2007 年 4 月 15 日 星期日 【晴】

兩份遺囑 : 其實係有人想玩o野 定係有人老人痴呆呢 ~ 如果兩份都係真o既 點解有新o既一份時 又唔銷毀之前一份呢 ~ 唔係玩o野係咩呢
靈 車 鮮 花 同 樣 史 無 前 例

百 人 搜 山 尋 失 蹤 10 日 老 翁
家 人 打 鑼 呼 喚 　 撿 獲 拖 鞋

「 多 用 腦 會 退 化 慢 」
今日都睇o左同「老人痴呆症」有關o既戲
《明日的記憶》
故事簡介

佐伯雅行任職廣告公司，年過50歳。他備受下屬們愛戴，在公司擔當重要角色。他充滿自信，從未擔心過身體健康問題，對於開始出現健忘的情形，他歸咎於年紀的關係。他的女兒亦即將結婚，他更榮升為祖父的身份。他正準備好好享受往後的黃金日子．．．
某日，他突然感到身體狀態開始衰退，大大影響其工作能力。直到一天接受身體檢查後，被驗出患上「年輕性老人痴呆症」，令他晴天霹靂。佐伯和妻子惠美子無奈被這事實弄得一時間不知所措。
佐伯和惠美子開始跟病魔對抗，佐伯在絕望中期望能親眼看到女兒出嫁，可是病魔卻逐漸帶走他的記憶．．．
其實講真覺得套戲唔錯的 ~ 起碼香港或者外國都好少以「痴呆症」(失智症)為題材o既電影 (唔係紀錄片)
亦很大路咁描寫o左患者的困景、初期患者的心情及家人的處境 及患者(此病)的病徵
其實十分形象化的 ~ 而從患者妻子的表現亦可以看出愛是可以如此偉大 ~ 音響夠震撼 畫面處理亦不錯
可惜一齊入場的Rainbow就偏說 這部戲僅僅及格而已 點解啊
可能自己有少許自我投射吧 ~ 起碼可以看到日本的安老院設施應該比香港優受 ~ 那部磁力共振的儀器 也應該是香港沒有的 各演員的演出亦很好 ~ 尤其是渡邊謙
不過 真係唔認得香川照之有份做呢套戲 ~ 只記得佢做過《利家與松》(利家とまつ～加賀百万石物語～)入面o既豐臣秀吉 但萬萬想不到這套戲也有他
及川光博個醫生做型就有o的似張熙傑 (如果冇記錯個名) 及川光博o係《白い巨塔》入面o既律師(弁護士)做型就夠邪 o係「氷の世界」(冰之世界) 同《利家與松》(利家とまつ～加賀百万石物語～)入面就夠妖 估唔到佢連做醫生都掂呢
另外 套戲入面就只認得坂口憲二, 即 天体観測 (テレビドラマ) 『天体観測 serchin'for my polestar』（てんたいかんそく） (天體觀測) 入面o既川村友也 ~ 但佢o係呢套戲入面o既對白就少得出奇了
另一樣留意到o既就係o的英文字幕入面o既yen兌換率 應該係100yen對1美金 ~ 講真呢個兌換率真係差唔多 ~ (值得一讚)
睇完套戲 ~ 就返o左去入場之前光顧過o既Kubrick ~ 那職員 (唔記得叫乜名)終於找到Frank Sinatra套《Ocean's 11》了 (可惜唔係VCD,係美版DVD,所以冇中文字幕)
(又原來做kubrick會員是100蚊一年,但都唔係好著數o者 ~ 除非成日買o野 ~ 又唔知BC會員又要有咩條件呢 ~ 好似話有「買一送一」優惠,又係o的咩o黎)
可惜Jack Lemmon套《12 Angry Men》佢就話只有VHS 冇VCD / DVD 所以只能買Henry Fonda o個套
但好開心 話Jack Lemmon同Kevin Spacey套《Tuesday with Morrie》有得訂 ~ 仲只賣80 過兩星期就有得拎喇 好開心
九點返到屋企 一路睇《第二十六屆香港電影金像獎頒獎典禮》o既轉播(唔係直播) 唔明點解父子拎到咁多獎 ~ 最佳電影、最佳導演、最佳編劇、最佳男配角等 ~ 不是有影評說它老套、說它垃圾的嗎? 票房亦不好啊 ~ 真難明

