2003 年 10 月 11 日 星期六 【晴】

今天睡得很晚~
下什突然收到消息通宵更的同事不能上班~@@
幾經商量決定由我返~@@
其實自己身體還未好返晒~
但我放左兩日假.....精神已好了一點~
反正明天要揍柏朗.....
最多咪陪佢訓晏覺囉~^^"
食左藥~好眼訓
下午去了睡~也好好準備一下今晚上班~
晚上跟家人又去看煙花~
一路上還想著怎令自己今晚保持清醒....
太耐無捱過通宵了~
正在擔心之際又收到電話....又話唔駛返啦喎~@@"
唔緊要啦~當今日休息多d訓多d啦~
回到家都頗晚了~
趕快去睡~明早又要上班了...


>>October 17, 2003 at 3:20:59 PM GMT+8

2003 年 10 月 10 日 星期五 【晴】

今早十點幾就醒左....
仲諗住自己會好好訓~可以訓到下晝~
點知咁早就醒左~
早知就約爺爺飲野啦....

十一點~
聽爺爺話又去訓過~
點知又比電話聽嘈醒....
算了~起床啦~

約左大姐佢地五點出街街~
好耐無唱過K了~
雖然病病~但實在太耐無出街玩~
病到死我都要去玩架啦~>_<
原本半個月前約既舊龍討團.....得返五個人去~
遲了一點出門~加上塞車~
正擔心會遲到~
uma就打黎話佢遲左收工要遲少少到~
大姐就打話日本仔今晚同我地食飯~
正等著政宗時才罵自己笨~
竟然只比自己個手提人唔記得叫佢比電話我~"~
幾經轉折~靠uma找到政宗了~
原來佢睡著了~"~
唯有約佢今晚食飯啦~
最後唱K團得返四個人~
但緊要啦~開心就得啦~^^"
uma真係頗靜~可能我地同佢唔太熟啦~
好似有少少悶親佢~
唱完K約埋日本仔同政宗去食日本野~a"a
uma就話要返屋企~
五個人去左間日本料理食野~
大家竟然拿自己做白老鼠試驗那間鋪是否會食到人肚痛~XD
還算高高興興地食了一餐飯~
跟著日本仔還提議去金NO正~c.c
但政宗又要先走~
不要緊啦~我們四口子去都十分開心啊~
跟大姐談起公事~知道很多東西~
興幸跟著個有責任感既阿頭~
回家路上跟日本仔不停的談著工作~
佢似乎有點迷失~可能岩岩出黎做野啦~
跟他分析了一輪和安慰他一輪~希望真的幫到佢啦~
回家很晚了~
近來少有的晚睡....


>>October 17, 2003 at 3:22:44 PM GMT+8

2003 年 10 月 9 日 星期四 【晴】

今早起來頗辛苦...
頭仍很暈~
但意志告訴我必須回公司~
一個part time怎能應付呢~?
上司又忙著搞新project....

今天做一陣停一陣~
自己唔敢太大動作....一陣真係暈低就死啦~= =""
上司都唔敢比太多野我做....
因為我做到半路又做左陣趴檯小黛...~"~
六點上司叫我走....
但一邊又比野我做~好彩都係小問題姐~
又搞到七點先收工.....
好累~回家睡了~
明天還約了大姐佢地去玩呢~a"a



>>October 17, 2003 at 3:04:05 PM GMT+8

2003 年 10 月 8 日 星期三 【晴】

今日起床......
好暈~
但...都要返工架~

呢幾日搭車返工放工都好辛苦~
頭暈頭痛~仲有少少作嘔~
仲衰過暈車浪~
已經成個幾星期啦~
究竟咩事....
我以為自己唔夠訓~唔夠精神~
前幾日開始已經早左訓~
訓足八個鐘都仲係咁~
情況仲好似有d惡化....真擔心~
但無法啦.....都要上班的嘛~

返到公司~
連早餐都無胃口食~
但頭痛十分厲害~唔想空肚食藥唯有叫早餐啦~
其實我都怕食得太多藥~
呢幾日點唔舒服都唔食藥~靠自己頂住~
因為前排連續睇左三次醫生~
博命食藥~唔知咁會唔會搞到自己暈駝駝~
但今日真係好唔掂....
又要做野喎~一定要撐住~>.<

食左藥情況好左少少....
但唔知係咪長期對住部電腦太集中精神做野...
做到頭暈不等止~仲有少少眼花....
最終做左趴檯小黛~"~
連晏晝飯都無食....最後頂唔順要早退~= ="""
上司當然問我咩事啦~大慨講下個病況~
佢竟然亂諗一餐~"~痴線~!

