|
2007 年 2 月 24 日 星期六 【晴】
 小 富 婆 ： 擔 心 俾 人 跟 蹤 ， 冇 覺 好 瞓
博 彩 局 管 賭 場 巨 細 無 遺 澳 門 新 舊 博 彩 法 例 比 較
回 歸 前 澳 葡 政 府 ：
禁 止 未 滿 18 周 歲 人 士 進 入 賭 場 ， 如 賭 場 內 發 現 每 一 名 未 成 年 人 士 ， 賭 場 會 被 罰 款 4,000 元
2001 年 頒 行 的 《 娛 樂 場 幸 運 博 彩 經 營 法 律 制 度 》 ：
禁 止 未 滿 18 周 歲 人 士 進 入 賭 場 ， 但 刪 除 賭 場 發 現 未 成 年 人 士 的 罰 則
2007 年 擬 訂 新 例 ：
禁 止 未 滿 18 周 歲 人 士 進 入 賭 場 ， 即 使 未 成 年 人 士 在 賭 場 內 賭 博 中 獎 ， 也 不 會 獲 得 派 彩 
楊 啟 彥 寓 所 濾 水 器 帶 菌
疑 因 使 用 呼 吸 機 染 退 伍 軍 人 症
  
清 潔 水 源 防 退 伍 軍 人 症
‧ 本 港 食 水 加 入 氯 氣 可 殺 死 病 菌 ， 但 食 水 會 流 經 未 必 定 期 清 洗 的 大 廈 水 管 ， 故 建 議 煮 沸 才 飲 用
‧ 家 用 濾 水 器 必 須 按 產 品 說 明 定 期 更 換 濾 芯 ， 以 免 積 聚 病 菌
‧ 每 三 個 月 清 洗 一 次 大 廈 水 箱 ， 如 有 需 要 應 增 加 清 洗 次 數
‧ 家 用 呼 吸 機 必 須 採 用 無 菌 水 ， 不 應 使 用 自 來 水
‧ 以 60 ℃ 以 上 煲 水 5 分 鐘 即 可 殺 掉 退 伍 軍 人 症 病 菌
退 伍 軍 人 症 Q&A
Q ： 甚 麼 是 「 退 伍 軍 人 症 」 ？
A ： 此 病 是 以 肺 炎 為 主 的 急 性 感 染 性 疾 病 ， 病 徵 包 括 發 燒 、 無 痰 的 咳 嗽 、 呼 吸 困 難 、 疲 倦 、 頭 痛 、 肌 肉 疼 痛 、 腹 痛 及 腹 瀉 ， 可 致 命 ， 此 病 是 由 吸 入 含 退 伍 軍 人 桿 菌 的 水 霧 引 起 ， 並 非 由 人 傳 染 ， 潛 伏 期 2 至 10 日 ， 可 以 抗 生 素 治 療
Q ： 是 否 任 何 人 吸 入 退 伍 軍 人 桿 菌 就 會 得 到 退 伍 軍 人 症 ？
A ： 桿 菌 主 要 在 淡 水 和 泥 土 存 活 ， 多 在 冷 卻 水 塔 發 現 ， 大 部 份 人 有 抵 抗 力 ， 約 5% 吸 入 者 會 得 病 。 長 者 、 吸 煙 人 士 以 及 免 疫 系 統 較 弱 者 屬 高 危 群
Q ： 煲 熱 水 時 所 噴 出 的 水 蒸 氣 ， 會 否 帶 有 病 菌 ？
A ： 60 ℃ 以 上 的 高 溫 可 殺 死 此 病 菌 ， 煲 水 或 熨 衣 服 時 所 產 生 的 水 蒸 氣 溫 度 近 100 ℃ ， 病 菌 難 以 存 活 。 但 美 容 蒸 面 機 及 桑 拿 浴 室 內 水 蒸 氣 ， 溫 度 或 低 於 60 ℃ ， 理 論 上 可 傳 播 ， 但 未 有 醫 學 證 明
資 料 來 源 ： 傳 染 病 醫 生 勞 永 樂 、 呼 吸 系 統 科 醫 生 陳 嘉 榮 、 家 庭 醫 生 關 嘉 美 、 衞 生 署
跑 車 掃 欄 司 機 爆 頭 命 危
 
究竟今年係「金豬年」定係「火豬年」呢? 撞車又同流年有冇關o既呢?
