2004 年 2 月 21 日 星期六 【炎熱】

鬧鐘七點九響，不過我八點三先起身
仲要他他條條咪咪摩摩咁梳洗換衫
結果九點返到新時代，但係份早餐食得一半囉！
Sam sam 開始唔鐘意跟我指示畫公仔喇＞＜！要聽老師話先得架嘛！好在後尾都肯油顔色咋！
放學時，佢媽咪話下個月唔學，因為就唔到時間，學左一個月就唔學？有少少down 添..
不過就係我諗緊呢件事既時候，佢地行返轉頭，佢媽咪同我講都係學返呀！因為Samsam 想學呀~
同一類事總係要接二連三，跟住就到家欣爸爸同我講下個月想暫停，因為功課忙喎..
唔知點解有少少唔開心，可能係驚佢一個月之後就唔會再黎
家欣係我第一個學生，比較有感情，佢地劉家又好好人喎！我真係唔係好想以後見唔到家欣呀..
十二點幾返到屋企，第一時間就係同媽咪量血壓！
好開心呀！血壓回覆平時一樣，但就仍然有少少暈，爸爸話可能係耳水唔平衡先至暈得咁犀利喎！唔知係咪真..
晏晝又係我下廚，今次仲有媽咪睇住，整出黎既 "食送" 就梗係一定掂啦～
食完飯睇左一陣間報紙，跟住就入房設計 shaw care 福利品第一炮----------------->靚靚襟章！
我真係整得好俾心機，畫左四個幾五個鐘呀！希望凡ＮＲＳ人都必買，咁就已經係對我好好的回報黎架啦^^

唔知人地做完功課未呢？
尋晚發左個夢，係同人地一齊搭巴士見到好多好靚的雲
人地有帶相機架！但係架巴士開得太快，影到ｄ雲朦查查唔可以用黎做功課喇！
其實都係發夢之嘛.. 就算俾我影到勁靚又點丫？都唔可以帶黎現實俾我拎黎交功課既！
而當我睡醒，望向現實的天空，只見外面有很大很大的霧！連一點點的雲的形態都找不到>

>>February 22, 2004 at 12:55:15 PM GMT+8

2004 年 2 月 20 日 星期五 【晴】

諗住一點半去新時代
點知差唔多兩點先至出門口..
遲左兩個字到呀...
d 人喇 ! 成一點鐘先打俾人話要 print 野 ！攪到人連飯都延遲唔食住同人印野囉！！
一個電話攪到人地個時間亂晒龍呀！唔應該！唔應該！十萬個唔應該呀！
下個禮拜唔可以再遲到，好驚俾老細知道.... 係就死得喇！希望陳太無同阿老細講啦,><:::...
教野今日都無咩問題，不過黃生無端端走入黎同我講左三個字野，咁突然真係好驚呀！總向壞處想！
唔通要炒我？要用英文再 in 我？我有痛腳俾佢捉住左？？？今日先遲到兩個字喎..
原來唔係我既問題，係第二個人的問題
不過黃生真係好嬲呀！佢話今朝鬧左那個人一餐，好激氣呀！
攪到我都唔好意思，不過佢都好明白件事唔關我事，連件事都係黃生同我講先知咋！
放左學黃生又捉左我入去房仔講左一大輪野，黃太都有傾左一陣
黃生要我搵人入去做，希望真係可以搵到人啦！否則我驚我放唔到星期二同星期五的功輔組.><::..
我都好想出街呀！我知好耐無好好咁行街睇戲架... 真係有少少厭倦一放學就去新時代的 routine..

