2011 年 7 月 11 日 星期一 【颳風】

才８天，已經開始豪食了…
應該會又肥左…
玩得太快樂，忽然沒了事業心。
反正以我的本事也不會怎樣成功，
不如遊樂人間吧？
part time儲錢，working holiday, 重覆幾次。
真的，不想被full time 綁住。

錯晒…真的錯晒了…

也許真的要坦白了…

唉…

中環男吧!
如果衰左就算啦…

沙田男…太抱歉了，
長痛不如短痛，我承認我錯了…
唉…

Timing問題，原來係咁解…

>>July 12, 2011 at 1:19:24 AM GMT+8

2011 年 7 月 6 日 星期三 【颳風】

身在愛丁堡星巴克。
由於而家的社交圈都在另一個面書，
所以基本上好少用之前用開那個。

覺得有需要交代下我的感情狀況，
我之前喜歡的尖咀咖啡男隨著我表白了而完了。
但大家可以做朋友，幾好。
而我亦冇好喜歡佢了。

那個中環goodbye kiss男，係目前最鐘意的。
我飛的前一日佢都仲有短訊俾我，
仍然十分期望可以發展到。
對我來說，他是一種fantasy.
是年輕時代應該拍拖的那種人。
每次諗起那一晚那個吻就心動不已。

另外也是中環說喜歡我的同事，
我已早早冷淡對佢，所以呢個可以close file.

最複雜係沙田男。
本來我都係如常同佢玩，
以為大家係玩玩下，點知佢好快就鍾意左我。
本來以為佢係玩，所以就用“我想認真”來打發佢…
點知佢真係認真…走之前出過一次街，不斷msg.
出街那晚聽左好多佢的野，我係佢改邪歸正的第一個人。
佢對我好好，真係好好。
我忍不住良心責備就坦白講左goodbye kiss男的事，
佢竟然肯等我，要公平…
我真係陣腳大亂…

從來冇一個男仔好似佢咁對我咁好咁緊張我…
同鄧生一齊時一直希望有的那種很愛很愛的感覺佢俾到我…
我實在太感動！
同佢一齊我一定可以好幸福。佢會好錫我。
但如果講到結婚，我又有保留，始終條件方面…
但我都唔係睇呢樣。最介意係佢真係唔夠高。
個樣驟眼係幾好，但細看又唔好。
唉…

而家基本上我同佢已經係地下情的關係…
只係欠一個確認。
但我真係好想同goodbye kiss男拍拖…
所以實在好為難…
一腳踏兩船係好，但唔易囉。
而且佢對我咁好，我唔想傷害佢。
如果吻別男冇問題，我係一定會同佢一齊，
但問題就係我真係唔想沙田男唔開心，
要佢等佢對佢唔公平，唔一齊佢一定好傷心，
一拖二佢唔會肯，瞞住佢一拖二被發現佢仲唔開心。

唉…錯晒…
我都會掛住沙田男，但感覺上我冇好喜歡的感覺。
同佢一齊好開心，但真係淨左點東西。

都唔知我幾時同做咩會變成咁。
但咁樣原來係好開心。

補充：送我機的，是沙田男。
一早來我門口送我到機場。
將佢戴開的戒指穿在鍊上然後帶在我頸上。
就係呢一刻，我覺得 I'm his.

唉…我知無論點處理呢個都會係一個sad ending.
因為我由一開始就只當佢係後備。
從來心中最鐘意的都唔係佢。

遊戲係咁，認真你就輸。
唉…

>>July 7, 2011 at 11:11:58 AM GMT+8

2011 年 6 月 30 日 星期四 【綿綿細雨】

開心死，竟然同事們真係拎到佢電話，
又竟然佢真係肯應我，
今晚又竟然唔合常理地爛尾，
搞到我可以正正常常地等佢放工！
平時點等得到兩點丫！
竟然佢又肯同我一齊走，
仲送埋我搭車，仲肯陪我吹水係咁過車。
竟然咁岩佢而家好似同女友有點問題，
咁岩我真係冇錢搭車，問佢借左一蚊。
總之，
乘著last day 之便，
成功爭取到一個goodbye kiss!
幾耐冇錫過呀我，三年有多啦!
Feel so good, wahahaha.

