2003 年 10 月 23 日 星期四 【晴】

近來的生活還是工作 工作再工作~
沒甚麼特別的衝擊~
明天放假~
所以今天晚上難得晚一點睡~
深夜一點左右~
在網上逛逛~
上司突然icq我~問我點解仲唔訓~
他可能忘了我明天放假吧~
突然聽到好多佢預計中既野~
知道自己黎緊將會多好多做....好大壓力~
有點想哭....
大家唔好咁睇得起我啦...
我真係有虛脫既一日架/_\
好想搵人傾下計~減下壓...
但好多野又可以同人講~突然覺得自己知道左好多秘密...
剛巧見到艾迪online~
好久沒找心理醫生傾計了~
他說得沒錯~我只想找人聆聽一下我的感受吧~
講了出來舒服好多....起碼訓得著先啦~
看看鐘......凌晨兩時多了....

>>October 31, 2003 at 4:28:55 AM GMT+8

2003 年 10 月 22 日 星期三 【晴】

今天上班見到上司跟Carol談論放大假的問題~
因為人事部摧卡露放假嚕~
自然問上司~咁我呢~?
卻得到一個令人氣憤的答案...
我沒氣跟他爭辯了~
只是說了一句 "算啦~沒事了"
跟著即刻走開左~沒再跟他說話~
我如常的往會議室自閉~
上司進來找我談談~我也沒應他一句~
我確實不高興~!
原本七月中放的大假~
因為種種原因推遲了~現在我只是問問也給人reject~
我不是賣命的~!
我也需要休息~近來因為工作我身體已差了不少~!
他也是知道的~!
我不理會他跟我說甚麼~
只顧著自己的工作~當他隱形吧~
終於他開口說~你想放幾時呀~?
我想他知我不是細路女發脾氣~只是爭取我應有的權利~
半年前的補假 OT假還沒放....我也沒跟他計了~
(勞工條例是要在60日內補放的)
現在我也只是問問吧~他竟給我這個答覆~他還想怎樣呀~!?
最終他還是叫我聖誕放假~
雖然是遲了一點~但還叫有得休息吧~

仍然一整天獨自在會議室自閉~
一路做做做.....真係眼都花....
但也沒法啦~努力後必有成績的~>.<~!

>>October 31, 2003 at 4:55:00 AM GMT+8

2003 年 10 月 21 日 星期二 【晴】

今天上班~
一直做做做...
九時半還不見上司回來~
撥個電給他~原來他昨晚做到成十點先走~@@
今早要遲一些回來~
吵醒他有點不好意思:P
過去同佢班兄弟講低聲~換來一份早餐~@@"""

吃早餐 執一執d野~
又返房自閉了~
看著好多個唔同既excel...做到我眼都花埋~
今天狀態不太好~進度慢了一點~>"<
加上還要再執個更期....搞到做得更加慢...

下午兩點幾~
要去同個新part time做interview~
眼看著一個比自己大好多既"新同事"....
還要跟她interview~有點奇怪的感覺~^^""
interview已經咁....咁training既時候點算~@@"
對她印象還不錯~頗有禮啊~^^

下午繼續執拾自己的檯面...
好亂啊~點解執極都咁多紙仔架~>"<
然後再出左張新Notice~
有野做時間過得很快~
又再聽到多件令人無奈的事情在公司發生~
唉......怎麼搞的~辛苦大姐和其他同事了~>"<
再入房做左一陣~
想著是否有需要出去做.....人言可畏啊....

