2004 年 3 月 8 日 星期一 【晴】

尋晚唔知點解...臨訓前我腦好似唔咁轉咁,不停咁諗野,好似我訓左我腦仲係諗緊野咁
訓得極唔安樂,而我朝早起身時又真係記得我腦一直唔停咁諗野喎......
所諗既野....乜都有,不過最嚴重既.......就係好似不停咁樣出alert叫我唔好訓得咁熟,第二朝一定起唔到身,一路訓就一路諗唔好訓得咁熟,結果早左半個鐘起身......起身時仲諗緊呢樣野......
仲有...好似發左好多個夢咁,而家個腦好似好焦累......
唉...我等陣點上堂......

我唔係有精神病下嘛?

>>March 8, 2004 at 11:29:45 PM GMT+8

2004 年 3 月 7 日 星期日 【晴】

好幾個friend既日記入面都有提及我3月6日果篇日記......其實我果時既思緒都幾混亂下,夾硬將一堆散既資料link起佢...可能有d遺失左添,遲下諗番再打番上去
呢個星期應該係我中六最繁忙生活既最後一個星期(除非JSLC果度打低DBS同高主教啦,不過probalility=x%,where x tends to 0)以後我終於可以睇番書 lu ( physics小測如果係下個week就fit哂啦.......=.=)
經我多個月觀察所得,我個日記既人流最近黎講大約有15-16人per day,又會多成咁既?之前千幾人時我睇過都係大約6-7人左右啫,係咪同我打日記打得唔定時有關呢?搞到d人一日黎幾次......
其實...之前我開放ftp比人download年宵既video,果陣時我趁機check到入黎download野既ip,跟住我就逐個同icq list上面既人既ip對下,果陣時比我check到邊個人係有黎我既日記......
你可能話我冇必要知道邊個有睇自己既日記,因為日記係for自己既......無可厚非既,但我只係想知道邊個有關心我啫,知左冇壞喎,等我認清邊個係有心人 (注:我冇話過唔係有心人就係冇心人)

>>March 8, 2004 at 3:53:45 PM GMT+8

2004 年 3 月 6 日 星期六 【晴】

本來諗住一早起身溫physics,不過又賴係張床度到11點先郁
跟住比father扯左出街買d cam,佢仲熱心過我喎,一睇就睇中部sony T1,變態架,memory card都五舊水,佢唔肉痛我肉痛呀...跟住講講下就買另一部平d既canon.......
搞到3點幾,拿拿臨飛返屋企開工做physics......

physics for whole day !

回敬某人日記:
人既三大福氣 : 食得好,訓得好,屙得出...我都算有哂既...
並唔係食得多,訓得多,(屙得多??)......

再回敬多另一個人日記:
在我眼中...人生意義唔使刻意去搵
生活就是品嘗,探索方法之一,搵唔到都唔緊要,得個吉咪得個吉囉,到最後果個人諗到既人生意義可能就係'得個吉'......無所謂
不過...要說服自己生存目的係另一樣野,又或者信於另一樣野,唔係個個都得既,至少我唔得......
所以難得糊塗係好高難度,至少想想如何擺脫雜念已經高難度

再回敬第三個人日記:
妳個diary都唔算難明既.....我有d同學寫到逍遙遊咁既款
做人開朗d啦 ! A level未打到黎就唉唉聲,未開心面對過,又點知開心面對時真係可以好開心?

再回敬第四個人日記:
識左你十年有突,雖然唔係好熟,由小學到而家既態度都係咁deeply令我覺得你...
對唔住都要講句
不可一世

>>March 7, 2004 at 6:03:59 PM GMT+8

2004 年 3 月 5 日 星期五 【晴】

下晝去左中大既physics talk,聽楊鎮寧同楊剛凱兩個名教授講physics
起初聽楊鎮寧講都算明佢up乜....因為關乎matrix同inverse既野,不過聽完唔覺有乜得着...
跟住就講neutron spinning同證明某d野反轉360度之後唔係本來個樣.....我打醒十二分精神咁去聽,不過聽唔明......第一我冇讀chem...第二我英文渣......=.= (第三楊鎮寧都成八張野...講野死唔斷氣咁)
楊鎮寧講完到楊剛凱,呢個就正喇,講宇宙既physics例如gravitation同relativity之類,起碼易明d,而且d英文又正喎,最衰佢話時間關係無講到第五個force...我聽咁耐就係想聽呢個topic偏偏佢就飛左...

