|
2007 年 3 月 11 日 星期日 【陰】
 
一朝早 上到青衣個學生度 o係門口睇到份星島個頭條 仲得人驚 ~ 話原來近月來 / 近年來 多o左青少年北上尋歡 ~ 仲要(可能)係(受朋輩影響) 三五成群
有好些仲因為上了癮 不能自拔 每個月都會慳埋慳埋o的零用錢北上 (內地消費較低) ~ 新聞又話原來而家o的中學生零用錢 有好多的 成二千蚊一個月駛用係等閒事
查實 中七時 間唔中轉堂 / 中史堂 都會聽到 有一班同學好似在談論相關問題 ~ 當時當笑話冇當中 (但可能而家諗番 可能真係發生過 佢地北上可能真係去「梳乎」 而唔係去深圳書城咁簡單呢)
而o係同一版 就出現「平o左日報」呢單頭版新聞
點解一個中學生會受同學o既爸爸擺佈呢 ~ 咁把炮點解要o係屯門搞事 唔番佢天水圍地頭呢
另一樣震驚o既係 原來話去年屯門四千多宗罪案中 有近三分一都涉及青少年
兩個數字同樣令人吃驚 唔係話一年都唔夠兩萬宗案件嗎? 屯門有四千幾 三分一關青少年事?! 咁屯門豈不是一個罪惡城? 屯門o既青少年 / 童黨問題 豈不是咁多年o黎都冇改善?!
真係懷疑 o的數字係咪錯o既 ... ...
唔知麥同學住o既葵青區治安又點呢? 但今日搭小巴入去時 無意中發現 原來佢屋企附近間青衣工業學院 附近應該係下年通車o既昂船洲大橋o既出口 ~ 到時可能會好嘈都唔定
佢就話 呢度其實都住o左成四年 可能都會搬~ o下?! o者係三、四年就搬一次屋?
係咪就唔知 ~ 只知因為佢o黎緊會代表學校出賽 所以會暫停兩個禮拜 到時 可能佢o既一個同學都會一齊補 夾埋補兩個鐘 ~ 咁佢咪好著數?! 有時個半鐘佢都嫌長
不過如果都係十點半開始 就一定睇唔到十二點半 要睇兩點 / 兩點半了 ... ...
咁唔知下個禮拜日 會唔會去到環球嘉年華呢?!
淨係知 今日o係機場買o左本Berlitz Japanese Compact Dictionary 同一本Time Special : The Middle East 之後 再加埋買o左兩件pizza同一個BurgerKing o既餐加個包返屋企 同埋車錢 都成五百蚊了 ~ o黎緊兩星期又少o左成三百 如果又有邊個學生請假 咁 就真係會入不敷支了
仲要o岩o岩先發現 本"The Middle East" 又幾版印得唔好 ~ 但如果特登返去換 又唔見廿幾蚊 ~ 如果順便出埋旺角先平過分別出機場同出旺角幾蚊 ~ 都唔知點好 (都唔知換唔換好 ... ...)
返o黎坐E33 又冇等到五點幾先買pizza坐五點半班A33 所以未到五點等車 都要成六點先返到屋企
不過上車時冇留意 ~ 原來車上有位舊同學 都係落車先留意到 ~ 但佢好似冇發現 就返到屋企先打畀佢
原來佢都係去o左翔天廊 o者係原來係一齊上車的 ~ 到落車先見到佢 不過 因為要追班505 如果唔係 就會o係車上傾兩句 睇下佢認唔認得自己
原來亞Man 上年先o岩o岩畢業 一畢業就去o左母校教書 (冇問佢教咩科 又冇問佢同肥基點樣)
但就終於證實o左 小時候個阿星 真係男仔 (其實唔係仔又點會叫阿星丫) 不過亞Man 都話佢好似女仔 又扎髻呢 ~ o個時青年中心 好多人都唔知佢係仔定女呢 ... ...
亞Man 就好啦 一畢業就搵到工 仲可以o係樓下返工 (自己都試過) 唔知小生而家點呢 ... ... 仲有冇比賽呢
好耐冇睇佢比賽喇 亦都幾想睇下阿麥同學比賽
原來今期六合彩 頭、二彩都冇人中 ~ 咁唔知點解呢個67歲o既容伯伯點會咁好彩 畀佢「頭、二、三獎」都中晒 ... ...
三 樓 墮 下 遇 著 巴 士 經 過
男 子 凌 空 被 撞 飛 彈 10 米 慘 死
今日發現 原來機場間Relay 仲有第二個版本o既'Veronika Decides to Die' 的 不過那職員從二號客運大樓跑去一號客運大樓再拎番去二號客運大樓畀寡人的是較新印刷的8色版本 ~ 而不是今日見到的 (大部份書局見到的) 紫色版本 ~ 不過紫色o個本雖然同一個出版社出 但就有幾版 介紹Paulo Coelho其他著作講乜東東 ... ... 但問題係 紫色o個本o的字雖然好似大隻o的 但就好似冇咁清楚 那些「電腦字」怪怪的
所以似乎都係藍色好過紫色 ~ 不過今日去到二號客運大樓間Relay時唔記得多謝佢 (佢有講你好呢) 亦唔記得(睇)佢叫咩名
o係二號客運大樓望去亞洲國際博覽館 ~ 見到 又有大工程呢 ~ 唔會係三號客運大樓掛 ... ... 其實今日雖然冇去到新都會廣場 (好似有function搞呢) 不過從o個班差唔多滿座o既E32上一落車 直接過去翔天廊o既話 都可能會見到古巨基呢 ~ 不過 阿妹先係佢Fans 我唔係
PS : 真係唔記得細個有冇幫過阿媽穿膠花喎 ~ 阿媽就話佢都穿過
周嘉儀今日就帶觀眾去睇o左個同六、七十年代(上一代)生活有關o既展覽 再睇番今日自己o既「所作所為」 ~ 真係好奢侈呢
>>March 12, 2007 at 12:34:22 AM GMT+8
2007 年 3 月 11 日 星期日 【晴】
 
 
 
 
>>March 5, 2007 at 10:52:57 PM GMT+8
2007 年 3 月 10 日 星期六 【晴】
中英談判、「六四」、「九七」 前後都有好多人移民
但九七後 似乎又有「唔少」人回流 ~ 究竟移民好定o係香港好呢 ... ...
