2005 年 11 月 18 日 星期五 【晴】

呢張相,我影左幾日,.....花種了一年,終有小花蕾....



但上面果張未post,今日盆花已經開左一半了.......^v^




>>November 18, 2005 at 6:20:21 PM GMT+8

2005 年 11 月 17 日 星期四 【晴】

一覺睡醒,懶理昨日的潑婦~
尋日大車禍,老闆都唔得閒理我宗投訴,忙到爆~

因為老闆話我記性好,見過ge client & 對話都好記得,所以俾佢捉埋落A&E
做人肉錄音機.....老闆讚左好多次,係咪以為我仲為尋日件事耿耿於懷呢?
尋日唔夠訓,眼水先唔聽話啫.......但其實太記得某D野,都唔係太好~~=.="

黃太今日真係送左盒朱古力俾我,~
我:"你尋晚返夜,點解可以買到?"
佢:"你咪理我啦~"
我:"我唔收呀,咁貴~"
黃:"我膽固醇高呀,食一粒啦,其餘你食啦!我專登買俾你架,甜甜蜜蜜,食朱古力會好開心架,
你請人食又好,拎返屋企食又好,你一唔開心就食啦~^^"
一盒甜度剛剛好的朱古力,卻令我甜入心~~

下次黃太想送野,都係要制止下佢....
盒朱古力係leonidas....一盒仔,無記錯都幾舊水....=o=
同d同事一齊分享.....
事後,朋友同媽子投訴,點解無佢地份......=w="

~~~~~~~~~~~~~~~~~~~~~
lunch,阿lam:"我請你食飯!"
我:"做乜請我食飯?"
lam:"請食飯唔好問點解~"
我:"點解唔好問ge?"
lam:"你咪理啦,我中馬~"
就係咁,我同anise又吃了免費的午餐......

返屋企,阿媽話:"收人咁多人禮,你記住還呀!"
我仲有份驚喜,都未還,要買件好有好有心思的禮物,買什麼好呢??

手臂的byebye肉,跟左我十幾年,唔知幾時唔見左,無論幾瘦時都好,
佢都未試過玩失蹤,無點照鏡一排,又成日著長袖衫....都唔知佢唔見左,
係咪訓得少,瘦左呢?我已經係咁食野.......=.="

今日好早返屋企呀!好開心呀!可以食住家飯呀!可以同屋企人一齊睇電視呀!
可以上網呀!可以.........總之開心啦~
呢d係咪叫情緒化呢....??




>>November 18, 2005 at 6:39:41 PM GMT+8

2005 年 11 月 16 日 星期三 【晴】

[怒火]極度發洩的日記

早前曾幾次拒絕過替欠文件的一個國語人的申請....
今天她坐下不久就開始挑剔我,我只是剛問她的id,她己開始大叫,
自己坐著不停大呼要自殺,大吵著說我迫她跳樓,
我已感到她有意來找我麻煩,而且每日都有咁上下ge情況,見慣不慣,
所以就忍著,繼續用良好的態度工作,不讓她的為難而挑到我任何一個把柄~

但她見我不動怒,就拍掉我手上的筆,叫她先冷靜,我去找社工見她,
她:"為什麼我要冷靜,我冷靜不來呀!你憑什麼叫我冷靜!我就是要吵,看你能怎樣!!"

她攔著我,唔俾我走出房外,話我歧視她大陸人,不為她申請等等...
無可奈何,她又沒有襲擊我,我也不可能為這而按警報器吧~
恰巧有社工經過,走了過來平息她,她竟即時改變態度,非常好禮貌,然後就表露了她的目的了......

她說我歧視她,態度惡劣,冤枉她騙綜援,迫她去死,說我不想做,所以趕她走....
知道她明屈,我刻意保持禮貌地說:"我無咁做過!"
社工見我想解釋,怕會挑動client情緒,就按著我,說待她來處理,
我已心中有數,這個社工,最會在client面前做好人,但困獸鬥,社工拉住我唔放我走。

社工劈頭第一句:"係呀,我同事係呢到ge小妹妹,新黎無耐,
佢又唔係社工,係文員,唔識處理,做得唔係咁好,你唔好怪佢啦!"
