2003 年 12 月 26 日 星期五 【晴】

點解我成日都係咁大頭蝦架！！！！
好對 Nancy 唔住........
仲有成班逸安護同學仔....
我明明 check 左月曆廿七號係星期日架喎！！點解突然會變左做星期六架？？？？？？？！！
仲要到今朝十點幾 Nancy 打俾我問我係邊度先至知自己搞錯呀......
下次我一定要睇清睇楚，仲要不停咁 check 同 confirm 得一清二楚先得！唔可以有第二次呀！！
今日帶左相機返新時代同小朋友＆佢地既作品影相呀～
好搞笑係見到 BLING 話要同佢影相，佢又咁岩帶左相機返黎影相，大家都超開心興奮呀～
BLING 同碧怡一開始就要黎張鬧樣衰既相＠＠至發覺佢地真係可以好樣衰 (笑^^) 架！
呢張笑死大家！！其中當然包括充當攝影師（超手振？！！）既阿豐啦~
阿豐仲有幸同三個靚女（！）Miss 們合照添~~ 佢艷福不淺呀～
四點鐘就放學啦～
碧怡話唔見左部 MP3，所以陪佢出去戲院同圖書館搵
搭車之前碧怡請左我食鍋貼，我就請左佢食七仔新出既花旋筒，一人一支架～（凍＠＠...）
但結果部機都係搵唔到，惟有留底個聯絡，希望仲有機會搵得返喇....
之後竟然去左中央地庫果層睇左半個鐘頭舞台童話－－狼婆婆！
睇完就帶碧怡去西田買左支藍白色樽既乳酸 QOO，仲請左佢食芝士波添～
六點幾七點返到屋企就俾媽咪拉左我落惠康搬米！一人兩袋八公斤既金象米好重呀.....
夜晚睇中文金曲見到 JOEY <<我的驕傲>>攞金曲獎講感受，感人到我自己都眼濕濕埋添～
不過呢首歌真係好正正正嘛！！！

>>December 28, 2003 at 7:56:58 AM GMT+8

2003 年 12 月 25 日 星期四 【晴】

仲諗住六點先有得出街
點知又係一個電話
食完晏就可以出去買飛睇戲^^
今日唔同<<地下鐵>>咁少人睇啦~~ 好多人排隊好熱鬧呀~~~~~~
<<安娜與武林>> 好在最尾果行仲淨兩個連位~^^
又係食好好味的爆谷，再加多個自己加醬汁的熱狗（又係好好食丫＠＠～不過要小心 d 加野嘛^^）
夜晚去左新港城食好香好好味既雞粥煲，但係水餃就麻麻，因為個人都唔係太鐘意咁多蝦
雖然十點幾返到屋企，不過都唔可以十一點前沖好涼^^
唔緊要啦~~~~~~ 都無事呀@@~~ｙｅａｈ！！！

