2003 年 8 月 29 日 星期五 【晴】

放假的一天~
我睡至下午一點才起床~@@
一起身就要揍我個小栢朗啦~^^"
小表弟越來越聽話~陪左佢玩一大輪~^^

趁佢訓晏覺~
我就去沖涼洗頭同掘瑪瑙~a"a
登入艾迪的a/c的確有點驚....
我始終不是他本人嘛~
有其他人問東問西或者找他~我只可說"代玩中"~
而最大問題係....我會盪失路~"~
在傑彭人生路不熟~所以入去之前問定阿賢先~a"a

在迪城走來走去..
終於找到礦場了....~"~
用了兩個多小時...系統仲無瑪瑙比我/~\
食完飯再入過去~
掘了兩個小時~眼見已經儲到96xx point....竟然......斷線>O<
嗚嗚............原來是艾迪cut左我T_T(扁咀)
激死我了....><
但佢又無心既~/_\~還是算了吧~
掘瑪瑙時一直在頭痛~
只是諗住就出就掘埋先去休息~/_\
還有少許作感冒~
可能昨晚冷親下啦~
食左兩粒藥就去睡了~

>>September 1, 2003 at 4:27:42 AM GMT+8

2003 年 8 月 28 日 星期四 【晴】

今日返晏~
十點先起身~食左少少野就趕返公司~
返到去第一時間就睇睇個mail box....
mail box對我來說真好大壓力....
因為一日覆n封...第二日又多返n+x封..
所以特別留意個mail box既數量...
做到點幾鐘~上司竟然叫我出去食飯~@@
我實在不習慣跟他們大班人一齊出去食飯~
第一...唔想吸二手煙...
第二...平時佢地出去食飯...都唔會叫我架~@@
第三...佢地成班男仔...我出去又唔駛食野住...咁出去做咩....
第四...我無lunch hour架嘛....上司無端端做咩叫我同佢地出去~@@

近日有少少覺得...
上司成日想我同點點上位~
但其實我地兩個都唔係要呢d野既~
我明白~
佢對我地信任...
先會比咁多野我地做~講咁多野比我地知~
但....唔知點講...唔識點講~總是覺得怪怪的..
可能我唔習慣啦......

下午找一個同事很多次~
佢生日公司諗咁搞生日會~
點知搵左佢好耐都搵佢唔到~
原來佢出左去玩....
終於搵到佢返黎~^^"
個傻妹18歲生日好開心咁~
希望佢過左生日...唔好再咁細路妹啦~^^"

晚上六點~
點點返黎~見到佢個累累的樣子~就心痛><
呢排大家都辛苦了....但無辦法....必須要撐下去><
原本八點收工....但又唔願返屋企住~
吃過飯後~想找人出街行下~
打比艾迪又無人聽電話~
在公司悶悶之際~佢就覆電話比我啦~
佢好爽快咁話出黎搵我~
唔知係咪返工返到傻傻地~
日日都係返工放工返屋企~好悶啊~
竟然無聊得找朋友陪我周圍走走看~或者想搵人陪我去玩~
有得出街玩好開心啊~aoa

約左艾迪~
就再打比美美睇下佢出唔出黎玩~
點知佢仲食緊野...
兩個人走得悶悶~去左睇戲~
琴晚本約左美美去睇魔盜王...點知佢臨時爽約~
今日有人陪我去睇補返數~^^"
套戲都幾好睇~但無爺爺講得咁好笑~c.c
睇完戲已經十二點幾嚕~@@

返到屋企成點鐘~
食完榶水就去左沖涼then開icq~
同朋友傾下傾下....不知不覺就四點幾啦~@o@"""
比左個a/c艾迪叫佢幫手掛商人>O< (一向都想搵人幫我掛..點知無人理我 ><)
仲囉埋佢a/c~趁聽日放假可以幫佢手掘瑪瑙同造衫~
四點幾都仲好精神~但要迫自己去訓嚕~聽日仲要揍仔~^^"

>>August 31, 2003 at 4:05:37 AM GMT+8

2003 年 8 月 26 日 星期二 【晴】

今日新人第一日返工~
他十分準時啊~是個不錯的表現~^^
但由於我實在忙著~
唯有叫佢睇kitty做一陣野先~

等到我得閒少少時~
再逐步將工作上的一些細節告訴他~
並示範一下工作的形式等~
等佢了解一下我地工作時遇到的問題,解決方法等等....
睇左佢做野一陣~
佢既表現都尚算令我放心~
起碼令我安心又專心咁做自己既工作~
希望快少少請多兩個人啦~
公司的問題持續沒有改善...大家工作效率都有點退步~
看著很多文件堆積著......睇黎今次d手尾都有排跟嚕~