之後 經過N個警方路障後 終於到達朗豪坊 ~ 唔知點解電影中心出面間M記同鴉打街都好多差人 .. .. ..
去到朗豪坊就o係MUJI行o左陣 不過今次冇買o野 經過好幾間鞋舖同服裝店 Rainbow同Raymond都冇買o野 ~ 六樓有間舖頭專賣帽的 應該是後生仔開的 ~ 有一頂漁夫帽都幾想買 170蚊 平過屋企間條o個頂 ~
雖然係黑色 但真係怕戴o左會好多人望 ~ 加上連續五日都冇人出糧 所以最終冇買 ~ 好似畫家戴o個o的帽一樣唔敢戴 ... ...
唔經唔覺就過o左五點半 ~ 此時Jenny先話架69X去到美孚 而琪琪亦將離開圖書館
(本來以為今日約唔到琪琪的 ~ 點知朝早十一點幾終於搵到佢 原來佢尋晚擺o左個電話o係第二個人度 ~ 所以冇人搵到佢 ~ 早知尋日佢o係圖書館都打畀佢啦)
冇幾耐 Jenny到o左 話約o係底層間奇華等 ~ 此時琪琪原來亦已經到o左 仲上o左八樓
但去到奇華門口 真係估唔到原來琪琪已經到o左 仲排緊對畀錢 ~ 點可能咁快架
,不過今日o係(平時一個人看舖o既)奇華就見唔到舊同事Ada 反而見到三個staff (奇怪) ~ 唔通佢又調o左舖?!
之後 佢地三個 (Jenny、琪琪、Rainbow) 就被扯o左上四樓 ~ 四人都冇咩主見食咩好 ~ 最後 都係「被迫」選擇o左佢地未試過o既Mos Burger
今日終於食到佢o既珍珠堡 但可能唔鍾意食海鮮 ~ 覺得呢個至貴o既天婦羅 都一o的都唔好食 最後一個烤牛肉珍珠堡被琪琪買o左 (但佢都話唔好食 ~ 話飯tastic好食o的)
但佢其他包應該真係唔錯的
四個人傾o左成兩個幾鐘 ~ 好多o野都傾 ~ 所以其實有不少想坐得o既食客感到不滿 .. .. ..
[今次見識到這間朗豪坊分店的服務態度「一流」亦感到很(不)滿意] ~ [ take完order到送order時竟然少了一個沙律 到沙律出場亦發現少了調味醬 ~ 茄汁亦欠奉 ~ 而隔離檯的貴客走了之後 來了一檯新客 ~ 到他們買了東西 到食物送來前都一直未有人執檯　 ～　一流]

言談間發現 原來自己已經算好好彩了 ~ 人家有病都有工做 (雖然不是長工 ~ 但補習至少可以幫補家計)
有人quit o左份工就一直冇o野做 ~ 但佢自己有進修 ~ 同埋quit份工都係佢自己揀的 ~ 所以有點不明白這位有甚麼不比寡人好
亦有患了情緒病的 康復中 ~ 工作亦不算順意 ~ 真希望她可以快點完全康復
當然不少得 自己認為她最好運的李同學 quit了份工讀護士 ~ 但她說她有很重負擔 ~ 但講真她點會冇諗過度過先決定讀護士呢 ~ 最先找到工作 同得到最優厚待遇的都是她 ~ 當然最大本錢放假 (唔工作) 專心進修的 也是她
但就從這位李同學口中得知 原來有位未同個班的副學士同學 ~ 原來多年來一直自己生活 ~ 屋企人不理他 (肯理他的已不能再理他) 不能/不願理他的亦老早不在香港
畢業後還幹了不少人工低 又辛苦透頂的工作 ~ 雖然現在轉職在機場工作 ~ 人工高了 ~ 但亦一樣辛苦 ~ 最可憐是原來他的心臟有問題 ~ 將要接受專科治療 亦沒法得到家人照料 更沒法不工作專心休養 ~ 他可能比寡人還慘 (希望專科醫生給他的會是好消息)
至於其他人的近況 ~ 就「竟然」同去年「一樣」 ~ 因為大家都很懶 ~ 沒有去update 大家的近況
突然有o的想知信義會唐姑娘的近況 ~ 唔知佢個病醫好未? 她沒自己咁嚴重 大多醫好了吧
Angel 同Ceci 冇再在嶺南任教後的近況又怎樣呢 ~ 都係時候update下 ~ 不過或者要等過幾日冇咁忙先 ~ 如果佢地忙 都唔知日頭打去定係夜晚打去好呢

