2005 年 11 月 24 日 星期四 【晴】

一本存摺看到的,真多....

一個廿歲出頭,還在讀書的男孩,存摺顯示滿Jockey Club....
一同廿四歲的,剛失業了好幾個月,存摺每月顯示Donation....
兩位同樣為善....但後者很令人欣賞!

我對後者的媽媽說:"你兒子很善良呢,助養小朋友嗎?"
她笑得有點監尷說:"對呀!自己一家勉強也可以,但他剛沒有工作嘛~
仍要去助養,真拿他沒法........."
雖然口裏這麼說著,但看得出她為兒子感到有點自豪的神情。
將來有小孩子,要給他所需的,也要教他分享.....

老闆說上課時間應會在office hour內.....yeah!

這個星期,我在office對出的展銷買了:
蜜糖
小食
羊脂護膚霜(說買給媽,著實到頭來一定是我自己用~:p)
茶包
小玩意
柚子茶

被指為購物狂....其實是我太耐沒有去shopping罷了....
這裏方便嘛.....

下班回家,竟發現[有狗]在門外偷看/聽我一家!!!
若要人不知,除非己莫為!!!




>>November 26, 2005 at 5:18:52 PM GMT+8

2005 年 11 月 23 日 星期三 【晴】

又到忙碌的一天....
每日六點鬆D起身,直踩到十一點幾先返到屋企,極度身心疲累...
無論何時何地都可以隨時熟睡.....失禮....=.="

見門外有人,慣性地點頭招呼,但見門外人慌張閃躲,
行出去裝下,原來係投訴我GE果個 PT,怕心虛,為何要作賊?
其實有野想問佢.....諗諗下,還是算了吧.....

連續見左好多好多人.....好累....
忘記了,曾幾何時,每日都返黎"坐"的日子~=v=

有內地大學生黎參觀,老闆要人做活動佈景.....=.="

帶錯書,唔使返學....雖然我想唔返啫....



>>November 26, 2005 at 5:13:28 PM GMT+8

2005 年 11 月 22 日 星期二 【晴】

大老闆口話點點點點,都係想我道歉;
細老闆雖然黑面,但一句都無出過聲話要我道歉.....
咁啱,大老闆唔識PTH,溝通唔到,個波就交返去細老闆到,
約左PT今朝過黎再傾....佢堅持要我道歉,如果唔係,就唔要見到我~

換轉我係佢,都無面目再黎啦,作到咁大,老屈~
見佢好似對我有所避忌,咁佢想玩大去,我咪同佢一齊癲囉,
我都要求老闆,佢想我道歉,叫佢黎三口六面黎對質,
佢講得通,說到我認為自己真係錯GE,我真心真意同佢道歉都無問題!

同時,老闆安排上次[平息]PT個社工,去接見返個PT,
因為佢自己果陣為左平息PT怒火,應承話乜都批嘛,又話我處理錯嘛,
老闆好高呀,唔罰佢,只係叫佢去處理返個CASE,
到時批唔到,咪佢自己同PT解畫囉~:p

不過真係見識到,咩叫道高一尺,魔高一丈,
個社工今朝打黎話SL,返唔到....咁又將個波交返俾老闆.....

等左成朝,PT同樣都無黎到,老闆打俾佢,
佢話唔舒服,黎唔到,第日搵屋企人再黎,而且主動話唔使我道歉,
不過,佢仍然好唔開心喎,問有無得賠償俾佢.......

果真係人生百態呀!!
不過,今日我條氣........順晒!>u<
誰是誰非,佢講大話都係無用,始終件事係點,當時人最清楚!!

去飲茶,好開心,好耐!好耐!好耐!無去過...雖然得3個人....
但佢地知我鍾意去,都陪我癲下...
齊齊遲大到......:p

好累訓左半堂...

真想肥仔只係唔見左....然後,某日,我路經某個草叢時,發現到你...
將你抱返屋企....抱實你唔放......



>>November 26, 2005 at 5:12:18 PM GMT+8

2005 年 11 月 21 日 星期一 【晴】

早前約了再見醫生,但排至最快十二月,
咁?醫生話佢今日會到這裡breifing所以找我一同吃飯,
順道當"診症",去了很遙遠的新城市.....我lunch hr得一小時呢...
所以我沒怎麼說話,只顧吃的~:p

佢話我係個好會猜心,但又唔願俾人猜心GE人,
應該會係個同別人剛剛開始熟落,又會突然保持距離GE"怪人"...
很怕同人會太熟落.....
我係咁樣咩??
我曉猜心就好囉~
然後佢真係繼續稱呼我做怪人.....邊有醫生係咁架~=.="

至於病情,佢無點講,成餐飯都係到吹水~~
我走時,佢個餐都無郁過咁.....=o=!

