2010 年 12 月 21 日 星期二 【乍雨乍晴】


我是不是患了強逼症?
如果那一天沒有任何事要做會很徬徨..
如果要自動放棄賺錢的機會會很內疚..


我是不是也患了遲到病?
番工番學考試補習交功課交貨統統遲晒..
溫書又溫得遲...今次考試冇一科考得滿意..


對自己有一萬個不滿..
我明明可以溫得更多..然後考得更好..
為什麼最後做不到?


坦白說..
有一種活不下去的感覺了...
這個次成績這麼差..
將來很難找工作..
那份HON PRO我知我做不好..
那個ITELS我知我會考得差..
錢我不知道是否能儲得夠...


只覺得自己真的很失敗..
是一個徹徹底底的敗犬...
一事無成..一無是處...
說要做的沒有一樣做得好..
說要改的沒有一樣改得到...


很不喜歡自己..
快點猝死吧..
已經了無牽掛...


世上最難了解的人是誰?
是自己.
最難控制的是什麼呢?
是自己的心.
人活著到底是為了什麼呢?
為了找到活著的意義?
人生的旅途這麼難走..
感覺自己正走到了撒哈拉..
又像到了喜瑪拉雅..


這麼苦痛的人生哦.
縱然, 還是想有下一次..
為了人生的快樂..
還是願意承受這一切痛苦嗎?
不知道, 待到百年歸老再告訴上帝吧.


只想有平平淡淡的幸福..
普普通通地走完這一生..
可是這也是一種奢望吧..


很想要一個家...
就是找個人來吵吵架也好..
給自己一些付出的機會..
比陌生人更陌生的媽媽..
真的受不了...
每次見到她就很怨恨..
怨恨她剝奪了作為小孩子的專利:
扭計撒嬌。


看到別人有很好的兄弟姐妹..
就很羨慕很羨慕..
總覺得對兄弟姐妹好的人是特別的好..


怎麼會這樣的意志消沉?
年尾了...很快..
這「時間」哦..超光速嗎?


什麼時候...什麼時候..
才可以開心一點?
疼錫我的人何時才出現..
仍在中學時...至少有NANA..
令我很清楚知道有個人很著緊我..
人大了...什麼也沒了..
成長就是不斷的失去嗎?


愛哭的我仍然很愛哭..
雖然在「起晒桿」的外表上找不到證據..
好像很久沒有在誰面前哭了..
最多是隔了一個電話...
仍然記得那時候NANA的手拭去我臉上眼淚的感覺..
那種感覺...不是紙巾能取代...


為什麼中學的感覺比較好呢?
是因為很容易就找到一個容許你哭的肩膀吧?
現在誰來容納我的眼淚?
電腦?枕頭?地板?衣袖?


有時還是害怕聽到某些歌..
去到某些地方..想起某些場面..
正如莎士比亞的哈姆雷特所說的:
「脆弱啊，你的名字就是女人!」

>>December 21, 2010 at 7:02:03 PM GMT+8

2010 年 12 月 18 日 星期六 【乍雨乍晴】


今天抄錯考試時間...趕不切去考試..
又要俾多200申請補考..俾多20蚊去拎假紙...
仲要訓得幾個鐘就惡夢般趕出門..
諗住豪俾佢飛的...但又有紅的...
唉...灰到爆...又擔心醫生唔開假紙俾我..
又怕自己D大話講得唔係好好~


之後成個下午咩住一堆書去影商場..
銅鑼灣+TST...真係攰到呢...
驚訝發現新世界執左笠..-0-


到夜晚..補完習搭巴士回家~
本來都冇訓著GE...就來到站先訓著..
結果我又搭過龍LOR...
咁都不特止...


為怕俾狗咬...我企定定等車而唔敢行番去..
結果連續3架回家的小巴都當我透明..
我已經半個身出左馬路GA LA..都係唔停俾我..
我仲係企在巴士站呢D明顯係可以上車的地方..
夜媽媽...搞到我都以為自己係咪死左都唔知...
又OR係咪遇上D唔係真GE小巴...


最後我要企正馬路中心先截到車~
又係個句...賤命一條..馬死就算..
今日趕唔到去考試都有諗過好唔好俾車撞下~


有點忐忑...有點失落...
有點可笑...有點羞愧...
但至少我都知道自己要GE係DOWN TO EARTH GE野~


命生成GE...我都唔想..
好事多磨?
可是還有多少時間可以去磨?
其實...死水比較適合我..
小小的波動已經很能影響情緒..


原來自己還未成熟...


>>December 18, 2010 at 8:44:16 PM GMT+8

2010 年 12 月 15 日 星期三 【乍雨乍晴】


勁凍lor...呢個時候好想去訓la~
不過呢~明天考試~到而家都仲未溫~
大家見慣不怪la~
真係唔知溫咩..對住d睇唔明ge野..
太冇意思la...一堆雞腸....
點解吸收知識要因為語言呢個工具而有窒礙?
為此~向所有翻譯學術著作的人仕深深致敬!!!


番左4日工...係冇所事事的工~
得閒冇事就搵人吹水~真係得閒到呢~
不過又係個句~番得好開心lor~
因為有得同人吹水~又見識到唔同ge人la~


我究竟鍾意咩類型ge人ga?
明明我係喜歡好似南佶呢d成熟男人ga ma~
點解會為左一個嫩男而心思思ga?


well~呢個嫩男真係好可愛~
好純ar佢~佢自我介紹時話:
「蔡xx, 19歲, 未拍過拖, 處男」
佢係讀唔成書的人但竟然冇亂搞男女關係~
超純ar真係~勁個愛wor個樣~又害害羞羞咁~
175cm~白白淨~唇紅齒白~有酒粒tim ar~~
一句講晒~嫩口~fresh!!


