2012 年 2 月 22 日 星期三 【晴】

達達話，我好耐冇打…係…
自從用左電話就好少開電腦。
所以亦好少打日記。
不過，一失戀就又番番嚟。

處理感情事，一向都好失敗。
冇理智，冇手段，冇節制。

總覺得，如果我中左六合彩，
所以問題都不再是問題。
唔需要擔心所謂幸福的將來，
只需要搵一個愛我的人。
現實冇衝擊，就爭吵都少一點。

直到呢刻，我依然覺得自從唔使再番學開始，
成段日子都好似在夢中，咁唔真實。
真係有去過歐遊?
真係有同阿彤嗌大交?
真係有同過某人一齊?
真係有…………

自作自受…

依然覺得，呢個世界好難有第二個人比佢更愛我。
不過我又覺得自己好似佢的寵物，
要絕對服從，唔可以激嬲佢，唔可以侵犯到佢的尊嚴…
最重要係唔可以對別的異性有任何稍為親暱的接觸。

千其唔可以要求公平，
但佢會對你好好，為你做很多很多。
但大前提係一定要乖，
做左不合佢意的必須認錯…唔可以解釋…

可惜呢一切，我做唔到。

我唔可以泯滅理智，陪佢錯，陪佢幼稚。

然而…我從來都不喜歡變動，
總想從一而終。
走不下去依然死心不息。

好聽一點，叫人生總有希望，等待奇蹟。
難聽點，叫妄想。

在家人眼中我一向懂事生性唔使人擔心。
而識左佢，同佢一齊就將我多年的形象毀於一旦。
為左補穫，我唔會抗拒佢地介紹的對象。

好煩好煩…
又要等時間叫我死心，冇野。
唉………

>>February 23, 2012 at 10:25:51 AM GMT+8

2011 年 12 月 3 日 星期六 【乍雨乍晴】

好似好耐冇打過日記咁...
短短5個月,點解可以有咁翻天覆地的改變?
越來越唔知自己在做什麼,到底想要乜?
我好想話呢一切都係錯的..
我好想「正常」番...
功課做錯可以改..
人與人之間關係錯了..卻係一種嚴重的傷害..

明顯唔適合的兩個人點解要繼續?
不甘寂寞嘛,有個人咁愛自己對自己好有咩唔好?
錯就錯在人始終係人..唔能夠無條件無止景單方面付出...

枉我仲可以理直氣壯咁話係冇公平架啦..

其實而家咁樣都冇乜唔好,
平日就番工放工,週末先至去BABY度過夜,
見少一點就少點問題多點掛念...
就算我星期一至五掛住GE人唔止佢..
就算我喜歡的人唔止佢..
都冇咁易俾佢感覺到...
知道同感覺到係兩樣野...
我相信佢心底都知道我最愛的人唔係佢..
甚至我冇愛過佢..

然而到目前,我都冇一個最愛的人..
最鍾意就有...愛..冇..

咩係愛?慢慢已經唔記得..
如果有一日我記番起..
希望那一位就係我將來的夫君...

愛情大過天的我,繼續以愛情做軸心地生活~
呢排卻越來越感到麵包的重要...
我想過的優遊自在的生活..
豈是這樣子就能做到?

於是終於明白點解咁多人想嫁個有錢人..
就算唔係有錢,至少都有D積蓄,人工高過自己..
唉...是現實令人現實...
尤其是女人..

幸福呢個字...
原來唔係愛情咁簡單..

>>December 4, 2011 at 3:58:53 PM GMT+8

2011 年 9 月 15 日 星期四 【酷熱】

Yo! 好番了~~~
又繼續開開心心中~~~

話說尋晚見到佢的status後真係火滾，
諗左陣就打俾佢，質問下!
講講下，果然好似阿彤所講咁，佢係唔識反應，
唔敢搵我，以為我認真，以為我唔想佢留我。

之後仲3更半夜，山長水遠，由大圍飛的來搵我。
當係打和啦!
然後，其實已經下晒火~~
冇見兩日…其實好掛住…
所以小別勝新婚啦真係!

忽然baby又睡在身旁，
忽然發現自己真的開始認真投入，
忽然baby比以前更怕我。
害怕，是因為太愛一個人嗎?
雖然baby喜歡萬事管，又專制，又有極強佔有慾，
可是我喜歡~~束手就擒吧~~

終於，老媽與baby見面了，
連外婆也與他碰面了。
嘻嘻…嚇死我baby了。

好幸福哦，baby為了迎娶我而積極戒煙中~~
即使這兩天，他也一支煙都沒抽。

希望這種幸福能直到永遠!

