2006 年 7 月 18 日 星期二 【清涼】

今朝十一點幾, zim 14樓終於都電腦部同事上黎幫我砌電腦!
終於似返個員工喇!

lunch食完野, 去左提款...
個太陽惡到呢, 全世界好似同佢有仇咁!

晏晝幫anny入下d loading report,
以前都幫jimmy入慣, 而家入番都有少少生手,
不過都係入得比一般新手快...
所以好快又無野做...好在都唔會悶囉!

電話響過不停...

放左工出左mk, 約定左今日買mon...>"<
崑同小m一早出左去, 等住先, 跟住我就約埋alan.

點知出到mk d電話全部唔通, 火都黎埋...等左半個鐘都無人打黎?!
七點八alan都到埋喇, 決定同佢去住旺電先!

到左八點幾, 佢地兩個終於打黎...原來全世界ge 3都收唔到...
又係一場誤會, 累各位久等...= ="

同alan買左個viewsonic ge 17" lcd mon...$1493...
so shit value...

跟住我地一行五人去左某間西餐度食, 太多野食喇...
食下講下咁d時間過得好快, 十點幾就走喇...
個mon好重丫...

今日真係好累呀...成身都軟晒...
如果去睇戲...真係會訓得著!
就算o係k房, 我都可以照訓無疑!

睇黎"傾電話"呢樣深宵玩兒真係要提一提早喇...

>>July 19, 2006 at 10:26:52 AM GMT+8

2006 年 7 月 17 日 星期一 【乍寒還暖】

個天依然都係忽晴忽暗, 忽雨冷忽熱, 忽雨忽晴...

今日崑好偉大咁拎左個mon出去比人睇, 都唔知係燒左咩喇...
總之最後一句到尾, 買過另一個新ge, 始終好過整好部壞啦...!

好偉大ge佢拎左出粉嶺再出油麻地, 呢份能耐真係值得表揚!

聽日就要去買另一個新mon, 真係好急...

返到屋企先發覺, 原來屋企條電話線真係short左;
諗住換張1gb mini sd card落部6280度,
點知又開唔返番部手提...= ="

做乜d電器要咁樣恰我?!
我仲邊有時間去整機...救命...

唯有用返部老130mega ge自閉機啦...


本身今晚係約左小m食飯,
好在無人聽...事關我真係無乜心情出街喇...

好事永遠唔會成雙, 禍始終唔會單行!

又一次嚴重破壞我ge儲錢鴻圖大志!!!

>>July 19, 2006 at 9:18:57 AM GMT+8

2006 年 7 月 16 日 星期日 【乍寒還暖】

一覺訓醒已經係一點, 比阿妹叫醒左...

諗住開機用下啦, 點知又開唔到, 原來個mon有事...!

都唔知係第幾次因為閃電而令到屋企d電器燒左...
幾年前燒過兩次modem,
電話燒過無數次...
出面電話線又因為電壓過大而令到short circut...
今次到個mon...!

理唔到咁多啦...三點幾出門口, p仔返四點.

本身今日出樓面ge, 但係始終都係廚房自在d!

返工無咩特喇, 旺場時間好快過!
收九即走, 返屋企睇結局,
個結局未免太過誇張...好頭爛尾...!

無電腦ge日子唔係太難過, 畢竟都慣囉...

>>July 18, 2006 at 5:57:24 PM GMT+8

2006 年 7 月 15 日 星期六 【乍寒還暖】

今日訓得好晏...成一點先起身, 都去唔到bank啦...= ="

十點幾就不斷比電話嘈醒...好想訓, 唔想聽...

一點先醒起約左妹and崑出mk...
可惜佢打黎我先醒到, 崑又話晏唔出喇!

最後同妹三點出到mk食埋野,
今日主要目的係我想買衫同埋買咕筍...
咕筍就無買到喇, 不過就去左k2執平野,
件tee原價145都ok啦, 點知仲要60% off,
折實係58 hkd...真係好想大笑出黎~~!