嫩男好乖咁做過理貨員同冒險樂園哥哥~
佢家姐都好鍚佢ga~如果我有個咁可愛的細佬就好了~
好純情ge佢~都仲係睇緊松島楓~
明明我f.7時已經係松島美人的時代ga la~
冇理由3年之後都仲係佢ga~擺明佢唔係好沉迷la~
真係好鍾意佢ar~~點解竟然仲有d咁純咁可愛的小男孩?


好想帶佢去買衫~
好想俾佢番多d唔同的工~等佢睇下世界有幾大~
好想教下佢英文~
好想督促佢再讀書~
好想同佢拍下拖等佢感受下咩係戀愛~


雖然我都唔係讀書好勁~又唔係經驗豐富~
但在佢面前我諗我已經叫做食多佢幾年米~haha~
如果我可以同佢一齊~我一定唔會俾佢學壞ge~
(我教壞佢就另計~haha)


不過佢驚左我ar~因為姐姐我太放盪la~
係咁同另一個男仔夾份話佢係援交少男~
最衰ge衰野都出自我口中... :p
仲要去逗佢......下巴~
搞到成個淫辱少男的姐姐一樣~
不過~佢都肯同我講佢唯一一次的曖昧事件~


早知我而家會咁掛住佢~
我就死都問佢拎電話同facebook la!
真係後悔到我呢~
我打算如果時間許可~再去撞下佢有冇番工~
好似話21號同31號會番工~我都唔記得....T.T..
希望後日KATHY番工時可以幫我睇下~


不過咁...我人生中的檸檬都食左唔少LA...
次次都係我鍾意人地~但人地唔鍾意我~
今次都唔會例外GA LA~SO SAD!
其實我都好明白在男性眼中~我係的價值係零/負~
正一係執左番屋企就要喊3聲個D~
鬼叫我唔係個D文靜純情柔弱女子咩...


就係因為咁...所以應該將自我價值用其他野來建立~
如果我唔可以有個成功的事業...就真係一無是處LA!
真係要加油先得~女強人AR女強人~快D成為我的代名詞LA!!


但係我又覺得自己唔會真係成功地做到女強人WOR...T.T...


真係唔知可以點...


其實我有KEEP住卧薪嚐膽GA~
太憧憬拍拖GE時候~就會去溫習下受傷的感覺~
每次諗番起都仍然咁腰心腰肺~
都總係可以令我滴下眼淚~
然後就會同自己講拍乜鬼拖AR~
愛情的本質就係互相傷害~根本冇所謂的愛情~
你係咪又想經歷下個D曾經話好愛你GE人~
最後見到你好似見到SARS咁..走都走唔切丫?
由原本掂你好似掂自己咁自然變成掂到唔想掂到你丫?


所以呢~都係腳踏實地咁搵真銀LA~
爹親娘親都唔夠銀紙親~
至少搵錢呢D野係多勞多得~付出了就有回報~
是我的銀紙就是我的~
如果有賊仔來搶我的血汗銀~我真係同佢死過~
搶錢即係搶我老公~殺我全家~!!!!
反正我就賤命一條~冇人要~死咪死LOR!


我呢條雙魚...其中一條早已重傷到奄奄一息唔會好番...
另一條唯有越來越壯搵多D糧食去吊下另一條GE命LA~
我相信好多人都好似我咁~所以咁樣係冇問題的~
我覺得我最應該學習GE係全然漠視世俗的眼光~
不為別人的期望而生活~讓自己自然發展~


開始好眼訓~都係趁仲有D精力去睇睇NOTES!
大家共勉之~對自己坦白吧~
單身的繼續努力工作~蜜運中的好好ENJOY吧!

>>December 15, 2010 at 6:49:18 PM GMT+8

2010 年 12 月 10 日 星期五 【颳風】


呢一輪英磅最低潮又被錯過了...
又要唔知等到何年何月個匯率先會再低番LA...T.T...


除左又係番緊工...又接多左個補習之外...
生活還有什麼?
連刑警都結局了...


如果世界繼續讓個人主義極端化會怎樣?
老子的小國寡民會無聲無色地來臨吧..
每個人都只看到自己...只在自己的世界裡自閉...
不想交流...不需交流...不會交流...
社會會消失了?還是以另一種形式出現?...割裂式的面目?


每個人可以看世界各地自己喜歡的電視劇..
對本地的電視劇卻不屑一顧..
失去了香港人最喜歡的一個話題--電視..
不知道他們有沒有感受過全城討論某劇時~
自己也是其中一份子的感受?
你會發現自己跟這個社會,這些香港人忽然很近~
很真實地感受到自己存在於香港人之中..
香港不再是某個地名~而是一種凝聚的感覺。


我承認有很多劇都有點粗糙...
可是不可否認一些稍為認真的劇也頗好看的~
至少可以欣賞一下演員們的努力..
整天整夜去罵他們沒有創意~只懂抄襲..
倒不如看看他們是怎樣將很多前人的作品化為山寨版吧..
就當成是一套改編作吧..其實沒有那麼差..
反正看劇有時只是為了讓腦袋停頓下..
盡情享受被灌輸的情緒..做一個被動接收的角色...


