2003 年 10 月 13 日 星期一 【晴】

仲係唔慣喎..
無心機..
好激氣呀..



寧願唔帶眼鏡做盲妹！仆死都算喇！！

>>October 14, 2003 at 2:41:37 PM GMT+8

2003 年 10 月 12 日 星期日 【晴】

出完大埔醫院就趕去蘭桂芳 R'e'ver 電髮
間 Salon 地方好僻，又係樓上舖
所以要 Davy 係米蘭站帶我上去
間野都不錯既，Davy 都幾好人丫，果然係慢工出細貨之人
淨剪頭髮都用左個幾兩個鐘啦～因為佢係逐少逐少咁修，剪得好細好有耐性同心機
佢剪完就到佢師傅幫我睇，佢執得仲仔細，好佩服～
電就比想像中快好多，都係大概一粒鐘左右咋！不過葯水味真的很難頂..
成個過程四個鐘喇，Davy 話其他人整就大約三個鐘頭，因為佢比較慢
間 Salon 唔係咁多客，但係一個客人單剪已經收五舊幾水，好貴～
我整完個頭，佢同佢師傅都幾滿意架，不過我都唔係咁適應呢個頭囉..
好像怪怪似的.. 都有少少失望呀.. 因為唔係想像中個樣囉..
唔開心.. 對住個咁既頭，好無心機喇..

>>October 14, 2003 at 6:28:01 AM GMT+8

2003 年 10 月 11 日 星期六 【晴】

好想打日記架..
之不過無時間之嘛..........
得閒少少先補返~

>>October 12, 2003 at 3:32:06 PM GMT+8

2003 年 10 月 7 日 星期二 【晴】

呢排有好多人生日呀~
隔日就有一個~~
不過都係同一句啦：生日快樂！
尋日晏晝同阿龍去美心買蛋糕，大家都吃得津津有味丫～正喎！
終身受用既禮物要好好保存，唔好整唔見呀！唔係我會嬲架！嘻嘻～
今朝好早返到中大，但係好鬼眼訓，所以走左去 CC can 買左杯凍奶茶飲
再去牟拉打發一下時間，諗住睇下醫貓啦，點知入黎入去都入唔到！真差勁！
之後上堂真係好左好多呀！無咩點打喊露啦，又無咩想訓既感覺
若果下次又好眼訓，我實識得去買杯奶茶飲，上堂真係有效率少少架～
今日去 Frankin 半組聚，因為唔係個個組仔女都得閒出席，但唔緊要既，下次要出席啦喎～
下星期二同組爸組媽一齊食飯，希望可以一家團聚齊齊整整啦！好久沒聚哩！
今日食飯都不錯，有傾有講丫嘛！原來阿輝中學係泳隊架！好似好勁咁喎～
因為阿輝，所以識左 Ivan，佢又係游泳健將哩！佢地講左好多游水野～
但係我連游水都唔識.. （不論乾水定濕水都唔識.. ）嘻～好自卑添！
點解次次都咁唔好彩架！星期五又撞正要去威爾斯，今次仲要考試添呀！
咁我咪又要走書通，我唔想做千字文呀！！
仲無得去 UC 起跑添喎.. 但我真係好想去玩架.. 話晒都係自己院慶喎！
如果我下晝第二個試考得早就好喇！咁就可以早少少走，返到去玩院慶嘛！

>>October 8, 2003 at 1:36:59 PM GMT+8

2003 年 10 月 5 日 星期日 【晴】

今朝出左幼稚園
其實我地都唔算遲到架！
但 Doris 就黑口黑面囉..
諗住會好好玩，可以同小朋友玩下，重拾一下童真架！點知都唔係想像中咁好..
早會同上堂都仲可以既，但一對一既 health assessment 就唔好喇..
很不幸運地，我個小朋友好鬼靜呀！開頭簡直.........
個小朋友都唔出聲既，我問左佢好多好多個問題，佢都係無答我，只識目無表情咁望住我..
唔係好明點解間幼稚園要安排一半活躍一半好靜既小朋友俾我地囉..
人地第一次做嘛.. 應該俾晒活躍小朋友我地嘛.. 好有挫折感架..
嘿嘿... 今日同 Monique 傾計呀~都好好傾喎~~
原來佢爹地媽咪都係教書架，不過唔得閒幫佢睇功課，所以要幫襯我啦～
臨走時見到佢媽咪呀，覺得佢都好好人，佢又係中大架～不過係崇基之嘛～

今日心情好好多喇！真的！
聽我把聲都知啦～
所以別擔心喇！亦都唔好再訓唔著喇！

>>October 6, 2003 at 1:17:08 PM GMT+8

2003 年 10 月 4 日 星期六 【晴】

走過林裘謀大門外的馬路
竟然不自覺地衝過去
就好像剛剛午飯完畢回校上課一樣
不過現實和理智令自己驚醒
收步，然後繞路走開
回想，真的，摸不著頭腦
既然已是母校，自己根本不會再到這個校園上課了
而且，今天是星期天... 也不會有人理會我..
傻..
是太習慣這樣的步伐嗎？
.............

眼... 不很舒服..

