2005 年 8 月 28 日 星期日 【晴】

<< 半 字 的 玄 機 >>
[轉貼]



有位老人家，年過七十，但身體仍相當健康，聲如洪鐘，兩目有神。打十二圈麻雀眉頭也不皺一下。

我請教老人家養生之道，他送了我一個字，一字記之曰「半」。

這個「半」字有甚麼玄機，老人家解釋說﹕「半」的內涵，就是凡事不可去「盡」。

例如吃飯，不要吃得太飽，半飽是最理想﹔做事情，不要做到殘才休息。

所以中午睡一睡，三點三喝杯下午茶，黃昏歡樂時光輕鬆一下，都是好的安排，讓身體的狀況永遠得到調整，

正如一輛汽車的電油，經常保持半滿。切勿每次亮起紅燈才去添油，這則十分傷車。

喝酒也是，最過癮是半醉，半醉的時候，望出去的世界介乎真與虛之間，奇妙得很，若果全醉，則失卻喝酒的意義。

「半」，還可放到做人處世的哲學高度，「半」，就是知足常樂，不強求十全十美，

世間事，豈能盡如人意，有一半幸事，也應無憾了，

另外得饒人處且饒人，人無完人，凡事留有餘地，給人留半條後路，積半點福，何樂而不為。

老人家這「半」字學問，確有道理，認識許多朋友，活得甚不開心，整天怨天尤人，唉聲嘆氣，

原因多數是對人對事過度執著，一定要最好，一定要完美，一定要十分。

半點塵埃亦容不下，如此做人態度，必然事倍功半，本來可活一百，也變得五十。

反為抱「半日安」，笑玩人間，輕鬆自在，分分鐘可多活一倍命

>>August 29, 2005 at 4:34:35 PM GMT+8

2005 年 8 月 28 日 星期日 【晴】

今朝返工忙忙忙,多多黎,密密手~

LUNCH買左件三文治,好快食完就趕住去打針喇.....
瓊天D野食真係........即係焗住要熱辣辣出去食飯~~OH!!!

去到九龍灣健康中心,2:00等到2:30先開始聽講座,
原來打乙型肝炎預防針係咁煩架,不過慳返千幾蚊,都抵返晒~
聽足近兩個鐘......其間不停放蚊......啪啪啪~
跟住先用二分鐘打枝針....
平日打針無咩點望,原來同捐血一樣,拮左成吋GE針入肉,
我仲以係拮少少入去就OK添......

跟住打完搭得車返OFFICE都應該收左門,變左拎半日SL,
係超市,好瘋狂咁買左幾袋零食就返屋企喇....的確好似買得誇左DD....
好多朱古力,食左可以快樂D~
如果用零食可以換到真正GE快樂,那就太好了~

唔知點解,聽晚唔係好想去返學....


>>August 29, 2005 at 4:30:59 PM GMT+8

2005 年 8 月 27 日 星期六 【晴】

阿哥忽發雅興,就同埋阿爸,阿媽,我四個人一齊上深圳揼骨,
係深圳叫左阿青表姐過黎拎d野,瘦左好多呢佢....大我一歲,細細個就開始離鄉別井打工,
細過果時,返親去都無乜點溝通,大個左越懂得珍惜,
有時間,要返去探佢地多d!!(^v^)

揼骨果到,d女仔全部都係差唔多年紀咋!好多都仲細過我...
佢地一個鐘都係得4蚊人仔,唔包食宿,個女仔成3年都無返過故鄉.....d老闆好刻薄呀!!
沖涼果陣,女賓部簡直春光無邊耶.....唔多鍾意係公眾浴室沖涼....唔慣~

揼腳時,隔籬兩個男師傅都認為我未夠十八歲....原來仲呃到人...呵呵~

同我揼骨果個女仔,一路揼就一路用國語同一d我唔識聽ge語言,
叫側面ge同事望下我,係咁話我:".....好多骨,沒有肉...",起初仲以為佢講我壞話,
後尾到走時,佢話:"你好瘦,點減肥?你一舊肥肉都無,點做到??"
然後就四個女仔一齊圍住我黎問有咩好方法,講左一輪,
我指住我屋企人:"我無減過肥ga...遺傳...",
佢地望住老豆同二佬,恍然大悟咁ge樣,好失望咁散開喇.....
上去玩ge朋友,可以ge話,俾多少少貼士!

