2004 年 4 月 9 日 星期五 【晴】

harddisk 死左......
今次認真大鑊啦......乜鬼野都係哂入面架
1.藍社既 I/E account(最大鑊)
2.我既畢業相and好多好多同friend一齊影既相
3.呢兩年儲儲埋埋既七百幾首歌
4.一大堆搵左好耐註冊左既program
5.三科AL既十五年marking scheme+兩科AL既十年pastpaper+tape script+marking scheme
一擊KO........
仲要係假期第一日shock左...仲要連續四日假...想攞去保維修都唔得
仲要係呢幾日最需要icq既時候......

耍我咩...

睇黎要兩個禮拜後先搞番掂部腦......

>>April 10, 2004 at 10:55:17 AM GMT+8

2004 年 4 月 7 日 星期三 【晴】

今朝繼續想起迅.......
一向以來,號召我們一起的人就是你,中四那次BBQ都是你發起的......
如今,你離去了...但是也卻因為這件事令我們再次走在一起,號召我們一起的人都是你......
相信你這個角色將不朽的號召着我們呢！

下晝攞住扮UE 99 E+中化EXERCISE落去麥記做,一杯大可樂+大薯條,點解我總係身處於其他地方做野先特別快?
份UE99 C都低能架,難到嘔茄......

返到黎唔知發咩姣scan哂d學生相上腦
其中一張......


我成日用某個方法去到好多人地唔講你知既相薄......唔知係我卑鄙定人地大意?

今日做中化既篇章時,睇到幾句插得好正既說話 :

賢於己者，忌之而不願問焉；
不如己者，輕之而不屑問焉；
等於己者，狎之而不甘問焉；
如是，則天下幾無可問之人。

我曾幾何時都係呢種人......當然而家都唔敢啦,仲抱住d咁既態度學咩人考A level......

>>April 8, 2004 at 2:47:13 PM GMT+8

2004 年 4 月 6 日 星期二 【晴】

眠到十一點,一起身就食lunch,到十二點幾就開始做appmath,250分鐘搞掂哂,自己睇番都好感動,一次過做啱哂十幾條又快.......T_T
miyake突然話唔去得,咁就弊嘞......我地乜野禮儀都唔識,帛金方面又唔知要夾幾多,諗住靠佢架嘛......
佩,今次靠妳了........

豈有此理!!!!竟然唔記得7點開電視.......有S.H.E.呀......嗚嗚
唔知點解呢排睇人地日記既興趣少左好多......可能呢排同日記有關既事太多喇,有好有壞,搞到我唔想睇......我本來都唔想講的......講開我又忍唔住講,我最憎人地搞小圈子,不斷巴結我身邊既人篤我背脊,算什麼意思?玩抹黑?件事過左咁耐,我不斷咁反醒同問人地我做錯d乜,我自知有錯會改,但我唔明做錯既點解只係我一個?
但係自己打日記既興趣就大左好多......自戀狂咩大佬=.=
擺明車馬係人地個度篤我背脊,點解唔諗下我會點諗?點解唔諗下板主幾難做?
懷疑自己係咪有脊稚移位......自從上年換左枕頭之後頸骨痛左好耐了......
其實我唔expect妳睇到呢d字,因為我知妳用notebook上網會好難hidelight,如果啱啱發現左既話妳大可以睇番我上個禮拜既日記有冇呢d反白字,如果一直都知既話我無野講,隨妳既便,妳話我'咩'妳咪'咩'你囉。
ridiculous!

>>April 7, 2004 at 5:34:52 PM GMT+8

2004 年 4 月 5 日 星期一 【晴】

做完pmath同英文,pmath既信心返來了
今日突然心血來潮搵番幼稚園同小學既成績表黎睇,一路睇一路笑,實在太好睇喇......
一邊睇一邊綜合我各科成績既走勢,真係selectively咁變,五六年級呈分試果時真係搞野,本來次次都第十名不變,一到五年級呈分期考就飛左去第六,上到六年級後一個考試唔呈分,即刻跌落第十幾,呈分期考又飛番去第六......咁無得我唔鍾意一試定身死啦......
跟住繼續發掘個drawer睇下有咩寶物發現,突然我諗起有一樣野我係遺忘左好耐,而呢樣野就真係突然出現係眼前......係小四出既銀禧校刊
其實無咩好睇,不過我就係咁翻看入面出現過既人名,睇下有冇d係我果時唔識既但而家又識既人......結果係冇,不過真係勾起左我好多唔記得左既記憶,呢本野我到今日先發現到佢既價值...太可悲了
跟住又搵野,比我搵到另一件寶物......幼稚園全體畢業相 !

原來我身邊有好多朋友係同我同'園'畢業架......又係居然到今時今日先發現,太遲鈍了......
CLICK HERE
啱啱知同我同園畢業既朋友有......(大家有興趣可以係入面搵)
道支,小麗,Marchelle Kwok(st paul果個...),銘沁,Kit,劉家麒,陸保津
另外我早知同我同校既有 : (呢d大家會熟悉d)
蘇祖 , 朱仔 , 道友 , 樂正 , 黃英婷 , 洪錦瑩 , 小澤 , 銘慧 .......當然仲有我啦
仲有其他我無打個名出來...因為睇我日記既人都唔會識架啦

影呢張相既地方正是而家既李兆強(平田隔離)

>>April 6, 2004 at 12:06:29 PM GMT+8

2004 年 4 月 4 日 星期日 【晴】

默哀完兩日後,我又返黎啦
今日訓到11點...自上個星期一都冇試過訓得多過6個鐘喇
不過呢幾晚都有訓訓下扎醒,我平時都唔會,可能我真係有過大壓力
中午時舅公無啦啦殺上黎,佢真係特登買左本野比我

多謝舅公!
到三點零做完puremath就出去行下,特登走出去撞張仕同淫僧,又會比我估到佢地唔係旺角...我好多時都自覺幾醒,哈...不過有時又真係好鈍( contradiction? )
最終都撞唔到(而家就鈍囉),跟住返屋企,又買多本apply math既薄
計畫左我呢個假期喇,相信我會有能耐捱得過掛......