唔知點解突然好想打一篇會令人想留言既日記......
可能因為呢排都無乜時間去諗一d日常生活以外既問題or感受,所以呢排既日記都以敍事居多......
但係就因為呢d唔停唔停咁黎既工作,搞到我有少少麻目...
發覺最近我真係好少個人感受,個人好似變左雞肋咁,食之無肉,棄之有味
Matrix入面提到人無左mind就唔能夠生存,似乎我好似慢慢趨向於呢個地步......
而家常會有既感覺....似乎得樂同哀,好似真係無乜其他既感受,係咪生活真係太平淡呢?
當然仲有一個困擾全世界所有人既問題......就係做人究竟為乜?貼身d講,就係我而家究竟係度做緊d乜野?解答呢個問題既難度就好似解答科學一樣,問題之後一定可以出另一個問題,呢兩個問題既最終答案,我估係一樣的......不過亦因為呢個原因,我諗唔到答案,唔會有一條問題既答案係可以解答得哂所有其他問題,即係唔會有問題係唔能夠帶出另一條問題的......但係呢個就唔可以代表做人無意義,正確d係唔知有咩意義......
不過,既然做人得一次,與其呢幾十年渾渾噩噩咁過,何不唔做d野,去發掘做人既意義?呢個可以係每一個人既人生目標,唔理你係邊個都可以以之作為目標...即使你到臨死前可能突然醒覺,唔知你點解會由出世開始做你呢世人做左既每一件事既動機,咁咪算囉,下一秒你都唔知發生過咩事架啦,咁都好過由雲遊到仙遊吖,否則連諗呢個問題既機會都冇
難得糊塗,糊塗人係咪真係無煩惱?我身邊無乜糊塗人,我唔多清楚.....
又定係呢個世界跟本唔會有糊塗人?
要做到糊塗既境界,仲難過做醒目人......
因為我地係'人','人'係有好奇心的......

>>March 6, 2004 at 1:32:17 PM GMT+8

2004 年 3 月 4 日 星期四 【晴】

做左中英文listening......兩份既分都好一般......唉
放學去library問何鴻儒點,而家係想係呢4日之內hard train兩個人出賽,逼佢地2分鐘之內搞掂一本書,係就係好高難度,但唔係無可能既事......
放學聽到阿貴話又可能黎唔到......sigh...算啦算啦!
踢毽發洩......踢左個幾鐘,比個看更串......
我踢毽係咁瀟灑架啦...唔比咩?

>>March 5, 2004 at 11:00:21 AM GMT+8

2004 年 3 月 3 日 星期三 【晴】

好嬲下...不過都係笑住對人
下晝兩堂PE有 "攞你命三千" ,好似係我一次計時跑三千米,初頭仲諗住跑完行樓梯都無力,吖不過跑完又唔係好辛苦喎,舒服過千五米,仲係第一批返終點添
跟住就開始嬲嬲地啦...上library之後知道個JSLC semi-final係再下個星期六,之前完全無通知過,ok,呢個本質上可以接受。跟住何鴻儒上黎話果日唔去得...咁就大煲啦...
其實我都估到會有呢d事...一個人校內校外揹咁多post,唔重疊就假啦...咁我要佢聽日比個sensible既solution我......其實最好就推左佢另一邊既工作,如果唔係真係做炮灰...我地上兩屆入到semi-final都攞到第二番黎,今年仲第一次首名出線,我真係唔想係semi-final比兩間committee炒蛋囉,我地唔係無實力,我唔祈求擊敗高主教,不過我係覺得我地絕對足夠打低DBS,我只係唔想虎頭蛇尾啫,點解總係有咁多阻力架?
臨走時石啟璋話果日要上study skill......算啦,呢個都唔緊要
好煩好多野諗...我個人要求係高d,野心係大d,睇唔出都正常...但就因為咁惹到好多煩惱上身......但係我覺得野心大唔係罪過囉
對事黎講我係唔怕麻煩既,不過對人例外......呢次都唔知點算

P.S.何鴻儒我知你有睇我日記既

>>March 4, 2004 at 12:46:57 PM GMT+8

2004 年 3 月 2 日 星期二 【晴】

app小測......炒左第一條.....shit...energy果條送分題唔記得減番initial condition......頂 =.=
今日都算幾他條,係library hea hea下就6點,又懶得早走喎......
physics呀......electrostatics果度好難.....次次我都成張notes由頭睇過,但係就次次都睇到potential energy就訓左......今晚我一定睇明哂佢

琴日睇完拳霸......

>>March 3, 2004 at 12:42:09 PM GMT+8

2004 年 3 月 1 日 星期一 【晴】

下晝執850-857書架+執雜誌櫃+執報紙,一次過搞哂所有野,搞到五點幾,好累~
跟住去study group,搞掂哂功課就出荷里活睇拳霸~好多人黎,肥kan,東哥,張仕,正楠,我,毛人,踢毽,square...臨離開學校時聽到得得同姣男佢地都話想睇,早d出聲嘛~~不過漏左威豪,唔好意思呀!
睇完熱血沸騰,一見到人就想一個膝撞鍋落去......不過d配音好核突,套戲有d似李小龍三十幾年前果套唐山大兄......
返到屋企11點......完全置聽日既appmath小測於不理......

