2009 年 12 月 13 日 星期日 【颳風】

改左板~12月x'mas月ma..
放棄我喜愛的寫真風bg~繼續女孩做主題..
曾說過只要我還是單身...女孩的主題就會繼續...

不經意按進了之前的某一頁...
剛巧是兩年前的聖誕..
看看那時的自己...反思了很多的問題..
我看到了很肉麻的內容...那時應該是很幸福..
也看到了不斷的分分合合...那時應該是很煩人..

我看到自己在行兇..
我看到自己的殘忍..

但我也看到自己真正需要的不是一個男朋友..
而是一個對的人..

不對的人...只會是一場災難..

這樣困難的事....不要花時間去想會比較好..
卻還是會寂寞..
尤其在聖誕..

這樣的聖誕不知道還有多少個呢...

幸福是毫不容易的簡單...
在千千萬萬個錯先生之中...
不早不遲的找到一個對先生..
靜靜的相依著...

翻過多少個山頭...
擦破幾次皮..流過幾多汗...
淌過多少血...流光多少淚...
才督見他的側影?

遇見了...
又要橫渡幾多個海...吞幾公升苦水...
多少次被暗湧捲走...被浪花拍打..
幾個夜隨著潮汐而漲退...
才練成堅強的臂膀去抓緊彼此?

百世修來同船渡..
即使最終也是分開了的人...
也是花了幾百世的時間去等在一起的那一天..
也是得來不易....

得來不易的愛情..
如果遇到了..我不會再輕言放棄...


如果我頭上有千萬片雪花..
那一片才會落在我的心上?
縱然很美...可是都飄到別處了...
那就只不過是一片風景..
我要等...
等一片屬於我的雪花..
去用我的體溫將他溶化~



既然暫時沒有..
就繼續聽lonely x'mas la..
我真覺得這首歌可以是永遠的...

>>December 13, 2009 at 7:46:25 PM GMT+8

2009 年 12 月 10 日 星期四 【颳風】


好感動..
好幾次自己真係好傷心好難了..
就會有匿名人士留個言...安慰我..

每次我都珍而重之咁REPLY甚之開篇新DIARY去感謝~
今次也不例外~

自己也做過路過留言~踏雪不留痕~
也許每個我放在心中的匿名者都不再回來~
可是他們每一個留言都有著極珍貴的鼓勵意義~

這次這位留言者的話很有思考的空間~
看得很透...我自愧不如...
會打"，"及"。"的人一定是一個文人..
我寫中文系PAPER時才會用到它們..

每次我都想做一個偵探去分析留言者是誰..
是不是我認識的人..可是很大部份都沒有結果..

也許他的話還未說完..
可是已經足夠讓我覺得不只是自己一個...
多謝你..
我想我的確是缺少了一點希望...

但最缺乏的是信心...
對神的....對自己的....都很缺乏...

可是你的一番心意~真的很窩心..
謝謝你~人~

SHOWHAPPY最壞的是只能KEEP100個MSG...
以下是一止匿名人仕的MSG...我真的很重視它們...
謝謝你們每一位...
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
大名： 一個關心你ge人
電郵： [email protected]
說： 其實你已經踏出左第一步,要你即刻唔去諗佢係冇可能!!俾d時間自己,一開始係辛苦,不過會get better!唔好push得自己咁緊!呢d野逼唔黎!
slow yourself down!
>>2008年05月02日 3:52:34






大名： re:hello
電郵： [email protected]
說： pine
你知道一件事MA????

有種討厭的男孩子，明明不喜歡你，
卻因知道你喜歡他而對你特別好，
就像給你一點甜頭然後讓你當他的後備，
用來打發時間。
對這種人，其實不值得留戀什麼，
就輕輕一句「借過」就夠了！

唱:
看看你　誰人可比你好
好得這麼恐怖　真的不知所措
連前度那傷口　也細緻的問到
痛到那種程度　遲一些可會好

還提及上次戀愛　預算與我終老
仍在和她一起　也想起我的好

＊傷我或是害我都慘不過　教我記得一起幸福過
　情願我聽不清楚　當時誰人口口聲聲不會掉低我
　待我差我沒有奈何　為何扮好心慰問很掛念我麼
　還能成為蜜友麼　你說得真輕鬆
　講笑也　別太過（不愛我　別拉拖）＊

你懺悔　無人可比我好
今天終於知道　不該知恩不報
還承認你不知　你錯到一面倒
我會更加容易　拿開拐杖企好

為何又共我講到　念掛我那擁抱
豺狼誠心禱告　難道並沒企圖
是對我好就請躲開　求你讓我安靜行過
你說得可天真　不愛我　就借過



我覺得未放低之前都唔好同佢做FD...自己用1-2年時間冷靜D....否則你只會KEEP ON 等佢...因為你地仲KEEP IN TOUCH

唔係叫你絕交....而係...有緣再會,唔好再單獨出街果D LA......如果你們有緣,多年後大家成熟d,可能更HAPPY,有好D的結果!