我勁愛揼骨,但又唔鍾意俾人摸黎摸去.....茅盾~=.="

之後,我地就去左樂園樂食海鮮,好平啊~~
老豆仲上演了甩鞋底記....XD

走時,超多阿婆乞錢,叫住老豆唔好,佢都係忍唔住,俾左一個.....
結果就一堆阿婆從四方八面咁"湧"埋黎...而且,集團式的,連個碗都一樣....
繼上次係車站俾左一個細路,繼而俾十幾個圍住之後,
就算佢地幾慘都好,都要硬起心腸,唔係會有再多GE細路同阿毛俾人推出黎乞錢。
同樣都係人,但我地就可以拎住D錢去玩,佢地就做到半屎......
大同世界真係有就好囉......

由下午點幾出發,十一點幾先返到屋企,唔知平日勁少同我地一齊出去遊GE老豆,
今日玩得開唔開心呢??

臨訓前,一望到你張相,唔使三十秒就流左幾滴眼水出黎.....
今日玩得都算開心,唔應該咁樣.....
但沒有你,總有點失落咁......


>>August 29, 2005 at 4:29:07 PM GMT+8

2005 年 8 月 27 日 星期六 【晴】

春天，不是季節，而是內心；
生命，不是軀體，而是心性；
老人，不是年齡，而是心境；
人生，不是歲月，而是永恆。

做人要像一面鏡子，時刻自我觀照；
做人要像一本簿子，不斷記錄功過；
做人要像一只皮箱，隨時提放自如；
做人要像一枝蠟燭，永遠照亮別人；
做人要像一個時鐘，分秒珍惜生活。

>>August 29, 2005 at 3:59:38 PM GMT+8

2005 年 8 月 27 日 星期六 【晴】

ying子,
多謝您~
我都努力緊,希望我做到!
係呀,肥豬很可愛的,我諗上面ge人,見佢咁可愛,都會錫佢,好好照顧佢!^v^
=============================================================
牙曲,
比起果陣,喊少左好多好多架喇...不過有時可能精神唔太好啦,
control唔到,不過應該會慢慢好d好d.....thx!!

>>August 27, 2005 at 5:45:24 PM GMT+8

2005 年 8 月 26 日 星期五 【晴】

凌晨三時,有小強由窗外飛進,還好我未睡!!
原想用殺虫水把牠消滅,但小強在房內橫飛,確實恐怖,所以我還是退避好了~:p
一向比我怕小昆蟲的二哥,今次竟然"膽粗粗"的去捕捉小強,
但小強感到殺氣?!躲起了~

避免有小強陪我同眠,我唯有睡在梳化....(=.=)"
睡得正熟,又被哥拍醒了,說小強已走了出來,叫我返回房間睡覺,
回頭一看,見他用殺虫水向梳化底狂噴........難道小強曾在我身邊走過????(=o=)~~
驚嚇!!!

入左元朗,又係端姐鋪頭睡了一覺....佢兩個問我發咩夢,個樣好緊張...
我唔知我有發夢.......(=.=)"

今晚,係兩個幾月黎,再聽返d歌....之前無乜心情想聽...
一聽,心情都覺得唔同左...好似有返d生氣....^^
諗起尋日,就覺得好傻,好又一日,唔好又一日,我尋日就好唔好咁sin左大半日...:p
要每天都做好自己啊~~~

早前電腦壞左,阿哥竟然copy漏左肥仔兩本相簿,好彩我有碟...唔係,我一定發癲!!!
而save晒係"我的最愛" 入面,同肥仔相關GE網頁,全部無晒...
問例湯,我好唔好再search返晒出黎,佢答天意...
我都係咁諗,不過雖然我唔會刻意去摷,但我會記得我睇果陣ge感覺.....