>>March 2, 2004 at 3:38:03 PM GMT+8

2004 年 2 月 29 日 星期日 【晴】

日記日記...
今日返到去library,比班友仔叫我去開announcement講星期六個jslc比賽首名出線,開咪開囉......開完之後我都估到啦,個個都問我 ' 乜有d咁既比賽既咩? '...講真,雖則佢係第十七屆,但係三年前我第一次聽時都覺得......乜有d咁既比賽既咩......
pure堂潘sir又講佢對改syllabus既不滿,實制上係對香港政府教育改革既不滿,上年其實都聽過一模一樣既野,但係佢講得幾啱聽,一試定終身係政府搞出黎,話佢唔好都係政府搞出黎,其實為乜要改?唔改咪好囉,都唔知邊個起初話唔好
不過我地都算幸福啦....有complex number同vector幫我地拉分
黃昏去買拳霸既飛......

叮噹大長篇第十五期

再見吧！再見吧！

像打轉地剝去蘋果皮，
時間的過去就像漩渦一樣。
不斷地往下轉去．
昨日和今日都連在一起。
在很久以前分別了的人，
只要你轉一圈，就立刻出現在眼前。
時間就像螺旋樓梯一樣，
說了再見後，又連在一起，
所以分手後又會再見，
分手後又會再見。

葡萄藤伸長了！
明天會伸上藍色的天空中。
你不斷往上爬，
陽光永遠在眼前照耀。
互不相識的人將遇上，
他們正在陽光中等待着。
時間就像光的樓梯一樣，
再見後又再發光，所以分手又會再見，
分手後又會再見。

時間就像螺旋樓梯一樣，
說了再見後，又連在一起，
所以分手後又會再見，
分手後又會再見。

>>March 1, 2004 at 2:33:37 PM GMT+8

2004 年 2 月 28 日 星期六 【晴】

yeah ! 一眠眠到11點,勁耐無嘗過訓到唔想訓既feel,正呀!
add左一個jslc既committee,知道左下場對戰係高主教+男拔(唔係黃芴南),可憐我們唔知會唔會變成炮灰......對住兩隊committee school,一隊八百幾分,一隊千二分.....盡力啦盡力啦
近日心血來潮睇番屋企擺左好耐既叮噹,睇番大長篇入面每期都有既歌詞 ,正呀....以前我翻到呢頁就逼自己睇完每隻字,睇完就即刻飛左佢,因為果時覺得d歌詞好無聊......但而家再睇,卻有另一番味道,突然間非常非常佩服填詞人武田鐵矢......翻譯果個都好厲害,將d歌詞譯到好似一首詩一樣

叮噹大長篇第九期 日本誕生

時間的旅客

被翠綠的草環抱著，
枕在手掌上，睡一會吧 ！
為了什麼要匆忙地生活呢？
在這麼寧靜的天空下，
浮雲一面在輕訴往事一面飄去了 。

太陽曾經照耀，一億年前的藍天
就如今天一樣。
沉入海底，在夕陽之前，
深深地覺得，
我的心變得親切，變得安靜。
在海邊，晚霞影照，
拍岸的波濤，把回憶中的故事，
從遠遠海上傳送過來。

一萬年前，在這白色的海濤，
有誰曾坐在這裹，
和現在的我一樣。
二千年前，下雨的時候，
有誰曾被雨水淋濕，
和現在的我一樣。
二千年前，下雨的時候，
有誰曾被雨水淋濕，
和現在的我一樣。

其實點解我會咁佩服呢......
佩服既...係作詞人真係將情感同新物理(relativity) combine起來
唔止呢首,仲有好多好正既同時間有關既歌詞(詩),例如創世日記既'再見吧!再見吧!'聽日post出黎
另外叮噹入面其實講左好多physics既野......唔通我而家既physics頭腦係小學追叮噹度學返黎?