九七前原來無箭拍o左套咁o既劇 ~ 得五集唔知講到o的乜呢 ... ... 其實有冇睇過呢?
乜以前興五集o既劇咩 ... ... 十多年後重溫呢套劇 又會有咩感覺呢?!
 《香港雲起時》
片名英譯原來叫'Fate in Our Hands' ~ 但實情係香港o既前途從來就唔o係香港人手中的啊 03月04日 Sun 22:44:44
第一集
香港經歷「六四」事件後，市民對前途感到一片迷惘。華基盛集團高層對地產市道失去信心，派方國柱積極搜集資料開拓加拿大市場，一方面亦依照計劃發展香港地產，以維持港人信心。王港生與鄧志成隸屬「華基盛」同一部門，負責研究在清水灣地皮興建高尚住宅方案。志成較急功近利，常因勤於找外快而疏於正職，港生屢勸不果，唯有盡量替他掩飾。生父王標早年來港，赤手空拳創立一玩具廠，穩紮穩打，雖經營手法與時代脫節，但生意一直保持平穩，他亦很容易滿足。另一方面，標填房張娟因曾在大陸經歷「文革」，對共產政權存有恐懼，故一直尋找門路移民，常因此與王標起衝突。張娟辦理移民手續時，須交出有足存款的存摺，私自盜用公款，連累女職員朱淑敏遭懷疑。其後經港生替她找出原因，才洗脫不白之冤。麗兒知道公司投資方針有變，勸男友港生另作打算，但他堅持己見，二人因而發生意見。
第二集
張娟因無親屬在外地，獲准移民的機會大減，遂極力游說王標作投資移民，王標不忍結束多年生意，堅決反對。淑敏工作不力，常受王標埋怨，欲引咎辭職，港生獲悉，主動提出鼓勵與幫助，終將她挽留。國柱向公司提交發展加拿大地產方案，計劃在彼邦搞一香港化的大型屋邨，公司遂派國柱往彼邦部署打理一切。淑敏盡其所能，欲在工作博取王標信任，可惜並未獲賞識，令她稍感灰心，其後王標經港生提醒後，始知淑敏為得力助手，託港生加以安撫，激起她對港生動情。國柱另有私心，在公司加拿大發展地附近買下地皮，藉機圖利，欲利用麗兒的關係拉攏港生合作，可惜港生不為所動。國柱利用忠成的貪念，利誘他合作，果能利用他挪用公司的資源，大力發展私幫生意。淑敏在王標的生日宴會上，遇上麗兒，發覺她與港生的親密關係，頓感失望萬分。
第三集
志成利用公司資源搞私伙之事被高層揭發，逼他辭職，國柱賞識其才華，立刻吸納他於其移民投資顧問公司工作。美玲在大學攻讀法律系，在「六四」及「九七」的陰影下，對前途感到一片迷惘，加上其男友為求移民而另結新歡，令她更表苦惱。張娟移民心切，不惜忍痛拋棄家人，隻身往美國作黑市居民，王標雖不贊成妻子所為，但仍在經濟上幫助她。國柱投資私伙生意，旗開得勝，意氣風發，被港生無意中發現原一直被麗兒利用，作為刺探公司情報，遂與麗兒之關係漸趨惡化，終至分手。王標自妻離開後，精神健康日差，終患上胃出血，需要臥床養病。港生逼於辭去地產公司工作，專心助父親打理工廠。
第四集
港生接手打理工廠，發覺有訂單到期落貨，卻缺乏原料。志成答應助他找原料，更乘機虧空投資顧問公司公款炒原料圖利，怎料原料在大陸出關時出現問題，整批被扣，令工廠無法如常生產。港生勸服王標將工廠向銀行作按揭，一方面籌集資金購買高價原料繼續生產，以保存玩具廠信譽，另一方面代志成還款予公司，令他大為感動。港生邀志成加入工廠幫手，二人著手改革，提高生產效率，爭取外國訂單，令工廠有一番新景象。港生與淑敏接觸機會漸多，彼此漸生了解，感情突飛猛進。
第五集（大結局）
國柱因加拿大計劃出現問題，高層重新發展原有清水灣發展計劃，委任港生全權負責，港生改變初衷，重新投入地產公司工作。國柱知道公司派港生參與工作，視他為競敵，重新安排投資加拿大計劃，與他爭一日之長短。港生獲悉現今草根階層具買樓潛質，對中型樓宇有所需求，並獲得高層支持，將興建高尚住宅的計劃，改為中型單位，向高層呈交建議方案，終獲得通過，令他振奮非常。張娟感到在外國充作黑市居民生活困難，黯然回港，獲家人鼓勵面對現實，重過新生。麗兒知道港生另有新發展，欲重投懷送抱，卻知道他已與淑敏熱戀，究竟港生怎樣解決此三角關係呢？請到時留意本劇大結局。
>>March 11, 2007 at 1:22:16 AM GMT+8
2007 年 3 月 10 日 星期六 【炎熱】
兩日都有人跳海 ~ 點解呀 ... ...
白 加 道 名 人 聚 居 粒 粒 皆 星
揀 熊 貓 著 重 開 枝 散 葉 下 月 底 包 機 載 來 港
補習天王?! 原來Kevin Ko叫「高式卡」 ~ 仲以為係咩「專有名詞」o黎 : 高息卡 ... ...