落到公司樓下....
第一時間打比媽咪~
點知打極都無人聽~屋企人無人聽~
好唔開心.....>_<
最辛苦時總想找媽媽撒嬌~始終最錫小黛既都是媽媽...
回家的車程....十分痛苦....
好耐無試過咁辛苦/_\
終於都叫捱到返屋企....第一件事~訓
訓到半路媽媽終於回電了~
告訴了她我的情況~心裏舒服一點~

媽咪跟妹子回家後~
我都起床了~
晚上七時左右開始考慮是否要去看醫生...
唔想再睇醫生.....係公司臨走時仲同上司講唔睇醫生~
仲寫低紙仔比卡露佢幫我係OT鐘數度扣~
但真係好唔掂.....連訓係度都feel到自己暈....
還是找媽媽陪我去睇醫生吧......(無奈...又睇.......")
近一個月來去睇第四次醫生~
醫生都有點驚訝~

醫生：你又做咩呀~@@"
小黛：頭暈頭痛.............有點作嘔~像長期處於暈車浪狀態般~差不多一個星期了
醫生：其實你係咪唔夠訓呀~?
小黛：唔係呀(心諗：又問....上次咪問過囉~"~)
醫生：你一日訓幾多個鐘呀?
小黛：呢排唔舒服~我有訓八鐘架啦...
醫生：你訓多d啦....你好明顯係疲勞過度啦~加上少少作感冒....(下刪兩萬字= =")
小黛：..............(心諗：邊有咁多時間訓呀~八個鐘都叫唔夠~唔駛做咩~)
醫生：工作很辛苦嗎?都要休息的嘛~
媽媽：係嚕~佢成日博命做......又唔夠訓~放假都諗住公司d野~又on call standby.....
醫生：你聽日休息啦~我寫病假紙比你~
小黛：哦............@@""""(無奈的沒抾插咀~唯有係咁應佢地啦~"~)

回到家吃了點東西~
上icq打算告訴alan我明天可能不上班~
點知佢提醒我~明天不是他上班......
是阿yen啊~@O@
那我怎能請假呢...../_\
雖說alan話可以不放假頂替我~
但我也不好意思嘛~
算了~今晚早點睡~明天照返工吧~


>>October 14, 2003 at 5:45:48 AM GMT+8

2003 年 10 月 5 日 星期日 【晴】

放左兩日假充電~
今早竟有點不願起床><

回到公司....
哇~@@
我放兩日假姐~做乜張檯變左垃圾崗咁架><
返到去一路做做做無停手~
做到個人頭暈暈......
由於今晚得我同妹子食飯~
所以唔可以太遲返屋企~
七點左右就走啦~
返到將軍澳買野返屋企食~好累啊
病左成兩星期都仲成日頭痛或者頭暈暈...
有點擔心自己身體~不知有甚麼毛病呢.....

上網逛逛~
同alan傾左陣icq~
為著andy真的很傷我腦筋....
傾到成十二點先訓~
看來明天又唔夠精神啦/_\


>>October 8, 2003 at 2:42:27 PM GMT+8

2003 年 10 月 4 日 星期六 【晴】

今早起來已經十點了~
跟媽媽和妹子去食早餐~
跟住去剪頭髮嚕~
唔知點解我次次話剪頭髮d朋友都會驚訝~
可能之前留到好長都唔捨得剪啦~
d朋友印象太深刻卦~^^"
去到salon...好好彩咁好少人~可能星期早d人無咁早起身啦~
但都要坐足四個鐘~又敢亂咁郁喎.....坐到腰骨都痛><
咁就無左$600~好肉痛啊~>"<

返屋企打下機~睇下電視~
悠悠閒閒咁過左兩日假期~總算充下電吧~
明天要上班了~小黛加油~!

>>October 8, 2003 at 1:54:41 PM GMT+8

2003 年 10 月 3 日 星期五 【晴】

今日醒來....兩點~@@
知係咪真係自己唔太舒服~
之前放假都唔會訓到下晝~
最多十點左右就會起身~
近兩三個星期放假都好好訓~a"a

因為訓得晏~
所以又將剪頭髮既計劃押後~聽日先去嚕~
係屋企玩下抖下~
夜晚又要去食婆婆生日飯~
食完飯返屋企~
好早又去訓嚕~^^


>>October 5, 2003 at 1:15:32 PM GMT+8

2003 年 10 月 2 日 星期四 【晴】

今日一路做左好多濕碎野~
同瑪姬&安東尼開會~
再根據anthony既要求再執一執個report比佢~
都搞到成七點先走人~

今日星期五~
返埋今日終於放假啦~
期待左放兩日假好耐~
呢排工作上好忙~加上身體唔好~真係幾辛苦下....

