2003 年 9 月 21 日 星期日 【晴】

今朝返工時突然病情告急~@@"
星期六睇醫生時只是咳~喉嚨痛~聲沙...
點知今朝仲傷風+頭痛....
死啦死啦~
今日先黎咁~有點不祥之兆~
返到公司情況好似更差....
拿拿聲食早晨~跟住食藥~
為左令自己可以撐得到一日...
除左食醫生藥之外~仲另外食埋成藥(感冒藥+必理痛)
講真~咁溝藥食我都有少少驚架....
但又無辦法....我今日又多野做.....又要見老細....
食完藥一路做野....過左兩三個鐘開始覺得自己暈暈地~><
開始有少少擔心....怛病情又好似受返控制~
雖然大家都跟我一樣~擔心咁溝藥食得唔得架...
但都唔理得咁多~最多捱埋今日聽日請日假休息囉~

下午六時多~
心情有點緊張~
跟小雨係icq傾左陣~時間過得快一點~
七點三左右便跟上司~一行六人一起去酒樓~
得我一個女仔硬係覺得怪怪的....
去到酒樓~佢地仲叫我同老板坐~@@
諗返轉頭都岩既~
成張枱得三個女仔~大老細~老板同我...咁一齊坐都合理既~^^"
兩個多小時的飯局....我都顯得有點拘謹~
但我想我的表現可以吧...(找天跟上司傾下先~c.c)

十時左右就回家了~
途中撥了個電給哥哥~
原本打算打比問佢聽日約左既時間~
點知原來無人約過~
佢仲話約左阿ray聽日下晝出去....
佢知我唔舒服都叫我係屋企抖下...

回到家真好~
屋企始終係最舒服既~^^"
艾基保終於解決左我上網既問題~拖左咁多日先搞掂~真過份~!

預左聽日要睇多次醫生~要請病假比自己抖下~
所以一早告訴了上司~我明天多數不會上班~
他也知道我今天很辛苦吧~
食完藥就拿拿聲去訓啦~



>>September 24, 2003 at 6:02:07 AM GMT+8

2003 年 9 月 20 日 星期六 【乍寒還暖】

今早回到公司~
見到隔離department多左個新同事~
但無人介紹...連咩名都唔知~"~
算嚕~唔理啦~

今早一直看著新人工作~
表現還不錯吧~^^
我需不太敢開聲..(好驚又失聲~@@)
但對新人的感覺也頗好啊~

在icq問艾迪佢幾時攞佢份生日禮物~
佢仲話約出黎交換禮物~@@
但今日時間又唔太岩~加上我精神不太好~還是遲d再約吧~

原本諗住今日放工去收貨~
精神上想去~但肉體上告訴我要回家休息...
還是回家睡吧~
明天就要見老細了~有點緊張~><
早點睡~希望明天有個好d既狀態啦~


>>September 23, 2003 at 6:48:35 AM GMT+8

2003 年 9 月 19 日 星期五 【晴】

剛過去的一星期太充實了~
充實到小黛又病了~"~
難得一天的假期很想好好的睡~
生理時鐘卻令我早上九時便醒過來~真可惡~!
不爽地起床~
妹妹一早出門了~父母還未起來~
沒告訴他們我便落樓睇醫生了~
事實上~
多年來都從未試過無出聲就出門~
感覺有點怪怪的~
算了吧~反正我就是不想吵醒他們~

十時前出門~
要等到十一時才睇到醫生~
等待時才罵自己實在笨~/_\
一起來時先打電話來掛號便不等那麼久吧~"~
精神上很累~跟自己發脾氣都沒用~

在等待的一小時中~
看著很多小朋友都同樣地病倒了~
媽媽們都帶他們來睇醫生~
一眼便看到那些家長不懂管教子女~即所謂的無家教~
原來簡單至等候看醫生~都可以學到不少東西~
當然~管教小孩對我遙不可及啦~
但透過觀察加上教導小表弟時~也學習了不少教的技巧~
至少我不願聽到有人在我面前說小表弟沒家教吧~

打到呢度突然醒起媽媽前陣子曾說過~
我第時對子女都頗嚴~@@"
事實上我得承認吧~
起碼~管得緊後才慢慢放手~
總好過一早放左手....收唔返就大獲~(怎麼突然說起教子女~@@"""")
所以在公司我對新人一開始都比較嚴緊~要求較高~
直至他們了的底線在那時~才放手讓他們自由發揮~
我不知道這個手法對不對~
我想也因人而異吧~起碼現時我的處理手法還可以吧~(只是我想......不知對不對呢~!?)

睇完醫生~等攞藥時媽媽才來電~
問我去左邊~
原來佢地岩岩起身~以為我仲訓緊~@@
商量過後~
我便到酒樓搵位同佢地飲茶~
回到家有點累....可以跟藥力有關吧~
睡醒時~發覺自己好似有少少失聲~@@
其實今早都覺自己開始聲沙...仲呃醫生話自己要做presentation叫佢開定開聲藥~:P
但醒起明早只得我一個~
連忙撥個電回公司~叫個同事返早少少~
那我才安心的去睡....