盡量做好自己野先.. 我會試，但係唔知做唔做得到，真係唔想唔負責任咁囉...
咁多野煩，我好想分擔，我要怎樣做才可以有更多的支持給你？

返到屋企諗住有飯食，但原來媽咪暈得好厲害，起唔到身，咁我就即時衝入房拎血壓計同聽筒幫媽咪量一量
真係比平時高左幾好呀！但又唔知係咩原因，真係好擔心又有ｄ驚，好緊張呀..
我見大家都肚餓就惟有充當一次大廚，做一晚煮手咁多啦～
哈哈～都唔錯架～
半個鐘唔使就整到三個 "食送" 出黎，開埋飯啦！ｄ"食送" 仲要同媽咪煮既無分別呢！
（"食送呢個字無特別意思，只係打唔到出黎！請勿誤會啊～～）
原來我係無準備的情況之下都可以整到餐飯出黎食喎～俾人讚真係好有成功感架！
話晒我平時係超級甚少下廚的嘛～

>>February 21, 2004 at 1:46:37 PM GMT+8

2004 年 2 月 19 日 星期四 【晴】

八點半先到達沙田搭火車
仲撞到阿連架~~
但係奶奶就遲左少少啦~~
佢地要傾 care plan，其實我都係同一組要傾埋一份的，只係我要上氣概嘛．．
上完兩堂氣概就會合老爺奶奶同埋小千，一齊去新亞睇 grad par.
NA NURSO 都攪得幾好丫~ rundown 都幾好唔錯呀~ 證明你地既十二分努力係無白費既~
三月廿六日就到我地 SHAW 啦！我地又要攪得好好睇睇！仲要係全場矚目至靚既！
一定唔頹得！各位莊員要一齊努力呀！
上完籃球陪人睇醫生，好開心可以見囉～所以遲少少去新時代都無所謂啦！我先唔志在呀！
吳哲毅今日發左癲，成日係度講屎講尿呀！聽日唔好俾我聽到你再講，否則我實放逐你去酒樓廁所！

要開始習慣一下唔打咁多長篇日記～

>>February 20, 2004 at 12:43:06 PM GMT+8

2004 年 2 月 18 日 星期三 【晴】

完全不知道上了些甚麼課
因為我真的太不在那個應有狀態
就連 tutorial 也是頹上
整天都是恍恍惚惚，渾渾噩噩，沒意識，沒心機，沒興趣，沒用心，沒主張，沒意見，沒思考，沒目標，沒計劃…
連自己也沒了似的……
不是那樣差勁嘛… 只是小小的事，又不是第一次，怎麼會弄成這個樣子？
頭痛＆腹痛，心情又是十二分之差劣.. 無厘神氣得就像一隻死狗…
覺得自己最近常常找機會給自己大笑一番，好像笑已經成為一個很難做得到的事一樣
今天下午的課，大家在看一個片段，有惹笑的畫面
我當然不放過它，趁機會放縱地笑，但我知道我的笑不是發自內心，只是自己發洩的一種方法罷了
真心的笑沒有這麼難笑.. 由內心發出的笑，是不用自己叫自己笑出來的..

現在我知道有一個 “client” 很需要我的陪伴、關心和幫助
但我總是不知道自己要怎樣做才是應該.. 很迷茫
你可以實質一點告訴我你的需要嗎？還有你的想法和困擾.. 我真的很想分擔一點點
自己身為一個學護，面對這個個案卻不知怎樣入手… 我覺得很慚愧很不舒服.. 也很心痛…

當自己狀態不佳的時候，我會十分沉默
這幾天，這個狀態其實都在發生，只是我會在不同的人面前做出一個不同的自己
哈哈笑都是假裝出來，沒精神的臉色才是真實的
而只有最親密的人才會見到最真實的一個我..