暫時放下一些冷漠的理智..以及尖酸的批判..
投入一下...也許你會跟劇中人同笑同哭..
不是裝出來的笑...也不是陪笑的笑...
只是覺得很好笑就笑笑...覺得很幸福就笑笑..
不是受傷了而痛哭....也不是想起傷心事而悲泣..
只是很感動就哭了...心痛劇中人的處境就哭了...
這樣子不好嗎? 能夠讓情緒那麼單純被波動也不錯哦~
說那些懸疑劇的情節太易猜中~那也不是不好...
看穿的一剎~難道你就沒有一丁點為自己的聰明而沾沾自喜?


我不是想為香港的電視劇說好說話~
只是想說...對別人其實可以多一點寬容..
看事物有時不防放輕鬆一點..


最重要是...電視劇的本身就是一種集體回憶的來源..
現在的人都只顧自己嗎?都不想努力投入這社群嗎?
只想與別不同的時候...會不會連跟其他的連繫也一併失去掉?
不聽香港歌~不看香港劇~不看香港書~
尋歡愛北上~咸片愛東洋~鐘點愛南洋~電影愛西片~
你喜歡香港嗎?覺得被逼留在這?有機會想一走了之?


希望多點香港人去了解一下香港的過去..
不是寫進教科書的宏偉的歷史~
而是一些平民化的~一些文化上的~一些名不經傳的小故事~
每個地方都有她的故事~都有可愛的人~
我們的父母是怎樣在這樣渡過最美好的青春的呢?
她們那些寶貴的回憶裡...香港是怎樣的呢?


沒有機會問爸爸更多他年輕的歲月..
有時也想去他的年代看看...他是怎樣變成我所看見的爸爸的呢..
是不是他也會想把他的黃金歲月告訴我..
好讓世界上又有人可以繼續與他一同保管這珍貴的無價寶..
我重視舊時代的文化的...為什麼不?
我們現在最流行的文化他朝都一樣會變成舊文化..


老一輩的人~似乎隨便找一個人~也可表現到那時代的香港~
可是...如果幾千年後找到一個冷藏了的時下年青人(A.I. ?)..
應該很難從他身上看到這時候的香港..
也許只會得到一種奇怪的論述...


人本來就夠寂寞的了..
還要去標奇立異..去與別不同...
是嫌自己不夠寂寞嗎?


看電視吧~很喜歡刊警的3哥~
MAD SIR~AR詩~CARSON~AR KIM~AR君~STONE SIR都很好~
由談情說案到讀心神探到刊警~我都喜歡哦~
勞心勞力一整天~回來輕鬆一下不好嗎?
而且..當已經沒有什麼值得期待下一個日出的時候..
「下一集」可以是你值得期待~可以等待的目標~


圍著電視看電視總比my tv好..
雖然與老媽依然沒兩句..
但總叫坐在一起看電視..
偶爾也會說一兩句關於劇的閒話..


電視可以給你的~其實很多..
希望大家會珍惜有電視看及有時間看電視的日子~

>>December 11, 2010 at 4:30:21 PM GMT+8

2010 年 12 月 3 日 星期五 【颳風】


去死LA...
又唔知CLICK左咩..
成篇水蛇春咁長GE野..
又冇晒..
真係無奈爆..
都打左咁多年DIARY LA..
都仲可以犯呢D低級錯誤...
真係想撼頭埋牆...


唯有講多次最重要GE野:
BG改左做南佶12月板~MUSIC係壞男人主題曲荊棘花~
有冇覺得今次一入LEI GE效果好FRESH??HEEHEE~


呢排PHSICALLY好TIRED...
我諗我XMAS真係應該好好休息下..
但之前臨門先LEI飛起我個間野又搵番我~
做好唔做好呢?
工作狂都應該有抖下GE時候GA..
但係..唔做野又怕搵唔夠錢去UK..
到而家都只係SAVE到機票錢...生活費完全冇...
真係唔知自己D錢FING左去邊...明明已經勁CHUR咁番工GA LA..


最衰我係女人...女人就係要買護膚品化妝品同衫褲鞋襪..
社會對美的要求太高LA...有咩差池都會俾人批評到貼地..
真係好殘忍GA...最恐怖的言語暴力係用左都唔覺用左...
唉...在呢堆MALE GAZE之下..唯有努力改善自己LA..
美如李嘉欣都仍然有人會覺得佢唔靚...真係唔知想點...


WELL~呢堆野明明我岩岩冇打到GOR WOR~忽發奇想?


唔打了~快D訓覺覺豬好過LA~有冇南佶佶人形攬枕?
如果有~我諗我會戀上我的床~日日都幸福快樂~
如果在南佶面前~我諗我可以唔使再咁STRONG~
可以做番小女人~每日仰望呢個咁優秀的男人~
唉...咁CHARM的男人總係同我無緣~SAD!

>>December 3, 2010 at 5:03:55 PM GMT+8

2010 年 11 月 26 日 星期五 【颳風】


唔記得左講~BB拎左新區東北步操比賽冠軍~
我地第一次出JA~就已經拎到冠軍真係開心死~!!
雖然其實只係得兩隊去比賽咁大把...
ANYWAY~都係好值得開心的~


最開心唔係WIN左...而係佢地GE表現~
我都未見過佢地表現得咁好GA..
一落場真係比平時升左N個呢...
佢地未落場我已經勁緊張(唔知緊張D咩...)
可能我對佢地好有要求好有期望掛...


佢地一路操我就好開心好雀躍咁暗讚佢地~
到佢地操完了...我竟然係感動到喊..
真係好感動見到佢地由一PAT野變成咁見得下人...
平時踢都唔郁..激到我死死下..
一落場就醒目晒~真係SO AMAZING!!


要知道..一直都好想佢地可以認真D..
但係佢地就一副吊兒郎當GE樣..
恐嚇佢地唔俾佢地出場...佢地就拍晒手掌個D..
但比賽時我見到佢地每個都好盡力..
佢地都好認真好努力去做好每一個動作..