>>February 29, 2004 at 9:31:46 AM GMT+8

在靠岸前 一切耗盡 望向夕陽 仍相信   廣告 讀者留言 |  路人留言   | 路過 <br>渴望做你師妹 <b >>February 25, 2011 at 5:38:03 AM GMT+8 你好。我小學讀下午班。我點解識你 >>November 25, 2009 at 1:18:20 PM GMT+8 星.. <br> <br>我衰左 >>October 2, 2007 at 4:13:19 PM GMT+8 你冇事嘛..? <br>唔好咁煩 >>August 23, 2007 at 3:42:26 PM GMT+8 留下言先~ <br>做人上莊真係 >>January 15, 2007 at 5:49:14 PM GMT+8 搵到你個 showhappy < >>December 10, 2006 at 4:45:33 PM GMT+8 Hey, Mak Hui Sin >>November 27, 2006 at 12:13:47 PM GMT+8 哈哈！好大隻字... <br>多 >>September 24, 2006 at 4:31:58 PM GMT+8 apply三間咁多?! haha >>May 23, 2006 at 5:38:44 PM GMT+8 藍田>旺角>HKU>尖沙咀>佐敦 >>April 30, 2006 at 3:56:21 PM GMT+8 仲諗緊…… >>March 11, 2006 at 4:19:30 PM GMT+8 努力呀~ 博盡啦~ <br>祝你 >>December 11, 2005 at 6:44:39 PM GMT+8 唔知點解我可以嚮而家應該博盡溫書 >>December 10, 2005 at 6:54:16 PM GMT+8 Legal system 好似係 >>November 4, 2005 at 4:39:53 PM GMT+8 雖然你唔講"佢"係邊個~ 但係我 >>October 24, 2005 at 5:06:08 PM GMT+8 99/100 咁稱呼人..... >>August 1, 2005 at 3:53:59 PM GMT+8 無論你AL 成績是否如理想都好 >>July 10, 2005 at 2:00:48 PM GMT+8 hihi <br>我今日o係自修 >>March 31, 2005 at 2:28:13 PM GMT+8 physics paper 1 >>March 11, 2005 at 1:22:36 PM GMT+8 多謝你在我diary 留言 <b >>March 5, 2005 at 5:07:19 PM GMT+8 Past Paper...... >>November 21, 2004 at 4:04:15 PM GMT+8 no one is not un >>November 16, 2004 at 2:24:27 PM GMT+8 唔會既... <br>信心保證m >>November 9, 2004 at 12:54:32 PM GMT+8 你不如諗下點解你要做人 >>October 16, 2004 at 4:16:19 PM GMT+8 你....真係想像到佢把聲o既u >>July 26, 2004 at 1:38:40 PM GMT+8 李學禮o個餐記住叫埋我~ >>July 12, 2004 at 1:10:24 PM GMT+8 剛剛先o係我日記見到你個留言 < >>July 9, 2004 at 10:12:11 AM GMT+8 我黎左了～ <br>原來你話查字 >>June 27, 2004 at 3:39:03 AM GMT+8 係呀~~~我認懶~~~ <br> >>June 21, 2004 at 11:42:49 AM GMT+8 星:岩岩睇番自己好耐無掂過既日記 >>May 27, 2004 at 10:25:36 AM GMT+8 hihi 星爺 <br>其實中六 >>May 20, 2004 at 11:04:08 AM GMT+8 好耐冇黎 <br>不過你d di >>May 16, 2004 at 4:49:15 AM GMT+8 人就係咁化學 <br>話走就走~ >>April 4, 2004 at 7:14:14 AM GMT+8 我亦未曾想過在我身邊的朋友/同學 >>April 2, 2004 at 3:05:06 PM GMT+8 篇對話笑到我死 >>March 24, 2004 at 2:17:53 PM GMT+8 HAHA~~我黎左la <br> >>March 13, 2004 at 10:52:13 AM GMT+8 點解04張相係男坐女企o既 >>January 28, 2004 at 6:12:26 AM GMT+8 hoho~~~ <br>今日布勾 >>January 6, 2004 at 10:54:20 AM GMT+8 sorry wo <br>咁遲先 >>December 24, 2003 at 10:31:28 AM GMT+8 我唔鍾意睇narrative~ >>December 21, 2003 at 5:47:36 PM GMT+8 嗶~ >>November 23, 2003 at 1:36:20 PM GMT+8 三條A~~(我都想呀~~) <b >>November 2, 2003 at 12:55:35 PM GMT+8 阿許許都幾好野wor~ >>October 11, 2003 at 11:54:01 AM GMT+8 得閒一齊去玩o下、傾o下計 <b >>October 3, 2003 at 2:17:30 PM GMT+8 Hello~~~ <br>I c >>August 27, 2003 at 7:02:38 PM GMT+8 很好喎，給我知道你的童年了，哈哈 >>August 19, 2003 at 4:15:55 PM GMT+8 wa..正ar... <br>好 >>August 19, 2003 at 2:04:30 PM GMT+8 hihi~~ <br>good >>August 19, 2003 at 9:41:45 AM GMT+8 &#12399;&#12399; >>August 19, 2003 at 9:04:31 AM GMT+8 各位留言吧!! >>August 19, 2003 at 6:13:50 AM GMT+8

人氣: 76652

Design & Scripting by ShowHappy.Net