2004 年 3 月 3 日 星期三 【晴】

要攪攪莊野先得呀~
所以今朝返學之前去左新城市行餅店
睇下邊間蛋糕平靚正丫嘛$$~
我諗都係去聖安娜訂，因為媽咪之前買米送左好多張聖安娜優惠券，真係會抵好多架！
上晝走堂鼠左去同人食早餐，十一點半先返入去睇戲同聽阿 Ann 講功課
晏晝係 ShawCare 例會，各位莊員一齊去眾志食飯
個人認為次次星期四食飯開會都好低效率，次次都好似傾唔到咩，或者要改一改個開會形式
下晝學包紮傷口，覺得幾好玩幾得意，但係佢又播埋ｄ怒噁心的傷口相俾我地睇... 真係好頂唔順.. 太難睇><::..
上去 tutorial 大家都落手落腳包傷口，我好叻呀！Professor Liza 話我包得靚，仲即席叫我 dem 一次俾同學仔睇呀~
放學就去左新時代代 Bling 教畫，原來呢班有五個學生，其中兩個我都之前教過識得佢地架！
黃生讚我上堂 handle 得好好，咁就當然啦！我大大話話都教左一段時間架喎！

>>March 5, 2004 at 7:57:03 AM GMT+8

2004 年 3 月 2 日 星期二 【颳風】

尋晚掛住講電話
今朝按熄左個鬧鐘又訓著
攪到遲左先叫人起身添..
真係唔知點解今年咁唔正常既，三月仲可以咁凍！
好耐無一齊坐係度溫書啦～感覺都仲唔錯丫！
我覺得咁樣溫書比自己係屋企溫有效率，或者我比較適合圖書館溫書多一點點
試下下個星期又出去溫先得，話晒都就黎考 mid term 嘛~~ 係時候俾心機少少架喇.... 唔可以再頹！
返新時代見到智康塊俊臉傷晒，有少少驚愕呀！
因為我覺得佢好靚仔架！一面寫字既時候，佢兩個面珠登好得意架！
真係好可愛好想捏佢一下架～至衰又唔記得帶相機同佢影相！希望下次記得啦！

>>March 3, 2004 at 1:15:10 PM GMT+8

2004 年 3 月 1 日 星期一 【暴雨】

搭校巴撞到好多 NRS 人
老爺笑話個個都遲到
我就話係 Shawcarers 係咁架啦~
Nancy 走左堂，不過我諗呢堂走左都問題不大的
一路上氣概一路食今朝響美心買的新出品－－－－栗子芝麻包，唔會太甜都唔錯幾好食丫～
上體育堂又係打比賽，我地黃組險勝藍組三比二呀！
落堂既時候阿 sir 仲讚我係射手！其實我一球都無入過架喎！可能佢老眼昏花，見我射藍就以為我好勁
原來學生會室隔離有間好舒服的房架！有晒梳化俾人坐好正呀～第時開會可以去果度開都得！
最後上左新亞，果度真係好大霧，初時我真係以為自己副眼鏡濛左添呀！估唔到新亞潮濕成咁！
今日唔使返新時代，放學去一沙田行左一陣，不過真係無野好行呀.....
行左半個鐘就搭車返屋企，開著部腦試下自己整靚個日記版面同加返首音樂
攪左我好耐，無計啦！我呢類門外漢，又要自己盲摸摸咁喎><::.. 好在攪左一大輪都俾我整到少少野咁啦~
首 << 我也不想這樣 >> 係咪好好聽好正呢？

>>March 2, 2004 at 12:59:30 PM GMT+8

2004 年 2 月 29 日 星期日 【晴】

三月第一日
去左葵興庇護工場
做左成日都幾累~
果度同我 expected 的差不多，只係俾我地的那間房較為細小，做起野上黎就較麻煩要將就一下
同果度的工友做 physical assessment 都幾講技巧，因為佢地唔係咁容易明白我地想佢做咩
成日都無咩特別奇異或者驚嚇事發生
唯一就係當我同一個工友做緊 vision assessment 既時候．突然有個唔知係男定係女工友，伸左隻手過黎摸左我膞頭兩下
真係嚇左一跳！好在佢無進一步既行為，因為突然之間俾一個陌生人摸真係超驚嚇..
晏晝成組十一個人踩上去新光飲茶呀！食得好開心架～
我真係第一次咁攪笑地響酒樓食野！
因為我地為左要十二點半之前埋單可以計平ｄ，大家一坐低就好齊心咁怒叫野食怒拎點心，好似唔使錢咁！
叫到成枱野食，十二點半埋單找數，之後就繼續慢慢歎茶食野吹水直至一點三先返工場！勁爽呀～
炸鮮奶好好味呀～～點解我響沙田廣場間新光未見過有得食既！我下次一定要搵到佢出黎食呀！
下晝係活動時間，我負責 health talk 果 part，之後就係帶佢地玩遊戲換印仔拎禮物～
雖然大家做完一日野係幾累，但我覺得都算幾開心同值得
正如 Ruth 話齋，佢地成年十二個月都可能唔開心，我地呢一個月黎探佢地，同佢地玩下傾下偈已經俾到好大既快樂同關心佢地
仲幫佢地減少左一個唔開心的日子，多左一個開心的日子
落真係好應該藉住呢ｄ機會去了解佢地多ｄ，盡量令佢地有多ｄ時間享受一下幸福同開心

