2003 年 9 月 29 日 星期一 【晴】

今早精神狀態還很差~繼續頭暈暈~
測試結果係連直線都行唔到......~"~

同事都說我面色不太好~@@"
上司又叫我早點回家休息~
不行啊~
上星期早就約左人睇戲了~
「病緊仲去玩~!? 」聽了不少這句說話~
人家怎知會病到今個星期喎....朋友都訂了飛了~
我沒事啊~撐得著~還死不去:P

今日一路做做做都無停過~
但都係慢動作...
唔係做唔到快...但一快又會暈得勁d....(按：唉~)
怎麼搞的~!
我有準時食藥的啊~還是這個樣子~
看著自己的狀態真係有點炆憎~><

艾迪問我幾點收工~
可能佢想出黎找我吧~
但是我一早約左人啦....
又是這句「你病緊仲去玩~!?」很無奈...
何時他突然那麼好奇我跟誰出去呢~?真奇怪~

時間過得很快.....一下子就六點幾了~@@
約了七時在銅鑼灣.....實遲啦><
一向都不喜歡遲到的嘛~我大多數都只早到~
但工作時間卻不在我控制之內....
正想離開公司時接到個任務....
要出一張有關遲到率既notice....上司又把要求提高了~
當然這個對我問題不大吧~
但....好像嚴格了一點~為某些同事擔心中......
算啦~趕快做好就走了~

撥了個電給小倫~告訴他我會遲到了~
很不好意思~總算交代了一下吧~
匆匆忙忙趕去戲院~幸好還沒遲啊~^^"
「無間道2」跟第一集無得比~
還比想像中悶一點呢~
但黃秋生同吳鎮宇真係好掂~!!!

睇完戲都接近十點了~
大家才一起到旺角吃飯...
打邊壚好多人啊....(被媽媽鬧了~病仲去打壚><)
大家未散band~我食完野就走先啦~
他們明天不用上班~可能去打通宵麻雀呢~
可是我要嘛~
回到家沖涼~搞東搞西....一點幾先訓~
明天還要返八點呢~又得五個鐘訓啦~><


>>October 5, 2003 at 12:50:45 PM GMT+8

2003 年 9 月 29 日 星期一 【晴】

今天看到的一篇文章.....