Well,我叫佢快點飛左佢女友然後同我一齊。
佢仲話好，如果係真就好啦！

個半月，冷靜下，期待下。

呢個真係令仔呀，我投降。

至於我鍾意緊的男仔，
佢應該係唔會喜歡我的。
所以明晚過後，我會close file.

同時又有另一個男同事開始來料…
呢個都可以，雖然唔係勁令仔，
但都可以的。
如果拍拖都可以的，
不過呢個唔急，慢慢拖住先都仲可以。

至於之前又話鍾意又話掛住我的同事，
俾足機會佢追我，佢又唔嗲唔吊…
咁就由佢啦，死刑呀！

今晚實在一萬個開心！
如果真係做我男朋友？
三年白果都抵食。
太可愛啦佢真係！

我希望個半月後係一切向好！

後生女，原來真係會講句：未玩夠。

>>June 30, 2011 at 8:16:47 PM GMT+8

2011 年 6 月 27 日 星期一 【綿綿細雨】

番工番到個人變得好不認真好不正經。
既然有人話我份人太認真，咁我就努力去唔認真啦。
原來遊戲規則係“邊個認真邊個就輸”。
我先唔要輸！
繼續花心下去…哈哈！

今日聽到一個好似都幾常聽到的問題，
『點解唔搵番個男朋友je?』
我都呆左陣，點解？
愛情會唔會太沉重？
拍拖其實都唔一定要愛。

搵要時間同機會，相識交往培養感情，
最驚係唔知會唔會又食炸糊！
而且好幾次都係我鍾意人但人唔鍾意我。
係咪真係可以有相愛的另一半真係唔知。

重申，玩玩下原來都幾好玩。

Btw,希望快點病好，星期五養足精神，
做最後一次認真的事。

>>June 28, 2011 at 9:47:22 PM GMT+8

2011 年 6 月 21 日 星期二 【綿綿細雨】

Baby would you walk me home
I don't wanna go all the way alone
Baby would you walk with me home
Baby won't you take my hand
Come with me now to a special land
Baby would you walk with me home

And I wonder what it will be
If I am your lady
And you are my friend
I'll put my heart into your hand
And it would never end

好聽又中晒的歌…

發現溝仔都好易…如果肯上下床…
唔上床都唔係溝唔到，係冇咁快同冇咁易唧…
又或者應該咁講，如果只係想要咀下攬下，根本唔使男朋友…
唔認真的話…分分鐘一腳踏n船都應該冇問題。

可惜我最想的依然係同我喜歡的人在一起。
但食左三年齋…我真係會求其搵個人來消滅寂寞…
尤其當我喜歡的人唔喜歡我的時候…

或者…冇可能再好似之前那次咁激烈…
那三年也許是人生中可一不可再的激情…
之後那些都不可能超過對那一位的那種愛…
不是說我仍放不下他，只是好像忽然發現了這事實。
也許因為長大了？愛情也變成了另一回事？

沒有男朋友很難以置信嗎？
化妝之後就竟然常常得到靚女的稱呼？
這個幾月真的令人很疑惑…
是我從前的世界太窄還是我遇到人都很仁慈？

快要離開這個香港了…
我會在此之前突然做出驚人的舉動嗎？
又或…
他會願意我做他的女朋友嗎？

>>June 21, 2011 at 6:28:55 PM GMT+8

2011 年 6 月 19 日 星期日 【綿綿細雨】

呢排番工都好開心。
難得在於三個場都同同事們相處得好開心。
而三個場的工作又唔同，但一樣咁有趣!

算半隻腳踩入呢個世界了。
工作時的心態同技巧都有新體會。
最重要係我盡量唔去厭倦自己的工作。
所以對人的工係比對電腦的工有趣，
而一team人做野又開心過一個人做野哦。

又發現左這世界的男女關係其實都幾難界定。
唔係只有"情人"同"朋友"。
有女朋友的會去界女 /flirt 女。
冇女朋友的得閒又就手就會去搵即食即棄的。
以前一直相信那種所謂愛情好似唔存在咁。
存在的只是stay together.

