2006 年 10 月 22 日 星期日 【陰】

尋日玩到成二點先沖涼...然後四點幾仲傾緊電話,
所以今日訓到一點幾~!

訓醒無幾耐, 打左陣機, mom買左對黑皮鞋返黎比我, 不過細左少少,
跟住就同fa and mom出左去hi tea, 然後換鞋喇,
好耐都無試過一家人出去食野,
今日難得大齊, 不過崑玩通頂之後訓死左!

今晚有聖子食, 一條條咁...買相真係好差, 好樣衰!

食完飯去左打波, 得四條友....
今晚個煬怪怪地, 平時去打波一定爆場,
但係今晚得一半full, 四個場入面得兩個場有人打?!

我地幾個又打d十幾廿歲ge後生仔, 講真佢地真係唔勁, 可能得一個勁,
不過班人真係好衰格!
以為自己有d料子就串串貢, 自己就手多腳多係咁撩,
我地hi親下佢地就鬼叫咁想foul...foul你老豆咩...佢地真係好無品,
串呢樣野我唔會輸比佢地, 因為正義必勝!

alan閃親條腰, 所以最後一場後勁不繼, 比佢地以氣勢win左,
不過我地已經win左佢地最勁果隊, 而且都發揮左應有水準,
所以都無咩野講...



阿妹要保重!

>>October 27, 2006 at 11:46:25 AM GMT+8

2006 年 10 月 21 日 星期六 【陰】

生日週ge餘興活動, bbq, 真係一年一次!
上年就係三宝佢地, 今年有少少唔同, 人又唔多...差唔多少一半!
生日果個隻雞吹唔響...!

有三個人臨時到...唉!

最後就得返kaho, suki同埋好抵錫ge阿妹(病左都黎, 好感動!)

五點幾o係聯和墟買完野就返屋企燒喇,
今日因為人數太少, 無咩好玩.
o係yumi黎之前打左陣麻雀, 輸緊四十,
點知下半場由kaho幫我打, win番四十, 真係勁人~

但係...我地五個人, 一張檯得四個人...
所以我就自己一個人睇電視喇...

佢地又買左一個mango蛋糕, 好重, 應該有兩磅~
好多謝佢地!

>>October 26, 2006 at 6:26:28 PM GMT+8

2006 年 10 月 20 日 星期五 【晴】

happy birthday to me!

今日好特別, 因為holiday mood實在太過強烈!

however, 工作量多得嚇人!
差d走唔切...做到黑晒面!

放工去左旺角唱k, 有阿妹, suki, 崑, momo, ho仔同埋kwan.

唱得唔多, 咪霸ho仔依然都係咪霸, 反客為主...~"~
kwan都唱得好少, 同崑差唔多, 可憐ge崑受盡冷落,
真係想醒佢地一人一把!

而阿妹又似乎太快同陌生人熟落...

去左cafe坐, 原來話題唔啱係咁辛苦...v.v"

收到壞消息: chi黎唔到, 所以bon bon都唔黎...真係生日快樂!
今年真係流年不利...

原本想開開心心咁過, 可惜呀可惜...
呢個生日真係難忘!

>>October 23, 2006 at 2:01:03 PM GMT+8

2006 年 10 月 19 日 星期四 【晴】

多得mom比我ge生日利是...可以吊下命...!

一返到公司, 氣氛好怪...白雪竟然入左房同珍姐傾計?!
佢一出黎就叫左roy入房...
白雪仲叫我食快d個早餐, 下個就到我!

又發生咩事呢??

誰不知我咬緊三文治之際, 真係到我!
大家都係一連串ge英文,
我諗我ge listening真係好左好多呀, 竟然連佢講ge野都聽得明!

原來佢分別叫我地三個入去, 係想鼓勵我地,
美其名係鼓勵, 不如係話佢驚我地一個接一個咁resign!
不過都睇得出佢唔想我地自己覺得大壓力ge...!
只不過係"定期檢查"!

final recap一份接一份....三條line...做死人!


放工又係好快咁走, 因為我地六個人又要去打波!

好累好累咁返屋企...

>>October 23, 2006 at 1:52:39 PM GMT+8

2006 年 10 月 18 日 星期三 【晴】

星期三, 慣例上都係最忙ge一日, 有recap同埋booking report要做.

九點半都未夠, 珍姐走埋黎, 用充滿韓國口味ge英語同我講:
"jason, anny is sick today. you have to handle by yourself..."
真係多謝晒!

誠惶誠恐之下過左一日!

最唔想發生ge事終於都發生左:
mandy同anny跟開ge zcs無人領軍...但係又要有人跟...
所以日本osaka ge miss yamasaki打左黎搵我...
shit!
對於英文程度, 相比起韓國, 日本真係好聽好多...
珍姐除左講得快之外...真係唔掂!

