2004 年 2 月 11 日 星期三 【晴】

今日返九點半
但係我…
九點十定十一個字先入去LT2
我都唔想架.. 係意外！意外呀！！
出到沙田發覺張發達窿負左錢喎，咁梗係要增值啦！
之後諗諗下又發覺增左值，我晏晝就會無錢買飯食喎，咁咪又要行去買個幾蚊既包包啦！可以數晒碎銀出黎嘛～
就係咁！我幾經波折先可以去搭火車返中大啦！所以最後咪遲左囉～
上晝無 tutorial 所以有兩粒鐘食晏，阿連同 Hayama 亦都好開心今日唔使直踩有時間食飯添~
晏晝走左少少堂，睇唔到梳卡亞咁精采既情人節搞作添.. 我要睇個 ppt 呀~ send 俾我我我我我我我我我…
終於學 wound dressing，唔知呢個 sem 有無機會俾我係 ward 實習得呢??
同 Eva & Catherine 傾左 d 野~ 我仲發現左大家既共通點添架～
哈哈~~~~ 估唔到 Catherine 同我個 “case” 會咁似喎^^ 咁就要交流多 d 啦~~
呢幾日好多人都講同一個話題呢～

>>February 13, 2004 at 1:01:46 PM GMT+8

2004 年 2 月 10 日 星期二 【晴】

今日返兩堂咋~
不過上得好慘呀..
係因為自己跟唔切囉><
呢個 Professor Leung 講得好快，我覺得佢唔似教書而係講馬講波！><::..
唉．．．睇黎要自己返去鋤碌屎，仲要好似佢話齋要備左課先可以去上堂先得喇！
嘻嘻～個書法新生何智康真係好乖呀！智康咪咪嘴笑個樣仲好可愛添架＠o＠~同佢上堂真係開心~
不過黃生真係好入黎唔入黎，偏偏係我拎自己碌屎出黎既時候走入黎睇我上堂.. 死喇！好驚佢以為我上堂就做自己野唔理學生呀！
但係好在我今次有影印左筆記俾智康，黃生見到份筆記就讚 good~~ 希望咩衰野都抵銷晒啦~

唉.. d 野到時會唔會溶溶地架.. 希望唔好俾 Nancy 估中啦.. 要生生性性呀……

>>February 13, 2004 at 12:49:00 PM GMT+8

2004 年 2 月 9 日 星期一 【晴】

今朝落街等諗住等最尾一班 83s
點知等左唔夠一分鐘
就俾我發現小巴上面有個好面善既人~
佢就係 Bling 囉@@~ 好開心呀~~ 咁都撞得到梗係即刻上架小巴啦！
你好唔乖呀～走堂呀！不過唔係走堂去玩，而係出自修室做功課，都算你好勤力啦！
天氣乾燥仲食咁多熱氣野，抵你個嘴生野啦！要快ｄ飲多幾碗涼茶清下熱解毒，知無？？～
知你為左個畢業 fashion show 畫八百個 fashion，又要驚俾人 group 左去小組，我都知你好大壓力架喇..
俾心機！加油努力！不過盡力而為就好好啦！我唔知可以點幫你，惟有俾十二分精神支持你丫@@~
要做靚ｄ呀！我要七月去睇你個人既設計呀！唔準令我失望架^^
認完屍阿鳳佢地問我下晝上唔上 physic additional lessons，我又係唔記得左囉！好在你地提一提我咋！否則我實走左去補習
補堂係睇實驗，個實驗好殘忍呀！不斷攪隻狗，又落鹽水，落 calcium 等 solutions，放血輸血……
最後隻狗就係我地成百人面前死左..
睇住個 ECG 由正常變唔正常，再由唔正常變一條橫既直線，個心好唔舒服好酸，隻眼仲有少少想流眼淚..
隻狗好慘呀.. 就係為左俾我地做實驗，佢就賠上左佢既生命喇！好過意唔去..
四點幾放學，臨入火車站前黃生同我講可以唔使返新時代，真係超開心！因為可以搭返校巴上去圖書館搵人囉～
其實都各有各做野，不過有得見下已經好開心啦~~
留到六點鬆ｄ啦~ 抄完 Nancy 借俾我既 physi notes 啦~~~~ 好野！
但係要記得聽日要借返另外兩份俾佢抄先得，否則第時 Nancy 可能會唔俾 physi notes 俾我抄架嘛~
體育堂繼續打茅波比賽，我地黃組贏左今日個全場冠軍呀！所有隊員都有得係阿 sir 個人名表度畫星星加分添架~