繼前幾晚同個唔係識左好耐的同事有唔太恰當的身體接觸後，
尋晚又有另一個場的另一個同事突擊，
雖然今次只係好小事，但在一向的認知中係唔太岩的。
因為我又唔係喊又唔係病而佢又有女朋友呢。
雖然我都係好貪玩又冇乜所謂的人，但都有點odd.
不過其實冇乜野，下次再有呢種情況我就唔會俾佢嚇親。
我會回番禮:P
其實我係鍾意玩，但都會小心唔好過火。
畢竟男人想做的我未想做住，
除非我好愛佢。

22人，都唔後生了，純情會俾人話白痴=_=
唯有低調點，唔正經點。

>>June 20, 2011 at 4:10:50 AM GMT+8

2011 年 5 月 27 日 星期五 【清涼】

唉…好耐冇試過成程巴士喊到豬頭咁…
尋晚由中環喊到番牛頭角…
真係太唔捨得個同事啦…
我發現我有強烈的依賴症…
有個咁勁的同事傍住我覺得好安全，
佢走…自此少左個強人幫我同鬧我…
我真係發現我好鍾意俾佢鬧…
而呢間野真係好多野學…
令我覺得飲食業真係好吸引…
雖然知道了原來佢同另一位好同事地下情，
但不減我的不捨…
唉…真係喊到死又訓唔著…
唉…希望遲下番見會適應啦…
我有一萬個想再有機會聽佢命令做野…
可惜怕只怕連再見的機會也沒有…
幸好昨天不顧一切呆坐左四個鐘…
望住佢好吸引的認真做事的樣子…
聽佢發惡鬧我的說話…
好開心。
我會將佢認真做事的最後一幕刻在腦中，
永遠。

>>May 28, 2011 at 6:45:51 AM GMT+8

2011 年 5 月 23 日 星期一 【酷熱】


萍水相逢? 過客? 聚散真容易?
係咪我呢份人太喜歡同別人建立關係呢?
係咪我太過有歸屬感?
係咪我太過念舊呢?


尋日番工突然知道一個同事一星期後唔做了..
真係好突然...諗都冇諗過...
雖然其實公司可能一兩個月後就已經結業..
但都冇諗過分別係會咁早..


即使我只係一個小小的part-time..
雖然我只係番左短短3個月...
但我已經好投入到個環境..
已經同同事們熟了不少..
亦很喜歡他們每一位..


雖說飲食業分別後重遇的機會十分高...
而流失率亦同時好高...
又...人望高處...有更好的話...蟬過別枝也合情理..
可是...我還是希望能夠完完整整地這班人...直到永遠..
不喜歡別離...不喜歡改變...


也是同事說起...才發現我這種思想..
原來是不獨立...我要依靠別人帶來快樂..
而不可以自己給自己快樂..
應該是吧...一直以為自己很獨立...
現在才發現不是呢..


這份工...讓我的傲氣及自滿減了不少..
打爛野...倒瀉野...拎錯野...n樣數之不盡的錯失天天上演..
我做不了的事太多...應變能力有待改善..


一方面很開心終於可以做更多的工作..
另一方面卻因為不斷犯錯而有點害怕..
有點與同事混熟...很容易就忘記自己的身份..
開始冇大冇細...這是不行的...我要時刻緊記...上司始終是上司..


慢慢發現...雖然有人會對自己很嚴厲很刻薄..
但其實是在教自己...而且在背後為自己補鑊..減輕自己的負擔...
被照顧的感覺仍然很好...但不可以這樣一直下去..
我一定要成長...長期照顧只會成為負累...


很慶幸自己總遇上好的同事好的上司..
所以上班依然是很開心的一件事...


當開始有自己的timesheet..
忽然有自己的衣架..
漸漸習慣留下鞋子在公司..
終於有自己的locker..
我真的覺得自己是這裡的一員..
雖然每個partime都是這樣..


其實..
我真的很不捨得將要離開的同事..
他是對我最尖酸刻薄..又最人身攻擊..又最喜歡欺負我的人..
曾經試過因為他串我串得太勁...而不理會他....當他透明..
也試過因此而覺得自己真的很冇用...而偷偷掉眼淚..
可是偏偏竟然會不捨得他..