高 式 卡 入 稟 高 院 指 遭 拖 欠 83 萬 補 習 天 王 申 請 英 皇 教 育 分 校 清 盤
唔知要點樣先可以成為補習天王呢 ~ 今日都差o的被個家長撬起o左 ... ... 一心諗住佢話佢個女要考日文 就唔打畀佢 等佢打o黎 仲另外搵o左o的有關資料 ~ 點知十二點都未有電話 (話咩三點鐘上佢屋企 ~ 但地址都未知) 打去問點樣 ~ 點知 原來人地話唔記得今日燒o野食 ~ 都算巴閉
不過 另一個學生家長就話 下星期起 補多半個鐘 ~
由 300 呎 舖 到 11 間 分 校
 
英 皇 教 育 的 補 習 王 國 由 牛 頭 角 得 寶 商 場 一 個 300 呎 的 舖 位 開 始 ， 會 計 文 員 出 身 的 岑 宜 輝 1986 年 在 商 場 一 角 開 設 第 一 間 英 皇 教 育 研 習 社 ， 由 於 他 深 懂 包 裝 之 道 ， 課 程 亦 集 中 講 解 考 試 技 巧 ， 短 短 幾 年 間 ， 英 皇 分 校 越 開 越 多 ， 目 前 共 有 11 間 分 校 ， 學 生 人 數 多 達 5 萬 人 。
英 皇 近 年 積 極 招 攬 名 師 加 盟 ， 與 導 師 實 行 五 五 分 賬 ， 名 氣 大 的 導 師 才 可 六 四 分 賬 。 甚 具 生 意 頭 腦 的 岑 宜 輝 ， 是 本 港 第 一 個 將 導 師 包 裝 成 明 星 的 補 習 社 老 闆 。 不 過 ， 近 期 多 名 由 他 一 手 捧 紅 的 導 師 相 繼 離 巢 ， 更 與 他 對 簿 公 堂 。 去 年 6 月 ， 英 皇 教 育 入 稟 指 「 補 習 天 王 」 許 思 明 毀 約 ， 跳 槽 至 現 代 教 育 ， 向 許 索 償 1,200 萬 元 。 同 年 8 月 ， 補 習 天 王 范 奧 天 （ K.Oten ） ， 由 英 皇 轉 投 現 代 教 育 後 入 稟 高 等 法 院 ， 向 英 皇 教 育 追 討 個 半 月 的 學 費 分 紅 ， 金 額 高 達 265 萬 元 。
不過如果真係補個半鐘就睇唔到六點半新聞了 ~ 而家一星期得番兩日可以睇到六點半新聞 下星期起就得番一日喇 ~ 仲睇唔到余亦彤報天氣添
膠 紙 貼 退 款 口 多 次 地 鐵 火 車 站 犯 案 蠱 惑 賊 增 值 機 盜 款 落 網
增 值 失 敗 可 按 召 喚 掣 原來可以「禁」掣叫人o黎的 ~
《香港雲起時》 vs 《博愛歡樂傳萬家》 .. .. ..
兩套都係宣傳意味很重的劇 ~ 一個在回歸前八年 (六四後) 一個則在回歸十周年前夕
真係與其睇一套咁垃圾 咁歌頒回歸後香港社會o既舞台劇 不如翻睇韓片《JSA安全地帶》 或鄧特希有心挽留港人移民潮同不安心態o既《香港雲起時》好過 ~ 主題曲仲係Beyond主唱 (黃家駒作曲、盧國宏填詞) o既 《無悔這一生》
『陽光歷次散別去 無理衝擊我心緒 前境沒法打算怎麼 誰會偷生遠方裡
每次記憶哭笑 將心意再變改 一分一秒
無意對一切話別 無意卻遠走他方
沒有淚光 風裡勁闖 懷著心中新希望
能衝一次 多一次 不息自強
沒有淚光 風裡勁闖 重植根於小島岸
如天可變 風可轉 不息自強 這方向
無奈靜聽不捨心聲 和我偏偏正呼應 前方或會一生奔波 無悔這一生經過
縱有冷風飄過 將心緒再痛逼 緊守不變 無意對一切話別 無意再遠走他方 ... ... 』
>>March 10, 2007 at 11:40:40 PM GMT+8
2007 年 3 月 9 日 星期五 【晴】
錯 體 硬 幣 炒 至 $4680
"We are adjusting the manufacturing process to try to eliminate the problems,'' Bailey said.
美 國 鑄 幣 局 發 言 人 貝 莉 話 ： 「 我 o地 會 調 整 工 序 ， 杜 絕 問 題 。 」
數 字 世 界
16,020 億
16,020 億 美 元 （ 125,000 億 港 元 ） ， 是 羅 兵 咸 永 道 會 計 師 事 務 所 （ PricewaterhouseCoopers ） 估 計 日 本 東 京 到 2020 年 時 的 國 民 生 產 總 值 ， 是 全 球 最 富 裕 城 市 ， 其 次 是 美 國 紐 約 、 洛 杉 磯 和 英 國 倫 敦 。
10,000
10,000 日 圓 （ 667 港 元 ） 的 黃 金 名 片 在 日 本 推 出 ， 三 菱 材 料 株 式 會 社 以 1 克 99.99 純 金 造 一 張 名 片 ， 認 為 是 送 禮 佳 品 ， 最 適 合 慶 賀 親 朋 升 職 或 退 休 ， 預 計 首 年 可 賣 出 2 萬 張 。
200 億
200 億 英 鎊 （ 3,022 億 港 元 ） 是 英 國 每 年 因 為 詐 騙 案 所 帶 來 的 經 濟 損 失 ， 英 國 警 方 前 天 發 表 調 查 報 告 ， 指 公 營 機 構 是 詐 騙 案 最 大 受 害 人 ， 呼 籲 政 府 成 立 通 報 中 心 ， 提 高 警 惕 。
資料來源 : 英 國 廣 播 公 司 / 路 透 社 / 中 央 社
順 口 溜
領 導
對 上 級 甜 言 蜜 語 ， 對 輿 論 豪 言 壯 語 ，
對 外 賓 花 言 巧 語 ， 對 群 眾 謊 言 假 語 ，
對 同 事 流 言 蜚 語 ， 對 下 屬 狂 言 惡 語 ，
對 情 婦 溫 言 細 語 ， 對 自 己 胡 言 亂 語 。
握 手
握 著 上 司 的 手 ， 點 頭 哈 腰 不 鬆 手 ；
握 著 紀 檢 的 手 ， 渾 身 上 下 都 發 抖 ；
握 著 財 務 的 手 ， 拉 起 就 往 酒 店 走 ；
握 著 老 婆 的 手 ， 一 點 感 覺 都 沒 有 ；
握 著 小 秘 的 手 ， 直 往 懷 裡 摟 啊 摟 ；
握 著 女 同 學 的 手 ， 後 悔 當 初 沒 下 手 ；
握 著 情 人 的 手 ， 彷 彿 回 到 十 八 九 。
時 尚
翻 開 雜 誌 美 人 多 ， 扭 開 電 視 廣 告 多 。
拿 起 報 紙 套 話 多 ， 看 篇 文 章 署 名 多 。
買 本 新 書 錯 字 多 ， 出 門 辦 事 收 費 多 。
領 導 視 察 小 車 多 ， 飯 店 吃 飯 公 款 多 。
下 海 經 商 騙 子 多 ， 年 頭 年 尾 檢 查 多 。 
邊個作o既呢 ... ...
