2004 年 1 月 21 日 星期三 【乍雨乍晴】

大年初一
恭喜發財呀！
七點半就俾媽咪叫醒準備拜年
第一封利是當然係爸爸媽咪啦～兩個都祝身體健康！因為呢樣真係好重要
今日係一連串的拜年行程
首站係茶果嶺姨媽，姨媽今年好大手筆俾左我同阿哥好大封利是，收得我唔好意思..
出返觀塘就打電話俾瑪莉去佢地果度啦！
哈～入到去瑪莉屋企，估唔到瑪莉同我講既第一句話竟然係生日快樂！
多謝你^^ 新年仲要返學校考試，辛苦你啦～俾心機讀丫！祝瑪莉同良東都學業進步！
之後返一返屋企就入馬鞍山三伯屋企，同文叔慰叔表姐佢地食菜茶
又係食得好飽呀～仲食左好多粒大大小小的湯圓，係伯娘同表姐岩岩新鮮整出黎架
九點幾返到屋企啦，我好飽，所以無同爸爸媽咪阿哥一齊再整少少野食啦
問伯娘借左十號織針，但係太粗唔岩織，織出黎好醜樣呀..
要拆返晒佢，聽日要問下阿連織完未先得，我諗都係自己私家織針最好織架啦

>>January 24, 2004 at 5:37:08 AM GMT+8

2004 年 1 月 20 日 星期二 【乍雨乍晴】

年三十啦~
羊年的最後一日@@~
聽日就係猴年既大年初一
好開心出左去行維園年宵，係我咁大個女第一次行花市咋～
見到好多得意賀年貨品，仲有好多擺明唔係賣賀年野既攤位，還有倒董的橫額
對靚靚新鞋俾人踩左好多腳，污糟晒啦．．．
有個叫做型男型女賣公仔既攤檔，仲有好多電視台去拍野，希望無攝左上鏡..
等左好耐拍野既人都未走，所以行左其他地方先啦～轉頭先再睇買邊隻公仔啦！
去行花市買到野有幾出奇丫～得意既野不嬲都係來者不拒架啦！
諗左好耐要藍色定係紅色果個公仔，兩個都靚好難取捨
最後都係要左紅色，sharp 嘛~~ 好鍾意^^ 咁大隻可以攬住佢訓覺添架~
呢個公仔係新曆一月二十一日出世啦~ 農曆就係二零零三羊年十二月三十，係男仔黎既~
行完年宵就去行下圖書館，今次終於行晒咁多層啦～
要返屋企再食唔係約齊所有親戚既團年飯，七點先返到去，媽咪又係電話騙我佢地食晒ｄ野啦！
返到屋企，媽咪見我攬住個公仔返黎就話我咁大個人仲買公仔.. 佢得意嘛！靚嘛！
年卅晚好多野食呀～傳統要有餘嘛！多到張台都放唔晒ｄ野食呀！
食完飯食士多卑梨同湯圓，好飽！呢個新年有排俾我肥啦＞＜：．．
表姐今晚同我孖舖，張床唔係好夠大呀！成晚醒左好多次，訓得麻麻咋..
孖舖，無得攬住個仔一齊訓添～