唔好俾佢KEEP你係後備...因為你做左一次後備...後備cyle occur....

good luck,my loveley-pinepine!!! anlways support u!

>>2008年08月14日 3:10:36




大名： UncleRay
電郵： [email protected]
說： 常聽見被男友拋棄的女孩問一句：「既然分了手，他為何還要找我？」

若是愛火重燃，重修舊好，這是美事。不過，若是忽冷忽熱，故弄玄虛，就要想想。耦斷絲連，其實比直截了當分手所受的痛苦，來得更深。

女孩子常常不明，為何在分手後，她的男友還要找她。這個「找」字，對已心碎的她，根本就設定有愛的涵意。她充滿幻想，充滿希冀。她以為這段情，還未見底。她，一次又一次地被舊情人哄騙。舊情人需要她時，會找她；不需要時，就回到分手的關係。她被弄得心神凌亂，六神無主。

她可能完全不知道，另一邊的想法。

處於上風的一方，「找」您，並不代表些什麼。找您，可以是他悶，可以是他無聊；他還可以滿口「還是朋友」來當藉口，找您出來。但這個「還是朋友」，又同時可以和您拖手，向您索吻，甚至要求繼續和您發生關係。口口聲聲說是再見亦是朋友，其實只不過是一個不負責任的朋友。

沉醉於幻想的您，不知不覺地，成為了一個臨時水泡。要知道，人總有一個劣根性，就是希望繼續把曾經擁有過的，繼續擁有。這個擁有，可以是實際上，也可以是心靈上。無人知曉，自己新一段戀情會否長久；人，總是希望為自己留一條後路。您是否願意繼續做您舊情人的水泡、後路，是您的選擇。您可以問問自己，維持這段關係，有否比以前更快樂。若您覺得，自己現在所流的淚水比以前多，您就要開始反省這段撲朔迷離的關係。

拋棄您，但還找您的舊情人，就好像是一輛列車的車長。他，縱使不再讓您坐的頭等車卡，但仍想您繼續做他的乘客。不過，您只是被安排在他的後備車廂裏。您可以，繼續坐他的車一段時間，祈求他再讓您坐他的頭等位；不過，他的頭等車廂，隨時有人坐上。您還要跟著他，是一份冒險。更何況，他的列車，未必會帶您到達您想到的終點。

雖然您還要留在車上，無人可以阻您。

不過，您要知道，一日不下車，您就永遠上不到另一班，等著您上，又可能是更好的列車。

>>2008年09月07日 0:42:59




大名： toshikazu
電郵： [email protected]
說： really long time haven't been there.. it is around 2 years already.

I understand what u faced. However, be strong.... Love, is a part of your life. It is ordinary that you wrote sth about this. Needless to say, pay too much attention to Love would not healthy for your daily life, but who can manage it easily? U can't.. I also can't. But we have to learn to growth as mature as possible, otherwise noone help. ^^

Cheer! there are still many thing reamin for u to deal with~~~
>>2008年10月27日 19:21:12
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊


>>December 10, 2009 at 6:54:19 PM GMT+8

2009 年 12 月 9 日 星期三 【颳風】


唔開心..
頹廢..
可唔可以同我消失..

我咩都唔想諗..
咩都唔想做..
尤其係關係信仰的一切...
我都唔想去諗..

關心...
總係我去問候人..關心人...聆聽人...
自己卻無人問津..
唔平衡...開始玩自閉..

冇人愛我都算..
搵個人關心下都冇..
真係好討厭呢個世界...

見到人地為左只有3個星期ge戀情而不住難過時..
我真係一d都唔後悔自己用左咁耐時間去難過..
但時至今日我發現原來某d ge執著都仲係未可以隨風去..

我的確好想人地承認一下佢係移情別戀...
變心係其中一個重要ge致命傷..
可唔可以對我公平d(雖然話就話感情事冇話公唔公平).
明明佢地就係自修室時(or earlier)已經曖曖昧昧咁..
仲唔係第三者?