跟上司有點爭拗~
我跟點點都覺得他不近人情~
明明一星期應該比人放一日假...
怎可一句"唔夠人手"...就要人地無得放假~?!
仲要人地生日的嘛~
講真~我寧願我幫個同事頂一日通宵都要比佢放假><
點點跟我諗法一致~
最後我地兩個夾好d時間...幫佢頂左果更~
但咁既話...點點今個星期就無假放啦><
雖說我工作量比較多~但點點也很辛苦~/_\

不知不覺又做到八時多先收工~
回家路上~
我竟然暈車浪~"~
返工以來~日日都咁搭車~
以為細個暈車浪的問題已經好返晒~
好耐無試過搭車唔舒服....
可能呢排太博命返工~又唔夠訓~搞到自己唔夠精神啦...
返到屋企連飯都唔想食....
係sofa攤左陣先好d....
跟媽媽傾了點公事~又傾到成十二點先訓.......好累........

>>August 28, 2003 at 2:33:50 PM GMT+8

2003 年 8 月 25 日 星期一 【晴】

今天很忙...
本想在training前處理一下電郵~
點知新同事好早到左~
咪就拿聲train左人先啦....

由九點幾開始一路講講講....
講到下晝點半.....中間休息了十分鐘~
新同事無乜take notes.......我有點擔心~
短時間內要聽咁多野~仲要吸收咁多野....
佢仲唔寫低d重要d既野.....真係記得晒~?

一口氣講左咁多野....
進度的確比我想像中快不少~
放左新人去食飯....就即刻比上司捉左入會議室傾野~
聽到他們的講解...我已經深感不妙.....
原來公司原有既問題.....處理進度比我想像中慢好多....
令我不得不擔心....大家究竟可以撐到幾耐.....
眼見好多同事都好辛苦....病既病...加班既加班....
唔知幾時開始....我差不多日日加班.....仲每日做足十二個鐘咁滯.......

接到今天的新任務....已感到一點壓力~
下午等新同事返到黎~
教埋佢一d野....同介紹晒d同事比佢之後...
我都無時間理佢住~交左佢比其他同事睇住~
就匆匆忙忙跟上司到會議室做一個詳細既統計.....
大家都十分專注~十分用心的工作...
用了個多小時終於完成了~
看到統計的結果有點沮喪~
問題似乎沒甚改善...睇黎大家仲有排做....><

看著上司把report給老板...
一邊工作著的我聽著老板好像有點不滿...
真難為了上司....我們已經極速做好佢想要既數據...
卻因佢可能唔清楚或唔了解個問題而為難上司~
話晒份野我同上司一齊做...
聽到老板的說話~真的有點難受....
真想跟他一起面對~一個人頂晒一定十分痛苦><
跟上司相討一輪後....希望能減輕他的工作吧~

上司說得對....
今時今日我地個department仲未死...真係奇蹟...
雖然唔夠人手做野...但看到上司肯幫我地撐咁多野~
真的感到有點安慰.....
面著大量工作....搞到我唔知做邊野樣先好~
力不從心....的確很無奈...
好大壓力...d野好似做極都做唔晒咁....
跟點點撒嬌一輪.....有一刻想哭的衝動.....
還是忍著的再繼續工作.....

精神上很累.....
但其實又很想盡快把積存的工作處理好~
頗有衝勁去工作~但始終都有點累...
屋企人又吹我回家...
晚上八時多....終放收工了....


