2007 年 3 月 20 日 星期二 【陰】

re shamsham, 我都好耐無打過波啦, 之前又話book 場...但係到而家仲未有聲氣...>"<
因為星期日太多野做喇呢排...所以先停左兩個week,
今個week 應該可以打到~

re sa姐, 你細佬輸左都玩lin頭, 但係我唔明點解你同nono唔駛玩~~

re so b, 下次記住要你家姐玩埋一份~ha~

2007 年 3 月 19 日 星期一 【暴雨】

尋日又訓到一點幾...越訓越累人...
起左身之後就打機, 傾下電話咁到左四點...
太遲喇...真係好趕!!

一條友出左去富豪度碌lane,
上次見到有人碌得幾好, 當然係高手啦,
每次見到d高手打波都係唔同位置,
之前見到背面, 就發現隻手點轉, 所以打到識轉彎ge波;
有時又近距離睇住人碌, 睇到對腳應該點走, 搵到自己ge節奏;
上次就好遠咁睇住人地碌, 見到佢條腰超直, 隻手又超直,
靈光一閃, 發現原來自己都少左呢兩樣野, 所以打波先唔穩定!
學左佢之後, 真係開心到癲, 原來真係定左好多,
手感返番黎!!
夠膽講句: 我返黎啦!!!

尋日打左三局, 第一局101, 第二局12幾, 第三局140...雖然唔算得上高分,
但係都打番以前ge八成啦~
180分指日可待!


6點幾先走, 趕住出去尖沙咀會合同事們, 因為要幫ricky慶祝生日!

不出所料...係遲到...sorry~
我地去左間意大利餐廳度食, 都ok架, 又唔算太貴, 每人都一百六十到~

跟住去左cafe 度打躉, 一杯野飲坐成三個鐘~!
九個人: 我啦, roy, lewis, ricky, jimmy, warren, 細佬, 家姐, 同埋novem!
一開始就玩淫賤層層疊, 輸左要卒lin頭...shit!
jimmy ge主意何其變態~!!
好在我無輸~~細佬就卒得好enjoy~
之後就輸左要向住條街呻吟...
經驗老到ge warren都不甘示弱, 盡情演出!
兩條友都搞到我笑到肚痛!!!


之後唔知邊個帶起"性"ge話題...就咁講左一晚...
女對男好奇, 男都對女不欺瞞...講過不亦樂乎!

十二點差唔多走喇...超累...

咁就一日啦...今日又要返工同時間鬥快...= ="




如果單身王想擺脫自由受到管束...
證明單身王個世界變了!

>>March 19, 2007 at 12:39:18 PM GMT+8

2007 年 3 月 15 日 星期四 【晴】

尋日返工前真係有不祥之兆...
點知一返到去就比珍姐召左入房,
寒暄左兩句就入正題--

講得好婉轉丫...又話bonnie多野做無人幫手...
一早都知自己咩事啦...我廢廢地丫ma..
所以咪調我過去幫下人囉...

遲d所有野又要重新學過, 不過都係清晒所有recap先得...


灰灰的天...
我就好似d貨咁...比人delay完再騻其他船...
船公司就係咁?



阿妹拍拖啦, 其實都無話贊唔贊成ge,
我又未見過, 我梗係唔想佢比人呃啦,
不過一切都係佢鍾意啦, 如果個人幾衰, 佢係都要鍾意都無計啦,
拍拖果個又唔係我, 只要佢開心就得!


幾時先到我丫...>"<

>>March 15, 2007 at 1:47:14 PM GMT+8

2007 年 3 月 13 日 星期二 【晴】

屋企部電腦成日都打唔到中文...
所以打唔到日記....如果平時有帶飯返工都可以打ge...
不過又忙到死...

最近收到一個幾令人氣餒ge消息...
唔知珍姐係咪真係覺得我太癈...
anny話佢有意比其他野我做...
實在係太不幸喇...
我諗...如果真係調我做其他野..
到時辭職信一定會後補比佢, 太丢臉喇...

