2005 年 9 月 29 日 星期四 【酷熱】

睇醫生.....佢話我上呼吸道系統受感染=感冒=鼻敏感
仲話我鼻敏感好嚴重....是嗎?我又唔太覺....順道地睇埋d"癬啦~

上次個醫生話係:"應該....係癬,係癬黎ge...當住癬黎醫啦~你之前睇個醫生話係癬黎架嘛?"
我:"吓......兩年前睇,個醫生話係癬囉~"
醫生:"咁係架喇,俾住呢支藥膏你[試]下,唔啱再俾第二枝你~^^"
我:"試下..?哦~"

今次個醫生研究左一輪話:"唔係癬~濕疹喇之嘛~"
我:"濕疹?(乜東東)"
點知又係俾同一枝藥膏....

講左一大輪野,問左好多同病無關係ge,先可以返office,咁就無左大半個鐘...
佢仲話:"咪以為後生,就有病都拖成個星期先睇,感冒都可以好嚴重,
仲有........過左去ge,唔好諗喇,好易焗病自己...."
肯定佢睇左我前面ge record啦....=.="

攞藥個藥劑話:"你要食呢隻鼻敏感藥呀!你好嚴重喎~"
有無咁嚴重呀,我都唔覺有野,咪嚇我~

放工,兜去河畔買野,竟發現有新甜品,good~

仲見到小太郎俾人綁左係間五金鋪(真正主人?),仲主動叫我添,佢認得我咁喎~
難得佢咁嗲我...但摸住佢,我就諗住肥仔....

都係覺得唔記得左d野....

食左藥,好想訓....online幾分鐘就閃.....

阿哥朋友隻血癌貓貓,仲係到~yeah!
不過要一路食藥吊住吊住...可憐.........



>>October 1, 2005 at 6:47:51 PM GMT+8

2005 年 9 月 28 日 星期三 【酷熱】

打個乞嗤,兩行鼻涕一齊飛埋出黎,逼於無奈,
晨咁早起左身,所以好早返左工.......

雖然Staff clinic巧近,但又唔想過去睇醫生:p~
同事頂我唔順,怕我傳染,book 埋sc,聽日睇....

食左藥超眼睏,好掛住屋企張床.....

係車到,用唐老鴨聲講電話,受盡歧視...
3個坐係我隔離位ge人,坐唔夠兩分鐘,都會由慢慢將個身轉向窗邊,繼而起身去第二個位..
我都無噴飛沬,又無咳,使唔使咁驚呀~~
我都唔想唔戴口罩呢.....

計劃又擱置了.......

我像忘了件事情....忘了一點東西......我究意忘記了什麼呢?記不起來......



>>October 1, 2005 at 4:49:22 PM GMT+8

2005 年 9 月 28 日 星期三 【晴】

rheavv

有時,世事就是這麼巧合,卻偏偏遇上了....
也許,龍貓怕你難過,所以就撐到你不在時,才離開....
我祝福你的龍貓,同樣在彩虹橋好好生活!!

肥仔desex時,我擔心了好幾天,到早上要送他到獸醫那兒時,我已緊張得很,
因為那是他一生中第一次去見獸醫,是第三次不自願情況下離開屋企範圍,
怕得動也不動,眼瞪得大大的,見他怕成那個樣子,我很心痛!
我見醫生在他身上打針和剃他頸上的毛時,見他微顫了一下,但又不敢動,
我眼淚已立刻流了出來......手術期間,我沒有離外,和哥哥等逗留在診所附近....
因他年紀大,我真的很怕他會就此byebye...
抱回他那刻,像分隔了很久....那感覺,此生難忘...

bebu比marble還要遲做desex嗎?可以約在同一天嗎?
兩位小姐一同出門,可能會比較有安全感...
肥仔手術比貓女簡單很多,所以麻醉藥過後已紮紮跳了...

有,我還替爸媽簽了名,那個人,變態的!
他折斷貓腳就像折筷子一樣,他自己也不想想,如果他的手腳被人監生折斷有多麼殘忍,
他定會有報應的!!!

對,所以到現在還沒有作個好夢....=.="

>>September 29, 2005 at 8:32:00 AM GMT+8

2005 年 9 月 27 日 星期二 【颳風】

成日都無食過藥,搞到兩行鼻水成日走出黎....
今日好悠閒,兼職包雲吞......

