2003 年 5 月 9 日 星期五 【陰】

今日一大朝早返到公司已經勁興~
見住公司pantry好似垃圾崗咁~
通宵班同事真係好野~搞到咁都仲忍受到~
我忍唔住出聲話佢地~
見住垃圾桶堆積如山佢地咁大個人唔識清下佢架咩~!?
換一換垃圾袋不是這麼費功夫吧~
還要是星期六~明知無阿姐返黎執野~
就算有阿姐都不是奉旨的嘛~
仲要有個係department leader~
比我呢個做細既咁話法~佢地真係無聲出~咁大個人都唔知個醜字點寫~!

佢地走左之後~比另一個同事話我叻女~
諗返自己~比著以前既我真係無咁既勇氣出聲話佢地~
我可能會唔出聲~甚至自己幫佢地執埋d野當無事~
我都唔知點解自己會咁大膽出聲~
但我問心~自己無做錯野~亦無後悔咁做~
佢地咁大個人~唔好迫我向上頭講啦~自己自律d啦~

下午兩點幾收工~
一返到屋企即刻去左訓覺~一訓就兩個幾鐘~
勁舒服~呢個星期真係勁充實~
返六日工做足八日既野~所以好累~
聽日要好好抖下~夜晚要去同女麻女麻食飯~
好耐無見女麻女麻啦~好掛住佢~^^


>>May 15, 2003 at 12:23:35 AM GMT+8

2003 年 5 月 8 日 星期四 【陰】

發覺近排自己除左返工同返屋企~
無其他野做過.....
係公司真係多野做到......."""
一收工淨係想返屋企訓~
數數手指~
我今個星期返六日工~但做足八日 甚至九日既工作~
上司見到我殘到咁~話比我聽日早兩個鐘收工~
總算佢有d良心~
等我日日同佢打生打死~haha
但今日佢好早就走左~
留低個爛攤子比我跟~
我又做到七點幾嚕~
之後仲要比我知道原來佢約左jen jen食飯~
可惡~你地無良心架~出街都唔預我~>"< (嘻~a"a講笑姐)
九時半已哩左上床....聽著歌~
雖則話工作至上~好有衝勁做野~
但...真係好累....不知為甚麼....我又哭了>"<
我已不想諗任何野~只想好好休息吧~

>>May 15, 2003 at 12:22:52 AM GMT+8

2003 年 5 月 7 日 星期三 【陰】

尋晚做到好夜~又比部電腦玩既關係~
今朝起身好辛苦~
但無法啦~今朝早又玩solo,想晏d返都唔得~"~
新工作似乎幾順利~
但仍好謹慎~因為可能好多問題仲未出現~

就收工既時候先知原來我可以早走兩個鐘~= ="
點知上司無通知我~"~(無奈.......")
返到屋企終於整返好部電腦~
去左玩隻新game~仲撞到個舊朋友~
但好累~十點幾就去左訓啦

>>May 15, 2003 at 12:22:15 AM GMT+8

2003 年 5 月 6 日 星期二 【晴】

今日有點兒緊張~
因為公司有新job要跟~
仲要係大project~
好耐無試過成間公司咁嚴陣以待啦~
一早已經預計左今日將會好遲收工~
點知尋晚又訓得唔多好喎~
好彩今日我精神都唔錯姐~^^"

今朝一個人on duty~
仲要ready好晒下晝d野~
工作雖比較多~但我還能應付~
安排好晒d野之後~差不多時間換班了~
正真落手落腳做既唔係我~
但睇佢地做野~幫佢地跟頭跟尾原來仲累過自己做~
到得閒d既時候已經係八點幾啦~
又要為大家安排食飯~
連食飯時大家都在傾公事~
我有幸參與其中~好開心啊~^o^
感覺自己又邁向目標又一步了~

十時半終於收工了~
破紀錄地做左十四個半鐘..
被一個同事既一句說話嚇窒~@@
唔知佢有心定無意啦~
好彩我兜得返姐~"~
回家路上無目的地撥左個電~
一傾就傾到返屋企~
做到咁遲返屋企...父母竟然無一句抱怨~
但...屋企部電腦竟然有點異常~
嗌晒救命都無人幫到我~>"<
算啦~明天還要早起上班~
去訓啦~那是已是淩晨十二時了........(汗)

P.S.showhappy網站之前暫停左登入~所以而家先補返晒d日記~^^

>>May 15, 2003 at 12:18:57 AM GMT+8

2003 年 5 月 5 日 星期一 【雨】

發覺自己越來越專注係工作上~
唔知係好事定壞事呢~
可能呢段時間比較忙~
我真係會忽略左朋友 家人~
但現在我工作至上嘛~當然要加倍努力啦~^^
我知道佢地一定會體諒我既~

今日正埋首工作時~
收到一電話~打亂左我思緒~
搞到我做野時~腦子又想著另一些事~
"佢打黎做乜呢?就是為了講果兩三句說話~?"
我沒想太多~但很快我又再投入工作了~^^

晚上很早就去睡~
要抖足精神啊~明天一定忙到死~
已經預左係公司食晚飯了~^^


>>May 7, 2003 at 1:42:16 AM GMT+8

2003 年 5 月 4 日 星期日 【雨】

今天早上紅色暴雨警告~
妹子不用返學~
我出門時~
佢竟然同我講~家姐我去再訓過啦~a"a
真係好想打佢~一大朝早潤我~>"<

其實脫離左學校生活都已經一段日子~
對於落大雨,公眾假期等日子要返工~同加班工作~
已開始習以為常了~^^"

今天如常工作~
下班後跟上司去開會~一開就是個多小時~
多左好多野做~有新挑戰~幾開心~^^
但又遇到一兩難既局面~
上司既新要求,新準則對我黎講不是問題~
但我確實知道如實執行~
又會有其他問題發生~
搞東搞西又做到七點幾先收工~
有同事仲要講笑話我未做足十二鐘~^^"""
其實返得耐我都無所謂~
反正我做野又幾開心~收工都係返屋企姐~

回到家還繼續工作~
雖然有點累~但心情頗好啊~^^
未來幾天還會更忙~努力吧 ~~~~!!!

