2005 年 12 月 20 日 星期二 【乍雨乍晴】

一個HAND機.......打左成晚GE功課無左....?到(="=)
原來日曆已經出左,好彩可以補拎返......想早點帶你回家..

一個不太相熟GE朋友同我傾家庭問題,嗯......點解咁多人結完就要分?
二奶真係咁吸引?廿幾年話分就分,最憎人拋妻棄子!!!

好開心呀~
放假放假.......呢排可以唔使返學,太喇好喇~
不過亦因為咁,要讀到二月初先完晒.....我想回鄉過年耶~>.<



>>December 22, 2005 at 5:11:01 PM GMT+8

2005 年 12 月 20 日 星期二 【晴】

詠欣,

同部lift嘛~^v^
嗯,對,咁我應該猜對了,你大哥同我兩個哥哥都識得架~
你好細好細個(手抱果陣),我成日搭lift都會望你架,
因為覺得你對眼好大呢~好靚!^^
不過好似好耐都無遇到你,唔覺唔覺,你原來都就快升中~
而家見到唔知認唔認得呢~:)

~~~~~~~~~~~~~~~~~~~~~~~~~~~~~
sasa,

哈,唔係吖,沙龍都唔錯呀~
雄兔腳撲朔,雌兔眼迷離,佢對眼咁迷離,女仔黎?
幾多歲到?佢隻腳真係好似貓仔腳~
咁快會返去喇?不過唔緊要啦,推下去,等多d人睇到嘛~^^

>>December 20, 2005 at 5:28:47 PM GMT+8

2005 年 12 月 19 日 星期一 【乍雨乍晴】

同事帶埋較剪,想將我個頭轉換為馬騮頭,轉轉新型像.......=o="
轉左咪成個XX病人咁....:p

條脷生大粒飛滋,原來係會痛得咁勁~
搞到好似痴脷筋咁,d pt係咁要我重覆講多次,
越講越痛,越講越痴脷筋.....佢地好似以為我玩野咁,
睇住佢地面色由白-->紅-->黑......都驚驚地俾人打,
連續好多日都出事喇,老闆都唔肯報警.....我都要小心下好~

一大堆同事放工踩上左產科病房探同事~:p
我黎時佢剛結婚,前日就生個b仔...^v^
聽埋聽埋好多生仔野~~
成三十個鐘先生到阿b出黎......諗到都驚,痛死了~
問下初為人母,抱阿b ge感覺:"嗯,一舊野,冧xx"........=o=~

不過小b有少少毛病,要隔離,只可以睇相同片....
bb要快d好返啊~
點解似出左世幾星期ge???????????
我第一次探大肚婆呢~^^

離開時,突然聽到洪亮喊聲,回頭一看,就見到一個b,
個頭比吸吸,吸到變晒形,好尖,額頭仲凹左d,有d瘀黑...陰公~
不過同事話係正常ge~
得隻大貓咁上下大,肥仔都重過佢呢~:p
成身紅卜卜,又皺,又甩皮<===呢d先似係初生嘛~

第一次咁近距離接觸呀,隔左塊玻璃咋~
小生命兩日前先出現咋....跟住姑娘一放個奶樽餵佢,佢就大啖大啖咁飲,好搞笑~
但一個咁溫馨ge情景,同事一句就破壞左喇....
"嘩,你睇,個b係NEP黎架!(非香港居民),大陸B呀~".........=.="
阿B其實係香港居民,只係媽媽唔係....稚童無辜耶~
都係B一個,何來分別呢......

我見到小丑醫生真面目呀!!!!平日偷望佢就望唔到,今日唔覺意就遇到...哈~

跟住再落返OFFICE同Anise吹水一會,八點先歸家~^^

截左郵未呢?整唔切呀...做唔到聖誕禮物呢.......




>>December 20, 2005 at 4:48:24 PM GMT+8

2005 年 12 月 18 日 星期日 【乍雨乍晴】

0230仲捉住累極回家GE二佬訪問~
見佢講返同韓農交鋒個樣仍猶有餘悸咁,再望下佢對手都整到瘀晒,
現場個情況應該仲混亂D....
生於呢個年代GE香港,竟然都會經歷到D咁GE暴動....都算係畢身難忘呢~
無見幾日啫,瘦左一個圈.....屋企人可以開班教人瘦身~個個都自動瘦....:p

原本都覺得韓民ok ge,但部份用奸招ge真係.....

0300阿哥一路講一路隻手放係燈制到,想熄燈訓覺,但就俾我係咁問,