呢個聖誕真係好開心！^^ ~~~~＊

>>December 28, 2003 at 7:14:14 AM GMT+8

2003 年 12 月 24 日 星期三 【晴】

破左紀錄
聖誕節昏迷左半日
下晝一點幾先起身呀～
結果聖誕正日係無出街架～！
橫掂成日都仲好累咁既
抖抖囉^^
夜晚十二點幾又再訓過

聖誕快樂

>>December 28, 2003 at 6:53:09 AM GMT+8

2003 年 12 月 23 日 星期二 【颳風】

上晝原本諗定做咩野架
媽咪無端端要我幫手執屋
攪到計劃失敗喇！！
仲攪到我補習都遲到添呀！
補完習返到屋企就拿拿聲食飯，食完就又再整野
兩點半電話響以為係約時間，點知係已經到左樓下，嚇親人啦~
攪到人地要拿拿聲攪掂晒執野喎！嘿～攪左半個鐘呀.. 不好意思~~
至衰係新時代啦！係人地趕時間既時候就勁打電話過黎！
如果唔係要聽咁多個電話，廿分鐘應該可以落到樓，咁就未必等到訓著覺~~
平安夜去左好幾個地方～太古城，康怡，銅鑼灣，中環，尖沙咀
太古城好正呀！周圍都係童話故事入面既公仔！！！！
試左 KFC 個 cappacinno 蛋撻，熱辣辣幾好味~~~ 要好小心食架^^~
安娜與武林今日上畫，不過太古城得九點幾同十二點夜晚場，咁就遲少少先睇啦~
係康怡見到個好鬼馬既燈~~~~ 咁正既野當然唔會係平價貨@@
銅鑼灣返而少鐙飾，所以去左工展會，買左少少野食啦～見到工展小姐囉＠＠
仲可以蓋印仔抽獎，抽左支燕窩精華同一個生麵王碗麵，不過個麵後黎俾左個街邊行乞者 lu~
點解條頸巾會咁架......... 明明睇過無事架喎... 好失敗呀．．．．．．．
之後再去中環，上次無相機影相，今次有啦～
不過真係好多人好難影呀.. 所以影左好少咋.. 許願廊多左好多許願咭，好正呀~~~~~~~~
行去搭船仆左一交.........好樣衰呀........做咩成夜都行得咁衰架........
搭船去尖咀好逼人呀!!!!!!! 等左好耐先可以上到船，好鬼熱呀！！
上到船又好鬼凍喎～海風嘛＠＠隻船都比平時晃左少少
係尖東倒數～但都無倒數氣氛既！個個都好似等其他人帶頭倒數，結果我無參與倒數囉！
行到隻腳好痛呀！！要坐馬路抖抖（第一次坐馬路呢！！）
撞到咁多人既.. 好突然架.......
食宵同四個陌生人同桌，佢地好嘈好多野講，又食煙又有點攪事，對呢類人反感
坐車返屋企好累好累,, 訓得著喇..
四點半上床訓覺！

>>December 25, 2003 at 4:21:31 PM GMT+8

2003 年 12 月 22 日 星期一 【晴】

今日去左大埔那打素迎新
比想像中正呀~~
晏晝竟然有自助餐食！有火雞呀~
我同 Jessica 開完會就閃左去行街啦~~
原本我地諗住會好有收穫買好多野，但係結果都係相反囉！好失望架..
之後我係大埔壚火車站上面個商場行左一陣，撞到阿雪
阿雪話超級城唔係無野行，只係要好熟識搵窿路先會好行架！唔怪得我無收穫喇..
返到沙田就幫阿哥買生日禮物俾媽咪，因為媽咪今日生日~
媽咪收到份禮好開心呀~ 仲以為係阿哥親自去買，我見媽咪咁開心就唔踢爆你啦~

頸巾終於織完，不過好似唔係咁靚.. 好似闊左少少，係個老闆話起廿針架！
Nancy 都話闊左少少，佢話十八針都好夠喎..
個個都話隻冷好貴，阿連話佢見過第一城有廿五蚊一個可以織晒成條頸巾既冷，但我都未見過既..
老闆話呢隻冷好靚，我見個牌寫住係 made in Italy，摸落 d 冷又 okay 幾舒服幾靚咪買囉~~ 更何況個色好靚嘛~~
隻手用力唔係咁勻，所以條頸巾開頭同最尾都翹翹地..
好有衝動成條拆晒佢再織過！！但係諗落我就算通頂都唔會織得切，惟有放棄..
都係算！花下心思包靚 d 啦~~

>>December 25, 2003 at 1:37:51 PM GMT+8

2003 年 12 月 21 日 星期日 【晴】

尋晚織左成舊冷
但今朝睇返覺得唔靚
所以一下子拆晒佢由頭織過..

織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀.. 織呀..
足足一整天喇..

>>December 25, 2003 at 1:06:47 PM GMT+8

2003 年 12 月 20 日 星期六 【晴】

睇左地下鐵呀~~
不過比想像中遜色少少
有部分劇情唔知做咩
但係首歌 <<星之碎片>> 楊千嬅 + 梁朝偉 好好聽呀~~

我聽見我們坐飛毯 去找星之碎片 而我們能遇見 令天空更閃
我聽見有人唱聖詩 聲音表演我知 世上誰是我神秘的天使
帶著期待在地下鐵外逗留在出口 懷疑誰正在盼望我帶她出走
等你 多久 潮濕的快感 來自你雙手
陪你 蒙上眼睛看盡大世界
聞到你生命如無限大 隨呼吸風中舞擺
伴我在逛街 跟你 蒙上眼睛看夢幻世界 肉眼怎可了解
幸福找不到邊界 誰擔心給你拐帶
我信也能看見的 給撫摸的氣息 我若存在過 誰理深淺色
帶著期待在地下鐵每日尋覓出口 懷疑下個站有人扶著我出走
情為何物哪用看真理
聞到你生命如無限大 慾望在風中舞擺