>>February 19, 2004 at 12:49:13 PM GMT+8

2004 年 2 月 17 日 星期二 【晴】

Nancy 太遲啦~
人地已經係大學站出閘
你仲係大圍…
下次要撞人就要俾少少心出黎，預埋時間先撞人丫嘛！睇下聽日遇唔遇見你先～
呢堂又發呆啦.. Nancy 又坐係我旁邊猛咁問我醒未??.. 唔使審，實你ｄconfuse 傳染左俾我啦！
我知我點解呢幾日咁鬼呆滯喇… 原來係想避都無得避架……><::..
今日沖涼有血光之災…
我竟然一個膝頭哥撞埋個浴缸度，痛到我死死下！仲紅鬼晒兼見血添呀！
智康今日精神麻麻地喎.. 好似好累咁，都係精精神神個樣可愛好多～
Hayama 同我一齊去新時代！又成功薦左一個朋友入去做！下個目標係阿連啦～
第一次補實會唔慣架～唔使急既，慢慢來啦！
返屋企俾兩個做訪問既人攔途截劫，仲要兩個一走埋黎就問人幾多歲！
好在我未係人老珠黃或者到左明日黃花既年紀咋！否則我真係搵隻鬼黎答你兩個！
竟然周街三唔識七咁截住個女人問佢幾歲！唔知有ｄ無師奶請佢地食檸檬呢？
見到阿哥今日包禮物覺得好好笑！因為實在包得靚到無可能送得出手~>結果咪要我悉心指導之下再包過囉~~
原來男仔包禮物真係會唔知道如何動手～仲想用間尺 cut 花紙.. 不是嘛…><（女仔會無眼睇架.. ）
要留意細節 details 先得架嘛.. 男仔真係唔夠女仔細心~~

聽日係返九點半，奶奶唔好八點半打俾我，然後問我坐邊~*(^o^)*~呀!!!

7 months~~~
^,^hope for infinity^o^ ! ! ! ! ! ! ! ! ! ! ! ! ! ! ! ! ! ! ! ! !

>>February 19, 2004 at 11:17:08 AM GMT+8

2004 年 2 月 16 日 星期一 【晴】

今日好累呀..
可能係星期一既後遺症
都唔知有無上堂咁！
上 anat ，Nancy 坐我隔離都問我發完吽逗未？！！
到左上氣概，原本已經無咩心機上，食完個包就更加勁啦！訓埋囉～死未！但係ｄ野係唔識架喎！
之後就上籃球，又係頹上啦.. 我地呢組今次做左全場包尾咁囉＞＜::..
藍組又係全場之冠~~ 成組都係勁人黎架！
仲以為兩點半開會，點知係三點半呀！好在撞到阿史，否則我實中左上去 soc 房勁白痴呀..
向阿史交代左我諗到既野，我就搭車去新時代
真係唔想成日去新時代 ...... 但係偏偏我又唔識點樣推左佢..
因為佢而家好等人用，Brian 又無啦啦話唔做就唔做！攪到黃生又係我面前呻！好驚黃生怪我介紹佢入去做..