>>May 7, 2003 at 1:14:47 AM GMT+8

2003 年 5 月 3 日 星期六 【晴】

今日放假~^^
起身時已經係十點啦~
匆匆忙忙流洗過就出左去啦~
去到約好既地點~
除左見在點點,jen jen同佢男友外~
還撞到一位跟我一起成長既人~^.^
好耐無見佢~
因為大家都好忙~生活圈子又唔同~
唔知點解~
可能真係由細玩到大啦~
我同佢之間好多野唔需要講~已經知道大家諗緊乜~
今日見到佢...唔知點解~有DD感慨~^^"

送完點點返工~
跟住去左荃灣join daddy媽咪行街~
好耐無試過咁有mood行街啦~
往荃灣時還在想會否撞到一個係果度做野既人~
點知就係因為媽媽話一個水壺得意~
無意間見到果個人~^^"""
媽媽知我撞到人仲要問東問西~
我即時拉左佢走= ="""
之後先打返比個朋友~^^

晚上再跟他通電時~
真係覺得佢係另一個人咁~
唔知點解呢~
雖然隔膜仍然存在~但溝通的確融洽了不少~^^

今天心情頗好啊~
雖然行到好似仲累過返工~
但終於到話左買半年既既~
有新銀包用嚕~~~好野~~~^O^
聽日又要返工嚕~下星期將會好忙~
小黛要努力啊~~~~~

>>May 7, 2003 at 12:23:26 AM GMT+8

2003 年 5 月 2 日 星期五 【晴】

又是平淡的一天~
明天就放假了~^^"
約左jen jen同點點佢地去唱k~
好耐無出過街啦~期待中~^.^


>>May 6, 2003 at 12:16:02 AM GMT+8

2003 年 5 月 1 日 星期四 【陰】

今天心情不佳~
工作上遇到一些阻滯~
眼見某些交低左比同事做既工作似乎跟不上進度~
便向同事提出~幫佢手跟進~
但似乎那同事跟上司有點.......
搞到我夾係中間~仲要見住佢地兩個都發脾氣~= ="
雖則佢地都不是針對我~
但......悔氣說話跟面色卻要由我去受~"~

我確實不明白點解做少少野都要去拖~
我不是質疑任何人的工作能力~而是工作態度~!
找幾張紙不需太多時間吧~
無時間,忙,多野做不是理由來的~只是藉口~!
我用了不足半小時已可以做完的事情~
你竟跟我說無時間做~!?
明知那些工作不能一拖再拖~
我就是眼見進度慢~開始堆積如山~才提出幫手吧~
否則有問題時又怪罪於我 我確實會吃不消~

我實在不怕去做~
否則我也不會自己提出幫手吧~
但為何我努力想做好工作時~竟有人仲只識發脾氣呢~!?
我確實不是好蝦~也不會理會別人怎看我~我只想做好我本份~!

因為自己提出既要求~搞到自己多左野做~
但.....算嚕~
我講得出~都預左架啦~
加班至七時多~被上司提一提我收工~
真係做野做到唔記得時間~
匆匆忙忙地收拾行裝便下班了~

今晚很早就哩左上床~
一邊開著歌聽~
唱機仍不斷播著"數你"......
突然覺得好累....不只身體上的累.....心靈上都很累~
我不願再一個人撐下去....的確壓力是來自自己的.....
而我唯一一個減輕壓力既方法就是-----哭
就是這樣哭了個多小時...喊出黎對我黎講會舒服一d~
起碼唔會屈住係心....
腦子裏有幾個朋友的電話號碼~
很想找人陪我談談~但最後不知為何打消了這念頭.....

>>May 3, 2003 at 12:32:47 AM GMT+8

2003 年 4 月 30 日 星期三 【陰】

今日公眾假期~
我當然要如常返工啦~
返到公司先知得我自己一個on duty~
因為有同事sick leave~
一個人返工其實有點習以為常~
所以都無乜感覺~

今日同一個人傾左好耐~
同佢既傾談氣氛同平時有d唔同~
佢肯講咁多野比我知~得到佢信任~我當然開心啦~
的確咁同佢溝通感覺比較好~
起碼唔會覺得佢成日神神秘秘,收收埋埋咁~
但....佢好似唔太開心咁~
講左好多平時唔會表達既野出黎....
我確實有點明佢既問題吧~

差點說了不該說的說話~
好彩講到口唇邊又收返~但...之後又要後悔~
真笨~!

近來發覺自己有好多野想做~
想去海邊,想放大假,想去旅行~
但太多野都得個諗字~
一方面無時間~另一方面又有好多顧慮~
算啦~
還是忙完工作先再去諗吧~

>>May 2, 2003 at 12:35:51 AM GMT+8