>>September 16, 2011 at 8:00:37 AM GMT+8

2011 年 9 月 14 日 星期三 【酷熱】

李達達，你就咁唔想我開心?
係咪朋友來架??
廢事理你。

我寧願baby每晚繼續睡在我身旁。
我寧願繼續被他管。
我寧願繼續做未來的夢。
也不想他對我不聞不問。

我寧願從未幸福過

不管是誰提出，
分開始終不是開心的事。
可是早一點明白彼此不合適，不是更好嗎?

唉…

>>September 14, 2011 at 6:33:39 PM GMT+8

2011 年 9 月 13 日 星期二 【晴】

一個月也堅持不了，真兒戲。
分手是我提出，不挽留是他的回應。
兩個世界的人，也許一開始就不應走在一起。
以他的條件，如果不是對我好，錫我，我跟本不會選。
而最後他連這個唯一的優點也沒有了，
自然不應繼續。
不對等的關係，注定其中一方要付出較多，
是否至少應慶幸這次這個人不是我?

算吧，一場遊戲，玩完就算。

>>September 14, 2011 at 6:56:23 AM GMT+8

2011 年 9 月 2 日 星期五 【晴】

事情的發展總是難以預料…
幾乎每晚都睡在沙田男身旁，
成為了同居密友。
每天得到他無微不致的照顧，
無限量的愛，
真的很幸福。
對我這麼好，這麼著緊，這麼疼惜我…
有時忽然想，不如去註冊?
一個陪自己一輩子的人，
就應該是對自己好的人。

最難過是，直至現時，我都不肯給他一個名份。
始終不稱他為男朋友。
也許我仍然有不想定下來的想法吧。
又或者我還是會想找個條件好一點的人?

如果是拍散拖玩玩下，我又想搵令仔。
如果是認真，我又想找個有前途有學識的。
所以他的定位很不清晰。

唉…煩惱。

中環男最終忘了一齊放工的約定。
那天很失望，不過又預左。
一齊番工那天已經感覺到我們不可能一起，
所以他忘記了我不感到意外。

總覺得自己鍾意製造麻煩，
成日做野唔諗後果。
真係犯賤!

不過遲下應該都會見家長，
因為我已經同老媽講左我去男友家訓。

所以其實都已經決定左，
只係差少少時間。

>>September 3, 2011 at 6:40:53 AM GMT+8

2011 年 8 月 20 日 星期六 【清涼】

同事話我，戀愛令人變成白痴，
我諗都係啦。
為左未回的短訊而鬱悶，
為左那聲"叮叮叮叮"而興奮雀躍。
那五十多個短訊看完又看，
對著那張照片甜笑。
很開心很開心，卻也擔心最終只是朋友。

團友們話我靚左，容光煥發左…
我心諗，會唔會係因為在戀愛mood?

其實今晚先至係我地第四次見面，
但感覺上，我已經識左佢好耐。

第一晚，係在小巴站長談，最後一個吻別。
第二晚，係去飲野，然後仲陪我搭埋小巴旺角。
第三晚，因為病了，所以只係送到我上小巴。
第四晚，因為朋友醉酒鬧事，所以又係送到我上小巴。

發展到呢一個第四晚，
他已經會自動腥短訊話我知佢放工了，
唔使我問係咪一齊走，就已自動話我知佢要搵朋友。
到我話我自己走，佢會解釋佢非去不可。

然後，我話，我下次收兩點已經係下星期五。
佢就叫我，提下佢，言下之意即係一齊走?
於是我就確認下:咁係咪即係我收兩點就一齊走?
佢話係。

哈…我真係開心到無與倫比。

我好鍾意佢摸摸我個頭，叫我小心點。
我好喜歡在小巴入面同佢揮手道別。
我喜歡佢的身形同好橫的膊，
仲有佢個靚仔樣，佢的衣著，佢的一切。

一萬個鍾意佢!!!!!

佢話佢同女朋友已經分左手，但對方仲成日搵佢。
聽落佢都唔係次次都玩玩下丫…

我真係暈晒大浪!
希望佢話下次約我去睇band show唔係只係隨口講。
希望佢真係記得我星期五放兩點。
我決定下次唔主動腥短訊俾佢，睇下佢係咪真係記得。

怎麼我好像變了零智商，搞不清狀況?
他是不是也對我有意思?
他會不會考慮一下找我做女朋友?
噢，我的中環男，我投降了。

另外，中環同事男之前打過一次長途俾我，
又話掛住我，看來我的冷淡政策未夠勁!!

