2005 年 11 月 4 日 星期五 【晴】

今日anise註冊喇,應該好值得高興,但數個同事竟然趁佢唔係到,
講左d好難入耳ge說話,好過份,同事一場,唔恭賀仲要咁,唔明白點解d人咁是非,咁鍾意玩辦公室政治,
枉anise平日待人咁好!無眼睇,無耳聽,坐埋一邊扮自閉~

見屈我果個client前,office上上下下叫我小心應對,避免佢再投訴,
office對投訴一詞,係非常害怕.......但行得正,企得正,點解要怕?
我幫佢,佢仲恩將仇報ge話,我會好唔憤氣~

client黎到態度無咩野,我都係執正黎做,過程比我預期中好,
我問佢做乜亂講,佢都有d噩然,坦白承認佢驚得滯所以係果邊講大話,諗住兩邊無聯系,
可以點講都得,無諗過會搞到我地......見佢都幾誠懇,又知自己做錯,都無謂鬧佢,
加上,佢本來景況就係慘,唔係我都唔會咁記得佢....

某d同事未知情況前,對佢忌諱非常,無人肯接手,
知道佢認錯後,竟然走黎向佢擺官腔,擺下馬威....突然覺得佢地仲卑劣....
又破壞左我對佢地ge印象......

大覺大覺咁訓,訓到咁上下就同阿龍去食飯,間野d味道.....好怪~

坐到四點都仲未訓添~:p



>>November 5, 2005 at 7:40:50 PM GMT+8

2005 年 11 月 3 日 星期四 【晴】

這兩天幹什麼,有點禍不單行的感覺....
今天左眼腫了,又是左眼,超討厭耶,今趟還是會痛的....
頸唔梗,但變左痛....d同事話可能係困lift時"櫈"親,
仲問我點解斷纜咁大件事唔報警,我見部lift仲郁得返嘛.....
如果天要亡我,我搭唔搭呢部lift都會出事架啦~

睇醫生,俾人捉去度高磅重量血壓(其他人唔使ge?),
48.1...同之前仲有少少差距~繼續努力!!

隻眼話生眼瘡,跟住話條頸係部lift向下衝時扭親,歪左d....>o<
跟住話要update下d資料,每日向病人查家宅,到自己俾人問返轉頭,怪~
俾佢問足祖宗三代,連祖父母,外祖父母因咩事,幾大離世都要問....
我生眼瘡咋喎.......=.="
問返同事,做左六年,都無醫生話要update資料,又無查家宅喎.....??????
望到枝藥膏,就唔想唧入眼....

有個病人家屬去第二個部門投訴我,投訴d野都好老屈下,
但佢嘈第二個部門d老闆,eva撐我,就硬食,....真係唔好意思....
聽日,呢個家屬會再黎,都係我見佢,eva為左息事寧人,叫我唔好執得咁正做,由佢啦,
扮唔知佢投訴過,但我會照平常咁做,鍾意就投訴我啦,我跟正手續做,一定仲要問佢,點解屈我,
15/6剛剛係日記打低左"今日食左隻死貓..."
果晚肥仔就唔係到,我仍為呢件事耿耿於懷......
所以,我唔希望再有死貓出現.....
我最唔鍾意人屈我!!

今日好開心呀!返工可以正常時間返屋企,可以悠閒地坐足一晚睇電視,乜都唔搞住~

阿媽同某個阿姨,講到我同佢個仔聽日就結婚咁,
玩到話聽晚兩家人去食飯,好彩我聽晚出街食~~^v^
逢係阿媽都係咁????

畢業禮d相,睇到都開心,雖然唔係我自己畢業,仲未畢業果d,努力呀!!^^


今晚撻落床訓,好明確feel 到似肥仔臭腳仔踩我背脊ge感覺,踩左3下就無喇,
但我未訓喎,應該唔係發夢吖,調轉頭睇,又乜都無呀,點都唔似係幻覺~
肥仔係咪你呀????踩完我就閃~=.="





>>November 5, 2005 at 6:46:07 PM GMT+8

2005 年 11 月 2 日 星期三 【晴】

請左假,同Cherry一齊出發去寶恩畢業禮~
尋晚部lift封左,仲貼住張紙寫維修電纜,尋晚唔係真係斷纜嘛??