係佢眼中,個妹可能比韓農仲殘忍D呢~XD
不過第一身資料比新聞吸引啊~

聖誕將來臨,工作停不了........做到手腳都不協調....

D同事唔知做乜鬼係到篤黎篤去,日日係到嘈架~
個雪球就越滾越大....為乜呢?

又有人發難,初則懶死唔走,訓係走廊GE?,再黎大鬧會見室,
又想郁手打人,仲核突到用"雲吞"扔去社工塊面,
中招者:阿蘇.....即刻衝入房拖走佢,
阿蘇仲諗住勸佢,好彩走得快好世界咋,唔係就唔止隻腳俾人用筆筒車中~=.="

路經GE一個護士,跑得好快咁走左,反而有個路過醫生企定左幫手,
到有其他同事黎支援時,佢都繼續企左係到話要幫下手,超級難得!!

豪華臀令我買唔到合心意GE褲.....XO

越來越夜訓..................................give me more time!!!!!!!!






>>December 20, 2005 at 3:56:55 PM GMT+8

2005 年 12 月 18 日 星期日 【晴】

[叉叉熊的故事]

http://www.redcross.org.hk/pio2005/index.htm


努力地找尋失落的童年，找都找不回。

有人丟棄，有人珍藏。

有人遺忘，有人難忘。

世界就是這樣……
===========================
「永遠不要記住悲慘的那一面，

否則悲慘就會一直跟著你。」
===============================

球兒寶說：「乖，別哭，我們來跳舞吧！」

叉叉熊舞動著笨拙的身軀，慢慢地搖晃起來。

他那受傷的心也跟著砰砰砰砰地快樂起舞。

他們一起對著星空大聲呼喊：

「虐待小孩的大人去死吧！」

「虐待動物的人去死吧！」

「虐待自己的人也去死吧！」

>>December 18, 2005 at 5:36:58 PM GMT+8

2005 年 12 月 17 日 星期六 【晴】

詠欣,

好多謝你!
我無事呀,唔覺唔覺肥仔都走左半年,
有時眼尾"稍"到有舊野,錯覺都會諗..."噫,肥仔~",
望真下,就"哦..睇錯....",然後一切又回復......

嗯,我都覺樂器可以舒發情感,不過我唔識樂器,
所以自己就好欣賞識奏樂器ge人~
有時諗起佢,我就會哼下出黎,感覺都好好多!
你住29樓的,我想我們應該有遇見過~^^
如果無估錯,我經常都遇到你的~

就快升中學,我想你會有個愉快的中學生活,中學生活令人難忘呢~^v^
你有沒有打算入讀那一間?我向你推介,吳祥川的弦樂團,很不錯的!

真的好感激你&網友們的關心,網頁是你和朋友設計的嗎?
很好啊,可以讓一班朋友暢談~^^

>>December 18, 2005 at 11:17:57 AM GMT+8

2005 年 12 月 17 日 星期六 【晴】

應承媽陪佢飲茶睇無極....臨時知道講國語喎.....媽子唔識聽...=.=~
有無廣東版呢?
仲諗住同佢行下,功課都想偷懶添....

想去貓貓領養日...去好唔去好呢.....心思思....仲想帶埋媽子去好無呢...
有無唔怕動物ge朋友仔陪我去吖??

聽日仲可以攞埋傳單派,但除左聽日,有無第二日or其他地方拎呢??

睇wto新聞睇到0330.....如果全世界人可以齊齊開心過聖誕咪好囉,
一場黎到香港,仲要被拘捕...../ . \

只係係咁易向媽提及領養日.....佢已經好反對我去......我仲諗住可以帶埋佢去.....
佢話感情放得太重了....佢唔想再一次咁傷心.....
唉................................................................................................................................................
努力做埋d功課,唔諗咁多!