我都想有多ｄ私人時間.. 抖下都好啦><
不過我都知莊野都好重要，我一定會攪得掂我要做的事！亦會盡量盡量唔缺席莊既會議！

>>February 17, 2004 at 2:19:39 PM GMT+8

2004 年 2 月 15 日 星期日 【晴】

勁起唔到身
勁眼訓勁累勁 addicted to my bed…
結果我懶床十五分鐘先被媽咪迫到起身
今日輪到我考試好驚好緊張，成朝個腦都唔知做咩，完全係 disable 既表現！
掛住要考試，攪到今朝唔記得帶口罩，好在隔離組有人帶多個，我同阿雪先有口罩唔使俾人鬧咋！幾險！
好驚要考ＲＯＭ，但都好好彩地唔使考呢個～考左 Vital signs 呀~ 不過都已經超緊張，食晒鏍絲..
好在個 patient 好好人好幫我~
我預早同佢講我陣間會幫佢度血壓脈膊黎考試，佢好主動叫我講定會點考，又叫我唔好緊張，睇我個樣實掂，仲話同我夾口供！
好多謝你呀～有你俾我考試真係好好彩！
因為呢種考試最驚就係無論自己有幾好幾 pro既 skills，問題就係個 patient 麻煩難攪令自己肥左個考試..
其實考 viva 既時候我都出左兩次錯架.. 但好彩未導致肥左我之嘛！
一個錯誤係我聽錯左 BP 做 temp，當我話 if the patient have fever…… 既時候，Doris 就話佢講緊 BP not temp!!
另外一個就係我緊張得滯聽唔明咩係 renal temp，走去話有 oral & axillary temp…. 仲解埋幾時要度 oral 幾時要度 axillary..
但其實佢係叫我講下點樣度 renal temp！
佢再強調佢個問題時，我就即時呆左一呆，清一清醒個腦先知自己解錯題！
好在之後答到野出黎唔使肥 or俾佢鬧咋～
查實我 take BP 好驚架！因為部野好似玩野咁，個 feel 同我平時用開既唔係好同，放到窒窒下攪到 readings 都要作..><
但又好在我作得未算太離譜喎~ 未出考試個 acceptable range~
仲有呀.. 之後同 hayama & nancy 講起，發現我 document 有少少錯，即時勁驚！因為呢個係 critical point，錯左就肥架喇！
講返個姚生啦~~ 佢真係好好笑好好傾好好人好合作呀~~
我行埋去睇佢排版，竟然係佢撩我講野唔係我撩佢！仲要第一句就讚我個名好好聽呀！
跟住就開始勁吹水勁講笑啦～
姚生係賣車架！佢話好多護士都有去佢間野買車，仲叫我去買俾個折頭我添架！不過我未有車牌又未有咁多錢買，遲ｄ有機會先啦！
姚生做呢行做左八年，好耐呀！但係佢成日話睇得出我前途無可限量~ 咁我就承你貴言啦~
唔知係咪職業病太勁呢？姚生好識逗人開心囉！
佢話想我除個口罩俾佢睇，跟住又話病房多菌都係唔好除，仲話睇我應該都係靚女一名！
之後又話同我傾偈好舒服好自然，我話我驚考試佢又成日叫我唔使驚，因為佢會聽晒我話好乖咁配合我
考完 vital signs taking，姚生細聲叫我埋去，原來佢係話我知我臨尾叫錯佢個姓呀！不過佢好乖無即時出聲糾正我囉@@~
真係好多謝你呀~~
哈哈~~~ 同姚生傾偈真係有好多笑話架~~~~~~
佢話早出院無得打八折，不如舒舒服服留係醫院訓多陣！果然係買賣講價既職業病呀！
之後就俾我取笑叫佢交八折入院費，醫生就會俾八折藥佢食，姑娘就會打針打八折，佢個病又只會好番八折……
ｄ姐姐聽到都同我地笑埋一堆，真係好好玩！
臨走見到姚生搬左張椅大字型咁坐係電視前面睇點幾既電視節目，覺得佢好得意
佢今日下晝出院，下估星期就唔會見到佢，唔知會唔會有下一個咁好玩既 client 入住我地呢個 cubical 呢？

Doris 知我地出親 ward 都會緊張到訓唔到，所以今日帶左一枝枝既 lavender 香薰俾我地試下燒，希望幫到我地訓好ｄ
其實諗諗下 Doris 都唔係人地講得咁衰，佢鬧我地都係想我地好，而且若果我地真係做得咁完美既話，就唔會俾佢搵到野出黎鬧啦！
Doris 教野教得好足，又唔好似有ｄ組咁頹喎！其實係我地同學仔學到野咋！
所以有時我覺得唔應該將佢諗得咁恐怖..