但年初一到而家好似已經有幾單撞車,仲有係個車頭爛晒o既新聞了 ~ 同風水命理有關嗎? 同司機或者肇事車輛o既保養或性能有關嗎? 同天氣有關嗎?
今晚都好似前幾日咁攰喎 (同性格 / 流年 / 天氣有關嗎?) 聽日會唔會唔夠精神開工呢? 聽日有冇利是逗呢? ~ 其實如果早幾日見到個信義會姑娘或者呢幾日落多o的街同o的公公婆婆打招呼可能都可以逗多好多封利是呢 ... ...
神 根 公 約 國 免 BNO 簽 證 前 往 歐 洲 17 國 家 更 方 便
如果聽日唔夠精神 或者冇利是會好大鑊的 ~ 原來尋日去一去機場已經駛o左三百幾蚊啦 ~ 三本書都已經二百幾加埋車錢食o野就三百幾喇 但點都好過 ... ...
周 杰 倫 請 臨 記 時 薪 9 蚊 又或者 ... ...
 
謝 安 琪 婚 宴 我 都 著 Tee
究竟發生咩事呢 ~ 佢地兩個係咪分o左手呢 ~ 關唔關《神奇網網》事呢? 如果真係分手 ~ 係好事定係壞事呢? 24日 Sat 23:49:18
>>February 26, 2007 at 2:20:26 AM GMT+8
2007 年 2 月 23 日 星期五 【陰】
 打工皇帝呀!
屋 內 設 有 觀 光 電 梯?!
 10 億 元 豪 宅 之 王 客 房 逾 百 間?!
倒 車 撞 斃 父 女 司 機 囚 8 月
死 者 家 人 聞 判 嚎 哭 ： 判 得 太 少
 
冇陰公呀!
失 車 離 奇 沉 西 環 海 中
精 英 大 師 周 日 最 後 踏 跑 道
馬 圈 人 論 精 英 大 師
唔知星期日會有幾多馬迷為o左睇精英大師而入馬場呢?
未夠十八歲 通常都唔可以入馬場 ~ 但呢位未夠秤入o左賭場 贏o左錢但賭場因為佢未足歲而唔認數o既 阿 彤 74 萬 或 失 而 復 得
 初頭見到報紙頭條寫「阿彤」仲以為係鄭裕彤呢
睇見今日好似好多奇怪 / 特別特聞
但聽日o既頭條可能仲奇怪 ~ 原來楊啟彥係死於退伍軍人症的 ~ 仲係首次o係食水過濾器同氧器機內發現退伍軍人症o既病菌 ~ 不過都係今日先知原來退伍軍人症o既病菌多數存在於食水(供水系統)而唔係冷氣機 ~ 唔怪得知成日要洗水箱啦
機 場 新 客 運 站 下 月 啟 用
終於今日去o左二號客運大樓o既翔天館了 ~ 成個新客運大樓雖然冇「舊」客運大樓咁大 ~ 但感覺上好寬敞 好舒服 ~
之不過就係唔記得搵張櫈坐得
睇完戲望出去個夜景仲好靚添 ~ 但因為要趕搭巴士同買天下餃子就冇逗留太耐了
機場而家開o左兩間新o既書報社 一間叫RELAY 一間叫經緯 ~ 唔知係咪因為咁 原本o既兩間有間已經執o左 而淨返o個間(NOBLETIME)o係一號客運大樓o既下層 (抵港層) o的書全線八折
買o左本Paulo Coelho (牧羊少年奇幻之旅作者) o既Warrior of The Light 折o左六十四蚊乍
睇見佢本新書(個名唔記得o左)後面有另外十本著作o既介紹就睇中o左呢本同埋Veronika Decides To Die 覺得幾特別
後者新o個兩間舖頭都有 但就冇前者 而NobleTime就只有Warrior of The Light 而冇Veronika Decides to Die
都幾得意 坐A33返o黎時就睇o左幾版 ~ 書入面o既幾分鐘 真係用o左幾分鐘o黎經歷呢 ~ 都幾「搞笑」 ~ 但唔知再睇落去 本書會唔會好深?!