又要講下近況, 最近成日都同阿roy玩msn,
應該係話同韓國同事玩, 當然係女啦~
真係唔明點解佢地成日都可以咁得閒...
我地就要做餐死...>"<

不過原來我發覺全世界zim ge同事學歷都好高,
個個都係大學畢業...而我地呢...
中七都未讀過...所以呢,
珍姐有意調我做其他野都未必無因!

對於搵工...真係要加把勁!

**************************************************************************************

嘩嘩嘩!
尋晚係pizza hut annuel dinner ge大日子...
唔經唔覺, 原來我已經係第三年,
仲記得上年...同埋前年...仲記得呢幾年發生過好多事...
真係好多好多...

前年ge annuel dinner, 係我分手ge大日子,
而家講就瀟灑, 睇番轉頭, 又係一個夢...

任何人, 識得睇番往事, 回顧前塵...證明真係大個左...


講番尋晚,
本來都無乜太大期望, 都係諗住食餐飯就算,
喜賓主持係陳敏俐, 真係估佢唔到.
點知更加估唔到ge事陸續有黎--
原來請埋喬寶寶同埋個甚麼拉丁舞王黎...
就係殘酷一叮果個............."O.o

都無野睇...無無聊聊咁...
但係好戲在後頭...特別喜賓係stephy!!!
shit...~佢實在太正喇!!!!
之後仲要"抽"一位同事出黎同佢合唱,
shit!
個男同事搞到全場男性都成為佢ge敵人...
因為stephy主動拖住佢黎唱呀...!!!
點解果個唔係我?!
答我啦!!!!!!!!!!!!!!!!!!!!!!

就係咁, 呢首十分愛o係噓聲ge伴唱下結束!
kaho第一時間大叫"消毒", 好!

十一點抽完所有獎, 又係無我份, 年年都無~

等埋susan呢位江大小姐一齊返粉嶺,
咁快就分左手兩年喇...
可能annuel dinner係利佢,
佢今晚同kit仔嘈...咁"斜"!!

返到屋企又十二點半喇.....咁又一年!

>>March 13, 2007 at 9:04:08 PM GMT+8

2007 年 3 月 5 日 星期一 【晴】

恭喜發財!!!
嘩嘩嘩...原來已經成個月無打過日記啦!!

會唔會比人block架...?





anyway, 我唔會追打番呢一個月ge事...都唔知用過去式, 定係現在式...

總之呢個二月就真係發生過好多事, 月頭喪事...月中就要收拾心情過年...
阿 女麻 過左身, 好似令一家人變得團結左, 大陸果班親戚終於都知道呢樣野...

原來我都發覺, 我地一家四口, 都好似好耐無一齊坐底, 整整齊齊咁同枱食飯..
幾時先得呢?


過年前知道加人工, 比老細召左入房, 續個盤...仲緊張過interview!
加左人工, 14%, 又如果?!
最後又咪係得八千一個月...

去意已決...已經唔係錢ge問題, 可能係面子掛, 仲有work load...完全無呢方面ge天份...
捱落去, 離心越大, 畢竟係第一份工, 我都係想睇下自己可以有咩選擇,
一年係一個最佳時機!

講完家庭, 工作, 係時侯講下愛情!
呢個topic應該好萬眾期待!

呢兩年以黎, 一路都無拍過拖, 我呢個姣婆, 總算守得住...
坦白講, 呢兩年黎, 的的確確有人係令我心動過,
不過真係有好多timming上ge問題, 仲有環境因素...
唔可以話錯過左...應該咁講:
我ge愛情要o係一個天衣無縫ge時間出現,
要遇上一d 好條件ge對象, 真係可遇不可求...
所謂ge timming 唔arm, 可能係指某人可能已經名花有主,
又或者要一齊, 首先要得要對方ge認同,
價值觀, 環境, 時間...原來一切都係咁複雜,
如果有一可以話拍就拍...咁呢個人除非好好彩, 如果唔係...我都係不敢苟同...
講真的, 一段接一段ge愛情...很累人!
停下, o抖下, 諗清楚自己想要咩先決定上馬,
總好過求其是但趁就手...因為兩個人一齊係需要好大ge精神...
唉...講到好似回顧咁...