媽又決定唔睇譚校長了,咁就將門票轉送俾兩個靚女表姐啦~
fans去睇,就唔會浪費左d飛啦~


>>August 27, 2005 at 5:38:01 PM GMT+8

2005 年 8 月 26 日 星期五 【晴】

今天上班太離譜了,見頭三個人,有二個都說謊.....什麼的人呀??
如果坦坦白白,不合資格都會盡力去幫....但一開始就俾我發現到大話,
唔通當睇唔到咩......=.="

第一個:其實都唔係呃得過份,所以詐唔知道,但暗示佢知我有懷疑,俾多次機會佢兜,
點知佢自己都係兜唔到,仲驚到走左......

第二個:死話無錢,又唔帶野黎申請,但就一定要你批俾佢...叫佢帶齊野黎,佢發難渣....
唔理佢,佢無奈地發住惡咁走...

第三個:有絕症,老公包二奶,問:"老公話,離婚就唔理我,如果唔離,我有事時,佢都會照顧我,
咁離唔離好?"跟住狂喊....
(心底想講,佢已經唔愛你喇,你而家已經有事,佢有理你咩?要你,佢就唔會包二奶啦!
年紀大唔可以離婚咩?你夾硬留住一個唔愛你ge人,會比呢家開心d?靠自己,總唔會比
跟住佢差,人生可以好好!!)

包二奶,論男女老幼,甚至攞緊綜援,都有阿二,阿三.....呢份工,真係見得好多唔同ge人,
坐監,吸毒,二奶,虐兒,被虐者,智障,傷殘,.....同樣有好有壞,但坐監,吸毒的,大部份都
令人感到他們誠心改過的誠意,可惜,社會並不接納他們...

>>August 27, 2005 at 5:36:03 PM GMT+8

2005 年 8 月 25 日 星期四 【陰】

媽今早一起床就嚷著要看肥仔的油畫了~~^^

痱滋變成3粒....痛~ XO
昨晚三時多才睡...個頭V wan wan~~ @.@

無意間做了件好事,婆婆的一句"多謝",sweet sweet,己教我樂了半天~(=w=)

小孩被斬...變態的!!現在的人,都沒了"良心"...
己不所欲,忽施於人耶.....感覺小孩像肥仔,天真無邪的,同樣遭到毒手....
最恐怖的原來莫過於人心.....

心情由早到晚起落很大,前半天,心情都不錯呀,
但回家到達大廈前,偶然抬頭一看,26樓,又不經意的瞄到平台,心一下子就沉了,
26樓,真的很高,從前愛高的單位,景觀多遼闊,現在.....莫說愛,甚至有點怕...
出出入入,每天都經過/看到那平台.....

小娟表姐來了吃飯,這個表姐,人和純得很,自己一個人住,最近還俾包租婆欺壓...
她太善良了....說話也輕輕的...輕得肥仔初次見到她都不怕....
其實我是在前兩年才"認識"她的...我一向對親友的關係都不太清楚....反正親人就是親人嘛~
有空的話,多些上來吃飯!!

晚上還是悶悶不樂的,只知心頭有被壓著之感,15/6到今天,我有那天真正快樂過?

洗澡時,哭了出來就舒服了點,但每每要花很多的時間讓自己"冷靜"下來,才會步出浴室....
平日異常多話的我,在哭的時,無論電話/對任何人,都只會"嗯"一聲,
然後盡快停止對話,不想令你們擔憂.....
我最享受的洗澡,睡眠時間,變成這樣...真可笑~

之後,二哥跟我說,他朋友的貓貓有血癌,已經接了返屋企,但不吃不喝,
像在等死一樣.....想主人定是難受,願牠離去一刻可以安詳!