>>August 27, 2003 at 12:30:46 AM GMT+8

2003 年 8 月 24 日 星期日 【晴】

今早突然聽到上司話聽日要train人~
有點surprise....咁快決定請人仲話聽日就train~
我還有一個report等緊我~
又要prepare training.....仲有大量e-mail...真的有點擔心.....
但無法啦~都要盡力做架啦~

下午開會....傾左好多野~
感到有點壓力~
但我相信自己還能應付吧~
開完會已經四點幾.....果時先食晏~"~
跟住一路做做做.....做到唔知時間......
被上司叫我走.....先知已經係七點幾...@@

晚上跟多位朋友icq....
好多煩野呀~~~~
小雨又話唔玩...佢今日好似唔開心咁~
艾迪個a/c又有d煩野喎.....約睇戲又好似夾唔岩時間...
Gary今日又突然搵返我喎~
總之今日有好多奇怪事啦~
但我都唔得閒理太多住~我實在是忙~

明天的training無乜prepare~
要打天才波但我又唔太緊張喎.........唔知點解呢~^^"


>>August 25, 2003 at 4:17:06 PM GMT+8

2003 年 8 月 19 日 星期二 【晴】

近來不但忙....還很懶去寫日記~
暫時拿些歌詞來表達先吧~

***********************************************

如果你知我苦衷 何以沒一點感動
誰想到這樣凝望你 竟看不到認同
明知我心裡苦衷 仍放任我做好夢
難得你這個朋友 極陶醉 但痛

>>August 25, 2003 at 3:33:40 PM GMT+8

2003 年 8 月 18 日 星期一 【晴】

工作量頗重~
加上kitty仔仔今日發燒~
所以佢無返工~
返到公司係多野做到唔知應該做邊樣先...
上司回到公司~
大家你眼望我眼....都很無奈~

大家都很明白...
工作真的很多~人手的確不足...
面對大量工作....真係多到唔知做邊樣先好...
唯有盡力而為啦~

>>August 25, 2003 at 4:01:47 PM GMT+8

2003 年 8 月 9 日 星期六 【晴】

今日到公司....看了看mail box~
心裏一沉...........看到一個最不想看到的e-mail address.....
下午...放了工還是加班~
點點拿著一張紙給我看.....搞到我又喊左一餐.......
我知佢無心既~
或者佢唔知佢既舉動令我咁大反應啦~
我知道她都十分抱歉~不斷say sorry.....
還陪著我哭~><

*************************************************************

還記得年少時的夢嗎
像朵永遠不凋零的花
陪我經過那風吹雨打
看世事無常 看滄桑變化
那些為愛所付出的代價
是永遠都難忘的啊
所有真心的 癡心的話
永在我心中雖然已沒有他
走吧 走吧人總要學著自己長大
走吧 走吧人生難免經歷苦痛掙扎
走吧 走吧為自己的心找一個家
也曾傷心流淚 也曾黯然心碎
這是愛的代價
也許我偶爾還是會想他
偶爾難免會惦記著他
就當他是個老朋友啊
也讓我心疼也讓我牽掛
只是我心中不再有火花
讓往事都隨風去吧
所有真心的 癡心的話
仍在我心中雖然已沒有他

>>August 25, 2003 at 3:11:13 PM GMT+8

2003 年 8 月 8 日 星期五 【晴】

心情仍舊不好~
所以放假也不願留到家~
總想出外逛逛散下心~
在家人面前我從不會表露自己的不安...

今天跟媽媽吃午飯時~
談及工作中一d事~
其實只是有點小問題吧~
我可以應付得到~
反正我有時也會跟她談談工作上遇到的問題~
但...媽媽實到太易哭了~
我知佢擔心我~佢怕我辛苦~
但她應該已理解到她的女兒已能應付很多東西~
包括我的工作~
小黛咁大個女....最驚就係要屋企人擔心我~
凡親有事~無必要我都不會告訴家人~
過去兩年的鍛鍊~
媽媽也說我長大了不少~
就連性格上都有一點點改變~
幸好的是~大部份都是變好的~^^
用了不少時間去平復媽媽的心情.....

下午陪媽媽和妹子出左尖沙咀逛逛~
很久沒出街逛了~
點知行的時間不多~
反而被海港城的鋼琴聲吸引著~
站到圍欄處足足個多小時~
企到腳都酸.....但又捨不得離開~
除左看著演奏者和觀眾互動的精彩表演外~
還看到一些感動的~搞笑的場面~
個多小時裏更令我看到人生百態~

看著演奏者專業又認真的彈奏~
跟觀眾的互動~十分精彩兼投入~
突然看到一個男子跟演奏者談了幾句~
拿著鮮花向女友道謝一番~
更彈了一曲不完整的"我找到了"
雖則有點出醜(因為彈得很差....)~
但他女友一定很感動呢~^^"

又看到一些人自告奮勇地上台唱歌~
唱得好就話姐....
有些....真的五音不全就..........""(還要唱韓文~@@@@@@)
雖然企了個多小時有點累~
但的確十分享受~唯一可惜只是....沒有英文歌~

興幸爸爸有點事做~
如果唔係佢一定無咁既耐性陪我們企咁耐~

回家路上一直都頭痛~
諗住唔理佢啦~
但回到家情況還沒改善~
始終都要食藥~

夜晚上左icq一陣~
聽到小雨講一d野~
心情很爛~
除左同佢"呻"左一餐左...仲同佢發脾氣~
唉.....而家d人質素真係好低....
幾cheap既野都有人做~
仲要惡人先告狀.....無言.........