十兄弟o係最後竟然變成十粒石喎 到最後仲變成十粒星添 ~ 有冇搞錯呀
不過今晚最想睇o既係《頭條新聞》同蘆葦琪 ~ 就畀個學生搞亂晒
又話五回九返到屋企 ~ 點知 五點九佢仲未返到屋企 ~ 連佢阿爸阿媽都未返到屋企 ~ 好彩 佢阿爸放假 唔係都冇門口入啦
佢阿媽話等到六點 ~ 結果 搭十一 搵到佢個仔 話返緊o黎 六點一返到
話咩畀人屈講粗口 所以罰留堂 ~ 都唔知真定假 ~ 佢同佢阿媽講 又有o的唔同
因為咁 就冇返到屋企 ~ 唔係就七點九先再上去 ~ 新聞又睇唔到 《頭條新聞》都miss o左半集 ~ 有冇搞錯呀仲要今晚 蘆葦琪原來做完六點鐘新聞之後 就冇再做晚間新聞 換o左個曾家竹出o黎 ~ 唔通佢病o左 .. .. .. 可惡!!
本來幾想睇《戰狼300》 但原來間間戲院 都係每晚得一、兩場 ~ 除o左下星期四先上畫o個間175蚊張飛o既Director's Club ... ... 定其實本身套戲係下星期四上畫 所以未到15號 都係每晚得一、兩場 到時就一日四、五場呢
唔係就可以 星期日 o係青衣睇埋《幽靈車神》 ~ 唔知"Hannibal Rising" (《沉默的羔羊前傳 之 揭開罪幕》) 上畫時又係咪都係咁樣呢 ~
如果係咁 ~ 好唔好星期日去機場呢 ~ 真係好想買o個本日英辭典呢
唔知聽日個新學生點呢 ~
賀義個仔唔叫「德華」 / 「學友」,叫「朝偉」? 而賀義亦由爛賭義變成「義叔公」?! 民國成立 清朝欽犯就唔駛死 ~ 看來《迎妻接福》才有大團圓結局呢
>>March 9, 2007 at 10:29:44 PM GMT+8
2007 年 3 月 9 日 星期五 【晴】
 《天國的嫁衣》
故事大綱
陸子皓，一個主宰時裝王國的服裝設計師，他以一襲以「天國的羽翼」為名的婚紗而嶄露頭角。這婚紗是他為一個喜歡的女孩所設計，但女孩卻因病逝世，與婚紗無緣。子皓從此不再設計婚紗，只因這是屬那位女孩的『天國的嫁衣』。
在18歲生日那天，農莊少女陶艾青好不容易儲存足夠旅費，來到夢想中的巴黎。與此同時，子皓也在巴黎接受國際時尚大獎。兩人在一家個人工藝品店裡，因同時看上一隻小木馬而爭吵起來。
不歡而散的兩人本以為不會再遇上，豈料當艾青回到台灣後，發現哥哥賣了農莊來償債，而買家竟然就是子皓！艾青找子皓算帳，要他交還農莊，子皓對潑辣的艾青開始感到興趣。
另方面，賽車手程海諾眼見艾青為了農莊的事那麼傷心，亦對她由憐生愛。自此，三人的命運交織起來，分不清是好友還是情敵……
《天國的嫁衣》於台灣上檔後，瞬即成為同時段的收視冠軍，也是首部遠征巴黎拍攝的唯美偶像劇。將時裝表演、賽車場面及農莊生活貫穿整劇，畫面浪漫優美，觸動人心。
主角方面，來自人氣組合183Club的明道是台灣超級新偶像，曾經演出多部收視冠軍劇集，包括有《王子變青蛙》及《愛情魔髮師》等。歌手出身的王心凌，自04年接拍「天國的嫁衣」一劇後人氣飆升，成為新一代台灣偶像劇的小天后。其陽光少女造型更為她帶來「甜蜜教主」的美譽。其他代表作有《微笑Pasta》。
曾奪「世界模特兒大賽」冠軍的立威廉，憑著出色外型由模特兒界轉戰電視圈，《天國的嫁衣》是他首度擔正男主角的作品、也因此劇而成為台灣女性心目中的「威廉王子」。曾參演作品有《綠光森林》。
>>March 7, 2007 at 10:36:09 PM GMT+8
2007 年 3 月 8 日 星期四 【晴】
港 大 醫 學 院 院 長 突 請 辭 引 起 教 職 員 哄 動 林 兆 鑫 未 被 挽 留
林 兆 鑫 是 董 建 華 私 人 醫 生
被 指 是 「 港 版 白 色 巨 塔 」
香港都有『白色巨塔』? ~ 醫生之間o既爭鬥真係可以咁犀利?