晚上約了爺爺吃飯~
幸運地時間配合得不錯~^^"
跟爺爺一起感覺十分舒服~可能我就像小女孩吧:p
收到手信好開心啊~^O^ (我最愛的姆明>3<)
慶幸爺爺當日忍住手無買那樣東西~a"a
因為爺爺之後都約左朋友~
所以談談逛逛後~我就先回家了~
九時左右回到家~
看到上司還到公司工作~
有點內疚....我今天做得很慢>"<
沒法子啦~明天繼續~a"a
十一點前就去睡了~
養足精神~明天做野效率要高一點~^^

>>October 23, 2003 at 2:23:39 AM GMT+8

2003 年 10 月 19 日 星期日 【晴】

今早搭車返工時~
看到一個情景~
一個爸爸帶著一個看似五歲左右的小男孩搭車返學~
那爸爸應該是送兒子返學再返工~
小孩應該是幼稚園生吧~
我跟他們坐得頗近~
聽到他們的對話~
兒子不斷的問一些數學上既簡單問題~
爸爸一一解問~
一起拿著課本唱歌~十分溫馨的場面~
我腦子裏想著柏朗~
我的確十分疼愛他~可惜他父母不會像這對父子般....
我常跟媽媽討論這個問題~
柏朗本身算是聰明+好教~
看著他這個樣子+父母"培養"出來的脾氣~
真是有點心痛~
那也不到我控制呢~
我只可等他在我家時盡力好好教他吧~

回到公司還是不停的做~
做到七時左右~
媽媽就打比我摧我走啦~
等我上車回家時打比daddy~
原來佢要去睇醫生~
雖然只是小病~但早點睇醫生還是穩陣d~
再打比媽媽.........留言~
還是遲一些再打比佢~反正我知他們在那吃飯~
到了新都城~媽媽跟妹子都吃完了~
我才去買了點東西~隨便食左d野就返屋企嚕~
睇左陣電視~沖涼~洗頭~訓覺~^^""""

>>October 23, 2003 at 2:48:25 AM GMT+8

2003 年 10 月 18 日 星期六 【晴】

星期天如常早一小時上班~
(但早兩小時下班~a"a)
沒甚麼特別~
還不是躲到房中自閉...
今天做得不錯~
今個星期的目標有望了~^^

四時左右打比媽媽~
來佢已經返左屋企~咁早既~@@!?
(媽媽今天約了一班親戚入青松致祭)
妹妹說媽媽在午睡中~
我還想約她出來逛逛呢~
正想了解一下她是否不舒服或是甚麼~
媽媽已接過電話了~
她說出來找我~@.@"

約了媽媽佐敦~
兩母女在佐敦行至尖東~
談了很久~
媽媽提及今天柏朗的表現~十分激氣~><
不知他今天為甚麼發這麼大脾氣~
無法子啦~旁人會說他無教吧~"~
我只鄧佢媽媽辛苦.....
同媽媽去行街買野~感覺很好~
近來與媽媽的關係好close~
佢會同我商量好多野~柏朗啦~妹子啦~甚至daddy啦~
可能大家想法都頗一致啦~^^"
撇下爸爸和妹子~叫佢地食自己~a"a
我跟媽媽買了點東西回家吃~
上網看了一些資料便去沖涼睡了~

>>October 23, 2003 at 2:36:01 AM GMT+8

2003 年 10 月 17 日 星期五 【晴】

今天放假~
十時多便起床了~
本來想揍栢朗~但媽媽做完野d時間揍到~
我又無落街了~
吃了點東西~陪柏朗玩左一陣~
柏朗識唱好多歌嚕~
看著他長大感覺真的很神奇~
由一個BB到一個小朋友....

傍晚原本去找柏朗媽媽打流感針~
點知佢上左我地屋企幫我打~
數數手指~六七年無打針了~
有點怕伯~@.@"
點知真係唔痛喎...
兩家人外出吃晚飯~

回到家~
妹子還左拖又拖時間~
前幾天才說在學校暈倒~
明知自己唔夠精神仲掛住搞東搞西~
終於被媽媽罵了一頓~
還不攻自破很多事情~"~
她被媽媽罵對我來說可謂小意思~
但可能佢會覺得好嚴厲啦~
我以前係木屋點罵點打比人趕出街都試過啦~
難得佢可以擁有咁大自由度還不知足~
唉....呢個妹真係唔到人唔擔心~
雖她不跟我說~
我都估到佢諗乜做乜啦....
唯有睇緊d佢啦....