>>January 24, 2004 at 5:35:49 AM GMT+8

2004 年 1 月 19 日 星期一 【乍雨乍晴】

哈哈~~~
今朝同 Nancy 一樣地頹呀^^
大家都十分之輕視 anat..
十點左右Nancy 打俾我話出左成績，又話我知今日係認屍
所以我唔理十點半的認屍堂，即刻開機上網睇成績喇～真係好心急架！條頸又等到長左幾廿尺喎！
膽戰心驚咁開 email，全部都係Ｂ同Ｃ，無Ｄ架！但都無Ａ喎～唔緊要，但求碌得過之嘛^^
Nancy 好叻叻呀~~ 拎到咁多個Ａ同Ａ-，梗係你ＩＡ講野兜得好啦！
可以同個EXAMINER 鬥癲喎！唔係個個都癲得起架～～
ＩＣＱ完一輪，就約埋 Nancy 一齊返中大上餘下的自助認屍 Anat 堂~
今日好凍好凍呀！仲要有雨添呀！ Nancy 著左件大褸好暖啦～
早知你著我又著啦！應該通知我一齊著嘛><..
我地去到ＢＭＳ有好多同學仔迎面而來，因為佢地認完屍走人喇，我同 Nancy 就反方向入去解剖室囉~
不過今次都好快認完啦~ 跟住就去上氣概，收稅又同我講生日快樂，多謝～
好唔想上體育堂，但係要 take attendance 就要頂硬上啦..
天寒地凍我都無點換衫，就咁著左件ＰＥ衫上面＆換條褲就算喇～
今堂拍左一陣波就俾我地分組比賽，係打茅波架！因為佢未教我地比賽規則嘛@@~
我果組贏左呀～仲要係三比一添架！係咪好叻叻呢～不過我無份入波之嘛>上完堂就去左ＣＣｃａｎ食野，因為我未食晏架！
食左個雙菇湯麵下午茶餐，飲埋杯熱 holic，好飽飽呀～仲舒服左好多添！
四點逸安護開會，係去ＥＬＢ六樓電腦房齊齊睇成績
Nancy又晒命啦！！！！係咪要我地開會討論一下點解 Nancy 問漏一個 pattern 都仲可以拎 A- 呢？？
之後五點半成班ＳＨＡＷＣＡＲＥ人就操去ＳＯＣ房俾人咨詢啦～
開頭有少少驚，因為Ivy 同高敏問我地上莊既目的係咩，但係我地無人答到佢呀
好在後黎阿史都叫做答左好行的 model answers 出黎頂住先……
之後主要都係佢地俾意見我地
我覺得 Ivy 好好人，好多時高敏問我地野，佢會護住我地幫我地答架！多謝晒你呀～
咨到六點幾七點就咨完，係好和平融合既氣氛之下完結架～
嘩！！一出到外面個個都凍到死死下呀！
我仲發覺自己今日己經習慣左縮起兩個膊頭行路，實在太凍呀嘛….

>>January 24, 2004 at 5:35:09 AM GMT+8

2004 年 1 月 18 日 星期日 【乍雨乍晴】

半個生日係大埔醫院度過
廿歲女啦……@@
呢次係我最難忘既生日
今日極之寒冷！但係要出醫院就要五點半起身，六點三出門口喇！
出面真係好鬼凍呀─────＞好似無論著幾多件衫都唔會覺得暖咁..
好在阿連今朝唔係好似上次咁遲大到要我食風咋～仲開口第一句就係同我講生日快樂，咁就算你啦＠＠
Hayama 同阿連送左隻豬仔同粉晶吊嘴俾我，好靚好鍾意架～Hayama 上年都係送豬仔俾我架~
今次唔係一去到醫院就俾我地食早餐，好多同學仔都暗裏埋怨肚餓～
不過我無肚餓架～因為爸爸今朝特登早過我起身烚左蛋俾我食！媽咪都起左身第一個同我講生日快樂添^^
點都唔似上個禮拜一咁樣，要到我開門出去先識得醒，仲要以為我岩岩起身
今日係醫院真係好驚，好驚今日俾人鬧….
總之成個人都處於極之緊張既精神狀態，尤其 Doris 今日好似周不時係我身邊出現睇我做野
我地呢組今日做野真係有少少亂，分配工作有些少問題
所以四個人俾某某好大聲咁鬧左一餐.. 好彩佢無同我有眼神接觸，否則我會仲驚
成日最有成功感就係同 Nancy 夾手夾腳幫左個 patient changed napkin
雖然我地好笨手笨腳，但係都算新的嘗試嘛～
亦都好在個 patient 無發脾氣好有耐性任我地兩個舞，好跟我地既指示咁 gut 起個 pat pat~~~
Doris 又睇我 take vital signs，又係好緊張，好驚做漏野會俾佢鬧到喊嘛..
好在只係俾佢話我 take BP開頭要包得快 d，但係都做得好 accurate 同埋好跟 procedures喎^^
佢一句話咋！即時令我放鬆左勁多！又開心左好多～
今日遲食早餐，所以早少少 post conference，亦都早少少放我地走，兩點幾就拉隊去換衫～