講左一輪都係話我做錯,聽到我眼都凸,要平息佢,都唔係用一定要忍錯!
個client聽到就好氣燄,用手指住我塊面,講左一堆好侮辱ge說話,我撥開佢隻手,
"掘"住佢同社工,社工已經即刻捉實我隻手,扯我坐返低,甩唔開佢隻手,
又唔可以好明咁扯甩佢,焗住繼續係呢個疆局入面。

社工同佢講,批批批,叫我同佢繼續做埋份申請,個client見我俾人"才禁"住,
得勢不饒人,繼續指住我塊面話:"我唔要見佢呀!叫佢走,她憑什麼見我~"
我真係想扯幾巴俾佢,個社工仲係咁話:"唔緊要,唔緊要,做埋份申請我再見你啦~"

個client咬死我唔放,話我態度差,樣串,要見第二個,
所以我都應佢,個case我會轉俾另一位社工,我可以唔見,
咁呢個社工發現個case唔係佢,就即話:"哦,唔關我事架~"就即閃....

咁client見完個另一位同事後,企係我房門口,話要投訴我,要我同佢當面道歉,
同事話叫佢遲d搵老闆傾,老闆放假,佢話我一日唔同佢道歉,佢就坐係我門口地下唔走,
我不知幾想佢懶死唔走?!我一樣照放工,佢鍾意就跟住我走囉,
出左office,就唔使同佢客氣!!

社工奈佢唔何,去叫其他同事幫手,得返我同佢,佢講心聲喇:"這次整死你了,我一定投訴你的,
你看,你趕我走嗎,好利害嗎,我就要令你沒了這份工!"

同事來了,她就續繼吵鬧,說不會罷休,所以我對住佢講:"你可以繼續坐,
但我唔會道歉,如果你覺得我有任何問題,你可以去總部投訴我!我叫xxx,我俾埋總部電話你!"
佢當堂激到踢凹我對門,同事們就力勸佢向老闆投訴(同事想保我),佢係到唔制,
我唔理佢,除低件袍打算去買lunch,佢就大叫話我想打佢,即刻跑走左........
超級無奈,擾攘一輪,無時間,亦無心情食飯.......

佢走左之後,我嬲到喊,焗到喊,唔係因為俾人鬧,而係無端端咁樣硬食屈辱,
無得反駁,條氣唔順,我跟本就唔怕俾人投訴,合約之身,又無打算續約,
老闆又無權炒我,我無做錯,做足本份,明明可以好理直氣壯咁同個client對質,
偏偏同事好心做壞事,咁樣焗我認衰........我已經唔係第一個受害者!
其他同事都俾佢咁跣到收warning,成日唔知頭唔知路就走黎話係同事錯,
搞到呢家乜人都認為投訴就大晒!

唔明白,我一向對d client可以話得係唔錯,尤其呢個,
佢好幾次係我收工之後先黎,我唔想佢白行一轉,我都幫佢做埋,
估唔到佢今日咁樣黎對我,都估唔到我個同事會咁樣講.....


之後,總部打黎搵細老闆,話有人投訴,office出現ge係咩人,
大家都知,細老闆知道話會撐我!!
事後,十幾個同事又好似上次咁,輪流慰問........我無事,係條氣谷住!!

同事話我平日太冧善,但我條頸就咁硬,屈我硬食係無可能!
事後,息事寧人社工,知道自己ge行為有問題,拉我埋一邊同我講,
"同你一齊做野咁耐,點會唔知你為人吖,我地全部都信你,撐你架~
我都係幫你咋,你知啦,d人痴線架嘛,一陣佢袋住把刀咪死,我錫住你,幫你咋!
兩個老闆都信你,又對你咁好,咁錫你,都無謂煩到佢地啦~
有咩野吞左啖氣咪算囉................"
我唔想同佢講野,應佢"我唔會道歉的!",然後轉身就走......