畢業禮都幾莊嚴下,但尾段悶到我訓到頭都歪埋~:p
D畢業生GE媽咪,好多都臨場見到其他人有紮花,自己個仔女又無,
就即時同D趁火打刧GE花販買花,唔使二百一紮花,賣到四百俾人,好無良~
買唔到果D,個樣超失望,好似有愧於兒女咁,其實供書教學咁耐,
畢業果陣,咪應該係兒女送花俾母親大人先?D呢??

好耐無暴曬住咁影相相~
好鍾意幫寶恩影相,唔會扭扭擰擰,笑個樣好似細路仔咁,乖~
期待佢下次GE畢業禮~

之後巧遇葉宛,我>>寶恩>>cherry>>葉宛>>我....哈~
細界真細小,其妙的緣~^^

本想行街行到返學,不過高跟尖頭令我倆腳腳飽愛煎熬,
老鼠與花,體重也不少....原來收花,要先練臂力...枉我以前仲咁期待添~~~哈!
所以吃過午飯就先回家了,尖咀有間叫正隆xxxx的上海麵館很不錯耶~

頸莫名的梗了一整天~~

之後獨自去上學了,PTH~
老師讚我發音不錯(我學過耶,當然不賴~飄飄然~=w=)
但做拼音練習時,就知學過的都忘得七七八八...............:p
三十多個同學,有廿多個是教師.....全部都酷酷的,不應人....真無奈~
一個人上堂很悶耶,但會特別留心,因為沒了好朋友幫我抄筆記喇~
放學終於可以和nicole一起~^^

大哥做了吃力不討好的事,還要被我抱怨......sorry!!
他做了我沒有做的事,其實比我強得多......

媽又當媒人了,22歲,很大嗎??沒什麼該著急的~

今天其實沒做過什麼,但為何這麼累?



>>November 5, 2005 at 4:57:26 PM GMT+8

2005 年 11 月 2 日 星期三 【晴】

rheavv,

因為電腦太多,私用的那部閒著沒人用嘛~放得太久會壞耶~~^v^
早前有夜校同學做物業管理,說物業內常出現也多糾紛,麻煩,也是要她到那裏走一趟解決,慘~
捱夜會好累呢~@.@
我沒了肥仔後,也常暴吃零食,短短個多月,體重直線回升,可能已經超過之前的重量了:p
但很難戒吃~~^u^

>>November 2, 2005 at 6:47:02 PM GMT+8

2005 年 11 月 1 日 星期二 【乍雨乍晴】

office今日黎左一班vistor,有d仲係澳門過黎ge,
佢地傻架,十幾個人係咁圍住我間房,做做下野仲係咁影相,
老闆為左順佢地意,竟然要我做埋活動佈景板....=.="

一路影又係咁話:"你個樣好細個喎,小妹妹,你點解係到做野咁得意ge?"
(唔多老黎咁望住佢地,佢地先唔再問....=.=")
老闆仲亂吹話我得十八歲....搞到佢地當我奇人咁.....
仲抆住人地件工作服,叫我除出黎借佢著黎影相~
見緊人,佢地又影,又話我間房好多貓擺設,好靚,所以又影.....

KAREN為神秘驚喜揭終了,謝謝你們!!!我很喜歡!!!

今日又開始讀屎無命賠的夜學生涯....呢個sem...仲要返三晚...殘~

哥係返學前來電,令我抱住好惡劣心情去返學...一句堅強D呀...我幾時可以做到....

放學,係車度睇書,睇到眼花又訓過站,到左青衣邨...
搭多程車返家....

搭lift,上到八樓,突然成部向下衝,腳都自己曲埋左,到停果下,先企得返直個人,
我先扶到扶手,對門自動彈開,得幅wall,跟住對門又自己關埋,但唔郁......
成個過程都唔知有無1分鐘,所以都無驚ge感覺,如果佢升高d先再跌衝落去,
可能已經屎左都唔知咩事~
正正因為我反應遲鈍,到意識到咩事事,已經唔需要驚,
正正因為我遲鈍,跑慢左一步就拖唔返肥仔.......

等左陣,都係無乜反應,望住個閉路電視,又無人理我,咪按警鐘囉,
個實Q就即刻好晦氣係對講機講:"咪搵緊人囉,小姐~"
幾秒後,部LIFT就上返去5樓,無再轉第二部LIFT,照搭.....