開頭真係有少少不悅..
但係知道左苦衷真相之後，就好開心好感動，兼有內疚既感覺
我唔係唔講理既人架嘛～有理由有原因，就會識得做分析做判斷去衡量輕重架～
有正經野做就梗係要做左先啦！以後都唔准冒咁大險或者作咁大犧牲呀..

對唔住~~ 我唔會忘記呢晚所有既野！
因為佢地對我黎講係好重要好特別好感動好難忘.. 令我有好深既感受架^^
有人咁錫我喎~~ 仲想點呢？^;^::.~.

今日收到好多老朋友既生日短訊同禮物，係呢度一次過多謝你地呀～
睇左 <<最後武士>>，好精采！好一個美國總統呀～

>>January 24, 2004 at 5:40:42 AM GMT+8

2004 年 1 月 17 日 星期六 【晴】

今日天氣好凍
仲有些少雨
令到天氣凍上加凍
今次我準時返新時代架~ 不過家欣比上次更遲先到，十點兩個字先到
幾驚佢唔返呀！因為我都準備左新年禮物俾家欣，禮上往來嘛～
同上個禮拜一樣，又同家欣玩佢個筆袋同文具～
佢個筆袋係一隻粉紅色既熊仔，我地用擦子膠當枕頭俾熊仔訓覺
仲要話佢一日訓十二小時，另外十二小時用黎打機，訓著覺又可以食野
咁岩我地又有一舊漢堡包既擦子膠，咁咪順理成章變左個熊仔既食物
我仲拎埋自己個水樽出黎同佢玩，因為個樽有個笑臉，樽蓋又有個喊包樣
當家欣扮鬧鐘響，我就俾樽蓋喊包對向佢，仲扮聲扭計話唔要起身
當家欣拎個漢堡包擦子膠埋黎，我就轉用水樽笑臉對住佢，仲要話個漢堡包好好味呀～
哈～～真係好耐無玩呢類野，雖然好似十分之低能，但係玩落又好鬼開心架！
下晝有少少毛毛雨，好凍！！！！！
希望聽朝唔好太大風，如果唔係我實會凍死！（烏鴉口．．．）