今日得返大老闆繼續係到說....聽唔到,聽唔到../=.=\

俾人煙頭揩到條頸,即起一粒大水泡....痛到眼水即標埋出黎...
奈何,辣親我GE係自己個FD.....
企最遠果個係我,咁都中??????
會有痕嗎???原來會咁痛......



>>November 22, 2005 at 8:25:02 AM GMT+8

2005 年 11 月 20 日 星期日 【晴】

到總部去上堂,竟遇夜校同學(IT support的授課人之一),
還有志花,世界真細小~
大家的職位相同,但他直接由社署聘請,薪金高了一至二仟圓,
身份也不會像我那樣夾心,呻笨了~
見到他的出現,就知道老闆講大話....

向大老闆解畫,不出所料,她的花園太大,花了一小時來安撫/讚賞,
其他的都是說我道歉,其精警語句:
"道歉不等於你有錯嘛~"
"一句道歉換回一條人命,值得的!"
"一條人命會令你內疚!(我突然抬頭看著她)....嗯...其實都不關你事,
嗯...我也覺得你無辜,不用內疚...哈哈哈~"

一如細佬所說,她想與我合演一場大龍鳳,全程我沒有說話,
想先看看老闆的做法,原本也有想過是否假意道歉一次,但見完老闆後,
決定還是堅持:"我不會道歉!"
老闆仍婉轉地說:"對對對,我覺得你跟本不需要道歉!"
然後又繼續說....

她說client的行為明顯有情緒病,過一兩天會再來,
叫我預算她會再加鹽加醋,也會刻意挑釁,著我要稍作迴避....
因為client今次有別於其他,一心衝著我而來.....
而且佢話,當時平息糾紛ge社工,做法好有問題....
叫我下次自己執生...>o<

細老闆沒大老闆道行高深,也比較著跡/直接了當:"pt想你道歉...."
我:"我不會...."
獲得黑面一塊.......

兩位老闆每間約半小時,就輪流召我入房問話,
說了再說,問了再問,審犯??!.....疲勞轟炸!
她們竟向我施壓....軟硬整策也使出了,report & 加薪也全推出來,
喜歡怎樣就怎樣,別煩我就好了~

每次入房,同事們都在門外叫著"Never give up!"<==funny!
我唔係去打仗呀~^v^

最信賴ge兩個社工,佢地聽到老闆ge做法,竟然走去幫我鬧老闆,
鬧到門外都聽到....勁!!聽到佢地話老闆恰我年資少,職位低,
撐都未撐就迫我道歉,老闆答佢地:"sara年紀細,唔識諗,我安排個最合適做法俾佢...."
換轉我坐佢個位,有佢ge年資,經歷,人工,我都會咁講....
但呢一刻,我仲係我嘛!

一放工好似放監咁ge心情,office變得好有壓迫感~
唔想帶住呢d情緒返屋企~

nicole帶病還陪了一整夜,陪返學,陪食飯,陪行街~謝!
你做了"三陪"女郎~>v仲給了我一個非常好的提議,十字繡~
要搵Anise教我~^^



>>November 22, 2005 at 8:23:16 AM GMT+8

2005 年 11 月 19 日 星期六 【晴】

哥叫我別沉迷貓喵的世界......
不過貓貓一個小動作/表情也可令人樂半天...




>>November 22, 2005 at 8:21:47 AM GMT+8

2005 年 11 月 19 日 星期六 【晴】

karen,

嘩,你同我差唔多時間訓~
哈,個夢諗起都搞笑~
因為我d手作仔唔係咁得嘛,羞羞~
我想搵d似佢隻喵喵樣ge野,不過仲未搵到合心意的....
我到時話想搵個靚女一齊食飯,咪有藉口搵你囉~^^
thx!!!

>>November 19, 2005 at 5:18:54 PM GMT+8

2005 年 11 月 18 日 星期五 【颳風】

超級無奈......又會遇著個喪ge,黑仔玲又中喇~

屈我果個client,細老闆打過去俾佢同佢交涉,老闆話聽左一個鐘,
聽到頭都大,都唔知佢講乜,成個電話全程叫囂,都係話我叫佢去死,去跳樓等,
老闆都話,係人都知,除非我係傻ge,唔係一定無可以咁講,
佢話呢個人有心要屈我,但佢都無辦法.....