爸爸又無工返啦.....多左份無形既壓力~
無法子啦~好多野唔到我控制~
而我既能力亦有限~唯有盡力而為啦~



>>September 23, 2003 at 9:54:20 AM GMT+8

2003 年 9 月 18 日 星期四 【晴】

終於到星期五啦~
返埋今日就可以抖抖啦...
今個星期好忙...個time table full晒...
搞到個人都好緊張...
唔知係咪因為咁~今日稍為放鬆少少就開始有少少作病...(唉...又病~"~)
今日公司d人個個都好似開始鬥咳咁~"~
仲話我係病既源頭~>_<(冤枉啊~~!!!唔關我事架/~\)

雖然病病~
但都要返工睇住d新人~
今早阿Yen返工~雖然佢唔太熟個Product~
但都算幾快上手~唔識又唔怕問~
初初問漏D客野~我都覺得可以接受~慢慢來進步吧~^^

下晝到阿古~
我將佢交左比Carol睇住~
咁我自己就可以做下其他野喇~
基本上我同Carol既工作都分好晒~
但好多時我地都會溝埋d野黎做~互相分擔一下~
點知比上司知道左><
算啦~其實呢個係小問題黎姐~
聽完上司一番話~
感到有點壓力~想不在自己開始要面對一d所謂既"公司政治"
星期一台灣大老細來港...
仲話要叫埋我去食飯...
左推右推~同上司話唔想去...(其實之前推過唔少架啦)
今次終於推唔到....因為老細玩點名~講明邊幾個要去....= ="""
的確十分不願意去呢d應酬...但我也明白...面對係遲早既事~
上司說得對~
我是時候要習慣一下了...(甚麼建立地位...~"~)
事實上我也得多練習一下自己的國語了~"~(太耐無講啦..= =)
傾東傾西...又搞到八點幾先收工~
咳到死..明早要去睇醫生~
今天很累....很早便去睡了~


>>September 23, 2003 at 9:54:36 AM GMT+8

2003 年 9 月 17 日 星期三 【晴】

今日無新人返工~
整天在埋頭苦幹準備著下晝要做既performance review~
自覺兩位full time身上有不少問題~
但又講唔出主要問題係邊...
相信同事們~甚至上司都有同樣的感覺吧~
沒辦法啦~
只好把看出的問題抽出來跟他們討論一下~

Alan早了點回公司~
趁有時間便跟他做review先~
反正他的問題比較小~
可能佢未做過同類型的工作啦~
技巧上要多留意一點~
老實說~
他總算安份守己~不過不失~
亦看到他有明顯的進步~~加上虛心學習~
不只我一個覺得佢性格適合這份工作~可謂可造之材~

跟埋Andy~傾左一陣~
就找上司跟他們訓話一番~(是上司自己話有野講架~@.@")
之前跟上司都討論兩位的問題~
當然~在管理上我還有很多東西需學習~
但跟上司對他們的評價都頗為一致~

接著跟Andy的review...
佢的確比較多問題~
不只我一個感覺到~
上司、身邊的同事、甚至其他department既同事、朋友~
都對他有一點微言~
我並不希望review是以鬧人的形式去做~
但必須要他知道他的問題在那~
當然personal behaviour亦是我最擔心的其中一環啦~
main point已很清楚地告訴了他有甚麼問題~
看樣子他還是有點不明白自己的問題在那....真令我擔心...
但擔心也沒法子~只可以再觀察一段日子~看看情況有沒有改善啦~
就係咁....一個原本預計半個小時既review~變左兩個小時..= =""

一路跟住d case...直至電話響先起約左創霖~
搞到原本約左六時左右~
延至七時~真不好意思~
跟創霖弟兄很久不見~
佢話有兩年~(哦~!?真的有這麼久嗎~@@?)
在一家餐廳裏傾左好多好多野~
雖然教會近來發生的事我也略知一二~
但詳細的還要聽他說說~
當然還有很多我原本不知道的事情啦~c.c
我十分明白弟兄的苦心~
佢當然好想我重返教會啦~
但....無返咁耐~硬係覺得自已欠了點東西~
或者應該說欠了點動力~
近來我也反覆想過自己還欠甚麼東西而不回教會....
但想到一半總是想回公事~家事~或不知不覺地睡著了~
身邊的人總覺得我自己給自己的壓力很大~
但其實我能應付啊~
不用太擔心我呢~
自問壓力的確不少~但現在已比之前應付得好一點~
所以也不太辛苦~盡力而為吧~
有一點作病~要快快去休息...早點睡了~


>>September 23, 2003 at 6:33:41 AM GMT+8

2003 年 9 月 16 日 星期二 【晴】

今日的training還不錯啊~
阿古雖然無工作經驗有d震~
但十分努力~加油~!

阿Yen比較定~
好有心機做野~又肯去問~掂呀~^^

雖然呢日幾真係比較辛苦~
但見到佢地有心去學~
當然我有心去教啦~

爺爺今天回來了~
唔知我有咩手信收呢~a"a
小黛真幸福~有個咁錫我既爺爺~^O^

近日都十分留意自己department的運作~
更加留意大家既表現~
當然亦有同事同我講返佢地既工作表現啦~
明天就跟他們做performance review了~
坦白講~
對佢地既表現真的不太滿意~
明天要好好的跟他們傾傾~
再不改善....恕我不講人情.......