o係Relay 仲買o左本唔知係今日買o既三本書最淺定係最深o既書 《其實，佛不是佛 你也不是你》
硬係覺得三本書都好似係圍繞住同一個主題恁樣
《莎樂的神奇網網》好好睇呀 ~ 間4D超立體巨幕影館o的特效仲好新鮮添 (對寡人這個大鄉里o黎講)
同其他戲院唔同 o係放映機(菲林)前面 唔係淨係得道光投射去螢幕度 原來仲有個成15吋o既「小螢幕」 ~ 唯一美中不足o既可能係 個戲院唔係闊銀幕 而係4:3
初頭仲擔心 如果要睇埋佢o個o的4D特效o既戲 會唔會撞時間 ~ 原來佢係得一個館 一個「全亞洲最大4D銀幕」而已
又原來o個o的4D特效o既戲 雖然係間影館o既賣點 但原來它們的放映時間不過時用來「攝時間」而已
事關 套啥《白馬奇緣》得14分鐘 就承惠50個大洋了 相反《Charlotte's Web》97分鐘 一樣有特效 (係冇4D) 都「只係」70個大洋 (o係IFC / Pacific Place睇要80個大洋的) 就好似抵好多 ~ 但睇落套《白馬》都吸引到唔少空姐 可能因為套戲唔長啦
本來都想睇下套4D 不過 睇完個海報就唔想睇了 ~ 本來對《沖天行動》有o的興趣 ~ 但好似落o左
同埋 原來佢40蚊 可能得10分鐘都唔定添 ~ 想睇4D 或者要等下期了
一心以為今日又可以得到兩張「優先場」o既《英女皇》戲飛 ~ 點知冇呢
睇100台o既得場名單 原來姓李o既都係得三幾個人中場乍
唔知過幾日 係咪都唔會收到now.com o既《英女皇》戲飛呢 ~ 不過有時間o既話都一定會買飛入場的
返o黎就坐A33 真係快過E33好多呀 ~ 不過o的天下餃子都已經唔熱了 不過返到屋企有驚喜 原來肥姑姐o黎拜年時送o左部2手 聲寶2合1 14吋電視o黎呀
畫面仲好清添 ~ 係冇雙語麗音 ~ 同埋如果條天線如果個位唔正 畫面就會得番條線
部舊o既14吋 (可能都唔及呢部2合1舊) 就可以等收買佬o黎要o左佢喇
雖然多番部電視 但今晚播o既奧斯卡得獎電影 《Lost In Translation》 都差唔多冇得睇 ~ 睇o左少少開頭之後 就要出返廳 等翡翠台賣廣告先有得睇 ~ 唔知係咪因為恁 定係因為個編劇同導演係哥普拉個女 ~ 所以到套戲做完 其實都唔係好知佢講乜 / 想講o的乜 / 表達o的乜
其實戲院上時已經好想睇的了 ... ...
另一發現 (唔係驚喜) 係原來《海猿》漫畫同劇集 o既情節有o的前後癲倒 ~ 當然劇集亦唔夠漫畫詳細 (有刪減) ~ 套劇大概係漫畫o既頭七期 之後o個五期o既情節同節奏分別應該好大 ~ 但都冇理由劇集同漫畫o係重要情節上會有咁大o既先後分別掛 ... ...