>>March 1, 2004 at 11:19:20 AM GMT+8

2004 年 2 月 28 日 星期六 【晴】

二月最後一天~
sam sam 今日請假
唔使九點落到去新時代
諗住今日係最後一堂教家欣，但好開心結果唔係呀！
上堂我同佢講想教佢西洋書法，點知佢返屋企講，仲真係想學添＠＠
劉太今朝同家欣一齊黎問我西洋書法係寫咩，好在我今朝醒目特登帶埋枝西洋畫筆去新時代
咁我梗係即席寫左少少西洋書法俾家欣睇，家欣對眼即時放大兼發光！哈哈～我寫架喎！當然係靚靚的書法
劉太同家欣斟完一陣同我講，如果西洋書法太難學唔到就改為上素描，總之要跟我就得喎～
估唔到家欣又係另一個好鐘意我的學生，終於知道點解家欣上一堂表現無咁活躍
呢排真係好多學生或者家長都指明要我教，真係好受寵若驚..
連只係代左兩堂的學生都想轉俾我教.. 攪到黃生係度問我點解咁有魅力個個都要我教！我鬼知咩！我都好想知！！
不過我唔想放太多時間係新時代，始終保留多一些私人時間或者開 shaw care 會開足少少會比較好一點點！
放左學之後為左聽日的毛巾仔禮物，同奶奶各據第一城＆大圍四圍格價，覺得好攪笑好師奶～
唔知奶奶係咪想藉呢次格價黎考驗一下我呢個新抱仔呢？？或者係傳受獨門格價必殺技！
返屋企食完飯就同媽咪落街行超級市場，初時我地諗住買好少野，結果都買左成車..
買左野整布甸呀~ 所以我一返到屋企就開工啦~~~~~
我第一次整咋！而家又未食得，唔知好唔好食呢......... 不過都係不存太大希望比較好，廢事希望越大失望越大嘛~

>>February 29, 2004 at 9:13:51 AM GMT+8

2004 年 2 月 27 日 星期五 【晴】

新時代 ------ 英文＆數學...

屋企 ------ 五幅 A2 公仔畫...

>>February 28, 2004 at 3:37:44 PM GMT+8

2004 年 2 月 26 日 星期四 【晴】

呢篇日記係補打的！
因為無時間
但又想記返呢日發生的事
呢篇日記既重點唔係想記今朝的氣概堂終於見到 Gary 無走堂
唔係要記同老爺奶奶去電腦房＆ so 房開會，又或者係去練 lab 練 CPR 練到手腕痛到帶唔到錶
亦都唔係今日晏晝去左火車站間美心食日式定食，然後睇住某人追到去搭校巴，而我就送車尾
又唔係因為返新時代清閒左好多，而係之後出左沙田同 MISS LAM 食飯聚舊呀^^
去左 Delifrance 食野~ 我同阿連再一次 shared 一個餐~~ 三文魚加吞拿魚的軟包幾好食架^^
今次聚舊有六個人，包括 MISS LAM, HAYAMA, EVA, LIN, GRACE & ME 呀~~
一路食一路傾偈好開心架^^ 仲有影相添呢！
傾傾下仲撞到變態王廣志！不過佢好失常地無做埋ｄ驚嚇野黎嚇我地（可能只係佢趕住同人食飯～）
MISS LAM 話之前係學校樓梯撞到王廣志，好正常地同佢講早晨，點知王廣志係目露兇光咁話：殺死你呀！
黐線架.............. 變態王廣志之名果然係名不虛傳.......>咁多女仔聚埋一齊真係少不免會講愛情既野，MISS LAM 同芳姐都講左佢地自己或者聽返黎既睇法，其餘的女孩子就係做聆聽者~
俾 MISS LAM 問左我少少野，其實都預左～
十時許，大家就散水回家去了～

>>March 1, 2004 at 11:42:34 AM GMT+8

2004 年 2 月 25 日 星期三 【晴】

haha~~~~
又係星期四上超長NRS 堂
今日教左好有用又成日見人做的 CPR ~~~
俾人認同真係幾開心架~~
因為今日帶左我用好多好多心機＆好長好長時間先出世的襟章俾 SHAW CARERS 睇
佢地個個都讚好正好靚呀~~ 阿史仲誇口話可以靠呢個福利品淨賺二千！
係又唔錯，因為我地全部發錢寒架嘛！咁我就要加把勁係餘下的四個設計啦～
前幾日，奶奶帶左佢中學ｄ相俾我地睇，所以我今日都應奶奶要求帶左中七大部份既相返去～
其實我中學的相仲有好多架！不過真係太重，帶晒返中大會帶死我的！遲下有機會先睇埋其他啦！
放學傾埋下個星期一出庇護工場的流程＆分工
我又要開工畫畫！仲要咁鬼大的五大張畫，希望仲有命星期一見大家啦！！
因為襟章仲要設計多四個先完工架！咁我咪又係要畫畫畫畫畫畫囉！
聽日仲要交氣概功課添！今晚要做晒佢！
一於要奸爸爹！