至於沙田男…唉…只能說句對不起。
如果事成，我會跟他告別，希望他不會太難過。
今晚在旺角街頭見到一個醉酒失戀男跪在街上痛哭，
我不想他朝沙田男會一樣…可是我也無能為力。

其實他來接我機的那天，
除了幫我拎晒行李手袋，等我修眉，
買con水，涼茶，然後搭的士回我家，
仲幫我晾衫，dup骨~~
我睇左佢本44天日記，然後叫pizza在家食飯。
之後開車車出去買煙，因為載住我，所以佢勁緊張。

佢聽到我同阿媽講電話，知佢第二日先番，
所以就問我可唔可以在我家過夜，
於是同男朋友(都算係掛)共渡一晚終於在22歲實現。
本來佢訓一張沙發，我訓另一張，
但之後佢就將兩張沙發拍埋左。

聽佢的故事，發現佢的成長背景真係好慘。
而佢以前真係好壞…

由於佢前晚失眠，所以個日很累。
本來說要去睇戲，卻又冇去到。
而且很早就要睡了。

睡與未睡之間，咀左好多次，
可惜其實我唔係好投入，真正回應的只有一次…
但他的熱烈足以令人窒息。
熱吻加上身體接觸，竟然最後都冇事發生，
只能說，佢應該真係好愛我。

然後，攬住我，睡了。
早餐，咖啡，煎左隻蛋。
其實佢瘦到可以著我的衫同褲。瘦過我。

呢日之後就冇見面，反而一連三天找中環男。
沙田男總要我回家後打給他，於是少不了一些欺騙。
也許他不知道，或者他不想知道。
無奈是，我也同樣說不清與沙田男的關係。

唉…每次我喜歡的人總不喜歡我。
如果這次終於可以成功，我不願放手。
當打破宿命也好，新嘗試也好。
總之是不顧一切了。
可是若然再次只是神女有心，
我也只好跟沙田男一起，
看能走多遠吧。

我親愛的中環男，很想念你!

>>August 20, 2011 at 10:58:50 PM GMT+8

2011 年 8 月 5 日 星期五 【微冷】

無奈…
共患難真的不容易…
當雙方各自有一堆煩惱一堆情緒…
怎樣去先放下問題，冷靜溝通，不易。
每個人都不會明白別人的想法，
因此才需要溝通坦白…
尤其是我這種很容易會胡思亂想，
往壞處想的人…
若他人沒清楚告知一切，
我可是會構想出一堆壞情況出來。

我已經將很多難聽的說話收起，
想不到還是說錯話…
發晦氣的專長還傳染給朋友…
朋友現在發的晦氣跟我可是不相伯仲…

真的害怕山羊座，越是害怕越是不知所措…
然後亂說話…然後情緒失控…
每收一個短訊就掉一次淚…
短訊通知響聲讓人心驚…

高考的磨難可以努力捱過去，
因為帶著考完試後海闊天空甜甜蜜蜜的盼望。
結果期待落空…那種失落…真的…

三年過去…又是畢業佳節…
三十多天流浪的艱辛，非旁人能明白…
人生路不熟，溝通不了，路痴，體力勞動…
最可怕是寂寞與恐懼，多大膽也會怕意外。
在此之先，是一年瘋狂賺錢的非人生活。
簡直覺得自己像鐵人…這都只為了一個原因…

不過，期待著一次難能可貴，真正屬於兩個人的相聚，
一切都變得有意義。

也許每次過份期待都沒有好結果，
教訓沒有汲取，結果又是傷心下場。
是的，我不過是訪客一個，擾亂別人生活節奏，
令別人已有一堆煩惱下再添麻煩…

錯在自以為別人應該為我的出現而雀躍，
為我的到訪而好好預備…
卻沒有想想自己算什麼，
沒有人必要招呼你，
招呼你是義務，不是責任，不是應該。

所以，原來我的到訪竟然是可以取消的。

算吧，既然這是我一直努力的原因，我會完成它。
我依然珍惜我認為重要的。
別人怎想我管不了，
反正跟本不會有下次。
十年，很難得嗎?
十年朋友就很重要嗎，錯晒!