從媽媽的語氣中..
感覺到她不太喜歡一個人...
但唔理得咁多~我不受影響便行了~

妹子有點反叛~
我雖不太擔心她...但卻擔心她識的朋友吧~
她不叫單純~但十分易呃易氹~
唯有睇緊d佢啦.....

被小雨吹著去睡~
頭痛著去訓~好辛苦~
但無法啦...鬼叫聽日要返工咩.....聽晚仲約左幾個人食飯....
要養足精神~小黛已經夠殘了~.~"""

>>August 10, 2003 at 5:05:27 AM GMT+8

2003 年 8 月 7 日 星期四 【晴】

是我變了嗎....
變得不想說話...討厭嘈雜聲...
甚至連身邊的人說話大聲一點~我也有點不耐煩~
的確近來有太多東西令自己很不高興~
但每每都沉著氣....結果屈得自己很不開心~

工作上~
看到某些同事~甚至自己的好友有點懶省~
部份吸煙的人仕~特別喜歡到公司門外煲煙+偷懶~
漸漸看到越黎越多人跟他們"學習"
真係不得不歎一句.....新不如舊....
舊同事~不論仍在公司的~或已經離職的
往往都十分自律地工作~
即使休息~談天說笑~都十分自制~
假日在公司看到新人們吵吵鬧鬧~甚至在玩耍~
真的十分討厭~
可知我正專心的工作嗎~?

近來除了自己十分忙...
亦深深感受到上司的壓力~
但壓力大~甚至搬屋多野煩都不是藉口吧~!
前幾天還聽到他嚷著要請人~
但因這個星期多野做~所以下星期先見人...
以下是今天我跟他的對話...

小黛：你約左見人未呀？
上司：下...見咩人呀~?
小黛：見新人呀~
上司：Hey~舊既唔去 新既點黎呀...
(聽到呢度即時已經好興~你自己都識講人手唔夠~
眼見呢排大家做到半死咁~你仲話等人去~!?)
小黛：下...你仲等舊既去呀~?再有人去就真係叠埋啦~
你係咪等我去左 你先去見人呀~?
(應佢時聲音比平時大~語氣亦好重~
我只想他知道再咁落去大家都會做死~)

我自問一向脾氣不錯~~
從未跟上司發這樣大的脾氣~
但他實在過份嘛~
話請人都話左幾個月啦~要做既野越黎越多~
人手越黎越少~點做~!?
應徵的人又不是沒有~
況且我已幫佢揀了一批信出來給他看吧~
他是懶得去看~懶得去約~還是真的"沒有時間"~?!
時間是由人去分配的~
無論怎樣忙~
重要的事便一定要擠出時間去做~!

坦白點說~
我只是打工~不是賣命~
每天加班不是問題~但根本就唔夠人做野~
我加班加幾多都無用~
你加多對手比我吧啦~

近來心情已經夠差了~
當然有很多因素~
最清楚我的莫過於小雨~佢了解我有甚麼問題~
但問題....都不是全可由我自己去解決~
工作~家庭~朋友~壓力.....很多東西我已盡量去適應~
但情緒還相當低落....我也不知所惜~

昨晚陪大姐去買新居的東西~
接著她男友也到來~
看到他們有商有量~我的確十分放心~
回家路上....一直都想著很多東西.....
可能近來想得太多了~
加上身邊一些東西又勾起我很多回憶~
無奈自己又找回一些令自己不開心的東西來看~
哭了很多場~
可能我實在太累吧....

昨晚原本打算找個朋友談談~
但發覺自己連說話的不願說了~
準備好餅餅的生日禮物便去睡了~
慶幸今早餅餅也十分高興~
但願這可愛的小朋友常常都充滿喜樂~

餅餅~生日快樂啊~^^

>>August 8, 2003 at 10:00:23 AM GMT+8