到我年老時,有時光機就好了,那我可跑回那刻,好好的抱著你,不讓你走...
可及早帶阿嫲去檢查,根治,減少痛苦,你說有多好呢~~

小時候哭泣都是哇哇大叫的,長大後,除了吵架會大叫大嚷,
都只會靜靜飲泣,阿嫲走那一刻,我多想大聲喚醒她,但也叫不出來,
只搖著她的手,輕聲的叫著她....幾天都只是靜靜哭著....
肥仔走時,情況亦一樣,抱起你後,良久才能喚你...
其實我很想很想大大聲的哭出來,把你們叫回來....,
但總是叫不出,卡在喉裡....
只有火化時那一刻,才可以放聲痛哭,喚你....是我把一切壓抑著嗎?

同事們常說我的EQ高,Karen & Carrie也這麼認為,可是我不是呢...
EQ高的人,因為能真正看通,化境...而我,一點都放不下....

二哥高興的描述給我聽在寵物店看到的貓貓有多可愛,
原來我們都著相同的事.....到寵物店運桔~~:p
我還以為他淡忘了傷痛,因為那刻他不在現場....
但其實看到肥仔那樣子的走,那會不心痛...
大家都裝作若無其事....


>>August 27, 2005 at 5:26:31 PM GMT+8

2005 年 8 月 24 日 星期三 【晴】

Lunch帶住兩粒痱滋同Anise專登走去M記...^^

晏晝,已經係到期待緊今晚ge飯局,無出發之前,諗住點都唔喊,
不過好似係喊足成晚......真失禮.....(=.=)"
提起肥仔同兇手,難免(T.T) + (="=)...

Carrie & Karen兩個絕對係年紀 =\= 外貌(^o^),我地要靠電話相認~
Carrie知道K2有幫SAA義賣可愛貓貓散子包,全數會捐返俾SAA,
只係$30個,所以我地分別買左幾個不同色的,靚靚~

肥仔的油畫,眼睛跟他好像啊~
而且畫中的肥仔在笑呢....我很喜歡!!!!
多謝x10000000確吞,karen,carrie & hkcats members!!!!!!!
http://spaces.msn.com/members/sara2504/


dinner去左避風塘,不錯的~
但佢兩個就要不停聽我呻呻呻....辛苦了~(^.^)"
雖然初次見面,但感覺識左好耐咁....

之後就去左個公園飲野,我也喜歡三五個朋友,就這樣坐著聊聊(很舒服)~
她們說了很多有關hkcats & hksupportgroup的事,心地很好呢~
我對karen一屋21貓非常感興趣呢!21隻貓貓...冬天圍埋一堆訓,會好壯觀!
大約坐到11點幾,我就先行回家了...
謝謝你們陪了我一整晚(送了我很多個hugs),今晚我真的覺得好開心(雖然我有(i.i)~
(我地坐一晚,就多左5隻7-11公仔.....1/42機會,竟然都有伊唷,哥很喜歡~)

落車之後,突然覺得拎住幅畫好似再次帶住肥仔返屋企咁樣,
機乎係跑住咁樣衝返屋企,好想快d帶佢返屋企^^
就係咁望住肥仔入睡~~


>>August 26, 2005 at 3:57:12 AM GMT+8

2005 年 8 月 24 日 星期三 【晴】

ching,

我果陣時,好天真,認為左犯法,去報警,警察就會幫肥仔取回公道,
我地一家,強忍,我一路抱住肥仔,坐係後樓梯等警察,一路等等等,
到佢地黎到果陣,我真係以為佢地能夠做到野,估唔到,個沙展黎到先後,
講法就完全唔同晒.......佢真係將我所有希望打沉晒.....
佢所做ge,同兇手無分別.....

>>August 25, 2005 at 7:47:57 AM GMT+8