2006 年 7 月 10 日 星期一 【乍寒還暖】

8/7 星期六

同mango由三點幾傾到六點幾先收線...天光!
跟住瞓左唔夠一個鐘,
阿妹morning call我...叫我起身返工...
傻妹, 我而家五天工作呀~!

然後瞓到十點幾就要同mom and崑出去唱k,
我地三個人去左富豪唱, 唱到三點先走,
跟住就join埋may e同佢老公仔仲有阿婆,
原來我個小表妹呀, 勁叻, 玩扒行大賽win左個全場總冠軍!
足足win左九十九個bb呀!!!

然後同崑去左揀阿妹份禮物~
又碌左咭喇, 不過算啦!

買完野去埋library就返屋企食飯,
呢個咁人齊ge聚會只係一個week得一次...

八點半我同阿妹出左mk行,
我就無買野, 阿妹買左條牛記....= ="
食埋糖水就走喇, 勁中....@.@"

凌晨三點, 德記大戰葡記...睇到半場就頂唔順訓喇!




9/7 星期日
第二日醒返就已經係兩點, 打左舖機就換衫出門口,
同崑食埋個"brunch" + tea 就返工...p記...返四九.

今晚竟然係aux埋頭, 自從我抽身離開之後,
好似係第一次埋頭, 勁旺!!

收九即走, 陪埋阿妹去買波, 佢約左人走先,
我返p仔等埋阿榮去食宵夜...
食食下野sylvia竟然用手提打黎,
親口講左個驚人ge消息比我知...真係好震驚!!
聽得出佢好唔開心...一個經理竟然會比人搞到咁,
背後搞風搞雨ge人興波作浪左好多野...
祝佢地含笑半步釘!!

返到屋企等法意大戰,
chris話齋"工就日日都有得返, 世界杯就四年一次",
所以豁左出去啦!
都不枉我唔訓覺, 勁好睇, 最後係意大利假波王國win左,
不過今次睇唔出佢地有打假波~

*又四年喇...呢個日記原來經歷左兩次world cup!



10/7 星期一
訓得兩個鐘就要起身返工,
火車上面好多人都係有個黑眼圈~
返到公司, 班c奶原來都有睇到!
哼~

所以今日全日都勁中囉...
又係無電腦用...無乜野做ge日子真係難捱!
軟禁咁...

放工趕住返屋企睇神鵰,
好正, 原來睇過一次小說再睇電視劇都係咁正,
縱使無左神秘感, 但係親切感同埋感染力一d都無失色!

依然都係好眼瞓...

>>July 10, 2006 at 11:36:37 PM GMT+8

2006 年 7 月 7 日 星期五 【晴】

happi bday to rachel! 唔經唔覺我地已經廿二喇....真係好老好老...

六點起身morning call阿妹, 叫佢七點幾morning call返我~
今朝都係睇返尋日收工前整理好ge notes...
有好多數都唔係好明....最衰又無電腦試下!

lunch又係得我一條仔帶飯...
成班我最討厭ge八婆o係度食飯吹水講女人野, 勁嘈!

食完飯去左銀行拎錢, 順便入貨~
不過又用左五十幾, 八達通又要入五十,
d一百蚊就好似秋天ge枯葉咁, 一張又一張咁跌晒唔知去邊...

三點幾又教新野, 仲煩過尋日...
原來一隻船ge planning要做咁多野...
原來jimmy係咁勁, 原來班人個個都咁勁,
一個人睇三條line, 係同時間...
shit!
今個summer有排煩!

收六即走!
返左粉嶺買埋個杯比自己,
廢事仲用fai lai yee個杯啦,
畢竟我同佢都唔係同一間公司,
借左咁耐都應該要還!



初嘗五天工作, 就好似返學咁,
到左星期五就好想出街!


點解我唔搵你...?
開心小天使唔開心喇...

>>July 8, 2006 at 1:25:24 AM GMT+8

2006 年 7 月 6 日 星期四 【酷熱】

今朝又係如常咁坐o係度呆...
點解遲遲都未有人黎教我野?!

悶又唔比訓, 真係好難受!

lunch之前, anny走埋黎同我講, 晏晝就開始教野!
振奮!

lunch原來全層得我一個男仔帶飯,
zim真係唔同d, d人發左達咁, 日日都出去食飯?!
食完飯訓左半個鐘!

到左差唔多三點, anny先拎左佢d booking report過黎,
仲有好多planning同埋email同我解釋...
好複雜!!!
原來可以咁難!

六點多d就走喇, ot而家無錢, 又無野做, 仲同佢搏咩!

夜晚都係無聊咁過...