『用情深，感情真』，最近才去世的張學良夫人－趙四小姐，相知相守愛侶七十三年，
她身上所表現的真情深意，夫妻倆的鶼鰈情深，譜下了近代中國史上的偉大愛情。

幸褔的愛情應該是雙方相互愛得真，愛得深；然而愛情的關係如果一邊深情，一邊淺意，
那就可能是個問題。

愛情可以真，可以深，但不能痴，「痴」是一種惛懵，不明事理，不識時務，有人甚至不
知自己在做什麼。

「痴」會讓我們愛上不該愛的人，而無法自拔。

愛情可以浪漫，但是浪漫得讓自己受傷、痛苦甚至死亡，就是太「痴」了。

真正懂得愛情的人，應該認同愛情是美麗的，快樂的，有幫助性的。

拿破崙說：「不能使你奮發的愛，不如不愛」，拿破崙與約瑟芬的戀情很浪漫，也很瘋
狂，他的愛情既真也深，卻不是痴。

其實很多情人並不是在交往了很久之後，才發現對方並不是個良伴。

現代人的交往十分開放，大約交往三個月左右，都幾乎可以瞭解對方是否適合自己；

如果不適合，那倒是一個適宜說再見的「分手期」，再交往下去就會產生了「不捨」與
「痴迷」心態，也就愈陷愈深。

愛情可說是一男對一女的「人際關係」，用這種角度看待愛情，可能會擁有較好的愛情。

人際關係中，我們會注意進退得宜，懂得分寸，可是愛情卻讓許多人只知道前進，不知
後退。

因此，有的人迷途不知返；有的人一廂情願，強人所難。

做任何事情，只知勇猛直前，而不知「退」的哲學，自己將會受到嚴重傷害。

「退」最起碼有個正面意義，就是不會再繼續錯下去。

「痴」會令人不知後退，離不開該離開的人。

許多情人、夫妻分開，不是因為沒有愛，只是傷害大於快樂。

「分開」不應該看成是悲劇，分開後能找到自己的快樂和幸福，就是喜劇。

愛可深，不可痴！追求自己的真愛永不嫌遲！

*************************************************************************************

就是因為這個『痴』字~
今天我又再找來一些東西傷害了自己~
回味一些過去的事情...的確令人感慨良多~
發洩的途徑只有哭.....
諷刺的是...
傷害我的人從不知道 / 不顧慮我的感受......


>>October 1, 2003 at 4:48:29 AM GMT+8

2003 年 9 月 28 日 星期日 【晴】

今早回到公司~
九時多還未見到上司回來~
恐怕他又不知醒~
撥了個電給他時~他還在夢中~叫醒左佢~= =
轉頭佢又打返公司話...佢今日請假~@@
心想.....仲諗住今日早d收工去睇醫生添......
上司一唔係度我就要一腳踢~
好似乜都關我事咁~
除左自己department D野要顧之外~
隔離department D同事都成日搵我問東問西~
手頭上有四五樣野一齊做....你都咪話唔亂~
加上自己又頭暈暈....(唔知點解日日都暈~"~)
真係好驚支持唔住...
好彩某d問題似乎解決左...令我鬆一口氣~

由於趕住去睇醫生~
我拿拿聲將手頭上既野清左d~
同d同事交代好~五點幾就收工啦~
撥了個電去診所了解情況~
哇....要等十幾個~@@"
雖然我剛上巴士~但見咁多人都係掛左號啦~
用了九個字時間往診所~
還欠幾個就到我了~a"a
好彩掛定號姐~好多人病啊~@@
近兩星期睇第三次醫生了~
跟醫生說了我的情況~尤其同佢提及我成日都頭暈頭痛~

醫生：其實你係咪唔夠訓呀~?
小黛：都唔係呀~都有六七個鐘呀~
醫生：六七個鐘~你病緊仲訓咁少~@@
小黛：.......(心諗：咁都叫少........)
醫生：工作很忙嗎~你是個病人....要多休息嘛~最少睡八小時啦~
小黛：真的頗忙啊.....淨工作時間+埋搭車時間都十二三個鐘啦...
醫生：你病緊仲咁~會疲勞過度架~一陣搞到耳水不平衡呀...
小黛：..........
醫生：你多d休息啦~多d比自己身體抖下啦...

十分無奈地離開診所~
頭好暈.....一扑一碌咁返到屋企~
食飯~食藥~沖涼~
聽醫生話~很早去睡~
十點左右已經哩左入被竇了~

>>October 1, 2003 at 4:29:35 AM GMT+8

2003 年 9 月 27 日 星期六 【晴】

近來十分喜愛的歌....


聽見　冬天　的離開　我在某年某月醒過來
我想　我等　我期待　未來卻不能因此安排

陰天　傍晚　車窗外　未來有一個人在等待
向左　向右　向前看　愛要拐幾個彎才來

我遇見誰　會有怎樣的對白
我等的人　他在多遠的未來
我聽見風　來自地鐵和人海
我排著隊　拿著愛的號碼牌

我往前飛　飛過一片時間海
我們也曾　在愛情備受傷害
我看著路　夢的入口有點窄
我遇見你　是最美麗的意外
總有一天　我的謎底會解開




>>October 1, 2003 at 4:51:37 AM GMT+8

2003 年 9 月 27 日 星期六 【晴】

星期天照常上班~
琴日睇唔到醫生~食晒d藥病情又好似不受控制了~"~
頭暈暈之餘仲博命咳~好辛苦啊/_\

不知是否藥力關係....
今日一路做野一路恰眼訓....好累啊
但也要撐著~><
等公司d野穩定晒先慢慢抖啦.....(按：都幾難啦~= =")
發覺近來我張檯的一d景象似曾相識~
好多紙仔呀~好多cases~由以前係上司檯面而家變左係我檯面~"~
好亂啊好亂啊~
很難忍受這個景況~也是暫時亦無法子....
執完聽又咪又亂過.....