行多陣就返工喇, 我同佢都係返六十...

今晚又係埋aux, 得三個人, 我同阿ying同埋高佬...
可能唔係太多單啦, 所以都無乜點冧到檔~

收工去左食少少野就走喇, 好眼訓呀...

>>July 16, 2006 at 3:53:19 AM GMT+8

2006 年 7 月 15 日 星期六 【晴】

三分鐘就知道誰是你最愛得人?[轉貼]

測試:三分鐘就知道誰是你最愛得人? (98%的準確率)

一個很準的心理測試：按下面的步驟一步一步做，不要作弊，否則你的希望會落空（用３分鐘完成）發送這個留言的人說：她的願望在十分鐘內變成現實，記住：不要有欺騙行為。這個戲的結果非常有趣，注意：按順序往下讀，不能跳躍地往下讀（只要花３分鐘，值得一試）首先拿一枝筆和一張紙，當你在作出選擇時，如果是人物，保證是你認識的，無論是數字或名字都是第1直覺，每次向下移動一行──記住：不要跳行往下讀！

一、首先，在一列中寫下１到１１的序號（即１、２、３、４、５、６、７、８、９、１０、１１）

二、在序號１和２的旁邊，寫下你所想的任意兩個數字

三、在序號３和７的旁邊，寫下任意兩個異性的名字。（注意：不要跳躍的向下看，不要作弊哦）

四、在序號４、５、６的旁邊，寫下朋友或親戚的名字幕（不要有欺騙行為）

五、在序號８、９、１０、１１的旁邊，寫下４首歌的名字。

六、最後，許一個願。

















結果：
１. 你必須把這個遊戲告訴給（序號２旁邊寫下的數字）個人。
２. 序號３是你所愛的人。
３. 序號７是你所喜歡的但不能與之相伴的人。
４. 序號４是你最關心的人。
５. 序號５是非常瞭解你的人。
６. 序號６是你重要的人。
７. 序號８的歌適合序號３的人。
８. 序號９的歌適合序號７的人。
９. 序號１０的歌最能代表你的想法。
１０. 序號１１的歌是你對生活的感受。
讀完這個結果之後，在一個小時之內轉載到2個論壇，如果照此做，了你的許願就會變成現實，否則，就會事與願違

>>July 16, 2006 at 3:35:54 AM GMT+8

2006 年 7 月 14 日 星期五 【晴】

唔經唔覺到左星期五...
今日d鬼佬一個都無返到,
但係點解反而星期五都咁死氣沈沈?

食晏go out with kenny, vanee, kay, amy, author, ricky chow, anthony, derek...
聽講有人不請自來...
同佢地食飯真係好搞笑, 可以唔駛停!
一於逢星期五出去同佢地輕鬆下啦~

lunch之前, 電腦部alex佢地拎左two set of monitors and both mouses and keyboards上黎...
以為下午就有得用腦...點知...
都係比佢地d效率嚇到魂飛魄散!
慢到呢...

足足軟禁左兩個星期, 我學到d咩呢...?



放左工返左屋企食野, 十點半出門口,
皆因今日係sylvia last day ge farewell gathering...
好多人去左呀今日, 有新有舊,
就連失蹤以久ge tim同埋崑都有去!

大家都隊小肥牛, 我都隊左佢兩杯...

最後發生左段插曲, kaho又郁手先,
今次hung仔又o係度, 真係差d就由隻揪變做群毆...
點解次次都忍唔到手...?

我聽左幾個唔應該聽ge電話...嚇死我喇...

>>July 16, 2006 at 3:47:25 AM GMT+8

2006 年 7 月 13 日 星期四 【晴】

本身話尋日晏晝話有電腦用,
但係點知到左今日晏晝都係無人理我地...
而且教我做野o個個anny又好唔得閒, 想都教唔到我...

都係迷迷糊糊咁過...

放工趕左返屋企睇神鵰,
睇完之後就即刻出門口返左ma on shan,
今日應承左sylvia返去搵佢,
因為佢今日係last day??