阿連今日又喊左兩次喇..
唔好咁唔開心啦.. 試下唔好太緊張或者會好少少架~~ 雖則我自己都未必做得到..
但係…… 唔緊要既！我地一齊為大家既終身職業而努力啦！

未來的白衣天使╭☆∵。∴∴☆∵。～◇

．．．．．．．．．．．．．．．．．．．．．．．．．．．．．．．．．．．．．．．．．．．．．．

19日生的人──強烈的個人風格

　　有創意、有野心、生氣勃勃、有愛心和敏感，在此日出生的你是堅定而又智慧的。你有遠見，但是，你較夢幻的一面為完全主義者、熱情和感性。你極希望建立個人風格。只有在歷經許多磨鍊後你才能找到自信或是具有領導能力。對外你總是表現的有自信、活潑及有智慧，但是內在總是波濤洶湧、起伏不定。你因資人關心和欣賞你的表現而自傲，但是你應該要知道世界不是繞著你打轉。你可能還需要有勇氣、做事有計劃及組織，以及克服害怕孤獨的感覺。

　　優點：精力充沛、有創意、有領導力、樂觀積極、有說服力

　　缺點：自我中心、憂鬱、情緒不定、物質主義、自大、沒耐心

　　幸運物：蜂蜜、琥珀、石榴石

　　幸運色：橙色、紅色

．．．．．．．．．．．．．．．．．．．．．．．．．．．．．．．．．．．．．真的嗎？？

>>February 16, 2004 at 1:30:03 PM GMT+8

2004 年 2 月 14 日 星期六 【炎熱】

尋晚兩點半訓
但係麻麻地訓得著
碌左好耐
阿哥零晨三點幾起左身，原來佢牙痛訓唔到覺，之後漏夜去左ＰＷ睇醫生，五點先返，無覺好訓真係慘！
醫生叫阿哥去睇牙醫好ｄ喎！要睇就要趁早，病向淺中醫嘛！
我六點幾又醒左，之後迷迷糊糊七點鐘又醒又次，七點半個鬧鐘響就叫左我起身
今日未夠九點就要返新時代啦！黃生尋日話唔好要家長學生等開門，叫我八點九返到去睇下同事開門未，未就要 call 佢落黎開門
學生九點先到，我八點十一去到，等學生一個字時間姐～傻架咩！八點九去到！
上次上左一堂啦，但係我今日認唔到個學生… 自己走左入課室><::..
好在個學生認到我，見到我就飛撲過黎～ Samuel，我下次會認到你架啦！
軒軒，好耐無見啦~~
唔係你媽咪話你掛到我死，我都唔知到你真係咁鐘意我呀^^ 哈哈＠＠～咁就要好好咁跟我學野，知唔知呀？
不過你今次真係進步左好多，成堂無停過係咁跟住我指示畫畫畫～仲好俾心機畫得好靚靚添！
咁軒軒就要好好保存我今日俾你果張合照啦~ 仲要聽媽咪話，仲有食埋ｄ藥快ｄ好番，唔好又咁易發燒到105 度咁勁呀！
十二點鬆ｄ放左學就去買新釘窿機，因為屋企果部已經一張紙都可以釘唔到.. 係時候將舊野報銷喇..
係第一城買完釘窿機就行去ＰＷ幫阿哥拎埋ｄ藥
藥房好多人，要等好耐呀！攪到我一點九先返到屋企食飯，好肚餓呀！！
晏晝媽咪竟然特登開左罐鮑魚俾我送飯，好意外囉… 我只係幫阿哥拎藥，無做過咩好偉大既野喎～又會咁優待我既！

聽日就要考試，真係好驚唔合格要 supple…
我覺得今晚唔會訓得著覺囉.. 根本超緊張放鬆唔到既.. 聽如果無精神考咪仲死？！！唔好咁對我呀..

頭先開 ICQ 收到 Miss Lam 既問候
放心啦～我地無事喎^^

頭先睇 Melody 既日記先知點解情人節叫Valentine's Day，而唔係 Lover's Day：

羅馬帝國哥迪斯二世執政時, 因為為了對戰場上有利, 於是將婚姻定為一項罪行.
所有人民唯有依法從命.
後來有一位叫華倫泰的主教認為這法律是錯誤的.
於是邀請當地年輕的情侶到他那裡,秘密的為這對情侶舉行婚禮, 讓他們成為夫妻.
華倫泰終於被捕, 還用以死刑處罰了他.
而他正是死於2月14日.
因此世人亦將2月14日定為華倫泰日, 即今時今日的 "valentine's day"