眼見Andy既表現有點改善~
但硬係仲有好多野佢未get到~
四個新人之中我最擔心既都係佢~
反而兩個part time真係幾穩陣~
有咩事唔肯定都問左先~係一個唔錯既現象~
但又有個問題出現...
就係佢地有親事都淨係搵我~
唔搵carol同上司....
可能係因為我同佢地做training感覺上熟d啦~
但問題係....有d野應該由carol做既佢講埋比我知....
有點不好意思~好似我搶埋人地d野做咁...
雖然同carol做野咁耐~大家好好感情~
佢都知我份人係點~大家都明白我唔會咁做~
就算幫佢做埋~出發點都係為大家好....
但始終有d唔自在~
睇黎要搵日同大家講講我地點分工~
等大家搞清楚邊d事應該搵咩人~^^"

送給艾迪的禮物突然變大了XD
家裏藏不了~還是搬返公司啦~
hahahaha~

收工後自己一個人去了逛逛.....好奇怪呢~
我好少專登去逛街~
可能想比d野自己做下唔好亂諗野掛~
事實上好累.......回到家有點頭暈......很早便去睡了~

>>October 1, 2003 at 3:49:37 AM GMT+8

2003 年 9 月 26 日 星期五 【晴】

今天起床時已經是中午了~@@
忘了較鬧鐘....或者應該說是我沒想過自己會咁遲起身~
加上媽媽又醒唔起叫我起身喎~
搞到睇唔到醫生~真笨~!

在家中休息了半天~
昨晚哭了一場好像開懷了不少~
但心情仍是有點......灰~
沒法子~這個日子的印象太深刻吧~
人一靜下來就胡思亂想一通~

晚上跟女麻女麻吃飯~
很久沒見女麻女麻了~
其實上星期放假已經想去探佢~
好耐無見佢~心裏總是掛掛的~
但知道堂大哥的bb滿月很快又見面~
所以上星期又取消了~
女麻女麻好像又瘦了一圈~
真令我擔心~
雖說我知道她到老人院住比在家住開心一點~
人明顥亦開朗一點~精神一點~
但我總是擔心....
記得那天女麻女麻話要搬出黎住~
我真係好想佢黎同我地住....我比張床佢訓又點話~
但我知道要考慮的因素實在太多~
所以無說過出口...
女麻女麻見到我好開心~
緊緊的捉住我隻手傾談著~
不停的跟我說~怎麼又病了~?工作辛苦嗎~?小心身體啊~
真想擁她入懷~
畢竟了最親的家人外~我最疼愛就是女麻女麻了~
一聽到她說身體差了~我差點哭了出來..../_\"

看著堂大哥兩歲多的大兒子子傲很可愛啊~
開始學講野~成日話要去睇'叮叮"(電車)
但大家都爭著看他剛滿月的細佬~^^"
堂二哥跟嫂好似有點問題~仲好似話想搞離婚~@@
今日都唔見嫂嫂同小姪女~><
但佢同堂大哥都仲好似大細路~攞住部手電呀 DC呀周圍影相~^^"
見到二叔跟他的女友~"~
心裏只想到四個字---「屍骨未寒」唉.....

