2004 年 1 月 11 日 星期日 【晴】

嘩~~~~~~~~~~
今朝真係好早起身呀！
五點四個字（仲早過個鬧鐘響）就醒左啦！
都唔知點解架！今朝好似特別天寒地凍咁架喎！
淨係企係個巴士站廿分鐘左右等阿連落黎一齊搭車，已經凍到我想死喇！！阿連下次唔好再遲到呀~
查實我都幾白癡囉.. 俾一個伯伯誤導左我，陪佢企係個七點二先有頭班巴士到達既巴士站等巴士...............
今朝返到去醫院換完衫就成組拉隊去左 CANTEEN 食早餐，我食左皮蛋瘦肉粥同埋熱奶茶
我地組逗留係個 CANTEEN 既時間比其他組少呀！感覺上好似蝕左咁～
轉左 WARD 上左去 4CL，入面既 STAFF 真係好人好多好多呀～又有禮貌又好肯教好肯幫我地班一年級生
執床，take vital sign，change napkin（其實係睇咋＠＠）
仲有餵食飯（但係個伯伯唔舒服成日咳同有啖，食左幾啖就嘔返晒出黎，之後又唔肯再食呀.. ）
原本想做下 ROM 架！但係真的没有時間，下次要好好咁計劃定先得！仲要 book LAB 返 ELB 做 Practice
總括黎講今日雖然係亂左，但總好過駐係 3CL 囉.. 感覺都完全唔同既..
Nancy 唔好太緊張啦~ 要放鬆一下！你瘦左好多，要小心身子唔好自虐身體俾沙士有機入侵你呀～
如果你想的話，我大可以做你既聆聽者架～
話晒你都係我地最體貼的內褲
SHAW CARE WE CARE !! NANCY CARE I CARE !!
I AM ALWAYS SUPPORTING YOU~~~~~ ^^

>>January 12, 2004 at 1:03:21 PM GMT+8

2004 年 1 月 10 日 星期六 【晴】

今朝唔願起身呀..><::...
鬧鐘八點半響
但係我九點鐘先勉強起身*;*~::..
所以遲左少少返新時代囉~ 好彩家欣都同我一樣，我地齊齊遲到呀～
家欣仲帶左份新年禮物俾我，係一個好大罐既雜錦餅餅，多謝家欣同家欣的爸爸媽媽呀^^
諗住放學後直接出街，不過因為份禮物，所以要返一返屋企放底佢先再出去啦
果然好快手喎！一個鐘頭唔使就由訓醒到搭車過到黎～
晏晝食韓燒，但係非常十分之不幸地我杯茶有一隻小強浮面囉................><..
好在我掛住睇餐牌無飲到杯野咋！如果唔係，成隻野入左我個口就真係唔知我會有咩超激反應！
食完野就去行海港城同理 LCX 喇~~
其實入面既衫都幾靚架，但就係差左果種一見鍾情，亦都欠奉一定要買左佢既衝動同埋購買慾
雖然自己無買到野，但感覺今日整體上都唔差架！
份下午茶餐又幾好味丫～～食下食下原來我都食左唔少架！減肥... 拜拜了.................