睇到大忙人日記, 佢生日o個晚, 原來出左去同我d好朋友食飯,
但係點解我d好朋友一個都無叫我出席呢,
而且夾份送禮物都唔預我...
我之前一日請佢食左飯, 只係代表我額外心意...
至於...算啦, 既然咁多個人都無預過我,
今次一定係我自己有問題...
話我小器又好, 點都好, 有時唔講出口就係誤會...

不過, 心水清都知道, 只有比自己更小器ge人, 先明白小器鬼諗咩!
大家一直都鬥氣, 不過最緊要唔好令主角唔開心就得喇...

>>July 8, 2006 at 1:15:41 AM GMT+8

2006 年 7 月 5 日 星期三 【酷熱】

今日返工都係無人教我做野,
一條友o係度坐, 好在rosita授權比我做野,
繼續做"影帝", 幫佢print email.

得閒o個陣真係好得閒,
拎返起支鉛筆, 畫下野!

今日畫左八個鼻同埋六個口,
有男有女, 而且係唔同角度同埋唔同形...
嗯...係時候練返喇!
其實都畫得幾好, 有埋shadow,
而且刻意表現個tone同埋明暗ge contrast,
原來真係靚好多架!

到左五點幾, 終於對自己唔再迷惘,
因為個新老細就真係個韓國女人ms. jung,
d英文又快, 又講得唔正...~"~
真係要估囉...!

收六點半, 收工之前上返十七樓度拎letter,
人事部話加左我人工, 到七千蚊,
咁我條氣都順好多, 起碼五天工作!


收工返左上水拎智能仔, 張相都ok la...

>>July 5, 2006 at 10:36:01 PM GMT+8

2006 年 7 月 4 日 星期二 【晴】

今日都係如常咁返工,
都係好似尋日咁, 一樣野都無做過!!!

其實真係好唔想咁樣, 罸我坐?!
又唔比訓!

睇住roy有人教佢野, 我自己就一個坐o係jimmy後面,
乜都無做過...其實真係想幫jimmy做返我以前ge野呀,
可惜因為我已經唔係跟rosita, 所以唔可以做野...

我今次黎跟個老細係個韓國女人ms. jung....=o="

到左放工, 我真係直接走去問人事部我同roy ge duty係咩?
答案係...佢都唔知....
shit!

另一位經理就幫我地去問...終於都firm左就係跟ms. jung...
而其他野都會幫我跟...

唉...今日真係幾乎決定要搵過第二份工架喇...
畢竟對shipping興趣不大, 可能自己又唔困得,
做呢份工只係糊口...
邊個叫我無錢!

>>July 5, 2006 at 1:30:30 AM GMT+8

2006 年 7 月 3 日 星期一 【晴】

今日係正式成為zim員工ge日子,
心情好緊張, 唔同以前落去help咁,
因為講到尾落到黎就無第二次機會,
我當正自己新人...

同roy落左去報到...又見o個班女人...
一個二個白鴿眼咁, 又要黑面...
排外心態真係好強, 尤其係對住男仔...!

我同roy分開坐, 我就坐番以前坐開個位,
但係我全日都無做過任何野...
反而roy就有人教佢野...

點解會咁...比人睇小?

有心定無意?

返工真係返好唔開心...




放工約左第二個妹kammy o係沙田等,
因為約左佢好耐架喇, 成日都有原因而出唔到黎食飯,
對上一次見佢都有兩年喇...
今次見返佢又好似瘦過以前!

佢陪我去左揀野, 最後買左一半, 仲有一半要星期六去拎同埋買,
跟住我地去左個美食坊度食, 唔記得左間日本料理叫咩名啦,
一人食左八十幾, 我請啦今次!

跟住就返左屋企喇...好累...又唔開心...

>>July 5, 2006 at 12:44:20 AM GMT+8

2006 年 7 月 2 日 星期日 【清涼】

尋晚收左工都已經十點,
趕頭趕命去左阿妹屋企,
我地又打牌喇!

上到去原來都未人齊ge...~

過左陣, 英格蘭大戰葡萄牙, 唔好睇ge~
都一早講左英格蘭會八強止步~

跟住就開始打牌, 今日手風甚順!
係咁自摸呀!!

然後到巴西對法國...
睇完之後覺得巴西...抵啦,
自己一手做成!

然後又繼續打牌, 都係好順...
打到七點幾, 最後結算win60幾(一蚊番),
都好過無啦~

果然係"情場失意, 賭場得意"....
我應唔應該開心呀?

同suki撘車返粉嶺, 我係咁中...


返到屋企十一點幾, 跟住就訓到四點先起身...

全日都無做過d咩, 休下息睇下碟,
睇左一隻獨家試愛....唉...

>>July 4, 2006 at 1:04:52 AM GMT+8

2006 年 7 月 1 日 星期六 【乍寒還暖】

今日十二個幾起身, 個人好有衝勁!