琪琪知道人家想回家看「金像獎」 ~ 個鐘行到七點半後 就不停串人了 ~ 算點 ~ 人家肯陪多你o地一陣不好嗎? 下次見面可能係三數月後 甚至一年後也說不定呢 (如果到時仲o係度) ~ 妳們咁忙
臨離開商場 ~ 她們三人突然遞上一張卡呢 ~ 真不知一年零一星期沒有見的三位同學是甚麼時候寫的 ~ 是趁邊食o野 邊傾偈o既時候寫的嗎? 趁排隊的三數分鐘寫的嗎? 還是臨走前三人在洗手間寫的) ~ 鬼斧神工 ~ 簡直係「奇蹟」
所以佢地叫人家相信有奇蹟 就真的無法不信了 .. .. ..
「請堅持加油努力,
祝身壯力健,百毒不侵.」 ~ 琪琪
『奇蹟會發生o係相信奇蹟o既人身上,只要你相信,堅持,我相信奇蹟會發生o係你身上,
努力,對自己要有信心,我會支持你o架 ' v ' 』~ R. (Rainbow)
「Raymond,
祝你身體健康,很快會康復啦!
努力! 加油!
我們一定會支持你 奇蹟一定會在你身上發生的!
祝日日都咁開心啦! 'u'」 ~ Jenny
真的很多謝妳們啊
不過 最讓人家谷氣的 是竟然有人會o係旺角話唔識搭車番屋企 ~ 搭咩車o黎咪搭咩車走o羅?
係旺角做總站o既車 要搭番轉頭就可能會難o的o者 ~事關有可能o係彌敦道會冇站 要行入內街 ~ 但是以佐敦 / 尖嘴為總站的九巴 ~ 大多在彌敦道兩邊都有不少去程和回程的巴士站啊 ~
所以 一行返出彌敦道 見到個站 仲見到有車埋緊站 ~ 當然是盡可能同佢留住架車 等佢快o的上車
自己亦好能快o的回到自己要去的巴士站 ~ 但此舉竟被另外兩位女同學誤會了 ~ 事實上人家根本就一點也不喜歡她 ~ 真不知她們是何時開始誤會寡人的 亦不知會誤會到幾時
搭車出去時 竟然走了一班車 到下班車來時 又竟然會滿座 到美孚先有位坐
番屯門時咁累 (或許應不及Rainbow同琪琪累) 當然想將個袋放下 好好休息 ~ 但這美夢只能維持到長沙灣道 ~
個阿媽仲好意思話要同個仔分開坐 ~ 係咪唔好擺個仔o係度o羅 ~ 人家可是傷殘人士呢 ~ 個袋放在大髀上是很辛苦的 如果係你 可能唔止想佔兩個位 ~ 可能會選擇佔三個位 ~ 直頭睡在椅上算了 ~ 對嗎 太太
不過她的公子也真夠搞笑 ~ 全車都坐唔穩 想跌想跌 ~ 尤其是架車變速/剎停時 突然驚醒的表情 真夠可愛 (可憐)
可憐寡人本來想在車程上看書的 ~ 被破壞了
好彩 收音機播放著頒獎禮的情況 (但可惜是轉播的) ~ 要不然 ~ 點解每位嘉賓的講辭好老早就有了字幕配合 (就連說錯了 也能配上字幕) ~ 究竟個頒獎禮係幾時舉行的
同樣在收音機裡 卻找不到Inti的聲音 ~ 原來組Band時間已停播了兩星期呢 ~ 以往就算係Inti放假也不會這樣的 ~ 究竟發生咩事呢
而《父子》可以拎咁多獎 又發生o左咩事呢 ~ 既然套戲咁勁 會唔會有外國片商買版權呢 ~ 曾志偉在開場白上說因為《無間道》的成功 ~ 現在好些香港電影 就算未拍成 或連劇本未寫好 已經有外國片商來洽購版權了 ~ 這是真的嗎?
這是好事定係壞事呢
當然 他亦提到 十多 / 二十多年來 香港的電影銀幕少了 而電影數目更由全盛時期的近二百間 下降到今日的四十六間
這當然是憾事 ~ 但當中又發生了甚麼事呢 16日 Mon 01:13:06 家妹為了一個已經不愛她的人哭個半死又是為了甚麼?!
ps: 今日最可惜應算是不能參加深港西部通道o既百萬行了 ~ 有成三萬人呢16日 Mon 01:15:54 02:45:32 02:49:45
而今日最令港人 / 本地球迷 振奮o既應該係o係旺角場上演o既南華對傑志榜首大戰 全場爆滿 ~ 十幾年未試過了 是香港足運復興嗎?
占 士 邦 始 祖 逝 世
著 名 百 老 匯 演 員 首 位 扮 演 鐵 金 剛 占 士 邦 （ James Bond ） 的 演 員 Barry Nelson ， 日 前 於 賓 夕 凡 尼 亞 州 逝 世 ， 享 年 89 歲 ， 其 家 人 沒 有 公 布 死 因 。
1917 年 生 於 三 藩 市 的 Barry ， 是 70 年 代 美 高 梅 片 廠 及 著 名 百 老 匯 演 員 。 1954 年 美 國 CBS 電 視 台 將 《 新 鐵 金 剛 智 破 皇 家 賭 場 》 的 原 著 小 說 《 Casino Royale 》 改 篇 成 一 小 時 的 電 視 劇 集 ， 請 來 Barry 扮 演 占 士 邦 ， 不 過 他 的 演 繹 遭 到 劣 評 。 八 年 之 後 ， 才 有 電 影 公 司 將 另 一 部 占 士 邦 小 說 《 Dr.No 》 ， 改 編 成 《 鐵 金 剛 勇 破 神 秘 島 》 ， 但 主 角 已 換 上 辛 康 納 利 （ Sean Connery ） 。
Barry 於 92 年 接 受 訪 問 時 ， 坦 言 從 沒 想 過 占 士 邦 這 角 色 後 來 會 大 受 歡 迎 ， 不 過 他 沒 有 後 悔 ， 並 覺 得 辛 康 納 利 才 是 理 想 的 007 人 選 。
《Casino Royale》 咪好似係最新一部 (第21部) 007 o既片名? 不過冇睇16日 Mon 02:52:01 16日 Mon 09:50:38 10:01:45

>>April 16, 2007 at 10:18:00 AM GMT+8