>>January 12, 2004 at 12:33:10 PM GMT+8

2004 年 1 月 9 日 星期五 【晴】

今朝返左中大 reg PE
係今個 sem 既第二次返體育館 reg PE......
唉～都唔知係咪玩針對架！！
提早返去係有著數少少既，早到早揀，自然著數少少啦～
雖然都係俾我超額入組，但超額都要有個譜嘛！所以都係入唔到羽毛球或者壁球
其實壘球都可以俾到我架！但佢係星期六上堂呀.. 最後就係要左星期二同五上堂既籃球
都好啦~ 唔使星期六特登返中大上堂嘛~~
不過自己真係一個籃球白癡黎架喎！罰球可能連籃框都掂唔到，走籃又唔知會走左個咩動作姿勢出黎.....
睇怕都係要惡練返黎先可以碌得過啦！仲要靠埋考試時既運氣呀～
講起考試，可能我地要等 professors 十六號 board 完先可以睇成績喇...
人地 med. 已經係例遲同最遲，但而家人地都出左喇.. 就係我地仲未出囉...... 嘜咁樣對我地架><..
reg 完 PE 就上去李卓敏交保險費同 form
下晝返去新時代派相啦～我返工時，Miss Choi 岩岩可以放工走人呀..... 真大對比
點解堂堂都要問我同一類問題架？咁細個就咁八卦點得架呢！
因為唔可以助長八卦風氣，所以我係唔會答呢類問題，更何況我係黎教野唔係黎俾學生審問嘛＠＠
唉！班馬騮又係叫我教埋補習，傻架！補埋的話我仲有時間做私人野既！
唔知點解，今日好似特別多人請野食呀～
有的嗒糖啦，香口珠啦，雜錦夾糖啦，朱古力波啦，自己又買左雞蛋仔返去食喎！
總之今日好雜食啦！
放學撞到阿哥，咁就一齊去許留山飲野，之後佢返教會我返屋企喇~~
我覺得黃生今日好似有少少黑面，講野語氣又唔同喎..
唔會因為今朝得咁少學生返掛？？！！其實學生返唔返又唔一定關我事架..
陳太都話好多時都係扭計唔落黎之嘛.. 不過今堂唔係我上堂，實際情況我就唔知，下星期等我睇下先
諗諗下又可能係其他學生考試都唔肯溫書，先攪到黃生激氣黑面..

>>January 10, 2004 at 1:58:17 PM GMT+8

2004 年 1 月 8 日 星期四 【晴】

今日返頭兩堂大通
原來都幾累架....
所以臨落堂廿幾分鐘訓著左囉><:::..
<<氣象學概論>> 簡稱 <<氣概>>，上左兩堂覺得呢科好有趣呀＠＠～
遲下可能日夜都會仰望個天，日間睇雲，夜晚睇星！
係咪真係會咁勁識得睇架？上三個月堂咋喎！
靈ｘ風都係三個月學懂一種外語之嘛！有無可能三個月教到咁多野，仲要令人咁有興趣架？？
等我呢三個月完全唔走氣概堂，仲要超留心上堂學野，拭目以待先得~.~
上完堂就搵 Nancy，因為要俾個逸安護 logo 佢拎去整襟章，辛苦晒你呀～我們最體貼的內褲＠＠
Nancy 織緊條好粗冷的頸巾，唔知阿邊個有無幸收到呢條靚靚溫暖牌呢^^
同 Nancy 食完野就各行各路，佢去上書通，我去交信..
因為我 23/12/2003 既 orientation day to the nethersole school of nursing 早走左
仲以為佢唔會 take attendance，開完會就同 Jessica 走左去行街街，點知佢下晝又take 喎！咁就 "領" 野喇..
搭火車撞到芳姐，原來佢地都知 NRS year2 那件事呢.. 佢又講左佢地 professor 件事我聽~
其實唔只撞到芳姐，仲撞到 Paupee，佢話離好遠都認到係我，果然係一齊上左成個學期體段喎～
三點鐘去左 Monqiue 度，我又有一條 Amaths 唔識..........
不過好在我本 notes 仲健在，咁岩我當年又有做呢題，咁咪打返電話教佢囉~
唏！一樣之嘛^^！！

>>January 10, 2004 at 3:27:31 AM GMT+8

2004 年 1 月 7 日 星期三 【晴】

二零零四年一月八日
第二篇無奈日記..............
鬼咩！而家仲唔出考試成績！
等待既時候真係唔太好受，好易發白日夢或者魂遊左去第ｘ空間 +.+::.
下晝趁 break 同Nancy & Jessica 走上去六樓 check email，結果只有書通文明語精，NRS 竟然一科都未出 !!!!!!!
落返去繼續上堂，但原來大家都不約而同地好記掛考試成績，完全上唔到堂個腦一片空白！真好笑..
快少少出喇！唔好要人驚咁耐得唔得架..........？？

>>January 8, 2004 at 12:31:29 PM GMT+8

2004 年 1 月 7 日 星期三 【晴】

早上
八時三十四分
仍然未出考試成績....
其他人都出晒，點解醫學院就係咁慢架？？
捕左咁耐都係睇唔到呀！＞＜::::...