返到去反而同妹同埋榮佢地傾計多,
跟住叫左ken同yumi返上黎吹左陣,
都好耐無見過佢地啦!

到左差唔多十二點先走, 超眼訓!!!



點解連你都變左...變得係又串唔係又串...
我幾時有得罪過你, 或者串親你?!
又駛唔駛一句"關你乜事"得埋黎!!
人要面, 樹要皮, 你要面, 我都要!!

>>July 16, 2006 at 3:35:37 AM GMT+8

2006 年 7 月 12 日 星期三 【晴】

依然都係無電腦用...

今朝west bound ge鬼佬經理, 叫我左同roy入去佢房,
仲有line manager ken同埋韓國婆娘ms. jung...

好緊張, 因為係第一次有鬼佬認真地對我講野...
原來, 佢召我地入去係想鼓勵我地...都定d~


臨放工o個陣有幾個差佬上左黎david(鬼佬經理)房,
唔知咩事, david唔開心ge????
一定係大穫野....走o個陣問返roy先知...
david比個新黎ge女秘書告佢非禮....
shit....

>>July 16, 2006 at 3:30:25 AM GMT+8

2006 年 7 月 11 日 星期二 【晴】

今日返工都係迷迷下..乜都無做過...

放工就打左比妹, 原來佢地o係mk,
跟住就出左去同佢同埋suki同埋elain食飯喇,
原來elain真係靚過上鏡架!

跟住我地去左影貼紙相, 行多陣就走喇...

好累...

>>July 15, 2006 at 3:50:37 AM GMT+8

2006 年 7 月 10 日 星期一 【晴】

第三者

今日想探討下有關"第三者定義"ge 問題:

問題只有一個--
"第三者"係主觀定義, 抑或係客觀定義?

我覺得係客觀定義喇, 點解咁講?
首先講下三人行ge感情先,
o個三角戀入面, 無人會想做第三者, 因為無地位,
呢個"第三者"比頭兩位排擠左出黎, 所以叫做第三者,
表面上睇黎呢個係主觀定義, 最後出現o個個就係第三者.

咁講無錯, 不過唔好忘記一樣野, 有人話"感情無分先後, 只係時間唔夾",
咁即係無第三者?
非也.

呢個第三者銜蓋範圍好廣, 包括三個都知對方存在ge環境;
乃至兩人在拍拖, 兩人在曖昧ge時間!

拍緊拖ge人永遠都唔會覺得自己係第三者,
而曖昧緊ge人永遠都唔會認為自己係第三者,
前者大條道理, 後者道理更大, 因為無責任跟身!

所以我想講就係呢樣,
凡有心或無意, 令到一對情侶面臨考驗,
或令其中一人變心者, 都被稱為"第三者"...
聽落好似好無理...但係不無道理...

係唔係第三者, 唔到你話事, 從來只有旁觀者清...!

我可能有做過, 你都可能有做過而又唔知...
而你又有冇對伴侶不忠呢?

"第三者"完...





問題引申到"曖昧"...
仲複雜, 所以唔解釋呢個詞, 只係講又講下佢ge主/客觀定義...

曖昧嘛, 似乎每對情侶一齊之前都會必經.

每個人對呢件事ge定義方向可能唔到,
你話得閒出下街, 好close, 咁都可以係;
手碰手, 臂撞臂, 言語上親暱, 咁都更加係!
(呢d例子其實都係好表面上ge曖昧)

咁點先算唔係?
唔知架...所以我咪想話呢樣野好主觀囉!
對住o個個人有feel就係架啦!
人地話唔係, 唔通你就會唔鍾意咩~
唔通人地話係, 你先至走去對人地有心跳呀?!

所以曖昧關係主觀到無論, 主觀到不能再主觀ge地步!


原來一段感情係咁複雜ge....





以上全部都係個人觀點, 睇唔順眼唔好罵, 但係可以留言發表偉讑, 切忌謾罵!

>>July 11, 2006 at 12:07:10 AM GMT+8