真係豈有此理...仲話基督徒wor..
耶穌冇教你去搶人男朋友下ma?
(心中爆起無限句惡毒ge言語..)

未散之前唔認...散左之後都係唔認...
想點ar? 無論你地否認到幾時...天知地知你知我知神都知!!!!!

真係激死我la...唔清醒左咁耐到而家先醒..
就係你一句又一句ge否認..
我就將全部責任推到自己身上..
自己揹負住呢個重擔去行呢條路..
一邊自責一邊療傷....
都係你地! 都拜你地所賜!!

做錯咪認lor..一句對唔住都唔講...不了了之ar?!

呼....
算了吧...
我繼續做我勇於承擔責任ge乖孩子..
佢地有佢地繼續做不負責任的好愛侶la~~

有時諗諗下..
真係寧願個腦冇感情的concept..
什麼事都從沒有發生都仲好d..
可惜命運唔到我揀..

如果我ge mama...朋友...可以俾到我想要ge關愛俾我...
我可能唔會咁想快d嫁人..
我打從心裡覺得拍拖真係好麻煩..
所以我真係好想跳step咁去嫁人...
好似感覺上結婚至少冇咁易分開...
雖然而家離婚同婚外情都好普遍...
丫................好煩ar..
看來好大可能都係求其是旦搵個人嫁就算ga la我....

唉...
講講下又講番呢個問題..
問題唔解決永遠都會係一個問題...
但呢個問題根本解決唔到ge..
同好多人一樣..
自細就缺乏ge愛可以點樣去解決呢?
我媽永遠都係咁...想佢愛我多d ar?...唔好發夢..

屋企冇就自然求之於外ga la..
朋友呢樣野...時好時壞...靠不住..
所以最好呢...始終都係建立自己的新家庭..

而家咁樣ge生活..
活多一秒都係苦..
神又唔幫我解決問題..
咁就不如早d接我上天堂la...

好煩ar...煩死我la........................
再唔係就煩到我痴左線佢..
冇理智人就唔會咁煩...
真係一腔鬱結無從抒..
唉唉唉............................................

>>December 9, 2009 at 6:32:10 PM GMT+8

2009 年 11 月 26 日 星期四 【微冷】


我覺得自己好似患左專注有失調症..
我可以乖乖地打幾百字的DIARY..
但就打幾行PAPER就去做一大堆無聊野...

真係要鬧自己一句「不知所謂」!

其實呢份PAPER應該好好做..
但真係太多太多的前因後果...越理越亂..
又唔係感性的作文...要理性分析...我冇理性GA MA...

我GE愛情觀?
千絲萬縷...點講?
都未入正題都已經2千幾字...
寫完都唔知4千定5千...超晒字LA一定...

而且...
愛情?
我其實真係唔係好明GA JA...
如果我係明GE..我係識GE...就唔會咁不堪入目LA!!!

好煩AR!!
呢個世界男人咁鬼多..
但個個都唔屬於我!!
如果可以...
真係想殺晒所有男人AR!!
一於同歸於盡LA!!!

某天睇林以諾的佈道會~
見到鄧莘雯好自豪又好開心咁話:
「我已經3年冇拍過拖LA」~
天AR!! 我都好想好似佢咁...可以單身都單得咁開心AR..

我到底幾時先會冇論有冇拖拍都咁自得其樂AR???
點解放手咁難?
我都想咩都唔諗咩都交俾神..
做到先得GA??

痴心真到幾時先唔會錯付AR?
唔通真係要等到痴線先得咩?

WA~好多怨氣AR..
咁都難怪GE...近期身邊一D值得我開心GE野都冇..

救命AR...我覺得我又退化做一個問題少女LA!!
(WELL I CONSIDER MYSELF前排有正常過GA...AND STILL A少女NOW)

湧起好多毀滅的念頭...
如果我俾把界刀俾人...叫人界我幾刀...咁算唔算自殘?
最多界完先同神認錯LOR...
WELL~講下JE...我唔會咁做GE..

好煩AR!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
最好我老爸走左之後我老媽就滾回大陸!!
我需要GE係關心同愛護AR!!! 唔係條XX日日係度嘈嘈閉發脾4 AR!!!!!!!!!!!!

其實我都好想自己大方D...
但係...眼冤GA真係...
人地三好同顯揚就SWEET SWEET...雖然唔係公然..
皇上就好慘咁得個睇字....
即係會為到三好的幸福而替她快樂..
但吃不到的葡萄....只看一眼都心酸....