>>February 15, 2004 at 12:08:09 PM GMT+8

2004 年 2 月 13 日 星期五 【晴】

情人節快樂！
諗左咁耐
終於到左呢一日^^
上晝唔使返新時代真開心～仲可以係屋企食埋飯先出去添架！
搭電梯上到去新時代門口就見到黃生兩公婆，我既第一諗法就係驚唔知有咩事會發生！
俾人炒？叫我今日唔使返新時代？定係叫我返埋今個月唔使返呢？真係好驚..
好在無咩特別野既.. 只係我白癡囉.. 尋晚換左張 sim 卡又唔記得取消返飛線，攪到佢打唔到俾我
哈哈！好開心～黃生係黎同我講加左我些少人工，同埋可以去 counter 出糧啦＄;＄~yeah!!!!!!
Bling 份糧又同我差唔多喎~~ 無計啦~ 我一入黎就好勤力啦嘛~ 黃生都係咁講啦~ 佢仲話過驚攪到我變人乾！
唔好咁恐怖喇.. 我只係殘左，但係都實在未死得住架..
黃生今日唔係新時代，攪到個個都好無王管咁～尤其係 Bling 啦^^ 等我又有機會學下你先得！
今日又帶左一大盒朱古力返去派～好好味，我自己都食左三粒！呢個禮拜日日都係咁食朱古力，睇黎又要肥起來了..
美婷見我猛咁叫佢地食朱古力，就問點解我自己又唔食？人家怕肥嘛..
點知我一講呢句，成班即刻勁大反應，話我咁瘦使咩怕肥？！！嘩！不是嘛！這樣還不肥…
如欣又用果個話題玩我啦！！至衰黃生！無啦啦係我既學生面前爆我ｄ野俾佢地知，攪到佢地成日拎黎做茶餘飯後既話題笑柄！
咁大盒朱古力終於係我半迫半送而佢地又好樂意好鐘意食既情況之下清晒～幾驚食唔晒，到時就唔知點算呀！拎住出街咩？
早左一個字放學架！不過陳太落左去麥記買野飲要我睇住個 counter 先至遲左幾個字走囉.. 要人等添^^
搭 680 出金鐘，諗住睇戲，但係太多人無晒位，結果無睇到，下次先睇囉～
去左 delifrance 買野食，之後就搭６號巴士去淺水灣啦～
其實淺水灣咩都有，有七仔有萬寧有好幾間好靚好有 feel 既食肆，早知就唔使係金鐘買野入去食啦！
我見到之前係報紙介紹過既露天食肆，間野真係幾靚，有燈飾再加埋外國 feel 既餐桌餐椅，好浪漫好鐘意呀~
原本我有一份完整既火雞三文治架！但結果我只係食左四份一都無！
因為我一拆開就四份三個包跌左落地下！好慘呀！！擺明係整定要人減肥啦！
好無奈..><::.. 好在都有少少扁意粉同沙律食下~
淺水灣俾我想像中少人~ 幾好丫@@*
不過我著左兩件衫咋.. d 海風吹埋黎好鬼凍呀…….
………………
……………………..
…….
……………………………….
好靜…….. 好寧靜架~…………………..
…………………………
…….
……………….
哈哈~ 我試果支 original 係好味過支黑加侖子味既~~~~~ 都係甜野好^^
又會咁好彩搭到尾班亡命小巴出旺角~ 好快好快.. 半個鐘就到左旺角啦~~~~~
之後就宵夜~ 我飲左杯夢幻雪香^^
我見到間食肆有個女仔好似 Joey 呀!!!! 所以我特登擰轉頭望左好幾次，但後黎望佢個嘴先知佢唔係 Joey~ 因為個女仔無 Joey 個招牌唐老鴨嘴囉~
醫完肚就搭亡命小巴返屋企，真係亡命架！開到一百三十六架！好彩仲有命返到屋企咋！
希望ｄ朱古力唔會咁快溶啦～
諗諗下覺得男仔同女仔既睇法都幾唔同，人地都講得好似幾岩咁喎～
女仔係比男仔重節日多ｄ，因為以我所知好多 Nursing 女仔都係晨早諗定今日準備今日~
而且成個星期大家既話題都離唔開呢一日添~