原來o係劇集方面 ~ 台灣版o既《白色巨塔》就今晚大結局 ~ 但之前咁多集都冇睇 ~ 事關吸引去睇o既就只有吳孟達 但佢係奸角 ~ 而那位言承旭飾演o既主角就更加不堪入目 ~ 尤其是片面時那句「當我進入醫業時 我鄭重的保證 ... ... 」 ~ 仲以為自己撞邪添 鬼聲鬼氣咁 ~ 所以永遠都聽唔完呢句o野就轉o左台或熄機了
而日劇版o既《白色巨塔》今晚o係國際台都播完上半部了 ~ 那個魔鬼財前終於當上教援了
(奇怪的是 可能之前o係本況台播o個陣 拉長o左 ~ 上半部十集竟然變o左十二集)
o黎緊下星期、再下星期都仲有做 ~ 似乎o者係話會播埋下半部 ~
上半部夠叫人恨之入骨 ~ 幸好江口洋介飾演o既里見醫生 在眾角色當中可謂是人間清泉 ~
但今晚那集見到財前 死都唔聽里見講 佐佐本先生的癌細胞可能已經擴散到肺部 ~ 佢死話係肺炎 ~
究竟o個時自己個肺 又係咪咁呢 ~ 有冇醫生爭論過呢 ~ 其實係咪唔係肺炎 而可能係已經擴散到個肺呢
真係好想捉返零五年尾o個個話人地可能係肺炎好番唔知o個個醫生出o黎打一身 ~ 人地根本就冇試過肺炎
又如果佢係因為X光師 個報告而影響判斷o既 可能就要連佢都打埋了
劇情下半部 講o既係 財前醫生 真係判斷錯誤 ~ o個個接受佢手術o既佐佐本先生 真的因為食道癌擴散而死 ~
但佢o既「星」途就更精彩 ~ 更意氣風發 ~ 面對死者家屬的控訴 就請最好o既律師去幫佢搞掂
人命 原來可以咁兒戲 可以咁唔值錢 ~ 不過 最後
十多集o既醫療訴訟終於有結果 ~ 而財前 (癌症專家) 亦竟然敵不過癌症 ~ 看來亦無不諷刺 ... ...
副 學 士 生 聽 審 當 實 習
呢單案o既案情 可能比上面兩套劇 更恐怖 ~ 真係現實世界往往比虛構世界「精彩」和複雜 ~ 要恐怖起上o黎 亦往往會更加恐怖 ~ 因為它是真實的
所以一日到黑見到電視台日報夜報已經夠恐怖了 ~ 在家觀看新聞的不止有大人 還有小朋友
但想不到 咁多人有興趣「入場」的 ~ 那可不是免費娛樂啊 .... .... 看完 聽完可能會發惡夢的 因為實在太毛骨悚然了
天水圍出西灣河原來要兩個鐘 ~ 為何不搭西鐵(o係南昌) 轉地鐵呢 起碼可以慳返成半個鐘呢 如果這位朱同學 住得近西鐵站 仲可能一個鐘就可以去到西灣河了 ~ 仲一定平過搭巴士
再唔係 新巴720 三個字就可以由中環去到西灣河啦 ` 一地唔駛兩個鐘
估唔到 o係市中心o既東亞 似乎多人過新墟間東亞 ~ 不嬲都好似係新墟o個間多人o的
要不是今朝落新墟 唔記得帶錢就唔駛下晝 去多轉了
要幫幾個學生買補充 所以就三點幾出門口 去o左商務 ~ 結果撞正新春大減價 ~ 九五折o既補充都有八五折 ~仲有雙倍積分 ~ 排緊隊 揭緊本昆水o既2007年香港街 竟然被打尖 仲係兩個人 開頭以為係父女o黎 但點知兩個人係分開畀錢的
真係估佢唔到 ~ 想買o的日文書 但唔知點揀 真係覺得機場見到o個本都唔錯 ~ 如果只係想知個日文點讀 而唔係想知埋點寫的話
之但係 又要知點讀 又要知點寫 如果唔識五十音 o既話 中文版係好棘手的
見到有個Paulo Coelho Box Set 有五本書 賣420 折埋就好似好抵咁樣 ~ 但裡面其實有兩本本身都有的了 ~ 但o個兩本 每本都唔駛八十四蚊丫 ~
原來o係同一時間 兩姐妹媽媽 又係去o左書局 ~ 不過係元朗三聯 ~ 佢仲因為今日光顧而得到一張九折卡添
估唔到 佢都係買o左地圖 ~ 但真係估唔到 o個兩枝Pentel 7ml o既塗改液要17蚊枝 ~ 佢地用開o既12ml 商務都係賣24蚊兩枝 ~ 用優惠卡應該仲有得再折 ... ... 直情抵過東山文具添啦
因為 遲o左 所以成七點九先走 ~ 佢阿媽去完書局之後 顧住打機 勁到差o的唔記得出糧
不過老師仔個銀包都勁 勁到冇散紙
去到元朗 諗坐入錢 ` 其實可以遲多個站先落車 ~ 但以為康樂路間中銀少人o麻
點不知 兩(三)個人o係前面就搞成兩個字喇 ~ 最頭o個兩個 又唔知入數戶口number o係部機前先打電話
到佢o地走o左 ~ 有個男仔入o黎 驚佢又係入錢 就行緊o的部食錢機前面 ~ 邊不知佢就好似當人傻咁o係度大叫話點解部(櫃員)機前面冇人排隊
佢臨走時 就大聲同佢講 ~ 一部係入錢機 一部係攞錢o既 兩部係唔同o既 ~ 不過都幾羨慕 同佢應該差唔多年紀 人地戶口有成十萬八萬呢 ~ 自己都唔知要儲幾耐先有 ~ 如果一早先可以加保 得呢個病時 可能已經有幾十萬o係手了 ~ 好蠢 ......
今朝早 ~ 將軍澳個梅太終於打o黎confirm 星期六下晝補了 ~ 但佢改三點 就咩時間都冇晒了
如果兩點 都可以o係apm睇場四點 唔睇又可以返屋企睇Black Jack ~ 之但係三點 就想行下澳景路都唔得了 ~ 補完 想散下步都唔得 就要直接搭車趕返o黎屯門啦
變到唔係好想補 ~ 不過真係好想知佢個女 (那個新學生) o的日文叻唔叻 ... ...