>>September 23, 2003 at 6:33:55 AM GMT+8

2003 年 9 月 15 日 星期一 【晴】

今日要training~
約左兩位part time三點~
上午除了做一d預備工作外~
亦做左好多濕碎野~
唔覺唔覺~已經做到兩點幾~
拿拿聲去叮媽媽飯~

三點兩個新人到齊~
我們就去conference room開課了~
一路講講講~
兩位新人可能係女仔既關係~
比較細心去問問題同抄notes~
見佢地咁比心機聽~我都特別比心機講~
點知~講完一張note已經用左兩個鐘~@@(total四張notes~)
跟住用多一個鐘講第二張note~
就放佢地去休息下~
(其實係比我自己休息~連續講野三個鐘~真係幾難頂= =")
跟住同佢地介紹一次公司既同事~同基本設備等~
就繼續上堂啦~^^"
一路講~都無留意時間~
直至媽媽打比我...先知原來已經九點~@@
好快咁講晒所有野~走既時候已經係九點半啦~
新人們都好比心機學野~累一點都值得既~^^

出到巴士站~
見住架98c岩岩走><
唯有去搭地鐵啦....
途中突然醒起米雪打過比我~
覆左個電話比佢~
um....佢副牌真係......掂~c.c
聽到佢返學既苦況~實在愛莫能助~
希望佢會撐得住啦~
幾辛苦都唔好放棄呀><

回到家已經十點半啦~
好耐無試過咁夜先食飯~
放工時仲好精神...一返到屋企就好累....
可能係工成時太集中精神~加上琴晚訓得唔好啦~
今晚要早點睡~
明天還要繼續train兩新人~^^

P.S.臨睡前send左個SMS比艾迪~
佢17號生日嘛~得到的回覆令我有點驚訝~@.@"
等不到佢第二個回覆...我已經訓左嚕~


>>September 23, 2003 at 6:34:23 AM GMT+8

2003 年 9 月 14 日 星期日 【晴】

今日約左個師妹黎interview~
見過面~似乎問題不大~
明天可以兩個人一齊train了~^^
今日一整天在prepare明天的training...
星期一永遠都會特別遲收工...
今日做到八點左右先走了...

晚上十一左右還未睡到~
撥了個電給艾迪~但似乎佢睇緊戲~
再打左個電話比Gary~
一路聽佢訴說著假期去camp既苦況~^^""""
剛剛同佢收左線~
十二點左右~
艾迪就回電了~
原來佢同"女朋友"去左睇戲~
一路傾傾傾....由佢上車傾到落車~再返到屋企...
傾到三點~雖然還未有睡意~
但始終明天要上班~便收線去睡了~

>>September 21, 2003 at 6:30:13 AM GMT+8

2003 年 9 月 13 日 星期六 【晴】

星期天~
在公司一直計劃著下星期的工作schedule~
還約了新人明天interview~
看著自己下星期已full schedule~有點擔心~

星期一 interview新人(part time)
星期二 training兩個新人(15:00開始至晚上~時間視進度以定) <~part time新人
星期三 繼續training~上晝一個~下晝一個 <~都係part time
星期四 跟兩個full time新人開會做performance review~
星期五 新人開始返工了~ <~part time also

因為自己身體不太好~有點作病.....
下星期一定不可以病倒~很多工作等著我去做...

艾迪幾天沒上線~
今日突然見到佢online~
先知原來佢部電腦開唔到機~"~
暫時要用佢細佬部機先.....

下班便去買了點東西~
要下星期先囉到貨~"~真失策
回家還是讓自己休息休息再休息~
精神上的壓力頗大~
but.......i can manage~^^"

>>September 21, 2003 at 5:22:45 AM GMT+8

2003 年 9 月 12 日 星期五 【晴】

近來都十分渴睡...
逄假期都睡到下午~
今天上午十時左右就被媽媽嘈醒~
原來艾基保無端端cut左我地上網既network~
媽媽打上他們的客服吵了一頓~
出名質素差的艾基保客服激到媽媽大吵大鬧~
我也不理了~繼續訓~a"a

中午時~
又再次因為同一個原因被媽媽嘈醒~= =
其實也該起床的了~
但仍然很累....又睡著了....

下午三時~@@
終於醒來了~
媽媽吵了大一輪.....不斷罵著艾基保的服務質素~
可惡的艾基保~!
竟cut左network先同我講要比錢換機...
那我的月費怎樣~?
電話通知不到~他不懂寄信~甚至上門通知嗎~?
還大條道理說致電兩次都沒人接聽~
難道我每天在家等你的電話~?有手提又唔打~真可惡~!
合約一滿我以後都不用它的service~!

在家好好地休息了一天~
明天過後便開始返朝九晚六了~希望能習慣新的上班時間啦~^^

>>September 21, 2003 at 5:06:34 AM GMT+8