Happy Valentine's Day 咁… 就過左啦~

>>February 15, 2004 at 12:05:20 PM GMT+8

2004 年 2 月 12 日 星期四 【晴】

拎返份氣概功課
我有九十分咁多架～
但我估改得緊手少少就七十咁啦
落堂去同 Nancy 去 clinic 睇醫生，病係應該內淺中醫，下次有咩唔舒服就要睇醫生唔好拖啦！知無？
Nancy 請左我係med can 飲左杯熱柚子蜜茶，真係好正呀！
之不過張台好唔生性囉．．我一坐落去就領野！原來台底有人整左忌廉落去，我件衫同個袋就係 high 晒喇...><
送左 Nancy 去上 assembly ( 同 Melody 交更呀~ 麻煩你睇實奶奶，唔好俾佢入廁所周圍食野！)
之後落ＥＬＢ同阿連練 lab，無計啦！下個星期一就輪到我地考試啦．．
Hayama 考完，今日無黎啦～
練左兩個 skills，係 vital signs 同埋 ROM，其實我驚唔識答問題多ＤＤＤＤ囉><
同阿連分手就去左牟拉搵野，睇下有咩可以教新時代班馬騮啦～
兩點幾上籃球，今日教上籃呀！
我超級地有潛質＆出色啦！成日都走步架！簡直係天才！
個籃球一係就拋到離框成半米遠，一係就反彈到唔知去左邊咁囉！精采絕倫呀～
之後返新時代，搭Ｋ11 撞到阿 Gut，都講左好多野，主要係我醫院既所見所聞囉
代左林裘謀師姐阿譚既水彩畫，不過個學生麻麻地咋！佢好驚整污糟手… 水彩可以幾乾淨呢…… 無奈！
Nancy 要快 D 好返呀..