呢o的 都係唔講住 ... ... ~ 原來一集都冇睇過o既《玻璃面具》終於做完 聽日同樣時間就做阿妹好想睇o既《怪醫黑傑克》 ~ 之但係佢同阿邊個邊個已經受寡人影響 決定夜晚去睇《莎樂的神奇網網》英語特效版了 ~ 唔睇片尾字幕真係唔知原來隻蜘珠係Julia Roberts 亦當然唔會知道隻公鵝係Robert Redford啦
聽日 原來冇得做《多啦A夢時光機》呀 ~ 恁又唔知幾時先有得《多啦A夢》了 ~ 不過下晝813台有得睇張韶涵 仲有佢新碟o既歌聽 ~ 所以今日唔睇《頭條新聞》出o左去睇戲呢個決定冇錯 ... ... 呵呵呵! 24日 Sat 02:29:07
>>February 26, 2007 at 2:09:47 AM GMT+8
2007 年 2 月 22 日 星期四 【晴】
唔知今晚會唔會再一次唔記得睇沈星o既《美女私房菜》呢
好難得o係亞視,而唔係鳳凰衛視都有得睇的
之但係播咁多晚就咁多晚都冇睇
另一樣唔記得睇 又或者係 唔知道有得睇o既就係《人在江湖》了
原來舊年十二月十四號已經開始逢星期四晚播的了 ~ 但就係因為十二點幾先播就一路都唔知
天呀! ~ 已經播o左十集喇 ~ 但究竟呢個係第六輯定係第七輯呢
但最激氣o既就係自零三零四年(o個時仲讀緊副學士)播完《人在江湖》第四輯》之後都好似冇播過第五輯喎 ~ 點解而家無啦啦整個第六輯定第七輯出o黎呀 ~ o個時都仲係十點幾做 而家竟然半夜做
第四輯得十三集 ~ 咁而家播緊呢一輯咪就快播完?!
咁唔知道無箭又會幾時會播埋《Six Feet Under》o既最後一輯呢 ~ 唔會播o左掛?! ~ 上次播o個輯應該係第四輯,而唔係第五輯呢 20日 Tue 03:36:12
朱 茵 籌 備 完 美 婚 禮
  
>>February 23, 2007 at 1:15:23 AM GMT+8
2007 年 2 月 22 日 星期四 【雨】
尋晚屋企竟然為單意外係點樣發生 ~ 個司機(BB爸爸)點解會撞車而拗一大餐
今日再因為BB媽媽係點抱個BB同埋個BB有冇被拋出車外而嗌交 ~ 都唔知有冇搞錯
人家一家三口這樣滅門已經夠慘的了 ~ 但這是不同報紙報導上有偏差的關係嗎? 當然不是了 .. .. ..
少 女 肚 痛 入 院 10 小 時 暴 斃
家 人 指 屯 門 醫 院 失 誤 奪 青 蔥 生 命
  
真係斷錯症?! 係o既都唔知點講好 ~ 但零四年如果遲o的入院 ~ 盲腸炎變腹膜炎 ~ 遲o的入院都可能真係會死人的
不過這裡是遲了兩日 ~ 都唔知講咩好 ~ 關唔關食涼粉事呢
之但係新聞話後生仔女 抵抗力好 盲腸炎 o的小腸嫌快會包住條小腸 ~ 好小會變腹膜炎的 ~ o者係抵抗力差?!
梗係啦 ~ 唔係點會搵唔到工丫
盲 腸 炎 不 難 診 斷 手 術 須 及 時
百 佳 豬 肉 藏 兩 吋 長 針 頭 店 方 闊 佬 懶 理 投 訴 人 斥 「 冇 得 救 」
 
今日又冇去到睇戲 就連晏晝都冇食飯 ~ 聽日出去好唔好呢
但聽日唔出 後日唔出 都唔知幾時出去好了
頭先個姓劉o既agent打o黎 ~ 問幾時過數 ~ 都一早同佢講個家長暫停兩個禮拜
最快下星期入數 ~ 無啦啦又打電話o黎 ~ email亦同佢講o左 個o靚仔都好似唔想補數學恁 ~ 呢兩次差唔多冇掂過數學 ~ 佢又好似扮唔知恁 ... ... 搞錯呀
就好似呢單新聞恁 一樣咁搞錯 ... ...
西 鐵 免 費 搭 烏 龍 扣 客 錢
尋日免費搭車四個鐘 ~ 不知幾多人都走去貪小便宜 ~ 睇新聞 有人嫌四個鐘大短 點解唔全日
亦有一o係一點後先出閘就問點解扣我錢 ~ 大佬呀 ~ 人地話九點至一點免費o麻
唔通你八點半上車 九點後先出閘又免費?!
真係吹漲 衰得過九鐵又肯退錢 ~ 真係離晒大譜
點解唔夠秤又可以入場 入o左場 畀佢中o左獎 又唔肯賠錢 ~ 都唔知邊樣離譜o的 .. .. ..