咁都未算黑仔,或者跌唔死,算好彩添~
但一行到走廊,就迎面撞正兇手個仔,當晚佢唔在場,或者佢果晚在場GE,肥仔就唔會遇害....
不過呢一刻,佢GE面目對我黎講,同佢殺肥仔GE屋企人係無分別,
我好傻咁諗住,只要我唔開門,就無人可以阻我,
我一直企係門口,等佢開門,好想,好想拎住把刀,係佢後面,衝入去.....
亦都好想,等佢2隻貓行出黎.......
果刻我已經踏前左一步......抖左啖大氣之後,停低左....
就咁望住佢關門........
我唔想變成佢地!但遇到GE時候,要控制自己,好難....

鎖匙一拎出黎,屋企人已經衝過黎開門,因為佢地已經估到我撞到佢地...
一秒鐘的想法,可以改變很多,當初,企係門後關門那一個兇手,你又想著什麼?
徹夜難眠.....不為什麼,掛念肥仔罷了~
兇手不值為他們去想太多....
打了出來,心也放鬆了點....
噩運離我而去了嗎??


>>November 2, 2005 at 6:38:11 PM GMT+8

2005 年 10 月 31 日 星期一 【微冷】

Anise今日長駐我房,第一次睇住我見人,
之後叫我要練下用丹田講野,唔係遲早失聲~
或者我應該學下D MISS,放枝咪係OFFICE~^^

佢睇左一陣已經想嘔血,仲問我點解會知D Client講大話.......
當每日十個有八個都講大話時,都好難仲學唔精~~
越來越唔鍾意人講大話,亦越來越唔鍾意自己估到人地講大話.....




>>November 2, 2005 at 5:34:22 PM GMT+8

2005 年 10 月 30 日 星期日 【微冷】

肩膀痛痛,一埋電腦就痛....
Anise又試新香薰,所以有人幫我按摩,好同事呀!!!! (>u<)

返工返到火上心頭,d client太過份喇!!!!

某同事,好做唔做,做媒人....
叫我幫佢去藥房攞藥,事後:"有無見到藥房個i/c?"
我:"頹頭長髮個大叔??"
同事:"大叔??!!!人地三十出頭咋~"
我:"嗯,嗯..."
同事:"哎呀,我專登介紹你識架,我上次同你提過佢架,鑽石王老五呀!"
我:"....(無印象)....~"
同事:"我話左佢知,你會去搵佢..."
我:"唔係嘛......咪玩~"
同事:"佢好好架,人工又高xxxxxxxxxxxxxxxxxxxxxxxxxx"
我真係以後都唔使行去藥房都得喇.......=.="




>>November 2, 2005 at 5:16:33 PM GMT+8

2005 年 10 月 29 日 星期六 【晴】

今朝無去行山.......我期待左好耐架喇.......嗚~~
又會咁橋,真無奈~~:p

同例湯睇左怪誕屍新娘,比預期中更好,不過太短了~
最鍾意"阿公..."果一幕~
emily &皮皮都好正~^v^

買左份禮物.....^^

原來我同寶恩個好朋友都係"cherry"~~哈!
點解有d朋友可以咁好,有d就咁........

哥朋友隻血癌貓貓,捱不住,打針送走了....生命好脆弱呢~
諗起阿ming同我講想再養小狗時:"再養,好驚十幾年後再咁傷感,咁痛....想領養又無啱眼緣,
我想搵隻似hanako.....有d年紀又太大,怕佢好快又離開我........"
所以更要珍惜生命,珍惜現在.....
.


>>October 30, 2005 at 4:37:34 PM GMT+8

2005 年 10 月 28 日 星期五 【微冷】

返工慢速工作........

ming同我傾左好多nako d野.....佢都忍唔住喊左出黎,不過佢叻我好多了......

放工仲撞到好cute ge黃太同佢先生,佢好人,佢先生都勁nice.....^^

嗯..............今日好無聊,但又好懶唔想溫書喎~=w=



>>October 30, 2005 at 4:36:22 PM GMT+8

2005 年 10 月 28 日 星期五 【晴】

rheavv & 教徒,

我只用其中兩部,一部公事,一部私事~:p
其餘有五部都是等待回收~~~^^
所以說工作間早前像雜物房,我要"部部"為營~

係呀,大部份都係IBM舊機,因為部門要電子化,所以全體換新電腦,超唔環保!!!!

rheavv,你曾在housing auth.那裏工作嗎?^o^
咁夜仲要返去check野???你個老闆好變態呀~~收野人命~
小心注意安全呀,咁夜~

>>October 28, 2005 at 4:52:25 PM GMT+8