真係感慨...對住佢地都2年幾LA~
我都唔知對佢地係咩感情...
我希望佢地唔會變壞..
希望佢地可以對自己有要求..力求上進..
我唔望佢地好喜歡我...但希望唔好太討厭我..


想走...當NOO問我...捨唔捨得..
我真係捨得GA...冇番BB幾個星期..
感覺就係好FREE..先唔會掛住班可惡的細路...
但係我離隊都會有一定的罪疚感..
一來我份人一向都好有歸屬感..
二來做導師都係一個COMMITMENT..
用左好多時間金錢先得到今日的QULIFICATION...
應該用多D先至走GA MA..
而且人手又唔係太夠時...走左去都唔好...


但係我想給自己更多FREE的時間...
有時諗...神都不過係每個星期要我拎幾個HR出來..
BB+團契+崇拜..最多加埋主日學...都唔會過10個鐘..
都唔係多丫...每個星期我可以用60個鐘番工番學...
就唔可以抽出10個鐘/幾個鐘俾神?


其實唔使問...答案我好清楚..
如果我愛一個人...我點會一個星期俾唔佢10個鐘?
當我連1個鐘都唔想拎出來時...代表咩?
如果神好愛我...佢而家係咪會好傷心?
我都俾人飛過...我明白俾人飛的感覺係點...
我而家咁樣同飛左神好似冇乜分別...


我同D衰男人有乜分別?
咪一樣係守唔住承諾?
我都有努力過...但而家陷在僵局中...
我好想放棄...但我又唔想放棄..
所以我想俾一個長長的冷靜期自己...


為左唔令自己同D衰男人一樣...
我相信我總有一日可以愛火重燃..
雖然有好多我唔明同諗唔通GE野...
但我仍然好希望身邊GE人都相信神..


記得前年差唔多呢個時間..
我搵緊都搵唔到工...不斷怪神點一份工都唔俾我...
到今年...D工多到我根本番唔晒..
每次推一份工時..都覺得勁可惜...
有D似以色列民在壙野時..投訴冇肉食..
結果神就俾好多肉佢地..食到佢地由鼻度嘔番出來..


工呢~神可以好慷慨咁俾我~
人呢~神始終都好堅持唔會亂俾我~
其實係岩GE~一來而家D人真係太唔OK...
二來我自己都仲係唔OK..
想呃下自己...都說服唔到自己...
係個態度GE問題...對待呢方面GE態度..
我仲未捉到最PROPER WAY..
可能係EQ低...所以呢方面我應該係一個低B..


有時都覺得自己3年大學竟然係零桃花..
都幾難以置信....至少D親戚唔會信LOR..
雖然也許呢個情況都仲會持續好幾年甚至一世..
但係其實又有咩問題呢?


有時會想像死左之後...遇到神...
神會問我:「點AR, 你GE人生旅程係點GA?」
然後我會好似講故事咁講俾佢聽..
我遇過D咩事咩人,學到D咩, 感受過D咩...
神俾左張來回機票我去到呢個世界...
所有回憶都係自己行出來經歷出來..
都係一樣VALUABLE~


唔係每次冬天去日本都會遇見雪祭~
能夠遇見美好的事係幸運~
人生從不保證係大團圓結局...
有時遲到早到或有D意外發生左..
某D美好/難得的場景就會被MISS左...
係無奈...但事實就係咁..NO REPEAT.


所以如果我真係冇辦法再有另一段愛~
都冇咩咁奇怪~至少對於愛情呢一站~
我都算落過車行過一轉GE~
雖然有好多風景未見過~好多地方想去又去唔到~
但我都真係有留低過足跡~呼吸過呢一站的空氣~


灰灰地~化化地~應該係年紀大了吧?HAHA~


今日又有人問我擇偶條件係咩..
自知張LIST長到講唔晒..但都好想諗一樣最重要的..
個刻諗唔到...之後再諗就覺得係有承擔~
我希望..戀愛之後就可以結婚...之後就一世..
愛情唔能夠長久...希望可以變成愛情+友情+親情混合品..


有承擔...所以唔會輕易TAKE RISK...
有承擔...所以就算婚後遇到更好最適合的女人..
都唔會拋棄我...亦唔輕易受花花世界的透惑...
有承擔...所以當新鮮感沒了...我又年老色衰時..
都唔會唔要我...亦可以白頭偕老..
有承擔...所以唔會拍左幾年拖到我差唔多3張先LEI分手..
有承擔...所以結婚的誓言係真的..婚姻是有效而有意義的...


所以真係比較喜歡成熟穩重的人...最朋友都好D~




今日同大家介紹我的DREAM MAN


他做事真的很認真, 而且思想也很成熟~
很自覺自己在做什麼, 很清楚自己應該怎樣~
對自己很有要求, 而且肯下苦功, 虛心向前輩討教~
對任何人也禮貌周周, 努力令人跟他相處時感到輕鬆~
與人對話總是真誠地, 認真地思考, 很有自己的見解.
他不輕易放棄, 珍惜每一次機會, 也很盡責.
謙虛不忘本, 關心社會與大自然, 儉樸~
充滿愛心, 常常做善事, 有一夥赤子之心, 小孩都喜歡他~
有才華, 幽默, 傻瓜, 偶爾害羞的陽光大男孩~
外表100分, 29歲, 身家清白, 單身, 事業有成!


沒錯, 他就是金南佶~其實我真的想告訴大家~
我喜歡他, 一開始是他的魅力, 然後是他的演技~
而現在更加是他的本人, 是那麼出色那麼好的男人.
個性好得不得了, 尤其那種敬業精神真是現今少見!


