2006 年 8 月 24 日 星期四 【暴雨】

星期四...

呢個星期好似多野做左, 好事黎ge, 好過唔比野我做啦...
無乜特別咁過左呢日...

放工去左唱k, with 妹, elain, patrick...
無乜特別好ge心情唱,
尋日又唱完, 今日又唱,
其實想同妹傾下計, 不過又無乜點傾到,
因為撞到果個人, 果個人又成日走過黎,
又叫走阿妹去佢果邊...九唔撘八咁,
又介紹佢d人比我識...= ="
最後淨返我同elain一齊走, 到地鐵站先各自走,

最後一班列車...

電話傾左陣, 一個消失左都已經令人懊惱,
如果你地兩個一齊消失, 咁就預埋我啦...v.v"


又係飲酒...

>>August 26, 2006 at 6:41:31 PM GMT+8

2006 年 8 月 23 日 星期三 【晴】

對住呢份工...我已經一早就失去左興趣...
只係唔知首先我頂唔住, 定係佢頂我唔順先,
離開...係解脫.
o係呢度返工, 真係好遠, 好辛苦...人工又唔高...
不過仲未儲到錢, 未過試用期...對自己一d好處都無...
shit!

六點九偷走, 因為唔想打電話過上海, 太煩喇!
走之前都打左個電話比hk ge howard,
我又唔明佢講乜, 佢又misunderstood...
即係雞同鴨講!

差唔多七點半去到ceo neway, 有everyday, keith同佢d fds,
其實好在everday o係度搞下事,
唔係一定悶死所有人...~"~

十一點幾, 我地去左海旁度坐,
同everyday傾左少少自己野,
平時佢講ge野, 對我黎講, 唔多唔少都會有d啟發,
不過今次...無乜特別, 或者我ge思想太過根深蒂固...

之後又講下返工d野, 估唔到佢都會好似小棉羊咁見工...
自信心不足竟然發生o係佢身上...?!

十二點走...好眼訓...







點解會"未有用戶使用"??

>>August 24, 2006 at 12:09:45 PM GMT+8

2006 年 8 月 22 日 星期二 【晴】

懷住愉快ge心情返工, 因為今晚收工佳人有約?

一個充滿朝氣ge早上, 做野特別有幹勁!
可惜精神領袖anny唔知係咪病左無返...
成半朝都唔見人...
事有湊巧, 上海ge阿豪又打黎問我allocation...= ="
鬼知咩...所以叫佢打返比anny問啦...
突然覺得自己好渺小...真係想跳落山...!

放工趕住走, 但係點知搵極都搵佢唔到,
估唔到咁快就一個week la...

唯有返屋企食面, 食完野之後又好似尋晚咁打牌,
一開波就比崑食左兩舖自摸...又連冧三...
未食先輸二十...
好在到臨尾一圈, 我冧返四次,
最後win返廿幾, 減返尋日六蚊, 都win十幾...

有錢袋落袋, 條氣順返d...




失踪人口...

>>August 23, 2006 at 4:19:53 PM GMT+8

2006 年 8 月 21 日 星期一 【晴】

一早起身, 就成個人散左咁...
鬼咩, 前日碌完lane, 隻右手同埋左腳都脫力..
再加埋打完波, 簡直就係疲勞轟炸!

但係, 唔知係咪真係習慣左而家ge生活,
返到公司唔再好似以前咁眼訓,
反而好精神?!

今日真係無乜特別, 又係唔多野做,
悶死人, 好在聽日有隻船走,
又要做recap!

夜晚返左屋企食飯, 九點半開始打牌,
得三隻腳, 但係都打得好慢, 因為有新手!
唉...成晚都係輸多win少,
係咁比崑同mom食自摸,
而我叫糊叫左成個鐘都無著落!
真係灰晒...
好在最後只係輸六蚊~

>>August 22, 2006 at 9:31:20 AM GMT+8

2006 年 8 月 20 日 星期日 【陰】

唔校鬧鐘, 連手提無電熄左機都唔理,
因為我要專心咁訓, 一口氣訓到兩點半, 正!