>>January 8, 2004 at 12:35:26 AM GMT+8

2004 年 1 月 6 日 星期二 【晴】

今朝傑仔落黎幫我整電腦
整左好幾個鐘頭呀......
最後都只係 format 左部機無攪上網
電腦野都係好麻煩既野，少少野都可以攪超耐，不過而家唔使 hand 機都算做左野丫~~ 唔該晒傑仔呀^^
勁快速咁扒左幾啖飯就衝出門口趕返中大上堂喇！
二點半先上校巴呀！想唔遲都唔得啦！
既然遲到就去 med can 買杯奶茶先上去 MMW啦~（其實想睇下蛋糕仔出爐未＠＠）
第一堂 Physiology 就咁鬼難既.. 連有讀 AL Bio 既 Nancy 都攪到好迷茫咁，咁我點算好呀？？
上堂前食唔成蛋糕仔，落堂專登行過去買黎食～其實唔係肚餓只係口痕同有癮咋^^
睇黎我都係好為食架啦＞＜！減磅唔會有我份喇！增肥就一定有我份啦！！
Monique 話我上次俾佢果題數都考起左譚在能，仲有好多學生圍住睇佢計左好耐
哈哈～～譚老師今次仲唔老貓燒鬚！
搭 k11 撞到阿輝，我估阿輝都康復得差唔多啦～臉色都幾好丫^^ 體能就慢慢 train 返啦~~

┴┬┴┬┴　　珍惜友誼　┴┬┴┬┴┬┴┬
┬┴┬┴　在繽紛的塵宇中　┴┬┴┬┴┬┴┬
┴┬┴　　　妳我相識　　　┬┴┬┴┬┴┬┴
┬┴　不管是一次偶然的相逢　┬┴┬┴┬┴
┴┬┴　　或是成為永遠的知已　┬┴┬┴┬
┬┴┬┴┬　　我都一樣珍惜　┬┴┬┴┬┴┬

>>January 7, 2004 at 1:29:48 PM GMT+8

2004 年 1 月 5 日 星期一 【晴】

九點半返到 MMW
仲以為自己係最遲那個
原來係最早呀~ 真開心^^ （Nancy 就... >今次拍左阿史同 Winnie 做新聞報導員~~ S3三個男仔就負責在旁配音（即係新聞既 do doo 聲~ )
應該呢段特別新聞都幾好唔錯既~ 仲有些少花絮，就係阿輝同阿 Sam 入左黎準備上堂所以入左鏡@@
我今堂 Anatomy 都幾好精神狀態架~~ 除左有三段遊雲出神之外，其他時間都留心上堂架！
認屍之前睇左 Anat.考試成績啦！合格左呀！！Nancy 都合格，仲開心到鍚左我一啖~
Nancy, 記得下次 Behavourial 合格就要鍚埋另一邊面啦^^（記得今次係右面，下次要左面喎＠＠）
第一次上氣象，嘜 SC L4 咁難搵架！又唔係可以直接上去喎！！今堂撞到收稅黎左 sit 堂喎~
今堂係講 course outline，聽落好似好正咁呀～我諗我唔會 drop 呢科啦！真係好期待呢科真正上堂呀！
心理學呢，開頭聽落都覺得自己唔會放棄呢科，但後尾又覺得好似難難地咁喎..
又有 quiz 喎.... 又要買書喎........ 但佢只係 free elective, 唔知有無咁多時間放係呢科架喎.. 都係上埋 tutorial 先算

>>January 6, 2004 at 1:57:54 PM GMT+8

2004 年 1 月 4 日 星期日 【晴】

覺得呢個學期未必會好好咁..
第一日開學
下晝果堂....... 我訓著左..

>>January 5, 2004 at 2:21:26 PM GMT+8

2004 年 1 月 3 日 星期六 【晴】

今朝出門口竟然撞到不知不覺消失左既人
唔願見到佢，所以無望佢而家係咩樣
我唔要再見呢個人.. 太噁心.....

晏晝有幾個親戚黎飲茶，所以我返到屋企唔夠十分鐘又要換衫落酒樓霸位
佢開左間房仔俾我地，但係太僻，我部電話都收唔到既.. 或者係新世界太差勁，其他台都仲收到喎！
食飽飽又去補習喇～
媽咪催我返去飲湯呀！否則我都唔會爭在果十幾廿分鐘等埋你啦＠＠~
聽日就返學，都唔知會係個咩開始？

>>January 5, 2004 at 2:09:16 PM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28013

Design & Scripting by ShowHappy.Net