其實他一面罵我...一面又教我很多新的工作..
其實他會一面欺負我...一面對我好..
其實我最喜歡聽他稱讚我...
我會記得他默默地借故讓我涼冷氣..
我會記得如果他在..他總會問我要喝什麼..
我會記得他罵我在這裡打工很笨..應該做其他工..
我會記得他在我第一次打爛野時..關心我有沒有受傷..
我會記得他在我獨自在倉抹餐牌時...幫我開冷氣...
我會記得他幫我清理我倒瀉的蠟..
我會記得每次幫他忙之後..他總會說的「唔刻」..
我會記得他教我的一切一切...


這幾天...忽然發現自己這種不捨得有點不正常..
連不上班的日子也會想起他..
長此下去我或許會喜歡了他...
現在離開..也許是好事..


他很忙地工作的時候其實很吸引..
我也很喜歡依他的指示下做事..
每個男人都會有他魅力展現的時候..
我覺得這個工作環境就是他最有吸引力的時候..


很清楚我絕不是他有興趣的類型..
單單是不打算上床加冇身材已經夠成為絕緣體..
而明明他也不符合我喜歡的條件..
身高及學歷不夠高不夠乖還食煙..
我怎麼會喜歡這樣的人呢?
可是偏偏似乎有點動心..
果然所有條件都是假的...到後都是感覺行先..


既然是不可能..早日不見對我是一件好事..


可是想到以後也許沒有再見的機會..
心裡就禁不住惆悵..
沒有電話沒有fbk沒有其他聯絡的打算..
我們除了有工作上的聯繫就什麼都沒有了..
那麼的生疏..


因此..忽然想起一首舊歌..
<如果我們不再見>by sammi~
只想到以下的歌詞...因為是心聲所以記得...



假使你與我　不該再見面
幸福這麼遠　大可不眷戀
...
如何能　和你就此不相見？
有時　還會恨
然後我有我生活　然後你再愛別人
如何能　和你認了不相襯？
有時　仍不忿




其實我們真的很不相襯..
其實沒有了他我還是會繼續上班..
而他還是會去愛別的女人..


算了吧..有點感慨罷了..
幸好這星期我有很多天都上班..
希望能好好珍惜一起工作的時光..
很快大家都各散東西..
不知何年何月何日才會重聚..
希望每位同事都有更好的將來..
亦希望不要忘了我...(介紹我去他們的新公司炒散~ha)


希望大家都享受工作的時光。




>>May 23, 2011 at 8:03:01 PM GMT+8

2011 年 5 月 17 日 星期二 【酷熱】


明天考LOVE...冇溫書...
一來READING太難..
兩來真係冇乜MOOD溫書..
AS感覺已經畢左業..


為左對得住自己...
所以睇多一次"十分愛"
因為好"LOVE"同好"CULTURE"...


真係好灰...
但我又覺得如果相信佢的一套..
應該會幾好..


咁叻講大話的我..
從來都唔想O係一段關係中說謊..
應該都冇試過講大話...
應該話係冇不忠過...


如果有機會..
都想試下到底我的大話可以講到去咩程度..
如果當愛情只係一個GAME~
其實應該會幾好玩..
尤其我呢個咁有演戲天份的人~
應該幾成功掛~


HAHA~都係講下JE..
我應該唔係D咁GE人..


不過...
人越大...好似思想都開始成熟D..
至少明白咩叫愛情唔可以當飯食..
雖然我都仲係唔知生命最重要係咩..
但我都知唔可以將愛情當作生命的全部...
就等如唔會有人將全副身家拎去買窩輪/對沖一樣..


愛情本身唔可信..
男人亦都唔可信..
自己雙眼唔可信..
別人的話唔可信..
「相信」本身就係一個錯誤..


愛情...你信佢乜?
你信佢有永遠?
你信佢係最大的力量?
你信可以因為佢而做任何事?
你信有佢就可以誇越一切難題?


男人...你又信佢乜?
你信佢只愛你一個?
你信佢愛你就會為你做任何事?
你信佢尋日愛你今日聽日就會愛你?
你信佢會因為你愛佢而愛你?
你信佢因為一齊好耐而繼續?
你信佢唔變心?
你信佢如你想像般愛你?