晚飯食到一半~
子倣有少少坐唔定~成日話要去睇叮叮~
我就抱左去落樓下睇~
終於氹到佢叫我姑姑啦~^O^
子傲好得意~眼仔碌碌咁~好有耐性咁睇車~c.c
抱左佢兩三個字~隻手開始痺~"~
唯有抱返佢上去啦~點知一坐低~
佢又眼定定望住我話 姑姑 睇叮叮~@@
結果一整晚大家都輪流抱佢落街睇車~^^"

回家路上~
哥哥打黎話佢已經幫我攞左個公仔~
於是上左佢屋企~隨便買埋晚餐比佢食~
佢屋企果兩隻貓貓真係.....= ="""(唔識點形容)
同哥哥傾下講下就成十二點啦~
明天要返早~要早起
買埋宵夜比媽媽就趕快回家了~


>>October 1, 2003 at 2:56:23 AM GMT+8

2003 年 9 月 25 日 星期四 【晴】

昨天是爸爸媽媽23年結婚周年記念~
但我的家一向都沒有甚麼特別的慶祝活動吧~
通常只會每五年一次大搞~
所謂大搞都只是一家人出外吃餐飯~送一些小禮物~^^"
前天爸爸突然提出去吃飯時~
我早就約了哥哥~所以推辭了~
趁今天晚上一家出外吃飯~我也不想他們等我~

**近來的星期五會出外吃~因為媽媽星期五要上班嘛~
但近三個星期我因加班趕不上跟他們出外食飯~
要佢地買外賣回家給我~今天當然不想他們又白等我啦~

今天一切工作都算正常~
但當中仍有product出現問題~"~
病情好像受了點控制~
但聲仍然有點沙....但又不想睇第三次醫生~"~
被責備了~>_<
明早還是乖乖去見多次醫生吧~
六時半左右匆匆忙忙的下班了~(趕著回去跟家人吃飯)
其實走的時候有點不好意思~
因為公司突然有點問題發生~大家都十分緊張~
但我的確又趕時間~唯有走先><
去左先達換返d公仔先~跟住就返將軍澳啦...
九個字既車程都要企~
但腦子一直想著很多事情....
一家人吃過飯就回家了~

晚上~
在icq上逛逛~
聽到政宗一番話十分感動啊~><
我要繼續努力工作~!
跟舊龍討網友的聚會遲遲未能訂好日期和時間~
有一點洩氣~
好似次次想約一班人出黎都會有問題咁既~/_\

凌晨十二時多~
跟艾迪傾左幾句...
突然醒起已是27/9...已即刻缺堤了.....
一年前的今天找做了很多自己意想不到的事情...
經驗告訴我不以再裝偉大~!
傷害自己令別人高興最終只會片體鱗傷....
在一些特別的日子~傷口仍然很痛.....
艾迪說得對....在傷口上灑鹽~"那"下佢會快好d~
但我已不斷在進步中....
起碼我為此痛哭相隔的時間已越來越長了~
哭了出來舒服左好多~
在網上逛到兩點幾便去睡了~
明早還要去看醫生呢~

>>September 28, 2003 at 5:31:53 AM GMT+8

2003 年 9 月 24 日 星期三 【晴】

今日精神好似好左d~
可能係夠訓啦~
前陣子除左工作忙之外~
自己又成日貪玩唔願早d去訓~
搞到自己成日唔夠精神~終於大病了~"~

今日仍舊做做做....
點知公司三個唔同既Product都出現問題~
雖說精神好了一點~
但始終仲病緊....工作又開始令我精神緊張...
搞到我有點吃力~>_<
但總算應付得來吧~

五時多艾迪來電~
話比左份禮物我先喎~仲話一齊食飯~
但一早又約左哥哥喎~
咁咪一齊食囉~

哥哥差不多落車時打比我~
話黎我公司樓下等我...
但我落左樓都唔見佢...手電響起仲以為係哥哥~
點知係艾迪~@@
佢話係銅鑼灣過緊黎明問我收左工未~
收左線就打比哥哥~睇下佢去左邊~
同哥哥逛了一會~join埋艾迪就去食飯啦~

跟他們一起雖然常常有被欺負的感覺~
但事實上十分開心~
因為我知道佢地兩個都好錫我~^^

想不到艾迪跟哥哥感覺上都算傾得埋~
愉也地吃過晚餐~
今天晚上好似變左小妹妹咁~^^"
跟住佢地兩個周圍逛逛~
當然也不斷撒嬌著阿ray偏心~><
唔送生日禮物比我~
我只有咭咭~但哥哥有禮物~真可惡~!
哥哥還要不斷的提在口邊~><

