2007 年 6 月 3 日 星期日 【酷熱】




原來呢條就叫做「冇屠城」同「冇死過人」 ... ... 咁上面o的相又代表o的咩呢 ~ 唔通佢o地全部都係拍緊戲?
咁o的坦克呢? 係模型? 定係玩具? 抑或係軍事演習 ... ...

六 四 傷 亡 數 字 各 界 說 法
發 佈 機 構 / 人 士 ： 中 國 國 務 院 發 言 人 袁 木
發 佈 時 間 ： 06/06/89
估 計 死 傷 人 數 ： 軍 隊 和 群 眾 死 約 300 人 、 學 生 23 人 死 ； 軍 隊 5,000 多 人 傷 、 群 眾 傷 2,000 多 人
發 佈 機 構 / 人 士 ： 北 京 市 長 陳 希 同
發 佈 時 間 ： 30/06/89
估 計 死 傷 人 數 ： 200 多 名 民 眾 死 （ 包 括 36 名 大 學 生 ） ， 3,000 多 傷 ； 軍 警 數 十 人 死 ， 6,000 多 人 傷
發 佈 機 構 / 人 士 ： 《 爭 鳴 》 月 刊
發 佈 時 間 ： 30/06/89
估 計 死 傷 人 數 ： 市 民 和 學 生 10,440 人 死 亡 ， 28,790 人 受 傷
發 佈 機 構 / 人 士 ： 學 運 領 袖 李 祿
發 佈 時 間 ： 12/07/89
估 計 死 傷 人 數 ： 親 眼 所 見 ， 以 人 格 擔 保 ， 廣 場 上 至 少 死 亡 數 百 人 ， 街 道 上 至 六 四 凌 晨 約 2,000 到 3,000 人 死 亡 ， 以 後 無 法 估 計
發 佈 機 構 / 人 士 ： 中 國 公 安 部 *
發 佈 時 間 ： 10/07/90
估 計 死 傷 人 數 ： 全 國 931 人 死 亡 ， 22,000 餘 人 受 傷 ， 當 中 北 京 市 有 568 人 死 亡
資 料 來 源 ： 64memo.com
註 ： * 此 為 海 外 網 站 引 述 中 國 公 安 部 於 1990 年 第 五 次 呈 國 務 院 報 告 《 有 關 各 地 動 亂 、 暴 亂 中 傷 亡 情 況 統 計 資 料 總 彙 》
但原來就連袁木同陳希同都話有人死喎 ~ 有民眾同有大學生死喎
恁我o地亞馬生 講o個o的又係咩o黎呢 ~ 唔通係劇本?

