2005 年 8 月 23 日 星期二 【乍寒還暖】

都係訓得唔係太好...但無紮醒就已經非常好~^O^
不過d皮膚越來越差,之前抺得眼水,鼻涕太多,乾到甩晒皮...呢家先有心情去理下佢,難搞~

一日五餐增肥計劃,漸有成效~^^

新瓊天太不濟了,我們都往外闖。
今天,吃了一個有四塊豬扒的飯,嘩嘩嘩嘩~~~
隔籬果枱得兩塊咋....老闆認為我營養不良??

放學,同Nicole係尖咀買d野就歸家。
回家的步伐輕鬆了很多....^^

Karen & Carrie約左聽晚食飯呀,佢同hkcats ge人,送肥仔的油畫俾我呀,
放學之後,係屋企度左好耐....諗定掛係邊好呢~~好期待聽日啊!^^
我地未見過呢,聽日就要"相認",不過我應該好快會認到佢地...手持油畫的人不多,哈~
準備了小小小禮物,希望她們會喜歡~
不過阿媽話我呢家個樣係七月晚行出去會嚇親人....這個嘛....(=.=)"

今晚要發個好夢~^^
=============================================================

日日返工都好似去左街市,討價還價....
甲 :"姑娘呀,唔使銀行簿啦~"
ME :"唔得架,一定要帶黎架...."
甲 :"咁我淨係帶我自己果本啦!屋企人果D唔使啦~"
ME :"唔得架,要晒全部架!仲有D定期、股票、外幣都要計埋...."
甲 :"果D都唔係知黎GE,你當唔知咪得囉~" (唔係錢你俾埋我算啦~)
ME :"緊係唔得啦,唔可以咁樣架..."
甲 :"你唔講咪無人知囉~"

如是者,重覆三,四次後....
甲(發難) :"家下你即係玩野?!唔肯幫就咪扮好人,o步我時間啦~#XZ@Y.....",
之後起身,拍?,走......
一日遇多幾個呢D人,煩都煩屎人了~ (="=)

今日唔開心果個傻瓜,你算好彩架喇~
望住呢度,無錯就係呢度,望住可愛GE小玲,笑返下啦~~^v^

>>August 25, 2005 at 7:42:36 AM GMT+8

2005 年 8 月 22 日 星期一 【酷熱】

好眼睏呀~頭暈暈...(@.@)~

見到有個女仔,大我少少,因交通意外引致半身癱瘓,
但仲考入埋大學,好開朗....由佢碌住架輪椅入門口果下,
到佢走果陣,佢D笑聲都未停過~
對住佢,我有點慚愧....
我比佢幸福,但比她不快樂...

今晚上堂.....(=.=)",我D英文太差喇...

阿媽之前話帶埋我去出海放生...點知改左日期係聽日,
無請假無得去....不過阿媽去一樣啦~

夜晚專登坐夜D,點晒香薰,坐到好攰先去訓,我要大覺訓天光!



>>August 25, 2005 at 7:20:13 AM GMT+8

2005 年 8 月 21 日 星期日 【晴】

小肥肥,

我都怕會喊壞眼,我成世女都未試過咁喊法...
我近視應該無加深到....不過對眼就一路都腫腫地...
之前就因為用手抺眼淚,搞到佢發炎....=o=
除左尋晚喊到豬頭咁,已經喊少左好多。
身體健康除左瘦之外,無乜大礙....ok的~謝謝你!
我也希望我可以慢慢走出這陰影....

你現在還好嗎?或許狗兒被人收養了,跟你照顧他時,一樣幸福~^^
===========================================================

Tindy,

謝謝你的支持!
我手頭上有八百多個簽名,雖然找了很多機構幫忙都說簽名信沒有用,
但我不這麼認為,那全都是大家真心真意幫助我們的證明,
信上所有簽名,鼓勵,都給了我很大的支持,無言感激!!!
我會好好保重身體,THX~

>>August 23, 2005 at 9:33:32 AM GMT+8

2005 年 8 月 21 日 星期日 【晴】

幫趁了年半的瓊天大餐廳,轉手了,熟悉的員工全都替換了~一片混亂...

肥仔走前有個病人見我愛貓,送我一把貓傘和間尺一把,
我先放了在老闆那兒辦手續,肥仔走後,我一直不敢取回,
望著,我又會想起肥仔......上次EVA就是把傘取給我,
一看到,淚水就跑了出來,所以才會向她傾訴...
遮遮(影到好怪)-->http://spaces.msn.com/members/sara2504/

今天,我鼓起好大的勇氣,把傘拿回,我要自己接受現實....
我沒哭,EVA問我上次看心理醫生後的詳情,
聽後,她跟我說,她也覺得我情況好多了,
起碼她一直跟我說著肥仔的事,我都沒有哭過......
我也覺得比一個月前好的....