>>October 20, 2003 at 3:46:59 PM GMT+8

2003 年 10 月 16 日 星期四 【晴】

今日仍然默默地係會議室工作~
一個人係間房度~
對住幾紙皮箱~幾千張紙~
真係幾自閉下.../_\
發覺自己越黎越自律~
無論工作上定家中都好自動自覺做野...
起碼情緒或心情不會影響自己工作吧~
以前我少少唔開心都好比人睇得出~
但....今時今日我已經不易表露自己既心情~
只少我唔開心都無乜人知~
但自己會唔多出聲~同博命做野...
可能唔係好想自己靜落黎啦~

上司近來常叫我準時走~唔好做得太夜~
可能佢驚我辛苦啦~
原本六點三想收工~
但走出會議室一陣就諗起要出張urgent既notice~
砌好了~再找瑪姬商量了一輪....
走的時候已經七點半了~

那時才醒起自己無食午飯~@@
記得三時多看過錶~但不肚餓便沒吃了~
四時左右隨便吃了點乾糧~
但始終沒吃飯~
不想浪費自己的飯盒~便給了阿Yen當晚餐~

上了公車~撥了個電給媽媽~
原來他們已吃了晚飯了~
有點想哭.....很想跟家人吃頓飯~
近來他們都吃完我才回到家......但今天原想早點走又搞到咁夜~
回家路上都十分失落.....
叫媽媽替我隨便買了點食物當晚餐~
心情不太好....還是早點睡~
明天還要揍柏朗~


>>October 20, 2003 at 3:33:55 PM GMT+8

2003 年 10 月 15 日 星期三 【晴】

近日生活很平淡....
除左返工做野之外~
其他事情都提不起勁~
身體已漸康復了~但卻常常心緒不寧般....
有朋友說了我的問題~
但我卻不願想太多...你可以說我逃避吧~

返工路上~
想著找些工作以外的東西給自己做~
終於想到了~
回到公司便跟大姐說放工上佢屋企攞野~
總算找了點東西消磨時間吧~
無心機想其他野~
工作已經夠煩了~

無驚無險....
在會議室自閉地做了一天...
時間過得很快~跟上司一起收工了~
上左大姐屋企攞野+傾計~
看著兔兔十分靜....跟先前聽到它頑皮的一面差好遠~
可惜我對陌生的小動物有點怕怕...否則我一定跟它玩~a"a
跟大姐和上司傾了很久~
知道了不少公司的大小笑話~"~
越來越慶幸自己跟著這個上司~
回到家~媽咪跟妹子已吃過飯...
匆匆忙忙吃了飯便沖涼訓嚕~


>>October 20, 2003 at 3:00:53 PM GMT+8

2003 年 10 月 14 日 星期二 【晴】

今早回到公司.....
即收到icq....好無奈....
不知道發生甚麼事~
近來心情已經不太好~
還被人誤會我騙她般~
我的確沒騙過她呢......
要告訴她的都早說過明白~
如果她一早不清楚為何等兩多月才出聲問~?
有點想哭的感覺.....做中間人真可憐....
近來心情已經不太好~
今早還要被踩多一腳~
唉....算了吧~
不斷安慰著自己...我已盡左責任了~!
還是安份守己....做好自己的工作吧~
還要好好顧著自己的身體呢~我不要再令家人擔心了~
早點睡....訓夠精神才可做好我的工作~


>>October 17, 2003 at 3:11:05 PM GMT+8

2003 年 10 月 13 日 星期一 【晴】

呢幾日都無咩發生~
因為知道自己身體仍然好弱...
所以爭取任何時間比自己休息~

呢幾日開始忙住做個新Project~
睇黎呢個任務要做兩三個月....
呢幾日係公司都覺得好凍~
初初以為天氣開始凍係咁....
但我知道自己仲病緊...已經著多件衫~
點知係我話好凍既時候~
上司竟然話佢有少少出汗~
再問問d同事.....個都話有dd熱~
真係唔到我唔擔心.....>_<

呢個星期日日放工返屋企~
跟住食飯~抖緊~訓覺~
好耐無試過夜晚掂部電腦嚕~
盡量令自己每晚有八個鐘訓...
希望會有d好轉啦.....


>>October 17, 2003 at 2:28:55 PM GMT+8