放工前夕先開始忙,仲要趕個PROJECT搞左好耐....(=.=)
成堂D NOTE都係NICOLE幫我抄,趴足大半堂.....

食埋個晚飯先返屋企....個鼻已經無乜知覺咁...



>>September 29, 2005 at 8:33:48 AM GMT+8

2005 年 9 月 26 日 星期一 【乍寒還暖】

等左半個鐘頭先上到車,離晒譜!
搞到我遲大到,離晒譜!:p

喉嚨都仲係幾痛,懶得去睇醫生~
今日好型咁每句說話都走一次音,所以d pt都同我傾得好"開心",
個阿婆好激動咁呻緊佢對社會GE不滿時,聽到我走音,不知笑得幾咁高興.....(=.=)"

心情劇變,同同事講,俾十五分鐘我,唔好俾case我,
然後匿埋係toilet & 房,洗面 + 深呼吸 + 做d唔使用腦ge工作.....
重複左好幾次,先cool down到........乖d喇,小玲!

夜晚同NICOLE,CHIT去食飯.....間餐廳D野食呢....=.="
食飽同NICOLE行多陣先返屋企,由油麻地行到去太子,
終於買到條裙襯到之前買果對BOOTS,肥仔好鍾意呢個鞋盒,成日偷偷匿入去...

半夜聽到貓叫聲醒左,原來係D流浪貓係到叫,醒左之後就訓唔返喇...
好眼睏.....


>>September 29, 2005 at 7:51:36 AM GMT+8

2005 年 9 月 26 日 星期一 【晴】

實在太過份！！

有關旺角虐貓事件，麻煩大家上去簽啦：

http://www.davidwong.org/petition/signup.php

>>September 27, 2005 at 10:04:12 AM GMT+8

2005 年 9 月 26 日 星期一 【晴】

karen,
可能真係我野你架....
因為d菌好毒呀,到今日都仲未清晒.....(=.=)\
你唔好野埋d貓貓呀~~^^
要隔離你同d貓~~^v^

===================================
rheavv,

我也覺得養貓養2隻比較好,貓喵不會寂寞,有個伴~
肥仔那時只得他一隻,可能就是比較悶,所以才想出外逛......

對,我好鍾意貓貓,呢家自己無貓貓,就成日去摸人地鋪頭d貓貓^^
我唔敢再養貓仔喇,因為我無搬到,殺肥仔ge兇手都無搬到,
我好怕會再有貓仔遇害,養肥仔果陣,我已經好好好小心咁睇住佢,
唔俾佢出去.....最後都搞成咁,真係唔敢再養第二隻,謝謝你的好意~
我絕對知道你是一番好意,怎會是強迫~
領養貓貓也是我所想的,肥仔也是我拾回來的!

肥仔走初期果時,都有人都叫我睇下"大隻佬",但我哥話d劇情會刺激到我,
叫我唔好睇住,等心情好d先睇,不過到呢家我都未睇...
但大約ge內容我都知係點,我諗我只會做到上半部,甚至可能睇到一半,
已經會拎左d野衝過去....
我無宗教信仰,但我信佛家所講ge道理,不過我實踐唔到,
肥仔走左之後,我睇左好多好多本佛學ge書,睇果陣,心情係可以平靜d,
但書一放低,就已經係另一回事....

你知嘛,我同肥仔經歷左好多野,佢先可以留係我身邊,
四年前佢咬親人,對方要睇醫生ge話,係必定要驚動警方,
所以肥仔被漁農署捉左去狗房坐左七日監,我好辛苦先可以帶到佢返黎,
唔贖佢返黎,佢會被人道毀滅,佢監生餓左七日,身體好虛弱....
今年一月尾,因為對方d貓係我屋門痾尿,同抓係門口訓覺ge肥仔,
肥仔就好想抓返佢d貓貓,3隻貓就成日隔住個閘黎打架,
肥仔亦會係屋內週圍痾尿霸返d"地盤",雙方ge貓打架都打左好多年,
無人想d貓貓打架,抓親佢果隻或我果隻我都唔想,我唔想佢地打架,一直以來,
我都有諗點樣解決呢個問題,除左帶佢返黎之後即刻換閘,
迫於無奈之下,肥仔十歲高齡,都要帶佢去做剦剖手術,
佢成十歲架喇,打左麻醉針就有機會醒唔返,佢兩次徘徊係死亡邊緣,
都同佢地有關,估唔到,最終佢地都殺死肥仔....
雙方貓貓打架,大家都有責任,唔通我又捉佢隻貓殺左去?有無必要將肥仔置死??