今 往 澳 門 博 彩 局 交 涉 中 空 寶 16 歲 女 誓 向 金 沙 追 討
>>February 23, 2007 at 1:00:23 AM GMT+8
2007 年 2 月 21 日 星期三 【雨】
 
迷 幻 男 燒 屋 36 樓 爬 窗 逃
原來呢個「特技人」唔係大膽或者身手好 ~ 而可能係因為索打火機油 自己做緊乜都唔知
屋入面另外兩個人 被消防員救出時都唔知發生緊咩事 「毒品」害人又一例證
八點幾去到醫院 拎o左籌之後 有個醫生同個度高磅重o既講「生意興隆」 除即o虛聲四起 怨聲載道 有人還說那醫生不負責任呢
之後那度高磅重的就即刻幫醫生打完場話係佢屋企做生意 所以醫生先祝佢生意興隆 .. .. ..
不過其實要佢地生意興隆唔難 ~ 因為現金社會真係比以前多o左好多中o左 要幫襯佢o地o既機會呢
尋晚無意中發現now財經台有單新聞話原來睇電視會令女孩早熟
仲可能令人更易患老人痴呆 同埋甚至會患癌呢
原因係睇電視會阻止身體製犄賀爾蒙退黑激素o既能力
退黑激素唔夠會影響免疫系統同睡眠質素 而退黑激素唔夠對女童影響就更大 ~ 唔單止係冇咁白咁簡單,而係會加快女童o既生理變化,令到今時今日o既女童比起幾十年前o既更加早熟
另一方面,睇電視對中年人士o既影響亦唔細,專家警告 退黑激素不足仲可能影響細胞o既DNA基因突變,有可能致癌
至於20-60歲o既成年人,睇得電視愈多仲會增加佢o地患老人痴呆症o既機會
研究員呼籲家長應自小開始減少子女睇電視,這不單止對小朋友好 仲可以減省國家將來o既醫療開支 .. .. ..
所以 想生意興隆 ~ 醫生應鼓勵市民多o的睇電視啦
問題係 係咪開住電視就已經會阻止退黑激素o既生長/出現呢
如果係有光就會 唔單止睇電視啦 開箋燈都會啦
咁以前關德興話佢晚晚開住燈訓覺呢 都九十幾歲啦
如果睇電視都會 咁上網呢 去夜街呢 落disco呢 ~ 成晚唔訓呢 都會個喎
邊有得避呀 .. .. ..
不過睇完呢單新聞之後 半夜三點幾 都睇埋個Pearl Report 話原來市民好多人造牛油或氫化植物油都會有損健康的 只有可以增加HDL (好膽固醇)之餘又可降低LDL(壞膽固醇)水平o既純天然植物油先至好
但問題係 好難搵 出街食 或買現成食物就更難避免
中英文食物標籤又唔同 同埋出街食 食o左咩落肚根本就唔知 ~
咁一定「生意興隆」啦
每 周 速 步 行 保 心 臟 健 康
講咩?! ~ 就算中一至中五唔計 (小學開始已經差唔多日日都行路返學放學架啦) o係百周同仁濟讀仲奉旨返屋企食飯
中五至中七 仲遠o左添 中六開始一程仲超過三公里 都係半個鐘行完啦 (勁過咩半個鐘2.4公里啦)
仲一日兩轉 一星期至少十轉 ~ 如果要補習 仲唔止十轉添
讀副學士o個陣又係 ~如果o係嶺南上 都超過三公里 o係Parklane上都超過兩公里
如果返屋企食lunch時 可以一日四轉 如果要幫人補習就可能一日五轉
咪一樣係有病!! ~ 真係吹漲 22日 Thu 00:39:08
上 戸 彩 拯 救 大 飯 店
近 日 日 本 翻 拍 韓 片 成 風 ， 日 本 朝 日 電 視 台 前 日 宣 布 將 翻 拍 韓 星 裴 勇 俊 主 演 的 陳 年 舊 劇 《 情 定 大 飯 店 》 ， 並 於 4 月 啟 播 ， 由 青 春 女 星 上 戸 彩 主 演 。
引 發 三 角 戀
新 劇 會 以 彩 妹 飾 演 的 酒 店 女 經 理 為 中 心 ， 講 述 酒 店 面 臨 被 收 購 的 危 機 ， 眾 人 出 力 救 亡 ， 彩 妹 受 委 託 尋 找 她 曾 暗 戀 的 前 酒 店 副 總 裁 ， 二 人 會 跟 獵 頭 公 司 負 責 人 引 發 出 一 段 錯 綜 複 雜 的 三 角 戀 。
原來未搵到男主角 套戲就已經可以落實幾時出街的了 ~ 都幾出奇!!