早前抽中了兩張譚校長演唱會門票,工去換取...我倒有抽獎運~
對譚校長沒什興趣,打算把門票轉送同事,媽卻興致勃勃的要我陪她同去...(=o=)OOOO
原來朗豪坊地庫還有很多商店,我完全不知道呢~:p

之後回青衣城買相簿,肥仔的相,很多晒了還未入相簿,要好好保存!
再買了很多的零食,繼續我的增肥計劃~

8:30睡著了--->媽真好照顧,替我電話充好電,除眼鏡,較好鬧鐘,放好我早上要用的一切,
媽子不嘮嘮叨叨時,其實很可愛....但她一煩我時,我就會兇兇的鬧她....我不乖~^v^

12:00起來洗澡--->再睡。

3:00發噩,那晚的情景再一次出現,在嚎哭中驚醒....醒來後就控制不了的痛哭,
平伏後,洗個臉,睡不著,就坐著看雜誌....還以為一天比一天好....
我不要這個噩夢再出現,很痛...
情願我夢到嫲嫲抱著你,見到你和嫲嫲互相照顧~

4;00終於有睡意了....唉~~~



>>August 23, 2005 at 9:12:57 AM GMT+8

2005 年 8 月 20 日 星期六 【晴】

吃晚飯時跟家人說我,我夢到人家的兩隻貓走了進來。
他們都不約而同地說,這幾天也看到我睡著的時候在哭,
有時會握著拳頭,喊著救命/不要....
難怪多次發噩夢時,他們都在身旁。(=.=)\

睡著有哭,我知道,因為醒來時臉和枕頭都濕了一大片,
有時,是太驚,怕得整個彈了起來...淚還在流著...
但有沒有握著拳頭我就不知道了,怪不得怎麼睡,
我也覺得精神不足,根本有睡=沒睡~ (=.=)~
嗯....缺乏了優質睡眠....

昨天大塞車,個半小時的車程,中途醒來,坐在附近的人都"怪異"地看著我...
我裝作若無其事.....應該不會在車上發"開口夢"吧?

大剪刀一揮,三千煩惱絲又短了幾吋.....請把煩惱一起剪掉!


>>August 23, 2005 at 8:38:16 AM GMT+8

2005 年 8 月 20 日 星期六 【晴】

又在卡路那兒偷的.........

<<警世故事>>

從前，有一隻白兔，牠走過一棵大榕樹，發覺樹上面坐了一隻烏鴉。
白兔問烏鴉：「可以教我像你一樣終日無所事事嗎？」烏鴉點頭表示：「這個容易，只需坐在這棵樹就可以。」


白兔如言坐在樹底，果然清風送爽，好不快活，豈料卻惹來一隻狐狸，一口把白兔咬住。



白兔臨死前向烏鴉講：「我死得很冤枉，都是你的錯！」烏鴉不慌不忙回答白兔：「想終日無所事事，像我般風流快活，首要條件是要坐得很高的位置。你只是坐在樹底，一定是首先被犧牲的那個！」
白兔死不瞑目，詛咒烏鴉嘴只懂講廢話。


烏鴉望住白兔吞下最後一口氣，冷冷回答：「對呀，坐得越高，廢話越多！」

by 鄭丹瑞

==================================================================

小學告訴你，只要你努力讀書，將來升到Band 1 中學，先會讀書讀得好，讀書好才能改善你長大後的生活。


初中告訴你, Band 1 的學校的老師質素不一定比 Band 5 (現在稱為Band 3) 的學校老師質素好，在Band 1 學校讀書亦唔一定好過在 Band 5 學校讀書。

初中告訴你, 叫你好好努力讀書, 才能升讀大學


高中告訴你, 大學只會看你的會考同高考成績, 社會和僱主也不會看你初中和小學的表現.

高中告訴你，升到大學的話，大學的學習和生活均比高中開心、美滿、自由、輕鬆。


大學告訴你，大學的生活比中學更辛苦、學習壓力比高中更多更大，人際關係亦比高中複雜。

大學和高中告訴你，只有良好的考試成績和良好的榮譽學位，才能在事業發展上有成就。


公司告訴你，一個榮譽學位並不代表甚麼，最重要的是你的工作表現和辦事能力。

公司告訴你，只要你的工作表現和辦事能力，才能在事業有所成就。


當你工作表現優越的時候，公司又告訴你，只有你使老闆和上司高興和開心，老闆和上司均喜歡你這個員工，你才能在公司和事業上有所成就。



至於工作表現，並不及員工與員工和上司和老闆的關係重要。

>>August 20, 2005 at 6:50:20 PM GMT+8

2005 年 8 月 19 日 星期五 【雨】

今天可能比較悠閒,找來很多很多的事去扮忙碌......但最後又打回完形.....
再這樣下去,不是辦法,淚水會自動掉下來.....眼睛會壞呀....乖點好嗎?
上班,遇到多惡,多兇的人,怎麼鬧我, 都不會哭.....幹嗎要哭??再哭,肥仔都不能回來.....
他走了喇,不要再這樣子了...在心想著他就好了....


晚上在閱報時看到:

擇錄自東方日報...