佢話佢問呢個人想點,佢話一定要我道歉,老闆話佢要道歉ge話,佢就代我道歉,
個女人唔制,話我係佢心結,我係解鈴人喎~
咬實要我道歉,如果唔係,不排除會係我地office跳樓,
老闆問我點,我都係堅拒道歉架喇!
無做過認d乜啫,個個話跳就迫人認錯,無可能,
佢令我心靈受創,難道我又去跳呀~

佢話,我唔道歉,佢再上黎office又會見到我,
咁以後就無錢睇病啦,話我地迫死佢,
咁老闆話會安排第二個同事見佢,佢就話行過我間房都會見到我啦~

講真,咁唔想見到我,插盲對眼算喇!
命係佢自己ge,佢唔愛惜都無辦法!
細老闆話佢搞唔掂,佢係要咬住我唔放,大家都無符,
叫我下星期同大老闆拆掂去......
煩!!!!

我唔應該俾呢d人影響我心情,受佢影響到,就中佢計,搞到自己唔開心!
但奈何我都係帶住d情緒返屋企......
真係乜人都有....
老闆講得啱[你今日又見識多左喇,你咩人都遇過,你會成長得好快..]
何至成長呀!衰老添呀!!!!


>>November 19, 2005 at 5:20:38 PM GMT+8

2005 年 11 月 18 日 星期五 【晴】

二十年後....

路哥II
歌手：林海峰 | 作曲：陳奐仁@theinvisibleman
填詞：林海峰 | 編曲：陳奐仁@theinvisibleman

某一年一班剛剛考完會考o既同學約埋一齊唱K
流行曲唱到一半o既時候
其中一位朋友問o左隔離o個位一個問題
喂　你估o下二十年後o既今日我地會變成一個咩人呢

二十年後
可能已經變成一個西裝骨骨o既中環人
手帶勞力士　銀包有好多張信用卡
放工o既時候就一齊o係酒吧度
一邊望住個煙灰盅
一邊就望住隔離檯o個個女仔
睇o下佢條裙幾時會走光

二十年後
大概終於會買o左個部好想擁有既汽車
但係仲有二十幾期要供
二十年o黎　應該轉過好多份工
識做o既o野越o黎越多
但係同時發覺學識越o黎越少

o係o個個時間　間唔中可能會去o下gym
但係做o黎做去都係減唔到個肚腩
當然二十年o黎你間唔中都會諗起一段
一路都未能放低o既感情
女朋友越o黎越多　但係愛o既越o黎越少

細路哥　你得到什麼　你失去什麼
你知道　what are u looking for

大概o係o個個時候可能會有身邊o既親人離開
而o係個陣時你會有好多講唔出口o既遺憾
同時間你會發覺原來人生已經過o左一大半

同年終於結婚o勒
用左半生o既積蓄俾左一層樓o既首期
有車位有泳池會所
娛樂越o黎越多但係快樂越o黎越少

兩年後　可能會離婚
回復單身之後o既一個晚上一個人o向床上面
(手查)住個搖控不停咁轉台　食o左兩粒安眠藥
跟住點起支薄荷煙
然後流o左一滴自親人離世之後o既眼淚

突然之間你又諗起　o向二十年前
你係一個咩人　係個一晚
一大班同學約埋出o黎唱K唱到天光
仲記得係個朝返到屋企o既時候
打開門o向檯面見到有一碗屋企人留低o既湯
碗湯已經凍o左o勒

細路哥　你得到什麼　你失去什麼
你知道　what are u looking for

>>November 19, 2005 at 4:36:08 PM GMT+8

2005 年 11 月 18 日 星期五 【晴】

sasa,

最日日夜夜詛咒佢一家ge,一定係我,
因為我一諗起佢地,就即係會諗"佢地幾個人渣...."
已經變成自動波,一諗起就係咁ge反應....

你有無留意旺角虐貓,第3隻貓仔,今日唔係到喇.....
手術後,醒唔返,訓左了....
睇短片聽到佢哀鳴....好心痛....
佢好可愛,好幼少,咁就結束左短暫ge一生....
果個賤人,過份得很!!!!!!!

=======================================
rheavv,

對,珍惜我擁有的!
我每日返工,都會遇到d人無理取鬧時,
我會自己安慰自己,我比佢地幸福,所以唔好同佢地計較,
不過早前就俾人抦得太盡.....動氣了.....
極無奈~~
好人難做,要對自己好,都有難度,激氣會激親自己,
但又睇唔開喎....:p
要再學習成熟一d~~^v^

>>November 18, 2005 at 6:34:51 PM GMT+8