雖然我不知道愛情中他是怎樣的...
但至少作為一個男人, 真的已經很好很好!
成熟有思想同時又有點傻氣及害羞的男人真的很罕見~
我真的很喜歡這樣的一個他! 得不到也仍然很欣賞!


他是金南佶~他就是我的DREAM MAN:
身體: 高, 帥, 長腿, 身材好, 聲音動聽, 留鬚好睇, 陽光笑容
能力: 樂器, 運動, 唱歌, 寫作, 配音, 演技爐火純青!!
品性: 有愛心, 熱心公益, 愛小孩, 愛狗, 黏媽媽, 有時害羞, 愛撒嬌
性格: 做每件都認真地做到最好, 尊重前輩, 虛心學習,
親切不擺架子, 敬業, 體貼他人, 鼓勵別人, 營造快樂氣氛,
愛說話而非空廢的說話, 幽默, 有思想, 進取, 勤奮捱得苦!
不會亂搞男女關係, 至少不會讓人知道.


400幾蚊AR佢本寫真+CD+散文集...
本來我都打算買(雖然好費...>.<)但佢竟然缺貨...T.T..
佢design ge個條頸鍊都好令...不過真係好費...
呢樣我真係買唔起..希望我有第一份糧時仲有得買la!
買俾自己ge第一樣鑽石飾物~我希望係南佶design的頸鍊+手鍊!


wa!打咁長的日記...又打得咁密..
明顯係我要趕paper...所以逃避緊la..
呢個惡習幾時先戒得甩ar..唉...

>>November 27, 2010 at 4:39:53 PM GMT+8

2010 年 11 月 26 日 星期五 【颳風】


AR彤~
冇錯~我的南佶佶真係多才多藝~
佢唱歌都唱得幾好GA~本身佢把聲就好聽~
唱LIVE個次D高音上唔到~所以會自動轉KEY~
過左個句又會岩番KEY~都算係咁LA~
大致有75%同CD一樣~(我都仲係有理性的!)


你有冇聽我9月28日POST的片?
唔係南佶佶唱的~係佢做的戲的原聲~
真係唱得好好GA!佢唱LIVE仲正~
但POST唔到佢出來JA!


動人心弦GA真係!!!!


你DIARY的歌我都有聽GA~
有一首又咁岩係我個FD SD過俾我~
下次你應該將你D韓文歌SD晒俾我~


咁好LA~我等住食你的美食LA~
我負責洗碗~到時唔好同我爭~HAHA~


>>November 26, 2010 at 4:25:35 PM GMT+8

2010 年 11 月 25 日 星期四 【颳風】


如果說生活多姿多彩~的確不錯~
時不時有不同的「臨記」..
賺錢賺經驗之外..也是刺激又有趣的活動~


如果說生活一成不變~也是對的~
上課~上班~補習~回家~
有時想在地鐵看看書(上課有關的書)
可是腦袋有點負荷不了...
只想什麼也不做在發呆直至下車...


上班與找工時被稱讚與順利..
或多或少已經令我相信將來總會找到工..
與其擔心自己GPA低...CV不夠爆...
倒不如相信自己的工作能力..
自信是很重要的~
自已都不相信自己~怎叫你老闆信你?


曾經以為自己不會有興趣做一個女強人~
可是現在不同了...成就感原來也很快樂..
不是擁著愛人才快樂...工作也可以很快樂...
小女人心態應該差不多消失了吧?
靠自己比較安全~為自己的快樂負責!


其實如果讀書不用考試PRESENT PAPER~
我有很多科都想上~也許是HUM的科太快樂吧~
如果我有很多時間與金錢~我會上很多不同的堂~


為了HON PRO瘋狂對著林一峰大叫..
真的快把我嚇死...可是為了HON PRO無法子了...


有時覺得...老師記得自己也幾好AR~
可以容忍我上堂發肆地禮貌欠奉的老師很難得AR~
明明不熟又常常扮熟的我...真的配得上不知廉恥這四字~
可是又有什麼所謂~只不過是匆匆三年~
也許以後都沒有機會再見~
所以至少三年內記得我~也是一件好事吧?
因為我喜歡這些老師哦~不喜歡的我才不理他~


今天通過PRESENT的同學~
知道了捐EGG可以搵到好多錢~
天呀~我辛辛苦苦做多少個鐘先得雞水咁多錢..
人家捐一粒小小的EGG就成千上萬了..
其實那粒EGG用不著的話也只是浪費掉~
捐了無大礙AR~


雖然血緣有可能會混雜...
可是將來我會不會生小孩也是未可知..
所以這個亂倫危機應該不會發生的~
如果捐EGG不會很痛的話~真的可以認真考慮一下~


可惜我SEARCH唔到HK邊度有得捐..
聽講HK就算捐~都係得300車馬費~
google都search唔到有人想要egg..
唉...突然覺得大6在呢方面先進好多~
大6捐egg有好多$$收ga..
如果我番大6/taiwan捐..應該都可以幾高人工~
21歲女大學生~從冇大病~五官端正~1.62m~


因為明白搵$艱難~所以更加願意為$犧牲?
可能將來我會變成一個為左錢而不擇手段ge人~
又可能將來搵老公只會睇佢財政狀況?
btw~其實老公呢~冇都唔緊要~有人肯包起我就好~
所以真係要趁後生~快d儲夠錢去執執佢~
過左25歲想搵人lei包起我都難~


