2003 年 11 月 23 日 星期日 【晴】

良久沒寫日記了~
當然跟日記板關了有關係啦~

今天早上精神不太好~
可能是昨晚睡得不好啦~
回到公司刀醒起今要交稿件....
但又想不到任何東西可寫~(生活太平淡吧~)
正在苦惱之際~楓哥哥又過來作弄我一番~無奈 >＾<
無聊地看看自己icq裏朋友們的info~
看過了艾迪的日記~
即時給了我一些靈感~
連忙埋首寫寫寫....一寫就兩個鐘了~
仲好似作文咁~一寫就寫左好多野~@@"

下午同事叫外賣時沒告訴我~
有點失落~
但可能佢地以為我帶左飯啦~
小故叫我鬧佢地....但我今日又無乜火氣喎~算嚕~
剛巧瑪姬又未食晏~
兩個人難得一齊出去食~
傾計內容大多關於公司一位同事~(真嘔心啊~>.<)

晚上回到家~
吃過飯~睇完電視就訓了...今天很累....

>>November 25, 2003 at 8:11:21 AM GMT+8

2003 年 11 月 22 日 星期六 【晴】

燒野食+遠足+探營地+大結局+好累..................

>>November 27, 2003 at 9:48:47 AM GMT+8

2003 年 11 月 21 日 星期五 【晴】

難得星期六要上班~
因為假期專登改左做聽日~
係公司開始做返d weekly report~
幾個月無做過~有少少生手添~
一日先做到一份~
仲要砌個conclusion時亂晒大籠~"~
真笨~!

還是早點收工~
等星期一先再做過~a"a
上左哥哥屋企等齊人去食飯~
因為米雪生日嘛~^^
見到米雪幸福的模樣~十分高興~
看到哥哥這個樣子~十分放心~
大家都生活得開心便好了~^^
未食完飯 dennis已經打電話黎搵我了~
反正佢生日~就陪佢去飲野傾陣計啦~
跟住就返屋企訓嚕~

>>November 27, 2003 at 9:28:32 AM GMT+8

2003 年 11 月 20 日 星期四 【晴】

今早要跟台灣的同事開會~
有點兒緊張~
還未回到公司~
已經收到Carol電話了~^^""
原來佢仲早過我到M記~幫埋我買早餐~^^

食完早餐無幾耐就要去開會啦~@@
我同卡露都無乜點出聲~
等上司講晒c.c
點知到十點幾~老板突然入黎細房叫上司食早餐先~@@
原來上司叫左既外賣未到....已經比人捉左去開會~kaka
最搞笑係老板竟然叫佢食左先繼續開~
搞到個台灣同事鬼咁尷尬~^^"
講到半路~上司竟然交個波比我講training~@@
可惡~係我毫無準備下要我講~
搞到我差d出醜~= ="

六點多準備收工之際~
竟然走左班不束之客上黎公司~
仲要有個扮晒大佬咁擋住個公司門口~
我見阿古唔係好掂~
出去幫佢頂住~原來d人又係上黎公司投訴~
阿古仲傻傻下咁唔知咩事~
比我趕返入去做野~"~
同班人嘈左幾個字~終於打發左佢地走~
咁又搞到我七點幾先走得~(無奈)

回到家~
慣性地追完電視劇~
每每看完都有一點淚光~
或許很多事我仍忘不了...........

>>November 27, 2003 at 9:00:52 AM GMT+8

2003 年 11 月 19 日 星期三 【晴】

原本今日下午要跟台灣既同事開會~
點知佢話剛落機有d唔舒服又改左做聽朝~
等卡露仲一早改左自己d返工時間添~
但唔緊要嚕~
反正我地一早約左爺爺放工一齊去食飯同睇數碼相機~^^
跟Carol一起工作十分開心~
我地兩個一齊做左野兩年幾~已十分有默契~
感情很好之餘~她也算是我最好的朋友之一了~
大家有咩事都會互相分享/分憂~
十分幸運可認識到這位朋友+同事~
小黛都常常跟她撒嬌呢~>3<