返學前,黃太仲係咁氹我開心,好似阿媽氹女咁話:"我聽日買朱古力請你食,要笑喇~"funny~
返工d人發爛渣都慣架喇,係唔順俾人咁砌我生豬肉啫~
但其他事們,真的很好!!

yuki & nicole都逃學了,自己一個,很悶,仲諗住可以搵佢地大呻特呻添~
不過今堂終於有個正常d ge同學仔坐隔離,起碼,會啋人~仲好友善~^^
我一坐低,就借埋份NOTE我抄返,之前果D,遮住份NOTE都黎唔切呀~

回家,媽話:"你老豆話好多點解玲玲返學咁夜GE,好多日都無見過佢..."
原本想呻下,嗲下阿媽呵下,都將D說話吞返入肚,等佢訓個好覺,掛少D仲好.....
大家日日都係屋企.....我都好幾日無見過老豆.......

不經不覺,半小時內,掃左一筒薯片,一排朱古力,兩包餅,一罐汽水.....
我好似搵緊D野食黎發洩.....:p
呢排焗得太多喇.....



>>November 18, 2005 at 6:20:01 PM GMT+8

2005 年 11 月 15 日 星期二 【晴】

今日有個六十幾歲阿伯(印像中,佢有d痴痴呆呆咁),
坐低第一句就笑淫淫半帶鄉音咁講:"(高)丸同腫瘤有咩關係?"
我(聽唔清):"吓?我聽唔清楚你講咩?"
阿伯笑得仲高興:"(高)丸同腫瘤有咩關係?"
我(呆):"........."
跟住佢有所動作,跟起身,抽一抽褲頭.....

我知佢的確係睇腫瘤,但我又唔知佢係死變態佬吖or真係當我係醫生咁問,
因為實在太多老人家揭高件衫叫我下佢地d傷口......=.="
鬧錯佢又好咩咁............但如果佢真係變態佬,見我會驚實會嚇我,我咪又扮無野,
:"得,你坐返低先!嗱,我唔係醫生,我唔識,有乜野你問醫生啦!!!"
然後繼續做野,之後,pass俾另一個同事,俾佢之前,單聲佢知,
佢笑到肚痛,話等佢幫我......叫我唔好咁驚,下次遇到,要即刻逃走......

當佢若無其事咁見完阿伯後,好大聲咁問阿伯:"你係咪有野想問?"
阿伯:"無呀!"
同事(大聲到成office都聽到):"無?你唔係想問我同事(高)丸同腫瘤有咩關係咩?我分俾你聽呀!...."
然後詳細講解佢知,阿伯事後,坐係我房門口"掘"左我半個鐘先走~~

咁佢究竟係變態佬吖or真係想知呢?唔知道.....
不過,我並唔係同事咁講,驚......
話晒,除衫果個係個阿伯,又唔係我,佢喜歡ge,除晒d衫通街走都話之佢,
無乜好驚,只係覺得,如果佢真係咁,就好討厭,可惜,通街的變態佬還是太多!

同事笑我常遇變態佬,咁我每日見接觸n咁多個人,根本避無可避......
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

已經很多天沒睡足夠,如果學校比較近一點就好了,
起碼可以省卻一小時的車程.....
又做了很面懞的事...
乘41A到達青衣邨至長發3分鐘內的車程,竟熟睡了,
還好有人大力拍了我肩膀兩下,但太突然了,所以有顯得有點噩然,
抬頭一看......有很多人看著我......
好瘀呀~~~~~~~~~~~~~~~~~~~~~~~~~~

好想逃學耶.......



>>November 18, 2005 at 6:19:49 PM GMT+8

2005 年 11 月 14 日 星期一 【晴】

[採貓 + 驚喜]

和ming在2hrs內遊逛鑽石山和新都城,心不在焉~
買了份非常合意的結婚禮物,原來新都城都頗好逛的。
還袋走了ming的錢包,電話....還好你還有$搭車回家....:p~
在Q pets發現不少新產品,好奇研究著,職員就落力推介,竟有點尷尬....