聽聞小強同學會返黎過聖誕喎~^^
十三姨就過白色聖誕~




>>December 18, 2005 at 10:29:59 AM GMT+8

2005 年 12 月 17 日 星期六 【晴】

有朋友從遠方看到日記,很擔心.........
其實不用擔心呀,我很好....
這終究是個日記......一個舒發內心的地方......
每個人寫日記總會寫出最真實的一面,
如果自己都要騙自已,會好辛苦,
這幾個月,我已經沒有再對任何人提起任何肥仔的離開帶來的感覺,
但心裡免不了會想起,就借這日記當作向肥仔傾訴~
我沒有終日哭哭啼的過日,只是偶然因思念而流淚,
我還是像往日般過日子,我還有很久的路要走....
所以沒什麼不妥....放心就好了~=D

>>December 18, 2005 at 10:28:28 AM GMT+8

2005 年 12 月 17 日 星期六 【晴】

連串暴虐動物事件

(1) 「1.08尊重生命及反虐殺動物」大遊行

多謝各下一直以來關注旺角虐貓事件及我們的跟進。 過去三個多月，兇徒一而再、再而三在同一地點、以同一手法犯案，至今仍未落網，警方束手無策。
我們更關注的，是政府、執法、和立法機關、及有關機構，對此類事件的莫視態度，令穩藏的社會問題得不到正視，帶給下一代錯誤而影嚮深遠的訊息。

我們已決定於2006年1月8日(星期日)下午，在遮打花園舉行集會及遊行至政府總部。
(詳情: http://www.animalearth.org)
請各下到時抽空出席，為生命而起立！

(2) 義工招募
我們已印備宣傳單張與刋物，現雖要大量義工朋友，分發到各區市民手上，並張貼於店舖與機構內。

若各下可在此出一分力，請於本星期日(12月18日)，上午12時至下午6時，到臨九龍公園「博愛貓朋狗友嘉年華」，「3隻貓」攤位，免費領取宣傳單張與刋物。

多謝各位！
為生命而起立！

David Wong
http://www.animalearth.org

>>December 17, 2005 at 5:33:07 PM GMT+8

2005 年 12 月 16 日 星期五 【乍雨乍晴】

今日返工只係見左一隻case咋,梳乎到爆,返得好開心...個腦起碼可以放鬆下~^^

寶珠姐今日上左黎溫書,我就超慢動作咁睇報紙都睇左兩個幾鐘......
無訓到,個腦果然係幾實~~

原定今日ge bbq,人數只有4.5個人,....去唔成,好好好好好失望..../ - \

世貿示威,感覺茅盾.....一邊認為韓農咁做無可厚非,一邊見佢地搞事又唔多妥~
又有點替阿哥擔心.....
支持佢地抗議,但睇新聞睇到好唔舒服.....好似小型戰爭咁......
打完,美國佬收到佢地ge訊息咩?
捱胡椒,又捱凍水....仲要穿頭!
警察又唔可以手軟,無理由咁樣作反,破壞都放佢地,
如果,韓農真係可以攻到入去會展,香港市民會唔會有d擔心呢??
保護市民ge警察連部份韓農都抵擋唔到....

新聞果到睇到,警方大部份都只攻擊農民手持武器ge手,
唔係一開始起勢係咁扑人地個頭,我覺得算係咁,
其中有兩個差人制服緊個韓農,韓農倒地,一個警察仲想用棍打佢,
另一個已經自己擋係前面捱左果一棍....

如果警方唔封路,香港ge市民入去幫手示威,會唔會幫手打警察呢?
警察見到係香港人,會唔會送多兩棍呢?
香港人比韓農更會搞事,希望聽日ge遊行,可以和平d咁傳遞到d訊息!
如果d警察可以"借d易"咁放到韓農入去打到d美國佬,最好~
推警車,打差佬,都表達唔到佢地ge訊息,
只會嚇怕想幫佢地ge人.....

佢地唔係你死就我亡,迫到咁激.....
但睇睇同樣都係世貿受害ge中國農民,就無人敢黎香港示威喇.....
返到去都唔知會俾人點對待....
所以,韓民比中國人幸福了...起碼,佢地國家有自由,有民族精神!
好團結,好欣賞佢地呢點!!




>>December 17, 2005 at 5:39:19 PM GMT+8