唔好咁傻啦！個生日無浪費到架！有少少誤會之嘛！無問題喎～我仲覺得有賺添~
不如諗下黎緊果日點過仲好啦^^~ 係咪？？

>>February 13, 2004 at 12:19:02 PM GMT+8

2004 年 2 月 8 日 星期日 【颳風】

今朝阿連又遲到..
約左六點三
阿連六點半先出現呀！
好凍好凍，好在媽咪整左碗熱辣辣雞蛋維他奶俾我飲，暖左好多又唔會咁快肚餓
不過好慘囉… 一大朝早就俾 Doris 鬧我……
真係好驚.. 因為我未試過俾佢鬧，俾佢鬧既一刻個腦即時空白晒唔知做緊咩，淨係知俾人鬧緊
好在只係俾佢話左一次同鬧左一次，而唔係俾佢針對成日..
阿雪今日係病房突然休克左，真係好驚，因為見到自己推住果張床上不醒人事既就係自己同學
連 Doris 都嚇親，佢都話未試過有同學真係暈左係自己身上面咁突然
今日未輪到我考試，但係感覺一 d 都唔輕鬆
不過都好在果度既 nurses 都好好人，好肯教我地，做野又會叫我地埋去睇，所以今日睇多左 wound 同 dressing
cubical 有個好 weak 既 patient，佢面色完全蒼白無精神
後黎問返陳姑娘先知佢已經係善終階段，個心好唔舒服，因為醫生已經同佢協定左即使佢無晒心跳都唔會同佢做 CPR..
又有個 patient 上個星期做手術開刀割野，但割開之後發覺已經擴散無得攪
就惟有連返針無割到任何野，結果而家又係 “等”…
surgical ward 既流動性真係好大，同以前好唔同，每次去到都要再適應再睇過自己既 cases
真係唔慣..
但係都無計，一定要學習如何適應如此這般的病房流動情況
下個星期就到我考試，唔可以死！仲要好好咁訓一晚迎接呢個考試唔衰得！
放左學同 Nancy 去左沙田行街，諗住可以放鬆一下，但其實都無咩用
諗住會買下野，但最後都無買到，Nancy 就買左 d 野咁啦~ 唔好意思呀，我又唔記得左你個朋友仔個大名..>去沙田行之前仲去左 Nancy 母校睇睇~ 你地都好鬼 friend 喎~ 不過我呢個路人甲就無謂走入去要個門口姐姐難做啦~
返到屋企即時無啦啦俾人鬧！！！！！！！！！
好激氣！好想發脾氣呀！！
人地心情已經唔多好，做咩人地一入門口就鬧人！！仲要鬧埋ｄ芝麻綠豆既事！！！
心情真係好差！

>>February 9, 2004 at 1:49:03 PM GMT+8

2004 年 2 月 7 日 星期六 【乍雨乍晴】

星期日多左九點鐘畫畫
好眼訓呀！
但都要起身喇.. 想俾人鬧咩！
個新學生好乖架！我仲覺得佢好有潛質添架！嘻嘻～等我好好咁栽培你啦～
家欣九點九先起身，一路行返新時代一路食包做早餐，佢都幾快手！俾著我實唔得
放學買左ｄ冷，唔知呢，好似會織上癮咁！
今次織俾阿哥啦！自己都未有架！
哈哈～夜晚打邊爐呀！正正正呀～～～～～～～～～～～～～
有ｄ掛住你添^^ 不過都係唔好阻住你做野喇~
廢時又阻住人睇電視，要人錄野講電話很不好意思的嘛~~

>>February 9, 2004 at 2:06:53 PM GMT+8

2004 年 2 月 6 日 星期五 【乍雨乍晴】

星期六上晝無野做
咁就出左沙田行左一陣
都幾無目的咁逛．．
兩點又返新時代上堂，英文又玩馬拉松，你地唔厭我厭啦… 下堂唔玩得唔得？
之後都無咩特別，只係留堂同 Bling 一齊整外面塊 excellent work
你唔講起我都唔多留意喎~ 我地真係未試過一齊去完成一件 artwork.. 新時代真係俾左 d 野我地^^
雖然遲左成差唔多三個鐘先返屋企，又遲左成個鐘先返去食飯，但係我無後悔留低做野喎～
因為同你做得好開心囉！老朋友係唔同ｄ架！！