提心吊膽咁過左一日...真係好驚出錯...

>>October 21, 2006 at 4:50:02 AM GMT+8

2006 年 10 月 17 日 星期二 【陰】

其實今日都大件事, 因為珍姐由韓國返番黎...一切都完喇!
第二就係mandy last day,
雖然識左唔係好耐, 而且佢火氣大,
不過唔知點解佢同白雪都好睇我,
作為我ge partner, 佢走左我都有少少唔捨得同埋覺得可惜!

所以今日同佢去飲茶farewell.
有roy同埋白雪, 加埋我四個新仔,
mandy成日都話佢有大把工可以介紹比我地, 多謝佢ge心意,
但係我同roy都心領, 因為應該要靠自己!

每個月都經歷前所未有ge窮...今日又要欠住roy飯錢先...

自從珍姐返左黎同埋我地之中有人走之後,
一股前所未有ge"離心力"自己禁唔住而爆出黎,
我同roy就趁得閒時上網搵工, 仲plan定幾時唔做...
不過講就易!

對於自己ge前景, 一切都係迷惘, 眼前比一襲瘴氣矇閉...!

>>October 21, 2006 at 4:00:56 AM GMT+8

2006 年 10 月 16 日 星期一 【陰】

好似自從九月一號開始, 我呢兩個月都無一日係準時九點前返到公司...
原因?
七點半出門口已經係極限, 再早就唔駛訓!
等車等得耐...係天意, 班次太浮動,
好彩就可以早好多返到去...咁早返到去做咩??

今日係珍姐最後一日假期, 聽日開始就要從新開始受死!
而今我都開始接手做埋mandy d recap...多到...
而家幾乎三條line ge final loading recap都係我做...

如事者, 今日又係好忙碌咁過, 真係無停過手...

錢又已經去到用盡ge地步喇...

>>October 21, 2006 at 3:47:10 AM GMT+8

2006 年 10 月 15 日 星期日 【陰】

happy birthday to　ｂｏｎ　ｂｏｎ!

今日一訓醒, 已經係兩點幾喇!
野都未食就plan定今日ge節目--
本身崑約左去睇戲, 不過佢又多多理由,
約人果個竟然放飛機, 最後都無去到.

三點幾四點, 同佢食完tea就去左library,
然後就去左上水, 因為想買vcd...

糧尾呀...本身想買返幾隻返屋企睇...
但係用左一餐飯ge價買左隻"輪迴"...

於是就留返夜晚睇喇...今日無去打波喇,
超累!

>>October 18, 2006 at 1:42:40 PM GMT+8

2006 年 10 月 14 日 星期六 【晴】

死亡週ge最後一日!
約左zim ge同事們去bbq!

又係早餐之後打機, 打完機先出發!
小欖呀...究竟點去?

路在口邊, 係咁問d司機撘咩車,
終於厚住面皮之下用左成粒鐘先去到!

人物如下: roy + his gf + his表弟, novem, jimmy, ricky, lewis同埋我,
都ok好玩ge, 一切自助, 仲有得睇波!

每次我打牌唔計錢都會win晒...今日都係一樣...= ="

十點鐘走人, 十一點多少少返到屋企, 真係累死!

>>October 16, 2006 at 2:07:43 PM GMT+8

2006 年 10 月 13 日 星期五 【晴】

對於今日, 真係期待已久,
因為要去ocean park度enjoy halloween~!

請左半日假, 朝早o係大佬們都要開會之下, 平安渡過~!

放左工同jimmy佢地食埋lunch就過尖沙咀度等妹佢地喇,
然後suki同埋patrick仲有倪銘先後到埋,
我地成四點幾先起程!

elain呀...太遲喇, 又要落錯車, 所以我地排住隊玩住等!
今晚我地要挑戰晒6個鬼屋!

排隊佔左大部份時間...可惜就係無玩到任何機動遊戲...!
比阿妹抓到有幾條痕, elain又話唔驚, 但係又係咁扯住我個袋,
前拉後扯之下, 我進退失據, 仲要比佢地迫埋wall,
不過我地d氣氛都幾好ge,
相反d鬼就有d失色喇...差過上年好多!

一點幾食埋野就同suki一齊撘車返fanling喇, 好眼訓, 好累!!



上年同pizza hut d人玩, 今年人面全非...
因為人定係因為事?
我淨係知道同妹班fd玩, 無乜心理壓力,
唔駛邊個睇邊個面色...
如果一班fd入面, 都要玩捉心理, 咁仲算唔算係朋友?

>>October 16, 2006 at 2:00:07 PM GMT+8