我諗我每日早午晚都要同自己講「我唔鍾意佢」一百次先得!!
學金鈴所言:「我冇左我GE孩兒AR, 我心如刀割AR...」
好不容易先將碎片黏合...又要將之凌遲...
不知又要麻煩時間先生幾耐先可以斷尾..

兩萬個煩AR!!!!!!!!!!!!!!!!!!

越煩越唔想做野..
越多野做越煩...


SEM BREAK 哦~~~你快點來到吧!!!!!!!!!!!!!!!!!!
我要好好休息...
I MEAN 心靈上...
唉...

>>November 27, 2009 at 5:11:16 PM GMT+8

2009 年 11 月 22 日 星期日 【颳風】


今日係埔浸單車遊~
好累哦~要睇住6個"少女"...
我都覺得要佢地去的決定係錯了..
現在是既丟了埔浸的架..又丟了bb的架...
唉..

我都唔知點先可以令佢地變乖..
忽然又覺得教養孩童的事我力有不逮...
真係好希望自己識得點同佢地相處溝通...>.<"

不得不讚一讚我的partner...對d bb的觀察比我好好多...
好~大家的合作越來越順(well..as least我係咁諗)
如果佢可以多d投入bb當中~應該有好好的效果~
不過冇可能ga la...佢忙到咁...
有時如果d bb對佢的觀感唔太好時...都好盡力為佢維護..
d bb可能唔明呢個ar sir真係幾鍚佢地ga~
但我真係唔想佢係d bb心中的形象係唔好的...
雖然我自己都未顧掂自己...^^"

教會的大地震令我太不安..
也許我唔喜歡變動...更唔喜歡別離...

靈命低落左好耐la..
唔通真係要到sem break先可以好番?
sem break我只想好好休息...

呢個sem未免真係太多野做了吧?
都未試過因為讀書而咁大壓力ga..
一點都不像我..

快d讀完書la....再讀落去可能會痴線..
2nd low都無所謂la...總之唔想再讀la..

當自己越想忘記背後,努力面前..
背後就統統跑到面前來挑釁我...
十分討厭自己記性太好...

寒冷才令人更渴望更懷念溫暖...
孤寂呀孤寂...你離我遠一點好不好?

如果意中人墮入愛河而情人不是我..
我相信我暫未有如此心胸去感到完全的快樂...
我的情路可不可以平坦一點?
可不可少一點檸檬?
丫!!!!!!!!!!!!!!!!!!!!!!!!!!!!!! 鬱結難抒呀!!!!!!!!!!!!!!!!!!!!!!!!!!!!!!!!!!

well~
一定要記下~
joe 仔在11月19晚話~
如果我嫁得出~
佢會做$2000的人情~~~
hoohoo~為了呢兩千蚊~~
我一定要嫁得出呀~haha
加油ar!!!!!!!!!!!!!
我唔可以咁快就服輸ge!!
係就係難d...但我係唔會放棄ge!!!
自己都唔同自己打氣..
點樣面對身邊ge悠悠眾口??
我唔止要嫁, 仲要嫁個好老公!! um!!

>>November 22, 2009 at 5:08:58 PM GMT+8

2009 年 11 月 10 日 星期二 【微冷】


有時都慶幸自己信主與上大學幾乎同步~
這樣子~新與舊立時十分明顯~

這個日記~明顯是屬於舊的~
但我依然會至死不渝的不會放棄~
卻也不代表我是從一而終的~
也試過開過其他BLOG..
除了一個MSNSPACE成為這裡DOWN了的即時替代品之外~
還有一個一直秘密(I SEE IT AS)存在的BLOG~

為什麼忽然說起BLOG呢?
也許是因為前幾晚一個屬於"新"的人問起我有沒有BLOG~
其實自從新與舊以壁壘分明的姿態存在著~
自己也好像有點分裂..

與舊的人在一起時~我可以很真~因為他們都了解我的過去~
卻又不得不在某程度上假起來~
不~不應該是假~是有所保留~
言有不盡~其中一個原因是信仰不同~

與新的人在一起時~我也可以很真~因為我依然是不介意自己形象的人~
卻也同樣很有保留~
雖然有時比起舊人又更沒有保留..

進退之道?
有時我會認為是被迫的..
有時又覺得是自己一套所謂處世的智慧..
有時很厭倦..
有時卻沾沾自喜...