>>February 9, 2004 at 1:57:41 PM GMT+8

2004 年 2 月 5 日 星期四 【颳風】

終於起到身返八點半
無走氣概呢兩堂~
氣概堂真係唔可以走架！
之前我走左幾堂，今日要交既功課就攪到唔識做喇..
如果有上堂又有碌屎的同學仔就一定會識做，但係我真係差好遠囉.. 睇圖都未識呀！陰公！
咁就趁上堂中間個 break 走去前面問收稅，不過都唔係好明
是但喇…… 交左先算.. 考試應該無咁深又未必考呢幾題既，之後唔好咁易俾自己有藉口走堂就得啦～
落左去 ELB 同 Nancy, 阿珠, Winnie, 嘉欣一齊睇 ROM 帶，oral feeding 餅帶真係好無聊，超多反面教材笑死我地
Nancy 扮晒柏金遜病人，一路發癲一路俾我同 Winnie 做 ROM~
真係未試過同咁癲既病人做野~~ 咁癲既病人要快 D 康復先得架~ 而家床位咁緊張，你唔乖就可能俾我地擲去訓街架喇！
仲諗住可以去ＮＡ食晏添～結果都無去果度食，落返去本部 FRANKIN 食左個煎魚飯套餐，仲撞到 Eva 酙水添~
終於唔係十年都唔見一次啦^^ 其實我地可能或者可以好機玄巧合既情況之下都幾有緣架~~
食完野行落去上體育堂，差少少唔記得左交氣概功課呀！我做得好艱辛架..
幾經轉折 2:30 先落到去夏鼎基，咁凍又病病地就唔換衫直接入去同阿 sir take attendance，然後又坐埋一邊睇人打波喇..
可能隻藥真係加重左好多，我坐係球場旁邊地下都可以釣魚，繼而訓著…zzzZZZZ
上完體育就趕出去沙田還書，今次呢兩本我同 Nancy 都無用過既書又罰左十二大元！
返新時代，見到我阿哥既朋友 Brain，佢係我介紹入去新時代教既
但係攪笑野就發生左啦！黃生叫 Brain 出黎見一見我之嘛，Brain 竟然好陌生咁問我點稱呼…….. 不是嘛……><
黃生第一返應就係叫佢唔好扮野！我就即時笑死左！
雖然或者係好少見，但都不至於認唔到卦？！！黃生仲要好抵死咁指住我話要介紹個靚女 miss 佢識… 救命... 個個都癡線架…..
臨走時影印食左兩次紙，好驚俾黃生鬧，好在都無事，黃生仲好熟手咁整返掂部野
同 Bling 家姐一齊走，不過搭唔同車，可能佢去街街卦～
今日好似無想像中咁凍喎~

>>February 6, 2004 at 2:19:03 PM GMT+8

2004 年 2 月 4 日 星期三 【乍雨乍晴】

今朝起身又係好累
上晝上堂都無點訓架
但下晝就失守左..
Ann Shiu 上晝上堂呀~ 講下 health promotion, prevention 之類既野咁啦~
佢話今日無 tutorial，但到左下晝先知下晝照舊，只係上晝無咋！俾佢昆左添…….>食完飯食埋藥，下晝累累累……. 眼皮根左都打唔開喇..
Lisa 一路講，我就一路釣魚，釣下釣下就梗係眠下眠下啦！咪即係訓著左囉！
今日教左沖涼呀~ tutorial 又五點鐘放左~ 真係好^^
小千好唔舒服喎.. 唔知佢聽日會唔會上體育呢？其實我自己都唔係好想上，因為至怕咁凍天時換衫！
派左南丁格爾手記呀＠＠好似好正，得閒就睇下先得～
ＮＡ搶我地頭啖湯今日宣傳賣情人節金沙花呀！！
唔得！我地要諗諗計，攪攪仲正既野先得！我地 SHAWCARE 一定有又正又靚既福利品出售架~~~~