>>January 20, 2004 at 2:24:47 AM GMT+8

2004 年 1 月 16 日 星期五 【乍雨乍晴】

上晝唔使返新時代
出左沙田
再去旺角行左一陣街街
終於買到鞋，新年有新鞋著啦！仲要有啡色添！恨唔到架＠＠～hehee.有$$都買唔到呀~~!!!
買完已經一點半，要衝返第一城上兩點鐘既堂呀！！
周圍既廁所都超多人，攪到我唔可以坐定定咁食晏，要去大家樂買飯盒上巴士食
不過諗諗下我又好似係第一次買飯搭車食喎！仲要企係度食，好危架～
衝到新時代已經兩點三，好在學生們都無所謂，仲唔要我補返時間俾佢地添
今日收到第一份生日禮物，係由老朋友 BLING 送架~~仲要係驚喜添呀！
咪就係我上上下堂， BLING 同碧怡走左入黎，其實佢地走入黎已係見怪不怪的事，所以初初都不以為意
碧怡不停撩我講野， BLING 就企係一角唔知攪咩
後黎我覺得唔係幾對路，開口問 BLING 做緊咩，就係呢個時候佢拎住兩件插左蠟燭既蛋糕擰過黎
真係好開心呀！雖然 BLING 一早講過佢都會俾返個生日驚喜我，但係我無諗過會係呢一刻
毫無心理準備既驚喜令我好開心好感動，多謝你 BLING...
你呢份禮物我真係收得好開心..
仲有你（等到我只有兩日就廿歲先..）..送俾我既十八歲生日禮物，我都十分十分之鐘意
唔係講笑，個人越大就越鐘意有心思既禮物
親手做既相架，仲要咁靚..
真係好感動可以收到呢份禮物，仲好開心有你呢個又老（雖然你仲年輕我少少~）又好既朋友..
我相信我地既友誼真係可以有無限既壽命架@@~~
放左學同阿哥一齊搭車去西貢文叔屋企食盆菜做團年飯
咁岩係鑽石山撞到三伯，咁就同佢一齊三個人搭九十二路巴士囉
我講起堂細佬今日生，身為佢爸爸既三伯竟然先至突然醒起豐盛生日！
不是嘛…><！豐盛是你的兒子呀………….
三伯既解釋就係豐盛唔係身邊，所以唔記得左，或者會卦？
唔知豐盛係澳洲多唔多同學同佢慶祝生日，而且又會係點過呢？
團年飯個盆菜好大呀！六百六十八蚊足十至十二個人食，我地十三個人都食淨四分之一，都幾抵喎～
食得好飽呀！仲飲左碗幾清補涼同幾粒士多卑梨同木瓜，全部都好甜好好味！
坐慰叔車十一點幾就返到屋企，阿哥無位坐，要自己搭車返，結果遲我地差不多九個字先返到黎！
嘻嘻～個個親戚都話我個樣大個女左，又話電左個頭好靚好好睇＠＠～
不過我都差不多成年左兩年，大個女左少少都係算應該既~~ 唔通長不大咩！~
琴表姐仲話想我帶佢去中環間髮型屋整頭髮，不過要等我得閒先喎..
可能要新年之後架……. 等等先啦~~
家姐原來之前都有電過曲髮，但係佢一個月已經唔算曲髮，所以唯有拉返直佢
咁我電左兩個幾三個月仲有呢個波度咪算唔錯？

>>January 20, 2004 at 2:23:36 AM GMT+8

2004 年 1 月 15 日 星期四 【晴】

又係唔想起身
之前話左唔會走氣概堂
今日都走左半堂
上八點幾既第一堂真係好危呀！冬天真係好唔想起身架嘛.. ICS204 又難搵喎..
收稅係今年第一個人同我講生日快樂，多謝你咁有記性^^
仲要係我趁 break 眠一眠既時候突然走過黎叫我，同我講生日快樂～
上完兩堂就同 Nancy 去 ELB 做 lab practice，好多笑料囉～
我地兩個輪流訓上病床扮病人俾對方度血壓，仲要成日擺明玩野
之後練 napkin 又玩，摺飛機床時我又攤係病床，完全無應有既 professional 可言..
一點鐘又落去 ELB LT2 同 year 4 師兄師姐宣傳我地 shawcare 逸安護~~
佢地反應都幾好喎~ 仲叫我地放段宣傳片上去 webct
咁如果我地燒碟你地會唔會支持我地，買多幾隻保值先？～
係既話我地拍埋續集在所不辭架～咁好賺喎！我地個莊的確擺明發錢寒架啦＄＄＄＄＠＠～
作病好辛苦，所以去左 clinic 睇醫生
佢俾得好少藥，隻藥仲要未見過既，但係我只係普通傷風感冒，唔使出動騎呢藥俾我架喎..
六點就去新時代替黃生同學生們補習，原來這種補習係咁他條架！
淨係幫學生睇功課，之後就同佢地玩埋一份，不過可能黃生在場就唔會咁玩既
八點鐘返屋企食病人應該食的白粥..........