再匯合Jess,小魚,karen & 大懶貓堂,就上了大懶貓堂家採貓,
也不知道會有主人家 & 6隻喵喵盛宴款待,首次接觸這麼多貓貓的家庭,
工作的不快竟一掃而空,拋諸腦後~

男主人廚藝了得,我還是首次到別人家吃飯~
各貓貓性格也不同,但超級乖巧,首次見面已可親熱抱抱,
但總是找不回抱肥仔時的感覺....
但vovo用頭頂腳的力度 & 枕手手的感覺就似曾相識....

但小玲樂極忘形,看到同樣活躍的草草,和她玩撲手指,
見她貓手放在?隙不動還懞然不知,直至草草慘叫了一聲,
才知貓爪勾住了櫈柄,慌忙助她退出貓手....草草就嚇得躲起來...

聽到主人家說貓咪不曾這樣叫過一下,手也可能扭傷了,
主人家連一句責備也沒有,令我更感到內疚....
覺得自己很沒用,正如同事所說,養在自家的貓也保護不了.....
初次見面,人家不認識我也讓我到家中作客,誠意款待,
但我竟連人家的貓貓也弄傷了 & 令她受驚....
真的感到好抱歉.....
草草之後也沒之前般活躍,大概被我嚇壞了....T.T

聽到有第3者貓遇害,怎麼這樣殘忍?!

KAREN & 小魚說沒有藉口約我,其實倒是我沒有藉口約她們,
我已沒有貓貓....又不能暫託,又不是義工......
對貓應有的常識也沒有....什麼都沒有.....

回家後,靜靜的看著"驚喜",放在同樣的位置,每天一覺睡醒,就能看到....
知道製作時的苦心,更是無言感激!

>>November 18, 2005 at 3:09:54 PM GMT+8

2005 年 11 月 14 日 星期一 【晴】

[工作]

今早知道會遲到的,還是不想起床,?實很累唷!
情願半途打的,為的只是多睡十數分鐘.....貴~

比較清閒,終於可以抖抖!
LUNCH去極盡無聊的"流感講座"!

放工前夕最終也被老闆召見....
部份照肺內容:

早前某同事告密篤人事件中,老闆要我點名指出犯錯者,雖勉強帶過話題,
但逃不了下次。某同事也非因正直而告密,只是和各同事早有積怨....
但有膽告密,又沒膽認,為何硬要將我放上?
老闆亦非蠢人,跟本沒必要我去做證,她也是用我去向同事開刀罷了~
(極度無奈!)

另,某同事誇大各同事將一干與我無關的工作給予我去負責,老闆認為,
我的工作量比上一手已經多了幾倍。又希望同事不要過份倚賴我,
因上一次請假,多個同事以我不在為原因而無故耍走了pt。
所以,除她之外,勒令所有同事不可私自給予我工作,加重我負擔,即使我自願做....
"警告"不許我私下幫同事...
更即時在我面前發出了email通知各位.........
(減掉了半數工作,如同削職,"生意"淡時,等同回公司白坐一天,學到的更少。
如非這裡可以極早放工讀書,必會即時辭職,可惜現在連尋找工作的時間也很缺乏。)

再來,最近幾個政府部門都對我們office非常關注,
而且調查範圍正正覆蓋小玲工作範圍,老闆再三警戒,要我小心應對!
給了我不少壓力.....身份仍是夾心人,造成了不必要的麻煩....

其後,她要我遲些和她一起去上堂,那我一星期五晚也要上我喇~會累死人的!!
quota只有兩個,MEMO列明,是管理階層才要出席,自己不懂,
硬要我學成回來再教其他同事,自知是最熟悉操控的一個,
要我去學是理所當然,但既然削掉了我的有關職務,為何仍要我去學??奸~

又,說我這個夾心人職位,全港原本有五個,但因其餘三個表現欠佳,
所以被解約了,說上頭很滿意我的表現,會有很大的晉升機會,升上神?....?