>>February 6, 2004 at 12:37:38 PM GMT+8

2004 年 2 月 3 日 星期二 【暴雨】

又係凍到痺左….><::..!!
天氣又凍又落雨
就好似雪上加霜咁凍!!
九點半俾媽咪叫醒左，其實我都訓左九個鐘頭，但係醒果下都仲係好累好想繼續訓落去唔願起身
星期三又係兩點幾先有兩堂 physic. 上啦～真開心！
咁鬼懶訓架～人地上左車你就仲訓緊！仲要唔打俾你都唔識醒喎！
哈哈～食完早餐無耐又食晏～好在晏晝果碟飯唔係食左好多～應該唔會導致嚴重後果既
食完藥真係超眼訓囉！坐係拉記忍唔住要眠一眠，一眠就眠左半個鐘頭，坐多一陣就夠鐘行過去 MMW 上今日果兩堂
唔知係眠左一眠之後精神左，定係見完人開心左呢？
呢兩堂我都無訓到架！就算又唔記得帶碌屎都有自己寫野，好 “留心” 上架^^ 我係咪好乖呢~~ 少有架！
放左學就去新時代，其實麻麻想去咋！
一入到間房簡直嚇呆左喇！癡線架！一間房咁多學生！！佢地一個二個坐晒係牆邊既台好似面壁咁… 有些少攪笑囉..
呢個時段都幾忙，個個要睇功課，又要問書問生字，得閒又要同佢地爹幾句
卒之攪到黃生入黎，我都未睇到一個人既功課！不過佢無話我既，佢都見到我應接不暇啦！
但係我諗我唔會去咁多日咁多個鐘囉！傻架咩……. 價錢又唔係吸引.. 點會留得住人先得架？？
好開心收第二個書法學生呀～～
佢係讀胡素貞一年級既何智康男同學仔～佢好乖，好肯寫字架！我話可以抖下先再寫，佢都無停到繼續寫字呀！
相比起其他補習既學生，書法既學生係最乖乖的！！
份氣概功課又話睇碌屎就識既… 但係我果幾堂無上到而家唔識做呀……. 星期五交喎.. 點算？
黎緊星期日電視播 JOEY 演唱會呀~~~ 有時間一定要睇啦@@~~~~

>>February 6, 2004 at 12:34:46 PM GMT+8

2004 年 2 月 2 日 星期一 【乍寒還暖】

今日又凍返啦……
個鼻又不停咁流鼻水..
朝早睇牙醫，晏晝睇西醫！
其實牙都睇得幾快，檢查五分鐘就出返黎就見到曹宏威又係睇牙，d staff 全部對佢都好恭恭敬敬~
後洗牙都好快呀~~ 佢就話我 d 牙好乾淨喎~ 或者只係佢求其既，又係好快走得
我尋晚傻左昆左 Nancy 問佢借 anat notes… 其實我係想借 physi 囉！
今日衰鬼黎坐堂呀～不過佢遲左到中大最後都無上到
但係好彩有衰鬼！因為我連堂直踩無得食晏好好好好好好好肚餓！打電話叫衰鬼幫我買野食^^~~ thx thx ar~~~~~~~
下次要逢星期二朝早買定個包包放學先得！！！
小千今日又無上籃球喇.. 唔知係咪又病左呢???? 小千要小心身體呀~~
著短衫短褲上堂真係好鬼死凍呀！兩隻手都凍到紫晒！好肉酸…
晏少少又去 clinic 睇醫生，今次係趙醫生，覺得佢好好人，因為佢主動問我使唔使上體育堂，叫我病就唔好上
不過太遲喇．．．我就係岩岩上完先黎睇醫生！早知就今朝睇牙順路睇埋醫生啦！
佢話開勁ｄ藥俾我，支藥水由至難飲既黑色轉左做紅色呀～
太好！唔使飲至難飲的咳水～佢仲開多四日上次食開果隻藍色消腫藥俾我，我ｄ腫唔係咁勁嘛…….
佢仲好千叮萬囑叫我飲多ｄ水唔好捱夜添～
成日都好累呀… 或者 Nancy 都講得岩，我地尋日要適應新工作環境，所以個個做完野就累到而家仲累緊
*∩=+=∩*
(~．.．~)
(　@@　)~* 希望下個星期唔會咁累啦

>>February 3, 2004 at 11:27:01 AM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28010

Design & Scripting by ShowHappy.Net