黃 雀 行 動 總 指 揮 首 揭 救 人 歷 程
黃 雀 行 動 詳 情
目 的 ： 於 89 年 六 四 事 件 後 ， 協 助 內 地 民 運 人 士 逃 亡 海 外
時 間 ： 89 年 6 月 中 旬 至 89 年 底
策 劃 者 港 商 陳 達 鉦 為 行 動 總 指 揮 、 演 藝 界 人 士 岑 建 勳 被 指 參 與 策 劃
參 與 人 士 ： 中 共 黨 政 軍 人 士 、 外 交 人 員 ， 以 至 人 權 分 子 、 商 人 、 走 私 客 及 有 黑 社 會 背 景 人 士
行 動 範 圍 ： 從 內 地 華 南 至 華 中 、 華 北 ， 一 直 伸 延 至 西 北 、 蘭 州
過 程 ： 用 俗 稱 「 大 飛 」 的 快 艇 由 內 地 華 南 沿 岸 偷 運 民 運 人 士 經 本 港 往 海 外 ， 部 份 逃 亡 者 需 喬 裝 打 扮
成 功 獲 救 人 士 ： 學 運 領 袖 吾 爾 開 希 、 柴 玲 、 封 從 德 ； 已 故 總 書 記 趙 紫 陽 智 囊 嚴 家 其 及 陳 一 咨 ， 電 視 政 論 片 《 河 殤 》 總 撰 稿 人 蘇 曉 康 等 400 多 人
資 料 來 源 ： 陳 達 鉦 及 《 蘋 果 》 資 料 室
咁多年o黎 都聽唔少 (但知道唔多) 六四前後o既新聞 知道原來當年有好多各方各界人士 (包括社團人士) 協助民運人士離開中國 ~ 這些情節 好似電影《黑社會》都有講呢
,不過如果電影情節真係反映現實的話 ~ 其實 今時今日 再沒有甚麼「江湖義氣」的了 ~ 所以如果悲劇真係發生多次的話 ~ 可能真係會好似馬生咁講 「冇死過人」都唔定了
六 哥 隱 身 燭 光 集 會 17 年
「六哥」者, 陳達鉦也
(62 歲 的 陳 達 鉦 ， 現 為 香 港 唯 勝 企 業 有 限 公 司 、 義 德 洋 行 及 華 美 門 有 限 公 司 的 董 事 總 經 理 ， 其 七 弟 陳 達 鉗 也 有 參 與 黃 雀 行 動 。
六 四 事 件 發 生 時 ， 陳 達 鉦 擁 有 很 多 生 意 ， 包 括 酒 店 和 娛 樂 公 司 ， 但 如 今 卻 「 一 塌 糊 塗 」 。 「 借 給 朋 友 幾 千 萬 ， 都 要 不 回 來 ， 造 成 我 目 前 經 濟 上 的 困 難 。 」
陳 達 鉦 不 幸 於 96 年 遇 襲 ， 右 腦 受 損 ， 導 致 反 應 遲 鈍 ， 左 手 萎 縮 。 17 年 來 ， 「 六 哥 」 都 有 出 席 維 園 舉 行 的 六 四 燭 光 集 會 ， 卻 隱 身 人 群 之 中 。
有 報 道 指 他 00 年 曾 被 內 地 軍 方 恐 嚇 ， 陳 達 鉦 澄 清 當 時 只 是 幫 朋 友 處 理 商 業 糾 紛 ， 對 方 聲 稱 是 軍 方 的 人 ， 「 但 我 說 軍 方 我 也 不 怕 ， 這 是 一 個 誤 會 ， 與 黃 雀 行 動 無 關 。 」)

電 車 出 軌 如 狂 龍 衝 30 米
途 人 爭 相 逃 命 　 共 釀 5 人 受 傷



今日去到青衣麥宅到 因為佢地都有開住新聞台睇新聞 就聽到一個好特別o既詞語 ~ 唔知應該點讀
就係「普洱」
素來只道「普洱」二字應是廣東人最愛飲的一種茶 ~ 價錢由幾蚊一兩到幾百蚊兩 甚至更貴的都有
但原來「普洱」還可是地方名呢 ~ 普洱就正是今早凌晨時份雲南地震之災區
問題係電視機畫面 (有線新聞台) 讀的是「普耳」
即刻問麥生 這不是「普梨」嗎? 他也說是「普耳」
但到了晚上回到家就發現原來無線讀的是「普梨」,還說「普洱」原本不叫「普洱」(叫「思茅」),不過是今年四月才正式易名,原因就是因為當年以種植「普洱」而聞名

奇怪的是 成個朝早同晏晝 now財經台同亞視都係讀「普耳」,到晚上now財經台依然是讀「普耳」
之不過原來亞視到晚上 已改讀「普洱」為「普梨」了
點解會咁o既呢
另一奇怪之處 就是用手機重溫朝早無線對地震的報導 ~ 原來周嘉儀同黃章翹都係讀「普耳」的
但為何到六點半新聞 (午間新聞是不在家) (其家收費電視的新聞台亦不清楚它們怎麼讀) 的時候
會全部改讀「普梨」呢 ~ 就連黃章翹(再次)報導該新聞時也讀「普梨」 (不讀普「耳」)
當然 更奇怪的是 原來這個港人應該耳熟能詳的字 字典上的廣東音話「耳」,而非「梨」或「利」
那為何香港人會叫「普洱」做「普洱」,而不讀「普耳」呢?
有誰可以講下呢?
究竟是(普洱市)「寧洱鎮」定係「寧洱縣」呢?