>>October 5, 2003 at 6:52:49 AM GMT+8

2003 年 10 月 2 日 星期四 【晴】

院慶開幕禮~
件桃紅色 T 好 sharp 呀~
中碼.. 太大件喇..
可以吹波波（好耐好耐無吹啦～），山歌已經唔記得點唱，忘記歌詞！
跟住奔跑超人係百萬大道奔跑好得意~
成班人奔跑完就去上書通，但上上下我好肚餓呀！因為未食晏.. 惟有狂飲水
書通完左即刻走去食蛋糕仔同咖啡批啦～（不過都係檸檬批最好味～）
好飽 lu~~

>>October 5, 2003 at 6:10:17 AM GMT+8

2003 年 10 月 1 日 星期三 【晴】

今日體段都好無聊
成堂只係睇阿 sir 示範 Ugym
有得睇無得玩.. 好無引架嘛..
成日都無咩精神上堂呀！好累好想訓覺，所以成朝都無做筆記，後半部仲要訓埋
下晝雖然係 Iris 上返堂，吸引力大增，但都係去唔到癲峯狀態，好鬼差呀！
Tuto 學左量體溫、脈搏、心跳、呼吸、血壓、 role play訪問
原來我既脈搏比其他女仔算係強架喇，佢地有 d 弱到連摸都摸唔到呀..
不過心跳就比較少，一分鐘得五十八下，人地通常都係七八九十架！
血壓都算係正常範圍啦～但 Connie 話部機不太準喎..
同場加映 Connie 打爛水銀探熱針！之後要搵人黎清理返（好在不是我們哩！）
之後為左出席 NURSO 糖水會，我走左第十堂既中國社會呀～
食左芝麻糊同涼粉，可惜芝麻糊是沒有芝麻味的！仲要太過甜添！想肥死人咩..
有少少時間淨就去左李慧珍果邊間書店買野～
我買左兩個大 Files（一黃一黑，之前已經買左唔少喇！買到窮了！）
仲有一支 Little Twin Stars 六用筆～好靚架！
其實我見到有 Hello Kitty 款架！但係佢得紅色，無粉紅色囉.. 失望呀！
但講真粉紅色呢支都唔錯既～都係算啦～粉紅色嘛！
六點打電話去花店，同我跟開訂花既王小姐竟然返左大陸唔係香港！
好在佢同事幫我整返紮花，仲包得佢好靚咁俾我～嚇得我丫！
我見到紮花又係好開心囉～靚嘛！桃紅色玫瑰加滿天星同毋忘我～正！！
見到人收花收得咁驚喜仲開心～可惜趕唔切係七點前送丫，否則仲正仲爽呀～係咪？～
給「老」朋友的祝福：生日快樂！


>>October 3, 2003 at 1:39:44 AM GMT+8

2003 年 9 月 30 日 星期二 【晴】

買 notebook 原來會咁煩架…
終於上到網喇！激死我！
而家又攪掂埋個 office，唔該晒小雲～
不過上到網唔代表咩都攪掂晒，仲要攪埋兩部機同時上網，都幾煩
同其他人傾傾下又發覺自己唔應該買得咁突然咁快
部機咩都無，得個殼咁！睇真下其實個殼都好似唔係咁靚既..
咩都要自己裝自己黎，又重又貴！好似真係買傻左喎..
希望速度會補救到咁多不足喇..
仲諗住今日會溫下書睇下 notes，結果只係為一疊仔 notes 釘左窿囉..
仲有好多未整理好呀！真差勁..
尋晚仲要玩接龍玩到一點鐘.. 好好玩咩！無聊！！
要快 d 溫書呀！
不准許自己頹下去！


>>October 3, 2003 at 1:40:06 AM GMT+8

2003 年 9 月 29 日 星期一 【晴】

估唔到阿 sir 會咁衰架
雖然我地只可以上三個字體段
但都唔好當我地缺席喇！
鬼叫之後果堂認屍要十點鐘開始咩！又唔俾人遲到喎！
早知佢會當我地無到，就連呢半個鐘都慳返，攪到好似特登返去換衫咁
缺席扣分架！要做返下helper 或者參加下 d 簡單少少既比賽加返分先得！
D 屍好太陣味呀！我一入到去就覺得呢種味好熟．．．係牛肉乾味呀！！
其實都唔係好嚇人之嘛～我仲伸手去摸佢地添～硬硬地，好似好瘦既牛腩肉咁～
唔會驚～因為佢地已經係死物，點都唔會突然彈起身啦！做戲咩！
之前無讀 bio，唔識睇邊條血管打邊條血管
成堆血管名又唔知係咩，更加唔知佢地有咩用.. 自己都好無用啦..
條屍仲有趾甲架…不過我無特登去摸佢既質地，好想摸返添～
認屍早左成堂走人呀！都唔明點解要人咁早去睇野，正常上課都有時間剩啦..
攪到人地體段咁慘咁唔抵！真係唔應該！
下晝兩堂係中國社會，點知又係睇埋 d 人體！
不過呢個係講中國內地，一孩政策令好多結左婚既婦女被迫去做結紮手術
佢地真係好慘！話就話幫佢地打左麻醉針，但我眼見個女人仲係痛到想死呀！
做完手術，個女人要自己落床自己行樓梯上病房！痴線！！痛死佢喇！
我睇片時個心都酸痛埋，更何況係個岩岩做完手術既人呀..
好在香港無呢類政策..
卓衡要暫停唔上堂，原來佢都好慘，佢父母要佢學好多野，又要追學校既野
結果佢被所有野迫到嘔.. 一年班咁細個，點會受到咁多野呀！
而家既父母真係太過望子成龍..
睇黎 Cherry 都幾鐘意我喎～佢今日特登走入黎琴室彈佢地校歌俾我聽～
佢又好鐘意捉住我隻手呀！好親切～好可愛丫～
同 Cherry 一齊行去搭車～


>>October 5, 2003 at 6:54:49 AM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28010

Design & Scripting by ShowHappy.Net