>>February 23, 2007 at 1:21:44 AM GMT+8
2007 年 2 月 21 日 星期三 【晴】
![義務爹]
<br>演員表
<br>江口洋介 上戶彩
<br>二宮和也 內田有紀
<br>© 2000 FUJI TELEVISION NETWORK,INC.](http://www.tvb.com/tvb_drama/drama/image/20070221_1049_1.jpg) 《義務爹]》
可以見到近期已經「轉o左做」醫生o既「柏木達也」或「進藤一生」飾演「大西勝男」這個未結婚就做o左四兄弟姐妹o既爸爸
又見到最近去o左柏林影展o既二宮和也 同絕對係童星o既神木隆之介 仲有已經唔知去o左邊o既內田有紀
同埋初出道第一次拍劇o既上戶彩 ~ 這部2000年o既《義務爹]》 各位絕對不容錯過
>>February 18, 2007 at 12:35:23 AM GMT+8
2007 年 2 月 20 日 星期二 【晴】
 
原來尋晚o既煙花係叫做『「 慶 祝 香 港 回 歸 十 周 年 暨 丁 亥 年 新 春 煙 花 大 演 」 』
鄧 小 平 部 份 語 錄
「 白 貓 黑 貓 論 」 最 難 忘
珈 潁 、 吳 亭 欣 爭 做 廚 神
唔知點解 校o左鬧鐘 唔識響 ~ 一醒已經十一點零二分了 ~ 就睇唔到《日日有運行》了
到下晝又唔夠精神 所以就冇出去睇戲了
其實今日篇日記都唔係好知寫咩好 ~ 好似冇咩寫 ... ...
不過尋晚check明珠台時間表就無意中發現 原來上年年尾開始 逢星期四晚已經播緊最新一輯o既《人在江湖》了 每輯得十三集
o者係仲有兩、三集就播完喇 ~ 玩咩 ~ 又唔知今個禮拜 下個禮拜 定係再下個禮拜先入院
都應該睇唔到了 ~ 完全冇賣過廣告o既
唔知大日有機會播第五輯《Six Feet Under》時會唔會唔聲唔聲播埋都唔知架
但上次睇《人在江湖》係第四輯 ~ 轉眼已經第「七」輯?! 但睇HBO網頁原來播到第六輯jor喎 美國都好似未播完
恁幾時播o左第五輯呢?!
今日新聞話維港水質好o左 ~ 之但係原來o的污水就排o左去荃灣、青衣附近水域喎 ~ 荃灣八個泳灘全部唔適宜游水
另外原來「敢秀」花園明渠都出名污糟的 ~ o的水仲排晒去后海灣添
唔怪得知愈來愈少中華白海豚o係香港水域出現啦
《同一屋簷下2》結局是令人開心的 ~ 原來小雪沒有死呢 ~ 但真的唔會排斥嗎?!