>>February 26, 2004 at 12:27:40 PM GMT+8

2004 年 2 月 23 日 星期一 【晴】

都唔知今日係咪另類黑色星期二
出到沙田發覺自己無帶銀包
八達通又負左錢..... 要滯留係新城市
真係好迷茫，既返唔到中大又返唔到屋企，不斷咁諗自己係咪發緊夢？
邊有人咁鬼死黑架！諗左好耐好耐，終於諗起 Nancy 呢個奶奶~~ 因為佢應該正在屋企頹緊，仲未返中大
咁咪打俾佢囉～真係好開心呀～Nancy 真係未出門口仲留係屋企呀~~真係太好，有你打救我
Nancy 借錢俾我增值八達通同埋食晏晝那餐，無左你我真係唔知點算..........

好開心呀~~~ 今日氣概有人 sit 我堂^^ 之後仲陪我行落去上 PE 添呀~
我好想唔上體育堂同你食野，但你又怕我扣分攪到考試肥佬.... 但原來今日 Med 有野做黎唔到上堂，所以今日唔計 attendance 呀!!!!!!!!!!!!!!!
早知我就唔去上堂喇><！！！！激死我啦....

去到第一城唔想上去新時代，一個星期返五日真係有ｄ厭呀！
所以今次好賭氣係商場四圍咁行，行到三點半先上去囉～
希望快ｄ唔使返星期二＆五就好啦！



頭先睇健玲的日記見到以下內容：

LOVE的定義

L：代表「listen」，「聽」的意思。愛就是要無條件，無偏見的，傾聽對方的需求。
O：代表「overlook」，「寬恕」的意思。愛就是仁慈的對待,寬恕對方的缺點與錯誤，並找出對方的優點與長處。
V：代表「voice」，「聲音」的意思。愛就是要經常表達欣賞與感激，真誠的鼓勵，悅耳的讚美。
E，代表「effort」，「努力」的意思。愛需要不斷的努力，付出更多的時間，去灌溉屬於愛的良田。

唯有「愛」才是縮短一切距離的能量。
當你心中儲存了更多愛的能量，原本你所以為與你背道而馳的人事物，都將瞬間變得親近而可愛。

>>February 24, 2004 at 1:01:25 PM GMT+8

2004 年 2 月 22 日 星期日 【微冷】

今個 sem 最後一日出 ward
我訓得好少呀……
攪到又遲左四個字起身喇..
尋晚十二點幾訓，但係到左兩點就醒左，又係收到個短訊囉^^
之後上個廁所上返床訓，竟然訓唔返！激死我呀！最後一日先黎訓得咁差！
係張床碌黎碌去碌到五點幾先訓著，但係已經於事無補啦！
鬧鐘五點九響，我又六點一個字先起到身囉..><::… 我又係勁趕咁梳洗換衫喇．．
好在仲趕到平時搭開果班 89D~~
不過上左車我就發現我係匆忙地衝出門口之間，拎錯左髮夾呀！紮唔到髻啦！！實俾人鬧？
好彩去到換衫時，其他同學仔有多橡筋＆髮夾俾我呀～咁先鬆番口氣..
最後一日都算幾平靜咁度過左~ 大幸呀!!!!!!
唔知點解今朝出到觀塘已經好肚餓，所以買左一份腿蛋三文治＆熱辣辣的菜蜜做早餐，食完真係好飽架！
晏晝我地呢半組六個女仔又係 shared 三個小菜套餐，不過今次好似細份左喎~但係我都幾飽喇~
遲ｄ暑假我地 group K 初步定左係出沙田醫院，有少少失望，因為咁樣就無得試下住宿舍><..
而且好多人都話ＳＴＨ好清閒無野好做，咁我地咪辛苦成個月都學唔到野囉？
唔制呀！我唔要虛度七月！
不如調我地去東區尤德～我唔會怕遠，因為會有宿俾我地嘛！
完左 post conference，大家填野既時候都讚 Doris 好~~
講真，我都心底裡覺得佢係幾好，跟佢真係學到野，唔頹又教野教得好足
其實都幾想暑假又再跟返 Doris 架^^

阿史有無攪錯架！放學先同我講要我今晚攪掂個咁大型既 grad party banner!!!! 你唔好聽朝先叫我即席整俾你..
唉……. 今晚又要為 shaw 開工，無得早訓 lu><::..
我 d physi…………. 點算呀.. 星期三又上喇..

>>February 23, 2004 at 11:31:31 AM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28013

Design & Scripting by ShowHappy.Net