我ge對上一段感情...好似係似有非無...最後就無聲無色咁唔知去左邊...
點解呢?
我已經唔想去探討...糾纏左年幾...咩都化啦,
咁ge年代仲有人可以拖拖拉拉咁耐, 我諗連我細佬都做唔到...
所以再無任何幻想可言...隨緣啦...有就有, 無就無....

新目標呢...未有...不過呢...哈哈~
唔話你知住~

完~

>>March 5, 2007 at 1:45:04 PM GMT+8

2007 年 2 月 7 日 星期三 【炎熱】

http://kllc5.xddddd.com/mbti/

一個準到無朋友ge心理測驗!!

來源自阿sham xanga!!

原來呢個就係我~


對ENFP類型的人來說，最重要的是自己能看到各种可能的情況，并与各行各色的人來往。他們是"理想型"和"人性型"的結合類型。在他們的眼里，每一個人、每一樣事物都衹是和諧整体的一部分。從日常小事到為人類造福的偉大事業中，他們都希望自己既是一個有用（至少，是他們自己所認為的"有用"）的人，又能為別人所喜歡和尊重。他們會對新觀點、新思想很感興趣，雖然最終會由于某個原因而棄之不理。
裝瘋作傻是ENFP人的另一魅力所在，它能使他們很快地融入到更加庸俗的人當中。他們很風趣，待人友善，很真摯地愛著人們，然而在交往的注意廣度可能并不寬。ENFP類型的人對新朋友或剛認識不久的人很感興趣，卻經常會將老朋友拋到腦后。

稍欠成熟的ENFP人可能時刻都需要感覺到自己是注意的焦點，希望大家都認為自己是很棒、很迷人。

在涉及世界觀方面的各种問題上，ENFP人經常會有自己強烈的信仰。他們通常會運用社會技巧和關系逐漸去說服人們接受那些正确的觀點，有時甚至會有一种為拯救世界，我不入地獄誰入地獄的悲壯。

ENFP人能隨遇而安，极易适應工作環境。他們有自己大膽的想法，在"頭腦風暴"中有突出的貢獻。然而，對他們來說，保持不變可不是一件容易的事，因為他們會很快的對一件東西厭煩，尤其當有更新、更有趣的東西出來時。但當幵會、規定最后完事期限以及完成所交代的枯燥無味的瑣事時，他們也是個拖延的人。衹有當他們与 Judger(J)公事時，他們才會收起懈怠，發揮出最高的效率。

無論在信念里，還是實踐中，ENFP人都憎惡官僚作風，他們時常會嘲笑其中的某一方面。

對ENFP人的描述：
健談熱誠，友善的﹔聰明好奇，愛玩的﹔關心体貼，溫柔敏感﹔富有想象力，頗具創新精神﹔智慧樂觀，适應能力強，但有時做事無條理。



>>February 7, 2007 at 2:12:30 PM GMT+8

2007 年 1 月 29 日 星期一 【乍雨乍晴】

女麻 女麻

人總不能偷偷降世, 但可以突然離開.

出生時, 你可以是眾人的焦點, 吸收所有目光, 在呵護下茁壯成長;
離開時, 眾人給你強列的期望, 倒帶般的回憶, 一段又一段卻又不受控制地鎖住靈魂, 留在驅殼.
回看一生, 得到過甚麼, 失去過甚麼, 留戀過甚麼, 或又珍惜過甚麼,
一切一切在家人陪同下再一次經歷.

兒子再一次變回襁褓中的嬰兒, 牙牙學語;
原來英俊不凡的丈夫用溫暖的手一邊撫自己濕潤的面頰, 一手抱著需要安慰的兒女.
為何平日剛毅不屈, 正經八百的鐵漢變得如此柔弱?
為何影像開始變得模糊不清?
為何各人眼都都泛著閃爍的波光?