>>February 20, 2007 at 11:11:42 PM GMT+8
2007 年 2 月 20 日 星期二 【晴】
遲來了近一星期的"Photo of the Week" 終於出來了
 
 
 
 
>>February 20, 2007 at 12:20:14 AM GMT+8
2007 年 2 月 19 日 星期一 【陰】
源 自 南 宋 僅 六 味 菜
豬 年 搶 閘 B 仔 B 女 湊 成 好 字
 
都好少會o係過年食盆菜 ~ 上次食係劉志鵬導師(屯門區區議員)帶o左一班修讀HK Heritage o既嶺南大學學生去圍村食 ~ 跟埋去先食到
雖然冇食到盆菜 但都去睇o左套「賀歲」片
但呢套可以講呢套絕對唔係賀歲片
如果單睇吳彥祖o既話 《門徒》其實都有o的似《黑白道》 ~ 做臥底最後都係翻唔到身
阿妹話套戲唔好睇 ~ 但我就真係唔識講 覺得片頭片尾都好奇怪 橋段有些地方亦好痴線
可能係因為販毒o既人 或上o左毒癮o既人都會變得瘋狂
就連排隊o既人龍都長得「瘋狂」
由工廠區行落新墟 ~ 經過南洋兄弟煙草股份有限公司 同成條冷冷清清 o既河田街 (平時絕對唔會望到盡頭的 ~ 但今日就可以由街頭直望到街尾 望到河田輕鐵站
但估唔到一到o左巴倫紐 就見到長長o既人龍 ~ 原來連凱都都係咁 ~ 足足排o左半個鐘先買到飛
上次咁長龍o既時候 好似係《無間道》
兩點四開場 十八分先買到飛 但十九分上到去 原來已經開o左場了 ~ 呢樣係唯一唔滿意巴倫紐o既地方 ~ 永遠唔會因為播trailer而遲開場 ~ 反而有時未搭正院方所寫o既開場時間 套戲已經開始o左了 ~ 真係唔知點解 ~ 片尾都畀你cut埋啦 食o左呢幾分鐘 一日都唔夠播多場戲啦
不過 大部份排隊o既人 應該都唔係睇《門徒》的 係睇另外o個三套一級片 ~ 話晒都新年流流o麻 ~ 《門徒》根本就唔係賀歲片
散o左場 依然係咁多人排隊 o個o的人 可能又唔係排《翻生侏儸館》、《莎樂的神奇網網》同埋《森林反恐隊》,而係睇《双子神偷》的
如果話毒品係繼石油同軍火之後全球第三大o既市場 ~ 咁樣煙草應該又排第幾呢
以前成日捐錢去各大慈善機構o既何伯所捐o既錢 算唔算係污糟錢呢 ~ 而佢o既心態又似唔似《門徒》又面o既林昆呢
返到屋企 又睇到單新聞講近年來o既搖頭丸成份愈來愈複雜 亦愈來愈容易食死人 ~ 那麼看來其實《門徒》都幾o岩今日睇的
另一單新聞 (全球暖化系列) 就講到如果兩極冰川融化 全球海平面會上升六十米 ~ 都咪話唔得人驚 ~ 而家睇o黎 呢一日似乎愈來愈近了
由李樂詩講完o個單一o的都唔誇張o既新聞之後 ~ 今晚o既《鏗鏘集》就真係好誇張
究竟香港人係有錢定係窮呢 ~ 原來好多丟出o黎或捐去救世軍o既衫褲鞋襪同埋家庭電器都係十分新淨或價值不菲的
而節目中o既幾位主角 都可以話幾大o徙呢 那個樹仁學生的購物慾同自圓其說o既心態和口吻就更是要不得
不過那個屯門醫院C3病房o既Rachel姑娘就真係未見過
除o左8字煙花同笑臉煙花之外 ~ 今晚有好多款煙花 包括「吉」字煙花、金元寶煙花同「豬鼻」煙花 ~ 但豬鼻時間就維持得太短了
這個「豬鼻」唔爆到最尾都唔覺佢係豬鼻添呢
因為屋企要睇《同一屋簷下》同《迎妻接福》都唔係點睇到《不能見婚的男人》 ~ 原來今集都有講燒煙花呢 ~ 都幾得意
但睇唔晒全集 都真係一o的可惜
就同Rainbow冇得睇TVBS Asia 睇唔到 五月天 《天使 -- 為愛而生》演唱會一樣可惜
原來呢幾日見唔到大狗 係因為佢返o左鄉下 ~ 唔怪得啦 ~ 好了 ~ 冇咁悶
唔知Jenny而家又有咩煩呢 ~ 但似乎Rainbow都幫唔到佢呢
但如果Jenny煩o既係呢樣o野 就真係幫唔到佢 (應該不會的 Jenny絕不是這樣的人) ~ 而如果普天下o既女士都好似呢位當紅女主播那樣的話 ~ 普天下o既男人也就冇救了
但睇見以下評論中 ~ 她的文字 / 觀點被批評得如此這般 看來香港的男士還有希望的 ~ 事關像她的女士看來也應該是少數 ~ 愛情怎麼可以用錢來衡量呢
看來她的先生真要小心了
品冠 : 《無可救藥》
如果真係恁 ~ 真係冇得救了 ~ 而佢o個本《自信你可以》到今日都未睇完 ~ 可能唔係一件壞事 ... ...