越來越搞不懂自己...一些堅持(應該叫作堅持嗎?)有必要嗎?
為什麼把自己分裂成幾種狀態呢?
「三位一體」一點都不好玩呢~

於是我更喜愛這裡~更離不開這裡~
唯有在這裡我才知道我還是我~
是完整的我~
我不諱言我有我喜歡的人~
我不怕繼續訴說自己的情傷後遺症~
我可以談我對信仰的熱誠~
也可以談我對信仰的疑惑~
無什麼不可以說~也無什麼必要說~

先岔開說一些別的~
有衝動將2005年4月28--2008年4月28日的日記集結成書~
自己收藏~難得有人將我的初戀完結得那麼的完整~
應該將這短短3年間的一切作個紀念~haha
自覺是放得下了(終於!)~所以作一個close file的儀式吧~

再有錢一點~就要將2005年4月28日前的所有日記~以及
08年4月28日後---09年10月28日的日記也集結成書~
是未初戀及失戀後的日記呢~~看看那種強說愁與生不如死的對比嘛~

單是想想這個念頭已經很興奮!
哈哈~待我真的儲到這幾百塊錢就會付諸行動!!

話又說回來~這個新與舊的問題~
所有舊人在我心中都抹了一層塵..
無錯...大家在受到打擊時給予了很大的支持..
可是卻沒有人可以有精力去諒解我的後遺症..

有一大部份的舊人更沒有興趣了解我的新生活..
我刻意不向任何一個舊人提及家中的巨變..
是想看看自己的想法有沒有錯~
結果明顯我是對的~只有一個例外~
遠在美國的朋友看了我的日記後主動關心我家中的事~
很感動的呢~其餘的一切人~我早已失望了~
可是不要緊~我們還是好朋友~
雖然我開始思想「好朋友」這個詞語的意思~

所有新人在我心中都褢了一層膜..
人大了~自然也有了一點防備之心的~
可是這不是主要原因~
更重要是...經歷過舊人在我情傷時的表現..
我才不要再將這哭哭啼啼...傷心失意的一面給人發現..
所以我喜歡上了四個英文字母「H-A-H-A」~
終於大家給我戴上開朗的冠冕~很好~!

我骨子裡的多愁善感從沒有消失~
不過是收斂起來而已~這種生活方式也不錯的~
至少有其他人在的時候我不會很不開心~
最多背地裡獨個崩潰..

咦~
不知不覺踏進光棍節了~
寫一篇長長的日記去為我這個光棍慶祝吧~!
這篇日記來得這麼的誠實~盡情~坦白~
真好~我喜歡這樣的我~

雖說像我這樣的一個女子(借來西西的著作名)~
不會是男孩子的對象~
可是我也不打算去改變~我是指我的形象~
每個女孩子都有她可愛(值得愛)的地方~
我也不認為我不值得被人疼愛~
也許沒有人會相信指天椒裡面可以釀有蜜餞~
可是沒打緊~這是緣份~不是我可以控制~
嫁不出就嫁不出好了~我會無奈接受~HAHA~

p.s. 好喜歡「中銀人壽父女篇」的廣告~
可惜......時間已經越來越少了...情況也越來越糟..
唉...無能為力...

>>November 10, 2009 at 5:35:00 PM GMT+8

2009 年 10 月 24 日 星期六 【微冷】


終於放下理智..
稍稍痛哭了差不多一句鐘.
這一幕久違了..
上年暑期可是家常便飯..
那時的淚水由葵涌與我一起乘車回大埔呢~
這次是由上水回到家~

由那次意外起...我才驚覺原來「盲目」是不易的~
還是因為我的眼睛比較大所以淚水也比常人多一點點?

除了發現哭可以很隨時隨地之外~
我還發現原來自責真的可以把人壓死..
當我把一切錯誤往自己身上推...
即使有念頭想分一點責任給別人..都會馬上被我狠狠地斥責!
一點都不肯放過自己..
辛苦的.

如果父親最終還是上不了天國..
我想我又要自責到不知何時了..
今天算是一個預演..

終於都誠實與神對話..
雖然我沒有其他人有幸聽到天父的回答..
可是至少我可以坦然地表達我對衪的不滿..
反正不管我做什麼求什麼..
神都有衪的一套做法..
我無能為力為自己爭取什麼..

神呀神....袮好狠!
"忍耐試煉的人是有福的"...不忍耐可以怎樣?
一躍而下麼?