晏晝去左維苑食，下次要去果度食薯茨呀！
因為見到人地碟野好正！ d 薯條又長又大條，我諗會幾好食架^^
終於買左冷啦~~ 今晚開始努力地織織復織織........... 織織復織織呀...................
好眼訓.. >o<......... ZZZZZZZzzzzzzz~~~~~

>>December 25, 2003 at 1:01:32 PM GMT+8

2003 年 12 月 19 日 星期五 【晴】

返新時代 again~
今日係返去派糖派手信
個個都話 d 糖好食呀~
哈哈！估唔到我係新時代做左唔係好耐都可以收到學生既聖誕咭喎~~
臨走時 Cherry 拉左我入琴房，彈左幾首歌俾我聽～
當中包括我既至愛--------- *~Joey's 我的驕傲 ~* ^.^ YEAH !!!!!!!!!!
真係好好聽！好開心！好鬼死正呀！！攪到我都想學琴！不過，都係老矣.. 老矣....
夜晚睇電視，睇大結局，仲有季選～還有學做織女囉^^

>>December 21, 2003 at 11:25:24 AM GMT+8

2003 年 12 月 18 日 星期四 【乍雨乍晴】

今朝搭八點鐘車返落黎
好早就要起身喇！
六點鐘就醒，媽咪成晚無訓好慘呀..
天寒地凍無約人飲早茶，二舅父幫我地買熱豆漿同飽點上房俾我地做早餐
佢地既豆漿好得意呀！係用透明膠袋裝住，打個結再用飲筒黎飲，不過豆漿太熱，攪到我條利而家仲痛緊
搭車都有好笑野呀～
我見到司機張椅有彈弓，凡係條路唔平個司機就會彈起左，就好似細路仔玩機動遊戲咁！我真係忍唔住笑呀！
媽咪成晚無訓攪到好失魂，連車票都唔記得入左係邊，搵左十分鐘連開埋急都搵唔到
好在最後都搵得返咋！自己嚇自己～
十一點就返到深圳，中午可以返黎食飯啦！

>>December 19, 2003 at 1:45:13 PM GMT+8

2003 年 12 月 17 日 星期三 【颳風】

無咩特別野做
好多時間留係酒店
表弟表妹返晒學
無咩差唔多年紀既親戚係大陸，成日都係聽大人傾偈攪到我好悶呀~~
朝頭早好早就要起身飲早茶，晏晝坐二舅父車去買小食當午餐
我地買左好多野食呀！有好多款餃子呀，水晶餃呀，糯米飯呀等等，仲有特色既茶
全部都好好味！糯米飯真係超好食架！我仲睇住佢整睇到口水都流埋添呀！
可惜糯米飯落左好多油落去整，怕肥唔敢食太多..
下晝終於同媽咪去行街，買左套衫俾婆婆，我就買左少少零食咁啦
夜晚食左個果度好馳名既燒雞～脆皮真係好正！雞仔細細，無咩肥膏唔怕肥啦～
返到房浸左個熱水浴，浸到皺皮都唔願起身，因為實在太舒服啦！
自從上次浸完溫泉之後都無再成個人咁浸，今次浸返攪到我又好想去浸過溫泉添！！
之後又有好多親戚黎搵我地，跟住媽咪又同佢地傾偈，我又係做聆聽都囉～
不過有件好攪笑既事呀～
細舅父同三姨媽一齊黎酒店搵我地，媽咪叫我落大堂接佢地上房
但係佢地真係太耐無見過我喇..
我見到佢兩個就走埋去拉佢地隻手啦，細舅父竟然只當我係比較熱情既接待員而無理我呀！
到我去撓三姨媽隻手，同佢地講我係邊個，佢地先至知我係邊個呀！！激死人啦！
佢地話我唔同晒樣，而家大個女又靚女（！）喎.. 聽完惟有笑下囉..（賣笑 !!!）

>>December 19, 2003 at 1:29:21 PM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28015

Design & Scripting by ShowHappy.Net