性base on 愛~所以性唔應該當成商品?
what if愛呢樣野根本係冇ge呢?
愛應該係好valuable所以性只限於愛人身上..
what if愛只係幻象..唔夠值得去獲得另一半的性權利?
沒有愛情的~婚姻也不是忠誠的~
因此性可以是獨立的~
出售性服務跟出售勞力或sales沒兩樣~


那個男人冇出過軌?
問題只係你知定唔知..
男人本身就唔能夠忠於一個女人..
點解要去要求一個女人對佢忠誠?
男人本身就係婚前性行為的行兇者..
點解要去要求個老婆係處女?
娶個老婆番來唔係用來鍚ge..係用lei對到厭ge..
出面ge女人就千般好萬般愛...屋企個個就嫌3嫌4..
保護妻兒?笑話...hurt少人一陣都多謝晒la..
諗到呢d不知所謂ge男人就煩...
一d責任感都冇..對到厭就走..
如果將來我會結婚...個老公又為左第二個同我離婚..
我真係會閹左佢!! 最多咪坐幾年監!!
反正青春都俾晒佢~坐幾年都冇乜損害!


傷人身體要坐監...傷人心就冇需付後果..
如果我會再好認真好投入咁去愛一個人..
而佢又再次唔要我去鍾意第二個..
我一定會諗一個完美的復仇計劃..
例如屈佢強姦ar.."唔小心"一碗滾油倒落佢下體...
再唔係就想盡方法屈佢偷公司錢..
我要好似stone sir咁自己幫自己替天行道~
wow~諗下都開心~大個女~自己保護自己~
唔會再俾任何人hurt到我~


今晚好似特別crazy~睇刑警睇到傻左?
anyway~目前最重要係搵錢~
其次係d paper exam hon pro...
其他的...唔想諗...希望sem break有好多工做~
唔想面對xmas...希望xmas係在工作中度過...


dear fiona~
我當然想快d飛去搵你la~你到時日日煮pasta俾我~haha~
你有冇聽我南佶唱歌ga?係咪唱得好好呢??heehee

>>November 25, 2010 at 6:06:03 PM GMT+8

2010 年 11 月 16 日 星期二 【颳風】


完成了共5天車輪轉式炒散...真係人都散..


THU-8:00-3:00賣畢業熊->上堂->補習
FRI-9:00-3:00校友咭PROMOTE->上堂->補習
SAT-9:00-6:30 EVENT->7:30-12:30中環BAR RECEP
SUN-9:00-6:30 EVENT->8:00-10:00補習
MON-8:30-6:00賣畢業熊->6:00-6:30 RC->補習


結果之後由1點訓到下晝2點俾電話叫醒左~
之前怕番工眼訓所以睇完醫生都冇乜點食藥~
但呢幾日都仲係隨時隨地訓得著..
一放工基本上腦袋放工...咩都唔想諗..


CONCEPTUAL D工真係好神奇..
明明就好攰..一早又好眼訓...
但係全程都勁精神...時刻都SHARP醒..
可能係太多野跟太忙..根本連遊魂GE時間都唔會有..
勁痴線咁個電話可以講到有90%有電到冇電...
電話WALKIE輪住LEI...有時真係想自己有4對耳...


番工總會遇到要同D 8婆或生番博鬥GE時候~
真係好想XXXXXX...
今次仲遇到客家婆婆...我的有限客家話用得上場~NICE!
番工最開心係遇到唔同的有趣的人~
做得野又SMART的人真係令人非常高興~
因為大家轉數差唔多~唔使講太多廢話~


今次又俾我撞番之前見過的美工哥哥~
我再次覺得佢好可愛好好~就係好想痴住佢~
可能因為之前在會展係佢幫我KO D BOOTHES~
所以寧捨得得佢好好~好溫柔~好想同佢傾計~
好可惜我又唔記得問佢叫咩名+電話等等...>.<"
好想快D又有EVENT~好想又再見到佢~^0^


其實未番之前都唔知原來我要做HELPER COORDINATER~
但番完就會覺得人工一樣又要做多咁多...有D SAD!
不過算LA~冇乜所謂~反正你俾咩TASK我都做GA LA~
至少唔使搬搬抬抬都算係咁~幸好自己不是壯丁~


番完呢一次工~我對我的前景又再次有新想法~
決定要搵一份穩定的又歎的筍工~
最好就係繼續在BU做野~文職LA~薪高穩定工時短~
雖然悶~但係...做野為咩JE?最重要係為錢JE~
讀咁多書最咩JE~咪又係想賺多D錢~
所以最好就俾我成功搵到~任何部門都唔放過~
否則真係要考番D工務員試~去搵下D他條文職~


其實重點係~呢D工時短GE工可以方便我去炒散~
做散工就最好LA~又唔使交稅又唔使交強積金~
得閒SAVE 定D假~一有TEMP就用D假去做~正~
我要繼續在CONCEPTUAL好好表現~馬實呢個散打來源~
到時可以時不時FREELENCE一下~打破沉悶的星期一至五!!


當然~有機會都會繼續補習~可能可以補到我30歲~lol
然後又可以繼續晚上的GALLARY~可能有機會繼續番bar~
又唔知會唔會有可能kinder長做長有~


以上就係我最ideal 的career plan la~
i'll try my best to make it come true!!
我放棄左在conceptual做長工的打算la~
咁樣長期捱生捱死法...殘得快過打針..
一定唔使旨意搵我的好碼頭~
不過...如果到時真係搵唔到工...
我都會出盡我最後一口氣去見呢份工~希望佢肯請~


人生就只剩下工作~這樣的生活真的很好~
充實!~真的不想去做paper...看一大堆東西才寫得出東西..
我寧願番10日通頂工都唔想寫一份paper...
又要attendence...又要exam....又present又papers...死俾你睇..
老師email我...remind我學校的attendence制度...
我希望我今個sem唔會因為走堂而fail一科..
我再fail一科我就third hon ga la...真係唔死冇用la...