爸爸走後..
這個世界就再沒有一個愛我的男人了...
可惡啊!!!
幹嗎要造男造女?? 只造女人或男人不好嗎?
順帶的不會有愛情這回事存在!!
神再怎樣愛我也好..
都不可能給我一個擁抱!!!

能否再遇上一個愛我的人...
我一點把握也沒有..
更惶論終身大事..
都是袮!!!!!!!!
一次又一次地打擊我我的自信心..
忽然想起一個好久沒說過的term "收皮la"..
感覺就像是叫我"收皮la...唔好徙心機捱眼訓la...冇人會鍾意你ga la!"...

又想起約拿....
「耶和華阿,現在求你取我的命罷!因為我死了比活著還好。 」
本來我就不是一個堅強的人..
為什麼一定要我去經歷?
我不過是想平平淡淡的過我的平凡日子..
我從來不為著平淡而發怨言..
何以非要我死十次九次不可??...
還要不知道是不是還有十一,二,三....次..

我不想每次都阿Q地安慰自己..
就算我知道一定有可以學習到的智慧..
但我寧可一輩子做做一個愚蒙人!!

一個家中問題..
一個感情失意..
再加一個讀書壓力...
是不是想把我壓死呢?!

神總不聽我禱告...
不過是想要一點神蹟奇蹟..
又或是給我聽見看見衪..
又或是一些很明顯的恩典..
可是一點都沒有呢..
我是小信的人...我認...
信心是可以在一點一滴的挫折中消逝的..

最討厭感情受挫...
偏偏卻與我常在...
實在也可以諒解那些喜歡one night stand或吃散餐的人的感受..

神啊....袮不要逼人太甚好不好?
要知道我的理智是很有限的...

唉..
好--------------煩------------------呀-----------------!!!!!!!!!!!!!!!!!!!!!!!


btw...咁樣的一篇diary會失見證呢..

各界朋友..(if any)...有jesus的人生畢竟比沒有的好..
至少當初是衪把我從絕望中拉出來的...
而且還一直在改善我的一些缺失(雖然我還有很多缺點)~
神還是很好的~只是有時比較嚴厲一點而已....

>>October 25, 2009 at 4:26:26 PM GMT+8

2009 年 10 月 10 日 星期六 【綿綿細雨】


感恩!
這麼好的牧者那裡找呢?
鋼琴聲就像是我們的人生樂章..
跌跌碰碰..
沒有經過苦練...
就不會有完整地彈好一首歌之後的滿足與興奮!

各人恩賜與光境都不同~
沒有司琴的造詣沒緊要~
如果我可以將一首簡單的C大調小曲彈好~
已經足夠我樂上半天~!

在琴聲中我想到的不只是自己的生命..
還有NOONOO與MANDY的生命...
她們都是我代禱事項中最重要的其中兩項..
我不太懂得怎樣關心她們..
所以只好努力祈禱~求主移開她們的大山小山..
並時刻與她們一同迎戰一大堆令人灰心喪志的問題~

我們的晴天快點來到就好~

唉..
如果她們遇到的都是"兩個人之間出了問題"..
那我就是"我個人出了問題"..
我不想去質疑自己的價值..
可是....這樣的結果...很難不去質疑..

之前是一個3歲小孩被我疏忽照顧而夭折..
這次是懷胎幾個月卻要我親手殺死...

好像總是在經歷"死心"的過程..
很殘忍..

唉...這陣子總在下雨..
希望快點可以振作起來吧!


同路人...你們要加油!
就算是十號風球...主的傘也不會吹折的!
除非我們不願意開這把一直在身邊的傘..
雖然還是會淋濕...還是會走三步退兩步..
但至少是這把傘擋去我們臉龐的雨水!

加油加油加油加油加油!!!!!!!!!!!!!!!!!!!!!!!!!!!!!!!!

>>October 11, 2009 at 10:10:50 AM GMT+8

2009 年 10 月 10 日 星期六 【微冷】


有"心情"打日記..就知冇好野LA...唉..