>>January 20, 2004 at 2:21:57 AM GMT+8

2004 年 1 月 14 日 星期三 【晴】

今朝又唔願起身喇！
好在都趕到九點一果班 83s
所以無遲到架~~~~
搭火車又撞到 Nancy，仲撞埋 Seasea 添呀~
原來 Seasea 都係住大圍，以前讀沙循架！沙循都有成六個人入左黎 cu nursing~ 真係唔講都唔會知
晏晝成班 shawcare 莊員一齊食飯，先知阿史以前係讀沙官，又係大圍人啦～
大家食飯又講左一大堆白癡野，真係好好笑呀～～
year 1 同學仔都幾好笑丫~~~~~~~~ 可能大家識大家，所以笑得特別落力
今日都幾好喎～知我地下晝飯氣攻心唔使上 tutorial 呀~~~ 三點半就走得人啦~~~~~~~~
咁就有幸一睹李天命既風采~~ 但佢個樣比我想像中差幾遠喎... 咁鬼瘦削既.........
雖然只係聽左佢半個鐘頭，入面都已經有好幾個笑位喇～
如果抽左呢幾個笑位出黎單獨咁睇，又未必會笑，只有好留心咁聽先會懂得全場爆笑架！
半粒鐘識左思考三式～釐清式．辨別式．開拓式～～～
頭先撞到林裘謀師妹 Tammy ，佢話我靚左！咪傻啦！而家作緊病呀！殘左就差唔多..
岩岩睇完隻 << 死神又來了 >>
媽咪唔提都唔記得左，原來我年年卅晚都會咁岩病重睇醫生....
今晚要早訓，希望聽日唔好病得更厲害，我唔要又再年卅晚睇醫生呀！！

>>January 15, 2004 at 1:45:35 PM GMT+8

2004 年 1 月 13 日 星期二 【晴】

阿史有無攪錯呀！！！
大家幾難得有一日 day off
竟然要人地特登返中大做宣傳呀－－－－！
一點未到，我就返到去 ELB，但入到去只係見到阿史同埋岩岩入去既鮑魚，可謂人丁單薄.... 可憐！
一點二，有幾個 YEAR 3 既師姐想入黎，但係見到我地坐左係度就俾我地嚇走左，以為入錯 hall
之後要阿史恭迎佢地先敢入黎咋！
而我地其餘莊員要一點四先入黎（咁遲架！阿史無聊到要整遲到就罰錢既 powerpoint 喇！！
播片，year 3 既反應都幾好喎~~ 有幾幕都全場爆笑呀！唔錯唔錯！！
佢地仲叫我地放個宣傳片上去 webct＠＠～～～
咁不如我地燒碟賣俾你地賺返筆，反應好的話開埋續集又點話丫～
返左中大一個鐘又同 Nancy 出左沙田搵 sponsers 同埋本地遊既資料＆福利品靈感
原來我今日又食左好多好多野，食左五餐呀！
當中仲包括左兩碗飯前同飯後食既番薯西米芝麻糖水添呀！
一日睇左兩套戲～～～
<< 百份百感覺2003 >> 同埋 << 死神來了 >> ，等我聽晚睇埋 <<死神又來了>> 先！

>>January 15, 2004 at 1:17:23 PM GMT+8

2004 年 1 月 12 日 星期一 【晴】

又係提早九點半返去準備宣傳
不過都 "爭取" 到時間去 med can 食早餐~
下次記得要去 snack bar 食二號餐喎^^
上完 Anatomy 要繼續上堂呀！所以唔可以同大家一齊去 year 2 播片
我好想睇下佢地睇片既反應架！因為入面有 Ivy 出鏡囉～
上左氣概就行落去體育館上籃球，好在呢堂早放，所以我仲換得切衫去上籃球
籃球教左好基本既野－－－－＞拍波，帶波，仲有點樣用自己個身去防止人地搶左個波囉～
其實都唔係太難丫！只係圍住自己拍會甩左個波，之後要追返佢之嘛！不過好多人都係咁啦！所以我都唔係差架喇～
食左份早餐好飽，所以無食晏晝，三點幾四點果時都幾肚餓架！但都等多陣先食囉～
去左大家樂食西多士同埋熱木瓜薑蜜（幾好飲架～因為唔係太甜，岩晒越黎越肥的我啦！）
本來諗住夜晚睇下上個禮拜既 physiology notes，但最後都無睇，因為太頹了～

>>January 15, 2004 at 11:15:00 AM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28010

Design & Scripting by ShowHappy.Net