直至現場只剩下咽嗚的抽泣聲漸漸遠去...
直至視線變成分散, 思想變得混沌...
直至聽到自己虛弱的心正在喘息...
直至...

彷彿再次聽到嬰兒的叫喊聲...

咇...

一切都完了...






作為孫兒, 不能見到最後的一面, 有所遺憾...
作為兒女的叔伯姑姐父親, 用眼淚獻給他們的母親,
希望他們不會愛得太遲而後悔...

面對如此近親的離去, 我竟然沒甚麽大悲慟, 只有無限的感慨...
失去一半靈魂的祖父及各位, 請保重!

永遠懷念, 如此生疏又接近的--祖母...


28/JAN/07 DARK SUNDAY

>>January 29, 2007 at 12:28:26 PM GMT+8

2007 年 1 月 3 日 星期三 【乍寒還暖】

剛睇到隔離個FORUM D人話呢度就黎執...

個心真係寒左一寒!

我用左呢度打日記都有五年!

人生最精彩果五年, 你做過D咩?
幾時先係你最精彩果五年?

係咪每個人都必經ge中一至中五?
第係你同男/女朋友一齊果d日子?

對我黎講, 果五年係o係呢度寫日記ge五年--最豐富回憶果五年!
呢度乜度有, 所有ge回憶,
暗戀, 明戀, 相戀, 失戀, 愛與被愛, 一切開心同唔開心...

如果呢一切一切比人淘空, 我ge人生將會變得好空洞...
不敢想像...!

眼見好多朋友ge日記已經o係showhappy度消失,
去左其他好先進ge blog度打日記, link to link, fds with fds.
但我依然無諗過要放棄呢度ge日記,
呢度可以悄悄話, 留言唔駛登入同埋將日記本曝光...

我只係需要一個框框, 一個只係屬於自己ge框框,
已經唔再在乎人氣係咪爆燈,
我淨係想用自己ge文字去填滿個一個框,
用自己ge回憶儲存o係每一格...
我淨係要一個咁樣ge空間!


開始踏入第六年, 第一篇就要寫呢d咁ge野,
好似有少少傷感...

anyway, 希望一切如果, 繼續showhappy!

>>January 3, 2007 at 2:14:37 PM GMT+8

2006 年 12 月 15 日 星期五 【乍寒還暖】

剛剛去完pizza hut staff fun, 又中左奬!
記得上次好似中左惠康現金奬100蚊,
今次竟然係第一個比人抽中, 57號!

真係unbelieveable!
細奬...一個卡通杯...真係唔該晒, 多謝晒...

不過而家d抽獎運, i mean橫財運好過早兩年好多!
以前想中下六合彩都難, 而家久唔久都會中下廿蚊,
而且大型抽奬都可以比我混水摸魚, 執到d細奬...!

算啦...橫財ge野, 唔好恨咁多!




今日lunch撞到twins 經理人mani, 真人靚過上鏡呀~!

>>December 15, 2006 at 2:20:41 AM GMT+8

2006 年 12 月 2 日 星期六 【晴】

今日係阿妹畢業ge大日子, 話晒佢都要上台講野,
所以特登著整齊d黎襯返個場合!

原來佢father & mother都唔識行過去, 咁我唯有一個人等佢地入一齊入場啦!
估都唔估唔到阿妹個honey都會去...
shit! 咁仲駛咩叫我同阿shan黎....~"~
我地就好似阻住佢地咁!!

i m ready proud of her!
阿妹太強喇, 真係好叻!
聰明又醒目, 所以上完明報之後,
poly u又要佢做students representor講野!

影完相就食野, 食完野又影相!

之後就同patrick + 妹 + 佢媽媽去意粉屋度dinner,
點知auntie 請我食...=o="

然後auntie走先, 我地三個人去左睇"恐懼鬥室"!
爆腸, 爆頭, 絞刑...

諗得出都有...不過比我想像中有深度, 唔係一味的核突!

十點幾就走喇, 返屋企...好累呀...!

>>December 15, 2006 at 2:13:54 AM GMT+8