唉……
至少有親戚很興奮地迎接我…
有人重視這個千里迢迢孤身一人的少女。

而其實，
好朋友為我預備的，真的很高興。
所以，依然期待那短短的一天，
如果不可怪責別人因有種種意外煩惱而食言…
那麼只好怪責那位掌管一切的大佬。
那位總不善待我的大佬。

>>August 6, 2011 at 11:18:57 AM GMT+8

2011 年 7 月 18 日 星期一 【颳風】

已經半個月了，開始累…
又冷…令人很想在住處消磨時間而不想外出。
喜歡睡覺，喜歡飲飲食食…
行李越來越重，所以越來越不想東奔西跑。

有時會想，我是為自己還是為他人旅行?
每去一個地方就是去找手信買回來…
而且認識的人那麼多…買的東西也多…

有點怕不夠錢用，更怕電話發神經。
那麼多照片，如果忽然發神經我真的會神經!!

剛過去的電話費是三千多…
單單與沙田男就傾了二千四。
雖然他已經替我交了電話費，但我還是會慢慢還一半給他的。

我真的會掛念他，
一天沒他的消息就會擔心他是不是溝緊其他女。
我喜歡寫明信片給他，喜歡買東西給他。
可是這些都不是喜歡一個人，是嗎?
我清楚知道我喜歡的是中環男。
但對沙田男的感覺是什麼，我也說不準。
只知道我喜歡跟他在一起的感覺。

經常就想著這兩個人…
有時想早點回來，有時不想回來。

離開比利時，出發利物浦及愛爾蘭。
昨晚才訂住處，很平，才8歐。

未m到…希望遲大到…去到親戚家才到。

一早起床，豐富大餐，心情卻不爽。
因為真的很累，即使昨晚睡足八小時。
也收不到他面書的msg...不明白…
工作累了…我明白…可是打幾隻字而已…

總覺得這場景很熟…
如果將"工作"改成"讀書"，
"面書msg"改成"日記"…

我應該給大家更多自由的空間。
尤其當我根本不是那回事 。
唉…真的卑鄙自私的人。

>>July 19, 2011 at 8:42:52 AM GMT+8

2011 年 7 月 14 日 星期四 【乍雨乍晴】

唔開心…真係唔開心…
因為旅程好辛苦，而我不斷走馬看花。
我唔知應該去邊…所以成日亂咁行…
每次去一間hostel我都會行好多好多錯路…
仲要好重的行李，好凍 ，又成日落雨…
路人甲說，平時天氣唔係咁差的…
如果我冇錯過飛機…就唔會搞到咁狼狽…
我知係我問題…

最衰係…我唔習慣同沙田男咁疏離的關係…
之前再辛苦，只要嗲下佢我就又精神番…
因為有人錫有人呵有人tum...
而家呢…坦白了…結果抽離左…
我既然有番個良心，就唔可以“利用”人家的愛…
又係的，只要中環吻別男肯同我一齊我就會放棄沙田男…
既然我只當人係後備，係次選，點好意思要人愛我？

只是沒了他的支持…一個人…很辛苦…
這種感覺沒人能了解吧？

我不是單單只要他關心我，
我也付出我的關心…

跟沙田男這樣的結果…令人很苦惱…
也許到最後，誰也不做我男友。
中環男不願跟我一起，沙田男也不等我…
然後我又會問，為什麼要認真？
拍拖就拍拖，有冇結果有乜關係？
開心過咪算囉…做咩要咁認真搵個岩的呢？
明知唔岩或冇將來的人就唔可以一齊嗎？

真係好煩…我做乜無啦啦又想好似以前咁認真？
我唔理呀，趁後生尾，求其拍下散拖都要！
如果最後真係兩個都冇，我會再去亂咁flirt其他男仔…
再唔係就搵個新的工作場所再去開發！

本來好地地，做咩無啦啦學人有良心講坦白？
佢本身都預左未必追到我架啦…
而且如果我衰左然後同佢一齊，
我真係會全心全意認真地一齊…
而家搞到咁，我衰左都唔好意思同佢一齊啦…
唉…