不知甚麼原因~
可能又是我表達能力的問題~
令艾迪覺得我不喜歡他的禮物><
其實我那一刻只是在說笑....但他好像很介懷的~/_\
小黛真笨笨~>O<
其實收到他禮物那一下~心裏突然想起另一些東西......(嗯.....不說了~c.c)

逛了好一會~
艾迪就去找他的朋友~
看來他的電腦很快可以修好了~^^

跟哥哥到先達逛~
又是去了那間figure鋪頭~
掛著看鋪外的display看呆了~很漂亮啊~
當然特別被我鐘愛的姆明吸引著啦~>3<
哥哥知道我鐘意話買比我~
雖然我鐘意~但我又唔想哥哥亂洗錢....
最終佢都係買左比我~^O^
買了一些可愛的東東想送給爺爺~(我想爺爺會喜歡吧~@.@")
其實自己也十分喜歡呢~:P

那左逛逛右逛逛~
十點半了~才離開旺角~
搭車時鋪頭阿姐先打電話黎話比錯野我~@@
聽日要攞去換嚕~
回到家已經十一時多了~
沖完涼~搞東搞西~成十二點幾先訓....

>>September 28, 2003 at 4:35:25 AM GMT+8

2003 年 9 月 23 日 星期二 【晴】

今日起來猶疑左好耐返唔返工好...
因為起身好頭暈...
其實以當時既狀態真係唔應該返工~
但自己又唔好意思請兩日病假...
諗左好耐~
最終都過唔到自己個關....死下死下咁返左公司~

一路係公司既情況都不大好....
好似同上司鬥咳咁~"~
又頭暈又頭痛....
朋友們知我病病仲返工...都怪責我唔錫身>O<
叫我應該請假抖下~
但我的確良心過意不去嘛....

下午艾迪打來說交換禮物~
沒心理準備下沒有禮物在手~"~
又沒成事了~

狀態不太好~
所以沒甚加班便回家~
回家路上仲打比哥哥約佢聽晚食飯~

很累很累.....食完飯食藥........很早便睡了........

>>September 28, 2003 at 6:30:14 AM GMT+8

2003 年 9 月 22 日 星期一 【晴】

今早七時多醒來~已決定請病假了~
近三個月的工作~令自己承受了不少精神壓力~
很累啊.......我的確很需要休息吧~

接近十一點醒來~
爸爸嚷著叫我趕快去看醫生~
還為我撥電去掛號~
心頭一暖~
爸爸好多年無為我生病而做這些事情了~(打這句時已眼有淚光><)
其實我自己一早知道~
父母真的很愛錫我~
熟悉我的人都知道我家庭觀念很重~
就是因為我的家很溫暖~家人很疼錫我~^^
我也很愛錫他們~
所以自己生病要他們擔心~我亦內疚不已...

小黛去左睇醫生時~
爸爸跟媽媽去酒樓搵位~
實在有點不習慣~
一向都覺得飲茶應該我去搵位~先叫佢地落樓~
硬是覺得這個情況比較洽當~
雖然小黛不叫得很孝順....父母亦不太介意這個~
也身為女兒都想盡一點責任吧~

去到酒樓見到父母之外~還有外婆~
說說笑笑地吃過點東西~
便陪他們去超巿買餸~
然後回家看影碟~
然後又去睡....
假期十分悠閒~最少無左d工作壓力吧~

晚上~
沖涼洗頭~吃了點東西~睇左電視又去訓了~
渴望明天狀態好一些吧...

P.S. 契哥哥今天生日~
小黛病了不能陪他出去逛逛~真抱歉><
點都好啦~
大佬韋~~生日快樂啊~~~>3<

>>September 25, 2003 at 8:56:18 AM GMT+8