喪親家屬較精神病者焦慮
[節哀順變]這類安慰喪親之痛的常用說話,原來不但不能起安慰作用,反而令聽者更覺難受.為親者提供善別服務的善寧會指,大多數喪親家屬均有抑鬱病徵,焦慮情緒比精神病患者高出一成,應鼓勵喪親者[接]哀順變,坦然接受宣洩哀痛情緒,逐漸適應親人離世帶來的改變.

善寧會諉託香港大學行為健康教研中心,於零一年四月至零三年四月向一百四十名曾接受善別輔導服務喪親家屬做問卷調查,約三成受訪者為中年女士. 結果顯示,七成受訪者比較願意與專業人士或家庭以外的朋友分享感受,普希望從中得關懷及獲取資料意見.

調查顧問周燕雯強調,不要以為喪親者只於死者離世後的兩個月內才會傷心不已. 她指平復期因人而異,每年的忌辰,特別日子或天氣亦可以是家屬哀傷的高峰期,喪親者的朋友可特別日子預先安排群體活動.

調查報告又建議一套[應做]及[不應做]的守則,[不應做]的包括對家屬說[節哀順變]或[不要傷心]等說話;要求他們忘記死者;疏遠或避開家屬;建議屋或扔掉死者遺物. [應做]的包括與家屬保持聯繫並表達關懷;聆聽家屬感受;鼓勵家屬接納哀傷的情緒; 容許他們哭泣; 提供實際支援, 如陪伴處理後事及照顧小孩.

善寧會設有圖書館,為喪親者提供善別服務, 舉辦講座, 親子宿營, 節日思親會及善別小組, 並出版以及免費派發有關善別支援的自助手冊及小冊子, 查詢電話: 2725 7693 　

不應做的,我好像全部都做了......=.="
打的時候,淚還是掉下,不過把感覺全都放在這裏後,感覺就好多了......
日記又發揮了宣洩的作用........
這兩天,無緣無故又打回完形,是因為天氣?見到人家在你走的位置燒衣?還是我自己想起你?
不知道.....唯有自己愛惜自己,不要一想起你就來...眼太淺了...


>>August 20, 2005 at 6:48:04 PM GMT+8

2005 年 8 月 19 日 星期五 【雨】

肥仔,

肥豬仔.....你好嘛?在做甚麼?媽好掛住你....
尋晚訓訓下,突然喊醒左......望住攬係手GE大貓公仔,就諗起你縮係我手臂個傻豬樣.....
跟住就喊到收唔到聲........你會唔會覺得媽好無用.....淨係識得喊....
你唔係到,我自己一個訓,張床好大呢.......少左你紮住我隻手,少左你用腳撐住我,少左你用個背脊貼住我...
無一晚訓得好似以前咁"林"....你無左我,慣唔慣?
攞左你成日訓住果隻大貓黎扮你....仍有點點你陣氣味,但就無你ge體溫...似終它不是你....

今日放工,入門口仍舊哎左你個名出黎......明明知你唔會再出現,但就好想見到你訓到懞下懞下咁GE傻豬樣,係房走出黎接我.......真係好想你可以係房入面行出黎....

覺得好似好耐無去探你咁,望一望月曆.....我只係廿幾日無去探過你......
我有好多好多野想話你知.....你係果個世界到睇唔睇到我?
你要保重呀.....


>>August 20, 2005 at 6:12:41 PM GMT+8

2005 年 8 月 18 日 星期四 【雨】

今日心情都ok耶......^w^
早幾日d心情真係....=.="
個天灰灰沉,又成日落雨...一步入夜晚同落雨就會比較傷感d..

振作喇,振作喇!!
要做個有笑容ge人,人地望落都會開心d~~
自己都會開心d~~~=D

>>August 19, 2005 at 9:46:38 AM GMT+8

2005 年 8 月 17 日 星期三 【晴】

Thomas,

謝謝你~
我現在也沒有什麼大問題,吃喝睡,上班,上學....
只是有時掛念他...

"請你不要打算報復, 其他貓貓是無辜的"<--這一句,跟殺肥仔的人說,更為合適!!

你也是香港貓的member?
==========================================================
kensou,

其實肥仔生前,唔鍾意我喊,佢一見我喊,會好有靈性咁咬我一啖,
我唔理,再喊,佢就再大大力咁咬多啖,望住你,睇你收唔收聲,
如是者,直到你收聲唔再喊....
即使你唔出聲,只係流眼淚,佢都會知道...十年來都係咁....

朝見口,晚見面,日日係咁抱抱攬攬,叫我當無事發生過...有點難度....
朋友問我有無野,我一定答無野啦...答我無喊ge..實係呃緊佢.....

不過知易行難...好難做到,但我已盡量不影響日常生活...
只會夜深人靜時,望下佢d相,當同佢傾下計...咁樣比較無咁難過...
當氹自己又好,緬懷佢又好......
但時間沖淡下啦....一日比一日無咁傷架喇...

anyway, thank you!

>>August 19, 2005 at 9:06:43 AM GMT+8