自己雙眼睇到的就係真?
自己雙眼睇得到事實的全部?
定係只係睇到自己想睇到的假象?
別人又會話個真相俾你知?
別人話你知的真相又真係因為為左你好?


完美主義者根本唔應該去追求愛情..
因為只會在當中發現愛情的劣質..
以及自己與愛人的無能和缺失...


很諷刺..
一切那麼不可信..
可是一段關係最重要的卻是信任..


自問沒能力叫別人愛上我...
而正常情況下...別人也不會選擇我..
因此這些問題真的可以不用煩...
只是忽然覺得自己很可笑...
被愛情這東西纏繞了這麼久的我...
竟然真的前陣子才清醒..
這個夢真做得夠久的了...


我發現我真的有與身邊人打成一片的強項..
我會很喜歡上課時認識的同學..
我會很喜歡見工遇到的同伴...
我會很喜歡上班認識的同事...
我會因為他們而更愛上課/上班...


這陣子只想努力學習做一個稱職的WAITRESS~
很好笑~當我喜歡上班時~就會想做好~
之前做SALES是~現在做WAITRESS也是~
我要努力擴展我的工作經驗~
可能將來忽然想做一個文員, PR, 客務服務員....


不希望將來是「自己做野」..
很希望是對人的...與人合作的..
工作的時候,時間過得很快~
比起上學溫書做功課快很多~
真幸福!


明天考完試就正式完結了~
興奮!


忽然就想聽"七年"~方杰的詞~
寫得很好~前前後後截取了一些最有感覺的:


甜美地邂逅　十指想緊扣
為何今天掩著耳走　不敢深究
最初的迷戀　在暗中化作了忍受
這經歷　哪位沒有
明明沒出錯　無緣無故也要遷就
這考驗　哪位沒有


從前的熾熱懷念　何時冷卻變生厭
當感覺變舊　彼此早有意逃走
是慣性　是欲求
若不捨　想補救
怎麼總是萬樣借口
怎麼總是慢慢放手


如相處悶透後　如相愛沒永久
人總貪心 滿足一切 都不會夠
倒轉了沙漏　不見得可改寫春秋
還是要　承受路上氣流


如天意未接受　如相信是永久
求可忠心縱使經過不少引誘
初見的溫柔　失散於幾多山丘
戀愛　穿過歲月後
怎保存到死　還有


>>May 17, 2011 at 7:05:33 PM GMT+8

2011 年 5 月 4 日 星期三 【酷熱】


這陣子,不斷使錢,不斷賺錢...
前幾天, 撞腫了頭, 跌傷了腿....
吃了喝了許多美味的...
也多了幾筆很意外的使費..


而其實...
這陣子於我最特別的..
是去慶祝了我的失戀3週年...


晃一晃眼...有個人就住在我心中六年了...
忽然之間...青春也不剩下多少...
當年的事...許多散失在時間縫隙中...
該忘記的卻還是記住了..


驀然回首...承認自己長大了...
我已經不是三四五六年前的我...
每個人都漸漸地改變成長...
如果說....那段關係曾經因為我的錯失而破裂..
那麼我好應該自己承擔後果...
不斷說自己知錯...卻又不想負責...
這是小孩子...
如今我已經長大...要為自己的行為有承擔...


假使那段關係曾經因為他人而變質..
那就更不應留戀...因為不值得.


年輕任性的關係...總是不愉快的場景比較多..
也不必太介懷...大家都在傷害與被傷害中成長..


再銘心刻骨...也罷了..
我會記得那種傷痛的感覺...
卻不再隨意撩起這份傷...
同樣地...那份甜蜜也一樣..


28號的晚上~
放工~乘便喝了一堆烈酒..
真是夠自己難受..
然後跟同事回去長洲的家過夜...
沿途...開始發瘋...
在沒人的天橋大發瘋言...
我知道我需要一點上腦的酒精才能表現某個真實的我...
那一刻...其實我醉得很清醒..


船上...在同事的肩膀哭得夠了...
也許我真的需要一個讓我哭的懷抱..
哭完了就釋放了...醉語中我對自己說要忘記了..
腳步浮浮來到了仿如世外的長洲...