提早了半年跟我商談續約事宜,安撫我會為我爭取加薪,
又表明正在寫我的Report,會寫得很好,這都不是我著緊....
被人投閒置散,很有挫敗感.......

>>November 18, 2005 at 3:08:16 PM GMT+8

2005 年 11 月 13 日 星期日 【晴】

遲到之餘,還要"客似雲來"=1330:早餐+午餐~(=.=)"
寫字也寫得手指起枕+甩皮...精神極度疲累.....
今天Client要尋找我時的形容詞是"跑來跑去/頭髮也亂了的那個女孩",
忙得披頭散髮成竟為被尋特徵之一..................可憐~~(T.T)
還好這裡不用加班.....

忙得發瘋時,阿姐好介紹,帶來了一群同事,要我替她們填長者咭,
還是首次拿著十多張ID CARD.....一堆人拿著紙筆圍著我喧嘩,Fans??
同事們嘲笑這是我自己種下的根......(="=)
我會學懂say no........總有一天~ (>.<)

很久前有個自稱懂命理的client在office贈了我數言,
忘了她說得準不準確了,今天又再與她遇上,
她說的其中一句:"你今年的運程有凶星,有[地喪],[喪門]和[孤晨],
代表心常孤獨....."
突然覺得,好準........(>_<)
過往五個月,傷痛確實把我推進了死胡同....像活在深淵中,什麼都很黑暗.....

她說我來年運程會很好,希望如她所說!!^^
或許她覺得我不相信她,所以硬在路中捉著我說要贈我幾句話,
但其他的同事問她卻絕口不提,場面惹笑~(>u<)

感謝主,我今天還有精力去工作!
感謝主,我今天還有工作!
感謝主,一群阿姐們認為我誠實可靠!
感謝主,我有幫助人的能力!
感謝主,我還沒向挫折低頭!
感謝主,我今晚還可以去上學!
感謝主,我有個讓我感到窩心的家!
感謝主,讓我捱過了五個月的黑暗日子...
雖然我不是教徒.....



>>November 14, 2005 at 9:46:22 AM GMT+8

2005 年 11 月 12 日 星期六 【晴】

和卡路兩個大懶虫,昏睡了大半天,
如果真的去了行山,隨時多天兩個人暈到山邊~:p
怎麼我的週未都要用來差電.....

忙碌的下午,仍滿載肥仔的思念...誰願放手....

房間只是清理了一角,抖出兩大袋垃圾,掉丟很多不應再留的東西~
稍為移動過擺設,清簡了不少。

繼續返學,我可能會沒朋友了,私人時間少得不能再少....
放假時只想抱頭大睡......




>>November 14, 2005 at 9:45:42 AM GMT+8

2005 年 11 月 12 日 星期六 【晴】

sasa,

"當時真係覺得好難過，我都唔知點解，就好似仔仔死多次咁，其實佢無考慮到，條鏈係死物，但當中有著我嘅親人嘅一部份，對我來講就變得好重要，無論DNA原本屬於人定動物、貓狗定倉鼠！"

我好認同,所以我當初唔敢同肥仔整dna鏈,我怕自己唔見/整爛左條鏈會發癲,
因為好似再一次失去佢咁.....
而且,我唔鍾意d人話,只係一隻貓/狗/動物等 啫......
生命平等,一樣有生命,有思想,有自我,好多時,動物比人類更有heart.......
會咁講話只係一隻動物ge人,佢永遠都不能體會........

>>November 12, 2005 at 7:13:01 PM GMT+8

2005 年 11 月 11 日 星期五 【晴】

最近常接觸到貓貓,想養貓貓的念頭不斷湧現!
但看看肥仔......心又沉下來了......

阿ming買了新小狗後,好像忘了hanako了....新小狗帶來了無窮的喜悅,
她說,新小狗填補了hanako的傷痛....嗯......我會一樣嗎?

和靜傾談......路是自己走出來的,你要過怎樣的人生,由你決定,
也許我比較嚴厲,但別再蹉跎了....


>>November 12, 2005 at 7:06:06 PM GMT+8