唔想諗野...
一諗野就會覺得自己慘..
有屋企等如冇...什麼家庭溫暖基本上都冇存在過...
在家中從沒有人對我溫柔過...在mean的環境下長大的我..
基本上不懂得怎樣唔mean...獨立倒是很擅長~


所以才喜歡跟比自己年長的人相處吧~
想找回一點被疼惜被照顧著的感覺~
有時會想...自己是不是將會成為一個強悍的女強人?
那麼是不是更加不可能有人會去疼愛自己?


有時總覺得不公平..."大個la,自己照顧自己la"
這一句其實不適用於自己...自己未長大已經是自己照顧自己..
死也忘不了中六的某一天,上番,上班,幫人補習完回家..
明明m到辛苦得要死...明明許多功課等著做..老媽還叫我去洗碗..
那一刻我一路洗一路緊閉著咀不發一聲地落淚..
真的...我絕對不想給老媽一點女兒的關愛..
因為從少她就欠我母親的慈愛..欠我幸福的童年..
那塊失去了的拼圖是不可能找回的...因為人生不可以重來..


直到現在我有時還奢想她會給我一點點關注..
就是: "多d番lei食飯"這一種...
可是自從之前她經常罵我在家吃飯不早通知之後..
我決家這年開始不會再要她煮我的飯..
我不懂得為什麼只是一餐飯也不可以溫柔的給我..
...每次想到這裡就要哭...真恨自己這麼沒用...


為了不讓自己失望...我盡可能避免看見她..
以免又聽到一些什麼mean的話..
每次想走近一點...都是我踏出第一步..
走了幾步...可是又怎樣?..還不是一樣...
累了...為什麼關心人總是我主動?
家人..朋友..都是這樣...不想這樣了...累了..


對愛情失望...懷疑..灰心之後...
已經不知道人生還有什麼可以期待..
從前天真的以為...組織一個新的家庭..
就可以找到家庭溫暖...其實是不會的...
因為不會遇到那樣的丈夫..如果會結婚...
也許婚後也只是提心吊膽著丈夫何時會變心..


壞男人裡~建旭(南佶)想收到的禮物~
只是一餐家裡的飯~現在的我也一樣了~
從來沒有人特意為我煮一餐飯~
最接近「為我煮」的飯就是noo家&nana家食的飯~
簡單一點的話~那麼ar彤煮的意粉也算是吧~^^
所以就算的真的飽得吃不下了...也想把它吃完呀..
因為那是第一次有人特意煮給我吃的, 那一刻真的很感動~
那個場面...跟在茵給建旭煮飯的那一幕是一樣的...


我不知道是不是有人真的在乎我的存在..
也不知道我有沒有對於任何一個人來說是重要的..
所以原諒我...我只想為自己..為我認為重視我的人而存在..
直到現在..我還是會害怕在意我的朋友終有一天會離開我..


지독한 외로움 그 속에도 내가 숨을 쉬는 건,
모두 당신 때문입니다 . 지식길?


不知道為什麼這晚特別感觸..
反正明天又是新一天去努力工作..
仍有很多不願意做的事要去做..
我希望至少...可以免除attendent fail的悲劇!



>>November 16, 2010 at 8:26:47 PM GMT+8

2010 年 11 月 5 日 星期五 【颳風】


難得找到11月月曆x南佶~
冇理由唔換下佢ge~
預先有d 冬日feel~
背景音樂是南佶主唱的"不能愛你嗎?"~
係咪發現佢把聲都好好呢~(大愛!!)


呢排曠工病有增冇減..
開始好唔成熟咁同錢作對la..
唔甘心做任何人/事的奴隸的我..
對$$竟然係一樣..
有時真係覺得自己再盲目d仲好..


已經n咁耐冇病過~
真係好~咁健康的我唔番工...
真係太抵打!!!


昨晚發了一個傷害性極高的夢..
才發現原來現實已經很寬容..
對於我這種死不足惜的人..
其實可以更殘忍!


揮霍...放在我身上原來很合適~
時間?
金錢?
機會?
青春?
生命?
別人的愛護?
別人的容忍?
自己的原則?
自己的責任?
幾分鐘的面試所表現一切..
都是假裝..
我希望至少裝得逼真~
足夠自欺欺人。


做人要心安理得?
最重要是說服到自己的良心。




＠＠＠＠＠＠＠＠＠＠＠＠＠＠＠＠＠＠＠＠＠
我坐在時針上,等待它轉動~
看著分針慢慢地努力地畫圈圈~
而秒針卻飛快地匆忙地跑圈圈~
好像一老一少在追逐~


老頭子會氣呼呼地喚小孫孫等等他嗎?
如果會~那小孫孫還真夠不孝!
他看不見爺爺追得多麼苦嗎?
就連一下都不肯停~


跑圈很有趣嗎?
還是有什麼要追趕的嗎?
難道跑夠一萬里就送他psp?


我由5下降到6~不久就又升到7~
升升降降中~我數著他們跑過了多少次12.
那是終點嗎?還是起點?


人們好像叫這種賽跑做「時間」。
是代表一小「時」之「間」的轉圈圈嗎?
3枝針之間的不合拍的華爾茲?
還是4個數字一個冒號的不同組合?