終於都成為左團契的關顧~其實冇好大驚訝..
一路以來都好願意去服待呢個團契同埋事奉神~
所以都唔係抗拒做職員..
但一直都感覺唔到神想我去做職員~
有求問神但亦冇好明確的reply~
so第一round我係剔左"未想做住"~

但我心中默禱..如果神真係要用我ge...就叫人提名下我la~
結果又真係有人想我做康樂同關顧~
which我都估如果有人提名都應該係呢兩個post~
而我又覺得sudin做康樂好d and自己都想關心多d團友仔~
結果2nd round我寫左自己做關顧~由於sylth要做財政~
所以我就補上左做關顧~我希望自己真係可以盡力做好呢個post~
男關顧係ar yum~haha~上次寫poem都係寫俾ar yum~
咁就預視左我地呢一年的合作la~heehee

關於呢一次大選~都係好感恩ge~我覺得每個位的人選都好恰當~
希望如我的comment所說~新人事新作風~團契可以越來越好la~^^



另一邊箱...當我刻意而又不著痕跡地拉遠個距離時..
我都覺得佢都係做緊同一樣野..
所以我地今日連手都冇握..
眼神交流都好少..就算有都好小心..
冇緊要la...慢慢就慣ga la...

如果問我咩原因令我決心放棄..
咁原因一定係因為另一個團友仔..
當呢個團友仔對我越來越"奇怪"時..
連mandy都察覺到兼會常常來拯救我時..
佢卻係冷眼旁觀..
我知道佢一定都察覺到...仲應該好早就察覺到..
而佢如果有意去拯救我...佢亦一定可以做到..
但佢冇咁做...
當我開玩笑地問佢..點解你唔救我..
佢答...點解我要救你...

想唔死心都難..

而當呢d"奇怪"行為仍然繼續出現..
亦即係話每個星期六都要睇住佢冷眼旁觀..
其實都真係.....幾難受..
結果就"唉" la....




雖然要上心的事有好多..
班bb la..家人la...學業la...同神的關係la...
但有時真係有點想抓狂的感覺...
所有我曾經放在心上的男仔之中(加埋都係3個je)...佢係最好ge一個..
真係自己攞lei衰....做乜鬼硬係要越級挑戰呢?



唉...
煩死我了...

>>October 10, 2009 at 4:33:57 PM GMT+8

2009 年 10 月 6 日 星期二 【微冷】


天呀...我竟然作法自弊ar....>.<"
點解我會咁唔小心ga??!!

雖然我都隱隱約約feel到自己在迴避呢個話題~
但係...所謂避得一時唔避得一世...就係咁解..
今次唔夠快去end conversation就出事la...

呢種由內而外震晒"餚"晒凡怯晒的感覺..
只係在sudden撞到ex的時候會feel到...
竟然今日在kcr中經歷到...由大學站到上水都仲未平伏..

只可感歎...若要人不知...除非己莫為...

丫!!!!!!!!!!!!!!!!!!!!!!!!


呼喊都不能全然表達我的震撼....


雖然是無奈撤退..
卻也不想一副狼狽相..
悄悄的我走了..
總比落荒而逃優雅!



感情事總是一塌糊塗..
頹唐敗瓦的舊都剛收復..
興建中的新都卻又要拆毀..
這才發現已經投放了許多時間與心力..
畢竟是戰後第一個致力營建的都城..
哈哈哈哈....如果我說我認真的...好像就會這麼可笑..


實在不是他的問題..
是自己的問題...太容易就喜歡別人..
檢討吧..

幸好目前最重要的事不是談情說愛..
雖然這還是很重要的..



我的天父就是一位無論我跌得多難看也愛我的天父..
昨天上陪談員課時,講員說:"你認為信耶穌有幾好就會有幾想去傳福音",
很對~上帝應許的豐盛生命就在我失意困厄時顯明~
神既然能夠將我從暫時短短人生中最大的痛苦中挽救出來..
當然也會帶我走出我這次的情場失意(算是嗎?)~^^


雖然被督爆的一刻實在尷尬非常..
但沒有秘密的空氣卻比以往輕了一點~
在你面前我永遠只可以舉白旗~~
haha~noonoo~果然堅~!!