本來想在碼頭繼續喝...
可是既然已經有一定的醉意...
那就可以省卻一筆了...
更重要的是...沒必要了.


長洲的家...很舒服...
難得有人可以接受沒有洗澡就滾上床..
床很軟很軟...被很輕很輕...
天氣很涼快...一切很美好...
枕邊的人也是山羊座..
睡得很安穩...


其實...
一個人獨佔一張床真的很自由...
何必要兩個人擠在一張單人床呢?
太緊密連轉身的餘地也沒有...
當然容易令對方不快...
一段關係...還是各自留有空間的好.


翌日..
吃盡長洲美食...
世界是那麼的美好...
美好與快樂是自己發掘的.


這次長洲出逃之旅純粹即興...
不然的話我會多帶一堆用品與衣服...
兩天都穿同一套衣服...感覺不好...
尤其是一件意義非凡的衣服...
相隔這些年..
同一件裙..穿在同一個身上...
感覺原來已經不同...
時間總是那麼的躡手躡腳...


能明白嗎?
同年的朋友沒有多少個能明白這種感覺...
雖然不想你們去經歷這種痛...
可是...如果要了解愛情的全相...
失去...是不可或缺的一環..
也許有一天你們明白了...
就能諒解我這些年來的種種你們眼中的「睇唔開」...


正在預備心情...去等待真正的下一位..
調整一下心態...慢慢等..
戀愛不只是拍拖...
好像可以漸漸分得清..
也許有天悶得發慌...
我會隨意找個人拍下拖...
可是我更想認真地去戀愛...


將要寫一份paper~
<前度>...很好看...
完結了的愛去寫一份paper..
也許於我還是容易的...


同時地...
也回了團契一次..
是一個好開始..
也許我正走上回轉之路...
我不確定..
可是如果我決心要回來..
我希望我從零開始...
重新認識主...


總之~
目前最重要是賺錢...
考試功課早已沒有興致去理會...
我要努力!!希望可以有一大堆part time同temp job找上門!!


忽然..
想在夜半3點...
煮一個公仔麵..
邊吃邊重看《前度》.