決定同崑去碌lane!

打得好屎丫...勁耐無打,
最低分得60幾70...
不過否極泰來, 越打越好~
仲撞到夜校同學hing同埋佢個高挑異性朋友桐桐,
我地四個一齊打, 有一局我打左148, 都ok好啦,
而hing就叫我教佢打, 佢都打得ok wo!

打到五點半先走,
我要返p仔, 五點五十九分拉卡...好在無遲到...!

待續...

>>July 2, 2006 at 9:14:27 PM GMT+8

2006 年 6 月 30 日 星期五 【晴】

一個平凡ge星期五, 發生左d特別ge事...

正當sort單sort到進入迷幻之時...
人事部wong小姐召左我入佢房.

開頭以為佢同我講關於試用期ge事, 因為十九號就夠三個月,
點知佢一開口就係一個又一個令人窒息ge消息...

1. 呢間star shipping agencies留我唔住,
2. 決定正式終止我試用期, 因為:
3. zim正式向我招手!

驚人消息一浪又接一浪...

4. zim同我ge合約就由1/7開始, 即係話今日係我last day!

holy shit....
不如等三號先同我講丫...所有野都無心理準備!
正當迷途之時感到好惆悵,
但係竟然有機會o係大公司度做, 心情好唔知點!

戀戀不捨?

始終o係zim返工唔係太開心, o個度d人排外心態好強烈...
17樓star shipping d人好好多, 而且真係開心好多!

但係為左前途, 為左張覆歷靚d, 無得揀之下就決定去zim...

出返去做野, 另一位都會調落去做ge同事, 周圍都洋溢住羨慕同埋恭喜之情...
其實...有好多野佢地都唔知, 真係有苦自己知,
跟本就係兩個世界, 佢一定唔會諗到佢唔可以再講野大大聲,
又一定唔會諗到陰盛陽衰有幾咁可怕,
又一定唔會想像到身處star shipping其實係好幸福!

而我...?
其實真係唔係太開心, 因為我身為主角之一,
竟然係最後一個知:
內綫打去同fan lai yee講我last day,
一把冷酷ge聲音傳黎, "我知啦一早"...
............

唔為我高興?
無反應比有任何反應更可怕...

原來佢早我一日就知,
可憐ge我係咁遲先知...
無面無地位, 連唔關事ge人都知!
我係最後一刻...同"單聲"比我知有咩分別?!

原來我一直都係一隻棋子...


收工前盡力為ricky佢地sort晒d單先走,
七點前正式同star shipping脫離關係....
再返黎就係zim ge人喇, 好亂!



我希望我ge開心小天使為我帶來快樂,
小m係我最後一著...
同佢去左食飯, 又聽佢up左好多野,
我自己無乜點講過, 不過佢睇得出有野想講,
然而佢估錯左第二個topic, 都係ge, 我同佢少講公事,
講親都係我同佢之間ge私事...!

原來...原來佢生性左喇,
原來佢已經唔係我上年識o個個,
一半開心, 一開傷心~!!

原來, 一日知到咁多突如奇來ge消息, 係咁難消化!!



英葡大戰, england八強止步啦!
哈~

>>July 2, 2006 at 9:04:03 PM GMT+8

2006 年 6 月 30 日 星期五 【晴】

每人都有一首主題曲, 這主題曲正代表每個的情格, 情感, 或生活......
以下這首是寫妹妹,
希望如她所想, 送上無限祝福!


princess diary


雖說幸運半生　愛念仍難靠運　那一吻　如自困　慨嘆一切是愚笨
一再夜夜去等　卻亦無從靠近　看魔鏡　沒指引　錯愛毫無疑問

彷似淡淡的愛　卻沒存在　往昔記憶沉在腦海

公主一心志願做平凡女子　當中單戀者故事誰在意
縱會期待騎白馬　沉醉舞池　亦淪落至此
淺灰色簡樸哪像華麗舞衣　何解放下名利　犧牲都願意
泡沫隨著情漸散　無從靠依　方知太遲　當天太大意

聽到舊日愛歌　盼望仍能唱和　你怎會　懷念我　致我苦痛亦無助
走到絕望處境　怪你亦沒反應　真愛找不到見證　滿佈迷霧　未看清

公主一心志願做平凡女子　當中單戀者故事誰在意
縱會期待騎白馬　沉醉舞池　亦淪落至此
今生一早註定是皇族女子　何苦犧牲太多　他都永不在意
泡沫隨著情漸散　無從靠依　可惜這時　他都不介意

縱是遺留著痛哀　都要將一生中深愛　記在腦海　冀盼來日　亦會相愛


>>June 30, 2006 at 1:55:31 AM GMT+8