>>October 7, 2009 at 2:12:22 PM GMT+8

廣告 讀者留言 |  路人留言   | 搵左好耐先搵到黎 <br>留個名 >>January 16, 2012 at 11:53:57 AM GMT+8 我們愛, 因為神先愛我們 :) >>December 5, 2011 at 12:07:00 AM GMT+8 恭喜你變返單身 :) <br>大 >>September 14, 2011 at 12:04:31 PM GMT+8 不知不覺，你已經去了個多月，而我 >>August 11, 2011 at 8:09:27 AM GMT+8 小冰好開心呀~可以每日睇到你ｄ日 >>March 24, 2011 at 2:21:50 AM GMT+8 真好你現在只聽韓文歌~~~ <b >>February 8, 2011 at 3:36:52 AM GMT+8 好搞笑睇睇下你忽然好憤慨 :p >>January 16, 2011 at 12:38:09 AM GMT+8 Im back from the >>December 28, 2010 at 12:53:07 PM GMT+8 正想留言&#35715;你首 b >>November 25, 2010 at 10:28:28 PM GMT+8 正想講我的4人份量意粉雖不算飯, >>November 20, 2010 at 11:20:23 AM GMT+8 南佶佶bg pic :pppp >>November 6, 2010 at 5:33:47 PM GMT+8 嫁o左俾個失明人仕一定可以慳番好 >>November 5, 2010 at 2:12:18 AM GMT+8 no need to work >>October 29, 2010 at 4:26:07 PM GMT+8 好掛住你ar >.< fai d >>October 15, 2010 at 11:24:39 PM GMT+8 aiya!!! take car >>September 23, 2010 at 8:25:57 AM GMT+8 同意達達的說法, 真正的朋友係應 >>August 30, 2010 at 10:30:51 AM GMT+8 你當年受傷了,大家都能體會,但人 >>July 15, 2010 at 2:41:54 AM GMT+8 或許我沒有從你的角度去看,我只是 >>July 15, 2010 at 2:40:53 AM GMT+8 不要再想不快樂的事了,好嗎?將來 >>June 28, 2010 at 12:46:07 PM GMT+8 好耐無黎喇~我自己個個showh >>June 24, 2010 at 11:56:34 AM GMT+8 或許那一段愛情不屬於你，那次分開 >>June 15, 2010 at 2:07:43 PM GMT+8 Pinky~how're you >>May 19, 2010 at 2:18:17 PM GMT+8 really nice back >>May 18, 2010 at 4:06:49 AM GMT+8 路過你的日記，相信你其實都不會差 >>May 9, 2010 at 7:42:29 PM GMT+8 我很喜歡一句話，人沒法改變生命的 >>April 17, 2010 at 6:03:11 PM GMT+8 pinky~~~hello~~~ >>April 11, 2010 at 10:47:11 PM GMT+8 人其實可以好實在亦可以很虛幻;人 >>April 9, 2010 at 9:06:14 AM GMT+8 hi,, <br>well,,, >>April 3, 2010 at 8:42:16 AM GMT+8 have you got my >>March 20, 2010 at 1:46:25 AM GMT+8 神對每一個人都平等，你可能感到不 >>March 7, 2010 at 8:02:34 PM GMT+8 朋友充其量你只好當他/她是一種傾 >>February 1, 2010 at 6:11:22 PM GMT+8 很抱歉我沒來你的showhapp >>January 24, 2010 at 6:45:30 AM GMT+8 sorry to hear th >>January 24, 2010 at 6:07:06 AM GMT+8 對不起，我不是個稱職的朋友。我希 >>January 13, 2010 at 6:01:35 AM GMT+8 世界沒有對的人，沒有錯的人，人不 >>January 2, 2010 at 3:31:04 PM GMT+8 感情沒有分對與錯，愛就是愛，不一 >>December 10, 2009 at 8:51:43 AM GMT+8 感謝神~ >>September 8, 2009 at 4:18:34 PM GMT+8 差d以為自己去錯地方 <br>哈 >>May 22, 2009 at 9:50:59 AM GMT+8 no need to pick >>May 13, 2009 at 7:19:34 PM GMT+8 finally i am bac >>May 9, 2009 at 10:36:14 PM GMT+8 宜家唔駛打拿? >>May 8, 2009 at 3:45:04 PM GMT+8 good song <br>但我 >>May 7, 2009 at 3:17:00 PM GMT+8 坉蚞磪髐W <br>呇 <br> >>May 4, 2009 at 5:52:29 AM GMT+8 你的日記仔真幸福, 個主人年年都 >>April 5, 2009 at 10:13:51 PM GMT+8 閱. <br> <br>另,生日 >>April 3, 2009 at 4:15:11 PM GMT+8 早d sleep is good >>March 26, 2009 at 10:57:13 PM GMT+8 我都覺得好像用過~不過好過之前那 >>March 16, 2009 at 11:38:49 PM GMT+8 Pinky~~~生日快樂呀~~~ >>March 11, 2009 at 9:26:48 PM GMT+8 小冰呀~~我仲未收到你封信呀 > >>February 23, 2009 at 3:05:51 PM GMT+8 yes ar~i am wait >>February 4, 2009 at 9:37:56 PM GMT+8

人氣: 74644

Design & Scripting by ShowHappy.Net