很糾結。
時間讓生命存在，生命卻又不斷去追時間。
有時「時間」更可以是:
情敵、傷痛治療師、感情殺手、緣份製造者......
應該愛時間或是恨時間?
不過它可是自有永有...
才不因你的喜惡而猶豫半步呢!
＠＠＠＠＠＠＠＠＠＠＠＠＠＠＠＠＠＠＠＠＠




忽然想寫下野...
好似好耐冇寫過D唔係學術的文...
好怕中文會退步..


>>November 5, 2010 at 5:56:12 PM GMT+8

廣告 讀者留言 |  路人留言   | 搵左好耐先搵到黎 <br>留個名 >>January 16, 2012 at 11:53:57 AM GMT+8 我們愛, 因為神先愛我們 :) >>December 5, 2011 at 12:07:00 AM GMT+8 恭喜你變返單身 :) <br>大 >>September 14, 2011 at 12:04:31 PM GMT+8 不知不覺，你已經去了個多月，而我 >>August 11, 2011 at 8:09:27 AM GMT+8 小冰好開心呀~可以每日睇到你ｄ日 >>March 24, 2011 at 2:21:50 AM GMT+8 真好你現在只聽韓文歌~~~ <b >>February 8, 2011 at 3:36:52 AM GMT+8 好搞笑睇睇下你忽然好憤慨 :p >>January 16, 2011 at 12:38:09 AM GMT+8 Im back from the >>December 28, 2010 at 12:53:07 PM GMT+8 正想留言&#35715;你首 b >>November 25, 2010 at 10:28:28 PM GMT+8 正想講我的4人份量意粉雖不算飯, >>November 20, 2010 at 11:20:23 AM GMT+8 南佶佶bg pic :pppp >>November 6, 2010 at 5:33:47 PM GMT+8 嫁o左俾個失明人仕一定可以慳番好 >>November 5, 2010 at 2:12:18 AM GMT+8 no need to work >>October 29, 2010 at 4:26:07 PM GMT+8 好掛住你ar >.< fai d >>October 15, 2010 at 11:24:39 PM GMT+8 aiya!!! take car >>September 23, 2010 at 8:25:57 AM GMT+8 同意達達的說法, 真正的朋友係應 >>August 30, 2010 at 10:30:51 AM GMT+8 你當年受傷了,大家都能體會,但人 >>July 15, 2010 at 2:41:54 AM GMT+8 或許我沒有從你的角度去看,我只是 >>July 15, 2010 at 2:40:53 AM GMT+8 不要再想不快樂的事了,好嗎?將來 >>June 28, 2010 at 12:46:07 PM GMT+8 好耐無黎喇~我自己個個showh >>June 24, 2010 at 11:56:34 AM GMT+8 或許那一段愛情不屬於你，那次分開 >>June 15, 2010 at 2:07:43 PM GMT+8 Pinky~how're you >>May 19, 2010 at 2:18:17 PM GMT+8 really nice back >>May 18, 2010 at 4:06:49 AM GMT+8 路過你的日記，相信你其實都不會差 >>May 9, 2010 at 7:42:29 PM GMT+8 我很喜歡一句話，人沒法改變生命的 >>April 17, 2010 at 6:03:11 PM GMT+8 pinky~~~hello~~~ >>April 11, 2010 at 10:47:11 PM GMT+8 人其實可以好實在亦可以很虛幻;人 >>April 9, 2010 at 9:06:14 AM GMT+8 hi,, <br>well,,, >>April 3, 2010 at 8:42:16 AM GMT+8 have you got my >>March 20, 2010 at 1:46:25 AM GMT+8 神對每一個人都平等，你可能感到不 >>March 7, 2010 at 8:02:34 PM GMT+8 朋友充其量你只好當他/她是一種傾 >>February 1, 2010 at 6:11:22 PM GMT+8 很抱歉我沒來你的showhapp >>January 24, 2010 at 6:45:30 AM GMT+8 sorry to hear th >>January 24, 2010 at 6:07:06 AM GMT+8 對不起，我不是個稱職的朋友。我希 >>January 13, 2010 at 6:01:35 AM GMT+8 世界沒有對的人，沒有錯的人，人不 >>January 2, 2010 at 3:31:04 PM GMT+8 感情沒有分對與錯，愛就是愛，不一 >>December 10, 2009 at 8:51:43 AM GMT+8 感謝神~ >>September 8, 2009 at 4:18:34 PM GMT+8 差d以為自己去錯地方 <br>哈 >>May 22, 2009 at 9:50:59 AM GMT+8 no need to pick >>May 13, 2009 at 7:19:34 PM GMT+8 finally i am bac >>May 9, 2009 at 10:36:14 PM GMT+8 宜家唔駛打拿? >>May 8, 2009 at 3:45:04 PM GMT+8 good song <br>但我 >>May 7, 2009 at 3:17:00 PM GMT+8 坉蚞磪髐W <br>呇 <br> >>May 4, 2009 at 5:52:29 AM GMT+8 你的日記仔真幸福, 個主人年年都 >>April 5, 2009 at 10:13:51 PM GMT+8 閱. <br> <br>另,生日 >>April 3, 2009 at 4:15:11 PM GMT+8 早d sleep is good >>March 26, 2009 at 10:57:13 PM GMT+8 我都覺得好像用過~不過好過之前那 >>March 16, 2009 at 11:38:49 PM GMT+8 Pinky~~~生日快樂呀~~~ >>March 11, 2009 at 9:26:48 PM GMT+8 小冰呀~~我仲未收到你封信呀 > >>February 23, 2009 at 3:05:51 PM GMT+8 yes ar~i am wait >>February 4, 2009 at 9:37:56 PM GMT+8

人氣: 74644

Design & Scripting by ShowHappy.Net