2008 年 2 月 27 日 星期三 【晴】

又兩個禮拜無打日記lu...
比人吹到死~~

情人節後又過左兩個week,
原來仲有三日就係同阿b八個月;
原來仲有四個月又三就係同阿b一年!

嘩, 時間過得咁快?!

回想八個月黎,
開心有時, 失落有時, 悲偒有時, 歡樂有時;
哭有時, 笑亦有時;

時間之所以過得咁快, 其實每一日都充滿希望, 每日都好充實!

唔知三年後我地會點呢, 大家應該過得唔錯,
而且亦都係時候喇....~


到時我已經廿七, 你就廿五, 都唔算好遲姐,
呵呵~



前日睇左近期我覺得幾感人ge電影,
男主角係戰狼300 ge 主角,
以為佢會演一個好粗魯ge丈夫,
但原來, 佢係一位柔情似水, 充滿男子氣概ge丈夫,
一切都用心良苦!

我完全感受到佢想表達ge一切!!
唔知你點睇呢?

p.s.: i love u

>>February 27, 2008 at 2:00:43 PM GMT+8

2008 年 2 月 14 日 星期四 【乍雨乍晴】

阿b, 情人節快樂!!

今日係情人節, 心情好複雜...

今朝都係無返工, 個胃都仲有少少唔係咁舒服...
十一點幾醒左, 發現枱上有娘親寫低ge字條...

lucky去左...
崑去左送佢最後一程!
佢口中再講一次比我聽, 其實我真係唔係幾相信!

偏偏今日會咁好天;
lucky, 原來你已經十三歲, 等如人ge九十一歲...
o係最後幾年, 你一定過得好唔舒服!
可能你走左, 對你都係一種解脫?

偏偏今日係情人節;
lucky, 點解你要揀今日?
你令到我地全家都好唔開心...
你揀今日, 唔通你係想去搵番kitty團聚?
無我地阻止你地, 希望你地會開開心心啦!

再見--人類ge好朋友, 我地ge好幫手!









下午如常返工...好多野做...

放工同阿b去試新pizza!
衰豬唔知幾時買左朱古力比我食, 仲寫埋卡!

一個有關於彩虹ge故事!

今日個胃應該好番, 但係都唔敢食太飽!

食飽野, 行多陣就走喇!





b, 我地要一齊搞掂d赤字!

>>February 15, 2008 at 1:13:04 AM GMT+8

2008 年 2 月 12 日 星期二 【乍雨乍晴】

恭喜發財!! 祝大家日日都咁發財!!

計落都成個week無打過呢度...本身尋日想打, 但係個server又down鬼左...!

咁而家就拿拿臨打番呢個week做過咩啦:

年卅晚...
仲要返工, 不過係半晝~
好在d野早兩日做晒ja, 所以今日返工好hea, 全場都好holiday mood!!
返返下工, anny走過黎派利是?
原來又係上海大佬阿豪比我地, 估到啦~
每人五百~~
跟住又成個marketing d人排隊拎"水"~
私人一封50+開工利事又500~
求其返下工都1050hkd, 正~~~
放工就同阿b食飯, 行花市, 好多人又落雨...
四點幾就走喇, 因為要返大陸食團年飯, 去左"領鮮"食buffet~
上年father無黎, 今年連佢都話正~~
最衰阿b無黎到啦...
有一樣野一定要提, 就係食飯前, 我地一家四口竟然去左星巴克度飲野吹水..
真係有史以黎第一次, 唔知點解, 自從father返少一份之後,
成家人都好似融洽左, 雖然係賺少左, 但係有咩比得上和諧氣氛~
十點幾我地返左上水, 竟然又係father話去行街...?!
佢買左條"長富", 真係世界變~~
呢一晚一定掛死阿b~

年初一喇...
一早九點幾就要起身喇, 因為阿b已經出門口,
咁我就去m記食住早餐等佢啦~
一齊嘆埋早餐就返屋企, 自己開年~
今日都幾好餸架!
食飽飯就打牌...
點解我要輸成三十五架...
贏粒糖, 輸間廠~
夜晚求其食左少少野, 就到左新春重頭戲--造湯丸!
食中有獎, 真係緊張又刺激!!!
點知...今年又比father中左三百五蚊...唉~~~

年初二無咩特別...
夜晚去左阿婆度食盤菜, 食到成九點幾十點先返到屋企...

初三
去左車公廟求簽
唔知點解father一唔o係身邊, 所有由佢做ge事就會去左我度,
唔通真係長兄為父...無人逼, 真係自動自覺, 好自然咁行左出黎--點香
好多人
其實我都估到今日事業會唔錯, 點知真係求到上上簽~
全家人只係得崑求到中簽
點簽佬叫佢愛情就等有左事業先諗, 但係佢好似誤解左--
以為叫佢一味咁等就得...唉~

初四返大陸,
竟然去左唱k...真係估唔到,
間野叫做face, d歌真係好新!
不過真係無乜服務, 因為都無收過服務費~
60rmb就唱左四個鐘, 平到痴筋!