另一令人感到奇怪的是 原來梳士巴利道「陸沉」(沉降 / 地陷) 呢
是因為九廣鐵路 九龍南線的工程之故? 九鐵就絕對否認與事件有關,認為是地質不尋常之故
幸好(縱使漏煤氣都)冇傷人 / 死人 ~ 但就一定會交通擠塞了
另一單 令人傷心的新聞 就係一名香港十三歲女童 今日在廣東(東莞常平)被塌下來的簷篷壓死

唔知《Cash Back》會唔會出碟呢 (就算係o的乜叉電影台都應該唔會播掛 ~ 唔係美國片,更不是港產片;而是英國片)
原來電影節詳刊的中文介紹是誤導觀眾的 ~ 幸好沒有人因此而睇完這套《愛情回水》而叫「回水」
今日最終隱到手 ~ 補完習就出番葵芳 冇去油麻地 ~ 唔係o既話 可能真係睇完仲會去埋「信o左」到買上戶彩隻新single呢
check番張月結單 原來好多條數 都係o係每月上旬過數的 (無啦啦 而家每個月仲要畀多二百蚊)
如果今日唔張麥太畀o既補習費入銀行 (尋日就已經冇) 就真係唔知會唔會被人收手續費喇

去到新都會 ~ 就發現原來間葵芳三聯做埋今日 就會摺埋 六日後 (六月九號) o係對面o既葵涌廣場重新營業
今日 有多書做特價呀 ~ o的英文書 有好多仲買二送一或者一百蚊四本添
買二送一仲包括肥彭o既Not Quite A Diplomat ~ 奇怪在買二送一o既書價錢由「低至」九十幾蚊 到高至肥彭呢本一百四十幾o既都有 ~ 如果買二送一 又買埋肥彭 ~ 其實都唔係真係平好多乍 ... ...
o係三聯遊走近三小時 ~ 最後為荷包著想 都係一毫子都冇駛過 (除o左搭車番屋企)
連o野食都冇買 ~ 尋日都係 ~ 真要多謝 麥宅的早餐呢
尋日餐米粉仲係麥公子親自下廚呢
(第一次學生煮o野畀老師食呢)
佢仲落晒成罐五香肉丁添 ~ 出面o的茶餐廳 一定唔會落咁重本呢

佢早排參加o左個新南威爾士大學搞o既英文測試 (唔知係咪全港中學生去考都係同樣o既難度 甚至係同一份券?)
佢雖然五十五分只得二十二分 ~ 但原來已經係全港(有份參加同一次測試的)中二學生的Top 21 percent了
佢話份卷勁難 ~ 可惜冇得睇下份券係點 ... ...

本來其實打算早o的番屋企 睇o左隻《桃李滿門》的
點知番到屋企都成五點 ~ 咁o岩最想睇o個個(阿爸) 又o岩o岩出門口
結果就拎住個now寬頻電視o既搖控 係咁舞
發現 原來那十個體育台係呃人的 ~ 有成一半都仲未睇到 ~ 錢又要收
(真係應該等新一季英超聯開鑼先校都未遲啦 ~ 到時可能會再平o的添)
個姓張o既 sales 尋日又同人校鬼死咁多電影台 ~ 其實多多廿幾個台 根本就睇唔晒的
真係想廢番一兩個台(o個幾個電影台 平o既都成廿蚊) ~ 開個日日播幾十年前西片 (發黃的黑白片) o既119台 月費都係10蚊 ~ 多出o黎o既錢 仲或者可以睇多一兩個台添
死蠢
個Animax 播o既《龍珠》 原來竟然冇配音
最大問題係 如果唔用搖控 有冇邊度 可以check 到o的台播咩呢 ~ 邊度搵時間表呢

最後 聽日應該點都會去燭光晚會的 ~ 就差在冇錢買o野食o者 ~ 不過星期二又會有糧出喇
星期五、星期六同星期日都會
與其睇陶大宇 真係倒不如去燭光晚會 ~ 所以補習都推o左
去PWH 打針 (打唔打得成都好) 仲大條道理 同學生請假添 ... ...
如果真係好似超人話齋 ~ 燭光晚會 變 「祝酒晚會」 就更好 ~ 馬主席出現就更好
一定個個同佢飲勝 仲可能會爆樽添 ~ 場面一定會好壯觀

PS: Inti話o黎緊幾個禮拜都冇《組Band時間》呢 ~ 要到回歸十周年當晚 《組Band時間》先會「回歸」
而呢個 就緊係去完「七一遊行」(如果今年都可以照樣搞得成) 返到屋企o既最佳節目啦!

>>June 4, 2007 at 12:21:11 AM GMT+8