>>February 13, 2004 at 1:39:06 PM GMT+8

withloveyan's diary 廣告 讀者留言 |  路人留言   | 發完d蛋,隔一隔渣先至倒入去d奶 >>June 27, 2006 at 12:16:24 PM GMT+8 整燉奶~~~超好食呢~~~ <b >>June 24, 2006 at 5:29:34 AM GMT+8 哈~~ 我就 book &#21 >>August 24, 2005 at 2:33:55 AM GMT+8 哈哈，但我相信如果自己成日都咁開 >>August 23, 2005 at 11:59:15 PM GMT+8 嗚.....彭暉寸我....＞＿ >>August 23, 2005 at 4:33:12 PM GMT+8 哈...我d皮膚唔查果d護膚品都 >>August 23, 2005 at 12:38:27 PM GMT+8 我又係呀!!!成日都死火架!!! >>July 19, 2005 at 2:37:44 PM GMT+8 今日岩岩上完第十三堂，後日就考中 >>July 19, 2005 at 2:31:03 PM GMT+8 賤得你&#21526;~~ 仲要 >>July 19, 2005 at 2:19:58 PM GMT+8 哈，你唔識就咪老點果兩個外國人啦 >>July 19, 2005 at 2:02:16 PM GMT+8 TO: 收稅~ <br>咁就星期 >>July 11, 2005 at 1:10:39 PM GMT+8 小咩又想做嘛~~~?? <br> >>July 11, 2005 at 1:06:50 PM GMT+8 好好好可愛呀～ <br>你果度仲 >>July 11, 2005 at 12:57:15 PM GMT+8 好ar...我今日食左杧果火腿三 >>July 11, 2005 at 12:19:47 PM GMT+8 死婆你&#21526;!! <b >>July 11, 2005 at 4:04:51 AM GMT+8 我公司附近都ok 多野食 <br >>July 10, 2005 at 1:57:59 PM GMT+8 ooo..... 咁我諗諗先lu >>July 9, 2005 at 3:28:05 PM GMT+8 唔好睇的 <br>好假...不過 >>July 9, 2005 at 5:25:07 AM GMT+8 ur 偉仔 ng doi hap >>July 8, 2005 at 7:21:07 AM GMT+8 咁你睇完話我知好唔好睇&#215 >>July 7, 2005 at 12:45:03 PM GMT+8 次次都係經過, 睇一兩條 <br >>July 7, 2005 at 12:35:15 PM GMT+8 無錯~~ 我真係食&#21655 >>July 6, 2005 at 3:04:46 AM GMT+8 你係咪食埋d熱氣野，又唔刷乾淨牙 >>July 5, 2005 at 3:26:53 PM GMT+8 總之係唔好的事喇= =..... >>July 5, 2005 at 2:30:25 AM GMT+8 7月15日有什麼事呢？ >>July 4, 2005 at 2:03:29 PM GMT+8 咁好唔好睇先~??? <br> >>July 4, 2005 at 9:09:39 AM GMT+8 恐龍在我公司走行10分鐘左右 < >>July 3, 2005 at 11:41:55 PM GMT+8 係呀係呀!!!恐龍呀~~~ 不過 >>July 2, 2005 at 12:38:59 PM GMT+8 哇～閣下可算行程豐富呀﹗ <br >>July 2, 2005 at 12:17:03 PM GMT+8 嘩..... d 衫衫好靚呀!! >>June 25, 2005 at 11:42:35 AM GMT+8 yanyan, 您要堅強點啊!! >>June 12, 2005 at 6:27:02 AM GMT+8 我 pass &#21655;筆 >>June 10, 2005 at 7:28:34 AM GMT+8 考筆試.....如果冇時間溫果本 >>June 7, 2005 at 11:23:02 PM GMT+8 護士姐姐, <br> <br> >>May 31, 2005 at 12:05:03 AM GMT+8 梗係全港至有規模,合格率又高的香 >>May 8, 2005 at 5:15:08 AM GMT+8 你跟邊間學車呀? <br>我都學 >>May 7, 2005 at 4:32:37 PM GMT+8 我諗間公司係真~N~ 因為我都上 >>May 2, 2005 at 3:30:18 AM GMT+8 嘩犀利！ <br>佢俾卡片你即係 >>April 26, 2005 at 10:56:32 AM GMT+8 我也感到您的失望... <br> >>April 23, 2005 at 9:29:21 AM GMT+8 希望您可以成功Drop 那大通吧 >>April 18, 2005 at 1:41:50 AM GMT+8 19 <br> <br>午飯前相 >>March 8, 2005 at 3:06:14 PM GMT+8 "被看到講電話，為甚麼要那麼慌張 >>February 27, 2005 at 5:57:16 PM GMT+8 我都祝奶奶 & all shaw >>February 13, 2005 at 10:49:53 AM GMT+8 其實那三頭狗真是很大隻呢!!! >>February 13, 2005 at 6:11:31 AM GMT+8 椅子還未坐暖就走啦~~ <br> >>February 11, 2005 at 3:12:57 PM GMT+8 對﹗我們真的很久沒上你家…所以都 >>February 11, 2005 at 12:52:08 PM GMT+8 Noel 姐好鍾意您個相架~~~ >>February 5, 2005 at 7:22:29 PM GMT+8 我聽日會返去完成所有相架~ <b >>January 26, 2005 at 4:04:35 PM GMT+8 我們拋下了阿史去找Profess >>January 25, 2005 at 12:19:54 PM GMT+8 多謝你&#21707;-->咁多 >>January 20, 2005 at 1:42:49 PM GMT+8

人氣: 28037

Design & Scripting by ShowHappy.Net