個新年咁就過左啦, 日日都咁開心~

今年應該又係一個肥年, 阿b都係~

>>February 12, 2008 at 1:53:09 PM GMT+8

2008 年 2 月 4 日 星期一 【陰】

星期五收工去左睇joey, $250 第21行, 絕對抵睇!
佢真係唱得唔錯, 而且唱左好多舊歌,
不禁令我諗返起讀書時, 果d 無憂無慮ge生活!

星期六真係凍到痴根!
同b同埋崑去左碌lane, 無錯係--又去!

今日打得一般啦, 反而b打得唔錯, 開始有姿勢同實際啦~
我地係咁拎住部18年前ge單鏡反光相機黎影!

之後去左唱k, 反而要比崑教...唉~
等佢自豪下啦~

返到屋企先醒起, father以前又係有一部單鏡反光機,
問下佢幾耐機齡, 點知真係O左咀...30年!!
個長鏡頭仲堅, 30年前都要百幾蚊=兩三日人工...

我決定有時間拎去洗下機用番黎玩下先!!
我唔會上網賣住架...又唔係咁等錢洗!




星期日好快就過左, 去左hair cut, 耳目一新呀...不過好凍!

買左件3同埋長褲, 長褲長褲, 長富丫ma~~

返屋企食飯就送b 走lu~
唉, 每次都係咁依依不捨~



>>February 4, 2008 at 1:46:04 PM GMT+8

2008 年 2 月 1 日 星期五 【陰】

七個月快樂!!!

話咁快就七個月喇, 點解時間會過得咁快~?!

尋晚又一齊去左再興, 食叉油雞飯, 好好味.

"有了你開心D 乜都稱心滿意 咸魚白菜也好好味"

仲有禮物收, 貼身用品特別窩心!
本身想自己一個人去買RING, 但係又忍唔住一齊去左~

NEW RING, NEW WISHED~
零八年, 祝大家繼續好落去!!

>>February 1, 2008 at 1:43:15 PM GMT+8

2008 年 1 月 30 日 星期三 【暴雨】

終於都打開勝利之門!

50:47
zim win左hit

我得4分, 雖然唔係高分, 但係我諗我助攻一定會高分囉~
仲偷左幾球tim~

不枉努力!

加入左新血, 大家要加油, 球隊無必然正選!!

>>January 31, 2008 at 1:06:05 AM GMT+8

2008 年 1 月 30 日 星期三 【暴雨】

嘩嘩嘩....計一計條數,
OT錢就黎夠一千....真係痴線!!

LEWIS仲勁, 仲差一個鐘就千五..
即係佢淨係計鐘都差唔多OT左30HRS...

公司真係生意興隆!!


今日會有場友誼賽, 17/F有個身高197CM同事加入,
真係實力大增!

希望今日會風風光光咁贏番仗!!

>>January 30, 2008 at 1:49:05 PM GMT+8

2008 年 1 月 28 日 星期一 【陰】

上星期六...

朝早又去左碌LANE, 阿B打出佢新高, 91分~
崑打出佢GE新低, 56分...心事影響!!!
我呢...不錯掛, 178分~

返到聯和墟, 同MOM食飽野,
FA突然間叫我DRIVING!!

果日終於又要DRIVING...

好多第一次.

第一次突然路邊易手叫我坐司機位.
第一次有女朋友坐車尾...好緊張!!

夜晚出去大埔食飯, 由於經驗不足, 我覺得都有少少不足,
EXPRESS WAY仲得人驚, 唔知係咪因為夜晚呢,
所以真係好驚...同架車...好有隔膜!
幾時先可以人車合一??

返到屋企差不多十一點, 泊L位, 我學車果陣真係一次都未學過L,
估唔到今次夜晚都可以泊得咁FIT, 可以話係PERFECT~


星期六日咁就過左啦!!


==========================================
原來凍天可以兩個人同用一個衣代, 係咁WARM!
就算天氣幾凍, 個心夠暖就得!

>>January 28, 2008 at 1:47:24 PM GMT+8

2008 年 1 月 24 日 星期四 【晴】

點解會咁多野做架...

而家就黎ot都過500蚊!!

妖...

快d加人工啦!!

>>January 24, 2008 at 1:40:20 PM GMT+8

2008 年 1 月 23 日 星期三 【晴】

激死人呀!!

今朝只係貪眼訓, 典耐左姐, 駛唔駛等咁耐車呀!!!
仲要比人爭win晒, 明明遲黎, 可以先上岸!!
火都黎埋!!!!!!!!!


點解呢排返工咁多野做!!!?


===========================================
尋晚同阿b傾返工d野,
好開心佢會同我討論~

另外, 我都想了解大家更多~
===========================================


>>January 23, 2008 at 1:22:12 PM GMT+8