又錯晒…
乜鬼都錯晒！

>>July 14, 2011 at 10:45:23 PM GMT+8

廣告 讀者留言 |  路人留言   | 搵左好耐先搵到黎 <br>留個名 >>January 16, 2012 at 11:53:57 AM GMT+8 我們愛, 因為神先愛我們 :) >>December 5, 2011 at 12:07:00 AM GMT+8 恭喜你變返單身 :) <br>大 >>September 14, 2011 at 12:04:31 PM GMT+8 不知不覺，你已經去了個多月，而我 >>August 11, 2011 at 8:09:27 AM GMT+8 小冰好開心呀~可以每日睇到你ｄ日 >>March 24, 2011 at 2:21:50 AM GMT+8 真好你現在只聽韓文歌~~~ <b >>February 8, 2011 at 3:36:52 AM GMT+8 好搞笑睇睇下你忽然好憤慨 :p >>January 16, 2011 at 12:38:09 AM GMT+8 Im back from the >>December 28, 2010 at 12:53:07 PM GMT+8 正想留言&#35715;你首 b >>November 25, 2010 at 10:28:28 PM GMT+8 正想講我的4人份量意粉雖不算飯, >>November 20, 2010 at 11:20:23 AM GMT+8 南佶佶bg pic :pppp >>November 6, 2010 at 5:33:47 PM GMT+8 嫁o左俾個失明人仕一定可以慳番好 >>November 5, 2010 at 2:12:18 AM GMT+8 no need to work >>October 29, 2010 at 4:26:07 PM GMT+8 好掛住你ar >.< fai d >>October 15, 2010 at 11:24:39 PM GMT+8 aiya!!! take car >>September 23, 2010 at 8:25:57 AM GMT+8 同意達達的說法, 真正的朋友係應 >>August 30, 2010 at 10:30:51 AM GMT+8 你當年受傷了,大家都能體會,但人 >>July 15, 2010 at 2:41:54 AM GMT+8 或許我沒有從你的角度去看,我只是 >>July 15, 2010 at 2:40:53 AM GMT+8 不要再想不快樂的事了,好嗎?將來 >>June 28, 2010 at 12:46:07 PM GMT+8 好耐無黎喇~我自己個個showh >>June 24, 2010 at 11:56:34 AM GMT+8 或許那一段愛情不屬於你，那次分開 >>June 15, 2010 at 2:07:43 PM GMT+8 Pinky~how're you >>May 19, 2010 at 2:18:17 PM GMT+8 really nice back >>May 18, 2010 at 4:06:49 AM GMT+8 路過你的日記，相信你其實都不會差 >>May 9, 2010 at 7:42:29 PM GMT+8 我很喜歡一句話，人沒法改變生命的 >>April 17, 2010 at 6:03:11 PM GMT+8 pinky~~~hello~~~ >>April 11, 2010 at 10:47:11 PM GMT+8 人其實可以好實在亦可以很虛幻;人 >>April 9, 2010 at 9:06:14 AM GMT+8 hi,, <br>well,,, >>April 3, 2010 at 8:42:16 AM GMT+8 have you got my >>March 20, 2010 at 1:46:25 AM GMT+8 神對每一個人都平等，你可能感到不 >>March 7, 2010 at 8:02:34 PM GMT+8 朋友充其量你只好當他/她是一種傾 >>February 1, 2010 at 6:11:22 PM GMT+8 很抱歉我沒來你的showhapp >>January 24, 2010 at 6:45:30 AM GMT+8 sorry to hear th >>January 24, 2010 at 6:07:06 AM GMT+8 對不起，我不是個稱職的朋友。我希 >>January 13, 2010 at 6:01:35 AM GMT+8 世界沒有對的人，沒有錯的人，人不 >>January 2, 2010 at 3:31:04 PM GMT+8 感情沒有分對與錯，愛就是愛，不一 >>December 10, 2009 at 8:51:43 AM GMT+8 感謝神~ >>September 8, 2009 at 4:18:34 PM GMT+8 差d以為自己去錯地方 <br>哈 >>May 22, 2009 at 9:50:59 AM GMT+8 no need to pick >>May 13, 2009 at 7:19:34 PM GMT+8 finally i am bac >>May 9, 2009 at 10:36:14 PM GMT+8 宜家唔駛打拿? >>May 8, 2009 at 3:45:04 PM GMT+8 good song <br>但我 >>May 7, 2009 at 3:17:00 PM GMT+8 坉蚞磪髐W <br>呇 <br> >>May 4, 2009 at 5:52:29 AM GMT+8 你的日記仔真幸福, 個主人年年都 >>April 5, 2009 at 10:13:51 PM GMT+8 閱. <br> <br>另,生日 >>April 3, 2009 at 4:15:11 PM GMT+8 早d sleep is good >>March 26, 2009 at 10:57:13 PM GMT+8 我都覺得好像用過~不過好過之前那 >>March 16, 2009 at 11:38:49 PM GMT+8 Pinky~~~生日快樂呀~~~ >>March 11, 2009 at 9:26:48 PM GMT+8 小冰呀~~我仲未收到你封信呀 > >>February 23, 2009 at 3:05:51 PM GMT+8 yes ar~i am wait >>February 4, 2009 at 9:37:56 PM GMT+8

人氣: 74643

Design & Scripting by ShowHappy.Net