有一晚,朋友話我知,貓無論由幾高跌落黎,都一定會翻身四足落地先,
所以墜樓ge貓表面都係完整的,但肥仔係頭部落地先,成塊左面都扭曲晒...
嘴臉ge皮肉都爆開左...佢地打死肥仔,連佢條屍都唔肯還返我呀!仲要咁對佢...

欲知前世因,今生所受是;欲知來世果,今生所作是。
我唔知道佢地前生有咩仇怨,令佢地會糾纏至死才能終結...
我只知道佢地殺左我個仔,我已經好努力咁去令自己冷靜冷靜,
但真係好難,好辛苦,我越叫自己唔好諗,係咁搵理由令自己平靜,
但我搵唔到,谷住ge時候,唔想去傷害人,只可以用喊黎宣洩左呢種情緒,
我能夠做到的,只是這樣....就只是這樣....也感覺自己好無用.......

醫生話,係我腦海ge印象,肥仔死前一刻仍受驚恐,肢體亦不完整,
如果消除唔到呢個記憶,咁我就會一直記住:"佢好痛...",
而痛苦亦跟隨住我....(其實佢已成一堆白灰)
寄望肥仔生生性性,報個好夢話我知,佢呢家唔會痛....
所以,祝福我,祝福我發個"好夢"~~

rheavv,對不起,讓你看見我呻了一大堆話,我知說了出來後,可能又會令人擔心...=.="
(其實不用擔心,我最多只會喊,喊累了,自然會停下來,哭過後,心情會好點)
不過全都說出來後,心情也宣洩出來了,anyway,謝謝你!
也很高興認識你這個朋友!^^

>>September 27, 2005 at 9:13:59 AM GMT+8

2005 年 9 月 25 日 星期日 【乍寒還暖】

d燒都退得七七八八~

lunch無啖好食,又唔記得call外賣,所以要同Anise冒雨出去食飯,對鞋都食左唔少水~

Anise訂左d好靚ge Disney stamp,我又同佢買左d,留返一兩隻做下紀念,其餘ge就用黎寄俾朋友~~^^

去打第二支防炎針,唔記得條路點行,兜左近半個鐘,
?業?對我黎講係個超大迷宮....途中遇見個TVB藝員,好友善?~
大風大雨,滴晒水咁,好狼狽先去到個健康中心....
個RN超惡死,仲玩單手打針,痛死!

同樣ge 42C車程,一個月後ge今日,無再係車上喊,但個腦都係諗緊同一樣野...
5:45已返到TY,又毫無目標咁係商場到遊,是但咁買左D野就返屋企訓,
一覺飯到晚飯,食飽再訓,雖然係喊住咁訓,但食左藥,好訓好多,.....
咁又一日喇肥仔~


>>September 27, 2005 at 6:58:05 AM GMT+8

2005 年 9 月 24 日 星期六 【晴】

rheavv,

因為那天看到肥仔的相...可能精神不足,就哭了,其實很多時都會哭,不過只會小淚兩三滴,很快就可以回復了,但那個下午,淚水beeli巴啦的流....很醜怪~

你的兩位小姐,長大得很快啊,bebu的身型大了很多~^v^

最近才比較忙,平日很空閒~~(不像妙手人心呀...環顧四週,都沒有陳豪,黎姿ge靚人...>v<)
=========================================================
Reggie,

我send email,希望對你有用~^^
也很抱歉!
=======================================================
Sasa,

這次能看到全部了,thx!

>>September 25, 2005 at 1:11:22 PM GMT+8

2005 年 9 月 24 日 星期六 【驟雨】

凌晨二,三時,雨很大很大....很久沒有這樣的一場暴雨!
沒有睡,就這樣的看著雨景......

早上八時,嚨痛得醒了,(攞命~)媽替我沖了杯咸桔水,超咸超酸...一向最討厭喝!
但人大了,還有媽替我沖咸桔水,而且那些咸桔是幾年前嫲嫲醃的,這瓶喝完後,就不會再有咸柑桔了......
所以喝起來,都是甜的...

雨下了大半個下午~討厭!!

原來感冒菌沒有清掉,嚨痛外,還鼻塞,咳嗽.......晚飯時,更發現有點發燒....oh~no!
我星期一還要打第二針防炎針耶....=.="


>>September 25, 2005 at 1:00:57 PM GMT+8