＊＊＊＊＊＊＊＊＊＊＊＊＊＊＊
奉上失戀紀念主題曲一首，下一年，應該不用再紀念。


最後一次寂寞－丁噹


你的笑　沒人能比我知道
為我　寫一首情詩
你的字　深深刻在牛皮紙
對折　折成一顆心的偏執


那是多久以前的迷惑
如今透過思念還溫柔
當　狂戀滅了　回憶褪了
再執著也許只是念舊


這是我最後一次寂寞
別再問我好不好過
比誰好　比誰弱
只聽見時間永恆的嘲笑　


這是我最後一次寂寞
別再問我好不好過
我們都　擁抱過
回不去　的日子
像　倒影水面的輪廓　有影無蹤


我得過　那白雪般的承諾
融化　是純真內容


我等你　等到鮮花爛成泥
光陰　腐化了最初的甜蜜


那是多久以前的迷惑
如今透過思念還溫柔
抽　走了嘶吼　留下脆弱
想把它趕走卻趕不走


>>May 4, 2011 at 8:14:02 PM GMT+8

廣告 讀者留言 |  路人留言   | 搵左好耐先搵到黎 <br>留個名 >>January 16, 2012 at 11:53:57 AM GMT+8 我們愛, 因為神先愛我們 :) >>December 5, 2011 at 12:07:00 AM GMT+8 恭喜你變返單身 :) <br>大 >>September 14, 2011 at 12:04:31 PM GMT+8 不知不覺，你已經去了個多月，而我 >>August 11, 2011 at 8:09:27 AM GMT+8 小冰好開心呀~可以每日睇到你ｄ日 >>March 24, 2011 at 2:21:50 AM GMT+8 真好你現在只聽韓文歌~~~ <b >>February 8, 2011 at 3:36:52 AM GMT+8 好搞笑睇睇下你忽然好憤慨 :p >>January 16, 2011 at 12:38:09 AM GMT+8 Im back from the >>December 28, 2010 at 12:53:07 PM GMT+8 正想留言&#35715;你首 b >>November 25, 2010 at 10:28:28 PM GMT+8 正想講我的4人份量意粉雖不算飯, >>November 20, 2010 at 11:20:23 AM GMT+8 南佶佶bg pic :pppp >>November 6, 2010 at 5:33:47 PM GMT+8 嫁o左俾個失明人仕一定可以慳番好 >>November 5, 2010 at 2:12:18 AM GMT+8 no need to work >>October 29, 2010 at 4:26:07 PM GMT+8 好掛住你ar >.< fai d >>October 15, 2010 at 11:24:39 PM GMT+8 aiya!!! take car >>September 23, 2010 at 8:25:57 AM GMT+8 同意達達的說法, 真正的朋友係應 >>August 30, 2010 at 10:30:51 AM GMT+8 你當年受傷了,大家都能體會,但人 >>July 15, 2010 at 2:41:54 AM GMT+8 或許我沒有從你的角度去看,我只是 >>July 15, 2010 at 2:40:53 AM GMT+8 不要再想不快樂的事了,好嗎?將來 >>June 28, 2010 at 12:46:07 PM GMT+8 好耐無黎喇~我自己個個showh >>June 24, 2010 at 11:56:34 AM GMT+8 或許那一段愛情不屬於你，那次分開 >>June 15, 2010 at 2:07:43 PM GMT+8 Pinky~how're you >>May 19, 2010 at 2:18:17 PM GMT+8 really nice back >>May 18, 2010 at 4:06:49 AM GMT+8 路過你的日記，相信你其實都不會差 >>May 9, 2010 at 7:42:29 PM GMT+8 我很喜歡一句話，人沒法改變生命的 >>April 17, 2010 at 6:03:11 PM GMT+8 pinky~~~hello~~~ >>April 11, 2010 at 10:47:11 PM GMT+8 人其實可以好實在亦可以很虛幻;人 >>April 9, 2010 at 9:06:14 AM GMT+8 hi,, <br>well,,, >>April 3, 2010 at 8:42:16 AM GMT+8 have you got my >>March 20, 2010 at 1:46:25 AM GMT+8 神對每一個人都平等，你可能感到不 >>March 7, 2010 at 8:02:34 PM GMT+8 朋友充其量你只好當他/她是一種傾 >>February 1, 2010 at 6:11:22 PM GMT+8 很抱歉我沒來你的showhapp >>January 24, 2010 at 6:45:30 AM GMT+8 sorry to hear th >>January 24, 2010 at 6:07:06 AM GMT+8 對不起，我不是個稱職的朋友。我希 >>January 13, 2010 at 6:01:35 AM GMT+8 世界沒有對的人，沒有錯的人，人不 >>January 2, 2010 at 3:31:04 PM GMT+8 感情沒有分對與錯，愛就是愛，不一 >>December 10, 2009 at 8:51:43 AM GMT+8 感謝神~ >>September 8, 2009 at 4:18:34 PM GMT+8 差d以為自己去錯地方 <br>哈 >>May 22, 2009 at 9:50:59 AM GMT+8 no need to pick >>May 13, 2009 at 7:19:34 PM GMT+8 finally i am bac >>May 9, 2009 at 10:36:14 PM GMT+8 宜家唔駛打拿? >>May 8, 2009 at 3:45:04 PM GMT+8 good song <br>但我 >>May 7, 2009 at 3:17:00 PM GMT+8 坉蚞磪髐W <br>呇 <br> >>May 4, 2009 at 5:52:29 AM GMT+8 你的日記仔真幸福, 個主人年年都 >>April 5, 2009 at 10:13:51 PM GMT+8 閱. <br> <br>另,生日 >>April 3, 2009 at 4:15:11 PM GMT+8 早d sleep is good >>March 26, 2009 at 10:57:13 PM GMT+8 我都覺得好像用過~不過好過之前那 >>March 16, 2009 at 11:38:49 PM GMT+8 Pinky~~~生日快樂呀~~~ >>March 11, 2009 at 9:26:48 PM GMT+8 小冰呀~~我仲未收到你封信呀 > >>February 23, 2009 at 3:05:51 PM GMT+8 yes ar~i am wait >>February 4, 2009 at 9:37:56 PM GMT+8

人氣: 74644

Design & Scripting by ShowHappy.Net