張慧慈於2007年2月12日《頭條日報》專欄「主播看世界」發表文章「愛的承諾」
大家點睇？
《愛的承諾》原文
>>February 20, 2007 at 12:04:40 AM GMT+8
2007 年 2 月 18 日 星期日 【晴】
豬 年 有 運 行 ： 12 生 肖 豬 年 運 程
真的嗎?! ~ 但這裡寫著雞 ： 自 求 多 福呢
 
仲咩「鶴立雞群」添 ~ 咩鶴立雞群呀 ~ o者係唔係講雞啦 ~
但又話咩喎
07 年 運 氣 指 數
事 業 ： 80 分
財 運 ： 80 分
愛 情 ： 80 分
健 康 ： 70 分
但下面第一句就已經唔係真架啦 ... ...
有 望 統 領 下 屬 ， 惜 沒 有 得 力 助 手 ， 事 事 需 親 力 親 為 ； 容 易 有 官 非 纏 身 ， 要 小 心 處 理 公 文 及 合 約 。
正 財 增 加 ， 但 切 忌 追 求 過 份 奢 侈 的 生 活 ， 家 中 會 有 維 修 工 程 ， 若 不 儲 錢 會 入 不 敷 支 。 過 度 揮 霍 也 令 愛 侶 不 滿 ， 若 執 迷 不 悔 戀 人 會 移 情 別 戀 ， 單 身 朋 友 不 應 企 圖 裝 飾 外 表 吸 引 他 人 ， 應 以 真 面 目 待 人 ， 方 能 長 久 。
都冇工做 點統領下屬先得格 ~ 但如果真係好返 搵到工就要睇清楚份contract了
正財增加是否也代表個病會好呢 ~ 唔係點增加喎 ~ 但定還是豬年未開始 由上年o既一個學生變到年尾o既四個
再由今年年頭o既兩頭變到而家o既七個就已經叫增加o左呢 ~
雖然睇好多日劇 算識幾句日文 但呢度始終唔係日本 唔係一月一號就已經係豬年的
今日先係年初一 ~ 但點都唔會七個變十七個啦 ~ 都冇咁多時間啦 ~ 除非放棄晒所有時間同娛樂o既o者
不過駛好多錢就真係真o既 ~ 好彩阿妹而家搵到工 ~ 都叫好o的 ~ 唔係就大半錢都要拎出o黎做家用了
而家佢有工開 就算佢唔點畀家用 阿媽有工開 自己有補習都叫好o的 ... ...
今晚集《微笑Pasta》睇o左少少 ~ 初頭以為Peter係何群個經理人 後來先醒起o個個叫Vincent
Peter係成曉詩個舊男友先真 ~ 但查實阿爸都係叫Peter 唔係叫阿Jack
但佢今日先講 原來佢仲有其他英文名 好似David同Joseph
原來都係用o黎分清楚唔同地方o既客仔 ~ 以前做洋服時真係有客仔o既朋友或親戚拎住佢地o的卡片返o黎幫襯的 ~ 所以唔同名就用o黎分清楚個客仔係邊度o黎o既人
都幾得意 ~ 只可惜 ~ 佢信錯人 同埋話咩做電療同化療之後 記性差o左 ~ 唔係o既話 真係唔知佢可唔可以再開番間洋服舖?!
寫到呢度 今日唔出去拜年而走去同佢平生最好朋友o既去慶祝生日o既人返來了
一返來就又嘈到拆樓了 ~ 真係年初一嘈到年卅晚
>>February 18, 2007 at 11:52:06 PM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
唔知今晚會唔會再一次唔記得睇沈星o既《美女私房菜》呢