一起身就出左去食tea la,
廿蚊有飯有野飲, 去邊度搵?!
跟住就同mom and崑去左揀麻雀檯,
盛惠147, 然後撘的士返屋企!

file左d相仔, 跟住就打牌啦...
今日無乜點食過,
而我又太耐無打, 條總數計錯左,
所以最後就當大家無win 無輸啦!

食埋飯就出左去打波,
本身都唔會估有咁多人去,
點知係有七個, 破左最近紀錄!
me, 崑, alan x 2, k ying, sham, 同埋大舊!
講開大舊, 打法好似成熟左,
係咪同個人大左有關呢?
淨係覺得佢同以前好有分別,
搏得黎又唔粗魯, 好喜佢咁打!
係一個強力中鋒, 好想睇佢同sham鬥撞~~

alan tong就唔識諗喇, 我地已經唔係十八歲,
仲要留番條命仔同埋d手手腳腳黎返工...
所以唔駛咁搏wo, 輸咪輸囉, 你傷左, 我地最後都係輸,
所以要錫身喇!

alan hui就勇喇, 連封兩個人...不過我地始終都係猜得唔夠空,
往往都係迫到一個打兩個,
我諗, 只要我地一人行遠少少,
一人傳多一兩次, 打得都會輕鬆好多!
我都幾喜咁打, 因為唔駛我爆籃~

十一點先走, 好累...

>>August 21, 2006 at 10:13:02 AM GMT+8

2006 年 8 月 20 日 星期日 【晴】

今日十二點幾就去到富豪, bowling with 崑.

第一舖得九十幾...不提也擺,
不過第二舖就上返百二啦~
而且今日手風都唔差,
計過平均分都有百三, 因為有一舖打左165,
而果場係叫崑幫我錄低,
心理上係打好每一球, 可能就係無乜心理壓力啦~
最後一舖都係133, 係因為打到無力啦!
信心大左啦~~

跟手落左去樓下唱k, 幫keith celebrate,
有主角keith, everyday, edwin, yuki, leo, 豚, 我同埋崑...
佢地玩得比較斯文, 所以我同崑就唱得頗多下~!

我五點半先走, 要返pizza hut,
遲到了...

今晚我又比人睇少啦...
因為幫我ge全部都係新仔...感覺上得一個人做咁!
所以就要睇少我?
又唔諗下自己pre野pre唔夠, 又唔諗下無熟手ge人企隔離?
最後kaho過左黎...唉....
咁樣返工, 仲有咩意思呢...

放工諗住出街, 點知...又一次無奈啦!

同kaho同埋妹去左食野,
跟住kaho有野做, 我就去左妹度拎番d相,
然後就一人一隻手拎住支酒咁行ma on shan..

唔開心, 仲有妹支持, 因為佢都係愛上左個"壞"人...
o係所有人都大大聲叫喊ge同時, 得佢一個唔出聲,
得佢一個支持我ge決定,
因為佢都好羨慕我可以成日都見到自己果個...

最後撘巴士, 撘火車, 撘的士咁返屋企...
真係估唔到今晚會咁早返屋企,
已經慣左有一日會通頂...
明明一點先返到屋企都覺得早...?!

可能我愛上左隻蝙蝠啦...

>>August 21, 2006 at 1:19:35 AM GMT+8

2006 年 8 月 18 日 星期五 【晴】

hapi bday to keith!

今日簡直就係特赦, 因為所有大佬級ge人都消失晒!
淨番o係度ge只有我地呢d平民百姓~

諗住今日遲d返公司, 點知都係平時個時間...~"~
一返到去就係"捱", "捱"時間!
隔離個女同事又係咁撩我講野, 真係唔想應佢...
又係咁裝我做緊乜...
所以班口痕友又o係度話我比我溝啦!