另外想講下呢一兩日既日記
有好幾個friend係日記or ICQ叫我唔好咁傷心,其實我真係好多謝各方好友咁關心我,不過今朝我讀番自己呢幾日既日記幾遍,發覺d文字又真係哀得好緊要,比我確實既心情悲好多......我係有傷心過,但係唔係你地想像中果種哀傷,起碼我冇眼濕過...不可否認既,就係我睇野比以前灰暗左
振作啦各位 !!! 時間唔會因你而變慢的

>>April 5, 2004 at 11:30:05 AM GMT+8

2004 年 4 月 3 日 星期六 【晴】

返左兩日大陸拜山,諗左好多好多關於生死既問題

我諗我無唔開心喇,不過自覺好似有d野變左

>>April 4, 2004 at 1:41:35 PM GMT+8

2004 年 4 月 1 日 星期四 【晴】

今日我告訴了許智,朱仔與阿奶......
個個都很愕然......
大家都覺得,生命真是十分簡單,說結束就結束
'死亡' 真的會出現在我們身邊的......
一個生生猛猛、陪伴我們六年的時間旅行團友
可以在這一年間,突然消失於世上......

我xanga裏還有他的日記的link.......我icq list上仍然有他的account,相薄仍然有他的相片
看著那user's details......'wondering how'....有少少想啜泣的衝動......

我偏偏看一個永遠都不會再更新的日記,
偏偏update一個以後都不會再online的朋友的icq user's details,
偏偏send message給他
偏偏看一個以後都不再動,以後都沒有表情,以後也看不見的殘影........

現在,
他已經不存在於世上了
他已經不能感覺自己了
他已經離開了,頭也不回的離開
離開了自己,離開了家人、朋友、老師和世上所有人

他踏上旅程和離開的十七年之間,比我們任何人都更精彩，更美好
這十七年,實不枉此生

現在我自己都不知道我的思緒是怎樣...
我不想再為身邊的任何東西苦惱......我受夠了
我不知還有甚麼可以說...我不想說,我不懂說,我不敢說

>>April 2, 2004 at 1:17:06 PM GMT+8

2004 年 3 月 31 日 星期三 【晴】

今日係愚人節,不過我睇就係上天愚人節

心情極差

pmath 小測炒左

年頭時我講個朋友終於去左喇
雖然我同佢交情唔係好深,但係話哂都六年同學

大家共渡過的美好時光,將長留在我心中



你永遠都站在我們班的中央
友星

>>April 1, 2004 at 10:05:51 AM GMT+8

2004 年 3 月 30 日 星期二 【晴】

無聊既一日
其實我諗廢許知道arrogant係指佢自己既...不過佢借題發揮講既話即係當面自認arrogant啫,所以比着我都會詐唔知......anyway,lemon你果然厲害
都唔知發乜神經......阿媽又無啦啦大發up風,話我踢毽時唔除褸整濕件褸喎,我話天氣潮濕,跟住居然話我呢d話唔係讀書人先講得出喎,我就係讀過書諗出呢句回應啫,我無興趣同呢類barbarian拗......
都唔明d人識唔識講野,呢d就係中國人既通病,用既字眼越講越低等,或者極度誇大,語氣就越講激烈,可惜混合以上component之後講出黎果句說話既grammar就會錯哂,或者係唔make sense.第一次聽既人可能會聽到想笑.
好似我啱啱 ai 住隻窗睇中國對HK,阿媽就咬牙切齒咁話我塊面就黎'痴'住個螢光幕;
又話'睇下人地幾企理幾咁整潔,你就間房好似個垃圾崗/狗窩/一pat屎',老實講句佢咪淨係攞潔僻女仔既房同我比較?佢有幾可入過同我同年紀既男仔既房吖;
又話我塊面多紋,人地個個男仔塊面都無我咁多暗瘡.呢句就直頭可以用白痴無知黎形容,佢邊有見過我d friend?等佢見多一千個男學生之後睇下仲敢唔敢話我成面暗瘡 !
可笑例子還有 :
成日唔打開道門,隻眼睇野都唔夠闊(我打開門望廁所會隻眼會舒服d咩)
睇下人地馮道新成日打波幾高! (咁你又唔夠人地阿媽高...)
身為首席圖書風紀(佢以為好大),間房亂到垃圾崗咁,你羞唔羞愧呀你?你點做人榜樣? (我一d都唔羞愧噃...佢竟然以為自己個仔係學校既工作係指導人執書......仲要以為呢個係個大職位,無知)

一肚氣無地方發洩,又唔想好似以前咁吞左佢......雖然咁樣既發洩好似八婆既行為,不過都容我一次咁大把啦,舒服哂

p.s. 多謝dolcelmo既pastpaper marking scheme !

>>March 31, 2004 at 5:24:31 PM GMT+8

2004 年 3 月 29 日 星期一 【晴】

勁無奈.......小小野都忍唔到 !
原本想睇下pure math,後來見physics咁耐無睇過就係咁咦'立'下,點知忍唔到手睇左成晚......
不過好耐無試過溫書溫得咁舒服啦 !

一杯參蜜茶+驟雨的天空+ICQ+兩技筆+一張rough work sheet+一疊physics notes,締造完美溫書新境界......
pure math真係找屎了

>>March 30, 2004 at 4:45:53 PM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net