起:
欣(大我十日既表姐...d數超勁,而家可能唔夠我...呵呵,高三的,即係中六)
珊(我妹,中四理科)
穎琪(表妹,同欣,拉係三姊妹,高二,即係中五,不過細過我妹)
詠湘(表妹,麥嘉個妹,中二,鋤D勁人)
拉(表妹,其實佢叫嘉穎...不過佢最細所以叫佢拉,同欣,琪係三姐妹,都係鋤D勁人,唔好以為佢同湘同衫就以為佢地係親姐妹...係佢兩個好似孖公仔咁啫....細詠湘一年)

右行上起....
麥嘉(表弟...唔使問當然同我最熟啦.....中四文科的,詠湘的兄)
跟住當然係我.....中六理科.....唔使講啦...

跟住仲有其他相......
鈞緊魚既拉
近距離偷拍詠湘
兩個qoo牙的少年
扮大班的欣,我,妹
往韶關途中
比我無情的偷拍

>>January 27, 2004 at 6:16:32 PM GMT+8

2004 年 1 月 26 日 星期一 【晴】

返左咁多日大陸......逐日講啦

年初一果日....應該係果朝(果日零晨請見上一篇日記),話說我訓都無訓過,朝早坐277X飛左去粉嶺,諗住比d大件既野姑丈車返去....8點半去到綠悠軒既大快活,灌左兩杯咖啡落肚,好似無乜反應,切牛油時都鈞緊魚......跟住就撘火車過關,坐昌哥架新七人車返去,正......不過無訓到,全程鈞魚,頂到10點鐘終於去到嫲嫲屋企,竟然仲係第二早到.跟住開始狂收利是,轉眼間已經過廿封...仲有我媽果邊都未去呢....
按31/12/2003既日記,話說我father同二伯娘炒大鑊,今次見面當無事發生過...比狐狸講中,一般成熟既人都會隻字不提...不過今年好似一d氣氛都無咁,就好似普通一家人去嫲嫲屋企食飯,同以往大相逕庭......可能因為上次件事啦,另又可能係我無精神感受唔到個氣氛......
下晝返左自己間屋訓覺,眠左兩個鐘...其間隱約聽到d細路既尖叫聲,好明顯班友仔上左黎...平時十年都唔見你地上黎,偏偏係我十年都唔會訓午覺既年初一就上黎......
黃昏去左婆婆度,繼續狂收利是(唔係利是都唔使旨意我返黎),跟住開電視睇亞視年宵個訪問,頂佢個肺,又話結束時播,臨尾乜都睇唔到......我媽又幫我傳到街邊隻狗都知,正鄉里一個......
跟住食盤菜,食完都唔飽,因為都無乜啱我食and咬唔到...
夜晚又成班去左咖啡廳橕枱腳(次次and晚晚都係),橕左三個幾鐘,跟住再返去公公度搬罐石油氣上車返屋企,洗頭+沖涼+刷牙( 凍到 p k ),搞到12點幾先有得訓......

禁左煙花炮丈,全日都feel唔到新年氣氛

年初二
唔知做過d 乜.......好似下晝去左姑姐度同班表妹鋤左幾粒鐘大D,嬴佢地九條街...唔好睇少佢地呀,雖然細我兩三年,不過個個訓練有素,對鋤D頗有研究...成家都係鋤D成狂既賭徒...哈哈
夜晚去左二伯伯屋企,係佢個大排檔咁大既地下停車層罷左四圍枱食盤菜( 想知我二伯伯間屋有幾變態請看我03年8月11日既日記),又係無乜好食...食完就上麥脆間房繼續鋤D+online+貓之報恩....
跟住又去左咖啡廳......磨到12點先返屋企,沖涼凍到傻,死人花酒,d水力仲細過黃狗射尿

年初三
完全唔記得做過d乜......淨係記得係姑姐屋僅鋤D鋤左好耐......同online左一陣....

年初四.....我地年年既年初二都會成班友出去玩,上年係大鵬租左隻船出海鈞魚同食西北風,再上年去肇慶七星岩,再再上年去番禺動物園,再再再上年去珠海圓明新園,再再再再上年去佛山,再再再再再上年好似係廣州......再再再再再再上年好似唔知係深圳個虧動物園定係民俗文化村,再再再再再再再上年好似係小人國......是但啦,總之我去過,不過唔知係邊年既年初二去啫
今年......去韶關......
食蕉啦....工業重鎮有咩好去呀?又要我晨咁早8點幾起身,坐成三個幾鐘車去,兩個幾鐘車返(加埋八百公里有突......我father痴線架,返黎果程average150,160km/h)去到又無野好睇,又話會落雪,落車時一粒都無,走果時至黎落d雪粒,不過好在比我拍左幾張相for中化個專題報告,講到我好似特登返去影咁,呵呵呵)
夜晚又去左咖啡廳dum波鐘,又鋤D,玩8局win 6局,心情好係唔同啲

年初五......餚底啦緊係......朝早比哂d行李姑丈就出左香港,中午去到綠悠軒攞行李順便當拜年啦,同詠湘鋤D湘隻揪,win左7-8成,開始覺得我鋤D的確有進步喎...
黃昏坐277X走人,上左車先醒起自己呢晚要補最後一堂英文...返屋企無耐又要出去......

返番屋企,搞掂哂d野,訓落床,正......呢幾個禮拜都無休息過,考完試即刻年宵,年完宵即刻返大陸,番完大陸即刻補習(呢個就小兒科d). 今年利是再度破上年紀錄呢......

年初六...即係今日.......終於打到今日啦
眠到12點......太完美了,同時又發左幾個美夢...呵呵呵,不過都幾雜錦......
下晝去左中央圖書館搵料,超多料啱用,又易搵,最衰彩色影印影左五十幾蚊......無計,鬼叫佢係參考書咩
夜晚一個去左delifrance拆左餐勁既...做人識搵錢之餘仲要識駛錢架嘛,鬼叫經濟咁好,連利是錢都升埋咩
返到屋企打埋篇會議紀錄同呢篇野......到而家啦

>>January 27, 2004 at 6:11:26 PM GMT+8

2004 年 1 月 20 日 星期二 【晴】

年宵final day~~~!!!
我仲諗住蝕五六千蚊,拆開每人蝕幾十蚊就算架啦......
點知......我地一日賣過萬蚊,10016 !
估唔到我地年三十既sales仲多過年廿五至年廿九加埋既總數.....
中午見到一個舊同學...我都唔認得添,佢仲叫番我轉頭

二點幾亞視黎訪問我地,我地個個狂歡,好英呀張仕 !
今次都係賺得三千幾蚊,不過都大出預算之外咁多架啦
其實我地到7000蚊時先至開始翻本賺錢...去到9800時就上唔到啦...
為左衝上一萬蚊,到最後d貨一蚊一件甩出去......
最後終於好似恒指咁上......比我地一蚊幾蚊咁谷上萬蚊,hahahaha
朝早五點幾就走lu.....返到屋企無訓過,我而家又要返大陸啦......

呢個活動總之一個字 : 賺!
賺經驗,賺友誼,賺錢 !

我地個訪問會係22/1/2004亞視六點半新聞播出~記得睇下呀~

>>January 21, 2004 at 10:45:54 PM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net