要去機場買o個本書可能就要等四月了 ~ 但到時可能就冇特價了 ~ 而家都可能冇 ~ 因為o個時係二月
唔通 星期六十點幾 / 十一點幾 出市中心搭E33 o係機場買埋書 食埋晏就搭E22A入將軍澳?
但查實o個家人住將軍澳邊度都未知 話星期六先再confirm喎 .. .. .. 幾點先會收到電話呢
同埋點解 佢今朝打o黎時 o岩o岩出o左去 阿爸叫佢打手提 佢冇打呢 ~ 以為飛唔到線啦又唔係
打番畀佢 請佢打人地手提 佢都係打屋企 ~ 點好呢 ~ 星期六 如果o係街 佢又打去人地屋企咁點呢 ... ...
>>March 9, 2007 at 12:29:28 AM GMT+8
2007 年 3 月 7 日 星期三 【晴】
究竟發生咩事呢 ~ 陳佐洱今日就講明尋日唔係話陳太喎 ~ 係佢改口風定係傳媒捉錯用神呢?
點解今日會咁遲起身呢?
點解將軍澳個梅太今日都冇打電話o黎呢
點解《小丸子》入面 友藏o既配音會由源家祥換o左做譚炳文呢
點解好似連聲演小丸子媽媽都變o左做「阿久津真矢」呢 ~ 沈小蘭去o左邊呢?
源家祥又去o左邊呢 ~ 係移o左民丫 退o左休丫 定係已經 ... ...
原來源家祥仲配過包拯同和珅呢 ~ 亦配過阿福 (多啦A夢 入面叫骨川小夫)個爸爸呢
點解一篇日記 要打兩次呢
點解頭先個icq 會唔見晒o的人呢 ~ 碌下條bar click下o的icon 都冇用 個「確定」鍵o的字仲好大隻
之後仲hang埋機添 ~ 點解呢 ... ...
好驚呢 ~
點解今日 冇o係元朗食飯 返屋企先食 都係差唔多時間先返到屋企呢?
點解 一枝塗改液 會搞到開唔到飯 (煮唔初飯) 要個傭人頻撲兩次呢
點解打返屋企 問可唔可以留飯 要變o左幫人去超市買果汁呢
個百佳條牟利仲差o的收錯錢 ~ 冇睇清楚張單 就畀佢收多錢了 ~
之後仲miss o左班西鐵 ~ 去到屯門站 就因為miss o左西鐵而miss埋班輕鐵
到上輕鐵時又唔記得已經「o都」o左入站 「o都」多次 ~ 追車 架車都唔等人開走了
返去西鐵站 個職員就話要出o左站先有得搞 一係就聽日o黎 ~ 但如果聽日唔認數呢
就唔見九個八了 ~ 那三枝果汁先生如果冇得價 都要畀多九個八呢 ~
如來o係《Big Money》(ビッグマネー!～浮世の沙汰は株しだい～)入面好重戲份個植木等都有唱歌的 ~ 仲o係佢成七十歲時(現已年過八十)為小丸子作「處男作」(插曲) 添 ~ 歌名叫 《針切りじいさんのロケン・ロール》 （西城秀樹都有首叫《走れ正直者》）
又原來o係劇入面飾演受害者家屬那個 眞鍋かをり同上戸彩 一樣
佢o地o既第一套劇都係《涙をふいて》
而o係呢套劇入面飾演村田工務店o既老闆村田 雄一郎 -o既 いかりや長介 原來已經過o左身三年了
而o係劇入面飾演村田太太村田 咲子o既いしだあゆみ 原來仲細過阿媽呢 但真年前o既佢 睇落已經老過成七十歲o既村田先生了 ~ 點解呢 ... ...
究竟「源家祥」去o左邊呢?
點解晏晝有人打o黎話人參加問卷中獎 ~ 有個蛇口之旅 ~ 但要親人去拎 會有專人聯絡 ~ 但點解仲未有電話呢
點解個打o黎話想補會計o既會考生定高考生 唔留電話呢
唔係咪可以搵白白豬幫佢o羅
又點解 中四、中五要補英文 唔搵補習社呢 ~ 如果要合格 或者要高分 應該唔難丫
點解唔齋補數學呢 ~ 唔係咪可以諗o羅 ... ...
點解今晚 咁多點解呢?! 點解會hang機呢? 點解呢 ... ...
>>March 8, 2007 at 1:20:10 AM GMT+8
2007 年 3 月 6 日 星期二 【雨】
 
是全球性股市下挫嗎? 但港股今日又彈番上o黎了 ~ am730仲話係關日元強勁事添
蘇門答臘今日o的地震都好勁 ~ 六點幾級 ~ 兩次一共震走o左至少七十幾人
估唔到梁朝偉都幾勁 ~
不過 ~ 原來發哥仲勁 ~ 片酬足足超過金城武七千萬 ~ 都多過梁朝偉本來要的 (這裡說的) 至少五千四百萬 ~ 一套戲真的能讚咁多錢 可以出咁高片酬的嗎?
淨係片酬都成億了 ~ 但估唔到劉備咁值錢 ... ...
將軍澳個家長本來話尋晚如果佢冇打電話o黎 就今朝打返去問佢
結果 就o係九點幾 趁著醫生未咁快叫名時 在收到電話的地方打畀佢 但佢就話整緊早餐 下晝會覆番電話 ~ 到最後 成個下晝 成個夜晚都收唔到電話
點解呢 ~ 點解會咁呢 ~ 會唔會補唔成呢 ~ 尋日唔係已經傾好了嗎?
個家長就係未講個地址 ~ 為何會這樣的呢 ... ...
平時如果星期三覆診 拎到十一號籌 ~ 應該未夠十一點都走得啦
但今日拎著十一號籌 ~ 又冇星期三咁多人覆診 ~ 竟然成十二點先至走得
究竟點解 做咁耐chemo 都好似冇乜反應 冇乜好轉咁 (醫生叫呢o的做「穩定」)
而o個粒所謂o既脂肪瘤 究竟係咪真係脂肪瘤呢 ~ 係咪真係唔駛理佢呢 .. .. ..