我倆收工後約埋爺爺就一齊去睇相機了~
跟住一齊去食野~買埋野就返歸嚕~
明天我跟Carol都返早~
仲要養足精神準備開會呢~^^

>>November 27, 2003 at 9:08:08 AM GMT+8

2003 年 11 月 16 日 星期日 【晴】

看到自己的日記瀏覽次數達3000~
真的有點surprise~^^
是人數不斷增加~還是大家會重複去看呢~?
都不要緊吧~
今日一連補左六篇舊日記~
只希望大家多一點留言啦~^^

**********************************************************

今天還是如常的工作吧~
沒甚麼特別~
但聽到上司說星期四有台灣同事來港~
我跟carol也要去一起談談...有點緊張吧~
還是沒理會它~因為還有不少工作等著我~
今日d時間過得好快~@@
好似做左好多野咁...但又講唔出做左d乜...
只係知道自己無停手咁做左好多濕碎野~
四時先食lunch~但又無乜胃口~
可能唔夠訓啦~

自從上次一個月睇四次醫生之後...
我都盡量比自己訓夠精神...
如果唔係我撐唔住就大獲~@@

今天下午還跟上司& Carol傾緊放假都問題~
講左半年既野終於實行啦~
但另一方又要擔心人手....
上司摧促我告訴他何時放大假~
事實上我連passport都未搞掂~"~
加上公司又就update product...
真係唔太放心放假~
但上司又話無問題喎....

臨收工前搞左單麻煩野~
發覺對住某d客係要靠牙力~
否則就會輸比佢....看來我又進步了一點~^^"
即場係阿古面前做左一次比佢睇~
希望佢學到野啦~

八點先收工.....累啊~
返到屋企食飯~睇電視~
跟妹妹傾談時才發現~聖誕假後佢要考試....
等我仲諗住聖誕請大假....
又要考慮假期是要延期至農曆新年了....真頭痛~>.<~!

>>November 18, 2003 at 6:04:15 AM GMT+8

2003 年 11 月 15 日 星期六 【晴】

太耐無上黎嚕~
原因係.....日日做既野都差唔多~
好似無咁特別野好寫咁~
但再唔寫就比人delete a/c啦~^^""""

**************************************************

今朝十一點幾就比媽媽嘈醒左~
原本想再訓多陣~
但又訓唔著喎~
拿拿聲起身食d野~洗頭...
幫媽媽執下野...同整下部死人電腦~
(睇黎我部腦都要format囉.....>_<)
再入左龍族一陣~
同小雨&小弟傾左陣計~就食飯嚕~

今晚突然間好多人搵我~@@

第一個係 dennis
係我最唔得閒時打黎~
當時岩岩幫媽媽執緊屋~
原來佢想搵日約食飯/飲野~
但我實在好難預計自己d時間~
22/23號又唔多得閒~
所以暫時推左佢先~

第二個係 炮灰
灰之前未打過比我~
打黎之前icq問我得唔得閒先c.c
同灰傾左一陣我就要繼續搞部電腦喇~

最後係 小弟
係我想追電視劇時打黎~^^"
但唔緊要嚕~一度睇一度傾~
佢打到黎又唔講邊位 真係比佢嚇一嚇~@@
之前猜測過好似次小弟係男係女~!?
原來係男仔黎架喎~c.c
見佢係game講野咁斯文+咁好人~以為佢係女仔黎添~
傾左一陣就已經聽到佢比佢媽媽鬧~
收線後繼續睇電視~^^"
跟住就去訓嚕~

>>November 18, 2003 at 5:36:27 AM GMT+8

2003 年 11 月 14 日 星期五 【晴】

因為一早知道今晚去同叮鈴搞生日既關係~
一早已經請埋聽日假~
今朝十一點左右起身~
就聽到媽媽話佢要去做陪診~
所以要我接鍁朗放學~

鍁朗一見到我就叫我上佢屋企陪佢玩~^^"
同佢一路行一路傾計~
佢真係好多野講~= =""""
去到街市買野~燒味鋪老闆娘仲以為佢係我個仔~@@""""""""""""
嚇鬼死我~"~
同佢去左就返屋企啦~
點知返到去媽咪又話佢無快走得~
我就拿拿聲煮野比大家食....
柏朗就好乖咁同妹子睇小腳板~a"a
等媽媽返黎已經四點嚕~
feel到自己又有d傷風~去恰左一個鐘~
今晚仲要去玩埋~無精神我咪要提早離場~!?