好彩見到alan都做得幾好~
我都放心一d去休息~
但andy就.......
講真~我真係覺得佢過唔到三個月...
加上今日見佢係咪撩阿古傾計~
又八卦隔離department D野~
無野做都唔代表可以八卦~
佢似乎完全唔記得我training時強調的四個字「安份守己」
已經不止一個人向我投訴佢~亦唔係兩個三個~
數數埋埋.....都五六個啦~
我亦開始頂佢唔順......我都唔明點先可以令佢清楚自己有咩問題~
講左又好似好少少~但佢果少少仲係同要求差好遠~
唉........真係比佢激死啦~頭痛~

放工返到將軍澳~
同屋企人食完飯~搞東搞西~
又搞到十二點先訓....
明天想去剪頭髮~仲諗緊整唔整負離子~
等聽朝訓醒先算啦~^^"


>>October 5, 2003 at 12:51:48 PM GMT+8

2003 年 10 月 1 日 星期三 【晴】

今早一返到公司~
連早餐都無食就博命趕個report~
琴日因為趕住走~
個report未做晒~搞到今日好趕~= =

拿拿聲左執右執~
執到個report靚一靚先敢交~@_@"
做好左八成...望一望錶~
哇........下晝兩點幾......
不知不覺連續做左五個幾鐘....
太專心做野~d時間過得特別快~
簡單吃過午飯...又再繼續拼博過~
做到五點幾~
除外資料有問題果part之外~其他都終於做好啦~^o^
點知send完個report比人無幾耐....
上司就話有新既資料比我做埋未完成果部份~"~
點都好啦~終於齊料做野~
趕忙用新既data做測試~
無奈data真係好少...搞到d野試得一半左右~><
無法子啦~唯有寫低自己遇到既問題係report度~
相信大家都明白既~
一口氣做晒個report....已經是晚上八時了....
今日淨係集中精神個erport~搞到其他野都放低晒無做~
聽日又要跟返晒d野嚕~

回到家~頗累..
今日食晒醫生d藥啦~
但我仲咳緊~又唔想再睇醫生...
醒起爺爺話食琵琶膏都可以好返....等我又試下先~a"a
返埋聽日工有兩個假放啦....
好耐無放過双day....要好好休息下先得~


>>October 5, 2003 at 12:50:01 PM GMT+8

2003 年 9 月 30 日 星期二 【晴】

公眾假期~照常的上班~
昨晚睇戲好夜返~搞到今朝唔願起身~
好眼訓啊~>.<

今日好努力咁做測試~
仲成日過去同瑪姬密密斟~a"a
因為聽日我地兩個都要交report~
所以都互相交流下測試中遇到既問題~
講真~
呢個report對我黎講好大壓力~
主要係因為唔係交比上司~
係交比另一個出名要求高既高層人任~@@
一方面~
人地叫得我幫手做~我梗係想做得好好睇睇~
另一方面~
當然唔想影衰自己上司啦~
點知一做攞起d料做testing...
發現琴日人地比我既資料係錯既~即係又唔用得.....
唉....果part既野又做唔到~
我個report得果一星期時間做~
果d資料催左四日人地先比到我~
點知又比左d用唔到既料我~真可惡~!

因為約左屋企人去睇煙花~
所以做到成七點先匆匆忙忙咁趕過海~
因小小既誤會搞到我跟妹子兩個周圍搵對方...~"~
(是我太笨~還是她太笨呢?)
吃過晚飯~
跟著爸爸到了他工作的大廈頂樓~
哇~~~
一覽整個維多利亞港啊~@o@"
第一次睇煙花睇晒咁多架船~全部睇晒又唔駛同人迫~
好開心啊~^O^
但自己中途又唔知發乜神經諗埋一邊....
諗d唔應該諗既野又搞到自己唔開心><
算了吧~
不要想太多了~反正小黛已經十分幸福了...
回到家~沖涼後就去訓啦.......


>>October 5, 2003 at 12:50:31 PM GMT+8