尋日兩姐妹話人地點解唔早o的到 ~ 結果今日未夠五點鐘就到o左啦 ~ 點解硬係要過o左五點先有得開始 ~ 個家姐仲要成六點半先到呢 ~ 「好彩」 大興個家長話個仔今日要做project ~ 唔駛上去o者 ~ 唔係o既就想唔遲到都唔得啦 .... ... (就咁樣 ~ 今個禮拜就少o左成二百蚊喇)
點解住佢地對面隻狗 一時睬人 一時又唔睬人呢 ~
今日 真係奇怪 ... ...
>>March 7, 2007 at 12:54:28 AM GMT+8
2007 年 3 月 5 日 星期一 【陰】
 
咦?! 原來會行汀九橋的嗎? 尋日搭車出去真係唔係好覺喎 ~ 係咪佢地跑得太快呢 定係 ... ...
本來打算星期六可以一氣呵成睇晒成套《香港雲起時》 又或者趁特首選舉前o既其中一個星期六去環球嘉年華 ~ 阿妹話今年會係最後一年呢
又或者 搵個星期六搭263入沙田 睇下愉景新城橋穿心橋係點o既 再唔係星期六出新墟睇場戲都唔錯的
~ 點不知今日收到個電話後 就咩計劃都打斷晒了
今日唔駛出舊墟 上晝又冇睇到小丸子 就o係三點幾睇緊《小丸子》時 一個(應該)o係將軍澳o既家長睇到人家貼在君薈坊百佳o既告示打來
自己又傻仔到 五年級七十蚊都制 仲要係補英文添 ~ 咁就咩都打斷晒了
如果想睇戲都真係幾難 ~ 就算APM有四點場都未必趕得切七點鐘返到屯門 ~ 但如果睇十二點又未必趕得切兩點鐘入到將軍澳
個小妹妹媽媽話個女有學日文的 ~ 其實學日文係咪一定要跟人學的呢 ~ 睇日劇咁耐都係學得三幾句乍
搵日真係要去機場買返o個本日英辭典睇下至得 ~ 其實出面(市面)有冇好過o個本o既呢 ~ 同埋佢o的日文都係得羅馬拼音 冇日文字 / 漢字 / 五十音~ 識讀都唔識寫啦
學日文應該好好玩的
唔知o個家人係咪向海呢 ~ 將軍澳站向海應該都幾靚呀 ~ 住得高唔高呢 ... ...
雖然星期六下晝入將軍澳會縛手縛腳 ~ 但都真係幾鍾意入將軍澳的 由維景灣畔經澳景路出藍田夠好玩啦 ~ o係油塘地鐵站望過對面海仲好靚添 ~ 不過車費就會貴好多了
如果仲要試埋君薈坊的魚香米線 或者 APM o既MOS Burger 個半鐘o既105就會所餘無幾了
聽日覆完診唔知幾點 ~ 要覆完診先可以打畀呢個梅太呢
唔駛去舊墟 就睇埋《多啦A夢》先出門口 ` 真係好唔慣由盧女士以外o既人聲演大雄呢
一出門口 ~ 撞正曾生個仔放學返屋企 ~ 閂門都好似閂唔切咁 ~ 本來想問佢爸爸尋晚咁夜入急症室有冇事
(o的救護車 可以遲遲都唔o黎 o的救護員可以搞咁耐 都唔落樓送事主上車 ~ 應該唔係好大鑊o者) ... ...
落到樓 就見到miss o左架505了 ~ 之後行去第二個輕鐵站 希望可以追到架入元朗/兆康 o既輕鐵
一中出去 ~ (因為燈位) 又miss 一班615 之後就去o左對面月台搭一班去三聖o既505 (編號1001 ~ 真係估唔到返屋企都係搭番佢)
去到屯門站 ~ 見到好多人離開大堂 已心知不妙 ~ 果然跑上去就見到班西鐵又開走o左 ~ 連車尾都送唔到
今次係首次同一時間等o既車 ~ 去兆康站o既輕鐵可以追到由屯門站開出o既西鐵 ~ o者係又慢o左 ... ...
到元朗站 ~ 見到好長人龍 ~ 架「敢秀」巴未埋站就已經得番企位了
真係未試過 ~ 好多人都冇上車 等下班 ~ 司機話o的人唔肯行入o的 唔肯開車呢
但如果等下班就更加唔得了 了 ~ 六點五去到已經被那兩姐妹嘈到飛起了 ~ 如果冇miss到車 可能搭三已經去到 但 ... 如果再等下班車 就可能搭半都唔到了
真係唔敢諗
返屋企o個陣 又一樣miss西鐵 ~ 如果唔買大雞大就唔會了
加o左價 態度又差o左 ~ 個女人 呢頭唔肯收錢 ~ 到第二個收o左錢 (拎埋張飛) 個女人 又唔知咩事 唔肯畀o野食人 ~ 要人棟o左o係度 ~ 到拎o左o野食 上到月台 見班車o岩o岩開走 真係棟o左o係度
返到屋企 已經播o左一節"He Who Can't Marry"了 ~
仲等成個鐘都冇得沖涼 ~ 衰在今晚又首播全新一輯*(第五輯 ~ 但明珠台網頁話係第四輯) 《Six Feet Under》 聽朝又要覆診 ~ 唔可以睇江口洋介同上戶彩 ~ 要睇就要今晚睇
結果要兩點先有得沖涼 ~
仲要收到十幾封email ~ send信人 又在人家媽媽面前稱呼人做「 仔」(我大過佢架 大佬呀 ~ 人地樺哥話打畀你 約埋出o黎聚舊兼逗利是的 ~ 你沒有聽電話 又話人唔搵你) 又要人家將EMAIL內容悉數告訴家母 ~ 真係想起都毛管桐 救命!
都唔知邊個畀個手提號碼佢o既 ~ 早知就唔畀個yahoo email address佢 畀個hotmail 或者 嶺南o既 ~ 好驚呀 ~ 至驚佢日日都打電話o黎今日 真係前所未有 咁「精彩」!