七點幾~
約左柏朗daddy 媽咪~揍返個仔比佢地~
跟住就去買生日禮物比叮鈴~
點知係千色店又撞到Seiko喎~
就一齊去搭地鐵啦 ^^
我同Seiko最早到~小倫最遲~
但小倫好慘啊~佢聽日仲要幫司上大陸做野....
一行五人~去左食"一品窩" c.c
跟住十一點就落左九龍灣唱k啦~
叮鈴為左d感情事好唔開心~
大家都比左好多意見佢~
不知不覺搞到四點幾先散band~
搭巴士返到屋企已經五點三了~
沖個涼~五點半先訓 :P

>>November 18, 2003 at 3:55:22 AM GMT+8

2003 年 11 月 13 日 星期四 【晴】

今早扮得靚靚上班~
由於今晚要去飲Sonia果餐嘛~
返到公司無耐~
就收到鳥哥哥icq話下晝約左馬生食lunch~
八卦左一輪~
就繼續做野...到下晏就跟上司佢地出去食lunch~
同大家嘻嘻哈哈食完餐飯~好開心~^o^
下晝一路做野~
到六點半左右就拿拿聲走人啦~
等埋小倫 Seiko 阿傑~就上酒樓~
估唔到Sonia結婚搞到咁細...仲要淨係女家擺酒男家唔擺~@@
真奇怪耶~= ="
小倫同seiko就成晚係度嘈~
搞到我又要做中間人~"~
突然覺得佢地兩好似美美同癲癲...."
悶悶的吃過一餐喜酒~
整晚我地四個同影相哥哥自得其樂 c.c
原本諗住之後約叮鈴飲野~
點知佢又話要等男友仔唔出黎~
Seiko又唔知咩事同阿傑鬧脾氣~
大家就各自歸家了~
回到家沖涼~再搞下電腦~兩點幾先去訓.....

>>November 18, 2003 at 5:31:01 AM GMT+8

2003 年 11 月 6 日 星期四 【晴】

今天早上....
八點九開始已經有人找上司了~
打左佢個電話半個鐘都無人聽+留言~
同事因不舒服而放棄了~
叫我幫佢手打電話....
打到十點三......人事部開始找我了...
問我上司在那....
我只說不知道.....我一直都打緊電話比佢....但搵佢唔到~

之後我每隔半小時就打個電話比佢~
但仍舊是沒人聽 + 留言.....
十二點幾...我已忙過不停....
開始處理上司一向跟開的工作~
他不在時我便要做埋佢果份了...

直至下午兩點幾.....人事部主管己親自找我了....
我話 仲係未搵到佢......
心裏其實擔心著上司會否出事...
人事部更打電話去上司舊居問佢屋企人知唔知佢係邊~
但....竟然跟上司阿嫂嘈左一輪.....
我真係無眼睇 x.x

事情好似越搞越大....連老板都問我地咩事.....
把事情告訴老板....老板竟然話無察覺上司無返工~@@
下晝三點仲未搵到上司~
由於擔心佢真係有事....
於是向老板同人事部提出....上佢屋企搵佢~@@
因為其實佢屋企好近公司...

點知正當我落左街諗住最後一次打比佢時...又嘈醒左佢~"~
原來佢係唔知醒....真係比佢激死~
咁咪叫佢打返電話返人事部交代一下囉...
我收完信就返公司啦....

三點半...
人事部又搵我~
話上司仲未打電話比佢地...
搞甚麼呀~叫醒你教埋你打返公司都唔打~!?
面對著人事部同事~
雖然佢地知道關我事...但正常黎講係人都火啦~
一些面色+說話少不了...
我努力控制著自己的情緒...
跟他們賠過不是~又再打比上司..
天啊~!!!!
又是留言....真的有點火~
還要今天是Carol的例假~
整個department的工作都是我來做...
對著幾個"下屬"~我還是要按著脾氣...
還要跟他們說說笑笑地搞生日會~

七時多收工了....
總算鬆一口氣....
今天在公司喘不過氣來...
心情也很不好~但今天突然覺得自己的EQ高了~
以前的我...遇著今天的事一定會哭呢~
總算有進步吧~

回到家一直一聲不響~
可能媽媽以為我累吧~
但飯後還是忍不住跟家人訴苦一餐...
不理了~
明天放假~今晚要好好休息一下~

>>November 18, 2003 at 6:06:32 AM GMT+8