其實真係無聊到癲, 係咁同keith msn,
同埋畫左隻apple, 自覺掃描都唔差~

我地十二點十就去左lunch, with star shipping舊同事,
總共十四個人, 好迫!!
可能今日holiday mood太勁,
講野去得太盡, 好多野都係衝口而出...
其實都係講完先知衰...
唉...

我地兩點幾先返到公司, 又要等時間過,
到左四點幾, 我終於都忍唔住,
落左去永亨, 個天焗到呢...

六點幾, 我地四個最年輕ge男生一齊走,
我就要趕住o係dead line前還書,
買野食飯屋企...
估唔到就咁白白過左個咁holiday ge星期五...

竟然無出街?!



>>August 21, 2006 at 1:07:18 AM GMT+8

2006 年 8 月 17 日 星期四 【晴】

明明都早左訓架啦, 又會起身果陣都會咁累?!

今朝又有新同事啦...
竟然又係跟anny!
原來anny係大支野架黎,
我諗全場, 除左經理之外,
最多o靚係佢啦!

不過....我又有壓力啦...
多個人同我直接競爭!
又係時候搏殺?!

一到左晏晝, 我地就好興奮,
因為所有marketing ge大佬,
包括anny同埋所有經理, 都要返上蛇口開會,
所以佢地五點鐘就要走,
我地有成個鐘可以放肆~

而且佢地聽日都未返到黎,
所以真係好開心,
難得一日無王管同埋無野做~

放工之後無野做, 上左star shipping度吹左兩句,
然後就乖乖地咁返屋企啦,
今日真係無聊到離譜囉,
想打機, d碟又loading唔到,
loading到又點丫, 個手掣又神神地...

本身想搵返中五時候, 中學三十週年ge校刊,
因為可以搵到小m~
不過唔知因為咩原因而唔見左...
好唔開心...>"<
好在小白有姐, 多謝晒, 唔該晒~~

最後悶得滯, 所以上下網就去訓喇...

>>August 18, 2006 at 10:23:14 AM GMT+8

2006 年 8 月 16 日 星期三 【酷熱】

返工前買左罐red bull, 諗住用黎頂今日.
早餐飲左杯coffe, 原來都咁勁!

lunch, 好久不見ge yan特登黎搵我食飯,
有人遲到啦, 搞到要去大家樂度迫~
多謝佢請左我食免費的午餐~
傾左好多野呀, 不過時間都唔夠用,
最後遲左一個幾字先返去做野!

今日成日都無中到咁滯...
到左四點半無野做, 終於都頂唔順啦...
四點半至五點半對我黎講真係好尷尬....

今日六點就偷走, 約左keith同佢d fds食飯,
竟然去左pizza hut...
不過我都有成四個月無食過pizza hut d野喇!
個三文魚芝心...真係不敢恭維...
只係o係加勒比批加芝心...加埋三文魚"陣除"...
真係難食到嘔....!!

食完野傾到十點幾先走,
今次真係返屋企喇, 都頗為眼訓...

眨下眼就過左一日喇....

>>August 17, 2006 at 12:53:04 PM GMT+8

2006 年 8 月 16 日 星期三 【酷熱】

有成個WEEK返工都無中過...
尋日就當係我撞鬼啦...

每次都係臨收工先多野做, 但係竟然係做EXCEL?!
尋日真係返工等收工, 因為約左小m,
請佢食生日蛋糕呀...

不過呢隻蛋糕最後都無食到,
我地去左食泰國野,
一食就食到十點半...

去左sever扭蛋呀...竟然扭左十一隻kitty星座...
可惜有十一分之四係山羊座...= ="

之後就傾計, 好特別ge一晚...
我會記住呢一晚...!
如果我有心臟病, 早已經死得不能再死...~
百感交集....但係見到佢咁, 真係好心痛!

最後到左四點先走,
真係想陪佢到通宵...

今朝五點先訓, 七點就又要起身返工...>"<

>>August 16, 2006 at 3:27:23 PM GMT+8