>>March 6, 2007 at 12:24:15 AM GMT+8
|
![]()
在此先鳴謝now.com及YouTube
(寡人可是now.com的忠實fans啊)
寡人乃一愛情;事業/學業皆不得意之"凡人"
(註 ~ 不代表寡人不渴求甚麼愛情 >> 向來只取愛理不理之態度 ～隨緣)
說是'凡人'...倒不如說是'煩人'>>還是叫回"(孤家)寡人罷～
寫日記也不過是閒極無聊才寫～練練字罷了
(五年過去,雖練成了速成但仍學不會倉頡)~
各位>>有空來訪的話...請留字... ^^ 寡人於願足矣!
＊這「寡人」零四年起終日有病魔相伴 ( 從此「不在」孤單 ... ... ) ＊ 個日曆唔見o左喇
|
廣告 |
|
|
讀者留言 |
| 路人留言
|
 哨牙大粒墨癦袁佩婷
>>June 15, 2025 at 1:56:43 PM GMT+8
我系一位路人....近期才看您的
>>December 18, 2011 at 3:46:08 PM GMT+8
雖然我同你素未謀面,你又唔識我
>>May 12, 2010 at 12:27:52 AM GMT+8
一路好走...
>>May 7, 2010 at 1:34:40 AM GMT+8
missing you
>>February 20, 2010 at 4:36:52 PM GMT+8
想留言給您, 讓您知道, 大家都
>>February 17, 2010 at 3:09:13 PM GMT+8
師兄,我睇左你依個blog差吾多
>>December 15, 2009 at 4:50:14 PM GMT+8
你其實係邊個呀,我係你小學同學喎
>>October 25, 2009 at 4:19:42 PM GMT+8
看著你日記...真的愈來愈擔心了
>>August 4, 2009 at 11:52:36 PM GMT+8
我鐘意夜少水母stamps =]
>>June 16, 2008 at 8:34:11 AM GMT+8
你呢...晚晚都夜訓...似乎e
>>April 26, 2008 at 2:03:45 AM GMT+8
YAHOO用唔到AR,所以o係度
>>April 2, 2008 at 10:08:19 AM GMT+8
睇完你既野真係冇野好講. 我做
>>March 17, 2008 at 10:07:58 PM GMT+8
你又話寫日記既? 但最新upda
>>February 4, 2008 at 1:04:41 PM GMT+8
嘩.
<br>又一年..
<br
>>December 30, 2007 at 2:04:47 AM GMT+8
snoopy 聖誕快樂, 希望
>>December 25, 2007 at 2:09:25 AM GMT+8
死啦, 會loan 咁做, 我咪
>>December 8, 2007 at 10:20:44 AM GMT+8
阿全叫你寫就寫啦，試下沒有問題的
>>October 30, 2007 at 10:33:09 PM GMT+8
「阿全想找Esther和Snoo
>>October 22, 2007 at 9:23:23 AM GMT+8
醫院放棄唔代表你要放棄, 老兄,
>>October 14, 2007 at 12:49:08 AM GMT+8
現在可以依賴的,不是別人，正是你
>>October 12, 2007 at 2:21:57 AM GMT+8
我頭先落街都見到個月好清, ok
>>September 25, 2007 at 10:55:02 PM GMT+8
做老師不易為, 我小一就知, 不
>>September 23, 2007 at 4:24:07 PM GMT+8
請問...你係o係雅都商場看過林
>>September 14, 2007 at 1:02:59 PM GMT+8
首先, 我都健在呀.
<br>
>>September 12, 2007 at 10:53:04 PM GMT+8
嘩~~日記in the futu
>>September 5, 2007 at 9:46:05 AM GMT+8
hey, 又再傻吓
>>August 31, 2007 at 5:41:07 PM GMT+8
Hi Snoopy( haha,
>>August 7, 2007 at 11:34:00 AM GMT+8
為什麼不update日記?
<b
>>May 14, 2007 at 9:05:05 PM GMT+8
那我有什麼可以幫你呢?都不知道有
>>March 30, 2007 at 2:19:02 AM GMT+8
我都希望你同你的家人都會有一個好
>>December 4, 2006 at 2:16:33 PM GMT+8
知道你的苦...
<br>卻幫不
>>September 27, 2006 at 2:27:41 AM GMT+8
沒有什麼特別事想說，只是想係你l
>>September 22, 2006 at 11:11:23 PM GMT+8
我個icq short左...成
>>June 29, 2006 at 1:57:08 AM GMT+8
to snoopy
<br>好對
>>June 2, 2006 at 12:11:11 AM GMT+8
好似好耐冇聽過你d野咁...
<
>>May 30, 2006 at 12:32:31 AM GMT+8
知道有很有人都在支持你的。但最後
>>May 29, 2006 at 9:58:57 PM GMT+8
見到你個msm同路人既留言，知道
>>May 25, 2006 at 1:25:40 AM GMT+8
放心啦...
<br>到時你好返
>>May 19, 2006 at 1:56:31 PM GMT+8
hihihih
<br>加油呀!
>>May 17, 2006 at 2:10:16 AM GMT+8
你的日記好好睇wow...真的.
>>July 5, 2005 at 11:00:40 PM GMT+8
我都唔想架...我都好唔好意思架
>>April 1, 2005 at 4:17:45 AM GMT+8
攞乜嘢
>>March 25, 2005 at 3:37:51 AM GMT+8
琪琪似乎無乜力量
<br>整個人
>>February 5, 2005 at 1:53:42 PM GMT+8
i am having my l
>>December 19, 2004 at 7:01:40 PM GMT+8
Dear Raymond,
<
>>October 8, 2004 at 9:03:53 AM GMT+8
你好嗎?
<br>希望你真係好l
>>October 3, 2004 at 12:06:47 AM GMT+8
你好,Raymond.恕我冒昧看
>>September 27, 2004 at 4:19:04 AM GMT+8
How are U?
<br>
>>September 7, 2004 at 11:15:02 AM GMT+8
好耐世紀無上網lu
<br>今d
>>September 5, 2004 at 6:10:12 PM GMT+8
|
|
